சசி பெருமாளின் ஆன்மா சாந்தி அடையாது தமிழகத்தில் பூரண மதுவிலக்கு வரும் வரை: கவிஞர் தணிகை

ஓகஸ்ட் 3, 2015

 

 

சசி பெருமாளின் ஆன்மா சாந்தி அடையாது தமிழகத்தில் பூரண மதுவிலக்கு வரும் வரை: கவிஞர் தணிகை
பாரதத்தின் 18, ஆம் நாள் போர்க்களம் போல சசி பெருமாள் உயிர்த் தீ கொண்டு பற்ற வைத்த அக்கினிக் குஞ்சு தமிழகமெலாம் பற்றி எரிந்து கொண்டிருக்கிறது. கலிங்கப்பட்டி வைகோ தாயார் 95 வயதுக்கு மேல் உள்ள மூதாட்டி முதல் சசி ஆரம்பித்த செல்போன் டவர்கள் ஏறும் இளைஞர்கள் , நண்பர்கள் இரத்தக் கையெழுத்து இட்டு எதிர்ப்பு காண்பித்து வருவது வரை. ஒன்று மதுவிலக்கு அமலாக வேண்டும் அல்லது இந்த ஆட்சியை கண் காணாமல் தூக்கி எறிய வேண்டும்.இந்த கொள்கைத் தீ காட்டுத்தீயாய் அணைக்க முடியாமல் பரவட்டும்…மதுவிலக்கை இந்த மேதினியில் கொண்டு வர உதவட்டும்.

விடுதலைப் போர் தியாகிகள் உயிர் எண்ணிறந்த அளவில் அழிந்த பிறகே இந்த நாட்டுக்கு ஆங்கிலேயே வெள்ளைப் பரங்கியரிடமிருந்து சுதந்திரம் கிடைத்தது. அந்த விடுதலைப் போர் தியாகிகள் போல

மொழிப்போர் தியாகிகள் போல

இன்று மது விலக்குத் தியாகியாக எமது நண்பர் சசி பெருமாள் உயர்ந்து விட்டார் தமது இறப்பு என்னும் மொழியெழுதி எல்லாரிடமும் இந்த மது விலக்கு இயக்கத்துக்கு ஒரு புத்துணர்வு ஊட்டி விட்டார்.உயிரை ஈந்து இலட்சியத்தை அடைந்து கொடுத்த உறுதி மொழிக்கேற்ப.

30 ஆண்டுகளுக்கும் மேலாக இதே மூச்சில் தான் இந்த இயக்கம் சார்ந்த யாம் சிற்பி வேலாயுதம், கவிஞர் தணிகையாகிய அடியேன், செம்முனி, இராமலிங்கம், பொறியாளர் மணி, வழக்கறிஞர் தங்கவேல்,சின்ன பையன் என்னும் இளைய காமராசர் இராமநாதன்,அருணாச்சலம், விவேகானந்தன் என்னும் சேக்ஸ்பியர்,கண்ணன் இப்படி ஏகப்பட்ட இன்னும் பெயர் இப்போது நினைவில் வராத அடலேறுகள் மற்றும் மகளிரியக்கத்தினர் இலட்சியக் குடும்பமாக நின்று இதே கொள்கையை வலியுறுத்தி வந்தோம். பல்வேறு பட்ட வடிவங்களுடனான இயக்க முறைமைகளுடன்.

இதில் சிற்பி. வேலாயுதம், அடியேன் போன்றோர் கொஞ்சம் கொஞ்சமாக உடற்பிணியால் செத்து வருகிறோம். ஏனைய இளைஞர்களும் தான். ஆனால் சசி பெருமாள் ஒரேயடியாக செத்து இந்த சேதியை நாடெங்கும் உரத்து சொல்லி செல்பேசி கோபுரத்தின் மேல் ஏறி தமிழகத்துகே பறை சாற்றி சென்று விட்டார்.

ஆனால் இன்று எல்லா கட்சித் தலைவர்களும் இளம்பிள்ளை இடங்கண சாலை, மேட்டுக்காடு நோக்கி திரும்பி இருக்கிறார்கள். தங்களால் ஆன எல்லா பரிவுரைகளையும் எழுதிக் கொண்டு இருக்கிறார்கள். ஆளும் கட்சி தவிர…

செத்தால் தான் இந்த தேசத்தில் பெருமை. உயிரோடு இருக்கும் வரை யாரும் அதை பெரிதாக எடுத்துக் கொள்வதில்லை. பெரிதாக எண்ணிக் கொள்வதிலை. பெரிதாக ஏற்றுக் கொள்வதில்லை.

பாரதி, கலாம், சசிபெருமாள் இப்படி எல்லாருக்குமே இந்த விதி இந்தியாவில் தமிழகத்தில் பொருந்துகிறது.

நாடெங்கும் எல்லா தலைவர்களும், எல்லா கட்சியினரும் எல்லா தரப்பு இளைஞர்களும் பொங்கி எழுந்துள்ளனர். செல்போன் டவரில் ..அதாவது அந்தக் காலத்தில் கோவிலின் கோபுரத்தில் மேல் ஏறி தமது செய்தியை உரத்து சொல்லி விட்டு அங்கிருந்து விழுந்து மாய்வார்கள் என்னும் வீரப் பரம்பரை வழியில்

இப்போது செல்போன் கோபுரத்தின் மேல் ஏறி ஊருக்கே உலகுக்கே கேட்கும் வண்ணம், தெரியும் வண்ணம் தமது சேதியை சசிபெருமாள் உறுதியாக சொல்லி சென்ற அலை அனைத்து இளைஞர்களிடமும் பரவி விட்டது. செல்போன் கோபுரத்திற்கு நிறைய இளைஞர்கள் ஏறுகின்றனர் இதே போன்ற கோரிக்கையுடன் என காவல் துறையை பயன்படுத்தி அரசு பாதுகாப்பு போடுமளவு…

மேலும் கட்சிகள் ஒருங்கிணைந்து மது விலக்கு கோருகின்றன.கடை அடைப்புக்கு வேண்டுகோள் வைத்துள்ளன

சசியின் குடும்பம், இலக்கு ஏற்கப்படும் வரை உடலை பெறுவதில்லை என தாமும் சிறை செல்கின்றன நண்பர் அருணாச்சலம் போன்றோருடன்…

நண்பர் ஒருவர் இரத்தக் கையெழுத்தி நீதி கோருகிறார் மதுவிலக்குக்கும், சசியின் மரணத்துக்கும்

ஏனைய அருள்தாஸ் போன்றோர், வழக்கறிஞர் தங்கவேல் போன்றோர் உரிய இடத்தில் இருந்து கொண்டு கடமையாற்றுகின்றனர். வழக்கறிஞர் மார்த்தாண்டத்தில் இருக்கிறார்.

சேலத்தில் அனுமதி இன்றி உண்ணாவிரதம் இருந்ததற்காக சசியின் குடும்பம் கைது செய்யப்பட்டுள்ளது.

அன்புமணி தர்மபுரி பாராளுமன்ற உறுப்பினரும் முன்னால் மத்திய அமைச்சரும் பா.மா.க சார்பாக முன்னால் ஓமலூர் எம்.எல்.ஏவுமான தமிழரசு போன்றொர் அவரது கட்சியின் சார்பாகவும் சென்று துக்கம் விசாரித்து வந்துள்ளனர்.

விஜய்காந்த் தமது எழுச்சி மிகு ஊர்வலத்துடன் மேட்டூர் தொகுதி சட்டமன்ற உறுப்பினர் எஸ்.ஆர்.பார்த்திபன்,சேலம் வடக்கு தொகுதி உறுப்பினர் மோகன்ராஜ் போன்றவர்களுடன் ஆயிரக்கணக்கான தமது கட்சி அன்பர்களுடன் சென்று குடும்பத்துக்கு சசிபெருமாளின் மனைவி மகளை சந்தித்து ஒரு இலட்சம் ரூபாயை வழங்கி முதல் மகனாக இருப்பேன் என்று உறுதி அளித்துள்ளார்.

 

வேல்முருகன் அவர்கள் தாமும் தமது கட்சி சார்பில் ஒரு இலட்சம் ரூபாய் வழங்க இருப்பதாக உறுதி அளித்துள்ளார்.

இப்படி ஆளும் கட்சி தவிர தி.மு.க, கம்யூனிஸ்ட்கட்சிகள், பி.ஜே.பி, காங்கிரஸ்,தாமக இப்படி எல்லா கட்சிகளும், திருமாவளவனின் விடுதலை சிறுத்தைகள் கட்சி இப்படி எல்லா கட்சிகளும் வணிகர் பேரவை உட்பட எமது கோரிக்கை சசிபெருமாளின் கோரிக்கை நியாயமானது என தமரது கருத்துகளை, பங்களிப்பை காலத்தின் முன் சேர்த்தளிக்கின்ற நல்ல செய்திகள் வந்து கொண்டே இருக்கின்றன.

இந்த எழுச்சி சுடர் இலக்கை எட்ட அணையாமல் கொண்டு செலுத்தபடல் வேண்டியது அவசியம். இன்னும் சுமார் 6 மாதங்கள் மாநிலத் தேர்தலுக்கு உள்ள நிலையில் இந்த பற்றி எரியும் ஆளும் கட்சிக்கு எதிரான அதன் மதுக் கொள்கைக்கு எதிரான காட்டுத் தீ, மதுவிலக்குக்கு ஆதரவான நாட்டுத் தீ நல்ல சேதி சொல்லுமா?

அல்லது அணைந்து வாக்கு வங்கிகள் சதவீதம், பங்கீட்டு முறைகளில் மாற்று செய்ய நேருமா என்ற கேள்விகள் எல்லாம் நம் முன்…

3 நாளாக சசிபெருமாளின் உடல் அங்கே இறப்பு பரிசோதனைக்கும் பிறகு கிடக்கிறது கிடங்கில்.உலகுக்கே தாம் எண்ணியதை நம்பியதை உரத்த செய்தியாக்கி விட்ட அந்த சசிபெருமாளின் ஆன்மா மதுவிலக்கு அதுவும் பூரண மதுவிலக்கு இந்த தமிழகத்துக்கு வந்து சேரும் வரை சாந்தி பெறாது என்றே நம்புகிறேன்.

மது விலக்கு வேண்டி பிச்சை எடுத்ததும், பிறர் காலில் விழுந்ததும் கூட எம் போன்றாரால் கண்டிக்கப்பட்டது. அவரை நேருக்கு நேர் கண்டிக்கும் உரிமை உள்ளவன் என்ற உரிமையால் மட்டுமே இதை உங்களுக்கு சொல்கிறேன்… எமது இயக்கத்தில் எப்போதும் சகோதர சண்டையிடல் உண்டு.ஆனால் எமது சசிபோன்ற ஒரு அமைதியான நம்பிக்கையான ஒரு மனிதனை இனி காண்பதரிது.

மதுவிலக்கு பிரச்சாரம் மேட்டூரில் 2 நாள் நாங்கள் செய்த நினைவு அந்த சசி எம் வீட்டில் அங்கேயும் இங்கேயும் இருந்த காட்சிகள், நாங்கள் தோளோடு தோள் நின்று பயணம் செய்து, சேர்ந்து உண்டு,உறங்கிய நினைவுகள் அகல மறுக்கிறது.அதில் தொமுச மேட்டூர் வட்ட அன்புத் தம்பி வே.வேலாயுதம் புதிய தலைமுறை நிருபர் தம்பி பாலகிருஷ்ணன் போன்றோர் எல்லாம் எமை ஊக்குவித்ததை மறுக்கவோ மறக்கவோ முடியாது.

கடைசியாக சசி பெருமாள் கலைஞரை சந்தித்து அவரது மதுவிலக்கு அதரவுக்கு நன்றி தெரிவித்த மறுநாள் இரவில் 9 மணிக்கும் மேல் யான் அவருடன் பேசியதுடன் எமது உரையாடலும் உறவாடலும் புற உலகின் தேடலுக்கு முற்றுப் புள்ளியாய் அமைந்தாலும் அது எமை என்றும் தொடரும் ஒரு உறாவாகவே எம் போன்றோர் எண்ண முடியும்…32 ஆண்டுகளுக்கும் மேலான உறவு அவ்வளவு எளிதாக மறைந்து விடுமா என்ன?

உறக்கமில்லாமல் உடல் குடல் புண் மன உளைச்சலில் அதிகமாக இரவில் படுத்துகிறது.மேலும் எமது தமிழக இலட்சியக் குடும்ப, நவ இந்திய நிர்மாணிகள் இயக்க அன்பர்கள் காந்திய வழியில் ஊருக்கு பத்து பேர் இயக்க நண்பர்கள் யாவரும் மௌனமாக அஞ்சலி சேலத்தில் செலுத்தி விட்டு சசியின் தம்பியை அவரது வீட்டில் சென்ற சந்தித்த நிகழ்வுகள் எமது சிற்பி.வேலாயுதம் தலைமையில் நடந்தது.

எல்லாவற்றுக்கும் அடித்தளமாக இருந்த எமது இயக்க விதையான முதல் வித்தான சிற்பி.கொ.வேலாயுதம் சென்னைக்கு நிகழ்வு முடிந்து சென்று விட, எம்போன்றோர் உடல் பிணியால் வீடு அகலாமலிருந்து வர, எமது இளைஞர்கள் முடியும் வரை செயல்படுகிறார்கள்.

எமக்கு ஏனோ சுதந்திரம் பெற்ற நாளில் நேரு உரை வானொலியில் நிகழ்த்தும்போது காந்தி நவகாளி யாத்திரையில் நடந்து கொண்டிருந்த காட்சிகள் நினைவுக்கு வருகிறது.

தீர்மானிக்க வேண்டிய நபர்கள் எல்லாம் எங்கோ இருக்க, செயல்வடிவம் வேறு கைகள்மூலம் நடத்தப்படுவதையும் காலம் காட்சிப் பதிவுகளாக மாற்றி இருப்பதையும் அறிகிறோம். எல்லாம் அரசு,கட்சிகள், அரசியல்.ஆனால் கட்சிகளும் அரசியலும் இது போன்ற மக்களுக்கு உகந்த நிலையை மதுவிலக்குக்கு ஆதரவாக வெகுண்டு எழுவது அதற்காக போராட முனைவது எமக்கு மகிழ்வளிக்கிறது . எப்படியோ விடிந்தால் சரி. நாங்கள் விரும்பியது நடந்தால் சரி. ஏன் அரசுக் கட்டில் கூட இதனால் மாற்றம் பெற்று நல்ல கொள்கையோடு நடந்து மக்களுக்கான ஆட்சியான மாறினால் சரிதான்.

ஆனால் எப்படி அது ஆனாலும், மக்களுக்கு எமது இயக்கம் எடுத்துக் கொண்ட , நிறைவேற்றத் துடித்த இலக்கு நிறைவேறினால் அது எமக்கும் யாவருக்கும் பேருவகை உருவாக்குவது…

மறுபடியும் பூக்கும் வரை
கவிஞர் தணிகை.

பி.கு: கலிங்கப்பட்டி வைகோவின் தாயார் அவருக்கு மட்டுமல்ல இந்த ஒட்டுமொத்த தமிழினத்தின் தாயாகவே எமது கண்களுக்குத் தெரிகிறார். மாக்ஸிம் கார்க்கி எழுதிய தாய் போல…அவரின் வயதை ஊடகங்கள் 94/95/ 99 என வேறு வேறாக சொல்கின்றன எனவே எனக்கு அவற்றில் சரியானது எது என தெரியவில்லை.

35 ஆண்டுக்கும் மேல் இயங்கி வரும் எமது இயக்கம் மேல் அதன் செயல்பாடுகள் மேல் எல்லாம் முழு கவனத்துடன் ஊடகம் திரும்பாமல் இருந்தது…ஆனால் எல்லா ஊடகங்களையும் சசி திரும்பிப் பார்க்க வைத்து இன்று நாடு தழுவிய அளவில் பெரும்பேச்சாக தலைப்பு செய்தியாக இந்த மது ஒழிப்புப் பிரச்சாரத்தை கொண்டு சென்று வெற்றி பெற்றுள்ளார்.

அனைவர்க்கும் இந்த கருத்தில் நிலை பெற்று நாட்டுக்கும் மக்களுக்கும் ஏதாவது செய்ய நினைக்கும் அத்தனை தொண்டு உள்ளங்களுக்கும் எமது இந்த பதிவு நன்றி பாராட்ட கடமைப் பட்டுள்ளது. ஊடகங்கள் யாவற்றுக்கும் நன்றி. ஜெயமோகன் கட்டுரைக்கும் கூட சசி பெருமாள் தியாகத்துக்கு மதிப்பு உண்டா? வரும் நாட்களில் தெரியும் அன்பரே…

மறுபடியும் பூக்கும் வரை
கவிஞர் தணிகை.


அப்துல் கலாம் மட்டுமல்ல சசிபெருமாளும் தியாகிதான்: கவிஞர் தணிகை

ஓகஸ்ட் 1, 2015

அப்துல் கலாம் மட்டுமல்ல சசிபெருமாளும் தியாகிதான்: கவிஞர் தணிகை

எங்கள் தோழர் சசி இறந்து கிடக்கிறார்.உறங்க முடியவில்லை.மதுவுக்கு எதிரான ஒரு உன்னதமான போராளி உயிரை விட்டிருக்கிறார்.1983 முதல் 30ஆண்டுக்கும் மேலான உறவு ஒரு முச்சந்தியில் செயலற்று இன்று நின்று கொண்டிருக்கிறது.உங்களுக்குத் தெரியாத சசி எங்களுக்குத் தெரிந்த சசியின் ஒரு சில பக்கங்கள் ஒரு நினைவுப் பதிவாக.

நெசவுக் குடும்பம். மிகக் குறைந்த வருமானம். ஆனால் அதில் கஞ்சியோ, கூழோ மட்டும் வைத்து குடிக்கும் சிக்கனமான குடும்பம்.அப்போதே இளம்பிள்ளை மேட்டுக்காட்டில் அந்த பள்ளியின் அருகே ஒரு கூட்டம் ஏற்பாடு. சென்று பேசி விட்டு வந்தது முதல் நினைவாக.

 

எளிமை. தலைவனுக்கே உள்ள நற்குணங்கள்.அமைதி. அடக்கம்.துணிச்சல், நேர்மை. எனவே “எமது இளைஞர் ஒருங்கிணைப்பாளராய்” அன்றும் இன்றும் விளங்கி வரும் எமது அன்புச் சகோதர நண்பர் கொ.வேலாயுதம் அவர்களுடன் யாம் தோளோடு தோள் நின்று இணைந்து இயக்க வேலைகளை கையில் எடுக்கும்போது “நவ இந்தியா நிர்மாணிகள் இயக்கம்” ஆங்கிலத்தில் பி.என்.ஐ.ஏ.– நியூ இண்டியா பில்டர்ஸ் அசோஸியேசன். என்ற இயக்கத்தின் தலைவராக்கி அழகு பார்த்தோம்.இந்த சசி பெருமாளை.

 

இந்த மேட்டுக்காடு பெருமாள் சசி பெருமாள் என மாறியது ஒரு சுவாரஸ்யமான கதை.சிவகுமாருக்கு இணையாக சசிக்குமார் என்ற சினிமா நடிகர் இராணுவக் கேப்டனாக இருந்து சினிமாவுக்கு வந்ததாகவும் கேள்வி. அவர் இந்த பகுதியில் ஒரு படப்பிடிப்புக்கு வந்த போது அவரும் பெருமாளும் அணுக்கமான நண்பர்களாக மாறி அவருக்கு இவர் கோவில் குளம் எல்லாம் சுற்றிக்காட்ட படப்பிடிப்பு முடிந்தபோதும் இவர் இந்த பகுதிகளில் உள்ள இடங்களை சுற்றி பார்ப்பது நீடித்தது உடன் பெருமாளின் நட்பும். இந்த நடிகரின் பின்னால் இவர் ஒரு தீவிபத்தில் மறைந்து போனார்….எனவே சசியை தமது பேருக்கு முன்னால் இணைத்துக் கொண்டார் இந்த இளைஞர் நட்புக்கு ஒரு மரியாதை செய்து.

 

இவர் ஒரு காந்தியவாதி.இப்போது உங்கள் பார்வைக்கு. நாங்கள் இணைந்திருந்த அந்தக் காலத்தில் செம்முனி, இராமலிங்கம், செங்கிஸ்கான், போன்ற இன்னும் எத்தனையோ இளைஞர்களுடன் சின்ன பையன், தற்போதைய ஓமலூர் முன்னால் எம்.எல்.ஏ.தமிழரசு இவர்கள் எல்லாம் எம்முடன்…இவர்களுக்கு அலுவலக ரீதியாகவும் அதாவது நேரு இளையோர் மையம் இந்திய அரசு வழியாகவும், அதை மீறிய நாட்டுப் பற்று தேசிய இயக்க பணிகளுக்காகவும் நண்பர் சிற்பி.கொ.வேலாயுதம் , அடியேன் , போன்றோர் இணைந்து நிறைய பயிற்சி முகாம்கள் நடத்தி உள்ளோம்.

 

ஆனால் அந்தக் காலத்தில் அந்த இயக்கத்தை மிக ஆரவமுள்ள இளைஞர்களின் துடிப்பு மிக்க காரணத்தால் அரசு தப்புக் கணக்கு போட்டு தீவிரவாத இயக்கம்போன்று கண்காணித்து வந்தது. ஏன் தடைபடுத்தவும் நிறைய தொல்லைகள் கொடுத்தது. அதை எல்லாம் மீறி இரகசியமாகக் கூட கூட்டம் நடத்தினோம். அச்சமில்லை என்ற பத்திரிகை நடத்தினோம்.

மக்கள் கலை பண்பாட்டுக் கழகம் என நடத்தி, சரியான விழிப்புணர்வுக்காக அன்றைய முன்னணி தலைவர்களை அழைத்து வந்து மாதமொரு முறை இளையோர்க்கு கூட்டம் நடத்தினோம். அதில் ஒரு நிகழ்வாக கவிஞர் இன்குலாப் தலைமையில் கவியரங்கம் செய்து அதில் நீதி, என்னும் தலைப்பில் அடியேனும் கவிதை செய்தது…

 

இது போன்ற காலக்கட்டத்தில் சசிக்கு (சசி பெருமாளுக்குத்தான்) உடல் நிலை சரியில்லை என சேலம் மாவட்ட மருத்துவமனைக்கு சென்று உள்ளிருப்பு நோயாளியாக இருக்க அனுமதி அளிக்க ஒரு அரசு மருத்துவர் அப்போதே யாம் சொல்வது 1982- 83ல் அப்போதே இலஞ்சம் கேட்டார் என்பதற்காக …அவரை செருப்பால் அடித்து விட்டார். அது போலீஸ் கேஸாகி மாறி எமை ஐ மீன் அவரை சார்ந்தாரை எல்லாம் பாதித்து விட்டது .சசி பணியில் இருக்கும்போது அரசு ஊழியரை அடித்துவிட்டார் செருப்பால் என்பதற்காக சிறையும் பெற்றார்.

 

அப்போதிருந்து அவருக்கு அவரது உணர்வுகளை மட்டுப்படுத்த, மென்மைபடுத்த அவரை மேன்மைப் படுத்த இயக்க ரீதியாக காலம் நிறைய மாற்றங்களையும் பயிற்சியும் அளித்தது.

386055-sasiperumal-730x492

இந்த “நவ இந்திய நிர்மாணிகள் இயக்கம்” காந்திய வழியில் ஊருக்கு பத்து பேர் இயக்கமாக பரிணமித்தது.நிறைய இயக்க பாடல்களும் இசை முழக்கங்களும், தெருமுனை கூட்டங்களும்,கலை நிகழ்ச்சிகளும், ஊரில் மக்களுக்குத் தேவையான சுகாதார பணிகளும், சாலை மேம்பாடும், மரங்கள் நடுதலும், பல்வேறு பட்ட இளைஞர் பயிற்சி முகாம்களும் மேற்கொள்ளப்பட்டன. அமரகுந்தி காந்திய இயக்கம் நன்கு செயல்பட்டது அதில் சேக்ஸ்பியர் எனப்படும் விவேகானந்தன், அருணாச்சலம், கண்ணன் என்ற இளைஞர்கள் எல்லாம் பேர் சொல்ல எமக்கு கிடைத்தது போல ஒவ்வொரு ஊரிலும் இளைஞர்கள் இணைந்தனர்.தியான பயிற்சி கூட அமரகுந்தியில் அளித்துள்ளது என்றும் நினவிற்கு.

ஆத்தூர் , ஓமலூர், இப்படி மாவட்ட அளவில் இருந்த் இயக்க பணிகள் மாநில அளவில் கூட இருந்தன. நங்கவள்ளி சிந்தனையாளர் என்னும் மா.அர்த்தனாரி முதியவர் பொது உடமை சிந்தனையாளர் எல்லாம் கூட இயக்க மேன்மைக்கு உதவி வயது கருதாது வந்து கூட்டத்தில் தமது கருத்துகளை இளையோர்க்கு பகிர்ந்தார்.

இது மட்டுமல்ல நாட்டின் அறிஞர் பெருமக்கள் எல்லாமே எங்கள் முகாமுக்கு வருகை புரிந்துள்ளனர். அது அமரரான ஆடிட்டர் ரமேஷ் முதல் மத்திய மாநில மந்திரிகள் கட்சி பேதமின்றி அனைவருமே கலந்து கொண்டு இளையோர்க்கு தமது அறிவுரை செய்யும் வண்ணம் நிறைய அறிவு சார் முகாம்கள் நடத்தப்பட்டன..சமுதாய மேம்பாட்டுப் பணிகளுடன்..விவாதங்களும் இருந்தன.மறுப்பதற்கில்லை.

இதன் அடுத்த கட்டமாக சசி பெருமாள் தொழிலாளர் சங்கப் பணிகளில் பங்கெடுத்துக் கொள்ள பயன்படுத்தப்பட்டார்.

இதன் மற்றுமொரு காலக் கட்டத்தில் இந்த காந்திய வழியில் ஊருக்கு பத்து பேர் இயக்கம் “தமிழக இலட்சியக் குடுமபங்கள்” என்று பரிமாற்றம் பெற்றது. இதில் அன்புச் சகோதரர் வேலாயுதம் வழி நடத்துதலில்,,, எம் போன்றோர் முக்கிய பொறுப்புகளுடன் சிறிது காலம் வளர்த்து வந்தோம்.

அதன் பின் இஞ்சினியர் மணி போன்ற அன்புத் தம்பி செயல்வீரர் கையில் முக்கிய பொறுப்பு அளிக்கப்பட்டு , சேலம் மையப் பகுதியாக இருந்து எல்லாவற்றையும் பார்ப்பது இராமநாதன் போன்ற இளைஞர் கள் நன்கு செயல்பட்டனர். பெண்கள் குழுவும் நன்கு இயங்கியது.

முன்னவர்களான, சிற்பி, கொ.வேலாயுதம், அடியேன், செம்முனி,இராமலிங்கம் போன்றோர் வழிவிட்டு தங்கவேல் வழக்கறிஞர், மணி, சசி பெருமாள், சின்னபையன் போன்றோர்க்கு பொறுப்பை தோள் மாற்ற ஆரம்பித்து விட்டோம்.

ஒகேனக்கல் கூட்டு குடி நீர்த் திட்டம் கையில் எடுக்கப் பட்டது முதலில் எங்கள் இயக்கத்தால்தான். சில பெண்களும் சிறை சென்றனர் போரட்டம் செய்து. அவர்களில் காசாம்பூ போன்ற பெண்கள் பெயர்கள் , ஜமுனா, பீபி ஜான், இலட்சுமி, இன்னும் நிறைய பெண்கள் மகளிர் மன்றங்கள் செயல்பட்டமை இன்றும் பசுமையாக நினைவில்.

நிறைய கிராமங்களில் தலைமைப் பொறுப்பு பயிற்சி முகாம்கள் மூலம் மிகவும் ஏழ்மையானவர்களுக்கு வீடுகள் கூட கட்டி கொடுக்கப்பட்டன. நிறைய முகாம்கள் மாநிலம் எங்கும் நடத்தப்பட்டன.

தமிழக இலட்சியக் குடும்பங்களுள் ஒரு முக்கிய பணி : வளர்ச்சிப் பணிகளுக்கு மது ஒரு முக்கிய முட்டுக் கட்டையாக இருப்பதால் அதை விலக்க பலமுனை போராட்டங்கள் கையில் ஏடுக்கப்பட்டன. அதில் பிரச்சாரம், துண்டு பிரசுரங்கள் , கூட்டங்கள், டாஸ்மாக் கடை மறியல்கள் இப்படி பலவகையாக…இதில் நண்பர் சசி பெருமாள் இந்த பணியை நாடறிய வைத்தது உங்கள் வெளிச்சத்திற்கு வந்தது.

ஆனால் சின்னபையன் என்னும் ஒரு காந்திய ஜூனியர் காமராசரை சேலம் வடக்கு தொகுதியில் எம்.எல்.ஏ வேட்பாளராக நிறுத்தி ஆயிரத்துக்கும் குறைவான வாக்குகளே பெற்று தோல்வியடைந்தோம் . நாங்கள் தோல்வி அடைந்தோம் என்று சொல்வதை விட இந்த நாட்டின் ஒழுக்கம் அதன் கீழான எண்ணங்கள் அனைவர்க்கும் தெரிய அதெல்லாம் வாய்ப்பாக இருந்தது.

