எல்லாவற்றையும் சொல்ல முடியாது:
செந்தாமரையை காப்பாற்றிய வெடிமுத்து “என்னய்யா இப்படி செஞ்சிட்டீங்க? இந்த நேரத்தில் ஓடிவரக்கூட முடியாமல் எதுக்கு இந்தப்பக்கம் வந்தீங்க”?
கம்பெனி குதிரைகள் வெடிச்சத்தம் கேட்டு அரண்டு வேறுபக்கம் திரும்பியிருக்க வேண்டும் குதிரை காலடிசத்தம் நின்றிருந்தது.

“என்னைத் தேடி கம்பெனி ஆட்கள் துரத்தி வந்தார்கள் அதுதன். இப்படி கண் மண் தெரியாமல் ஓடி வர வேண்டியதாயிற்று என்றார் செந்தாமரை.
அவர்கள் எதற்கு உங்களைத் தேடி வர வேண்டும்? அப்படியே பிடித்தாலும் அவர்களால் உங்களை என்ன செய்துவிட முடியும்?- வெடிமுத்து.

இப்போது வெடியும் பாறையும் செய்யாது விட்ட வேலையை அப்போது பாம்பு செய்யாத வேலையை அவர்களால் செய்துவிட முடியும். என்றார் செந்தாமரை.
அதென்ன வேலை?-வெடிமுத்து.. அவர்களால் என்னைக் கொன்றுவிடவும் முடியும்- செந்தாமரை.
அப்படி என்ன பெரிய தப்பா செய்திருக்கப் போகிறீர்கள்? பார்த்தால் படித்தவராயும் நல்லவராயும் இருப்பது போலத் தெரிகிறதே..
“ஆமாம் படித்து நல்லவராயிருப்பதுதான் தவறு. பதிலை நீயே உன் வாயாலேயே சொல்லிவிட்டாய். இவர்கள் பேசிக் கொண்டிருக்கும்போதே மறுபடியும் குதிரைகளின் காலடி சத்தம் மெதுவாக கேட்க ஆரம்பித்துவிட்டது.

“கேள்வி மேல் கேள்வி கேட்டு நீயும் என்னை அவர்களிடம் அனுப்பிவிடாதே, ஆசுவாசப்படுத்திக்கொள்ள இடம் தேடு” என்றார் செந்தாமரை.
“நீங்க கவலைப்படாதீங்க இனி என்னை மீறி எவரும் உங்களை அண்டமுடியாது என்ற வெடிமுத்து இப்படி வாருங்கள் என சற்றுத்தள்ளியிருந்த ஒரு ஆயில் மோட்டார் வைத்த பம்ப் செட் அறைக்குள் இவரை அழைத்துச் சென்று கதவைத் தாழிட்டார். உள்ளே கடலைக்காயும் பனைவெல்லமும் இருக்கு சாப்பிட்டுக் கொண்டிருங்கள் நான் பார்த்துக் கொள்கிறேன் மீதியை என்ற வெடிமுத்து வெளியேறிய

சற்று நேரத்திலேயே”வில்லியம் சேண்டர்ஸ்” Fவைன்ட் அவுட் த மேன் குயிக்லி; என்ற ஆர்டர் கேட்டது. என்ன மணியக்காரரே என்ன இந்த நேரத்திலே யாரைத் தேடறீங்க என்று அந்த வெள்ளையனுடன் இருந்த மணியத்தை கேட்க ” இந்தப்பக்கம் ஒரு ஆள் காலை நொண்டியபடி வந்தானா? எனக் கேட்க: அப்படி யாரும் வந்திருக்கவே முடியாது. வந்திருந்தாலும் கொஞ்ச நேரத்துக்கு முன் வெடித்த வேட்டு அவனை பரலோகம் அனுப்பியிருக்கும், நான் விடிவதற்குள் இந்த கிணறை ஆழப்படுத்தும் வேலையை முடித்துத் தர வேண்டும் சீக்கிரம் செல்லுங்கள் அய்யா; இன்னும் ஒரு வேட்டு பாக்கியிருக்கிறது என்றான் வெடிமுத்து இயல்பாக.

வாட் ஹி ஈஸ் டெல்லிங்? ஹி ஈஸ் டெல்லிங், நோபடி கேம் ஹியர்.சார். வாட் ஹி ஈஸ் டூயிங் இன் திஸ் டைம் ? ஹி ஈஸ் பிளாஸ்டிங் ராக்ஸ் இன் தெ வெல் டு கெட் த வாட்டர் சார். வெதர் ஹி ஈஸ் லைசென்ஸ் டு டூ தட்?
எஸ் சார். ஹி ஈஸ் த மேன் ஆவ் தெ பர்பெக்ட் சார். ஹி ஈஸ் லைசென்ஸ் டு டூ தட்; வி ஒன்லி புரவைடட் தட் என மணியமும் வில்லியம் சேண்டர்ஸ்-உம் உரையாடியபடியே ஓகே லெட் அஸ் மூவ் என அனைவரும் திரும்பிச் செல்ல ஆரம்பித்தனர்.

அவர்கள் சென்ற அரவம் அடங்கியதும், பம்ப் செட் கிணற்றின் கதவு தாளைத் திறந்து “போய்ட்டாங்க , இனி எந்த கவலையும் வேண்டாம் ஐயா, என்ற வெடிமுத்து அவர்களிடம் சொல்லியது போல இன்னொரு வெடியையும் முடித்துவிட்டு வந்துவிடுகிறேன் அதுவரை இங்கேயே இருங்கள் என அடுத்த ஒரு ஒயரிலும் தீப் பொறியை வைத்தான்.

அதுவும் சில மணித்துளிகளில் சுறுசுறுவென பற்றிப் படர்ந்தபடி வெடியை நோக்கி முன்னேறி தப்பாமல் வெடித்துச் சிதறியது. வெடிச்சத்தம் கேட்ட பரங்கியரும் இவன் சொல்வது உண்மையே என நம்பி நகர்ந்து திரும்பிச் செல்ல ஆரம்பித்தனர். விடியற்காலை சேவல்கள் கூவ ஆரம்பித்துவிட்டன. மணி 3 இருக்கும் இன்னும் சற்று நேரத்தில் விடிந்துவிடும் நாம் சற்று உறங்குவோம் என வெடிமுத்துவும் செந்தாமரையும் முயற்சி செய்தனர். மறுபடியும் வாய் இருக்க மாட்டாமல் அப்படி என்னதான் செய்தீர்கள்”? செய்கிறீர்கள் என வெடிமுத்து கேட்க:

“எல்லாரிடமும் எல்லாவற்றையும் சொல்லமுடியுமா? என்றார் செந்தாமரை. அது சரிதான். சரியான தத்துவம் படித்த பேர்வழியாய் இருப்பீர் போலிருக்கிறதே நான் ஏதும் கேட்கவேயில்லை, நீங்களும் சொல்லவேண்டாம் ஓய்வெடுத்துக் கொள்ளுவோம் என அமைதியானர்கள்.
செஞ்சூரியன் பொற்கிரணங்களுடன் புறப்பட்டான்…

அறவுரை(அமைதி நல்மொழி அற்புத வழி)
கவிஞர் தணிகையின் காவிரிக்கரையோரத்தின் காலச் சங்கிலிகள்
தொடர்: வலையம்: 44.
எல்லாவற்றையும் சொல்லமுடியாது.

மறுபடியும் பூக்கும்வரை:
கவிஞர் தணிகை.

போராளி: சசிக்குமாரும் சமுத்திரக் கனியும் போராளிகள்தான் என்பதை இந்தப் படம் மூலம் நாம் அறிய முடிந்திருக்கிறது. ஷ்ரீதர்;பாலச்சந்தர்;பாரதிராஜா;பாலுமகேந்ரா;மகேந்திரன்,பாக்யராஜ் பசங்க பாண்டிராஜ் போன்றோர் வரிசையில் இந்தப் போராளியின் படைப்பாளிகளும் ஒரு காலக்கட்டம்வரை அலைவீசுவார்கள் என உறுதியாக நம்பலாம். மணிரத்னம்;சங்கர்; லிங்குசாமி;கௌதம் மேனன்; இன்னும் பல புது அலைபரப்பும் படைப்பாளிகளை ஏன் குறிப்பிடவில்லை எனில் இவர்கள் சில நேரங்களில் கதையின் அடித்தளத்தை நம்புவதைவிட காட்சியின் பிரும்மாண்டத்தில் பெரும்பாலும் ஈடுபடுகிறார்கள்.

மௌனகுருவும் போராளியும் எங்கோ சில புள்ளிகளில் இணைகின்றன எனினும் கதைக்களமும் போக்கும் வேறு வேறு. சினிமா என்ற மீடியத்தை அப்பழுக்கற்ற வாழ்வியல் படப்பிடிப்பாக சுப்ரமணியபுரம் தந்த இரட்டையர்கள் “சசிக்குமாரும் சமுத்திரக்கனியும் வழங்கியுள்ளார்கள். மௌனகுரு இதை விட நன்கு ஓடியிருப்பதாக நம்பத்தகுந்த நண்பர் குறிப்பிடுகிறார். அவர் சேலம் ஏ.ஆர்.ஆர்.எஸ் மல்டிப்ளக்ஸ் அருகே அலுவலகம் வைத்திருப்பவராதலால் அவர் சொல்வது சரியாகவே இருக்கலாம்.

ஆனால் மௌனகுருவை விட இந்த படம் மேல் என்பது எனது கருத்து. சொல்ல மொழியில்லை சூபர்ப். இத்தனை நாளாக எங்கிருந்தீர் மதுரை நண்பர்களே எனக் கேட்குமளவு.படம் நகர்வதே தெரியவில்லை . படுவேகம்.

சசிக்குமாரும் பெட்ரோல்பங்கும், தீமைக்கும் நன்மைக்கும் செல் நெம்பரும்; உதிரி நடிகையாக வரும் சுப்ரமணியபுரத்து தெத்துப்பல் நடிகையும், இணைக் கதாநாயகனாக வரும் அந்த இழுப்பு இழுத்தபடி நடிக்கும் அந்த உயரமான இளைஞனும்;விலங்கு வேசமிடும் கருப்புவும்; கிராமப் பின்னணியும், சென்னை நகரச் சூழலும், மன நிலை பிறழ்ந்தோர்க்கான மருத்துவமனையும் எவருமே நடித்ததாகத் தெரியாத காட்சி அமைப்புகளும் படபதிவுகளும்; நல்ல படம். நண்பர்கள் பார்க்கச் சொன்ன படம். காலம் கடந்தும் தாழ்த்தியும் பார்த்தபின்னும் அதிர்வலைகள் அடங்கும் முன் சசிக்குமாரையும் சமுத்திரக்கனியையும் பாராட்டவேண்டும் என்பதற்காகவே இதை எழுதுகிறோம்.

அந்த ஆட்டுக்கார தென்மேற்கு பருவக்காற்று நாயகி கொஞ்சநேரம் வந்தாலும் அருமையான வீராங்கனையாக நம் நினைவில் பதிகிறார். எவ்வளவு காலம்தான் துரத்த துரத்த ஓடிக் கொண்டே இருப்பது என நானும்கூட இந்த குடிகாரர்களையும் குடிகார அரசையும் எதிர்த்து திரும்பி நிற்கலாம் இந்த போராளியைப் போல என்றாவது ஒருநாள். நல்ல யதார்த்தமான பார்வை சினிமாத்தனம் கலக்காத சினிமா எனச் சொல்லலாம். அந்த சண்டைக்காட்சிகளை மிகைப்படுத்தாதிருந்திருந்தால்.

ஆனாலும் நல்ல சுவை; ருசி; அருமையான கதை; நல்ல இயல்பான வசனம் சிறந்த நல் இயக்கம்; யதார்த்தமான நடிப்பு இணைந்த இசை ஆனால் பாடல்களை எல்லாம் பின்னுக்குத் தள்ளி காட்சியின் கவர்ச்சிகள் நம்மை விழுங்கிவிடுகின்றன. எல்லாரையும் இதில் ஈடுபட்ட அத்தனை போராளி நண்பர்களையும், தோழர்களையும் பாராட்டுகிறோம். வாழ்த்துகிறோம். மறுபடியும் பல நல்ல வெற்றிப்படங்க்ளை சோடைபோகாமல் உழைத்துப் பெற்றுத் தர.! மதுரை மண் தந்த அத்தனையும் பொன்.

மறுபடியும் பூக்கும்வரை:
கவிஞர் தணிகை.

ஏர்செல் கம்பெனி ஒழிக;அழிக:இது எனது குரலின் பதிவு மட்டுமல்ல.எனைப் போன்று பாதிக்கப்பட்ட இலட்சக் கணக்கானவர்களின் ஓலம்.இது ஒரு வசை மாரி.எனது எழுத்துக்களைப் படித்துவரும் பெருமான்களும் பெருமாட்டிகளும் நான் இப்படி எழுதுவதற்கு பிழை பொறுப்பாராக. அல்லது படிக்காமல் விட்டுவிடுவார்களாக.

ஏர்செல் கம்பெனியின் முதலாளி மற்றும் நிர்வாகிகள் தமது மனைவி மக்களை விற்றுகூட பிழைக்கலாம் இப்படி வாடிக்கையாளர் பணத்தை வஞ்சித்துக் களவாடுவதற்கு மாறாக; இப்படி திருடுவதற்கு மாறாக; இப்படி பகற்கொள்ளையடிப்பதற்கு பதிலாக. அதில் பணியாற்றும் நியாயமான பணியாளர்கள் உடனே அந்த நிறுவனத்திலிருந்து பணி புரிவதிலிருந்து விலகி பாவம் காத்துக் கொள்வது நல்லது. இந்தக் கம்பெனி முதலாளிமார்களும் தலையாய பதவியில் இருக்கும் குடும்பத்தினரும் பயணம் செய்யும் கார்கள் அந்துவானக் காட்டில் விபத்துக்குள்ளாகி குடிநீர் தரக் கூட ஆளின்றி தவித்து இறக்கலாம் நல்ல சாவு கூட வராமல்.இவர்கள் செல்லும் இரயிலும்; விமானமும் அப்படியே நொறுங்கி சிதையலாம். இவர்கள் வீட்டில் பணி செய்யும் ஓட்டுனர்களும்; வேலைக்காரர்களும் இவர்களது பெண்டு பிள்ளைகளை களவாடிச் சென்று கெடுத்து பிச்சையெடுக்கவோ அல்லது சிவப்பு விளக்கு. விபச்சார விடுதிகளிலோ விற்றும் விடலாம்… இவர்களின் அடுத்த தலைமுறைக்கு வளரும் பேரன் பேத்திகள், மகன், மகள்கள் உறவுகள் இவர்கள் கண்முன்பே அழிந்து போகலாம். இப்படி எல்லாம் இவர்களை சபிக்க காரணமுண்டு. ஆனால் அது எமது தகுதிக்கு குறையாகி விடும் என்ற காரணமும் இருப்பதால் இவற்றை எல்லாம் நான் எழுதவில்லை, எழுத விருப்பமும் இல்லை. இப்படி பாதிக்கப்பட்டவர்கள் எண்ணுகிறார்கள் அதில் தவறு ஏதுமில்லை.

சிவகுமார் மகன் சூரியா கண்ணியம் காப்பவராக இருந்தால் குடும்பப் பெருமை காத்துக் கொள்ளவேண்டுமானல் “அகரம்” மூலம் பெறும் புண்ணியம் உண்மையாகவே அவர் குடும்பத்துக்கு சேரவேண்டுமானால் முதலில் இந்த ஏமாற்றுக் கும்பல் கம்பெனியிலிருந்து விளம்பரம் செய்து பொருளீட்டுவதை நிறுத்துவது நல்லது.அத்தனையும் அடுத்தவரைத் தட்டிப் பறித்த பாவக் காசு. அதில் இவர் பங்கு போடுவதை விட ஏமாற்றுக் காரக் கம்பெனிக்கு துணைபோவதை விட சும்மா இருப்பது இவருக்கு புண்ணியம். சொன்னால் நடிகர்கள் கேட்பார்களா?

ஏன் எனில் இவர்கள் கொலை; கொள்ளைக்காரர்களை விட மிக மோசமாக வாடிக்கையாளர் பணத்தை கபளீகரம் செய்து இரத்தம் உறிஞ்சும் இரத்தக் காட்டேறிகளாக மாறி வருகிறார்கள். இது போன்ற தனியார் கம்பெனிகளுக்கு 2G.3G எல்லாம் தாரை வார்த்துவிட்டு அட்சயப்பாத்திரத்தை விற்று பிச்சைப்பாத்திரத்தை ஏந்திவரும் நாட்டிலும் அரசிலும் ஏதும் நடக்கலாம்.

இன்னும் மலைப்பாங்கான பகுதிகளில்; யாரும் எளிதில் அடையமுடியா பகுதிகளில் கூட பி.எஸ்.என்.எல் சிக்னல் கிடைக்கிறது. மற்ற தனியார் நிறுவனங்களின் டவரோ; சிக்னலோ, சமிக்ஞைகளோ கிடைப்பதில்லை என்பதை நாம் நினைவு கூர…

மற்ற எல்லா பி.எஸ்.என்.எல்; டாட்டா டொகோமோ; ஏர்டெல்; வோடா; ஐடியா போன்ற கம்பெனிகளைவிட ஏர்செல் மிக மோசமான பகற்கொள்ளை அடிப்பவர்கள் என்பதை புரிந்துகொண்டு உங்கள் இணைப்பு இவர்களோடு இருந்தால் உடனே அதே எண்ணுக்கு மற்ற கம்பெனி இணைப்புகளை பெற்றுக் கொள்ளுங்கள். அல்லது ரீசார்ஜ் செய்வதை இனி நிறுத்திக் கொள்ளுங்கள். அல்லது அந்த ஏர்செல் சிம் கார்டை எடுத்து ஆற்றிலோ; குளத்திலோ கழிப்பகத்தின் மலத்தொட்டியிலோ வீசி எறிந்து விடுங்கள் இவை உமக்கு நல்லது. உங்கள் நன்மைக்காகவே இதை சொல்கிறேன்.இவர்களின் வண்டவாளம் தெரிந்து வெகுகாலம் இவர்கள் இணைப்பை நான் உபயோகிக்கவே இல்லை.

என்கிருந்தோ வந்தான்; இடைச்சாதி நான் என்றான்; இங்கிவனை நான் பெறவே என்ன தவம் செய்துவிட்டேன் என்பதற்கேற்ப ஒரு இளைய நண்பருக்காக இந்தக் கம்பெனியின் இணைப்பை நான் பெற்றதன் பயனை இப்போது நான் அனுபவித்துவிட்டேன் . பிறகு கேட்டால் எங்கு எங்கெங்கும் இதே குரல். பெரும்பாலும் அவர் மட்டுமே அந்த எண்ணில் எமை அழைத்துப் பேசுவது வழக்கம். கடந்த 20.01.2012ல் 60 ரூபாய்க்கு மேல் இருந்த எனது பணம் படிப்படியாக 48.17ஆக குறைந்துவிட்டது நான் பேசாமலே. உபயோகப்படுத்தாமலே. எப்படி குறைந்தது ஏன் குறைந்தது என்று கேட்கப்போனால் வந்தது வம்பு.

பொதுவாக கஸ்டமர் கேரை அணுகுவது படித்தவர்க்கே இந்த தனியார் செல்கம்பெனிகளில் சிரமம். அப்படி அணுகிவிட்டால் ஏர்டெல்; பி.எஸ்.என்.எல்; டாட்டா டொகோமோ, ஏன் வோடா ப்போன்ற கம்பெனிகளில் கூட தவறு அவர்களுடையது எனில் மன்ன்னிப்பு கேட்டுவிட்டு தனது போக்கை மாற்றிக் கொண்டு நமது காசை மறுபடியும் நமக்கு சேர்த்துவிடுவார்கள். அப்படிப்பட்ட பல அனுபவம் நேர்ந்ததுண்டு எனக்கும். “கஸ்டமர் கேர்” தொடர்புக்கு எந்தக் கம்பெனியிலும் பேச்சுவார்த்தைக்கு ஏதும் நம்மிடம் கட்டணம் எடுக்க மாட்டார்கள். பொதுவாக எந்த நிறுவனத்திலுமே.

ஆனால் இந்த திருட்டு கொள்ளைக்காரர்கள் இருட்டிலே பிடித்த கொழுக்கட்டைகள் கம்பெனியில் முதலில் “கஸ்டமர் சீட்டிங்” சென்டர் நடத்திவருகிறார்கள். இதைக் கஸ்டமர் கேர்லஸ் சென்டர் என்றும் சொல்லலாம். இதை முதலில் அணுகுவதே கடினம். அதை அணுகியவுடன் மறுபடியும் ஐ-பேட் வெங்காயம் என இவர்களின் விளம்பரமே வரும்.படித்தவர்க்கே இந்நிலை எனில் படிக்காத ஏழைப் பாமரர் நிலை சொல்லத் தரமன்று. அதற்குத் தகுதியான மொபைல் வேண்டும்.டச் ஸ்கிரீன் அல்லது வேறு ஏதேனும் மொபைல் இருந்தாலும் வாடிக்கையாளர் ஒரு கணம் தாமதித்தாலும் அந்த கஸ்டமர் கேர்லஸ் சென்டரை அணுகவே முடியாது.

வெகு உஷாரான வாடிக்கையாளர் மட்டுமே இவர்க்ள் பாடும் பாட்டுக்கேற்ப தாளம் போட்டபடி கஸ்டமர் சீட்டிங் சென்டருக்குள் சென்று பேசமுடியும்.அவர்கள் பக்கம் தவறு இருந்தாலும் நம்மைப் பார்த்து நமது காசையும் தின்றுகொண்டு ஏன் கத்தறீங்க? என எக்ஸ்கியூட்டிவ் எனப் பேர் சொல்லும் கழுதைகள் கனைக்கும், மென்றுகொண்டே திருட்டுத்தனமாக அப்டுடேட் ஆகவில்லை 1 மணி நேரம் கழித்துப் பேசுங்கள் எனச் சொல்லும் அப்படி 1 மணி நேரம் கழித்து மறுபடியும் முதல் இடத்திலிருந்தே ஆரம்பித்து கஸ்டப்பட்டு நஷ்டப்பட்டு பேசினால் 2 மணி நேரம் கழித்துப் பேசுங்கள் என கீறல் விழுந்த அதரப் பழசான பதிலையே திரும்ப சொல்லும்.