இதனிடையெ சசி பல்வேறு பட்ட உத்திகளை கையாண்டார். அதில் அடிக்கடி குடிகாரர் காலில் விழுவது, ரயில்நிலையத்தில் பேருந்துநிறுத்தத்தில் பிச்சை எடுப்பது போன்ற போராட்ட முறைகள் சரியல்ல என எம்போன்றாரால் கண்டிக்கப்பட்டார். அனாலும் சிரித்துக் கொண்டே உங்களுக்கும் தெரிந்து விட்டதா என இனிமேல் பார்த்துக் கொள்கிறேன் அவ்வாறு செய்யாமல் என சொன்னாலும்…

இப்படி செல்போன் டவரில் ஏறுவது, அடிக்கடி புதிய உத்திகளைக் கையாள்வது போன்ற நாவல்டியான வேலைகளை எல்லாம் இயக்க முறைகளுக்கும் மீறியே செய்து வந்தார். ஏன் எனில் இலக்கு ஒன்றுதான் அதை எப்படியாவது அடைந்தே தீருவது என்ற பிடிவாதத்தில், தமது ஆயுளுக்குள் இந்த இலக்கை எட்டியே தீருவது இதற்கு ஒத்துழைக்கும் யாரோடு வேண்டுமானாலும் சேருவது என்ற வடிவங்களில்.

இவரின் போக்கை கவனித்த அடியேன், சிற்பி முன்னவர் வேலாயுதம் தலைமையில் மணி போன்றோர் முன்னிலையில் இவரை தலைவராக மறுபடியும் “தமிழக இலட்சியக் குடும்பத்திற்கு” முன்,மொழிந்து இவரது செயல் நடவடிக்கைகளுக்கு கட்டுப் பாடு இலகானை பூட்டி மறுபடியும் இயக்க வேலைகளை கையில் எடுக்கச் சொன்னோம்.

என்றாலும் நாளடைவில் இவர் இவர் போக்கிலேயே சென்று கொண்டிருந்து நாடெங்கும் இந்த பணிகளை முடுக்கி விட்டு, இன்று மீளாத் துயரில் ஆழ்த்தி விட்டு ஆழ்ந்து விட்டார் தமது இன்னுயிரையே ஈந்து விட்டார். எடுத்த உறுதி மொழிக்கு ஒரு இலக்கணமாகிவிட்டார்.

வலதுகையை நீட்டி, இந்த நாட்டிற்காக இந்த உடலுக்கு ஏற்படும் எவ்வித இன்னல்களையும் ஏற்றுக் கொள்வேன். என்ற சொல் இவரைப் பொறுத்தவரை உண்மையாகி விட்டது இன்று.

எங்கள் இயக்கத்தின் ஒரு தலைமகன், ஒரு தளபதி, இயக்கத்துக்கு ஒரு வழி காட்டி விட்டார் ,,ஜீவனை வைத்திருபப்தை விட மரணப்போராட்டமே இந்த செவிகளுக்கு ஏறும் என சொல்லாமல் சொல்லி விட்டார். ஆனால் இந்த இழப்பை ஆய்வுக்கு வைத்து இனி இயக்கம் அடுத்த கட்ட நடவடிகைக்கு முன்னேறும் சில செயல்பாடுகளை வடிவமைக்கும் என நம்புகிறேன்.

அப்துல் கலாம் போன்ற மாபெரும் மாமேதைகள் உலக உத்தமர்கள் எந்தவித சட்ட மீறலையும் செய்யாமல், சட்ட விதிகளுக்கு உட்பட்டு சமுதாயத் தீமைகளை அறிவுபூர்வமாக அறவழியில் போதனை வழியில் செய்ய முயன்று தமது இன்னுயிரை தந்திருக்கிறார்…

ஆனால் சசி பெருமாள் போன்றோர் களத்தில் இறங்கி களப்பணியாளராக களப்பலியாகி இந்த மதுவின் கொடுமையை, சமுதாயத் தீமையை, அவலங்களை கொடுமைகளை நீக்க தமது மதிப்பு மிகு உயிரையும் கொடுத்து சென்றிருக்கிறார்.

இந்த அரிய நாளில் இந்த பதிவை எமது நட்புக்கு காணிக்கையாக்குகிறேன்.
அந்த தியாகிக்கு எமது அஞ்சலிகள் என்றும் உரித்தானது.


மேட்டூரில் கூட 2 நாட்கள் மது விலக்கு பிரச்சாரத்திற்கு அவரை பயன்படுத்திக் கொண்டேன் அவர் ஏற்பாடு செய்து கொண்டிருந்த வாகனத்தில் வந்ததும் மற்ற சில நண்பர்கள் அவர்களுடன் இணைந்து வந்ததும், அவரை வைத்து சில பள்ளிகளில் நாங்கள் சென்று மதுவின் தீமை குறித்து விழிப்புணர்வு கூட்டம் நடத்தியதும், குஞ்சாண்டியூர் பேருந்து நிலையத்தில் நல்ல வரவேற்பு இருந்தது.நல்ல கூட்டமும் இருந்தது

கோம்பூரான் காடு நடு நிலை பள்ளியிலும், கருப்பு ரெட்டியூர் ஊராட்சி ஒன்றிய துவக்கப்பள்ளியிலும், ஜெம்ஸ் பள்ளியிலும் நாங்கள் எங்களது பதிவுகளை பகிர்தல் செய்தோம்..எமது வீட்டுப் பின்புறம் இருக்கும் ராமலிங்க சௌடேஸ்வரி கோவில் அருகே வந்திருந்த வாகனம், தீப்பற்றி தமது இயலமையை வெளிப்படுத்தியது…

எமது சகோதரி வீட்டு மாடி அறையில் வந்திருந்த அந்த 3 மதுவிற்கு எதிராக இயக்கத்தில் ஈடுபட்ட போராளிகளுக்கும் தங்க ஏற்பாடு செய்து வீட்டின் எளிய உணவை பகிர்ந்தளிதேன்…எமது அன்றாட வாடிக்கையான வெறும் வயிற்றில் சோத்துக் கத்தாழை உண்ணும் பழக்கத்தின் போதான பேச்சைத்தான் எமது படமாக எமது வீட்டின் படமாக சசி கத்தாழை சாப்பிடும் படமாக வெளிவிட்டிருக்கிறேன். என்றும் நினைவில்

936511_602579296460114_619234356_n

மறுபடியும் பூக்கும் வரை
கவிஞர் தணிகை.


சசி பெருமாள் கொடுத்த உயிர்:கவிஞர் தணிகை.

ஜூலை 31, 2015

 

386055-sasiperumal-730x492

எங்களது களப்பலி ஒன்று
கொள்கை முடிவோடு இன்று
மது எதிர்ப்போடு நின்று
காலாவதி ஆனது .

கொள்கைக்கு என்றுமே
காலாவதி இல்லை
இது ஒரு முதல் பலி
எண்ணிக்கை இத்தோடு போனால்
நல்லது தமிழக அரசே.

தமிழரசு துரோக அரசாய்
இனியும் வீழாதே.
இதோ வீரம் உயிரை கொடுக்க
ஆரம்பித்து விட்டது

குடி உயிரை எடுக்க ஆரம்பித்துவிட்டது
ஆனால் இது தர்மத்தின் தரமான உயிர்
தர்மம் நின்று கொள்ளும்.

சசி பெருமாள் கொடுத்த உயிர்

எடுத்த உறுதி மொழிக்கு
ஒரு இலக்கணம்

மது எதிர்ப்பு தாய்மார்களுக்கு
இது ஒரு இலக்கியம்

இந்த எதிர்ப்பு
தமிழக இந்திய ஆட்சிக்கு
இனி சூழும் கேடு

இது எதையும் எதிர்பார்க்காத
இலட்சிய இறப்பு
தமிழக இலட்சியக் குடும்பங்களின்
தலமையின் பொறுப்பான
இருப்பு…

தொண்டர்க்கு
செய்து காட்டும் தலைவனானான்
தொண்டுக்கு
ஒரு முன்மாதிரி ஆனான்
தளபதி களம் புகுந்தான்

ஒரு காப்டன் உயிர் இழந்தான்
அது அவனுக்கு பெருமை
தமிழக அரசுக்கு சிறுமை…

சிறுமை கண்டு பொங்குவாய்
வா வா வா!

மறுபடியும் பூக்கும் வரை
கவிஞர் தணிகை.


யாகூப் மேமன் தூக்கு நள்ளிரவில் அவசரமாக தீர்மானிக்கப்பட்டது சரிதானா? கவிஞர் தணிகை.

ஜூலை 31, 2015

 

யாகூப் மேமன் தூக்கு நள்ளிரவில் அவசரமாக தீர்மானிக்கப்பட்டது சரிதானா? கவிஞர் தணிகை.
டைகர் மேமன் – சகோதரரின் குற்றத்துக்காக தமக்கு தூக்கு தண்டனை என்றால் அது சரிதான்., ஆனால் தமக்கு என்றால் அது தவறுதான் என்பதே யாகூப் மேமனின் கடைசி வாக்கு.இருவேறுபட்ட கருத்துகள் நிலவுகின்றன இந்த தூக்கு தண்டனை பற்றி பரவலாக ஆனாலும் இது தான் இன்றைய ஊடகப் பேச்சு. கலாமுக்கு அடுத்ததாக.எனவே நாமும் பேசுகிறோம்.

இந்திய சட்டத்தின் உச்ச பீடங்களால் குற்றவாளி என நிரூபிக்கப் பட்டு தூக்கு தண்டனை நிறைவேற்றப் பட்டவரின் வழக்கறிஞர் , குடியராசு தலைவரின் கருணை மனு நிராகரிப்பு எழுத்து பூர்வ அறிக்கையைப் பெற்று மேலும் விசாரணைக்கு தயாராவோம் இன்னும் 10 நாட்கள் கால அவகாசம் வேண்டும், என்ற கோரிக்கையும், கருணை மனு குடியரசு தலைவரால் நிரகாரிக்கப் பட்டு அப்போதிருந்தே உச்ச நீதிமன்ற நீதிபதி வீட்டில் நள்ளிரவு முதலே விசாரிக்கப்பட்டு அதிகாலை 3 மணி முதல் 5 மணிக்குல் தூங்காமலே இருந்து குற்றவாளியை தூக்கிலிடும் உத்தரவை பெற்றவுடன் சுமார் காலை 6.45 மணிக்கு தூக்கிலிடப்பட வேண்டிய அவசரம் என்ன என்றுதான் ஊடகத்தில் கைதேர்ந்தவர்கள் எல்லாம் கேட்கின்றனர்.

தூக்கிலடப்பட்டு இறந்த யாகூப் மேமனின் வழக்கறிஞர் மேலும் இந்த தூக்கிலிடும் உத்தரவு கிடைத்த பின்னும் ஒரு வாரம் கால அவகாசம் தண்டனையை நிறைவேற்ற இருக்கலாம் என்றும் கருத்து தெரிவித்திருக்கிறார்.

ஆனால் முன்னால் குடியரசு தலைவரின் இறுதி சடங்கு நாளின் செய்திகளூடே இந்த தூக்கு செய்தியும் தடயமில்லாமல் போகட்டும் என திட்டமிட்டு அவசரம் அவசரமாக இந்த தண்டனை நிறைவேற்றப்பட்டிருப்பதாக நோக்கர்கள் கருதுகிறார்கள்.

ஆனால் இந்த செய்தி மும்பை முழுதும் பரவி விட்டது உடலை அடக்கம் செய்த மறுநாளில், கொண்டு சென்ற நாளில்.நாக்பூரில் நிறைவேற்றப்பட்ட இந்த தண்டனை..அப்துல் கலாம் மொழியில் சொல்ல வேண்டுமென்றால் மனித உரிமை ஆணையர்கள், தூக்கு தண்டனை வேண்டாம் என சொல்லி வரும் மனித ஆர்வலர்கள் சொல்லும் மொழியில் ஒரு உயிரை எடுக்க மனிதகுலத்துக்கு எந்த உரிமை எப்படி வரமுடியும்?

உடனே சோட்டா சகீல் என்பவர்(மேமன் சகோதரர்களுக்கு உதவுபவராம்) இதன் விளைவை சந்திக்கவேண்டும் இந்தியா என்கிறார். லிபியா திரிபோலியில் இந்திய ஆசிரியர்கள் 3 பேர் கடத்தி கொண்டுபோகப்படுகிறார்கள். இதுவரை அந்த பகுதியில் 39 இந்தியர் கடத்தபப்ட்டிருப்பதாகவும் செய்தி…

இந்த யாகூப் தாமாக சரணடைந்தார் எனவும், இல்லை இல்லை , இந்திய காவல்துறைதான் பிடித்தது என்றும், வேறுபட்ட தகவல்கள். எந்த பக்கம் உண்மை இருக்கிறது என அறியமுடியாமலே பல்வேறுபட்ட சம்பவங்கள்.

இந்த மும்பை தாக்குதல் 1993ல் நடந்ததற்கு, 18 ஆண்டுகளுக்கு பிறகு இவ்வாறு நீதி செய்து, ஒரு உயிரை போக்குவதை காரணம் காட்டியே பல சம்பவங்களை நிகழ்த்துவார்கள் தீவிரவாதிகள்…இதை இந்த நாட்டின் வரலாறாக நாம் பார்த்து வருகிறோம். மேலும், இந்தியாவை இலக்காக ஐஎஸ் ஐ எஸ் வேறு கொண்டுள்ளதாகவும் செய்திகள் இருக்கின்றன.

இப்படியே இந்து, முஸ்லீம் என்ற பாகுபாட்டு பிரிவினைகளுடனே உயிர்கள் எடுக்கப் பட்டு வருவது மனித குலத்துக்கே கேடு. தீவிர வாதத்தை களை எடுப்பதில் நிரபராதிகள் பாதிக்கப்பட்டு விடக் கூடாது அரசாங்கம் பார்த்துக் கொள்ள வேண்டியது அவசியம்.

அதே போல பொது இடங்களில் தீவிரவாதம் தலையெடுக்காமல் பார்த்துக் கொள்ள வேண்டியதும் நல் அரசின் கடமைதான்.ஆயிரம் குற்றவாளிகள் தப்பிக்கலாம், ஆனால் ஒரு நிரபராதி தண்டிக்கப்படக் கூடாது என்பார்களே.அதெல்லாம் சினிமாவில்தானா?

இது சற்று சிக்கலான பிரச்சனையாகவே என்றும் இருந்துவருகிறது இந்த பெரிய நாட்டில்.குற்றவாளிகளை பிடித்து தண்டிப்பதற்கு பதிலாக அவர்களை பிடிக்க முடியாமல் அவர்கள் சார்ந்த குடும்பத்தினரை தண்டிக்கும் போக்கு என்பது இருந்தாலும் அதுவும் சரியல்ல..

அவ்வளவு அவசரமாக இரவோடு இரவாக நீதியும், சிறையும், காவலும் , ஆட்சியும் , நிர்வாகமும் செயல்பட்டது தேவைதானா என்ற கேள்விகள் எழாமல் இல்லை.

மறுபடியும் பூக்கும் வரை
கவிஞர் தணிகை.


காற்றலையில் கலாமுக்கு ஒரு தூது:-கவிஞர் தணிகை.

ஜூலை 31, 2015

டியர் மிஸ்டர் கலாம்:-

நீங்கள் எனக்கு 31 வயது மூத்தவர்


எனது 25— >35 வயதிலேயே
1985— >1995லேயே
உங்கள் புரா

(PURA-Provision of Urban amenities to Rural Areas.)
திட்டத்திற்காக
10 ஆண்டுகள்
இந்திய கிராமிய முன்னேற்றத்திற்காக
எனை அர்ப்பணித்தவன்

எனவே கலாம்
நீங்கள் என்னில் இருக்கிறீர்
என்னுள் இருக்கிறீர்
இது சத்தியம்

நானும்
80 வயது கடந்து
வாழவிருக்கிறேன்

உங்கள் சுவாசத்துடன்
நான் உங்களோடு வாழ்கிறேன்
மேலும் 30 ஆண்டுகள்
நீங்கள் என்னோடு வாழ்கிறீர்


மறுபடியும் பூக்கும் வரை
கவிஞர் தணிகை.

காற்றலையில் கலாமுக்கு ஒரு தூது

Its my good promise to Dr.A.P.J.Abdul kalam.


சிறு துளிகள் சிந்தனைத் தளிர்கள்:மறுபடியும் பூக்கும் வரை கவிஞர் தணிகை

ஜூலை 30, 2015

 

சிறு துளிகள் சிந்தனைத் தளிர்கள்:


1.உலகின் அமைதியான 165 நாடுகள் வரிசையில் இந்தியா143 வது இடத்தில்

2. பின்னால் நடக்க முடியா இரு உயிரினங்கள்: ஈமு, கங்காரு

3. உலகின் மிகப்பெரிய ரேடியோ டெலஸ்கோப் குயூஜோ .சீனாவில் இதன் விட்டம் 500மீ.
30 கால்பந்தாட்ட மைதான அளவு பெரியது.இதன் சுற்றளவு 1.6 கி.மீ

4.பீரியாடிக் அட்டவணையில் இடம் பெறா ஒரே ஆங்கில எழுத்து ஜெ.J.

5. தும்மல் வரும்போது கண்கள் தாமே மூடிக் கொள்ளும்

6. தட்டச்சு செய்கையில் 56% இடது கை விரல்களே பயன்படுகின்றன.

7. வியாதி மெதுவாக் கொல்ல விருந்து விரைவாக் கொல்லும்

8,பால் அசைவ உணவு.

9.  8 போட்டாலும் நடையை எட்டி போட்டாலும் நல்லது

10. வள்ளல் பிரானார்க்கு வாய் கோபுர வாசல்
தெள்ளத் தெளிந்தார்க்கு சீவன் சிவலிங்கம்.— திருமூலர்

மறுபடியும் பூக்கும் வரை
கவிஞர் தணிகை

நேசியுங்கள் பறவைகளை. ஆனால் பறக்க விட்டு விடுங்கள்.


இந்தியா அழுகிறது…கவிஞர் தணிகை

ஜூலை 29, 2015

இந்தியா அழுகிறது…கவிஞர் தணிகை
உணவையும் உறக்கத்தையும் உடல் ஓம்பும் முறைகளையும் தவிர தமக்காக எதையும் செய்து கொள்ளாமல் இந்தியர்களுக்காக, மனிதகுலத்துக்காக, புவி உயிர்களுக்காக தமை ஈந்து உயிரை தெய்வீகப்பதவிக்கு இட்டு சென்ற ஒரு மாமனிதருக்காக இந்தியா அழுகிறது.

அவரின் கடைசி நாளைப்பற்றிய சில பதிவுகள் மட்டும் இங்கே…

மறுபடியும் பூக்கும் வரை:

http://www.msn.com/en-in/news/national/leaders-public-mourn-death-of-people%E2%80%99s-president-funeral-on-july-30/ar-AAdzqKm?ocid=UP97DHP

ஆசானுடன் கடைசி நாள்: கலாம் ஆலோசகரின் உணர்வுக் குறிப்புகள்

அவருடன் நான் கடைசியாகப் பேசி 8 மணி நேரம் மட்டுமே கடந்திருக்கிறது. (இது கலாமின் ஆலோசகர் ஸ்ரீஜன் பால்சிங் அவரது ஃபேஸ்புக்கில் இப்பதிவை பதிந்த போது குறிப்பிடப்பட்டிருந்த நேரம்) தூக்கம் என் கண்களுக்குள் நுழைய மறுத்து இமைகளை விட்டு விலகிச் செல்கிறது. துக்கம் கண்ணீராகக் கரை புரண்டோடுகிறது. அதில் கலாமின் நினைவுகள் கலந்து வழிந்தோடுகின்றன.

அப்துல் கலாமுடன் நான் சேர்ந்திருந்த அந்த கடைசித் தருணமானது 27-ம் தேதி நண்பகல் 12 மணிக்குத் தொடங்கியது. குவாஹாட்டிக்கு விமானத்தில் ஒன்றாக புறப்பட்டோம். டாக்டர் கலாம் 1-ஏ எண் கொண்ட இருக்கையிலும் நான் 1-சி இருக்கையிலும் அமர்ந்திருந்தோம். அவர் அடர் நிறம் கொண்ட ஆடை அணிந்திருந்தார். அவரைப் பார்த்த மாத்திரத்தில் ‘நல்ல நிறம்’ என அவரது ஆடையைச் சுட்டிக்காட்டிச் சொன்னேன். அப்போது என் மனம் அறிந்திருக்கவில்லை அதுவே அவரை நான் பார்க்கும் கடைசி நிறமென்று.

பருவமழை காலத்தில், விமானத்தில் இரண்டரை மணி நேரம் பயணம் என்பது சற்று எரிச்சலைத் தருவதே. அதுவும் விமானத்தின் சிறு ஜெர்க்குகள் எனக்கு வெறுப்பாக இருந்தது. ஆனால், கலாமுக்கு இதெல்லாம் சர்வ சாதாரணம். எனது வெறுப்புணர்வைப் புரிந்து கொண்ட கலாம், என் அருகில் இருக்கும் கண்ணாடி ஜன்னலுக்கு மேல் இருக்கும் திரையை இழுத்துவிட்டு “இப்போது நீ அச்சமின்றி இருக்கலாம்” என்றார்.

விமானப் பயணம் ஒருவழியாக முடிந்தது. அடுத்ததாக ஐ.ஐ.எம். ஷில்லாங்குக்கு கார் மூலமாக இரண்டரை மணி நேரப் பயணம். விமானப் பயணம், கார் பயணம் என பயணமே 5 மணி நேரத்தை விழுங்கிவிட்டது. ஆனால் அந்த 5 மணி நேரமும் நாங்கள் நிறையப் பேசினோம், ஆலோசித்தோம், விவாதித்தோம். கடந்த ஆறு ஆண்டுகளில் இதுபோன்ற நிறைய தருணம் எனக்கு வாய்த்திருக்கிறது.

இருப்பினும் எனக்கும் கலாமுக்கும் இடையேயான அந்த கடைசி பேச்சுகளில் மூன்று முக்கிய நிகழ்வுகள்/ஆலோசனைகள் எப்போதும் நினைவில் நிற்கும்.

முதலாவது, பஞ்சாபில் நடைபெற்ற தீவிரவாதத் தாக்குதல் கலாமை வெகுவாகவே பாதித்திருந்தது. அப்பாவி உயிர்களின் பலி அவரைத் துயரத்தில் ஆழ்த்தியிருந்தது. அன்றைய தினம் அவர் ஷில்லாங் ஐ.ஐ.எம். அரங்கில் பேசவிருந்த தலைப்பு ‘வாழ்வதற்கு உகந்த பூமி’.

பஞ்சாப் சம்பவத்தையும் அவர் பேசவிருந்த தலைப்பினையும் ஒப்பிட்ட கலாம், “மனிதர்களால் ஆன சக்திகள் பல இந்த புவியை வாழ்வதற்கு தகுதியற்றதாக மாற்றி வருகின்றன. வன்முறையும், சுற்றுச்சூழல் மாசும், சற்றும் பொறுப்பற்ற மனித நடவடிக்கைகளும் தொடர்ந்தால் இன்னும் 30 ஆண்டு காலத்தில் நாம் இந்த பூமியை விட்டுச் செல்லவேண்டிய நிர்பந்தம் ஏற்படும். இதைத் தடுக்க உங்களைப் போன்றவர்கள் ஏதாவது ஆக்கப்பூர்வமாக செய்ய வேண்டும். எதிர்காலம் உங்கள் கைகளிலேயே இருக்கிறது” என்றார்.

இரண்டாவதாக நாங்கள் பேசிக் கொண்டது தேசிய அரசியல் பற்றியது. நாடாளுமன்றம் முடங்கி வருவது குறித்து கலாம் மிகுந்த வேதனை தெரிவித்தார். “எனது பதவிக் காலத்தில் நான் இரு வேறு அரசுகளைப் பார்த்திருக்கிறேன். அதன் பின்னரும் நிறைய ஆட்சி மாற்றங்களை பார்த்துவிட்டேன். ஆனால், இத்தகைய முடக்கங்கள் மட்டும் மாறவில்லை. இது சரியானது அல்ல. நாடாளுமன்றம் வளர்ச்சிக்கான அரசியலை முன்னெடுத்துச் செல்வதாக இருக்க வேண்டும் என்பதை உறுதிப்படுத்த ஏதாவது ஒரு வழிவகை காண விரும்புகிறேன்” எனக் கூறினார்.

பின்னர் என்னிடம் ஐஐஎம் மாணவர்களிடம் கேட்பதற்காக சில கேள்விகளை தயார் செய்யுமாறு வலியுறுத்தினார். அதை தனது உரை முடிந்தவுடன் மாணவர்களுக்கு வழங்கவிருப்பதாக தெரிவித்தார். நாடாளுமன்றத்தை ஆக்கபூர்வமானதாகவும், துடிப்பு மிக்கதாகவும் மாற்றக்கூடிய வழிமுறைகள் மூன்றினை மாணவர்கள் குறிப்பிட வேண்டும். அதுவே கலாம் மாணவர்களுக்காக தயார் செய்து வைத்திருந்த அந்த கடைசி நேரக் கேள்வி.

சிறிது நேரம் கழித்து என்னிடம் அந்த கேள்வி பற்றி மீண்டும் பேசினார். என்னாலேயே இப்பிரச்சினைக்கு தீர்வு காண முடியவில்லை என்றால் மாணவர்களால் எப்படி முடியும் என்றார். அடுத்த ஒரு மணி நேரம் இதைப் பற்றியே எங்கள் பேச்சு இருந்தது. பல்வேறு யோசனைகளை நாங்கள் பகிர்ந்து கொண்டோம். எங்களது அடுத்த படைப்பான ‘அட்வான்டேஜ் இந்தியா’ என்ற புத்தகத்தில் இது குறித்து சேர்க்கலாம் என முடிவு செய்தோம்.

மூன்றாவது நிகழ்வு மிகவும் நெகிழ்ச்சிகரமானது. அவரது பண்பாட்டுக்கு ஒரு சிறந்த எடுத்துக்காட்டு என்றே சொல்லலாம். எங்கள் வாகனத்துக்குப் பாதுகாப்பாக 6 வாகனங்கள் வந்தன. நாங்கள் இரண்டாவது வாகனத்தில் இருந்தோம். எங்கள் காருக்கு முன்னதாகச் சென்ற ஒரு திறந்த ஜிப்ஸி வாகனத்தில் 3 வீரர்கள் இருந்தனர். இருவர் ஜிப்ஸிக்குள் அமர்ந்திருந்தனர். ஒருவர் வாகனத்தில் நின்றபடி பயணித்தார். ஒரு மணி நேர பயணம் ஆகியிருக்கும், “அந்த நபர் ஏன் நின்று கொண்டே வருகிறார்? அவர் சோர்ந்து விடுவார். இது அவருக்கு தண்டனை போல் அல்லவா இருக்கிறது? ஏதாவது செய்யுங்கள். ஒயர்லெஸ் கருவியில் தகவல் அனுப்பி அவரை அமரச் செய்யுங்கள் அல்லது கை அசைத்தாவது அவரை உட்கார சொல்லுங்கள்” எனக் கலாம் என்னிடம் கூறினார்.

அவரிடம் நான் எவ்வளவோ எடுத்துரைத்தேன். பாதுகாப்புக் காரணங்களுக்காக அவரை நிற்கும்படி மேலதிகாரி கூறியிருக்கலாம் என்றேன். ஆனால், கலாம் சமாதானம் அடையவில்லை. ரேடியோ கருவி மூலம் தகவல் அனுப்ப எவ்வளவோ முயன்றோம். ஆனால் அது சரிப்பட்டு வரவில்லை. அடுத்த 1.5 மணி நேரப் பயணத்தின் போது “ஷில்லாங் சென்றதும் அந்த நபருக்கு நான் நன்றி தெரிவிக்க வேண்டும்” என்பதை அவர் என்னிடம் மூன்று முறையாவது நினைவுபடுத்தியிருப்பார். அதேபோல் ஷில்லாங் சென்றதும், அந்த நபரை நான் ஒருவழியாக தேடிப்பிடித்தேன். அவரை கலாமிடம் அழைத்துச் சென்றேன்.

அந்த வீரரிடம் கைகுலுக்கிய கலாம், “சோர்வாக இருக்கிறாயா? ஏதாவது சாப்பிடுகிறாயா” எனக் கேட்டார். “எனக்காக நீ நீண்ட நேரம் நிற்க வேண்டியதாகிவிட்டது. அதற்காக நான் வருந்துகிறேன்” என்றார். கலாமின் பண்பைக் கண்டு வியந்துபோன அந்த வீரர், “சார், உங்களுக்காக நான் 6 மணி நேரம்கூட நிற்பேன்” என்றார்.

அதன்பிறகு நாங்கள் கருத்தரங்கம் நடைபெறவிருந்த இடத்துக்குச் சென்றோம். அவர் எப்போதுமே குறித்து நேரத்துக்குச் செல்ல வேண்டும் என்ற கொள்கையுடவர். மாணவர்களை காக்க வைக்கக் கூடாது என என்னிடம் அவர் அடிக்கடி கூறியிருக்கிறார்.