இத்தனைக்கும் முதலில் நாம் பேசுவது இலவசமாம். 2 ஆம் முறைக்கு 50பைசா 3 நிமிடத்துக்கு; 3 ஆம் முறை பேச 60 பைசாவாம் அதே 3 நிமிடத்துக்கு. என நமது பிரச்சனையை முடிக்காமல் நமதுகாசையே உறிஞ்சிக்கொண்டே செல்லும். இந்த முறையை உலகிலேயே முதல் முதலாக இந்த கழுதைமுண்டங்களின் கம்பெனியிடம்தான் கண்டேன்.
எடுத்த காசை போடுவதுமில்லை. இவர்கள் செய்யும் தவறுக்கு நாம் புகார் செய்வதற்கும் சேர்த்து நம்மிடமே அபராதமும் பெற்றுக் கொண்டு கம்பெனியை நாடெங்கும் நடத்திவருகிறார்கள் கடை பரப்பியபடி. இந்த எருமைகளை எருமை மாடுகளோடு ஒப்பிட்டால் எருமைகள் கோவித்துக் கொள்ளும்.

ரௌத்ரமான இளைஞர்கள் இவர்கள் அலுவலகத்தை சூறையாடினாலும்; அடித்து நொறுக்கினாலும் அதில் தவறு ஏதுமில்லை; அது தீவிரவாதமில்லை; அது பகற்கொள்ளையை வஞ்சக ஏமாற்றை தடுப்பது என்பதே ஆகும். இது எனது கருத்து மட்டுமல்ல பாதிக்கப்பட்ட பல்லோரின் கருத்துமாகும். அட என்னிடம்தான் இப்படி என்கிறீர்களா? அதுதான் இல்லை…21 அன்று கந்தாஸ்ரமம் -உடையாபட்டி- சேலம் சென்றோம் அங்குள்ள நன்கொடை மேசையை கவனித்துக் கொள்ளும் ஒரு முதியவரும் நான் பாடும் அதே பாட்டையே பாடிக்கொண்டிருக்கிறார். கடைசியாக 48 மணிநேரத்தில் காசை போடுகிறோம் என்றதாக பெரியவர் சொன்னார். இவனுங்களுக்கு ஒழுங்காக கம்பெனி நடத்த வக்கு வழி இல்லையெனில் யோக்யதை இல்லை எனில் கம்பெனியை இழுத்து மூடிவிட்டு செல்வதை விட்டு விட்டு வாடிக்கையாளர்களின் வேதனையை உச்சத்திற்கு கொண்டுசெல்வது எந்த வகையிலும் நியாயமில்லை.

எனவே இதற்கு ஈடாக எவ்வளவு தொகை தந்தாலும் அது சமாதானமாகாது. இப்படி சம்பாதிப்பதைவிட பிச்சை எடுப்பது சால சிறந்தது. இவர்கள் எனக்கு எதிராக எந்த வழக்கு தொடர்ந்தாலும் அதை சந்திக்க தயார்தான். இதைப் படிக்கும் அன்பர்களும்; நண்பர்களும் எனக்கு ஏதாவது செய்ய விரும்பினால் முதலில் இந்தக் கம்பெனியின் தொடர்பை அறுத்துக் கொள்ளுங்கள். இது எனது அன்பான வேண்டுகோள். உமக்கும் அது நல்லதுகூட. சிரமம் மேற்கொண்டு நுகர்வோர் மன்றமும் செல்லலாம் என்றே இதை தற்காலிகமாக முடிக்கிறேன். உமக்கு வேறு வழி ஏதாவது தெரிந்தால் விவரங்களுடன் பங்கிட்டுக் கொள்ளுங்கள்: நோடல்; ட்ராய் இப்ப்படி. அனைவரிடமும் சொல்லுங்கள் இவர்களை மேலும் ஒழிக்க உங்கள் அனுபவங்களையும் பகிர்ந்துகொள்ளுங்கள் அனைவரிடமும் இந்த கருத்தை கொண்டு செல்லுங்கள்.அழியட்டும் ஏர்செல் போன்ற கம்பெனிகள் ஒழியட்டும் அது அடிச்சுவடே இல்லாமல்.

மறுபடியும் பூக்கும்வரை:
கவிஞர் தணிகை.

மாட்டுப் பொங்கல் தினத்தில் எனது பயணம்:திருமலைக்கோடி முதல் வேடந்தாங்கல் வரை:பின்பனிக்காலத்தில் இரவுப் பயணமும் விடிகாலைப் பயணமும் சகித்துக் கொள்ள வேண்டியதாயிருந்தது. எனது தங்கையின் சொந்த காரும் தற்காலிக ஓட்டுனரும் கைகொடுக்க 700கி.மீ முதல் 800 கி.மீ பயணம் முதல் நாள் விடிகாலை4.00 மணியளவில் புறப்பட்டு மறுநாள் நள்ளிரவு 2.30 மணிக்கு புறப்பட்ட இடம் வந்து சேர.

முதலில் திருமலைக்கோடி எனப்படும் ஷ்ரீபுரம் போக அங்கு ஐய்யப்ப பக்தர்கள் குவிந்திருந்தனர். திருமலைத் திருப்பதி போல இங்கும் பட்டி போட்டுவிட்டார்கள். ஆனால் அவ்வளவு காலம் தாமதம் அல்ல. இந்த ஷக்தி அம்மா எனப்படும் குருஜிக்கு 35 வயதுதான் ஆகிறது 16 வயதில் இந்தப் பக்கம் வந்ததாகவும் இந்த திட்டத்தை ஆரம்பித்ததாகவும் குறிப்புகள் உள்ளன. 19 ஆண்டுகளில் இந்த வளர்ச்சி. சொல்லி மாளாது. நேரில் பார்த்தால் தான் தெரிந்துகொள்ள முடியும். எல்லா முக்கிய பொறுப்புகளும் கன்னட மனிதர்களிடம் கொடுக்கப்பட்டிருக்கிறது. தமிழ் வியாபாரிகள் வளாகத்துக்கு வெளியே பிச்சைக்காரர்களைப் போல் வழக்கம்போல் பாசி ஊசி; செய்வினைப் பொருட்களை விற்பனை செய்து கொண்டிருக்கிறார்கள்.

100 ஏக்கர் நிலம் தோட்டமாக; ஊற்றாக ; குளமாக; கோயிலாக; வணிக வளாகமாக; பூரித்துக் கிடக்கிறது. மதியம் 12 மணி முதல் 3 மணி வரை மதிய உணவும் கொடுக்கிறார்கள். வாழை இலையில் மணக்க மணக்க சுடச் சுட 3 முறை அளவின்றி சாம்பார், ரஸம்; மோர், பொறியலுடன். முதலில் தரும் உணவே நம் போன்றோர்க்கு போதும் உழைக்கும் வர்க்கம் 3 முறையும் வாங்கி சாப்பிடுகிறது நிறைவாக.மற்ற நேரங்களில் தொன்னைகளில் பிரசாதம் தருகிறார்கள். அன்னதானம் தானியமாகவோ பணமாகவோ வழங்கலாம். எல்லாவற்றுக்கும் ஒரு கட்டணம் நாராயணியைக் கும்பிடுவதைத் தவிர. இவ்வளவு ஏரிநிலமும் இவருக்கு எப்படிக் கொடுத்தார்கள் இவரிடம் அல்லது இந்த அறக் கட்டளையிடம் எப்படி சுமார் அல்லது தோராயமாக (சொல்லக் கேள்வி) 3 டன் தங்கம் கிடைத்தது என்பதெல்லாம் ஆராய்ச்சிக்குரிய கேள்விகள். நாகராஜ் என்று பேர் சொன்னார்கள் அது சரியோ தவறோ? இந்த அம்மா மேல்மருவத்தூர் அம்மா போல குடும்பஸ்தர் அல்ல இந்த ஷக்தி அம்மா ஒரு இளைஞர் இவர் நல்ல சேவை செய்திருப்பதாக சில விளம்பர போர்டு அறிக்கைகள் காண்பிக்கின்றன.கோயிலில் இன்னும் 2 மேல்விதானக் கூரைகள் மட்டும் சிறியதாக தங்கத் தகடுகள் இன்னும் வேயப்படாமல் உள்ளது மற்றபடி எல்லாம் தங்கத்தகட்டால் மூடப்பட்டு உள்ளன. நாராயணி தங்க வீட்டில் குடி கொண்டிருக்கிறாள் என்பதாக செய்திருக்கிறார்கள். பார்வையாளர்களும் உள் சென்று வணங்கலாம். ஆனால் எவரும் தங்கத்தை தொடமுடியாதபடி அகழி சுற்றியும் வெட்டப்பட்டு நீரால் நிரப்பப்பட்டுள்ளது. ஓடிவரும் படி நீரில் எதையும் போடாதீர்கள் என்கிறார்கள் விளம்பரப்பலகை வைத்தும் அறிவுறுத்தியுள்ளனர் ஆனால் பார்வையாளர்கள்: வளையல்கள்; காசு; பணம்; டெபிட் கார்டு; கிரிடிட் கார்டுகள் இன்னும் விசிட்டிங் கார்டுகள் எல்லாம் விசிறி உள்ளனர். மடத்தனத்துக்கு ஒரு அளவில்லாமல்.

எல்லா மதங்களையும் வளைத்துப் போடும் வண்ணம் இருக்கிறது இந்த திட்டத்தின் அமைப்பு, இந்து; முஸ்லீம்; கிறிஸ்தவர்; வெளி நாட்டவர் எவருமே பாகுபாடின்றி வந்துசெல்வதும் தமிழ்; ஆங்கிலம்; இந்தி; கன்னடம்; தெலுங்கு ஆகிய 5 மொழிகளிலும் எல்லாம் சொல்லப்பட்டிருக்கிறது. ஒருவகையில் பார்த்தால் அமிர்தஸரஸ் பொற்கோயில் போலவும் மறுவகையில் பார்த்தால் தாஜ்மஹால் முன் உள்ள நீர் ஊற்றுகள் உள்ள அமைப்புடனான பூங்காவும் காணப்படுகிறது. முக்யமான நபர்கள் வரும்போதுமட்டும் இந்த வழிகள் திறக்கப்படுகின்றன. இவ்வளவு பணம் செழிக்கும் பூங்காவில் இன்னும் பணம் பணம் என்று எல்லாம் விற்றுக் கொண்டிருப்பது இவர்களின் தொழில் நுட்பம் பறைசாற்றுகிறது. எவ்வளவு பணமானாலும் அள்ள அள்ள கிள்ள் கிள்ள குறைந்து விடுமே அதை தக்கவைக்க திட்டத்தை மேலும் வளர்க்க இந்த வியாபார உத்தி எல்லாம் தேவைதான்.