அங்கே, அவருக்காக ஒலிப்பெருக்கியைச் சரி செய்தேன். கருத்தரங்கு குறித்து சுருக்கமாக குறிப்பு வழங்கினேன். அப்போது அவர் என்னிடம், ‘ஃபன்னி கை’- விளையாட்டுப் பையன் நீ!” என்றார். அவருடனான 6 ஆண்டுகளில் குறிப்பிட்ட இந்த வார்த்தைக்குப் பல அர்த்தங்களை நான் புரிந்து கொண்டிருக்கிறேன். ஒழுங்காக வேலை செய்தால், சிறு தவறு செய்திருந்தால், அவர் சொல்வதற்கு செவி சாய்க்க வேண்டுமென நினைத்தால், எனப் பல்வேறு தருணங்களில் கலாம் இந்த வார்த்தையை என்னிடம் பயன்படுத்தியிருக்கிறார். ஆனால், இந்த முறை அவர் கூறியதே கடைசியானது, இறுதியானது.

மேடையில் ஏறி இரண்டு நிமிடங்கள் பேசியிருப்பார். நான் அவருக்குப் பின் அமர்ந்திருந்தேன். 2 நிமிட பேச்சுக்குப் பின்னர் நீண்ட இடைவெளி. நான் அவரைப் பார்த்தேன். அவர் கீழே சரிந்தார். அவரை நாங்கள் தூக்கினோம். மருத்துவர்கள் விரைந்து வந்தனர். என்ன முதலுதவியெல்லாம் செய்ய முடியுமோ அத்தனையையும் செய்தனர். என் ஒரு கரத்தில் கலாமின் தலையைத் தாங்கிக் கொண்டிருந்தேன். பாதி மூடிய கண்களில் அவர் என்னைப் பார்த்த அந்த கடைசிப் பார்வையை என்றென்றைக்கும் மறக்க முடியாது.

அவரது கை எனது கையை இறுகப்பற்றியது; அவரது விரல்களை என் விரல்களோடு கோர்த்துக்கொண்டார். அவரது முகத்தில் அமைதி தவழ்ந்தது. அவர் எதுவும் பேசவில்லை. வலியை சிறிதும் காட்டவில்லை. அவரது கண்களில் ஞான ஒளி வீசியது. அடுத்து 5 நிமிடங்களில் நாங்கள் மருத்துவமனையை அடைந்திருந்தோம். ஆனால், அப்போதே ஏவுகணை நாயகன் நம்மைவிட்டு பறந்திருந்தார். அவரது பாதம் தொட்டு வணங்கினேன். எனது மூத்த நண்பருக்கு, எனது குருவுக்கு பிரியாவிடை செலுத்தினேன். உங்கள் நினைவுகள் என்னைவிட்டு நீங்காது. அடுத்த பிறப்பில் சந்திப்போம்.

நினைவலைகளில் இருந்து இன்னும் கொஞ்சம்…

“நீ ஒரு இளைஞன். நீ எதற்காக அடுத்தவர்களால் நினைவுகூரப்பட வேண்டும் என நினைக்கிறாய்?” இக்கேள்வியை கலாம் என்னிடம் அடிக்கடி கேட்டிருக்கிறார். அவரது கவனத்தை ஈர்க்கும் பதிலைத் தேடியலைந்திருக்கிறேன். ஒரு நாள், அவரிடம் இதே கேள்வியை நான் திருப்பிக் கேட்டேன். “நீங்கள் முதலில் சொல்லுங்கள். நீங்கள் எதற்காக நினைவுகூரப்பட விரும்புகிறீர்கள்? குடியரசுத் தலைவர், விஞ்ஞானி, எழுத்தாளர், ஏவுகணை நாயகர், இந்தியா 2020 புத்தகம் அல்லது டார்கெட் 3 பில்லியன்…. இவற்றில் எதற்காக நீங்கள் நினைவுகூரப்பட விரும்புகிறீர்கள்?” என்றேன்.

பல்வேறு பதில்களை நானே அளித்திருந்ததால் அவர் எளிதில் சொல்லிவிடுவார் என எதிர்பார்த்தேன். ஆனால் என்னை ஆச்சரியத்தில் மூழ்கடிக்கும் விதமாக, “ஆசிரியராக இருந்ததற்காகவே நினைவுகூரப்பட விரும்புவேன்!” என்றார்.

நோவற்ற மரணம் வரம்!

சில வாரங்களுக்கு முன்னதாக நானும் கலாமும் அவரது பழைய நண்பர்கள் பற்றி பேசிக்கொண்டிருந்தோம். அப்போது எங்கள் பேச்சு, பிள்ளைகள் தங்கள் பெற்றோரைப் பேணுவது தொடர்பாக விரிந்தது. அப்போது கலாம், “பிள்ளைகள் தங்கள் பெற்றோரின் வயோதிக காலத்தில் அவர்களைப் பாதுகாக்க வேண்டும். ஆனால் பல நேரங்களில் அது நடைபெறாதது வருத்தமளிக்கிறது. அதேபோல் பெரியவர்கள் தங்கள் சொத்துகளை வாரிசுகளுக்குப் பிரித்தளிக்க மரணப்படுகையில் விழும் வரை காத்திருக்கக் கூடாது. அது குடும்பத் தகராறு ஏற்பட வழி செய்யும். அதேபோல் நோவற்ற மரணம் பெரிய வரம். ஒருவர் தன் பணியின்போதே மரித்துப்போவார் எனில் அது வரமே. இறுதி மூச்சு, இழுபறியின்றி பிரிய வேண்டும்” என்றார்.

அவரது வார்த்தைகளை இன்று நான் அசைபோடுகிறேன். அவரது இறுதிப்பயணம் அவர் விருப்பத்துக்கேற்ப கற்பிக்கும்போதே நிகழ்ந்திருக்கிறது. கடைசி நேரத்தில் அவர் படுக்கையில் துவண்டு கிடக்கவில்லை. கம்பீரமாக நின்றுகொண்டு, பணி செய்துகொண்டு, உரையாற்றிக் கொண்டிருந்தார். ஒரு பெருந்தலைவர் நம்மை விட்டு மறைந்துவிட்டார். அவர் சேர்த்து வைத்தது எல்லாம் மக்களின் அன்பு மட்டுமே. இறுதிப் பயணத்திலும் அவர் ஒரு வெற்றியாளரே.

அவருடனான காலை சிற்றுண்டி, இரவு உணவு வேளைப் பொழுதுகள் எல்லாவற்றையும் இழந்துவிட்டேன். அவருடைய எளிமை, ஆர்வம் போன்ற குணங்கள் என்னில் எப்போதும் நினைவலைகளாக வியாபித்திருக்கும். அவர் விட்டுச்சென்ற பாடங்கள் எத்தனையோ. ஆனால், இனி அவரிடம் கற்க முடியாது என்ற வேதனை என்னை அமிழ்த்துக்கொண்டே இருக்கிறது. நீங்கள் எனக்கு கனவுகளைத் தந்தீர்கள். அந்தக் கனவுகள் சாதிக்க முடிந்த சாத்தியமாக இருக்க வேண்டும் என்று கற்றுக் கொடுத்தீர்கள். உங்களை என்றும் மறவேன்.

கலாம் சென்றுவிட்டார் ஆனால் அவரது பணிகள் காலம் கடந்து வாழும்.

உங்களுக்கு நன்றிக் கடன்பட்ட மாணவன்,

ஸ்ரீஜன் பால் சிங் – அப்துல் கலாமின் ஆலோசகர்

*

அப்துல் கலாமுடன் ஸ்ரீஜன் பால்சிங்| ஃபேஸ்புக் பக்கத்திலிருந்து

http://www.msn.com/en-in/news/national/leaders-public-mourn-death-of-people%E2%80%99s-president-funeral-on-july-30/ar-AAdzqKm?ocid=UP97DHP

thanks to msn,NDTV

Srijan Pal Singh.


கலாம் போல் யாமறிந்த மனிதரிலே இனிதாவது ஒருவர் எங்கும் காணோம்: கவிஞர் தணிகை

ஜூலை 28, 2015

கலாம் போல் யாமறிந்த மனிதரிலே இனிதாவது ஒருவர் எங்கும் காணோம்: கவிஞர் தணிகை

 

விரும்பியவாறே நீ இறந்தாய் தலைவா!

யமனையும் உன் செயல் அழகால்

மயங்கச் செய்தாய்!

1931 அக்.15 முதல் 2015 ஜூலை 27 வரை

ஏகப்பட்ட சம்பவங்கள்

உன் வாழ்வில் விதம் விதமாய்

விதை விதையாய்…

வகைப்படுத்த…

என்றாலும் ஒன்று சொல்லலாம்…

நீ மறுபடியும்

நிற்க மாட்டேன்

என தமிழ்க் கலைஞரால்,

இந்தியக் கட்சிகளால்

இடறி விழுந்ததை சொல்லலாம்.

 

மேடையிலேயே கைத்தடி

தடுக்கி கீழே விழுந்தாற்போல…

 

உழைப்பில் அந்த உடல்

ஓய்ந்தது அய்யா!

பிற பிரபலங்கள் போல

நீ பிழைக்க அது ஓயவில்லை

 

நீ மண்ணில் நிலைக்க

அது உனை ஊன்றி சாய்த்து

என்றும் நீ இருக்க உதவியது…

நீ பள்ளி கல்லூரிகளை நேசித்தாய்.

நீ செய்ததை

சட்டத்துக்கு மீறிய புரட்சி அல்ல

என்பார் எல்லாம்

உனை புரிந்து கொள்ளாமல்…

 

எங்கிருந்து அது ஆரம்பிக்க வேண்டும்

தெள்ளத் தெளிவாக தெரிந்ததால்;-அது

அங்கிருந்து ஆரம்பிக்க வேண்டும் -என

புதிய விதைகளை  அங்கே விதைத்தாய்

எண்ணத்தை அள்ளி அங்கே தெளித்தாய்,

புரட்சிக்காரர் பற்றி கவலைப்படாமல்..

நீ வாசித்த வீணை

படித்த நூல்கள்

பிடித்த குறள்கள்

பேசிய சொற்கள்

எழுதிய எழுத்துகள்

எல்லாம் ஒளி பெற…

அட இந்த வாரம்கூட

தமிழ் விரும்பி நீ
உன் ஆசிரியரை வந்து பார்த்து
கடைசியாக குருபக்தியை
காட்டி விட்டு கண் காணாது சென்றாய்

மேகாலாயா மாணவர் வாழ்வில்
நீங்கா ஒளியாய் என்றும் நிறைந்தாய்.

கலாம் என்ற மூன்று எழுத்தில்
காலம் கிடக்குது நிறைய அய்யா…

உன் காலணியை
இரு முறை கழட்டிப் பார்த்தது
அமெரிக்கா
ஆனால் ஒரு முறை கூட
நாங்கள் சூட்டிய உன் மகுடத்தின் மேல்
எவராலுமே கை வைக்க முடியவில்லை.

முக்கடல் கரையோரத்தில் விளைந்த
நல் முத்தே!
உனது பேரை உலகின் அதிகம் உதடுகளில்
உணர்வோடு கலந்து உச்சரிக்க வைத்து
தவழ வைத்தாய்…

உனது மூளையை உயிர்ப்பிக்க வேண்டும்
உனது டி.என்.ஏ மூலம்
இன்னொரு கலாமை உருவாக்க வேண்டும்
முடியுமா உலகே உன்னால் ?

முடிந்தால் அதே கலாமை அப்படியே
உயிர்ப்பியுங்கள்.

அந்த மனிதரின் தேவை
இந்தியாவுக்கு இன்னும் தேவை
2020 என்றே
கனவு தகர்ந்தது.

இன்னும் ஒரு 5 ஆண்டுகள்
இயற்கை உனை அதே மனிதப் பதவியில்
அமர்த்தி இருந்து
அகற்றாமல் இருந்திருக்கக் கூடாதா?

இந்தியாவின் இளைஞர்களே:
நாம் அவர்க்கு செய்யும் கைம்மாறு
T20 கிரிக்கெட் வெற்றி அல்ல
2020 கனவு இந்தியாவே!

ஹேர் ஸ்டைலை
மாற்றிக் கொள்ளாது
அடம் பிடித்து அழும் குழந்தை

எனக்கு(ம்) கடிதம் எழுதிய
ஞானி
அணு விஞ்ஞானி
ஏவு கணை மனிதர்

84 வயதுக்கு இன்னும் இரண்டரை மாதம்
குறையாக
இந்தியாவில்,இந்த உலகில்
இந்தப் புவியில் வாழ்ந்த இந்த
மனித அதிசயம்
இந்த மாமனிதரை
இது வரை
இருக்க வைத்ததற்கு
நன்றி என்றுமெ இறையே!

யாருக்கெல்லாமோ
கோயில் கட்டிய
இத் திருநாட்டில்
உனக்கும் கோயில் கட்டப்படும்
இது உறுதி…

 

உன் சிறு பாதம் நடந்த
இராமேஸ்வரம் உண்மையில் புனித பூமி
அது இரமனுக்காக ஈஸ்வரனுக்காக அல்ல
கலாமுக்காக… கலாம் வாழ்ந்த புண்ணிய பூமி…

யாமறிந்த மனிதரிலே
கலாம் போல் இன்னொருவர்
யாங்கணுமே கண்டதில்லை

இது வெறும் புகழ்ச்சியில்லை
இரங்கற்பாவும் இல்லை
இலட்சிய மனிதர் பற்றிய
சத்திய உரைகோவை.
தத்துவ விதிப் பாதை.
அத்தனையும் சத்தான நெறிப் பார்வையில்.

மறுபடியும் பூக்கும் வரை:
கவிஞர் தணிகை.


ஞானிகளுக்கும் மாமனிதர்களும் கூட மனிதப் பொறிகளுள் சிக்கிக் கொள்வது ஏன்? கவிஞர் தணிகை\\\

ஜூலை 27, 2015

\20131208-133821

 

ஞானிகளுக்கும் மாமனிதர்களும் கூட மனிதப் பொறிகளுள் சிக்கிக் கொள்வது ஏன்? கவிஞர் தணிகை
விவேகானந்தர் புகை பிடிக்கும், ஹூக்கா பிடிக்கும் பழக்கம் உள்ளவர், சுப்ரமணிய பாரதி கஞ்சா,போன்ற பழக்கத்திற்கு அடிமையானவர் என குறிக்கப்படுகிறார்,கண்ணதாசன் பற்றி உலகே அறியும், நாஞ்சில் நாடன் நல்ல இலக்கியவாதி ஆனால் அவரிடமும் அவ்வப்போது மதுப் பருகும் பழக்கம் இருப்பதாக அவரே எழுதியிருப்பதன் மூலம் அறிந்தேன். நெருடலாயிருக்கிறது.

பொதுவாகவே கலைஞர்கள் யாவருமே பெரும்பாலும் ஏதாவது ஒரு மனிதப் பொறிகளுக்குள் சிக்கிக் கிடக்கிறார்கள். அது மது, மாது, புகை, போதை ,புகழ் போதை என ஏதாவது ஒரு குறைபாட்டுடன் இருக்கிறார்கள். ஓவியம் வரை கலைஞர்கள், ஒப்பனை பூசும் கலைஞர்கள், சிற்பிகள், இப்படி கலைகளில் ஈடுபடும் யாவரிடமூமே படைப்பாளிகள் யாவரிடமுமே உலகை மாற்றி அமைக்கும் கருத்துகள் நிலவுகிறதே ஒழிய அதற்கான பணியை எடுத்து வரும் பொருட்டு நல்ல ஒழுக்க வழக்கங்கள் நிலவ வில்லை என்பதை ஒரு குறைபாடாகவே யாம் கருதுகிறோம்.

இதை ஒரு வடிகால் என்பதா? எல்லா மனிதர்களிடமுமே இருக்கும் கழுவக்கூடிய எச்சம் என்பதா ?இதைப் பற்றிய ஒரு தேடல் செய்வார்க்கு எல்லா பிரபல மனிதரிடமுமே இது போன்ற ஒரு சிறு குறைவுபடுத்தும் வழக்கம் அல்லது கெட்ட வழக்கம் இருப்பதை அறியமுடியலாம்.

அப்பேர்பட்ட அறிஞர் அண்ணாவிடம்,கோழிக்கறி அதிகம் உண்பாரகாவும், புகைப்பழக்கம் உள்ளவராகவும், பொடி போடும் பழக்கம் உள்ளவராகவும் உலகறிந்துள்ளது.
இது போன்ற பழக்கம் அவர்களை இந்த உலகிலிருந்து அவர்களை பிரிக்க நல்ல காரணியாக அல்லது ஒரு காரணியாக விளங்கிற்று என்று கூறலாம்.

வெளியே வெயிலில் அலைந்து திரிந்து வந்தாலும் எமக்கு எல்லாம் ஒரு முறை மறு குளியல் போட்டால் போதுமாயிருக்கிறது. காற்றாட நடைப்பயிற்சியில் ஈடுபட்டு பயிர்பச்சைகளை பார்வையால் பருகி வந்தால் , தேவைப்படும்போது தியானம் அமர்ந்தால் போதுமாயிருக்கிறது. மறுபடியும் ஒரு புத்துணர்வை அடைந்து விடுகிறோம்.

எல்லாம் ஒரு பழக்கம் தான். பழக்கம் எது வாயிருந்தாலும் நல்லதாயிருந்தாலும், கெட்டதாயிருந்தாலும்,ஆரம்பத்தில் அது ஒரு ஒட்டடை மாதிரி மென்மையாயும் பின் அதுவே ஒரு இரும்புச் சங்கிலியால் கட்டப்பட்டு விடுவதாகவும் மனோவியல் சொல்கிறது.அதிலிருந்து மீள்வதும் முடியாது போய்விடுகிறது காலத்தால் கரைக்கப்பட்டு.

இப்போது தமிழக முதல்வரின் உடல் முடியாமை பற்றி பலவேறு கருத்துகள் உலவி வருகின்றன. அது எவ்வளவு உண்மை என காலம் காட்டிக் கொடுத்து விடும். என்னதான் மூடி மறைத்தாலும் உண்மை ஒரு நாள் வெளிப்பட்டே விடும். அதே போல இல்லாத எதையும் அது கொண்டு வந்து காட்டாது.

எல்லா மனிதர்களுக்குமே உடலை, தமது கட்டுப்பாட்டுக்குள் கொள்ள, பழக்க வழக்கங்களை வடிவமைத்துக்கொள்ள, நேரத்தை தகவமைத்துக் கொள்ள மிகுந்த கவனம் தேவைப்படுகிறது. அதில் முரண்பாடு ஏற்படும்போது இது போன்ற பழக்கம் ஒட்டிக் கொள்கிறது

இதற்காகத்தான் டாக்டர் இராதாகிருஷ்ணன் போன்ற அறிஞர் பெருமக்கள் உலகில் எந்த மூலையில் இருந்தபோதும் தமது அன்றாட பழக்க வழக்கங்களை மாற்றிக் கொள்ளாமல் இருந்திருக்கின்றனர். அதாவது உண்பது, உறங்கும் நேரம், படிக்கும் நேரம், தொழுகை, போன்ற எல்லாமே சீராக…

இதனால் தான் எமக்கு காந்தி, அன்னை தெரஸா, அப்துல் கலாம் போன்றோரை முன் மாதிரிகளாக எடுத்துக் கொள்ளவே காரணம். ஏன் எனில் அவர்கள் தமது வாழ்க்கையில் தமது உடலை, நேரத்தை மிகச் சரியாக பயன்படுத்தி உள்ளனர்.

500க்கும் மேற்பட்ட அறைகள் உள்ள இராஸ்ட்ரபதி பவனமே கூட 5 ஆண்டுகள் தமக்கு என இருந்தபோதும் அதில் சில அறைகள் மட்டும் தமது பயன்பாட்டுக்கு போதுமானது ஏன் எல்லா அறைகளையும் பயன்படுத்தி அரசுக்கும் நாட்டுக்கும் வீணாக பராமரிப்பு செலவை ஏன் மக்கள் தலையில் சுமத்த வேண்டும் என காமராசர் போல எளிமையாக எளிமையை பயன்படுத்திய மாமனிதர்…அப்துல் கலாம்,

அன்னை தெரஸா தம்மை பரிசளிக்க விமானத்தில் வரும்படியாக செலவை ஏற்றுக் கொள்ளும்படியாக சொன்னதையும் ரயிலில் பயணம் செய்து மீதமான அந்த பணத்தையும் எளியோரின் மேம்பாட்டுக்கு பயன்படுத்திய உண்மையான அன்னை,

காந்தியைப் பற்றி சொல்லவே வேண்டாம், விமானம் ஏறாத தலைவர், வின்ஸ்டன் சர்ச்சில் இவர் சாகவில்லையே என வெளிப்படையாகவே கூறி இவரை வெல்ல முடியவில்லையே என வாழ்ந்த அரிய மனிதர்…

முன்னோர்கள் சொல்லிச் சென்ற காட்டிச் சென்ற பாதை நமது எதிர்கால இளையோரை பக்குவப்படுத்தும் வழிகளை நாமும் முற்கொள்ள வேண்டும். உலகையே திருத்துகிறோம் என்பது போல எழுதிக் கொண்டு இவர்கள் தனிவாழ்வில் போதைக்கு உடலை ஆழ்த்தி வரும் இந்த மனிதர்களை யாம் படைப்பாளிகளாகவோ படிப்பாளிகளாகவோ ஏற்க முடிவதில்லை.

உலகிற்கு ஏதாவது செய்ய வேண்டும் என நினைப்பார் முதலில் தமது தனிப்பட்ட வாழ்விலும் இது போன்ற தீய பழக்கத்திற்கு கை கொடுக்கக் கூடாது என்பது இந்த அடியேனின் தாழ்மையான எண்ணம்.

மேலும் இந்த எழுத்தாளர்களில் பெரும்பாலானர்கள் சோம பானம், சுரா பானத்தை சுவப்பாராக இருப்பது பற்றியும் சில எழுத்துப் பட்டறை நிகழ்வுகளில் இது எப்படி இருந்தது என ஏற்கெனவே சொல்லி இருக்கிறேன். எமது பதிவுகளை தொடர்ந்து படிப்பார்க்கு அது நினைவிருக்கும் என எண்ணுகிறேன்.

முன் மாதிரியாய் இருப்பார் முதலில் தனது சுய வாழ்வை வாழ்ந்து காண்பியுங்கள். மதிப்பும், மரியாதையும் தாமகவே தேடிவரும்.

மறுபடியும் பூக்கும் வரை
கவிஞர் தணிகை.


இந்தியா விவசாய நாடு இல்லை,இந்தியாவின் இதயம் கிராமங்களிலும் இல்லை:கவிஞர் தணிகை.

ஜூலை 26, 2015

 

இந்தியா விவசாய நாடு இல்லை,இந்தியாவின் இதயம் கிராமங்களிலும் இல்லை:கவிஞர் தணிகை.
இந்தியா விவசாய நாடாக இருந்திருந்தால், இந்தியாவின் இதயம் கிராமங்களில் இருந்திருந்தால் விவசாயிகளின் இறப்பு காதல் தோல்வியால், ஆண்மைக் குறைபாட்டால்.குடும்பப் பிரச்சனையால் என்று அறிக்கை அளித்த மத்திய விவசாய மந்திரியாம் யாரோ ராதாமோகனாமே அந்த மந்திரியை எந்திரி என அந்த மந்திரி பதவி காலி ஆகியிருக்கும்..ஆகியிருக்க வேண்டும்…காலி ஆக்கப்பட்டிருக்கும் வேறொருவருக்கு.

பி.ஜே.பி மட்டுமல்ல எந்த கட்சிக்குமே ஆளும் கட்சியாகி விட்டாலே கொழுப்பு அதிகம் சேர்ந்து விடுகிறது. கொழுப்பில் கூட HDஎல், நல்ல கொழுப்பு என்றும் எல்Dஎல்:கெட்ட கொழுப்பு என்றும் இருக்கிறது. இது போல நல்ல அரசியல்வாதி என்றும் கெட்ட அரசியல்வாதி என்றும் இரண்டாகப் பிரித்தால் இந்த கெட்ட கொலாஸ்டரல் உடலில் இருந்து நீக்கப்பட வேண்டும் என்பது போல இந்த இராதாமோகன் என்ற மந்திரியும் நீக்கப்படவேண்டும் அது நாட்டுக்கும் நாட்டு மக்களுக்கும், அரசியலுக்கும் பொது வாழ்க்கைக்கும் நல்லது

ஏற்கெனவே, விவசாயிகள் நீர்வளமுள்ள கர்நாடகத்திலும், ஆந்திராவிலும் அதிகம் இறந்து கொண்டிருப்பதாக நாள் தோறும் செய்திகள் வந்து கொண்டிருக்க, தமிழகத்தில் பாசனத்துக்கே நீர் இல்லாத சூழல் நீடித்திருக்க, இன்று முதல் அம்மா, நான் ஆணையிட்டிருக்கிறேன் என இவர்தான் நீரையே தயாரித்து அளிப்பவர் போல, குடிநீருக்கு வழக்கமாக திறக்கப்பட்டு வரும் 2000 கன அடி மேட்டூர் அணை நீரை 9 நாட்களுக்கு அதாவது ஆடி 18 வரை 6 ஆயிரம் கன அடி நீர் திறக்க ஆணையிட்டு திறக்கப்பட்டுள்ளது.மேட்டூர் அணை.

இந்த நாட்டில் நீர் மேலாண்மை இல்லவே இல்லை. எனவே கடைக்கோடி மாநிலமான தமிழகம் தவித்து வருகையில் இந்த மந்திரியின் அறிக்கை எமை எல்லாம் அதிர்ச்சி அடைய வைத்துள்ளது.

இந்த நாட்டில் தேவையான கல்விக்கு, மருத்துவத்துக்கு, சுகாதாரத்துக்கு, விவசாயத்துக்கு என எது எல்லாம் அடிப்படித் தேவையோ, மக்களுக்கு நல்வாழ்வைத் தருமோ அதற்கு நிதி வரவு செலவுத் திட்டத்தில் போதுமான அளவு ஒதுக்கப்படவில்லை, ஒதுக்கப்படுவதேயில்லை என்பது அனைவரும் அறிவார்.

ஒன்றுமில்லைங்க..எமது இணைய கட்டணத்துடன் 14 % வரியை வசூலிக்கும் இந்த அரசு எங்களுக்கு அவை எப்படி எல்லாம் செலவளிக்கிறது எனச் சொல்லுமா? ஏழை பாளைகளிடம் வங்கியில் அதிகமாக கடனுக்கு வட்டி வாங்கிக் கொண்டிருக்கும் தேசிய வங்கிகள் அந்த கடனை ஏன் அத்ந வட்டியையாவது தள்ளுபடி செய்யுமா? எரிவாயுவுக்கு மானியம் என நாடகமாடி விட்டு ஒரு மாதம் குறுஞ் செய்தி வருகிறது வங்கியில் உங்கள் மானியம் சேர்ப்பிக்கப்பட்டது என, இந்த மாதம் இன்னும் வரவேயில்லை…மேலும் இதற்கு காப்பிட்டுத்ட் திட்டம் உண்டு விபத்துக்கு 40இலட்சம் முதல் 50இலட்சம் வரை உயிருக்கு இழப்பாக தரவேண்டும் என்றெல்லாம் இருக்கிறது..ஆனால் இதை எல்லாம் யாவருக்கும் தெரியாமலே திட்டங்கள் இருக்க் இருக்கின்றன.

இதற்குத்தான் அரசுத் திட்டம் என்றால் இந்தியாவில் ஏதுமே உருப்படியாக இருக்காது என எந்த மக்களும் நம்புவதே இல்லை…நிலை எல்லாம் அப்படி இருக்க விவசாயி அத்தனை பேரும் தொழிலை விட்டு வேறு தொழிலுக்கு வேறு ஊருக்கு நகர் புறம் சார்ந்து சென்று கூலி வேலை செய்து சாலையோரங்களில் படுத்துறங்கி வாழ்வை கழித்து விடலாம் என ஏங்கிக் கொண்டிருக்கும் நகர்புறம் சார்ந்த கலாச்சாரம் நோக்கி இந்தியா சாய ஆரம்பித்து சுமார்30 ஆண்டுக்கும் மேல் ஆகிவிட்டது.

விவசாயி ஒவ்வொருவரும் ஒப்பாரி வைத்துக் கொண்டு இருக்கிறார். தொழில் செய்ய முடியாமல். மேலும் நிலத்தை எல்லாம் அரசியல் சூது வாது தெரிந்த பணமுதலைகள் குறைவான விலைக்கு வாங்கி பிளாட் போட்டு கட்டம்கட்டி, சாலை, குடிநீர், அது சுலபம் இது அருகே என மனை நிலங்களாக பிரித்து விற்க ஆரம்பித்து விட்டன வெகுகாலமாக.