எல்லாவற்றையும் மீறி எனக்கு ஒரு கம்யூனிசப் பார்வை அங்கு வந்தது அது: இந்த தங்கக் கோயில் திருப்பதி; மேல்மருவத்தூர்; அமிர்தானந்தமயி; சாயிபாபா அறக்கட்டளை எல்லாவற்றையும் பிடிங்கினால் போதுமே இந்தியாவில் ஏழ்மை இருக்காதே என்று. ஆனால் நிர்வாகம்; நிறுவனம் எல்லாம் சுத்தமாக தெளிவாக இருப்பதாக மேம்பார்வைக்கு தெரிகிறது. உள்ளே என்னவோ தெரியவில்லை. எனக்கு வாயடைத்துப் போனது இதை எல்லாம் பார்க்க பார்க்க: ஏன் எனில் நானும் சேவை செய்தேன் வியாதிகளைத்தான் பெற்றேன் வலைதளத்துக்கு முழுக்கட்டணம் கூட கட்டமுடியாமல்தான் எனது பயணம் சென்று கொண்டிருக்க எப்படி இவர்களால் இப்படி எல்லாம் உண்மையாகவே கடவுள் அருள் பெற்றவர்களோ? இவருடன் எஸ்.எம்.கிருஷ்ணா முதல் இறந்து போன பங்காரப்பா; தேவகவுடா;ராமகிருஷ்ண ஹெக்டே இப்படி எல்லா கர்நாடகா பெரும்புள்ளிகளுக்கும் தொடர்பிருப்பதாகவும் அவர்களின் கறுப்புப் பணம் இப்படி மடைமாற்றம் செய்யப்படுகிறது என ஒரு கருத்தும் இல்லை இது எல்லாம் மேலைநாட்டிலிருந்து இந்த திட்டத்துக்கு தரப்படும் நிதி உதவியிலிருந்தே வருகிறது என மறு கருத்தும் உலவுகிறது.

அடுத்து ஒரு நமது தமிழக அரசின் பார்வை படாத செய்தி: செய்யாறு என்றும் திருவந்திபுரம் என்றும் ஒரே ஊருக்கு 2 பெயர்கள். எல்லா மைல் கல்லிலும் மாற்றி மாற்றி குறிப்பிடுகிறது. வெள்ளையர் காலத்துப் பெயர் செய்யாறு என்றும் அது இன்றும் தொடர்கிறது என்றும் தமிழில் திருவந்திபுரம் என அழைக்கப்படுகிறது என்றும். புதிதாக ப்யணம் செய்பவர்க்கு இந்த விஷியம் தெரியாதவர்க்கு இது குழப்பம் ஏற்படுத்தாதா? ஏன் அரசு இதை ஒரே பெயர் கொண்டு எல்லா மைல் கல்லிலும் உபயோகப்படுத்தக் கூடாது? இந்த சின்ன விஷியத்தைக்கூட இதுவரை செய்யாத தமிழக அரசுகள் ஏன் பெயரை மட்டும் மாற்றி வைக்கவேண்டும் என்பதுதான் எனது கேள்வி.

மானாம்பதி; புலிவாய்; பால்வார்த்து வென்றான்; பழிக்கஞ்சி; உத்திரமேரூர் இப்படி எவ்வளவு அழகான தமிழ் பெயர்கள் ஊர்களுக்கு. அந்தப்பக்கம் பயணம் செய்வதே பெருமையான விஷியமாய் இருக்கிறது. உத்திரமேரூரில்: பரமேஸ்வர வர்மனால்-பல்லவ மன்னரால் பராந்தக சோழர் காலத்து கல்வெட்டு தேர்தல் வரைமுறைகளையும் அதில் நிற்பவர்களின் ஒழுக்க நெறிகளையும் குறிப்பிட்டுள்ளது. 30 குடும்பங்களுக்கு ஒரு பிரதிநிதி என்றும் அவர் பஞ்சமா பாவங்கள் எதுவும் செய்யாதவராகவும் (கொலை; கொள்ளை,அடுத்தவர் மனைவியுடன் உறவு கொள்ளாமை போன்றவை) தேர்தல் முடிந்தவுடன் கணக்கு காண்பிக்க வேண்டும் என்றும் இல்லாவிட்டால் அவர் அந்த சமுதாயத்திலிருந்தே உறவுகளிடமிருந்தேகூட விலக்கிவைக்கப்படவேண்டியவர் என்றும் குறிப்பிடுகிறது . அந்தக் காலத்திலேயே தமிழ் நெறி கொடி கட்டிப்பறந்ததன் பறை சாற்று இந்தக் கல்வெட்டு ஆனால் படிக்கமுடியாமல் மிகவும் மங்கலான எழுத்துக்களாகி காணப்படுகின்றன. இதை அதில் உள்ளது இதில் என புதிதாக செதுக்கி வைக்கலாம் அரசு என்பது எனது கருத்து இல்லையேல் நாளடைவில் இது இல்லாமல் போய்விடும்.

இந்த உத்திரமேரூர் கள்ளச்சாராயம் இல்லாத ஊர் எனப் பறை சாற்றுகிறது. ஆனால் எலைட்கடைகளை அரசு திறந்து வரும் இந்தக் காலத்துக்கு இது எத்தனை தூரம் பெருமைசேர்க்கும் என்றுதான் தெரியவில்லை. எனது நண்பர் ஒருவர் பேருந்தில் கலாட்டா செய்தபடியும் வயது முதிர்ந்த பெண்ணிடம் வம்பு செய்த ஒரு குடிகார இளைஞரை நையப் புடைத்ததாக சொல்லி கருத்து கேட்டார் நாம் அடித்து திருத்த முடியுமா? எத்தனை குடிகாரர்களைத்தான் அடித்து திருத்தமுடியும்?

உத்திரமேரூர் ஊரிலிருந்து அருமையான இருகாளை மாடு பூட்டிய வண்டி சிங்காரமாக அலங்காரத்துடன் குடும்பத்துடன் புறப்பட்டு ஜல் ஜல் என ஓடிக் கொண்டிருந்தது பார்க்கவே எத்தனை காணக்கிடைக்காத காட்சி. கைதட்டி கொண்டாடினோம் அது போன்ற நிறைய வண்டிகள் ஒரு கோயிலில் சென்று நின்று கொண்டிருந்தன பூஜைக்காக. அந்த ஊரில் நான் பிறக்கவில்லையே அந்த குடும்பங்களில் ஒன்றாக எனது குடும்பம் இல்லையே என்று ஏங்கவைக்குமளவு அந்தக் காட்சிகள். என்னதான் விஞ்ஞானம் முன்னேறினாலும் அந்த இயற்கையோடு ஒன்றிய மாட்டுவண்டிக் காட்சிகளும் வழியெங்கும் காடுகளில் வைத்துக் கொண்டிருந்த மாட்டுப் பொங்கலும் இன்னும் தமிழகத்தில் பொங்கல் திருவிழா இருக்கிறது எனச் சொல்லி மகிழ்வூட்டியது.

அடுத்து வேடந்தாங்கல்: நாங்கள் பைனாகுலரை மறந்து சென்றோம். என்னிடம் உள்ளது ஒரு யு.எஸ்.எஸ்.ஆர் மேக் .5கி.மீ வரி அருமையாக காண்பிக்கும்.கையடக்கமானது. எனது தங்கை குடும்பமும் மற்ந்துதான் வந்திருந்தது. வேடந்தாங்கல்: வேடன் தங்கல் என்ற தமிழ் பெயரிலிருந்து மருவி ஆகியிருக்கும் என நினைக்கிறேன். மரங்களில் பறவைகள் ஈக்களைப் போல் ஒட்டிக் கிடந்தன. மாலை நேரம் அந்தி சாயும் வேளை அப்பப்பா என்ன காட்சி கண் கொள்ளா காட்சி. எவ்வளவு பெரிய பறவைகள் எல்லாம் முக்யமாக கொக்கு; வாத்து இனங்களில் கண்டம் விட்டு கண்டம் வந்து கூடு கட்ட குச்சிகளை ஒடித்து குஞ்சி பொறித்து குடும்பம் நடத்தி பிறகு பிப்ரவரி மார்ச் மாதங்களில் திரும்பவும் தமது இருப்பிடத்துக்கு திரும்பி செல்கிறதாம். எனது மகன் 8ஆம் வகுப்பு, தங்கை மகன்;9ஆம் வகுப்பு; மகள் சுற்றுப்புறச் சூழல் பொறியியல் – 3ஆம் ஆண்டு மாணவி என அவர்களை விட நாங்களும் மாணவர்களானோம்; குழந்தைகளானோம். இது நமது தமிழக அரசின் ஒரு வெற்றித் திட்டம். எல்லாம் பாடங்களில் படித்து பயனில்லை. சென்று காண வேண்டிய அற்புதமான இடம் செல்ல வேண்டும் என்றால்: நவம்பர் முதல் பிப்ரவரிக்குள் செல்லுங்கள். நல்ல கூட்டம் பறவைகளையும் மனிதர்களையும் சேர்த்துதான் சொல்கிறேன்.

அடுத்து தென்னாங்கூர் பண்டரி நாதர் ஆலயம்: ஒரிஸ்ஸா கோனார்க் மாதிரியில். ஒரே வார்த்தையில் சொன்னால் படு சூபர்ப். பார்க்கவேண்டிய கோயில் ; இரசிக்க வேண்டிய கோயில் கிருஷ்ணர் துணைவியுடன் ஆளுயரம் நின்று அருள் பாலிக்கிறார். அருமையான வடக்கத்திய வேலைப்பாடு. துளஸி இலையும் நீரும்தான் பிரசாதம். அருமையாக சுத்தமாக இதை எல்லாம் சொல்லில் எடுத்து வரமுடியாது சென்றுதான அனுபவிக்க வேண்டும்.
குளிரில் இரவுப் பயணம். சரியான உணவு தூயமையாக கொடுக்க முடியாத உணவகங்கள் இவற்றை எல்லாம் பார்த்த காட்சிகளும் அனுபவங்களும் தூசாக பறக்கடித்துவிட்டன. சளி பிடித்துக் கொண்டது பனிப்பயணத்தினால். திரும்பவும் திருவண்ணாமலை வந்து திரும்பினோம். சாலைகள் நிறைய இடங்களில் மோசம். எங்களுடையது புது கார் என்பதாலும் ஓட்டுனர் இளைஞர் என்பதாலும் தாக்குபிடிக்க முடிந்தது.

அரூர் முதல் சேலம் வரை ஒரு வண்டியைக் கூட க் காணோம். நள்ளிரவு. மலை மற்றும் காட்டுப் பாதை. ஒரே அளவான வேகம் அருமையான பயணம் எந்த போக்குவரத்து தொல்லைகளும் இன்றி எல்லாம் ஒரு சுகம்தான் . அதுவும் எனது தங்கை குடும்பம் எமக்களித்தது. எம்மை அனுபவிக்க வைத்த இறைக்கு ; கடவுளுக்கு நன்றி செலுத்தி பயணம் ஆரம்பித்தோம். முடித்தோம்.

மறுபடியும் பூக்கும்வரை:
கவிஞர் தணிகை.

ராஜபாட்டையை விட ஒஸ்தி மௌன குருவும் தம்பி வெட்டோத்தி சுந்தரமும்:
ராஜபாட்டை: தெய்வத்திருமகள் அழகிய திருமகனாக வந்த இந்த விக்ரமுக்கு இந்த படம் சரிவைத் தந்திருக்கிறது. யாரைக் கேட்டாலும் படம் சரியில்லை எனச் சொல்லுமளவு.வெறும் சண்டை சச்சரவுகளை வைத்துக் கொண்டு அது யார் எந்த பிரபல நடிகர் நடித்தாலும் கதி இதுதான். கதை இல்லை. கதை இல்லாமல் எந்த படமும் நன்றாக இருக்காது. சேலம் மாண்ட்போர்ட் பள்ளியில் படித்த எங்களது மாவட்ட மாணவராயிருந்த திறமையான நடிகர் விக்ரம் இதுபோன்ற படங்களை இனி ஒத்துக் கொள்ளாதிருப்பது அவருக்கும் பார்க்கும் நமக்கும் நன்மை.

விஸ்வநாத் எனப்படும் மாபெரும் தெலுங்கு இயக்குனர் இமயத்துக்கு இந்த சிறுபிள்ளைத்தனமான கதாபாத்திரமெல்லாம் தேவைதானா? குருதிப் புனலில் அவர் பங்கு நன்றாகவே வந்திருந்தது என்பதை நாம் எவரும் மறந்திருக்க முடியாது. மொத்தத்தில் இந்த ராஜபாட்டை வெறும் முள்காடு. அட்டர் பிளாப். வேறு சொல்ல ஒன்றுமில்லை இந்தப் படத்தைப் பற்றி.

ஒஸ்தி: சிலம்பரசனின் பட வரிசையில் இதுவும் பேர் சொல்லும். நகைச் சுவைக்கு பஞ்சமில்லை. திருநெல்வேலிச் சீமைத் தமிழ் கொஞ்சி விளையாடுகிறது. அனைவரையும் அப்படியே பேசவைத்த இயக்குனருக்கு ஒரு பாராட்டு. நல்ல நகைச்சுவையுடன் கதை ; தாய் தந்தை; சகோதர சென்டிமென்ட் யாவும் நன்றாக ஒர்க் அவுட் ஆகியுள்ளது. நன்றாக இருக்கிறது என்கிறதே இந்த படத்திற்கு இளைஞர்கள் தரும் சான்று. நல்ல பொழுதுபோக்கு படம். ரிச்சாவை ரிச்சாவாகவே காட்டியிருக்கிறார்கள். சந்தானம் காவல்துறைப் பட்டாளம் ஒரு நகைச்சுவைக் கச்சேரியே நடத்தியுள்ளது.

மற்றபடி அடிதடி கலக்கல்; மசாலா கலக்கல் எல்லாம் சிம்புவின் பேர் சொல்லி.

மௌன குரு: அருள்நிதி பேர் சரியா சொல்லிட்டேனா? அந்த கலைஞர் குடும்ப வாரிசு மெதுவாக அடி எடுத்து வலுவாக திரைப்படத்துறையில் ஊன்றிக் கொண்டதை பறைசாற்றும் படம். சிக்கலான கதை என்றாலும் சிக்கு எடுத்து பார்க்கும்படி வைத்துள்ளார்கள். மனிதன் பணத்துக்காக சுயநலத்துக்காக காவல்துறை என்ற பேரிலும் எதை வேண்டுமானாலும் செய்வார் என வெளிப்படுத்தியுள்ளார்கள். கல்லூரி இளைஞர்கள் தேவையில்லாமல் பிரச்சனைகளில் மாட்டிக் கொள்ளக் கூடாது மாட்டிக்கொண்டால மீண்டு வருவது எவ்வளவு கடினம் என்பதை வலியுறுத்துகிறது படம். மனநிலைக் காப்பகம் செல்லும் கதாநாயகனை மறுபடியும் ஏன் என்கவுண்டர் என்ற பேரில் போட்டுத்தள்ளி யிருக்கலாமே என்ற கேள்விக்கு சரியான பதில் இல்லை. இவரை மட்டும் கொல்லாமல் இவர் சொல்மட்டும் எடுபடாமல் செய்தால் போதும் என நினைக்கும் காவல்துறைக் கதை லாஜிக் கொஞ்சம் இடிக்கிறது . இதைத் தவிர்த்துப் பார்த்தால் சிரமப்பட்டு பார்க்க வேண்டிய படமாயிருக்கிறது. மருந்துக்கும் பொழுதுபோக்கு அம்சம் இல்லை. கதாநாயகி அதுதான் இந்த இளைஞரை நேசிக்கும் பாத்திரம் ஹோம்லியாக உள்ளது நடிகையாக தெரியாதது கதைக்கு +பாயிண்ட்தான் ஆனாலும் இடுப்பு பெருத்து பெரிய பெண்பிள்ளையாக இந்த நடிகை காட்டப்பட்டிருப்பதைவிட வேறு நடிகையை போட்டிருக்கலாம் எனத் தோன்றுகிறது.

சொந்த குடும்பத்தில் தாய்; சகோதரன்; அண்ணி யாருமேகூட நம்பமுடியாமல் அந்த மனநிலைபிறழ்ந்தவராக நல்ல மனநிலையில் உள்ள அந்த இளைஞரைக் காட்டியிருப்பதும் எந்நிலையிலும் மனம் கலங்காமல் எல்லா சோதனைகளையும் மீறி அந்த இளைஞர் மீறி வென்று நிற்பதும் கதை. கடைசியில் கர்நாடகா தமிழக மாநிலப் பிரச்சனையாக மாறக் கூடும் எனவே அந்த கேஸை அப்படியே விட்டுவிடுங்கள் என்பதும் அந்த ஏழெட்டு கோடிப் பணமும் என்ன ஆயிற்று எனச் சொல்லாமல் விடப்பட்டதும் மௌனகுரு காதுகேளா வாய்பேசா குழந்தைகளுக்கு ஆசிரியப்பணி செய்யச் சென்றுவிடுவதுமாக கதை முடிக்கப்பட்டிருக்கிறது. படம் முடிவதற்குள் போதுமடா சாமி என்றாகிவிடுகிறது. சிரமப்பட்டு பார்க்கவேண்டிய படம்.

தம்பி வெட்டோத்தி சுந்தரம்: மிகவும் குதூகலமாக ஆரம்பிக்கப்பட்டு மிகவும் சோகமாக நடந்துமுடிந்த உணமைச் சம்பவத்தை படமாக்கியதாக சொல்கிறார் இயக்குனர். கரன்; அஞ்சலி பாத்திரங்கள் மட்டுமல்ல சரவணன்; மற்றும் எல்லா கொடூரமான பாத்திரங்களும் நன்றாகவே காட்டப்பட்டிருக்கிறது.. கேரள மலையாள வாடை வீசும் தமிழ். குமரி மாவட்டம் வளர்ச்சி இன்றி தனித்து விடப்பட்டிருப்பதாக இயக்குனர் ஆதங்கப்பட்டிருக்கிறார் என்னவோ தமிழ்நாட்டில் மற்ற மாவட்டங்கள் எல்லாம் தழைத்தோங்கி உச்சியில் இருப்பதாக நினைக்கிறாரோ? குமரியிலாவது:சூரியன் சந்திர  முக்கடல் சங்கமிப்பு; சூரியன் சந்திர காட்சிகள்; விவேகானந்தா நினைவு மண்டபம்; 133 அடி திருவள்ளுவர் ; காந்தி மண்டபம் இப்படி சிறப்பு இருப்பதாக நாங்கள் நினைத்திருக்க இவர் அங்கு நிலவும் நிலவிய கடத்தல்; கொலை கொடூரங்களை காட்டியுள்ளார். அந்த படித்த இளைஞர் வெட்டோத்தி சுந்தரம் பலிகடாவாக்கப்பட்டிருப்பதை சொல்லியுள்ளார்.

படம் குறை சொல்லுமளவு இல்லை என்றாலும்; நான் கடவுள் படத்தில் பிச்சைக்காரர்களை எப்படி பயன்படுத்தியுள்ளார்கள் என நாம் தெரிந்து கொள்ளமுடிந்ததுபோல் மனிதர்கள் எவ்வளவு கொடூர சிந்தை உள்ளவர்கள் என்பதை ஆக்சிட்கலந்த சுண்ணாம்பை சுந்தரத்தின் கண்களில் தேய்த்து அவருக்கு தண்ணீர் கிடைக்கச் செய்யாமல் காரண காரியங்களை சற்றும் அலசிப் பார்க்காமல் வெறும் ஆத்திரத்தாலே எத்தனை மனிதவாழ்க்கை அஸ்தமித்துப் போகிறது என நெஞ்சை உருக்கும் கதை படமாகியுள்ளது. இதை எல்லாம் பார்க்க இளகிய மனம் இருந்தால் பார்க்கமுடியாது.

இயக்குனர்கள் சமூக அவலங்களை; வக்கிரங்களை படம்பிடித்துக் காட்டுவதாக சொல்கிறார்கள்; குற்றவாளிகள் படத்தைப் பார்த்து கற்றுக் கொண்டிருப்பதாக சொல்கிறார்கள். எது உண்மையோ? முட்டையா கோழியா எது முதலில் என்பது போல விடை தெரியாத கேள்விகள். ஆனால் குற்றம் எப்படியெல்லாம் மனித மனங்களின் வக்கிரங்களால் கொடூரமாக நடக்கமுடியும் என செரிக்கமுடியாமல் காட்டியுள்ளார்கள். இதையெல்லாம் பார்த்தால் மனிதம் முன்னோக்கி போவது போலத் தெரியவில்லை.

மறுபடியும் பூக்கும்வரை
கவிஞர் தணிகை.

சங்கரின் நண்பன்: படம் வெளிவந்த 2 ஆம் நாளே படத்தைப் பார்த்துவிட்டேன். எனினும் இன்றுதான் இதைப் பற்றி பகிர்ந்து கொள்ள முடிகிறது. எனது வலைதளத்தைப் படித்து வருபவர்கள் மறந்திருக்க மாட்டீர்கள். சங்கரின் எந்திரத் திணறல் என்ற எனது விமர்சனத்தை. அது எனக்கு கடந்த வருடத்தின் நிறைய வருகையாளர்களைப் பெற்றுத் தந்தது. ஆனால் இந்த நண்பன் படத்தைப் பற்றி குறை சொல்ல வேண்டுமானால் மொட்டைமாடியில் பொறியியல் மாணவ நண்பர்கள் தண்ணி அடித்துவிட்டு பேசிக் கொள்வதையும்;(இந்தக் காலத்தில் தண்ணி அடிப்பது சாதாரணமாகிவிட்டது எனவே பொறியியல் மாணவர்களும் தண்ணி அடித்துவிட்டு இப்படி பேசுவதை மாணவர்களின் இன்றைய குணாம்ச பிரதிபலிப்பாக கொள்ளலாம்) பேண்டைக் கழற்றிவிட்டு மரியாதை செலுத்துவதையும் மட்டுமே குறிப்பிடமுடியும். மேலும் பாடல்கள் அவசியமாகப் படவில்லை. அவை மனதில் பதியும் அளவும் ஜெயராஜால் எதையும் தர இயலவில்லை என்றே சொல்லலாம். மற்றபடி:

விஜய்;ஷிரீக்காந்த்;ஜீவா; சத்யராஜ்; இலியானா; சத்யன் என்ற எல்லா நடிகர்களும் நடிப்பதாக இல்லாமல் தமது பாத்திரத்தை செவ்வனே செய்திருப்பது இதன் கூடுதல் மதிப்பெண் பெற்றுத் தருகிறது. அவரவர்களுக்குரிய இடைவெளிகள் -ஸ்பேஸ் கிடைத்திருப்பது பாராட்டத்தக்கது இயக்குனரும் கதையுமே எல்லா இடங்களிலும் பரிணமித்திருக்கிறது. விஜய்; ஷிரீக்காந்த்;ஜீவா போன்ற நட்சத்திர நடிகர்களின் அந்தஸ்து; இமேஜ் போன்றவற்றை விலக்கி வைத்துவிட்டுப் படத்தைப் பார்த்தோம் என்றால் படம் சூபர்ப். அது இயக்குனர் சங்கருக்கு கிடைத்த வெற்றி.