நானறிந்த ஒரு நபர் கூட இதுவரை 4 இடங்கள் இது போல் செய்து வருகிறார். அவ்வப்போது விளைநிலங்களை வீட்டு மனைகளாக மாற்றினால் வரி கட்ட முடியாது, குடிநீர் , மின் இணைப்பு எல்லாம் பெறமுடியாது என அவர்களை அதாவது அந்த முதலாளிகளை மிரட்டிடும் ஊராட்சிகளும், நகராட்சிகளும் அவர்கள் மூலம் பெரும்பயன் அடைய வழி வகுத்துக் கொள்கின்றன…அலுவலகம் அல்லாத முறைகேடான வழிகளில் தனிமனித இலாபம் ஈட்டி, அரசு வருவாயை, அல்லது அரசு விதிகளை மயிரிழை கூட மதிக்காமல் அனுசரிக்காமல்

இந்த காரணம் காட்டி நிலம் தப்பிப் தவறி வாங்குவோரிடமும், நாங்கள் ஏற்கெனவே அறிவித்திருந்த போதிலும் எதற்கு வாங்கினீர், அதெல்லாம் முடியாது வரி விதிக்க முடியாது, குடிநீர் இணைப்பு கிடைக்காது என்று பம்மாத்து செய்து விட்டு பெரும்பணம் கறந்த பிறகு அதற்கெல்லாம் வேறு வழி இருக்கிறது என வேறு வழிகாட்டி..தண்ணி காட்டி பணப்பாலை கறந்து கொள்கின்றன…

 

பணப்புழக்கமே இல்லை. வாங்கிய கடனை கட்ட வழியில்லை. விஜய் மல்லையா போன்ற சாராய பெருமுதலைகளே தமது தனி விமானத்தை இரும்புக்கு எடைக்கு போட்டு தமது விமானக் கம்பெனிக்கு கடன் தவணை செலுத்தும்போது ஏழை விவசாயி என்ன செய்ய முடியும்? அதில் வேறு இந்த வங்கிகள் நாசூக்காக இவர்கள் மேல் திணித்திடும் சுரண்டல்கள் சொல்லி(ல்) மாளாது.

உழவர் சந்தை என நேராக தமது விளை பொருட்களை மக்களுக்கு விநியோகம் செய்யும் கலைஞர் போன்றோர் கொடுத்த திட்டங்களை அம்மா போன்றோர் எடுத்து விட்டது, மழை இல்லாதது, இடைத்தரகர் ஆட்சி,போக்குவரத்து விவகாரங்கள், செயற்கை உரம், யூரியா, நல்விதைகள், யாவுமே இப்போது பெரும் பிரச்சனைகள்.

கிராமங்களில் இருந்து தப்பி எல்லா படித்த பிள்ளைகளுமே கைகளில் மண் படியாமல் , துணியில் அழுக்கு படியாமல் ஓடி, வெளி நாட்டுக்காவது ஓடி பிழைத்து செத்து தொலையலாம் என நினைக்கும் காலத்தில் இந்த மட்டி மந்திரி இந்த விவசாயிகள், காதல் தோல்வி, நோய்வாய்ப்பட்டு, குடும்ப விவகாரத்தில் தான் தற்கொலை செய்து கொள்கின்றனர் என திரு வாய் மலர்ந்தருளியது ஒரு அரிய கண்டு பிடிப்பு.

ஒரு சாதாரண கூலித்தொழிலாளிக்கு ஒரு நாளைக்கு சராசரி 500 ரூபாய் வருவாய் வருகிற நிலையில் எந்த விவசாயிக்கு அப்படி வருகிறது என்று எவருமே சொல்ல முடியாது. நிலம் என்னும் நல்லாள் ஊடி இருக்கிறாள் . திருக்குறள் சொல்வது போல
அது மட்டுமல்ல…இயற்கை விவசாயம், செயற்கை கெடுதல் உரங்கள் என இதில் வேறு ஏகப்பட்ட பிரச்சனைககள்.

வரும் 3ஆம் தேதி ஆகஸ்ட் வரைதான் கேரளா தமிழகத்து காய்கறிகளை அனுமதிக்கவே போவதாக செய்திகள். வெங்காயம் 33 ரூபாய்க்கு வாங்கி ராகுல் வெங்காயம் என ரூபாய் 5க்கு 500 கிலோ ஒரு நாளைக்கு 100 பேருக்கு விற்பனை செய்ததாக காங்கிரஸ் சொல்கிறது. இது போல 1500 கிலோ இது போல விற்றிருக்கிறதாம். வெங்காயத்தில் மோடி வெங்காயத்தின் விலை ரூபாய். 35 என்றும் ராகுல் வெங்காயம் கிலோ 5 என்றும் விற்பனை செய்தார்களாம்.

இதே காங்கிரஸ் ஒராண்டுக்கு முன் 10 ஆண்டுகள் ஆண்டபோது என்ன செய்தார்கள் என்பதுதான் தெரியவில்லை. அதை மாற்ற போவதாக சொன்ன, இந்த மோடிமஸ்தான்கள் என்ன செய்யப் போவதாக உள்ளார்கள் என்றும் தெரியவில்லை.

இதே போல இந்த ராகுல் வெங்காயம் அன்றாடத் தேவைக்காக ஆண்டு முழுதும் இதே 5 ரூபாய் விற்பனைக்கு இந்தியாவின் 130 கோடி மக்களுக்கும் காங்கிரஸ் வாங்கி 28 ரூபாய் நஷ்டப்பட்டு வழங்க முடியுமா? எல்லாம் காட்சி அரசியல் இந்த கட்சி அரசியல்

மக்கள் என்று திருந்தப் போகிறார்களோ? கையில் என்று வெளக்கமாறும், செருப்பும் ஏந்தப்போகிறார்களோ?

அரசு எவ்வழி, மக்கள் அவ்வழி, மக்கள் எவ்வழி, அரசு அவ்வழி…
இந்த நாட்டுக்கு எம்மால் ஆனதை எல்லாம் செய்வோம் என்று உண்மையகவே பாடுபட்ட ஒரு சில உள்ளங்களோடு அவ்வப்போது தொடர்பில் இருந்து பேசி வருகிறேன். அதில் ஒருவர் சிற்பி. இளைஞர் ஒருங்கிணைப்பாளர் கொ.வேலாயுதம் என்பார். காலையில் கூட சசிபெருமாள், கலைஞர் சந்திப்பு பற்றி, நாடு போகும் பாதை பற்றி அளவளாவினோம்…இந்த சசி பெருமாள் எமது பாசறையில் எங்களால் வளர்க்கப்பட்ட ஒரு பயிர். ஆனால் இதன் பின் அணியில் இந்த் வேலாயுதம் போன்றோர் எல்லாம் இருக்கிறோம்

எங்கள் போன்றோர் கரங்களில் நாடு இருந்திருப்பின், இருந்தால் நல்லது விளைந்து இருக்கும் இந்த அளவு அல்லலில் இருந்திருக்காது, இருக்காது என்ற நல் வார்த்தைகளுடன். பசியுடன்..

மறுபடியும் பூக்கும் வரை
கவிஞர் தணிகை.


பிரேசில் அதிசயம்:ரிக்கார்டோ ஆஸேவெடோ பெட்ரோலுக்கு பதில் நீர் எரிபொருள்,1 லி நீரில் 500கி.மீ …கவிஞர் தணிகை.

ஜூலை 26, 2015

பிரேசில் நாட்டின் பாலோ நகரில் வசிப்பவர், ரிக்கார்டோ ஆஸேவெடோ. நிறைய ஆராய்ச்சிகள் செய்பவர். ‘பெட்ரோலுக்காக, மக்கள் போராடுகின்றனர். ஒவ்வொரு நாடும், அடுத்த நாடு மீது போர் தொடுக்கும் அளவுக்குச் செல்கிறது’ என்று கவலைப்பட்டிருக்கிறார். உடனே, இதற்காக ஒரு ஆராய்ச்சியைத் துவங்கி இருக்கிறார்.எத்தனை ஆண்டுகள் ஆராய்ச்சி செய்தாரோ தெரியவில்லை. கடந்த வாரம், ஒரு ‘பைக்’ மற்றும் ஒரு லிட்டர்தண்ணீர் பாட்டிலுடன், நகரின் பிரதான சாலைக்கு வந்தார், ரிக்கார்டோ ஆஸேவெடோ.

‘எல்லாரும் இங்கே வாருங்கள்; என் வண்டியை சோதனை செய்து கொள்ளுங்கள். இந்த வண்டியில் பெட்ரோலுக்குப் பதிலாக, தண்ணீர் ஊற்றி ஓட்டப் போகிறேன்’ என்று அறிவித்தார். மக்கள் திரண்டனர். பெட்ரோல் டேங்க், வண்டி இன்ஜின் மற்றும் சில பாகங்களில் சோதனை செய்தனர்.பெட்ரோல் டேங்க் காலியாகத்தான் இருந்தது. மக்கள் முன்னிலையிலேயே, ஒரு லிட்டர் தண்ணீரை, டேங்கில் ஊற்றினார். அடுத்த நிமிடம், பைக்கை ஸ்டார்ட் செய்தார்; பைக் இயங்கத் துவங்கியது. கூடியிருந்த மக்கள், கைதட்டி ஆரவாரம் செய்தனர். பின்னால் ஒருவரை ஏற்றி, வண்டியை ஓட்ட ஆரம்பித்தார்.

ஒரு லிட்டர் தண்ணீருக்கு 500 கிலோ மீட்டர் ஓடும் என்று, ரிக்கார்டோ கூறியிருக்கிறார். ஆனால், தண்ணீரில் வண்டி ஓடுவதை நம்பினாலும், ஒரு லிட்டருக்கு, 500 கி.மீ., என்பதை யாரும் நம்பவில்லை. 490 கி.மீ., ஓட்டிக் காட்டி, அசத்தினார் ரிக்கார்டோ.

தண்ணீரில் எப்படி பைக் ஓடுகிறது? இதோ, ரிக்கார்டோ ஆஸேவெடோ சொல்கிறார்: பெட்ரோலில் ஓடும் பைக்கில் இருந்து வெளியேறுவது போல, இதில் இருந்து, கார்பன் மோனாக்சைடு வெளியேறாது.இந்த இன்ஜினில் இருந்து, நீராவி மட்டும் தான் வரும். இந்த இன்ஜினுக்கு, ‘டி பவர் ஹெச்20′ என்று பெயர் வைத்திருக்கிறேன்.இந்த பைக்கில், காருக்கான ஒரு பேட்டரி பொருத்தியிருக்கிறேன். அந்த பேட்டரியில் இருந்து மின்சாரம், டேங்கில் இருக்கும் தண்ணீரில் பாய்ச்சப்படுகிறது. அப்போது, தண்ணீரில் இருக்கும் ஹைட்ரஜன் சக்தி எழுந்து, பைக்கின் இன்ஜினை இயக்குகிறது. சுத்தமான தண்ணீர் மட்டுமின்றி, குளம் குட்டைகளில் தேங்கிக் கிடக்கும் தண்ணீரையும் கூட பயன்படுத்தலாம்.இவ்வாறு அவர் கூறினார்.

பொதுவாகவே, வெளிநாடுகளில் எதைக் கண்டுபிடித்தாலும், அது பயன்பாட்டுக்கு வந்து விடும் என்ற நம்பிக்கையும் நமக்கு உண்டு. அதுபோல இதுவும்பயன்பாட்டுக்கு வந்துவிட்டால்…உங்கள் கற்பனை குதிரை ஓட ஆரம்பித்திருக்குமே! ஓடட்டும்… ஓடட்டும்!

thanks: Dina malar 26th.july.15.

marubadiyumpookkum.wordpress.com

marubadiyumpookkum varai

KAVIGNAR THANIGAI.


ஓடிய கால்கள் நிற்காது : கவிஞர் தணிகை

ஜூலை 25, 2015

 

 

ஓடிய கால்கள் நிற்காது : கவிஞர் தணிகை
கால்கள் தொய்வடைந்து விட்டன,கண்கள் திரை விழ ஆரம்பித்துவிட்டன,பற்கள் தேய்வடைந்து விட்டன,அந்த புரவி ஓடுவதை நிறுத்த வில்லை. ஓடி ஓடி பழக்கமாகி விட்டது அந்த பாதையில் எனவே அந்த பாதையில் மெதுவாக செல்ல வேண்டும் என நினைத்து சென்றாலும் கூட அந்த புரவிக்கு கால்கள் நிற்பதில்லை..அது ஓடி ஓடியே பழக்கமாகிவிட்ட புரவி அது.

நிதம் ஒருவரின் மறைவு பற்றி செய்தியும், ஊடகங்களும்,சமூக வலை தளங்களும், முக நூலும் ஆலாபனை செய்தபடியே இருக்கிறது என்றாலும் தமது இருப்பை என்றும் நிரந்தரமாக நினைத்த வண்ணம் மனிதர்கள் வானளாவப் பறக்க ஆசைப்பட்ட படியே ஒருவரை ஒருவர் முந்திக்கொண்டு ஒருவரை விட அதிகம் பேரை, புகழை, பொருளை ஈட்ட இந்த மனிதர்கள் யாவருமே தமது கனத்தை விட அதிக கனத்தை தூக்கிக் கொண்டு பறந்து கொண்டே இருக்கின்றனர். கண்ட புரவி கனைத்தபடி முகபடாம் அணிந்தும் கடிவாளம் கடித்தும் இயற்கை சாரதியின் வழிகாட்டலில் இந்த புரவி ஓடிக் கொண்டே இருக்கிறது.

எல்லோருக்கும் ஒரு சுற்றில் அந்த ஓய்வு கட்டாய ஓய்வு , நிரந்தர ஓய்வு கிடைக்கப் போகிறது என்ற சிந்தனையே அற்ற உலக மாந்தரிடை அது அவர்களுக்கு மட்டும்தான் நமக்கில்லை என்ற சீந்துவாரற்ற சிந்தனையற்ற மாந்தர் கூட்டத்தில் இந்த புரவி எப்போதும் எப்படியும் வந்து நேரிடும் அந்த வேளையை நினைவு கொண்டபடியே ஓடிக்கொண்டே இருக்கிறது

எனவே அது இன்னும் நிறைய ஓட நினைக்கிறது அந்த வாய்ப்பு தமக்கும் கிடைக்கும் முன்னே எவ்வளவு செய்ய முடியுமோ எவ்வளவு தொலைவு ஓடிவிட முடியுமோ பேரை எவ்வளவு நிலை நாட்ட அவ்வளவு நிலை நாட்டி ஓடி விட நினைக்கிறது. மாறுபட்ட உலகத்துள் காடுகள், மலைகள்,சாலைகள்,நீர் நிலைகள், வானளாவிய கட்டடங்கள், பல்வேறு பட்ட நில நீர் நெருப்பு காற்று ஆகாய வெளிகளுடன்… அதன் பயணம் இன்னும் மீதம் இருக்கிறது நிறைய….

நுரை தள்ளும் முன்னே, இரை அள்ளும் முன்னே, கொள்ளும் நீரும் இதற்கு கிடைத்தாலும் கிடைக்காவிட்டாலும், மது அருந்தி திமிறி,அடக்க மறுத்த, அடங்க மறுத்த உயிராக இல்லாமல் படைப்பையே நோக்கமாகக் கொண்டு நல்லதை முடிந்த அளவு பொருள் இருக்கிறது கிடைக்கிறது என்ற சிந்தனையே இல்லாமல் தமது கடமையாக கிடைத்தவற்றை செய்த வண்ணமே மனித குலத்துக்கும் பிற உயிர்களுக்கும் தமது உழைப்பை ஆற்றியபடியே இந்த குதிரை ஓடிக் கொண்டே இருக்கிறது.

மக்கள் சேவையே மகேசன் சேவை என்பார்.அதையும் மீறி வாடிய பயிரைக் கண்டபோதெல்லாம் மனம் மிக வாடினேன் என்ற வள்ளல் கருத்துப்படி எல்லா உயிர்களுக்கும் எதையாவது நன்மை செய்ய விரும்பிய வண்ணம் இந்த புரவி பாய்ந்தபடியே இருக்கிறது… தமக்குத் தெரியாத பிரதேசத்து எல்லைகளுக்குள் எல்லாம்…கூட…

இப்படியும் கூட எழுதலாம்..இலக்கின்றி..எவரையும் தாக்காமல், எவரையும் புகழாமல் ஒரு தனித்துவம் தணிகைத் தவம் பற்றி பேசியவாக்கில் இந்த பதிவு…

மறுபடியும் பூக்கும் வரை
கவிஞர் தணிகை


நினைவுப் பிறழ்தல்கள்: கவிஞர் தணிகை

ஜூலை 24, 2015

 

நினைவுப் பிறழ்தல்கள்: கவிஞர் தணிகை
வெளி உலகும் உள் உலகும் வேறு வேறாக இருப்பதால் முரண்பாடுகள்,இரு உலகும் ஒரு கோடிட்டு பிரிவதால்…உள் உலகிலிருந்து பாலமிட்டு வெளி உலகை புனரமைக்க நினைப்போர் எல்லாமே மனநிலை பாதிப்படைந்தவர் போலும், உணவுக்கும், உடைக்கும் உறையுளுக்கும் கூட ஏன் குழந்தையின் பாலுக்கும் கூட ஏன் தாய்ப்பாலுக்கும் கூட இரத்தக் கசிவை அனுபவித்த வராலாறுகள் நமது உலகை உய்விக்க வந்த உத்தமர்களுடையது.

இப்படி கனவுலகில் வாழ்வோருக்கு எல்லாம் இந்த உலக நடப்பு பிடிபடுவதே இல்லை. அவர்கள் நினைவுப் பிறழ்தல்களுடன் வாழ்வதாக வெளித் தோன்றினாலும் அவர்கள் இந்த உலகை விட்டு பிரிந்து போய் வெகுகாலம் ஆகிவிட்டதை அவர்கள் இருப்பு நினைப்பு இல்லா நடப்பு வெளிக்காட்டியது..இதெல்லாம் வேறு வகையான நினைவுப் பிறழ்தல்கள்.

ஆனால் மறதிக்கு மருந்து இல்லை. என்பார்.போவாதரா….என்றொரு குரல் இன்று.. எப்போதும் போன்ற ஒரு உள் குரல்..நேற்றும் எங்கும் செல்லவில்லை. இன்றும் இதென்ன பெரிய இழுப்பாய் இருக்கிறதே நாம் சிறிய குழந்தை போல என மறுத்து கிளம்பினேன் நட்டப்பட்டேன் அது வேறு…தலைக்கு வந்தது தலைப்பாகையோடு போயிற்று என்ற பழமொழி வேறு.( அஷ்டமி , காலம் , நேரம், எல்லாம் கடவுள் படைப்பில் உண்டா? நல்ல கேள்விகள்…)

வெளி உலகின் அறிந்த அறியாத முகங்கள் நமது எண்ணத்துடன் இடறுகின்றன விளைவு..நமது எண்ணங்கள் திசை திருப்பப் படுகின்றன. மேலும் வயதின் அனுபவ சேர்க்கைகள் ஆழ்மனதில் சென்று சேர சேர மறதி ஆரம்பிக்கிறது.

இதை சரி கட்ட நினைவுக் குறிப்பு எழுதிக்கொண்டு மறக்காமல் செயல்பட நினைப்பது அப்படி எழுதிய குறிப்புச் சீட்டையே எங்கு வைத்தோம் என தேடுவது இதெல்லாம் வாடிக்கையாகிவிட்டது

நொடிக்கு நொடி நினைவைப் பிடித்து வைப்பது வெகு சிரமமாக இருக்கிறது. உருண்டு மிக அருகே வரும் இந்தக் காலத்தில்.நிறைய சம்பவங்களை வாழ்வில் சந்தித்தவர்கள் நிலப்பாடு எல்லாம் இப்படிப்பட்டது தான் என மனோநிலை மருத்துவர்கள் கூட சொல்லக் கூடும். நிற்க

மாலை நடைப்பயிற்சி செல்வதாக இருந்தாலும் கூட , ஒரு சிறு துண்டு, சில அடையாள அல்லது பெயர் விலாச அட்டைகள், செல்பேசி, பாதுகாப்புக்கு ஒரு ……,. சில நேரங்களில் காலம் கருதி குடை,ஒரு சிறு டார்ச் லைட், ஒரு தலைக்கு பாதுகாப்பான தொப்பி,ஒரு மருத்துவ முதலுதவி மாத்திரகள் சில…இத்தனை தேவைப்படுகிறது..

அத்துடன் சில நேரங்களில் எதற்காகவாது சிறு தொகை பணமாக கொண்டு சென்றால் அதையும் ஒரே பாக்கெட்டில் வைத்தால் அதை வேறு எதையாவது எடுக்கும்போது கீழே போட்டு தவற விட்டே வர நேரிடுகிறது. எனவே பாதுகாப்பாக அதை உள் அறை பாக்கெட்டுகளில் பத்திரமாக அல்லது இரகசியமாக வைக்க வேண்டியதிருக்கிறது.இதெல்லாம் தேவைதானா? எதற்கெல்லாம் இப்படி?

ஆம் சேலத்தில் சில முறை எமது பைகள் கிழிபட்டு, உள்ளிருந்தவை களவாடப்பட்டிருக்கின்றன சில முறைகள்…வெளி உலகை சந்திக்க செல்வதாக இருந்தாலே தகுந்த பாதுகாப்புடன் செல்ல வேண்டி இருக்கிறது. இதுவே முதலில் எண்ணத் தடையை ஏற்படுத்தி விடுகிறது எப்போதும் சுதந்திரமாக செயல்பட்டு நடக்க வேண்டும் என நினைப்போர்க்கு.

மேலும் இதை எல்லாம் சேர்த்து ஒரு கைப்பை வைத்துக் கொண்டு அதில் இட்டு வைத்து நினைவாக மறக்காமல் எடுத்து வரலாமே என சில நண்பர்கள் சொன்னதுண்டு. ஆனால் அந்த பையை கூட மறந்து விட்டு வந்த சம்பவங்கள் நம் வாழ்வில் உண்டு.

நாம் சொல்வது நமது கவனத்தை வேண்டுமென்றே சிதற அடித்து திருடுவார் பற்றிய முயற்சி பற்றியெல்லாம் இல்லை. நமக்கு நாமே எண்ணங்களில் அதிகம் மூழ்வாராகவும், அடுத்தவரின் அறிமுகமும், அருகாமையும் நமது எண்ணத்துடன் நம்மை கலந்து நம்மை மெய் மறக்கச் செய்யும் போக்கு பற்றியது.

இவர் எல்லாம் ஒரு நாட்டை ஏன் ஒரு உலகையே கூட ஆள அருகதை உடையவர்தான். ஆனால் சாதாரண வாழ்வில் அன்றாட பொருள் தேடும் உலகில் வாழ அருகதை இல்லாதவர் என்பதே எம் கருத்து.

விவேகானந்தர் வாழ்வில், இராமகிருஷ்ணர் வாழ்வில், ஜே.கே வாழ்வில், மேலும் இந்த உலகை திருத்த நினைத்த உத்தமர்கள் வாழ்வில் எல்லாம் வெகுவாக இப்படிப்பட்ட முரண்கள் இருந்ததுண்டு…

வெளி உலகு இன்று வேறுபட்ட கண்ணோட்டத்துடன் மனுசனை மனுசன் சாப்பிடறாண்டா தம்பிப் பயலே என்ற பட்டுக் கோட்டையின்பாடலின் படியும் சிறு மீன்களை பிடித்து பெருமீன்கள் உண்ணுவதான கடல் வாழ்வு போலும், ஒருவரை ஒருவர் கீழ் அழுத்தி எம்பி தாம் மேல் ஏறவேண்டிய எண்ணத்திலுமே பெரிதும் ஏன் பெரிதும் என்று சொல்வதை விட முற்றிலும் ஆழ்ந்து கிடக்கிறது. எனவே நல்லவர் எல்லாம் வெளிக் கிளம்பும்போது வெகுவாக எச்சரிக்கை முன் முயற்சி, தயாரிப்புகள் செய்து கொள்ள வேண்டியதிருக்கிறது.

எப்போதுமே நடப்பதல்ல விபத்துகள். ஆனால் எப்போதாவது நடக்கும் விபத்துகளுடன் அன்றாடம் நிமிடத்துக்கு நிமிடம் இந்தியாவில் உயிர்கள் மாய்ந்தபடியே இருக்கின்றன.அது போல மயிரிழை நேரத்தில் நடக்கும் ஒரு சிறு பொறி சம்பவம் நம் வாழ்வை பாதிக்கும் போது அது முற்றிலும் நமது வாழ்வை, குடும்பத்தை, வாழ்வின் முறைகளை, உறவை, எதிர்காலத்தை யாவுமே பாதிப்பதாய் அமைந்து விடுகிறது.

கண்ணைக் கட்டியபடி எழுதிக் கொண்டே இருக்கிறானே…என வெகுள வேண்டாம். எப்போதும் பாதுகாப்பாய் இருக்க வேண்டிய நிலை நல்லவர்களுக்கு நிர்பந்திக்கப் பட்டிருப்பது பற்றிய ஒரு சுய தன்னுணர்வை (சுயப் பிரக்ஞை) ஏற்படுத்த இந்த பதிவு முயல்கிறது…

மேலும் பாழும் மனமும், எண்ணமும் ஈடாக வருவாய் வந்தாலும் இழந்த பொருளைப் பற்றிய எண்ணத்திலிருந்து எல்லாம் மீள்வதாக இல்லை, எல்லா ஆடுகளும் இருந்தபோதும் மேய்ப்பன் தொலைந்து போன ஒரு சிறு ஆட்டைப் பற்றி வேதனைப்பட்டு தொலைந்து போனதைப் பற்றி அதைப்பற்றியே கவலைப்படுவதக பைபிளில் சொல்வது போல…

இந்த மாதம் நிறைய அல்லல்கள். மேலும் தாயின் பிரிவையும் எமது கண்களுக்கு காட்டிய காலத்தின் நினைவாகவும்,வாழ்வின் இறங்கு முகமாகவும் செய்த வேதனை பதித்த காலத்தின் பதிவாகவும்… நிறைய நேரங்களில் வெளி உலகே பெரும்பாலும் எமக்கு தொடர்பற்று இருப்பதாக தோன்றுகிறது….தாமரை இலைத் தண்ணீராக இருந்துமில்லாமல் பிரிந்தும் பிரியாமல் வாழ்ந்து கொண்டிருப்பதாகவே உணர்கிறேன்.

 

அல்லவை தேய அறம் பெருகட்டும்…

மறுபடியும் பூக்கும் வரை
கவிஞர் தணிகை.


சுஷ்மா போடாத மொட்டை,சோனியா போடாத பட்டை,:எல்லை மீறிய கோடுகள் கேடுகள்: கவிஞர் தணிகை

ஜூலை 23, 2015

 

சுஷ்மா போடாத மொட்டை,சோனியா போடாத பட்டை,:எல்லை மீறிய கோடுகள் கேடுகள்: கவிஞர் தணிகை
சுமார் 11 ஆண்டுகள் முன்னால் சோனியா பிரதமர் பதவியேற்றால் அவர் வீட்டு முன் மொட்டை அடித்து போராடுவேன் என்ற சுஷ்மா தமது தவறு என்ன என்பதற்கு பதிலாக காங்கிரஸ் தலைவர் ஒருவர் பேரை பாராளுமன்றத்தில் வெளிப்படுத்துவேன் டிப்ளமேட் விசா வழங்க வேண்டி ஒரு குற்றவாளிக்கு அவர் வேண்டுகோள் வைத்தது பற்றி என்கிறார். சோனியா குறைந்தது ஒரு வாரமாவது பாராளுமன்றத்தை முடக்க வேண்டும் என்கிறார்

காலம் மாறிக் கொண்டே இருக்கிறது . காங்கிரஸ் 44 எம்.பிக்களும் பிஜேபி பாராளுமன்ற மொத்த உறுப்பினர் எண்ணைக்கையில் பாதிக்கும் மேல் இருக்கும் நிலையில் சோனியா ஒருவாரம் பாராளுமன்றத்தை முடக்கி விடவேண்டும் சுஷ்மா, வசுந்தரா ஆகியோர் லலித் மோடி விவகாரத்தில் பதவி விலகும் வரை விடக்கூடாது என்கிறார்

நமோ அமைதியாக இருக்கிறார் இதையெல்லாம் பார்த்துக் கொண்டு தமக்கு துளியும் தொடர்பில்லாதது போல.எல்லாமே எல்லை மீறிய கோடுகளாக கேடுகளாகவே இருக்கிறது இந்த நாட்டில்.

தமிழே தம்மிடம் வாழ்கிறது என்பார் எல்லாம் பொருளாதார முறைகேடுகளுள் சிக்கி காணமலே போய் விடுகிறார். நிறைய பேர் வாழ்வு பொருளாதார கறைகளுடனேதான் போய் விடுகிறது.

பத்திரிகை நடத்துவது, பள்ளி நடத்துவது, கார் வாங்குவது கடைசியில் காணாமல் போவது இப்படி சில பேர்களும், கோவில் கட்டுவது, டன் கணக்கில் கோபுரத்திற்கு தங்கம் கொண்டு கவசமிடுவது,என மார்தட்டுவது கடைசியில் காணமல் போவது என்று சிலர் வாழ்வும். மருத்துவமனை , கல்வி நிறுவனம், செய்கிறோம் என ஏமாற்றுவது எல்லாம் ஒரு காலத்தில் பொருளை முறையின்றி ஈட்டத் துடித்து சீக்கிரமே பெரும் பணக்காரராகவும் சமூகத்தில் உயர்ந்த நிலைக்கு செல்ல வேண்டியும் கணக்கிடுவது எதிர்பார்ப்பது அதற்கு சாதி, மதம், மொழி, இனம் யாவற்றையும் பயன்படுத்த துடிப்பது.
விஜய் மல்லையா போன்றோர் வாழ்வு கூட தமது சொந்த விமானத்தை இரும்பு கடைக்கு எடைக்கு போட்டு வந்த பணத்தில் கிங் பிஷர் கம்பெனியின் கடன் தவணை கட்ட முயற்சிப்பது…

சிலர் வாழ்வு இரிடியம் ரைஸ் புல்லிங்க், லில்லி புட் சித்திரக் குள்ளர்கள்,சுருள் பாம்பு என கற்பனை வியாபாரத்துடனே சென்று போலியாக பொருள் தேட முற்படுவது, பொருளை இலட்சக்கணக்கில் இழப்பது இப்படியாக ஏமாற்றுவோர்,ஏமாறுவோர் வழியே சென்று கொண்டிருக்கிறது.

கட்சி, சாதி, மதம் யாவுமே அநியாயத்துக்கு அதிகமாக துணை போகிறது ஆனால் இயற்கை யாவற்றையுமே கடைசியில் உள்வாங்கிக் கொள்கிறது. மனிதாபிமானத்துடன் துன்பத்தில் சிக்கி உழலும் ஜீவன்களுக்கு உதவ மனப்பாங்கு உள்ள மனிதர்கள் அருகி வருகிறார்கள்.

இதில் சாமியார்களும், மடத்து ஆசாமிகளும் அரசியலில் பெரும்பங்கு வகிக்கிறார்கள் இவர்களை எல்லாம் முதலில் பிடித்து நாட்டில் உள்ள எல்லா சிறைகளுக்கும் அனுப்பி வைத்து அங்குள்ள குற்றவாளிக் கைதிகளுக்கு முதலில் பயிற்சி வகுப்பு எடுக்கச் சொல்லி வைத்து அவர்கள் அடியில் உள்ள எல்லா செல்வ வளங்களையும் எடுத்து நாட்டின் நதிகளை இணைக்கலாம். மக்களுக்குத் தேவையான எல்லா வசதிகளையும் செய்து தரலாம். மதுவின் வருமானம் இல்லாமல் ஆட்சி நடத்தவே முடியாது என்னும் மாயைகளை அடியோடு விரட்டலாம்

யார் இந்த துணிச்சலுடன் இந்த நாட்டின் ஆட்சிக்கு வந்து, நேரு சொன்ன கலப்பு பொருளாதரமல்ல இந்த நாடு வழி நடக்க வேண்டியது, சமத்துவ பொருளாதார முறைதான் என மாற்றி இந்த நாட்டையே மாற்றி அமைக்க போவதோ?

யாமறிந்த ஒரு கம்யூனிஸ்ட் நண்பர் ஒருவர் தமது குடும்பத்தையே கூட கவனிக்க மறுத்து விட்டார். அவர் இறப்புக்கும் பின்புதான் அவர் மனைவி, வாரிசுகளே நன்றாக தலையெடுத்து வாழ்கிறது எது கம்யூனிஸம் அவரவரது குடும்பத்தை நெருக்கி பிழிவதா அதுதான் அவர்கள் கம்யூனிசத்தால் கற்றதா எனத் தெரியவில்லை.

எனவே யாம் சொல்ல வந்தது யாதெனில்: இன்னொரு பெண்ணை பிரதமராக விடமாட்டேன் என்ற இதே சுஷ்மா அன்று மொட்டை யடித்துக் கொள்ளாமல் சோனியா பிரதமராகாமல் விட்டார். இவரோ இன்று பதவியில் இருந்து கொண்டு எல்லா தில்லுமுல்லுகளும் செய்து விட்டு அதைப்பற்றி பேசுவதை விட்டு விட்டு ..சிறு பள்ளிப் பிள்ளைகள் அந்தக்கால ஆசிரியரிடம் தப்பு பண்ணி மாட்டும்போது நான் மட்டும் இல்லை சார், அவனும் தான் என்பது போல காங்கிரஸ் தலைவர் ஒருவர்பேரை பாராளுமன்றத்தில் வெளியிடுவேன் அவர் ஒரு குற்றவாளிக்கு ஒரு டிப்ளமேட் விசாவுக்கு என்னிடம் கோரிக்கை வைத்தார் பரிந்துரைத்தார் என்கிறார். பதிலுக்கு பதில் செய்தால் அவர்கள் தம்மை தாக்க மாட்டார்கள் என மமதை. பிளாக் மெயில். ஏட்டிக்கு போட்டி.

சோனியா வாரம் முழுமைக்காவது பாராளுமன்றத்தை முடக்கவேண்டும், இந்த கறை படிந்த கரங்கள் எல்லாம் பதவி விலக வைக்க வேண்டும் அதில் உறுதியாக இருக்க வேண்டும். அந்த செய்தி எப்படி முன் கூட்டியே ஊடகங்களுக்கு தெரிந்தது? ஏன் பாராளுமன்றத்தில் அது பற்றி எல்லாம் விவாதிக்கவே துடிக்கிறீர் எப்போதும் அது உங்களுக்கு வாடிக்கையாகி விட்டது என சசி தரூரை கடிந்து கொண்டிருக்கிறார்.

இங்கே நத்தம் விஸ்வநாதன் போன்றோர் மற்ற மாநிலங்களில் எல்லாம் இருக்க நாங்கள் மதுவிலக்கு செய்ய கடைகளை எடுக்க முடியாது என்கிறார்.

கலைஞரும் ,ஸ்டாலினும் மது விலக்கை நாங்கள் வந்தால் அமல்படுத்துவோம் என்றால் அது மருத்துவர் இராமதாஸுக்கும், அவரது மகனான எமது தொகுதி எம்.பிக்கும் அதை நாங்களும் சொல்கிறோம் நீங்களும் ஏன் சொல்கிறீர் என பயப்படுகிறார்…மக்கள் ஒரு வேளை இதை எல்லாம் கேட்டு அவர்களுக்கு வாக்களித்து விடுவாரா என்று..இப்படி

எல்லாமே எல்லை மீறிய கோடுகளாக, கேடுகளாகவே போய்க் கொண்டிருக்கிறது. இந்நிலையில் எதை எடுத்தாலும் படிக்காதவர் அதிகம் உள்ள நாட்டில் எலக்ட்ரானிக் தகவல் நுட்பம் அதிகம் நிலவ ஆரம்பித்து அதில் எல்லாம் ஏற்படும் சிக்கலை தீர்க்க மறுபடியும் எந்திரத்துள் தலை நுழைக்க மனிதர்கள் சிரமப்பட வேண்டியதாகிறது.

யார் யாருக்கு என்ன என்ன எல்லைகள் அவர்கள் எது வரை போகலாம், ஆசை அதிகம் பட்டு முடியாத தூரம் வரை சென்று திரும்பி வர முடியா சூழலில் எட்டடி நிலத்தை மட்டுமே எல்லாம் எட்டும் நிலை வருவதை எண்ணாத மனிதம் இன்னும் எவ்வளவு எல்லையில்லா பிரதேசம் வரை போகக்கூடும்?

இயற்கை மேலும் கீழும் மாற்றி மாற்றி சுழன்றே வருகிறது. மேல் அமரும் மனிதர்கள் தாம் அங்கேயே இருக்கப் போகிறோம், அப்படியே அதே வயதில் வாழப்போகிறோம் எனவும் எண்ணாமல் காற்றுள்ள போதே தூற்றிக் கொள்ளும் நினைப்பில் எப்படியும் போய்விடுவோம் அதற்குள் எல்லாவற்றையும் அனுபவித்து விடுவோம், தியாகம் சீலம் என்பதெல்லாம் விரயம், பிழைக்கத் தெரியாமை, அறிவின்மை, என புத்தி சாலித்தனமாக வாழ்வதாக எண்ணி வாழும் நாடகம் கலையும்போது உண்மை பளிச்சிடும்..வாழ்ந்த யாவும் வெறும் கற்பனை திரை மறைவு என்பதே…

மறுபடியும் பூக்கும் வரை
கவிஞர் தணிகை.


இந்தியாவை ஆட்சிசெய்த இங்கிலாந்து, நஷ்டஈடு தர வேண்டும்: புள்ளி விவரங்களுடன் பேசிய சசி தரூர்

ஜூலை 23, 2015

நாம் அன்றாடம் பேசிக் கொண்டிருக்கிறோம். ஆனால் சசி தரூர் எம்.பி இந்தியாவில் இங்கிலாந்தின் 200 ஆண்டுகால காலனி ஆதிக்கத்தால் விளைந்த விளைவும் கேட்ட இழப்பீடும் பற்றிய வீடியோ பதிவு மிகுந்த பிரபலமடைந்திருப்பதாக ஊடகங்கள் தெரிவிக்கின்றன
Lok Sabha MP Shashi Tharoor speaks during the Oxford Union debate (Courtesy: YouTube)

இவர் தனிப்பட்ட வாழ்வில் என்ன விமர்சனத்திற்கு உள்ளாகியிருந்த போதும், பதவியில் இருக்கிறோம் இல்லை என்பது பற்றிய சுய ஆய்வு இன்றி தமது கருத்துகளை பொதுவாழ்வில் வெளிப்படுத்துவதில் சுணக்கம் காட்ட வில்லை என்பது இவர் மேல் எமக்கு பிடித்த ஒரு குணாம்சம். மேலும் மேலை நாடுகளில் நமது இந்திய அயல் நாட்டு தூதுப்பணியில் இருந்தவரை காங்கிரச் அரசு பயன்படுத்த நினைத்து அமைச்சராக ஆக்கியபோதும் இவரது முறைமைகள் மாற்றிக் கொள்ளப்படவில்லை.
ஒரு முறை பதவியை விட்டு விலகியதும் குறிப்பிடத் தக்கது.

இப்போது காங்கிரஸ் கட்சியில் இருந்து கொண்டு சில விஷியங்களில் நமது பார்வைக்கு சரியோ தவறோ அவர் மோடியின் வெளி நாட்டு பயணங்களை ஆதரித்து பேசி வருகிறார்.

எது எப்படி ஆனபோதும் இந்த உரை வெளி நாடுகளில் அப்துல் கலாம் பேசி ஏகோபித்த ஆதரவை பெறுவது போல அவருக்கும் பின் இவரது உரை எமக்கு மிகவும் பிடித்து இருக்கிறது ஒவ்வொரு இந்தியருக்கும் பிடிக்கும் என நம்புகிறேன். எனவே இன்று அது ஒரு நல்ல பதிவாக…

மறுபடியும் பூக்கும் வரை
கவிஞர் தணிகை.

200 ஆண்டுகளாக இந்தியாவை ஆட்சி செய்த ஆங்கிலேயர்கள் நஷ்டஈடு தர வேண்டும் என்று கூறி லண்டனில் உள்ள ஆக்ஸ்போர்டு பல்கலைக்கழகத்தில் உரையாற்றினார்.
“இங்கிலாந்து, தனது முன்னாள் காலனி நாடுகளுக்கு இழப்பீடு வழங்க வேண்டுமா?” என்ற தலைப்பில், லண்டனில் உள்ள ஆக்ஸ்போர்டு பல்கலைக்கழகத்தில் விவாதம் நடைபெற்றது. அந்த விவாதத்தில் கலந்துகொண்ட, காங்கிரஸ் எம்பி. சசிதரூர் பங்கேற்று பேசினார்.
அப்போது சசி தரூர் பேசுகையில், “இந்தியாவை இங்கிலாந்து அடிமைப்படுத்துவதற்கு முன்னர், உலக பொருளாதாரத்தில் இந்தியாவின் பங்கு 23 சதவீதமாக இருந்தது.
ஆனால், இங்கிலாந்து வெளியேறியபோது, உலக பொருளாதாரத்தில் இந்தியாவின் பங்கு 4 சதவீதமாக குறைந்திருந்தது.
இங்கிலாந்து தனது நலனுக்காகவே இந்தியாவில் ஆட்சி செய்ததுதான் இதற்குக் காரணம். இந்தியாவில் கொள்ளை அடித்ததால்தான் இங்கிலாந்து தன்னை வளப்படுத்திக்கொண்டது.
2 ஆம் உலகப்போரின் போது பிரிட்டன் படையில் 6 இல் 1 பங்கு இந்தியர்கள். அந்தப் போரில் 54,000 பேர் போரில் பலியாகியுள்ளனர். 65,000 பேர் காயமடைந்தனர். 4000 பேர் கதி என்னவென்று தெரியவில்லை.
இந்தியாவிலிருந்து ஆங்கலேயர்கள் பருத்தியை எடுத்துச் சென்று, இங்கிலாந்தில் ஆடைகள் தாயாரித்து இந்தியாவில்லேயே கொண்டுவந்து விற்பனை செய்தனர்.
இதனால், உலகத் தரம் வாய்ந்த பருத்தி ஆடைகளின் ஏற்றுமதியாளர்களாக உயர்ந்திருந்த இந்தியா, இறக்குமதி நாடாக்கப்பட்டது. இதனால் இந்திய நெவவாளர்கள் கடுமையான துன்பத்திற்கு உள்ளாக்கப்பட்டனர்.
இத்தகு காரணங்களுக்காக, இந்தியாவுக்கு இங்கிலாந்து நஷ்டஈடு தர வேண்டும்”. என்பன உள்ளிட்ட அடுக்கடுக்கான புள்ளி விவரங்களுடன் சசி தரூர் பேசினார்.
இந்நிலையில், சசி தரூரின் சுமார் 15 நிமிடபேச்சு வீடியோ, யு டியூப்பில் வெளியாகியுள்ளது. அதை 5 லட்சத்துக்கும் மேற்பட்டோர் பார்த்துள்ளனர். சசி தரூரின் கருத்து, சமூக வலைத்தளங்களில் பெரும் விவாதத்தை கிளப்பியுள்ளது என்பது குறிப்பிடத்தக்கது.
http://indianexpress.com/article/trending/video-shashi-tharoor-brilliantly-argues-why-britain-owes-india-for-200-years-of-brutal-colonialism/
thanks to : Indian Express.

2115 வரை தமிழ் வாழ்வாளா? கவிஞர் தணிகை

ஜூலை 22, 2015

 

2115 வரை தமிழ் வாழ்வாளா? கவிஞர் தணிகை
அட நம்ம தமிழ் செல்வி, தமிழரசி, தமிழருவி எல்லாம் கல்யாணம் செய்து கொண்டு வாழ்வாரா இல்லையா என்பதல்லங்க கேள்வி,செந்தமிழ், தீந்தமிழ்,பைந்தமிழ், நறுந்தமிழ், அமுதத் தமிழ் 5000 ஆண்டுகளுக்கு மேல் புகழ் பெற்ற செம்மொழி என்று கல் தோன்றி மண் தோன்றாக் காலத்தே முன் தோன்றிய மூத்தகுடியின் தமிழ் மொழி அது வரை வாழுமா? அழியுமா என ஐ.நாவின் அறிக்கை ஒன்று கேட்கிறதாம் அது பற்றித்தான் இந்த கவலைப் பதிவு.

சும்மா இருக்க மாட்டாம, நாஞ்சில் நாடன் தமிழார்வம் பற்றி எல்லாம் நான் படிக்கப் போய் அவரிடம் இருந்த கவலை ஒன்று என்னையும் பற்றிக் கொண்டது . அது. அடுத்த நூற்றாண்டுக்குள் அழியும் 100 மொழிகளின் உலகப் பட்டியலில் தமிழ் 8 ஆம் இடத்தில் இருக்கிறதாம். இதை யாம், எமது தெருமுனை சந்திப்பில் அனைவரும் படிக்கும் சுவர் எழுத்துகளில் தெரிவித்து விட்டோம். உண்மையிலேயே 2 பேர் கவலைப்பட்டார்கள். பேசினார்கள்.

அதில் ஒரு நண்பர் உடனே அழியக்கூடிய முதல் மொழி பட்டியலில் எது என்றார் ..நானும் தேடித் தேடி நேற்று முதல் பார்க்கிறேன் எனது அறிவுக்கு எட்டியவரை அந்த பட்டியலைப் பிடிக்க முடியவில்லை. எனது வாய்ப்பும் அதிர்ஷ்டமும் எப்போதுமே குறைவுதான்.

அனால் சில புள்ளி விவரங்களை யுனஸ்கோ போன்ற ஐ.நா நிறுவனங்கள் தெரிவித்திருப்பது யாது எனில்:உலகில் 96% பேர் 4 % மொழியைத்தான் பயன்படுத்தி வருகின்றனர். மீதமுள்ள 4 %பேர்தான் 96 % மொழியை பயன்படுத்தி வருகின்றனர் என அதிர்ச்சியூட்டும் தகவல்களை தெரிவிக்கின்றனர்.

இந்தியாவில் 122 மொழியை 10,000க்கும் மேற்பட்ட மக்கள் பேசி வருவதாகவும், மேலும் 1500க்கும் மேற்பட்ட மொழிகள் இருப்பதாகவும் அவை அழிந்து விடலாமென்றும்…30மொழியை மட்டுமே 10 இலட்சத்துக்கும் மேற்பட்டவர்கள் அதாவது மில்லியன் எண்ணிக்கையில் பேசிவருவதாகவும் 2001 கணக்கெடுப்பு சொல்லி வருகிறது.அதற்கும் பின் 15 ஆண்டுகள் அல்லவா ஓடிவிட்டது. அதையும் நாம் மக்கள் தொகையையும் கணக்கில் கொள்ள வேண்டும் தோராயமாக 445 மொழிகள் புழங்கி வருவதாக சொல்கிறார்கள்

உலக அளவில் உள்ள முதல் 10 மொழிகளில் நமது இந்தியாவின் பெங்காலி, இந்தி ஆகிய மொழிகள் அதிகம் பேசுவோர் பட்டியலில் இடம்பெறுகிறது. ஆனால் தமிழ் இல்லை. ரசியன், “ஸாபானிஸ், அரபி, போர்த்துக்கீச்,ஜபானிஷ், ஜெர்மன் போன்ற மொழிகள் உள்ளன.ஆனால் 100 கோடிக்கும் மேற் பேசப்படும் சீனாவின் மாண்டரின் தான் முதல் மொழியாக விளங்கி வர இங்கிலீஷ், இரண்டாம் மொழியாக இருக்கிறது என தகவல். இது உலக மக்கள் தொகை அடிப்படையில் அதிகம் பேசுவோரின் மொழிகளாக முதல் 10ல் நிற்பவை.

மொழி ஆராய்ச்சி போதும் , நமதுதமிழுக்கு வருவோம். ஊடகம்,பதாகை, கல்வி நிறுவனங்கள் யாவற்றிலும் எங்கும் தமிழ்,எதிலும் தமிழ் என்று எதுவுமே இல்லை. வெறும் அரசு அலுவலகங்கள் முன்னால் தமிழ் வாழ்க என எழுதி வைத்துக்கொண்டு அதைக் கூட படிக்கத் தெரியாமல் டமில் வால்க என இருக்கும் கூட்டத்தை பார்க்கிறோம்.

பள்ளி,கல்விநிறுவனங்கள், கல்லூரி எவற்றிலும் தமிழ் பயிற்றுவிப்பும் இல்லை. இளைய தலைமுறையினரிடம் உச்சரிப்போ, எழுத்தோ சென்றே சேரவில்லை. பின் எப்படி அழியாதிருக்கும்.

எங்கும் போகவேண்டாம். எமது மகனையே முடிந்தவரை தயார் செய்து நிறைய பரிசுகள் ஈட்ட வைத்துள்ளேன் மேடைகளில் …ஆனால் அவருக்கு பள்ளி மேனிலை இரண்டாம் ஆண்டு படித்துவரும் நிலையில் பள்ளி படிப்பையே இன்னும் சில மாதங்களில் முடிக்கவிருக்கும் நிலையில் அவருக்கு தெளிவாக படிக்க முடியவில்லை. இத்தனைக்கும் அவருக்கு நிறைய தமிழோடு தொடர்பிருந்தும்.

விளம்பரப் பலகைகளை பாருங்கள் இப்போது தமிழகத்தின் தமிழ் இருக்கும் நிலையை நன்கு புரிந்து கொள்ள முடியும். இவற்றை யார் சரி செய்ய முடியும். அரசு வாளாவிருக்கும்போது.

வெறும்பேச்சு வெல்லக் கட்டிதான் நமது நாட்டில். நமது மாநிலத்தில். நமது தலைவர்கள். ஆனால். சீனாவில், ஜப்பானில் அவர்கள் மொழிக்குத்தான் அவர்களுக்கு முன்னுரிமை கொடுக்கின்றனர். ஆனால் அதை எல்லாம் சொல்லி விட்டால் இங்கு தேசப்பற்று என்று ஒன்று எதற்கு என வாதம் பேச ஒரு கூட்டம் உண்டு. சொல்லப் போனால் அவர்கள் தாய் மொழி தவிர வேறு மொழி தெரியாதவர்களாய் இருக்கின்றனர். ஆனால் எல்லா துறைகளிலுமே நமக்கு முன்னதாக இருக்கின்றார்கள்.

மொழி, இனம், சாதி, மதம் இது போன்ற அடையாளங்கள் அவசியமில்லைதான் மனிதம் மேம்படும்போது மனிதம் ஒன்றுதான் முக்கியத்துவம் பெற முடியும். ஆனால் அதற்காக தொன்மையான ஒரு மொழி அழிவதை யாரால் பார்த்துக் கொண்டிருக்க முடியும்.

தமிழ், நாசாவில், ஏன் ராயல் சொசைட்டி ஆப் சயின்ஸ்…இப்படி உலகெங்கும் அங்கீகாரம் பெற்ற மொழியாய் இருக்க… நாம் நமது நாட்டில் அழிந்து அழித்துவருகிறோம்.

உதாரணமாக நமது வலைதளத்தில் வலைப்பின்னலில் தங்கிலீஸ் என ஒரு புது மொழி உருவாகி விட்டது. தமிழை ஆங்கிலத்தில் தட்டச்சு செய்து படிப்பது. இது நல்லதுக்கா கெட்டதற்கா… ஆய்வு செய்ய வேண்டிய விஷியம்.

கணினியில் பணி புரியும்போது எம்போன்றோர்க்கு தமிழ் தட்டச்சு செய்ய தெரியாதபோது அதை மொழிமாற்றம் செய்ய வேறு வழியில்லாமல் சில அணுகுமுறைகளை கையாள்கிறோம் அது வேறு.

ஆனால் தமிழில் பேசினால் எழுதினால் மதிப்பில்லை, ஆங்கிலம் தெரிந்தால் அவருக்கு எல்லாம் தெரிந்து இருக்கிறது என்ற மாயை நிலவி வருகிறது.

எமது சொந்தக் கதையை எடுத்தால், தமிழ், ஆங்கிலம் தெலுங்கு தவிர கன்னடம், இந்தி, ஒடியா, எல்லாமே அரை குறை…மொழி ஒரு ஊடகம்தான். ஆனால் ஒரு செம்மொழி தகுதி அடைந்த தமிழ் மொழி 100 ஆண்டில் இல்லாமல் போகும் என்றால் அதை நம்பமுடியவில்லைதானே…ஆம் உண்மையில் தமிழ் தமிழர் உள்ளவரை அழியாது இருக்கும்தான்.அப்துல் கலாம் தமிழில் கை எழுத்து இடுவதைப் பார்த்து நானும் தமிழில் கையெழுத்து இட ஆரம்பித்தேன்…இதெல்லாம் மாற்ற முடியுமா மாறுதல் என்று சொல்ல முடியுமா>

தமிழில் இருக்கும்..247 எழுத்துகளை எழுதச் சொல்லுங்கள், அல்லது சொல்லச் சொல்லுங்கள் எத்தனை கல்லூரி மாணவர்கள், பள்ளிப் பிள்ளைகள் இன்று சொல்கிறார் என..ஏன் ஆசிரியர்களே இனி தடுமாறக் கூடும் ஏன் எனில் பயன்பாடு இல்லை.பயன்படுத்தாத எந்த மொழியும் அழியும். எந்த செயலுமேஅழகு பெறாது. அதில் பயன் வராது.இலக்கணம், இலக்கியம், நயம், நூலின் பாங்கு அனுபவம் பற்றி எல்லாம் எங்கள் பள்ளிக் காலத்திலேயே சொல்லித் தரும் தமிழாசிரியரின் வளம் குறைய ஆரம்பித்து விட்டது. அவரவரின் தனித்தன்மைக்கேற்ப குணம் அன்றைய நடப்புகளுக்கேற்பவே சொல்லித் தந்தனர். ஆழமாக செல்ல வேண்டும் என ஆசை இருந்தும் கூட செல்ல முடியவில்லை.

படிக்க எழுத சோம்பல், அலுவலகங்களில் எல்லாம் கணினி ஆங்கிலம், ஏன் நிரப்பும் படிவம் எல்லாம் ஆங்கிலம், இன்னும் நீதிமன்றம் அப்படியேதான் ஏமாற்றி வருகிறது. எல்லா அரசு அலுவலகங்களிலும் தமிழ் இருக்க வேண்டும் என்பார் ஆனால் அப்படி இருப்பதாகத் தெரியவில்லை…

யோவ் சொல்ல வந்ததை சொல்லித் தொலை வேறு வேலை இருக்கிறது என்கிறீர்களா?

தமிழ் அழிந்து கொண்டுதான் வருகிறது. தமிழர் பண்பாடும் ஒழிந்து கொண்டுதான் வருகிறது இதில் எமக்கு கருத்து மாறுபாடில்லை. இன்று 30 வயதுக்கு கீழ் இருக்கும் தமிழர்களிடம் தமிழ் இல்லை.

இனி அது எப்படி அழியாமல் இருக்க முடியும் என்பதுவே கேள்வி. நூல்கள் நிறைய வெளியிடப்படுகின்றன. புத்தகத் திருவிழாக்கள் எல்லாம் கூட்டம் இருக்கிறது. ஆனால் எவ்வளவு பேர் படிக்கிறார்கள் என ஆய்வுக்கு உட்படுத்தி பாருங்கள் ஏமாறுவீர்கள். ஏமாறுவோம்.

எம் வீட்டில் கூட நிறைய நூல்கள் உள்ளன. எனத் தவிர இன்னும் உள்ள 2 உறுப்பினரில் எவருமே அதை எடுத்து தொடுவதாக காணோம். ஏன் எனில் வாழ்வின் தேடல் அத்தகையதாய் அவர்களை மாற்றி இருக்கிறது. தமிழ் நன்றாக படித்தால் தமிழ்ப் பொருள் நன்றாக விளங்கும். ஆனால் வாழ பொருள் இருக்காது என வேறு ஒரு குரல் இருக்கிறது. என்வே குறள் என்னதான் உலகின் உன்னத மொழியாய் உலகு அழியும்போதும் குறள் நூல் அழியக்கூடாது என காக்கும் பாதுகாப்பில் இருந்தாலும்
“சும்மா வைத்துக் காத்து ” என்னங்க பயன்…?

தமிழைத்தவிர வேறு மொழியே தமிழகத்தில் தமிழர் எனச் சொல்வார் பேசக் கூடாது, அலுவலகத்தில் பயன்படுத்தக் கூடாது, தமிழ் மொழி வழிக்கல்வி ஒன்றைத் தவிர வேறு ஒன்றையும் கல்வி நிறுவனங்களில் புகுத்தக் கூடாது, நீதிமன்றத்தில், காவல்நிலையத்தில் அலுவலகங்கள் எல்லாவற்றிலுமே தமிழன்றி வேறு மொழி புகுவது கூடாது. கணினி கூட தமிழ் வழியில் மட்டுமே இயக்கப் பட வேண்டும் என்றெல்லாம் செய்தால் ஒரு வேளை தமிழை அடுத்த நூற்றாண்டுக்கும் அப்புறம் கூட நலமாக, வளமாக காத்து இரசிக்கலாம்.

இல்லையேல் தமிழ் எழுத்துகள் அடங்கிய நூல்களை எல்லாம் பார்த்து இரசிக்கலாம். படித்து இலயிக்க, ஆழ்ந்து அதில் நுழைந்து அனுபவிக்க எல்லாம் முடியாது போய் விடும் என்பதில் எந்த வித கருத்து வேறுபாடுமில்லை. ஒருபுறம் தூய தமிழ் என்று கொன்று கொண்டு, மறுபுறம் தமிழையே இல்லாமல் செய்து கொண்டு…

 

தமிழ் இனி மெல்ல வாழுமோ? சாகுமோ?

மறுபடியும் பூக்கும் வரை
கவிஞர் தணிகை.


கலைஞர் ஒரு வழியாக கடைசியாக திருவாய் மலர்ந்தருளினார்:-கவிஞர் தணிகை

ஜூலை 21, 2015

 

கலைஞர் ஒரு வழியாக கடைசியாக திருவாய் மலர்ந்தருளினார்:-கவிஞர் தணிகை
தி.மு.க பதவிக்கு 2016ல் தேர்ந்தெடுக்கப் பட்டால் மதுவிலக்கு அமல்படுத்தப்படும் என தாம் கொண்டு வந்த மதுக்கடைகளுக்கு தாமே முற்றுப்புள்ளி வைக்கப் போகும் கனவில் கடைசியில் ஒருவழியாக கலைஞர் கருணாநிதி அவர்கள் திருவாய் மலர்ந்தருளி உள்ளார். இதுவும் ஒரு வகையில் நல்லதே.

இந்த துறையின் அமைச்சர் நத்தம் விஸ்வநாதன் மதுவிலக்கு சாத்தியமில்லை, டாஸ்மாக் கடைகள் தமிழகத்தில் எடுக்கப்படாது, பக்கத்து மாநிலங்களில் இருக்கும்போது இது இங்கு சாத்தியமில்லை என பேசியுள்ளது அ.இ.அ.தி.மு.கவின் நிலையை அதுவும் அடுத்த ஆண்டு தேர்தலை சந்திக்கவேண்டிய நிலையில் உள்ள ஆளும் கட்சியின் நிலையை தெளிவாக உணர்த்தி உள்ளது.