ஜென்டில்மேன்; இந்தியன்; முதல்வன் படங்களின் வரிசையில் இதையும் சேர்க்கலாம். மற்றபடி இந்த படம் கிராமத்து மக்களிடம் அவ்வளவுதூரம் ஊடுருவாது என்றே நம்புகிறோம். கல்லூரி மாணவர்களிடையேயும் ஓரளவாவது படித்தவரிடையேயும் சக்கை போடு போடும். நான் 3 இடியட்ஸ் இந்தி மூலப்படத்தை பார்க்கவில்லை. பார்த்த நண்பரும் சொல்கிறார் அதை அழகு கெடாமல் அப்படியே கொண்டுவந்திருப்பது அதுவும் சங்கரின் கைவண்ணத்தில் பிரும்மாண்டமாக செய்திருப்பது மகிழத்தக்கதாய் இருக்கிறது.

ஷ்ரிவத்ஸன் என்ற பாத்திரத்தில் வரும் சத்யன் நகைச்சுவையும்; சத்யராஜின் பாத்திரம் உணர்ந்த நடிப்பும் தமிழ்படத்தில் மாறுபட்ட கோணத்தில் நாம் இதுவரை பார்க்காத துய்க்காத இன்பம். படத்தில் வில்லன் என்ற பாத்திரங்களோ; அடிதடி குத்து சண்டை; வெட்டு கொலை இல்லாதிருப்பது மிகவும் இரசிக்கத்தக்கது. ஒருவேளை இது விஜய் இரசிகர் பட்டாளத்துக்கு வேண்டுமானால் ஏமாற்றமளிப்பதாய் இருந்திருக்கலாம். ஆனால் படம் பார்க்கும் அனைவர்க்கும் குதூகலத்தையே தருகிறது. இலியானா ஒரு அடுத்த ஐஸ்வர்யா. உடலும் தோற்றமும் நடிப்பும் கதைக்கும் பாத்திரத்துக்கும் கனகச்சிதமாக பொருந்துகிறது.

விஜய்; ஜீவா; ஷ்ரீகாந்த் இந்த மூவரின் அணி காட்சிகளை அள்ளிச் செல்கிறது. தமிழில் கூட இதுபோன்ற அணியாக சேர வைத்து நடிக்கவைக்கவும் கதை சொல்லவும் படம் எடுக்கவும் முடியும் என சங்கர் நிரூபித்துவிட்டார். ஷோலே படம் வந்தபோது தமிழில் இதை ரீமேக் செய்வார்களா என எதிர்பார்த்திருந்தனர்- ஆனால் செய்யவில்லை. இந்த 3 இடியட் இந்தி படத்தை தமிழில் செய்திருக்கும் சங்கருக்கு நமது பாராட்டுகளும் நன்றிகளும் உரித்தாகட்டும். அவரின் முயற்சிகள் மேலும் மேலும் வளரட்டும்.

படம் வெற்றி பெற்றே தீரும் என நம்புகிறோம். ஆனால் படம் வெளிவந்த அதே நாளில் வெளியில் டி.வி.டிக்கள் கிடைக்க ஆரம்பித்துவிட்டன என்பதையும் குறிப்பிட விரும்புகிறேம்.அனைவரும் பார்க்க வேண்டிய படம். யாராவது பார்க்காதிருந்தால் பாருங்கள் தியேட்டரிலோ டி.வி.டியிலோ; வலைதளத்தின் வழித்தடங்களிலோ எப்படி வேண்டுமானாலும் பாருங்கள் ஆனால் பார்க்காதிருந்துவிடாதீர் ஒரு நல்ல படத்தை அது உமக்கே இழப்பு. என்னைக் கேட்டால் இந்தப் படத்திற்கு ஒரு காலக் கட்டத்தில் வரிவிலக்கு அளித்து அனைத்து மாணவர்களையும் சென்றடையும் வண்ணம் எல்லா தியேட்டர்களிலும் திரையிடலாம். நான் பள்ளிகளுக்கும் கூட போட்டுக் காட்டச் சொல்வேன்.சமுதாயம் சார்ந்த அக்கறையுடன் ஒரு நல் எண்ணத்துடன் எடுக்கப்பட்ட படம். நாம் சங்கருக்கு நன்றி சொல்ல வேண்டும். எந்திரன் எடுத்தபோது திட்டிய அதே தணிகை இன்று மனமுவந்து எமது பாராட்டுகளைத் தெரிவித்துக் கொள்கிறேன். சமுதாயப் பொறுப்புடன் எடுக்கப்பட்ட படத்தை வரவேற்கிறேன். இது போன்ற புதிய முயற்சிகளுக்கு புகழ் பாடுகிறேன். இதைப் பார்க்க எனக்கு வாய்ப்பளித்த ஒரு கல்லூரி இளைஞன் ஒருவனுக்கும் சிறுவர்களுக்கும் இனிப்பு வழங்கி கொண்டாடினேன். நூற்றுக்கு 75 மதிப்பெண் தாராளமாக கொடுக்கலாம். ஆள் மாறாட்டம் செய்து படிக்குமளவு நமது அரசுகள் இருக்கிறது என்பதை ஏற்க முடிந்தாலும் செரிக்க முடியவில்லை அந்த சூரியா -விஜய் ஆள் மாறாட்டம்- பஞ்சவன் பாரிவேந்தன். பாரி நீ ஒரு நகைச்சுவை மாரி.

இவண்
கவிஞர் தணிகை
மறுபடியும் பூக்கும்வரை

ஜனவரி 6.2012. இன்று சர்வ தேச விண்வெளிநிலையம் தமிழகத்தில் நன்கு தெரியும் என சிறுவர்களுக்கான அறிவியல் மாத இதழ் துளிர் தெரிவித்துள்ளது.இது வடமேற்குத் திசையில் மாலை சுமார் 7.18க்குத் தெரியத் துவங்கி தென்கிழக்காக சரியாக 7.24.06க்கு பூமியின் நிழலில் மறையும்வரை செல்லக் காணலாம் என்றும் தமிழ்நாட்டில் அடிவானிலிருந்து அதன் அதிகபட்ச உயரமாக 60 முதல் 90டிகிரி வரை இதைக் காணலாம் என்றும் நாகர்கோயிலில் வான் உச்சியில் வியாழன் கோளின் நடுவே கடந்து செல்வதைக் காணலாம் என்றும் தெரிவிக்கிறது. பார்க்க விரும்பும் விண்வெளியில் ஆர்வமுள்ளவர்கள் இதை வெறுங் கண்ணிலேயே காணலாம் நமக்கு அந்த நேரம் கிடைத்து மேகமூட்டம் இல்லாதிருந்தால்; வானிலை சீராக இருந்தால். இதெற்கெல்லாம் யாரும் ஒன்றும் செய்யமுடியாது அதுதான் இயற்கை எதற்கும் கொடுத்துவைத்திருக்கவேண்டும் அல்லவா? நான் சில முறை பார்த்துள்ளேன் இம்முறை நீங்களும்தான் பாருங்களேன்.

சாதாரண மனிதரின் கற்பனைக்கெட்டாத
காலச் சக்கரத்தில் மனிதப் பயணம் சிகரத்தில்
அபார முயற்சி இந்த அமர வளர்ச்சி
நான் இதில் என்று செல்வது?

பயணங்கள் முடிவதில்லை
இந்த வண்டிக்கு முன்னும் பின்னும்
எந்த வண்டியும் இல்லை;
இடித்துவிடுமோ என்ற பயமும் இல்லை;
இதற்கில்லை ட்ராபிக் தொல்லை.

சென்னையின் புழுதியும் போக்குவரத்துநெரிசலும் ஒருநாள்
விண்ணிலும் வருமோ?
நாளொன்றுக்கு 16 முறை பூமியை வலம் வருகிறதாம்.
90 நிமிடத்துக்கு ஒரு முறை
எல்லாம் எதுவரை?
வேறு கிரகத்தில் மனிதம் குடிபுகும் வரை;
மறுபடியும் பூக்கும்வரை:
கவிஞர் தணிகை.

“கொல்லு அடித்துக் கொல்லு”- இது ஒரு இயற்கை மொழி:
செந்தாமரை அப்போது செஞ்சேனைப்படையில் ஒரு சாதாரண அடி மட்டத் தொண்டர். அவருடைய வேலையே கிராமம் கிராமமாக செல்வதும் இரவு தங்கி அந்த கிராம மக்களை ஒருங்கிணைத்து அந்த கிராமத்தின் மையப்பகுதியில் சேர்த்து இரவுக் கூட்டம் நடத்துவதும் தான். அப்படிப்பட்ட கிராம கூட்டங்களுக்கு கிராம ஒருங்கிணைப்புக் கூட்டம் என்று பெயர்.

அவரின் பேச்சை கேலியுடன் கிண்டலுமான அவரின் உரை வீச்சைக் கேட்க ஆண்களும் பெண்களும் அந்தகிராமத்தின் இளையோரும் குழந்தைகளும் உற்சாகமாக கூடுவார்கள். ஊர் என்றால் நீங்கள் நினைப்பது போல் ஆயிரக் கணக்கான பேர் குடியிருக்கும் தற்கால முறைகளில் அல்ல மிஞ்சிப் போனால் நூறு குடும்பங்கள் இருந்தால் அதுவே மிகப் பெரிய கிராமம் அல்லது ஊர்.

அதிலும் அவர் செல்லும் குக்கிராமங்கள் எல்லாம் மிகவும் பின் தங்கியவை காடுகளுள் மலைகளின் மேல் அடர்ந்த மரங்களால் சூழப்பட்டவை. அவை பெரும்பாலும் எவரும் எளிதில் அடைய முடியா வழிகளுடையவை. அந்த கிராமங்களுக்கு மருத்துவ வசதி; கல்வி வசதி; போக்குவரத்து வசதி; சாலை வசதி; மின் வசதி; குடிநீர் வசதி இப்படி எந்த அடிப்படை வசதிகளுமே வந்து சேராத காலம். மிருகங்களும் பறவைகளும் பாம்புகளும் பல்லிகளும் பூச்சி இனங்களும் மற்ற வகை வகை யான ஜீவ ராசிகளும் இயல்பாக வாழ அவர்கலுடன் மனிதர்களும் இயற்கையாக வாழ்ந்திருந்தனர்.