இவர்கள் வலுவாக இன்று தமிழகம் அதன் கட்சிகள் பிரிந்து கிடக்கும் நிலையை வைத்து கணக்கிடுகின்றனர்.மேலும் தமது கட்சியில் வாக்கு வங்கி என்னதான் இருந்தாலும் எல்லா கட்சிகளையும் விட வலுவானதாக சிதறாமல் அதிகமாக இருப்பதாகவும் நம்புகிறார்கள் அதன் எதிரொலிதான் அ.இ.அ.தி.மு.கவினர் நிலைப்பாடும் இது போன்ற பேச்சுகளும்.இந்த எதிரொளி எப்படி வரும் மாநிலத் தேர்தலில் இருக்கும் என நாமும் கவனிப்போம்.

கேரளத்து முல்லைப்பெரியாறு பிரச்சனையை, ஆந்திரத்து கிருஸ்ணாநதி நீரின் சென்னைக்கு குடிநீர் பிரச்சனையை, கர்நாடகா மேக்கேதாட்டு பிரச்சனை, காவிரி நீர் தாவா போன்ற அண்டை மாநில பிரச்ச்னைகளில் ஒரு முயற்சியும் செய்து சாதிக்காத போதும், இந்த அரசு அம்மாவின் உடல் நலத்தை மட்டுமே சார்ந்திருக்கும் அரசாக இருந்த போதிலும் இந்த மது விலக்கு பிரச்சனைக்கு மட்டும் அண்டை மாநிலங்களை ஒப்பீடு செய்வதென்பதுதான் ஆளும் கட்சியாக இருப்போரின் வாடிக்கையான நிகழ்வாகி விட்டது.

பேருந்து கட்டணம், பால் விலை உயர்வு போன்ற பொது மக்களை பாதிக்கும் பிரச்சனை வரும்போதெல்லாம் கூட இதே மாதிரிதான் மற்றைய அதிகமாக உள்ள மாநிலங்களை சுட்டிக் காட்டி இங்கிருப்பதை விட அந்த மாநிலங்களில் எல்லாம் இன்னும் அதிகம் என இந்த மாநில மக்களுக்கு ஆறுதல் சொல்வார்கள். பேசாமல் இவர்கள் அந்த மாநிலங்களுக்கே கூட சென்று வாழலாம், முடிந்தால் ஆட்சியும் நடத்தலாம்.

இதுதான்,இதற்காகத்தான் மக்கள் இவர்களை எல்லாம் ஆட்சிக்கட்டில் ஏற வாக்குகளை அள்ளி வழங்கியது.எப்படியோ 15 ஆண்டு மது ஆட்சிக்கால முடிவில் கலைஞர், ஸ்டாலின் போன்றோர் இதுவரை பேசாமல் மதுவிலக்கு பற்றி வாயே திறக்காமல் இருந்து விட்டு ஏனைய கட்சியினர் எல்லாம் எதிர்ப்பது பற்றி பார்த்த பிறகும் மௌனம் சாதித்து விட்டு இவர்களின் பிரச்சார பீரங்கியான தினகரன் நாளிதழில் கூட தினமும் இந்த மதுவின் அட்டூழியத்தை பக்கம் பக்கமாக அறிக்கை கொடூர சம்பவங்களை வெளியிட்டு விட்டு இறுதியாக இப்போது கலைஞர் தமது வாயாலேயே இந்த கருத்தை தமது கட்சி ஆட்சிக்கு வந்தால் மதுவிலக்கு அமல்படுத்தப்படும் என உறுதியாக கூறிவிட்டார். இது ஒரு நல்ல சகுனம்.

ஏன் எனில் எம்போன்றோர் எல்லம் கூட அனைவரும் மது விலக்கு பற்றி வலியுறுத்தும்போது ஏன் இந்த ஸ்டாலினும், கலைஞரும் வாயே திறக்க மாட்டேன் என்கிறார்கள் என சில நாளுக்கும் முன்பு கூட கேட்டிருந்தோம்.

எல்லாவற்றிலும் ஒரு தொடர் விளைவு இருக்கிறது. எம்.ஜி.ஆர் ஆதரவு இல்லையெனில் கலைஞர் ஆட்சிக்கு வந்திருக்க முடியாது, கலைஞர் ஆட்சிக்குவந்து இருக்க வில்லை யெனில் , எம்.ஜி.ஆர் ஆட்சிக்கு வந்திருக்க முடியாது, எம்.ஜி.ஆர். ஆட்சிக்கு வரவில்லை எனில் அம்மா.ஜெ. ஆட்சிக்கு வந்திருக்கமுடியாது, அம்மா ஜெ ஆட்சிக்கு வந்திருக்கவில்லை எனில் நத்தம் விஸ்வநாதன் போன்ற அமைச்சர்கள் இப்படி பேசியிருக்க முடியாது, கலைஞரும் பேசியிருக்க முடியாது.

கலைஞரிடம் முதிய வயது வாழும் பக்குவம், எழுத்தாற்றல்,பேச்சாற்றல் போன்ற நல்ல குணங்களும் திறன்களும் உண்டு. இவரது கட்சி ஆட்சிக்கு வந்தால் முதல் கையெழுத்தாகக் கூட இந்த கடமையை நிறைவேற்றுவார். அதில் ஒன்றும் மாறுபட்ட கருத்து இல்லை. ஆனால் இதன் தீமையை இப்போதுதான் தெரிவது போல இதன் கொடுமையை இப்போதுதான் உணர்வது போல் பேசுவதில்தான் ஏதோ நெருடல் இருக்கிறது.

எது எப்படியோ இந்த ஒரு பிரச்சனையேகூட அக்கினிக் குஞ்சாக நாடெங்கும் பரவி ஆட்சிக்கட்டை மாற்றி அமைக்க உதவட்டும். மது ஒழியட்டும் அது குறித்து மாற்றுக்கருத்தே இல்லை. மதுவிலக்கு ஆதரவான வேட்பாளர்களுக்கு நமது வாக்குகள் இருக்கட்டும். ஆனால் தமிழகத்தின் வாக்கு வங்கி வழக்கம் போல் அ.இ.அ.தி.மு.க வை அரசுக் கட்டில் ஏற்றினால் எப்படி இருக்கும் ஒரு கற்பனை செய்து பாருங்கள்…..

கூட்டணி தர்மம் நோக்கி அணி நகர்த்த இந்த கலைஞரின் பேச்சு உதவியாய் இருக்கும் என இந்த காலக் கட்டத்தில் இந்த பேச்சு உதிர்க்கப்பட்டதாகவும் இருக்க வாய்ப்புண்டு.எப்படி ஆனாலும் தி.மு.க சார்ந்த ஆட்சி என்னதான் எப்படிதான் கீழானதாக இருந்தாலும் அதில் ஜனநாயக மரபுகளுக்கு இடம் இருக்கும் மத்திய காங்கிரஸ் ஆட்சி போல.

ஆனால் அ.இ.அ.தி.மு.க ஆட்சியில் அந்த ஜனநாயக மரபு எல்லாம் தற்போதைய மத்திய பி.ஜே.பி ஆட்சி போல குழி தோண்டி புதைக்கப்பட்ட சர்வாதிகார மனோநிலை உடைய ஆட்சியாகவே இருக்கும். இருக்கிறது அம்மா.ஜெ அவர்கள் ஆள ஆரம்பித்த நிலையிலிருந்து காலத்திலிருந்து என பொது நோக்கர்கள் அரசியல் பார்வையாளர்கள் கருதுகிறார்கள் என்பதே இந்த பதிவு வெளிப்பாடு.

அம்மாவின் ஆட்சி,கலைஞரின் ஆட்சி இரண்டையும் ஒப்பிடவும் முடியாது. ஒப்பிடவும் கூடாது. ஆனால் அதற்கு எல்லாம் மாற்றாக இந்த தேர்தலும் இருக்காது என்பதுவே இன்றைய கட்சிகள் மக்கள் செல்வாக்கில் இருக்கும் நிலைகள். ஒன்று குடும்ப நலம் பிரதானம். ஒன்று ஒரேயடியாக மரபை மீறிடும் விதைகளாக இருக்கும்.இரண்டுமே வழக்கம் போல ஆட்சிக் கோட்டையை பிடிக்க தீர்மானிக்கும் என்பதுவே அடியேன் கருத்து. இதை எதிர்த்து ஏனைய கட்சிகள் யாவும் ஓரணியில் திரண்டு 3ஆம் குழுவாக இயங்கி ஆட்சியை தீர்மானிக்குமளவு தேர்தல் வெற்றி என்பதை பெறுவது சிரமம். அப்படி பெற்றால் தமிழகத்தின் தலைவிதி அங்கிருந்து ஒரு திருப்பு முனை நோக்கி நகர ஆரம்பிக்கிறாது என்றே பொருள்.

எப்படி இந்த மாநிலம் தேர்தலை சந்திக்கப் போகிறது என இப்போதிருந்தே ஒரு விறு விறுப்பு இது போன்ற பேச்சுகளால் உருவாகி வருகிறது என்பது மட்டும் மறுக்க முடியா உண்மை.

மறுபடியும் பூக்கும் வரை
கவிஞர் தணிகை.


.தங்க விலை வீழ்ச்சி ஏழை எளிய மக்களுக்கு எப்படி பாதிப்பாகிறது? கவிஞர் தணிகை.

ஜூலை 20, 2015

தங்கம் தங்கம் உங்கள் அங்கம் எங்கெங்கும்…தங்க விலை வீழ்ச்சி ஏழை  எளிய மக்களுக்கு எப்படி பாதிப்பாகிறது? கவிஞர் தணிகை.

யாரோ ஒரு எண்ணெய் வள நாட்டின் கொழுத்த பணக்காரர் தம் மகளுக்கு தங்கத்தில் கழிவறை கட்டி சீதனமாக்குவதும், ஷா ருக் கான் தமது குளியலறையை தங்கத்தில் வைத்திருப்பதும், ஜோய் ஆலுக்காஸ் ஒரு சாம்ராஜ்யத்தை வீடாக்கி இருப்பதும்,ஒரு வியாபாரி தமது மகள் உடலெங்கும் தங்கத்தாலேயே ஆபரணங்களால் மூடி வைப்பதும்…இந்தியாவின் முதல் பெரும்பணக்காரரான முகேஷ் அம்பானி வீட்டிலும் தங்க குளியலறை கழிப்பறை இருக்க ஒரு ஏழை எளிய வியாபாரிக்கு கால் பவுன் அதாவது 2 கிராம் தங்கத்துக்கு மாற்றாக இனி ரூபாய் 2000 கூட அடகு வைத்தும் கிடைக்காது.

தங்க விலை வெகுவாக வீழ்ச்சி அடைந்து 8 கிராம் அதாவது ஒரு பவுன் ஆபரணத் தங்கம் விலை 19,092…அதாவது சுமார் 19 ஆயிராமாகி இருக்கிறது இன்றைய தங்க சந்தையின் விலையாக. வங்கிகள் நகை மேல் கொடுத்த கடனை வட்டி கட்டுவதுடன் மேலும் விலை வீழ்ச்சி அடைந்ததற்கும் பவுனுக்கு கொடுக்கும் மதிப்பை குறைத்து அதில் எஞ்சியுள்ள தொகையை வருடா வருடம் சேர்த்து கட்ட சொல்லி விடுவதால் ஒன்று நகையை விட்டு விட வேண்டும், அல்லது ஊதியத்தின் ஒரு கால் பங்கு அல்லது அரை பங்கை இவர்களிடம் இழக்க வேண்டும் அல்லது மேலும் அந்த கடனை ஈடு கட்ட கைமுதல் அல்லது கையிலுள்ள தங்கத்தை கொடுத்து விட்டு வரவேண்டும். அப்படி செய்தால் மட்டுமே நாணயம் காப்பற்றப்படும்.

இல்லையேல் அவர் கடன் வாங்கி கட்ட முடியாத பட்டியலில் கொண்டு சென்று அவர் கரும்புள்ளியுடன் எல்லா வங்கிகளுக்கும் ஒரு காலத்தில் ஏதாவது கடனுதவி கேட்டாலும் கட்ட கையாலாகதவர் என முத்திரை குத்தப்பட்டு வாழ்விலிருந்தே துரத்தி அடிக்கப்படுபவராகிறார். நாட்டின் சட்ட திட்டங்கள், பொருளாதார நிலை, வங்கி வரைமுறைகள் அப்படி…

ஆனால் மிகப்பெரும் பணமுதலைகள் எல்லாம் வாங்கிய கோடிக்கணக்கான பணத்தை கட்ட முடியாது என அப்படியே கூட விட்டு விடுகின்றன. இங்கு பொருளை தங்கமாக வைத்தும் கெட்ட பேர். அங்கே ஆலைக்கு , பெரும் தொழில் செய்யும் முதலாளி என்ற பேரில் நல்ல பேர்.ஷேர் பங்கு சந்தை முதலீடு, இன்ன பிற வர்த்தக முறைகள் கீழ் தட்டுக்கு எட்டாமல் ஆனால் கீழ் தட்டு மக்களின் அடித்தர அன்றாட வாழ்வை பாதித்தபடி…இதெல்லாம் என்ன பொருளாதாரம் ,நிர்வாகம், மேலாண்மை?

நிலத்தின் விலை கூடி வருகிறது. அதை கிரயம் செய்ய அரசுகள் பத்திரப்பதிவு விலை கூட்டியது முதல் நில விற்பனை விழுந்து விட்டதாக மேல் எழுந்த வாரியாக பேசப்படும்போதும் எங்கு எப்படி பணப் பரிவர்த்தனை எனத் தெரியாமலே மிகப் பெரும் புள்ளிகள் நிறைய நிலங்களில் தமது பெரும்பணத்தை முதலீடாக மாற்றி வருகிறார்கள். அதை சிலர் சிறு பிளாட் ஆக்கி கொள்ளை இலாபம் ஈட்டி வாங்கிய விலையிலிருந்து பல மடங்கு இலாபத்துக்கு விலை கூறி விற்று வருகிறார்கள்.

ஆக இந்த பணவரவு செலவுமுடக்கம் யாவும் சிறு வியாபாரிகளை, அன்றாடம் காய்ச்சிகளை, ஏழை எளியவர்களை வெகுவாக பாதித்து வருகிற நிலையில் மேல் மட்டத்தில் எல்லாமே நிற்காமல் நடந்தே வருகிறது.

தங்கம் இறக்குமதி, கிறீஸ், சீனாவின் பொருளாதார வீழ்ச்சி என்றெல்லாம் சொல்கிறார்.அவை இங்கும் இந்தியாவை, தமிழ்நாட்டை , கருப்பு ரெட்டியூர், குஞ்சாண்டியூர் , கோம்பூரான்காடு போன்ற குக்கிராமங்களின் பொருளாதாரத்தையும் பாதிக்கிறது.

எவரும் எவருக்கும் இனி பணம் என்பதை கொடுப்பதற்கு திருப்பி கொடுப்பதற்கு நாணயம் இல்லாததால் கொடுக்க விரும்புவதில்லை. உடனே இந்த ஏழைகள் எளிய மக்கள் ஒரு அவசரத்திற்கு எமர்ஜென்சியாக தம்மிடம் உள்ள பொட்டு நகைகளை எங்காவது அடகு வைத்து அதில் பணம் புரட்டி அந்த சிறு உடனடித்தேவையை பூர்த்தி செய்து கொண்டு பின்னர் பணம் நன்கு புழங்கும்போது அல்லது உழைப்பின் ஊதியம் அல்லது வருட போனஸ் போன்றவை வரும்போது அடகு வைத்ததை மீட்டுக் கொண்டு அவர்கள் சொத்தான அந்த சிறு மதிப்பிலான தங்கத்தை வைத்துக் கொண்டிருந்தனர்.

ஆனால் இனி தங்க விலை வீழ்ச்சி அடைய அடைய அவர்களுக்கு இனி அவர்களிடம் இருக்கும் துளி தங்கத்துக்கு அவர்கள் எதிர்பார்க்கும் தொகையோ, ஆயிரம் இரண்டாயிரம் தொகையோ கிடைக்க வாய்ப்பில்லை. ஏன் எனில் தங்க விலை வீழ்ச்சி அடைந்தவுடன் வர்த்தகம் பாதிக்கப்பட்டு அசலும் வட்டியும் சேர்ந்து தற்போது விற்கும் தங்க விலையை விட அதிகமாகும்போது அப்படியே விட்டு விடுவதால் நாணயம் பாதிக்கப்பட்டு இனி அவர்கள் வைத்த நகையை திருப்பி வாங்காமல் புதிதாக கொண்டு சென்று வைக்கவும் முடியாமல் தடுமாறும் சூழல் உருவாகிறது.

பெரும்பணக்காரர்கள் கையில், காலில், முகத்தில் உடலெங்கும் அங்கம் எங்கும் எங்கெங்கும் நகை அணிந்து கொண்டு காரில் தனி வாகனத்தில் செல்லும் போது, அவர்களை எளிதில் எவரும் கொள்ளையிட முடிவதில்லை. இப்படி நகைக்காக இல்லாமல் தமது வாழ்வின் சுழற்சிக்காக நகையை ஒரு சேமிப்புக்காக சேர்த்து அவசர ஆத்திரத்திற்கு பயன்படுத்த நினைத்து செல்லும் பெண்களிடம் தான் திருடரும் கைவரிசையை காண்பிக்கிறார்.

நாட்டு பொருளாதாரமும் காண்பிக்கிறது. இந்தியாவைப் பொறுத்தவரை நகை, அந்தஸ்து ஆபரண அழகு பொருட்கள் மட்டுமல்ல குடும்பத்திற்கான ஒரு சேமிப்பு. இதன் மதிப்பு குறையக் குறைய..பணப்புழக்கம் குறைய ஆரம்பித்து விட்டது.

ஆசைப்பட்டு விதவிதமாக சேர்த்து அழகு பார்க்கும் பணக்கார மேல் தட்டு குடிகளுக்காக இந்த பதிவு எதுவும் பேசவில்லை. அவர்கள் எப்படியும் பிழைத்துக் கொள்வார்கள். பிழைத்துக் கொள்கிறார்கள்.

ஆனால் கூலிக்கு சென்று உழைத்து பிழைக்கும் நபர்களின் பொருளாதாரம் இந்த தங்க விலை வீழ்ச்சியால் மிகவும் கீழ் இறங்கி வருவது தவிர்க்க முடியாத உண்மை,தவிர்க்கப்பட வேண்டிய வேதனை. கடன் கட்டாத கிங் பிஷர் விஜய் மல்லையா அப்படியே இருக்க கர்நாடாகவில் நீர் வளம் உள்ள மாநிலத்தில் அதிகம் விவசாயிகள் தற்கொலை செய்து கொண்டிருக்கிறார்கள் என்பது நடப்பு செய்தி. விவசாயக் கடன் தருவதில் ஏகக் கெடுபிடி,வட்டி கட்டுவதில் பிரச்சனை, ஒருவருக்கு ஒரு கடனுதவிக்கு மேல் தரமாட்டோம் என்பதும், அதுவும் வருடத்திற்கு ஒன்றுதான் ஒருமுறை தான் என்பதெல்லாம் வங்கி சட்டங்களாக வங்கிகள் கடைப்பிடிக்கின்றன.

இந்த தங்க விலை வீழ்ச்சியால் கீழ் தட்டு ஒன்றும் புதிதாக வாங்கியும் சேர்க்க முடிவதில்லை. மாறாக பணம் செல்வாக்கு உள்ள பெரும்பணக்காரர்கள் மறுபடியும் விலை குறைவுதானே பின்னால் உதவும்..விலை ஏறும் என்ற ஒரு எதிர்பார்ப்பில் இப்போதிருந்தே வாங்கி குவிக்க இந்த தருணம் உதவியாய் இருக்கிறது. 15 ஆண்டுகளாக இப்படிப்பட்ட விலை வீழ்ச்சியை தங்கம் சந்திக்கவே யில்லை. மறுபடியும் உயரும் வாய்ப்பு எப்படி? என்பதற்கு பதிலாக இன்னும் விலை இறங்க வாய்ப்புண்டு என பொருளாதார வல்லுனர்கள் கருதுவதாக செய்திகள். இந்திய தங்கம் சார்ந்த பொருளாதாரம் ஏழை மக்கள் சார்ந்தது. அவர்கள் இனி மீள முடியாது என்றே தோன்றுகிறது.

இந்த சுழிச் சுழலில் இருந்து என்று இந்தியப் பொருளாதாரம் நிமிர்ந்து எழும் என்று தெரியவில்லை. அதை கலப்புப் பொருளாதார நாடு என இந்தியா நேருவால் பறை சாற்றப்பட்டு இன்று தனியார்மயம், மட்டுமே வாழ வழி வகுத்து வரும் நாடு நிலை பற்றி நாம் கவலைப்படுவது வீண். அதில் நாம் எப்படி வாழ்க்கை நடத்தப்போகிறோம் என்பதுதான் நம் முன் நிற்கும் கேள்விகள்.

மறுபடியும் பூக்கும் வரை
கவிஞர் தணிகை.


மனிதரை விட மேலான உயிரினம் ஏதுமில்லை;கீழான உயிரினமும்….கவிஞர் தணிகை

ஜூலை 19, 2015

 

மனிதரை விட மேலான உயிரினம் ஏதுமில்லை;கீழான உயிரினமும்….கவிஞர் தணிகை
ஈராக் ரம்ஜான் பரிசு: 150 க்கும் மேற்பட்ட உயிர்கள்,நமோ என்னதான் ஆனாலும் லலித் மோடி, வசுந்தரா,சுஸ்மா,ஸ்மிர்தா இரானி,விவகாரங்களில் வாயே திறக்கவில்லை,கூட்டம் சேர்ந்தால் அநியாயம் கூட நியாயம் ஆகிவிடுகிறது.பிறவிச் சுபாவம் எத்தனை முறை மன்னிக்கப்பட்ட போதும் மாறுவதேயில்லை.

மருமகன் நடவடிக்கையால் ஆபத்து என ஜாடையாக ராபர்ட் வடேரா,சோனியா காந்தி மருமகனைப் பற்றிப் பேசும் பிரதமர் நமோ யார் சொல்வதைப் பற்றியும் கவலைப்படாமல் பயணம் வெளி நாட்டுப் பயணத்தில் அதிகம் வாழ்வை செலவளிக்கிறார்.

ஆனால் உள்நாட்டில் தம் கட்சிசார்ந்தவர்கள் பால் ஆணித்தரமான குற்றச் சாட்டுகள் லலித் மோடியால் சொல்லப்பட்ட பிறகும் காங்கிரஸ் கட்சியும் நாட்டின் அனைத்து ஊடகங்கள் அதைப்பற்றி எழுதியும் தமது கட்சியின் முதல்வரை, தமது அமைச்சரவையின் அயல் நாட்டு மந்திரியைப் பற்றியும் வாயே திறக்காமல் நரசிம்ம ராவை விட மன்மோகன் சிங்கை விட தமது வாய் திறக்காத வாய் தேவைப்பட்டால்…மட்டுமே திறக்கும் வாய்,செலக்டிவ் அம்னீசியா நோய் பிடித்திருக்கும் போல இருக்கிறது.

உலகின் இரண்டாம் மக்கள் தொகை எண்ணிகையில் உள்ள முகமதிய மதத்தின் ரம்ஜான் பரிசாக ஈராக் நாட்டில் 150க்கும் மேற்பட்ட முகமதியர்கள் வெடிவைத்து தகர்க்கப்பட்டுள்ளார்கள். மேலும் குழந்தைகளை எல்லாம் வெடிகுண்டு கட்டி போர்ப் பயிற்சி செய்ய வெடித்து சிதறடிக்கிறார்களாம்.அவ்வளவு மக்கள் தொகையில் இப்படி போனால் என்ன என்கிறீரா? இல்லை அப்படி விட முடியாதில்லையா? அப்படி அப்பாவி மக்கள் கொல்லப்படக் கூடாதில்லையா?

கும்ப மேளா, வம்பு மேளா என இந்தியாவிலும் இந்துக்களும் கடவுள் என்றும் நதி தீரம் என்றும் இடித்து கூட்டத்தில் மிதிபட்டே ஒரு பக்கம் சாவதும் ஒரு பக்கம் கட்டடம் இடிந்து சாவதுமாக உள்ளனர்.

மனிதர்கள் மாறவே மாட்டார்கள். மாறவும் போவதில்லை. எல்லாம் பிறவிச் சுபாவம். நாம் வாய்ப்புகள் கொடுத்து அவர்கள் மாறுவார்கள், மன்னிப்போம் என நினைப்பர்தான் முட்டாளாகி விடுகிறோம், காங்கிரஸ் 3ஆம் முறை வந்து விடக்கூடாது என பி.ஜே.பி அரசை கொண்டு வந்தது போல…

உலகு, நாடு, ஊர், வீடு வீதி எல்லாவற்றிலுமே சம்பவங்களும், சரித்திரம் ஒன்று போலவே காணப்படுகிறது.

வள்ளுவர் அழகாக சொல்வார், உடன்பாடு அற்ற துணையுடன் ஒரு வீட்டுள் வாழ்வது குடத்துக்குள் நாகம் வாழ்வது போன்றதாகும் என்று.

இராமகிருஷ்ணர் சொல்வார் ஒரு கதையில்: தேளின் இயல்பு கொட்டுவதுதானே என்று…ஒரு நீர்க்கரையில் ஒரு மனிதர் வேலை வெட்டி இல்லாத மனிதர் என்றால் உங்களுக்கு எளிதாக விளங்கும் ..என்னைப் போல…நீரில் சென்று தவறி விழுந்து கொண்டிருந்த தேளை நீரிலிருந்து தரைக்கு மேல் தூக்கி விட்டபடி இருந்தாராம். அதைக் காப்பாற்ற..அது என்னவோ அவர் கையை விரலை ஒரு கொட்டி கொட்டி பதம் பார்த்து விட்டு மறுபடியும் நீருக்கே சென்றுவீழுமாம், மறுபடியும் அதே செயல் திரும்ப திரும்ப நடைபெற்றுக்கொண்டிருந்ததை அவ்வழியே சென்ற ஒரு வழிப்போக்கர் சென்று இந்த மனிதரிடம் ஏன் அய்யா, உங்களுக்கு தேள் கொட்டும் என்பது தெரியாதா?அதை ஏன் காப்பற்ற முயல்கிறீர் தேளின் விஷம் தான் தெரியாதா? அதனிடம் கொட்டு வேறு வாங்கிக் கொண்டிருக்கிறீர் என்றாராம்.

அந்த மனிதர் அதற்கு (துறவி/ஞானி./தவசீலர், /குரு/..பேரில் என்ன இருக்கிறது…சில நேரங்களில் எல்லாம் பேரில் இருக்கிறது…சில நேரங்களில் பேரில் ஏதுமே இல்லை) தேளின் இயல்பு கொட்டுவது, என்னுடைய இயல்பு அதை மீட்டு காப்பாற்ற நினைப்பது என்றாராம். தேளுக்கு அறிவு கிடையாது, நாம் என்ன செய்து வருகிறோம் எனத் தெரியாது எனவே எனைக் கொட்டிக் கொண்டு அது நீரில் அமிழ்ந்து போவதறியமல் செல்ல எண்ணுகிறது…என்றாராம்.

இந்த ராமகிருஸ்ணரின் எளிய கதையை நிறைய பேர் தெரிந்து கொண்டிருப்பீர்கள். அதே போல… அதன் தொடர்புடைய…மற்றொரு சிறு கதை: அவருடையதேதான்.

விஷமுள்ள நல்ல பாம்பு ஒன்று தாம் பரிணாம வளர்ச்சி பெற வேண்டி தமது தன்மையை அற்று பேறு விளங்க வேண்டி என்ன செய்ய வேண்டுமெ என ஒரு துறவியிடம் கேட்க அவரோ யாரையும் தீண்டாதே, யாரையும் கடிக்காதே, யாரையும் தண்டித்து உனது விஷத்தை விரயம் செய்யாதே..அது உனது வீரியத்தை விரையமாக்கிஅவிடும் என்று சொல்லி விட்டு தாம் செல்ல வேண்டிய பாதையில் சென்றுவிட்டாராம்.

பல நாள் கழித்து அதே பாதையில் அவர் திரும்புகையில் வழியோரத்தில் இந்த பாம்பு நகரவும் முடியாமல் உடல் எல்லாம் பொத்தலாகி சேதாரமாகி உயிர் ஒன்றைமட்டும் பிடித்துக் கொண்டு மூச்சு விட்டுக் கிடந்ததாம்.

ஏன் உனக்கு என்ன ஆயிற்று? இப்படி நைந்து கிடக்கிறாயே?உயிர் போகும் நிலையில் இருக்கிறாயே என்றதற்கு:

நீங்கள் சொல்லியபடி நான் யாரையும் கடிக்கவோ, தீண்டவோ/கொத்தவோ, தண்டிக்கவோ முயலக் கூட இல்லை. எந்நிலை தெரிந்த மாந்தர்கள், சிறுவர்கள் கூட முன்னால் எனைக்கண்டாலே பயந்து நடுங்கி ஓடுவார் எல்லாம், எனை சீண்டிப் பார்த்தனர், குச்சி, கோல் கொண்டு தூக்கி சிறுவர் எல்லாம் விளையாடிப் பார்த்தனர். நான் ஏதும் செய்ய வில்லை. சத்தியம் எனது கொள்கையாயிற்றே. அதற்கு நான் உண்மையாக இருக்க வேண்டுமே என இருந்தேன் .