அங்கு எந்த படிப்பறிவோ பள்ளி வசதிகளோ இல்லாத அந்தக் காலத்தில் அப்படிப்பட்ட இடங்களில சென்று மனிதர்களுடன் பழக்கம் ஏற்படுத்தவே அவருக்கு ஆண்டுக் கணக்காகி விட்டது. இவரைப் பார்த்தவுடன் யாரோ எவரோ என பயந்து ஓடுவார்கள் சரியான ஆடை வடிவமைப்போ வடிவங்களோ இல்லாத அவர்கள் பெயர் கேட்டால் கூட தெரியாது என்றும் எனக்குப் பேரே இல்லை; அப்பா அம்மா வைக்கலை என்றும் சொல்லாமல் ஓடிக் கொண்டிருந்தனர்.

ஏசுநாதர் ஆட்டுக் கொட்டகையில் பிறந்தார் என்பதுபோல் கிருஷ்ணன் மாடு மேய்த்தான் என்பதுபோல இரவுகளில் கூட்டம் நடத்திவிட்டு மாட்டுக் கொட்டகையில்தான் இவர் படுத்துக் கொள்ள ஓய்வு எடுக்க ஏற்பாடு நன்றாக நம்பிக்கை வந்த பிறகும் கூட. அங்கு சில இளைஞர்களை சேர்த்துக் கொண்டு குளிருக்கு நெருப்பு மூட்டிக் கொண்டு குளிர் காயந்தபடி இரவு விடிய விடிய அந்த கதை கேட்கும் சின்னஞ்சிறுசுகளுடன் வயது வித்யாசம் பாராமல் பேசிக் கொண்டிருப்பது எல்லாம் வாடிக்கையான கதையாகிவிட்டது.

ஆற்றங்கரைகளிலும்; ஓடிவரும் சுனைகளிலும் நீர்த்தேவையை பூர்த்திசெய்து கொண்டு; காய் கனிகளை பறித்து புசித்துக் கொண்டு கரடியால் கடிபட்டவர் அடிபட்டவர்; யானை வேஷ்டி மூலம் தூளி கட்டியபடியும்; கட்டிலில் எடுத்துக் கொண்டும் சுமந்து கீழ் நாடுகளுக்கு மருத்துவ உதவிகளுக்கு முடியாத காலங்களில் இட்டுச் செல்லும் காட்சி வேதனையான வேடிக்கை; பாம்பு கடித்து இறந்தவர்கள்; செய்வினை; பில்லி சூன்யம்; கிணற்றில் விழுந்து இறந்தவர்கள் இப்படி ஒவ்வொரு முறை செல்லும்போதும் செய்திகள் நிறைய பேரின் இழப்புகள் பற்றி இவருக்கு கிடைக்கும்.

அப்படிப்பட்ட காலங்களிலேயே காடுறை மக்களுடன் மலைக் கிராம மக்களுடன் செந்தாமரைக்கு நல்ல நட்பும் பழக்கமும் உண்டு. இவரை நன்கு தெரிந்து கொள்ள ஆரம்பித்திருந்தனர். ஆனால் இரவுகளில் தங்கும்போதும் கூட செந்தாமரை தான் கொண்டுவந்த கட்டுச் சோற்று உணவைக்கூட பார்ப்பவர்களுடன் பகிர்ந்து கொள்வாரே தவிர அவர்களிடமிருந்து பெற்று உண்ண சந்தர்ப்பம் தர மாட்டார் . நாளடைவில் சில மாதங்கள் பல மாதங்கள் ஒன்று சேர தானே அந்த மைய கிராமங்களில் தங்கி அந்த பிள்ளைகளுக்கும் கல்வி சொல்லி கிராம மக்களுக்கும் விழிப்புணர்வை தந்து ஐக்யப் பட ஆரம்பித்தார்.அப்போதெல்லாம் சுய சமையல்தான்.

அந்தக் காலத்தில் மக்களுக்கு வேறு பொழுதுபோக்கு இல்லாத காரணத்தால் இப்படி வெளியூரில் இருந்து வருவோர் வேடிக்கைப் பொருளாகவும் பொழுதுபோக்காகவும் இருப்பார் என்பதாகும் நம்பிக்கை ஏற்பட்ட பிறகு அனைவரும் அவரைச் சுற்றிக் கூடலாயினர். இப்படிப்பட்ட மக்களிடையே நம்பிக்கையையும் படிக்கும் வழக்கத்தையும் ஏற்படுத்தியபடி அந்த சிறு பிள்ளைகளில் சிலரை பக்கத்து வேறு ஊர் பள்ளிகளுக்கு அனுப்பவும் தனது வழிக்கு கொண்டு வரவும் பெரு முயற்சிகளை எடுத்துக் கொள்ள வேண்டியிருந்தது. அவை அப்போது சாமான்யமான காரியமாக இல்லை. அதற்காக சரியான தொடர்பு முறையில் தொடர்ச்சியான் சந்திப்புகளிலேயே இருந்ததாலும் சில குடும்பங்களில் படிக்கும் பழக்கம் ஏற்படலாயிற்று. செந்தாமரையின் கருத்துகள் ஏறலாயிற்று.

இப்படி சில ஆண்டுகளாக நல்ல எண்ணம் கொண்டு நம்பிக்கை என்றும் சொல்லும் அரிய விஷியங்களை விதைத்து செந்தாமரை பல கிராமங்களுக்கு சென்று ஒருங்கிணைக்க ஆரம்பித்திருந்தார். இதைக் கம்பெனி ஆள்களும் கண்காணித்தபடியே இருந்தனர். இவர் யார் எங்கு எதற்கு போகிறார் என்பதை தெளிவாகத் தெரிந்து கொண்டு பிறகு இவரை மடக்கி முடக்கி ஒடுக்கலாம் என்று இவர் அறியாமல் இவரை பின் தொடர்ந்தபடியே இருந்தனர். சந்தேகம் வலுப்பட்டு ஆதாரம் கிடைத்துவிட்டால் வெகு எளிதாக இவரை அடக்கி விடலாம் தண்டிக்கலாம் என மோப்பம் இட்டு வந்தனர் .

இவருக்கும் அரசல் புரசலாக இந்த திட்டம் தெரியும் என்றாலும் எளிதில் எவரும் அடைய முடியா இடங்களில் இவருடைய பயணம் என்பதாலும் இவர் செய்வது இவருக்குமுற்றிலும் திருப்தியான பணி என்பதாலும் எல்லாருக்கும் நன்மைதானே செய்கிறோம் எது வந்தாலும் தாங்கிக் கொள்ளவேண்டியது அவசியம்தானே என்பதாலும் வலுவாக செயல் புரிந்து கொண்டு காடுகளில் மலைகளில் காட்டு ராஜாவாக திரிவதுடன் அந்த கிராமங்களை ஒருங்கிணைத்து இவரின் சேவைக்கு சிலராவது கிடைப்பாரா என முயன்று வரும்போதுதான் அந்த முட்டுக்கட்டை வந்தது….

அறவுரை:(மாறிக் கொண்டே இருப்பதுதான் காலம்)

வலையம் 42
கவிஞர் தணிகையின் காவிரிக்கரையோரத்தின் காலச் சங்கிலிகள்
கொல்லு; அடித்துக் கொல்லு-ஒரு இயற்கை மொழி.

மறுபடியும் பூக்கும்வரை:
கவிஞர் தணிகை.

தாஜ் மஹாலைவிட; திருபதியைவிட; வாடிகன் தேவாலயத்தைவிட முல்லைப் பெரியாறு அணை; மேட்டூர் ஸ்டேன்லி அணை; பக்ரா நங்கல் அணை; வைகை; கல்லணை;ஹிராகுட் அணை பவானி சாகர் அணை; பரம்பிக்குளம் ஆழியாறு இன்ன பிற உலகின் அனைத்து நீர்த் தேக்கங்களும் புண்ணியமானவை; அவசியமானவை ஏழைகளின் கண்ணீர் துடைப்பதால் குடிநீர்த் தேவைகளைப் பூர்த்தி செய்வதால் உழவுத் தொழிலுக்கு உறுதுணை புரிவதால் உலகத்தோர்க்கு எல்லாம் உணவுத் தயாரிக்க அடி நாதமாய் வழங்குவதாய் இருப்பது என்பது எமது கருத்து.

அவற்றை கட்டி எழுப்ப கட்டி முடிக்க காரணமான பிதாமகர்கள் அனைவர்க்கும் அஞ்சலி செலுத்த உலகின் ஒவ்வொரு மனிதர்க்கும் கடப்பாடு உண்டு. அவர்களால் நமக்குக் கிடைத்த பலன்களை குடிநீரை; நன்னீரை மட்டும் அனுபவத்துக் கொண்டு அவர்களைப் பற்றி எல்லாம் சிறிதும் நினைத்துப் பார்க்காமல் ஆங்கிலப் புத்தாண்டு என்று அரசு டாஸ்மாக் கடைகளில் மதுவைக் குடித்துவிட்டு இரவெல்லாம் கத்திக் கொண்டு திரியும் வௌவால்களை என்னதான் சொல்வது?

ஒரு நாளில் மட்டும் தோராயமாக 120கோடிக்கு விற்பனையாம் ஒரு மாநிலத்தில் மட்டும். நான் சொல்ல வந்தது இங்கு தடம் மாற ஆரம்பித்துவிட்டது இந்த மனித வரலாறுகள் தடம் மாற ஆரம்பித்திருப்பது போல.

தாஜ்மஹால் உலக அதிசயமாக இன்றும் இந்தியாவுக்கு கட்டடக் கலைக்கு பெருமை சேர்த்து வருகிறது என்பதும் அதைக் கட்டியவரின் வரலாறும் அதற்கான செலவும் அதை சாஜஹான் தனது ஆசை காதல் மனைவிக்கு மும்தாஜிக்கு எழுப்பிய சமாதி என்பதும் அது நாளடைவில் ஆக்ராவில் விளைந்துவரும் மாசுபாட்டால் புகைபடிந்து வண்ணம் பழுப்பாகி வெள்ளைப் பளிங்குக் கல் மங்க ஆரம்பித்து விட்டது என்பதும் இந்த முகலாய மன்னன் நாட்டின் மக்களின் பணத்தை எடுத்து தனது ஆசை மனைவிக்கு அதுவும் இரண்டாம் மனைவிக்கு படைத்தது இந்தக் கட்டடம் என்பதும் நாம் பெருமைப்படும் விஷியங்கள் அல்ல அதைப் பற்றி எழுதுவதும் நமது நோக்கமல்ல அது பற்றிய விளக்கம் விவரம் வேண்டுமானால் விக்கிபீடியாக் களஞ்சியத்தைப் பார்த்தால் எல்லா புள்ளிவிவரங்களும் கைக்கு வரும் என்பதால் சொல்ல வந்தது வேறு.