அதன் விளைவாக: எனது சுபாவத்தை நன்கறிந்த அனைவருமே எனை போகும்போதும் வரும்போதும் எனை விளையாட்டுப் பொருளாய், ஒரு உயிராகக் கூட எண்ணாமல் கற்கள் கொண்டு தாக்கி எனது உடம்பு பொத்தலாகி இப்போது நகரவும் முடியாமல் இருக்கிறேன் என்றதாம்.

அடப்பாவி, உனை கொத்தி, தண்டிக்காதே அது உனக்கு பாவமாகி அவர்கள் இறப்புக்கு காரணமாகி விடும் என்று தானே சொன்னேன். அதற்காக அவர்கள் இப்படி செய்யுமளவு உனை ஏதும் செய்யவேண்டாம் என்றா சொன்னேன், கொத்தாமல் சீறியாவது கொத்துவது போல பாசாங்கு செய்திருந்தால் பயந்து ஓடி இருப்பார்களே என்று உபாயம் சொன்னாராம்/.

அதிலிருந்து அந்த நாகம் தனக்கே உரிய சீறலுடன் வாழ அதை துன்புறுத்திய எதிரிகள் எல்லாம் தெறித்து ஓட மெல்ல மெல்ல இந்த பாம்பு உடல் தேறியதாகவும் இராமகிருஸ்ணர் சொல்லுவார்.

அது போல ஒரு கட்சிக்காரர் எல்லாம் சேர்ந்தால் எதிரில் நிற்பார் தனியாக இருந்தால் அநியாயம் நியாயமாகி விடுகிறது. இந்த நாட்டின் சாபக்கேடு பீடை இதுதான்.நிறைய எண்ணிக்கையில் கூடிவிட்டால் கொலை செய்யலாம், கொள்ளை அடிக்கலாம். கேட்பார் இல்லை.

கோவில் பணி என்று எனக்கொரு பொறுப்பை ஒப்படைத்தார்கள். அதில் எனது நேர்மை உண்மை வெளிப்பட உழைத்தேன். அப்படி உழைக்கும்போது கிருஷ்ணன் என்னும் அந்த கோவில் உருவாக காரணமான அந்த நபர்…மூன்று நான்கு முறை நாகரீகமற்ற முறையில் நடந்து கொண்டார். தனிப்பட்ட முறையில் எச்சரித்தும் அவர் மாறவே இல்லை.திருந்துவதாக காணோம்.

கடைசியில் அவரை ஒரு ஒருங்கிணைப்புக் கூட்டத்தில் அதே கோவில் கட்டுமானப் பணிகளின் போது நேரில் அழைத்து எனை அடிப்பதாயிருந்தால் அத்தனை கோபம் உனக்கு என் மீது இருந்தால் வா, இப்போது வந்து அடித்துக் கொள், உனக்கு என்மீது இருக்கும் பொறாமையை போக்கிக் கொள் என சவாலிட்டு அழைத்தேன். அமைதியாக அமர்ந்து கொள் , எனைப் போன்றோர் ஆரம்பித்தோம் என்றால் நீ எவ்வளவு பெரிய பணமுதலையாக இருந்தாலும் தாங்க மாட்டாய் என எச்சரித்தேன். அதன் பின்னும் அந்த கோவிலின் முக்கிய பணிகள் குடமுழுக்கு விழா, அஷ்டலிங்க பிரதிஷ்டை முடியும் வரையிலும் பொது மக்களுக்காக எமது சேவையை பிறர் வேண்டுகோளுக்கு இணங்க தொடர்ந்தேன் உனக்காக இல்லை கிருஷ்ணா என்று சொல்லி விட்டே தொடர்ந்தேன்.

அந்த மனிதர் ஆடிப்போய் அதை அடுத்து சில ஒருங்கிணைப்பு கூட்டங்களில் கலந்து கொள்ள வரவே இல்லை. தனியாக சொல்லி இருந்தால் பரவாயில்லை பொது கூட்டம் ஒன்றிலேயே போட்டு உடைத்து விட்டாரே என அங்கலாய்த்து வந்ததாக கேள்விப்பட்டேன்.

ஆனால் அந்த மனிதர் இன்னும் திருந்தவேயில்லை.பிறவிச் சுபாவம் மாறவேயில்லை. அது அப்படியேதான் சுடுகாடு செல்லும் மட்டும் இருக்கும் என்பது மாறத தெளிவு.

அது மட்டுமல்ல…அதே கோவிலின் முக்கிய பொறுப்பில் இருக்கும் மற்றொரு மனிதரும் இவருக்கு உடைந்தையாய் இருந்தபடியே இவரைப் போலவே எகத்தாளமாய் பண்பின்றி பொய்.புனை சுருட்டு, மரியாதையின்மை, மிரட்டல் விடுக்கும் வண்ணம் நடித்தபடியே மிக கை தேர்ந்த நடிகராய் சீண்டி வந்தார். அவரையும் 3 முறை மன்னித்தேன். மறுபடியும் அவரை ஒரு கணக்கு வழக்கு சமர்ப்பிக்கும் கூட்டத்தில் எதிர் கேள்வி வைக்கலாம் என்றபோது அந்த மனிதரை இந்த கிருஸ்ணன் என்னும் மனிதர் கோழிக்குஞ்சை தமது இறக்கைக்குள் காப்பது போல் காத்து விட்டார். மறைத்து விட்டார். என்றலும் அந்த கூட்டத்தில் அந்த சில்மிஷத்தை வெளிப்படுத்தாமல் விடவில்லை.அவர்செய்த தவறுக்கு இவரை ஏன் திட்டுகிறீர் என இருப்பார் எல்லாம் சமாதானம் செய்து விட்டார்கள்

ஆனால் இந்த இருவருக்குமேதான் அந்த செயல்பாடுகளில் கூட்டு உடன் படிக்கை இருப்பதை நான் உணர்ந்தேன்.

ஆக முடிவுக்கு வரவேண்டியது என்னவென்றால் மனிதர்கள் மற்ற எல்லா ஜீவன்களையும் விட மேலான அதே நேரத்தில் மிகவும் கீழானவர்களாகவும் இருக்கிறார்கள்.

எனவே எம்போன்றோர் இராம கிருஷ்ணர் முன் கதையில் சொல்லியபடி நமது இயல்போடு இருந்தாலும், பின் கதையில் சொன்னபடி பிழைப்பதற்காக சீறத்தான் வேண்டியிருக்கிறது கடிக்க, கொத்த எண்ணமில்லை என்றாலும் நல்ல பாம்பாக….

மறுபடியும் பூக்கும் வரை..
கவிஞர் தணிகை


குரான் இருக்கான்னு கேக்காதீங்க,குரான் குடுங்கன்னு கேளுங்க:-கவிஞர் தணிகை

ஜூலை 18, 2015

 

 

குரான் இருக்கான்னு கேக்காதீங்க,குரான் குடுங்கன்னு கேளுங்க:-கவிஞர் தணிகை
டீ இருக்கான்னு கேக்காதீங்க, டீ குடுங்கன்னு கேளுங்க,அப்படீங்கற மாதிரி எமது குரானின் தேடலுக்கு சேலத்து முகமதியர் வீதியில் ஒரு குரானை ஹதியா:ரூ.150க்கு விலைக்கு வாங்கினேன். அது குரான் தர்ஜமா.ஏழாம் பதிப்பு: ஈஸவி 1996 மார்ச் . 611 பக்கம் தமிழ், 611 பக்கம் அரபி + 195 பக்கம் அது பற்றிய விளக்கங்களுடன்.

ஈத் பெருநாள், ரம்ஜான் நோன்பு இப்படி எல்லாம் முக மதியர்கள்…மதி – சந்திரனை அடிப்படையாகக் கொண்ட முகத்தினர் கொண்டாடும் இந்த பெருநாளில் எல்லோரும் கொண்டாடுவோம்,எல்லாரும் கொண்டாடுவோம் அல்லாவின் பேரைச் சொல்லி நல்லோர்கள் வாழ்வை எண்ணி எல்லாரும் கொண்டாடுவோம் என்ற இனிய பாடல் டி.எம்.எஸ் + நாகூர் ஹனீபா குரலில் பாவமன்னிப்பு படத்தில் சிவாஜியின் வாயசைப்பு நினைவுகளுடன் காலை எ.ப்.எம் முதல் பாடலாக ஒலிக்கக் கேட்டேன். எவ்வளவு நல்ல தத்துவமாக இந்த சினிமா பாடல் உள்ளது

இந்த நாளில் இவர்கள் வயிற்றுக்கு உணவில்லாத எளியவர்களின் கஷ்டத்தை வேதனையை உணரவும் பகல் முழுதும் எச்சில் கூட விழுங்காமல், நீரும் பருகாமல், எந்த உணவும் உண்ணாமல் இருந்தும் தர்மத்தை வறியவர்க்கு ஈந்த பிறகே அவர்கள் இவர்களுக்காக் துவா செய்த பிறகே இவர்கள் உணவுண்டு நோன்பை ஈடேற்றி இன்றைய ஈத் பெரு நாளான ரம்ஜான் நோன்பை முடித்துக் கொள்வதாகவும் இருக்கிறது. கொண்டாடுவதாகவும் இருக்கிறது.

தியானம் செய்த 10 ஆண்டுகளுக்குப் பிறகு, சில ஒலி யற்ற வார்த்தை அறிகுறிகள் பிற்காலம் பற்றி கிடைக்க ஆரம்பித்தது உண்மைதான். இது ஆராயத்தக்கது எனவே இந்த மதத்தில் சொல்லப்பட்டுள்ள முகமதி நபிக்கு கிடைத்த வஹி என்னும் இறைச் சொல் இவருக்கு எப்படி என்ன என்ன கிடைத்திருக்கும் என தேடல் நடத்தும் முகமாக குரானை தேட ஆரம்பித்தேன்.அது முதல் குரான் எமக்கு பரிச்சயமாயிற்று எனச் சொல்லலாம். ஏறத்தாழ அது எம் வீட்டில் 20 ஆண்டுக்கும் மேலாக பயன்பாட்டில் இருக்கிறது என்றே சொல்லலாம்.

இந்த பைபிள், குரான், கீதை, புத்தம், ஜைனம், போன்றவற்றை எல்லாமே ஒப்பிட்டு ஒரு நூலை நம்மால் கொண்டு வர முடியும் என எண்ணியபடியே காலம் கழிந்த படி இருக்கிறது.

பொதுவாகவே இந்த மதம் சார்ந்த அடிப்படைகள் யாவுமே ஒவ்வொரு தனித்தன்மை சார்ந்த தனி மனித குணாம்சத்தை ஒட்டியவாறு நன்மையோ தீமையோ செய்கிறது என்பதுதான் எமது எண்ணமும்.

அதற்கு மேல் அவற்றை வண்ணங்கள் பூசி பார்க்க வேண்டிய தேவையில்லை. எல்லாவற்றிலும் குறை நிறைகள் காணப்படுகின்றன. அதில் முக்கியமாக் முகமதியத்தை நாம் குறை சொல்ல ஆரம்பித்து விட்டால் எமது இரண்டு நண்பர்களுக்கு கோபமே வந்துவிடுகிறது. அவ்வளவு நேசிப்பாளர்கள் வேறு மதத்திலும் இதற்கு இருக்கிறார்கள்

இந்த அனுபவத்தை எமது பதிவுகளை காலமெல்லாம் தவறாமல் படித்திருப்பார் ஒருவேளை ஏற்கெனவே படித்துமிருக்கலாம். ஆனால் இந்த நாளில் அதை மறுபடியும் மீள் பதிவாக இல்லாமல் வேறு வடிவத்தில் பதிவு செய்கிறேன். இதைக் கண்டு யாரும் கவலை , கோபம் கொள்ள அவசியமில்லை.

இந்த மதத்தின் அடிப்படையில் விளந்த ஐ.எஸ்.ஐ.எஸ் நேற்றைய செய்தியில் கூட குழந்தைகள் மீது வெடிகுண்டை கட்டி வைத்து வெடித்து அந்த பூக்களின் உடலை சிதற அடித்து பயிற்சி செய்ததாக இந்த ரம்ஜான் சிறப்பு செய்தி.

சரி நமது கதைக்கு வருவோம்.: நாம் இல்லை— நான் தேடினேன். குரான் படிக்க தமிழ் மூலம் படிக்க எங்கு கிடைக்கும் என. முதலில் பக்கத்து வீதியில் ஒரு முகமதியர் வீட்டில் கேட்டேன் .அந்த பெண் , நாங்கள் கொடுக்க மாட்டோம், அது புனிதமானது. அதை நாங்கள் கைகால் கழுவி, குளித்து முடித்து அதற்கு என்று உரிய நேரத்தில் வைத்து ஓதி தொழுகை நடந்துவோம் என்றார்.அப்போது தபால் வழிய்ல் இஸ்லாம் அகாடமி மூலம் எமக்கு நூல்கள், எழுத்துகள் வந்து கொண்டிருக்கும் . அவற்றை படித்து திருப்பி அனுப்பினால் மீண்டும் புதிதாக ஏதாவது அனுப்புவார்கள் அந்த சென்னையில் உள்ள இஸ்லாம் அகாடமி அந்த கோர்ஸ் முடியும் தருவாயில் ரோஜா மலர்கள் போட்ட ஒரு நல்ல புத்தகத்தை எனக்கு அன்பளிப்பு செய்தார்கள். அதை அந்த முகமதிய வீட்டுக்கு கொடுத்தேன் அவர்கள் எனக்கு அதை திருப்பித் தரவேயில்லை.

பக்கத்து ஊரில் உள்ள தர்காவுக்கு அங்கே பள்ளிக்கூடமும் நடத்தப்படுகிறது.பள்ளி வாசல் தர்கா, மசூதி இவை யாவற்றுக்கும் சில நுணுக்கமான வேறுபாடுகள் உண்டா? யாவும் ஒன்றுதானா?இதெல்லாம் நமக்கு இப்போது மறந்து விட்ட செய்திகள்.

அந்த மௌல்வி,/ அந்த சாயபு,/ அந்த ஆசிரியர் ஒரு மாதிரியாக பார்த்தார் ஏதுமே சொல்லவில்லை எமக்கு குரான் வேண்டும் படிக்க என்றதற்கு. அந்த கோரி கோயில் எனப்படும் காவிரி ஆற்றங்கரை ஓரத்தில் தாழ்வான பகுதியில் ஏகப்பட்ட நிலத்தை வளைத்து ஆக்ரமிக்கப் பட்டுள்ள இடம் மிகவும் பிரசித்தமானது . இங்கு அனைவருமே குழந்தைக்கும் நோயாளிகளுக்கும் பெண்களுக்கும், பெரியவர்களுக்கும் தேவையுள்ளவர்களுக்கும் பாடங்கள் போட்டு , எந்திரம் எனப்படும் தாயத்து மந்திரித்து கட்டி பிணி அகற்ற முயல்வர். நல்ல பேர் இருந்தது. நாம் சிறுவராய் இருக்கும்போதிருந்த போதே அது போன்ற நடவடிக்கைக்காக தேவையின் பாற் பட்டு சில முறை சென்றதுண்டு.

ஆனால் இப்போதெல்லாம் அப்படி வேண்டி செல்வாரை உச்சி பார்த்து வாயால் ஒரு ஊது விட்டு திருப்பி அனுப்பி விடுகிறார்கள் அவ்வளவுதான் என. எல்லாமே இப்போது இந்த காரணம் பற்றி திருப்தி இன்றி பேச ஆரம்பித்து விட்டனர். பள்ளி நடந்தபடி இருக்கிறது. இவர்கள் கோவில் வலுவடைந்து கொண்டே இருக்கிறது.

அடுத்து அன்றாடம் சைக்கிளில் பழைய சாமான் வாங்க வரும் ஒரு முகமதியரிடம் குரான் வேண்டும் எனக் கேட்டேன் அவர் அதில் எல்லாம் கவனம் உடையவராய் தெரியவில்லை.பிழைப்பே அவருக்கு பெரும்பாடு.அவருக்கு அது பற்றி தெரியவில்லை.அக்கறையும் இல்லை அவருக்கும்.

அடுத்து பெயிண்டிங்க் பணி செய்யும் ஒரு கான் எனப் பேர் வரும் நபரையும் அது பற்றி கேட்டேன் பயனில்லை .

இப்படியே விசாரித்து எப்படியோ அது சேலத்தில் உள்ள இவர்களின் கடைவீதியில் கிடைக்கிறது எனத் தெரிந்து கொண்டு வாங்க சென்றேன். அப்படியே அவர்கள் குடியிருக்கும் குடியிருப்பு வழியே நடந்து சென்றேன். அவர்கள் எனை அந்நியராக பார்த்தார்கள். நாம் இருப்பது இந்தியாவில் தானா என சந்தேகம் வரும் அளவு அந்த சுற்றுப்புறச் சூழல் வேறுபட்ட அணுகு முறையில் இருந்தது.

கடைப்பகுதிக்கு சென்றேன், ஒருவரிடம் குரான் கிடைக்குமா? ஏன் எனில் நமை போன்றோருக்கு எல்லாம் விலைக்கு தருவார்களா என்ற சந்தேகத்துடன் கேட்டேன். அவர் கடையில் சிறிது நேரம் அமர்ந்து பேசிக் கொண்டிருந்தேன். அவர் கடைப்பையன் சென்று எடுத்துவருவதற்குள்…மற்றொரு கடைக்காரர் கொண்டு வந்து கொடுத்து விட்டார்…விலையை கொடுத்தேன் எனக்கு வெட்கமாக இருந்தது…இன்னொருவரிடம் சொல்லி அவர் வருவதற்குள் இவரிடம் வாங்கி செல்கிறோமே என கூச்சமாக இருந்தது…ஆனால் இதெல்லாம் வியாபரம் இதில் இது எல்லாம் வெகு சகஜம் என்றபடி அவர்கள் சொல்லி விட்டனர்.

“நேற்று ஒரு தேநீர்க் கடையில் நடைப்பயிற்சியின்போது கவனித்தேன்…ஒரு தம்பி, சென்று டீ கிடைக்குமா எனக் கேட்டார், அதற்கு அந்த டீக்கடைக்காரர் டீ வேண்டும் எனக் கேளுங்கள், டீ கிடைக்குமா எனக் கேட்காதீர்கள் என்றார்.” அப்போது பார்த்தல் டீ இருக்குமா தீர்ந்து விட்டதா? எனத் யூகிக்க முடியா வேளை…அது சுமார் 7 மணி இருக்கலாம்.

அப்போதுதான் எனக்கு இந்த கடைக்காரர், குரான் கிடைக்குமா எனக் கேட்காதீர், குரான் வேண்டும் எனக் கேளுங்கள், கிடைக்கும் என்ற சொல் நினைவு வந்தது. மேலும் ஆடி முதல் வெள்ளி என ஒரு இனத்தால் பார்ப்பனர் அல்லாத ஒருவர் ஏகப்பட்ட மந்திரங்களை சமஸ்கிருதத்தில் ஒலிபெருக்கியில் மொழிந்து கொண்டிருந்தார்.அந்த தம்பி எனக்கு நன்கு தெரிந்தவர். நல்ல பயிற்சி எடுத்திருக்கிறார் போலும். நன்றாக சம்பாதிக்க வழி வாழ்வில் செய்து கொண்டு விட்டார். பரவாயில்லை.

எனக்கு ஒரு பூனையை வைத்து மிமிக்ரி செய்த நண்பர்களின் குரல் போலவே அது தோன்றியது. அதில் அந்த பூனை சொல்கிறது..: சீக்கிரம் வாருங்கள் ஆண்டவரே…பஸ்ஸில் வராதீர்கள் மெட்ரோ ட்ரெயினிலாவது வாருங்கள் ஆண்டவரேஎன…இங்கு டாஸ்மாக்கில் குடித்து விட்டு அலைந்து திரிந்து பிச்சை எடுக்கிறார் ஆண்டவரே… ரோட்டில் கிடக்கிறார்கள் ஆண்டவரே அவர்களை எல்லாம் காப்பாற்ற சீக்கிரம் வாருங்கள் ஆண்டவரே என்கிறது…

பாகிஸ்தான் எல்லையில் இந்தியர்கள் கொடுத்த ரம்ஜான் இனிப்பை பாகிஸ்தானிய சகோதரர்கள் வாங்க மறுத்த இன்றைய செய்தியுடன்

மறுபடியும் பூக்கும்வரை
கவிஞர் தணிகை.


அரசுக்கும் நீதிக்கும் என்ன ஆயிற்று? டாஸ்மாக் மக்களுக்கு எதிராயிற்றே?கவிஞர் தணிகை

ஜூலை 17, 2015

 

அரசுக்கும் நீதிக்கும் என்ன ஆயிற்று? டாஸ்மாக் மக்களுக்கு எதிராயிற்றே?கவிஞர் தணிகை
உயர்நீதி மன்றம் அரசின் கொள்கை முடிவான மதுவிற்பனை பற்றி எந்த தீர்ப்பும் சொல்லமுடியாதாம்.இளையோர் படை மதுக்கடைகளை அடித்து நொறுக்கி துவம்சம் செய்து வரும் நிலையை செய்திகளில் காணும் நிலையிலும் காவல்துறை மதுக்கடைகளுக்கு காவல் செய்யும் நிலையிலும் மக்கள் வெகுண்டு எழுந்து கொண்டிருக்கிறார்கள்.

தி.மு.க கலைஞரோ, ஸ்டாலினோ வரும் தேர்தலில் மதுக்கடைகளை விலக்குவோம் என்று இதுவரை சொல்ல வில்லை. ஆளும் அதிகார ஆட்சி அ.இ.அ.தி.மு.க அரசோ மக்களின் எழுச்சி பற்றி கண்டு கொள்வதாய் இல்லை.

ஆனால் ஆங்காங்கே பெண்களும், இளைஞர்களும் பேருந்து நிலையம் அருகே இருக்க இந்த அசிங்கம் எதற்கு? பள்ளி கல்வி நிறுவனங்கள் அருகாமையில் இந்த அருவருப்பூட்டும் அரக்கர்களின் கடை எதற்கு என்று ஆங்காங்கே போராடி வருவதை செய்தி ஊடகங்கள் வாயிலாக காண முடிகிறது பரவலாக அதிகமாகவே. தற்போது.

பா.ம.க மதுக்கடைகளை எடுப்போம் தாம் ஆட்சிக்கு வந்தால் என்கிறது. ஆனால் இவர்கள் மாநாடு நடக்கும் இடங்களில் கூட்டம் நடத்தும் இடங்களில் மது விற்பனை கூடுவதாக பரவலான ஒரு குற்றச் சாட்டு நிலவுகிறது.

ஊருக்கு விரல் விட்டு எண்ணக் கூடிய அளவிலான எண்ணிக்கையுள்ள உறுப்பினர் கொண்ட பி.ஜே.பி கட்சி கூட தமிழகத்துக்கு புதுக் கட்சியாக இருந்தும் இதன் தலைவி கூட நாடெங்கும் இதற்காக போராடுவோம் என அறிவித்துள்ளார்.

தேமுதிக விஜய் காந்த் கூட எதிர்கட்சி தலைவராக இருக்கிறார்?!..டாஸ்மாக் கடைகளை எடுத்தே தீருவேன், அதற்கு அம்மா டாஸ்மாக் கடை என பேர் வைக்கலாமே என்றெல்லாம் கூறிவருகிறார். அதை மறந்து விட மாட்டார் என நம்புவோம்.

காங்கிரஸ் நிலை,கம்யூனிஸ்ட் நிலைபாடுகள் பற்றி எல்லாம் இன்னும் வெளிப்படையாக தெரிவிக்க வில்லை.அல்லது அடியேன் செய்திகளை கவனிக்காமல் இருந்து அவை எனது கவனத்துக்கு எட்டாமல் தப்பியிருக்கலாம்.

சீமான் இயக்கமான நாம்தமிழர் இயக்க இளைஞர்களில் நாலைந்து பேர்,காமராஜர் பிறந்த நாளை கொண்டாடி விட்டு திடீரென மதுக் கடையில் உள்ளவரை வெளி அனுப்பி விட்டு புகுந்து நொறுக்கி உள்ளனர். அவர்களுக்கு வலைப்பின்னல் ஊடகம் வெகுவான ஆதரவை வெளிப்படுத்தி உள்ளது. அவர்கள் போல் 4 பேர் ஒவ்வொரு ஊரில் இருந்து புறப்பட்டாலும் இந்த அரசு டாஸ்மாக் நடத்துவது கேள்விக்குரியதாகிவிடும். அந்த இளம் சிங்கங்களை நாமும் வாழ்த்துகிறோம். எமது ஒவ்வொரு அணுவிலும் அவர்களுக்கு ஆதரவு இருக்கிறது அவர்கள் போலே நாமும் செய்ய வேண்டும் எனத் துடிக்கிறது.

எமக்கு ஆக்கிப் போட்டு எமை காப்பாற்றி வரும் எம்மை பிடித்து வரும் ஒரு கொடி வலுவாக இதற்கெல்லாம் அனுப்ப மாட்டேன் செல்ல அவசியமில்லை எனத் தடுத்துவருவதுதான் வேதனை.

மக்கள் அதிகாரம் என்ற இளைஞர் அமைப்பும் அதற்கான குறிக்கோளுடன் பயணம்நடத்த தயாராகி வருகிறது என்கின்றனர் .

உண்மையிலேயே இந்த மதுவின் வருமானம் இல்லையெனில் ஆட்சி நடத்த வருவாயே இல்லையா? அந்த வருவாவயை ஈடு கட்டி வரவு செலவு திட்டம் சமர்ப்பிக்க முடியாதா? என்றால் எல்லாம் முடியும். ஆனால் மக்கள் சிந்தனையாளர்களாய் மாறி விடக்கூடாது என்பதில் இந்த நாட்டின் பிரதானக் கட்சிகள் தீர்மானமாய் இருக்கின்றன.

சேலம் அருகே ஒரு இடத்தில் உள்ளே பணியாளர்களை வைத்தே மதுக்கடைக்கு பூட்டு போட்ட வழக்கில் கைதான ஆண் பெண் உட்பட 12 பேரையும் முன் குற்றம் ஏதும் செய்யாமல், இந்த குற்றம் செய்தோம் என ஏற்றுக் கொண்டதாலும் முதல் குற்றமாயும் இருப்பதாலும் எந்த வித வழக்கும் பதிவு செய்யாமல் தண்டனையும் தராமல் அவர்கள் அனைவரையும் விடுவித்து உள்ளனர். ஆனால் அவர்கள் அதற்கு செய்த செயலுக்கு மன்னிப்பு கேட்டுள்ளனர். ஏற்க முடியவில்லை

கல்லூரி மாணவிகள் மது விலக்கு செயல்பாடுகளில் ஈட்பட்டதற்கு, காவல்துறையினர் அவர்கள் மேல் கடுமையாக ஏசி சிறைக்கு கொண்டு சென்றிருக்கின்றனர்.எதற்கு எதற்கு காவல் செய்ய வேண்டுமோ அதை எல்லாம் விட்டு விட்டு அதற்கு எதிரானவைகளுக்கு இவர்கள் காவல் செய்வதும் அரசு ஆணை என்பதும், அதை நீதிமன்றம் கொள்கை முடிவு என்பதும் கேலிக்கூத்தானதாயிருக்கிறது.

நீதிபதியும், வழக்கறிஞர்களுமே தலைக்கவசம் அணியாமல் சென்று இருப்பதும், அதற்கு எதிராக வழக்கறிஞர்கள் தலைக்கவசத்தை உடைத்து போராடுவதும் நீதிமன்ற அவமதிப்பு நடவடிக்கை இல்லையா? உச்ச நீதிமன்றம் நெடுஞ்சாலை டாஸ்மாக் கடைகளை மூடச் சொல்லி ஆண்டுக்கு மேல் ஆனபிறகும் அது பற்றி தமிழரசு நடவடிக்கை எடுக்காதிருப்பது நீதி மன்ற அவமதிப்பு இல்லையா?

பன்றியின் காலில் வைரம் இடறினாலும் அது வைரம் என்று அவை அறியாது என்பார் பைபிளில். அது போல ஒரு அருமையான ஆட்சியை ஆள கையில் மக்கள் வாக்களித்தும் அதில் இது போன்ற டாஸ்மாக் மதுபானக் கடைகளை நடத்தி வரும் கட்சியும், ஆட்சியும், அரசும் அந்த ஆட்சியின் முறையின் மதிப்பறியாததே என்பதில் அய்யமில்லை.

ஒழுக்கமற்ற பெண்ணின் மின்னும் வைர மூக்குத்தி என்பது பன்றியின் முக்கில் உள்ள வைரக்கல் மூக்குத்தி என்பதும், பன்றி வாலில் கட்டிய பட்டுக் குஞ்சம் என்பதுமான இது போன்ற வாசகங்களை நிறைய பைபிள் சொல்வது இன்றைய நடைமுறைக்கும் ஆட்சி முறைகளுக்கும் பொருந்துவனவாக உள்ளது.

மாநிலத் தேர்தலுக்கு ஒரு ஆண்டு கூட இல்லா நிலையில் எந்த கட்சியாவது உண்மையிலேயே இந்த சம்பவத்தை கையில் எடுத்து உண்மையிலேயே டாஸ்மாக், மது ஒழிப்பு முறைக்கு போராடுமானால் அவர்கள் கூட ஆட்சிக்கு வர வாய்ப்புள்ளது.