மகாத்மா காந்தி இந்த நாட்டின் தேசப்பிதா என்று குழந்தைக்கும் அறிவிப்பது போல இந்த நாட்டின் நீர்ப்பாசனத் தந்தையாக சர்.ஆர்தர் காட்டன் என்ற ஆங்கிலேயர் எவ்வளவோ அளப்பரிய நீர்ப்பாசனத் தேவைகளை இந்த நாட்டுக்கு செய்துள்ளார். மகாத்மா சொல்வதுபோல நாம் செய்யக்கூடிய ஒவ்வொரு செயலும் ஏழை எளியவர்க்கு பயன்படுகிறதா அவர்கள் வாழ்வில் ஏதாவது மாறுதல் செய்து ஒளியூட்டுகிறதா அதுவே அப்படிப்பட்ட காரியமே நற்செயல் புண்ணியம் என்பார் அதை நோக்கியே நமது ஒவ்வொரு செயலும் இருக்க வேண்டும் என்பார். அப்படிப்பார்த்தால் சர்.ஆர்தர் காட்டன் போன்றவர்கள்; இவரைப்பற்றி நான் எனது தளத்தில் நிறைய எழுதியுள்ளேன் இவர் இந்தியாவின் நீர்ப்பாசனத் தேவைகளுக்காக தன் வாழ்நாளை அர்ப்பணித்தவர் அவரின் பணி இல்லையெனில் இப்போது இந்தியாவில் இருக்கும் இந்த அளவு நீர் வசதி கூட இருந்திருகாது என்பதும் அனைவர்க்கும் வெளிச்சம் அதற்காக இவருக்கு இங்கிலாந்து நாட்டில் வழங்கப்பட்டது அபராதமும் தண்டனையும் என்பதெல்லாம் வேறு.

நான் இதைப் பற்றி அதாவது தாஜ்மஹாலைவிட இந்த நீர்த் தேக்கங்கள் எல்லம் எவ்வளவு அழகானவை அவசியமானவை கொண்டாடப்பட வேண்டியவை என்று புத்தாண்டில் எனது நெருங்கிய நண்பர் ஒருவரிடம் பகிர்ந்து கொள்ளும் போது அவர் திருப்பதியை விட என்று சொல்லுங்கள் சார் என்றார்.

உண்மையில் திருப்பதியை விட; வாடிகன் தேவாலயத்தைவிட தாஜ்மஹாலை விட இந்த அணைகளும் நீர்ப்பாசன முயற்சிகளும் கொண்டாடப்பட வேண்டியவைதான். இதப் பற்றி சொல்லும்போது”இப்போது அடித்துக் கொண்டு கேரள மாநிலம் தமிழகம் என்று பிரச்சனையில் மூழ்கிக் கிடக்கிறதே” முல்லைப் பெரியாறு அந்த அணைக்கு தமது வாழ்வையே அர்ப்பணித்த பென்னிகுக் பற்றிய செய்தி ஒன்றை தினம் ஒரு தகவலாக தினத் தந்தி நாளிதழ் அஞ்சல் செய்திருந்தது படித்துவிட்டு அசந்துபோனேன். ஒரு ஆங்கிலேய ராணுவக்காரருக்கு புனேவில் மகனாகப் பிறந்து இலண்டன் மாநகரில் பொறியியல் பட்டம் படித்து 1874 முதல் இந்த முல்லைப் பெரியாறு அணைப் பணிகளை மேற்கொண்டு 1895 ல் இந்த அணையை அப்போதைய கவர்னர் மூலம் திறக்கச் செய்து நாட்டுக்கு அந்த அணையை அர்ப்பணித்து பஞ்சம் போக்கி அரும்பாடுபட்டுள்ளார். அதற்கு அரசின் திட்ட உதவி போதாதால் தனிமனிதராய் தனது வாழ்வை வித்திட்டு அப்போதே தனது மனைவிக்கு சொந்தமான அனைத்து சொத்து; நகை; வீடு வாசல் அனைத்தையும் விற்று 65இலட்ச ரூபாய் சரி செய்து இன்னும் பொதுமக்களிடம் வசூலித்து இயற்கை இடர் தாக்கிய போதும் அதையும் எதிர்த்து நின்று பணி முடித்து 1911ல் இலண்டன் சென்று காலமாகியுள்ளார் அப்போதயை வெள்ளை இங்கிலாந்து அரசு பணியை நிறுத்தச் சொல்லியும் கேட்காமல். இப்படி எண்ணிறந்த வெள்ளையரும் நமக்காக பாடுபட்டுள்ளனர்.

நாம் நதி நீர் இணைப்பு; (கங்கை காவிரி இணைப்பு காலத்தின் கட்டாயம் ) பற்றி 02.10.2002ல் ஒரு சிறு கட்டுரையை தமிழக இலட்சியக் குடும்பங்கள் என்ற அமைப்பின் மூலம் வெளியிட்டிருந்தோம். அதில் நதி நீர் இணைப்புக்காக எப்படி எல்லாம் பணம் திரட்டலாம் என்ற யுக்திகளில்: ஒன்றாக: அவசியமில்லாது வெறும் ஆடம்பரத்துக்காக திட்டமென்றும் விழாவென்றும் விரயம் செய்யும் பணம் யாவற்றையும் மத்திய மாநில அரசுகள் மடைமாற்றம் செய்து பயனாக்காலாம்.

எந்த நாட்டினரிடமும் கையேந்தலாம்; எந்த மக்களிடமும் கையேந்தலாம்;அரசின் திட்டபணிகளை இதை நோக்கியே திருப்பலாம்;தொழிலதிபர்கள் பெரும் முதலாளிகள் போன்றோரை குறிப்பிட்ட அளவு பணிகளை ஒப்படைத்த் முடித்துக் கொடுத்தவர் பெயரை அந்த நீளம் வரை சூட்டிக் கொள்க என்று பயன்படுத்தலாம்

திருப்பதி, காஞ்சி; காசி; சிருங்கேரி; தேவாலயங்கள்; மசூதிகள் கட்சிகள் பொதுசேவை நிறுவனங்கள் நடத்தும் பெரிய அறக்கட்டளைகள்(ட்ரஸ்ட்கள்) மடாலயங்கள்; கோயில்கள் போன்றவற்றிலிருந்து பெறும் நிதியை இதற்கு வழி வகுக்கலாம் விவசாயிகளிடம் பங்கு பத்திரங்கள் விற்பனை செய்யலாம் என பல்வேறு பட்ட கருத்துக்களை முன் வைத்தோம் அவை பெரும் வரவேற்பு பெற்றன . அந்தக் கட்டுரை பிரச்சனையை சொல்லி அதற்கு தீர்வையும் சொல்லியுள்ளது என.

எனவே உண்மையிலேயே நமக்கு இந்த நாட்டில் முதல் தேவையான குடிநீரை பாசன வசதி நீரை வாழங்க முன் முயற்சி எடுப்பது ஒன்றுதான் தலையாய கடமையாகும் அரசாய் இருந்தாலும் தனிமனிதராய் இருந்த போதும் அப்படி வழங்குவதற்கு ஒரு கையளவு யாராவது பயன்பட்டிருபாராயின் அது யாராயிருந்தாலும் அவருக்கு இந்த கட்டுரையின் மூலம் எனது வணக்கங்கள் உரித்தாகட்டும் நான் கடவுளை வணங்குவதைவிட கோயிலுக்குச் செல்வதை விட இந்தப் பணிகளை பெரிதும் மதிக்கிறேன் என்னால் ஆன வரை நானும் அணில் பிள்ளையாய் நின்று கொஞ்சம் மலைக்கிராமங்களில் நீர்வளம் பெருக்க உதவியிருக்கிறேன் என்பது எனக்கு சற்று ஆறுதல் மேலும் இந்த மேட்டூர் அணையில் வசிக்கிறேன் என்பதிலும் பெருமை.

மறுபடியும் பூக்கும்வரை:
கவிஞர் தணிகை.

பி.கு: டாட்டக்களும் மகிந்த்ராக்களும் துருக்கியிலும் இலண்டன் அமெரிக்கா போன்ற நாடுகளுக்கும் பல்லாயிரம் கோடிகளைக் கொட்டி வருகிறார்கள் சொந்த சகோதரர்கள் துன்பத்தில் சாதல் கண்டும் சிந்தை இரங்காமல்… பாரதி சொல்லியபடி.

மாடுகள் மேய்ந்தாலும் மறுபடியும் புல் வளர்கிறது.
மீன்கள் நீந்தினாலும் நீர் சுத்தமாகவே இருக்கிறது.
மிருகங்கள் வாழ்ந்தாலும் காடுகள் அழியாதிருந்தன;
மனிதர்கள் தொடர்ந்து நடப்பதால் புல்லும் முளைப்பதில்லை;
மனிதர்கள் வாயை வைத்தால் நீர் அசுத்தமடைகிறது
மனிதர்கள் கையை வைத்தால் யாவும் கலங்கிவிடுகிறது
காடுகளிலிருந்து வளர்ந்தவன் காட்டை அழித்துவிட்டான்
நாட்டை காக்க வேண்டியவர் நாட்டை அழித்துவிட்டார்
தாய்ப்பால் தந்தவளின் மாரை அறுப்பதுபோல.

நடந்த தவறுகளை நினைப்பதைவிட
மறுபடியும் நிகழவிடாதிருப்பதே வளர்ச்சி!

கட்சிக் கத்திரிகள் முனை மழுங்கினாலும்
தேர்தல்கள் சாணைப்படுத்தி பதப்படுத்தி
மறு கூர் செய்ய

வெட்டுவதும் வெட்டப்படுவதும்
இங்கு ஒன்றாகிவிடுகிறது.

மக்கள் தங்களைத் தாங்களே
வெட்டிகொள்கிறார்கள்;\வெட்டுப்படுகிறார்கள்
கறைத் துண்டுகளாகிவிடுகிறார்கள்
பிளாஸ்டிக் கலர் கொடிகளுடன்
இரசாயன மதுப்புட்டிகளுடன்
விரைத்துப் போகிறார்கள்;களைத்துப் போகிறார்கள்
நீர்த்துப் போகிறார்கள்

மக்களே மக்களுக்காக ஆளும் ஆட்சியில்.
நகரம் நாகரீகமாக ஒதுங்கிக் கொள்கிறது
நாகரீகம் நாகரீகமாக ஒதுங்கிச் செல்கிறது
நரகக் குழிகளில் குப்பைமேடுகளாய்
கிராமம் வாக்களிக்கிறது வக்கு வகையின்றி
ஜனநாயக் வாய்க்கரிசி போட்டுக்கொண்டு

நகரம் அதிகம் அனுபவிக்கிறது எல்லாவற்றையுமே!
கிராமம் தாங்கிப் பிடிக்கிறது கிராம் துணுக்குகளுடன்
மண்ணை நம்பியவன் எல்லாம் பெண்ணை நம்ப
ஆரம்பித்ததன் விளைவு

பெண்ணை நம்ப ஆரம்பித்தவன் எல்லாம்
பொன்னாய் பார்க்க வேண்டும் என்ற விழைவு
எல்லாம் ஒரே மயிர்க்கூச்செறியும் விரைவு
இது ஒரு உயிரின் கூச்சல்; சமூகக் காய்ச்சல்

அம்மா ஆண்டாலும்; அய்யா ஆனாலும் மதுவின் ஆட்சியே
எல்லாம் மு.க; தி.மு.க; அ.தி.மு.க; தே.தி.மு.க இப்படியே…
விடுபட முடியா சுழற்சியில்…மாநிலமும்; காங்கிரஸ் மாதாகி ஜே பாரதமும்.

மறுபடியும் பூக்கும்வரை:
கவிஞர் தணிகை.