எந்த நிலையிலும் யாருக்கும் வாக்களிக்காத எம் போன்றோர் இந்த ஒரு கோரிக்கையை செம்மையாக செய்வாருக்கு வாக்களிக்கவும் தயாராக உள்ளோம். மேலும் இந்த மது விலக்கு பிரச்சனையை கையில் எடுக்கும் எந்த கட்சியாய் இருந்தாலும் அதை யாம் ஆதரிக்க கடமைப்பட்டுள்ளோம்.

மேலை நாடுகளில் எல்லாம் பன்றிகள் கூட மலம் தின்று வளர்வதாக இல்லை. அந்த மாந்தர்கள் மலம் கழித்த பிறகு நாப்கின் துணியால் துடைத்து போட்டு, கால் கழுவாமல் வாழ்ந்த போதும். இந்திய பன்றிகள் சேற்றில் உழன்றபடி கழிவுகளையே உண்டு வளர்கிறது வாழ்கிறது எனவே அவை நமக்கு பார்க்க அசிங்கமாகத் தெரிகிறது.

உண்மையில் நண்பர்களே 2 நாளுக்கு முன் தினகரன் நாளிதழில் இது தொடர்பான ஒரு பக்கம் முழுதுமான அருவருப்பூட்டும் படிக்கும்போதே துர்நாற்றமெடுக்கும் குடலை பிடுங்கும் வீச்சையுடனான செய்திகளை வெளியிட்டது அந்த நாளிதழ்.எப்படி நமது டாஸ்மாக் அரசு மதுபானக் கடையும் அதன் பார்களும் சைட் டிஸ் செய்யும் இடங்களும், அங்குள்ள கழிப்பறைகளும், அதை மேலாண்மை செய்ய வரும் அரசு அதிகாரிகளின் மெத்தனப்போக்கும், காலாவதியான மதுவைக் கூட எப்படி விற்கிறார்கள் அதைக் குடித்த இந்த ஈக்கள் எப்படி பேதி, வயிற்று வலி வாந்தி போன்றவற்றில் உடல் கிடத்தி கிடக்கின்றன..அவற்றின் சுத்தம் சுகாதாரம் எல்லாம் எப்படி உள்ளது என்பது பற்றி எல்லாம் எழுதி இருந்தார்கள்…சகிக்கவில்லை.

அங்கேயே எச்சில் துப்பிக் கொண்டு, சிறுநீர் மலம் கழித்தல் சுத்தமின்றி அங்கேயே குடித்தபடி, அந்த குடிகார குடிமகன்களாலேயே அதை தாக்குபிடிக்க வழியின்றி மூக்கை பிடித்தபடி போய்க் கொண்டு, அதன் பார் வசதிகள் எந்நிலையில் உள்ளன , சமையல் செய்து கொடுக்கும் தின்பண்ட அறைகள் எப்படி உள்ளன என்பது பற்றி எல்லாம் எழுதி இருந்தனர்..அந்த சகிக்க முடியாமையே இந்த பதிவுக்கு காரணம்.

மனிதர் எவருமே புழங்க முடியா இடங்கள் இவை. பன்றிகள் கூட தெரியாமல் தான் சுய நினைவு இன்றிதான் சாக்கடையில் கழிவு நீரோடையில் கழிவுப் பிரதேசங்களில் வாழ்கின்றன இந்தியாவில்.இப்படி இருக்கும்போது இந்த மனிதர்கள் சுய நினைவு 6 அறிவு உள்ளதாக சொல்லும் மனிதர்கள் அந்த பன்றிக் கூட்டத்தை விடக் கேவலமாக எப்படி இப்படி வாழ்கின்றனர் அருந்தி களிக்கின்றனர், கழிக்கின்றனர் என்பது மிகப்பெரும் கொடுமையான கேள்வி.

சொல்லி விட்டால் அவர்களின் பகையை யாராலுமே ஆம் யாராலுமே தாங்க முடியாது. இவ்வளவு சொல்லும் அந்த தி.மு.க சார்ந்த ஏடு அதை நடத்தும் அ.இ.அ.தி.மு.க அரசை தான் குறை சொல்லி இருக்கிறதே ஒழிய : ஸ்டாலின்,கலைஞர் போன்றோர் நாவால் இன்னும் அடுத்த அரசு எங்களுடையதானால் நாம் மதுக்கடைகளை எடுப்போம் என சொல்லக் காணோம் என்பது அவர்கள் செய்யும் அரசியல்.அவர்கள் தான் இதற்கெல்லாம் பிள்ளையார் சுழி போட்டவர்களாய்ற்றே.

மேலும் இப்படிப்பட்ட மதுக்குடியர்களை நாம் பேசும்போது, சில நல்ல நண்பர்களும் கோபித்துக் கொள்கிறார். பெரும்பாலான நாடுகளில் எல்லாம் வெளியே கடைகளில் ஓப்பனாக, சூப்பர் மார்கட்களில் எல்லாம் மது விற்பனை உண்டு. இங்கு குடி நீர் விற்பனை போல..ஆனால் அவர்கள் எல்லாம் அப்படியா என்கிறார்கள்.

மதுவை கலந்து புற்று நோய்க்கு மருந்து தயாரித்துள்ளனர் பிரேசில் மருத்துவர்கள். மது பல இடங்களில் மருந்தாகவும் இருப்பதை மறுப்பதற்கில்லை. யாம் சொல்ல வருவது பாதுகாப்பு படைகளுக்கு தனியாக மதுச் சலுகை இருக்கும் வரை இந்த நாட்டில் பூரண மதுவிலக்கு என்பதே வராது அந்த கருத்தில் தெளிவாக இருக்கிறோம்.

ஆனால் இந்த மதுவால் நடைபெறும் தீச்செயல் இந்த தமிழகத்தில் சொல்லிமாளாது. சொல்லில் சொல்ல வழியில்லை. நடக்கும் பெரும்பாலான குற்றங்களுக்கு எல்லாம் மதுவின் பின்னணி இல்லாமல் இல்லை.

 

இரு சக்கர வாகனத்தை தலைக்கவசம் போட்டு ஓட்டச் சொல்லிய நீதிபதி, மதுக்குடித்து விட்டு தலைக்கவசம் போட்டு ஓட்டும் நபர்களை என்ன சொல்லி தடுக்கப் போகிறார். என்னதான் ஒரு பக்கம் வாகனம் மது அருந்தி விட்டு ஓட்டக்கூடாது என ஒரு பக்கம் காவல்துறை நடவடிக்கை வாயை ஊதச் சொல்லி எடுத்தபோதும் மற்றொரு பக்கம் மதுக்கடைகளுக்கு காவல் இருக்கிறதே எப்படி இந்த இரட்டை நிலை எடுக்கும் அரசை நல்லவர்கள் ஆதரிக்க முடியும்?

சுமார் 15 ஆண்டுக்கு மேல் மதுவின் போதைக்கு ஆட்பட்டு விட்டார். குழந்தைகளும் மகளிரும் பள்ளிப் பிள்ளைகளும் கல்லூரி இளைஞரும் இதன் அடிமைகளாகிக் கிடக்கிறார். மதுக் கடையை எடுக்கும் அதே நேரத்தில் நாம் இந்த மது அடிமைகளுக்கு எல்லாம் மறு வாழ்வு மையம் ஏற்படுத்தி முதலில் இவர்களுக்கு மருத்துவம் செய்ய வேண்டிய கடமையும் இருக்கிறது என்பதையும் நாம் நினைவு கொள்ள வேண்டியது அவசியம். ஏன் எனில் இல்லையெனில் இந்த போதை அடிமைகள் உடனே இறந்து போவிடுவார்கள். அல்லது மனநிலை பாதிப்படைந்து சமூகத்தின் அன்றாட வாழ்க்கைக்கு பெரும் தொந்தரவாய் ஊறு விளைவித்து விடுவார்கள்.

மறுபடியும் பூக்கும் வரை
கவிஞர் தணிகை.

பி.கு: காலை முதல் இங்கு மின்நிறுத்தம். மாலை 3.30 மணிக்கும் மேல்தான் மின்சாரம் திரும்பியது.


பேச்சும் எழுத்தும்: கவிஞர் தணிகை

ஜூலை 16, 2015

 

பேச்சும் எழுத்தும்: கவிஞர் தணிகை
உலகையே ஒரு குடையின் கீழ் கட்டி ஆள ஆசைப்பட்ட ஹிட்லர் தமது பேச்சையே மூலதனமாகக் கொண்டிருந்தார் வேறு ஒன்றும் பெரிதாக அவரிடம் சொத்தோ சுகமோ இல்லை.ஆனால் கடைசியில் சைனடு கொடிய விஷம் சாப்பிட்டும்– அதை சாப்பிட்டால் உடனே மரணம் என அறிந்தும் தற்கொலைக்கு இரண்டாம் உறுதிப் படுத்தலாக சுட்டுக் கொண்டும் இறந்தார் என்பது சரித்திரம்.

இவர் எழுதிய மெய்ன் கெம்ப் அல்லது மை ஸ்ட்ரக்கிள் என்ற ஆங்கில புத்தகத்தை ஒரு முக்கிய இலக்கியத் தர வரிசையில் கொண்டிருக்கிறது படைப்புலகம், இந்நூல் பற்றி எழுதுவது இந்த பதிவு நோக்கமல்ல.

சில பேச்சாளர்கள் அருமையாக பேசுவார்கள், ஆனால் எழுத மாட்டார்கள் அவ்வளவு பிரபலமாக அவர் எழுத்துகள் இருக்காது. சில எழுத்தாளர்கள் அருமையாக எழுதுவார்கள் ஆனால் அவர்களுக்கு மேடையில் பேசவே தெரியாது.திரு.வி.க தமிழ் தென்றல், டாக்டர் மு.வ , டாக்டர் இராதாகிருஷ்ணன், ஜெ.கே பிலாசபர் போன்றோர் பேச்செல்லாம் கேட்க நமக்கு கொடுத்து வைக்க வில்லை என்றாலும் அவர்களின் எழுத்தை படிக்க முடிந்தது. எப்படி பேசியிருப்பார்கள் என ஊகிக்க முடிகிறது . ஞானிகள் ஞானிகள்தான். மேன் மக்கள் மேன் மக்கள்தான்.

ஆனால் சில அரிய மனிதர்கள் பேசுவதும், எழுதுவதும் கை வந்த கலையாய் செய்கிறார்கள்… அனைத்துக்கும் புத்தகங்கள் காரணங்களாக இருக்கின்றன.

மொழி மீறி செய்யபப்டும் நுண்கலைகளான ஓவியத்தை கூட எழுதுகிறார்கள் என்றே ஒரு சொல்லாட்சி உண்டு.(ஓவியம் எழுதுகிறார்கள்?..வரைகிறார்கள் என்று இருந்தபோதும்..)சிற்பம் செய்கிறார்கள், சிற்பம் செதுக்குகிறார்கள் , சினிமா எடுக்கிறார்கள் என்ற எல்லாவற்றுக்குமே பேச்சும், எழுத்தும் அடிமூல நாதங்களாக அடிப்படையாக அமைந்து இருப்பதை மறுப்பதற்கில்லை.

இந்த வலைப்பின்னல் நமக்கு மார்ட்டின் லூதர் கிங் பேசுவதை அப்படியே தருகிறது. நமது தமிழில் பல்வேறு துறை சார்ந்த பிரபலமாக விளங்கும் சிகரம் ஏறிய பலரின் பேச்சுகளை அப்படியே பதிவிட்டு நமக்கு எப்போது வேண்டுமானாலும் எடுத்து கேட்கப் பார்க்க செய்யும் வசதி தருகிறது.

சிவகுமார், வைரமுத்து, முனைவர் ஞானசம்பந்தன்(அடேங்கப்பா இந்த மனிதர்தான் எத்தனை நூல்களை படித்திருக்கிறாரோ சும்மா கடல் போல் உதாரணங்கள் பொங்கி வழிகின்றன)சுகி சிவம், இப்படி எவ்வளவோ கனவான்கள் பேசும் பேச்சு நல் இளைஞர்க்கு வாழ்க்கையில் உத்வேகம் அளிக்கும். தென்கச்சி சாமிநாதன் இன்றொரு தகவல் இன்னும் கேட்க சுகமானதாகவே இருக்கிறது அவர் இல்லாத போதும் .அவர் எல்லாம் இல்லை என எப்படி சொல்ல முடியும்.

சிறுவயதில் சொல்லின் செல்வர் : ஈ.வி.கே.சம்பத் பேச்சை கேட்டதுண்டு. அதெல்லாம் காலப்பெட்டகத்தில் பதிக்கப்பட்டுள்ளதா என தெரியவில்லை. சொல்லின் செல்வர் என்று ரா.பெ. சேதுப்பிள்ளை அவர்களையும் சொல்வார்கள்.இராமாயணத்தில் சொல்லின் செல்வரென்று சுந்தர காண்டத்தில் அனுமனுக்கும் பெயர் உண்டு.

சொல்ல மறந்தது: சுவாமி விவேகானந்தா ஒரு நல்ல பேச்சாறறல் உடையவர். அவரது சரித்திரமே அதற்கு சான்று. அதற்கு மதம், காவி முலாம் பூசுபவர் பற்றி யாம் கவலைப்படாது இதை சொல்கிறோம்.

கிருபானந்த வாரியார் ஆன்மீகச் சொற்பொழிவுக்கு பேர் பெற்றவர். குரல் குழந்தை போல கொழ கொழ என தழு தழுத்தாலும் அவருக்கென ஒரு இரசிகர் கூட்டம் இருந்தது. பக்திப் பரவசத்தால் பெண்களையும் ஆட் கொண்டு விடுவார் தம் பேச்சில்.ஆனால் கீரன் என்னும் சிங்கக் குரலோன் இவரை விட திறம் படைத்த மாற்றுத் திறனாளி பேசிப் பேசியே கர்ஜித்து கர்ஜித்து, உணர்ச்சி வசப்பட்டே இந்த சிங்கம் நீடித்த நாட்கள் வாழவில்லை என்றே எண்ணுகிறேன்.

அறிஞர் அண்ணா, கலைஞர் கருணாநிதி வைகோ போன்றோர் சமூக அரசியல் மேடைகளில் பேசினால் அதை கேட்க கட்சி சார்பற்ற ஒரு இரசிகர் கூட்டம் இருக்கிறது. அறிஞர் அண்ணாவின் ராஜ்யசபா பேச்சை ஆங்கிலத்தில் புத்தகமாக கூட பதித்திருக்கிறார்கள். பிரதமர் நேரு கூட இவர் பேசுகிறார் என்றால் வாயைத் திறந்து பார்த்து பாராளுமன்றத்தில் இவரது பேச்சில் மூழ்கி இலயித்துக் கிடப்பாராம்.

 

இவரது ஆங்கில மொழி அறிவும் தமிழ் செம்மாந்தப் புலமையும் இவரை எழுத்தாளர் கல்கி கிருஷ்ணமூர்த்தி வாயிலாக முதன் முதலில் “அறிஞர்” பேரறிஞர் என்றெல்லாம் பெருமைப்பட வைத்ததாக வரலாறு. ஆசு கவி என்பது போல எந்த தலைப்பிலும் உடனடியாக அவ்வப்போது மேடையில் கொடுக்கும் தலைப்பிலும் அவையோரை பின்னிப் பிணைத்து விடுவதும் குரல் ஜாலமும், தெளிவான உச்சரிப்பும் இவரது பெரும் பேறு. பிகாஸ் கஞ்சங்சனும், ஆங்கிலத்தில் எண்ணுகையில் ஏ.பி,சி,டி வராமல் 100 வார்த்தை சொல்லுங்கள் என கோரிக்கை வைத்தவர்க்கு ஒன், டூ, த்ரீ..என 99.நைன்டி நைன் வரை சொல்லி விட்டு எனப்.இ என் ஓ யு ஜி.ஹெச் என்ற போதுமா என கேட்டு முடித்ததாகவும், தேசிய மொழியாக இந்தியை வைப்பதற்கு மக்கள் தொகை காரணம் என பேசியதற்கு பாராளுமன்றத்தில் காகம் நிறைய இருக்கிறது ஏன் மயிலை தேசிய பறவையாக வைத்துள்ளீர், காகத்தையே வைத்துக் கொள்ளலாமே? என சமயோசிதமாக இவர் சொல்லிய வார்த்தை சிலம்பம் எல்லாம் எண்ணிலடங்காதவை.

பேரறிஞர் அண்ணாவின் மிகப் பெரும் ப்ளஸ் பாயிண்ட் என்ன தெரியுமா? எதிரிகளாய் களத்தில் கட்சியில் இருந்தவர் கூட அவர் கண்ணியமான, விநயமான பிறரை புண்படுத்தாமல் காயப்படுத்தாமல் சொல்லும் பதில் ருசிகரமான பதில் இரசிக்கும்படையான அனைவருமே ஏற்றுக் கொள்ளும்படியான மகிழும்படியான பதில் சுவைகள். கன்னிமாரா நூலகத்தின் அத்தனை நூல்களையுமே படித்தவராயிற்றே..உலகின் இவரது இறுதி ஊர்வலத்தின் சேர்ந்த மக்களின் எண்ணிக்கைதானே என்றுமே இன்று வரை,,முறியடிக்க முடியாததாய் உள்ளது.. மேதை அப்துல் கலாமே இவருடைய நதி நீர் இணைப்பில் அறிவின் விசாலம் பெற்றதாக தமது பள்ளிப் பிராயத்தில் இவரது பேச்சை பள்ளியில் கேட்டது பெரும் பேறு என்கிறார்.இவரது எழுத்துகள் பெரும் கவர்ச்சி.ஆனால் இவரது குரல் ஆளுமை அவ்வளவாக இல்லை எனினும் கலாம் கருத்து தெறிப்பில் ஒரு பெரிய பேச்சாளர்தான்.

 

காந்தியை விட நேரு நன்றாக பேசுவார் ஆனால் இருவருக்குமே பெரிய கவர்ச்சியான குரல் வளம் இல்லை.

ஜீவானந்தம் கூட 2 நிமிடம் பேசுவார் என எழுந்து அவையை 2 மணி நேரத்துக்கும் மேல் கட்டி போட்டு விடுவாராம். பொது உடமை சிந்தனையாளர். காந்திக்கே வழிகாட்டியாக இருந்தவர். நல்லசிவன், பி.இராமமூர்த்தி, தா.பாண்டியன்,, ஸ்டாலின் குணசேகரன் பொன்ற பொதுவுடமை சிந்தனை பேச்சாளர்கள் நிறைய உண்டு. அவர்கள் நன்றாகவும் எழுதுகிறார்கள்.

நமது காமராஜர் கூட: நேருவிடம் சென்று ஐ வான்ட் ஐ ஐ T மெட்ராஸ் என்று பேசி ஓ.கே. கிரான்டட் என்று பெற்று வந்தாராம் சென்னையின் ஐ.ஐ.டியை. காமராஜர் வளமையாக பேச வில்லை எனினும் தேவையானதை அறிவு பூர்வமாக பேசியதற்கான சான்றுகள் நிறைய சொல்வார்கள்.

அம்மா ஜெ, எம்.ஜி.ஆர். போன்றோர் முதல்வராய் இருந்தபோதும் ஆரம்பத்தில் பிறர் எழுதிக் கொடுத்த உரையை வாசிக்க ஆரம்பித்தவர்கள் அப்படியே பழக்கப்படுத்திக் கொண்டே வாழ்ந்து விட்டனர். எம்.ஜி.ஆர். எப்படியோ சமாளித்துக் கொண்டார். இந்த இன்றைய முதல்வர் அம்மா ஆங்கிலத்தில் புலமையாக பேசுகிறார் என்கிறார்கள். தமிழில் இன்னுமே அவருடைய உரை பெருமை சேர்ப்பதாய் இல்லை. மேலும் அவர் நல்ல குரல் வளமான பாடகி. எழுதக் கூட இவர் அவ்வப்போது வாராந்திரிகளில் அறிவிப்பு வந்து போகும். அப்புறம் நின்று விடும்.

குமரி அனந்தன் நல்ல பேச்சாளர், ஆனால் அவர் குடும்பத்தில் எந்த கொள்கையும் இல்லை என்பதற்கு, அவரின் மகள் பி.ஜே.பியில் இருப்பது சான்று.

தமிழருவி மணியனும் நல்ல பேச்சாளர் .அருவி மாதிரி பேசுவார். அதற்கு மேல் அவர் எப்படி என நாடறியும்.தற்போதைய அ.இ.அ.தி.மு.க கொ.ப.செ கூட நன்றாக பேசுவார்..பயனில்லை. அவரிடமும் எந்த கொள்கையுமே இருப்பாதாய் தெரியவில்லை. வைகோவின் அடுத்த நிலையில் இருந்தவரை கட்சியில் எல்லாம் மதித்தனர். ஆனால் அவருக்கு அப்போது இவ்வளவு வசதி இல்லை இனோவா கார் எல்லாம் யாரும் வாங்கிக் கொடுக்கவில்லை

காளிமுத்து நல்ல தமிழ் பேசுவார் கொட்டும் தமிழ், எனவேதான் எம்.ஜி.ஆர். அவரை ஒரு முறை சபா நாயகராகவே வைத்திருந்தார். அதன்பிறகு உள் துறை மந்திரியாகவும், தமிழ் வளர்ச்சி மந்திரியாகவும் இருந்தார் என நினைவு.ஆனால் ஆயுள் போதவில்லை

பட்டி மண்டப பேச்சாளர் பற்றி எல்லாம் நான் உள் செல்ல விரும்பவில்லை.அறிவொளி நல்ல ஞானி.

மு.மேத்தா, ரகுமான்,போன்றோர் எழுதுமளவு பேச்சாளர்களாக இல்லையோ என்பது எம்கருத்து. அப்துல் காதிர், போன்றோர் பேச்சு கூட நன்றாகவே இருக்கிறது

திருமாவளவன் கூட நல்ல பேச்சாளர் என்கிறார்கள் கேட்டதில்லை, மனுஷ்ய புத்திரன் நிறைய தொலைக்காட்சியில் வருகிறாராம். முகநூல் நண்பர் பார்த்து கேட்டதில்லை.

இப்படி நாடு தழுவிய அளவிலும், மாநிலம் தழுவிய அளவிலும், உலகு தழுவிய அளவிலும் பேச்சாளர்களும் எழுத்தளர்களும் எண்ணிறந்தவர். கென்னடி, லிங்கன், பிடல் காஸ்ட்ரோ, ஹோசி மின், இன்னும் பெர்னாட்ஷா, லெனின், கமால் பாட்ஷா, இங்கர்சால், வால்ட் டைர், இப்படியே இதற்கு முடிவில்லாமல் செல்கிறது…

இதை எல்லாம் பெரும் அமிர்தக் கடலாய் நம்மால் அள்ளிப் பருக ஆயுள் இல்லாமல் காலம் இல்லாமல் இருக்கிறது.

சொல்ல வந்தது.: பேச்சும் எழுத்தும் கைவரப் பெற்றவர்கள் தமது அனுபவத்தை இந்த பூமிக்கு அர்ப்பணித்துசெல்ல வேண்டும். யாவர்க்கும் அதை எட்ட கிட்ட செய்து விட்டு சென்று விட வேண்டும். இதுவே இந்த பதிவின் நோக்கம் வேண்டுகோள் எல்லாம். வைரமுத்து மிகவும் தெளிவாக சொல்கிறார்: சினிமா எடுக்க மாட்டேன்( அனேகமாக பொன்மணி வைரமுத்துவின் துணைவியார் இந்த வாக்குறுதியை இவர் பெற்ற பிறகே இவரை சினிமாத்துறைக்கு விட்டிருப்பார் அல்லது கண்ணதாசன் போன தடத்தை பார்த்தே இந்த முடிவுக்கு இவர் வரவேண்டியதிருந்திருக்கும். ஏன் பாரதி தாசன் எந்தவித கெட்ட சாயலும் படியாதவரே சினிமா எடுக்கிறேன் என ஆசைபட்டு தம்மை அவமானப்படுத்திக் கொண்ட வரலாறு உடையதாயிற்றே இந்த தமிழ் கூறும் நல்லுலகம்.)2.மது குடிக்க மாட்டேன். 3.நடிக்க மாட்டேன் என நல்ல கட்டுப்படுகளை தமக்குள் விதித்துக் கொண்டுள்ளார். இப்படி கட்டுப்பாடு உள்ளவர்களால்தான் எதையும் சாதிக்க முடியும். புகழ் பெறவும் முடியும்.சிலர் எதற்காகவும் தம்மை காம்ப்ரமைஸ் செய்து கொள்ள மாட்டார்கள். தமது குணத்தை, பழக்க வழக்கத்தை கைவிட்டு தம்மை இளக்கி நீர்த்து போக விடவே மாட்டார்கள்

மிகத் தெளிவாக இருக்கிறார்கள் எனவே புகழ் படிகளில் ஏறிக் கொண்டே இருக்கிறார்கள். சிவகுமார் அம்மாவுக்கு சொன்ன வாக்கை காப்பாற்றி இருந்தார் எனவே அவரும் சொல்லும்படியாக இருக்கிறார். காந்தி வெளி நாடு செல்கையில் மாமிசம், மது, மங்கை தொடமறுத்து வாக்கு கொடுத்தே தாய்க்கு சத்தியம் செய்தபடியே நடந்து கொண்டு மகத்துவம் செய்கிறார்.

சேலத்துக்கு சில நாட்களுக்கு முன் வந்த கல்யாணம் என்னும் காந்தியின் தனி உதவியாளர் தமிழர்தான். காந்தியிடம் பணி செய்தபோது இவருக்கு கிடைத்த 100, 200 ரூபாய்கள் ஊதியம் வைத்து சென்னையில் நிலம் வாங்கி போட்டாராம். அது இன்று 10அல்லது 20கோடி தேறுமாம். இதற்கு எமை திட்டுகிறார்கள், சாடுகிறார்கள் என்கிறார்.

காந்தியிடம் வாக்கு கொடுத்த மொரார்ஜி, லால்பகதூர், ஜெ.பி, கிருபாளனி, வினோபா போன்றோர் ஏன் ஜீவா கூட… காமராஜர் கூட சொந்தமாக சொத்து ஏதும் வாங்கக் கூடாது என வாக்குறுதி தந்ததால் எதையுமே வைத்துக் கொள்ளாது வாழ்ந்து மறைந்தனர். இதை பார் அறியும்

ஒரு வேளை இந்த வாக்குறுதி, இந்த பிராமணத்தில் இந்த கல்யாணம் சிக்கவில்லையோ, அல்லது அடங்கவில்லையோ என எம்மால் அறிய முடியவில்லை. எமக்கு கருத்து சொல்ல வயதில்லை. எனவே உலகு எப்படியும் பார்க்கும். எப்படியும் பேசும்

இருப்பதை இல்லாதாக்கும், இல்லாததை இருப்பதாகவும் கூறும். ஆனால் இந்த பேச்சு ஏச்சாக இல்லாமல் எழுத்து பழுதாக இல்லாமல் வாழ்வோர் எல்லாம் விதைகள். இல்லாதோர் எல்லாம் சிதையில் வெறும் சதையாக எரிந்தே மாய்வர்.

நன்றி..சற்று குறிக்கோள் இன்றி நீட்டி முழக்கி விட்டேன். அடியேன் பேசவும் எழுதவும் கை வந்தவன். பா.ம.கவின் துணைப்பொதுச் செயலாளராய் இருக்கும் நண்பர் ஒருவர் அந்த கட்சி ஆரம்பத்தில் சேரும்போதே எனையும் அழைத்தார்..நீங்கள் வந்தால் பேசியே சாதித்து விடுவீர் என்று… சாதி, சதி எல்லாம் நாமறியோம். எனவே நாம் நாடு முழுதும் சுற்றி வந்ததன் பயன் சாதிய மத விருப்பு வெறுப்பற்று வாழ்வதே என சொல்லி மறுத்து விட்டேன். சாதி, மதம், கட்சி சார்ந்தார்க்கே அல்லது சினிமாவிலாவது இருக்க வேண்டும் வாய்ப்புகள் பெறுவதற்கு…

நமையெலாம் வாய்ப்புகள் தாமாய் தேடி வந்தால் உண்டு. நாமாகத்தான் தேடி செல்வதே இல்லையே…

மறுபடியும் பூக்கும் வரை
கவிஞர் தணிகை.


எலந்தையும் நாவலும் நெல்லியும்: கவிஞர் தணிகை.

ஜூலை 15, 2015

 

எலந்தையும் நாவலும் நெல்லியும்: கவிஞர் தணிகை.
எயந்தப் பயம் எயந்தப் பயம் செக்கச் செவந்த பயம் தேனாட்டம் இருக்கும் பயம் எல்லோரும் வாங்கும் பயம் ஏழைக்குன்னே பொறந்த பயம்…அப்பாடா நானும் எம்.எஸ்.வி இசை அமைப்பு பாடல் பற்றி எழுதி விட்டேன்…இனி எனக்கு ஜென்ம சாபல்யம் முக நூலில் உண்டு. ஆனால் எமது பதிவு இதில் பேச முற்படுவது இலந்தை,நாவல் , நெல்லி கனிகள் பற்றிய சிறப்பு.

எமது தாய் வழி தந்தை வழி தாத்தா பாட்டியை எல்லாம் நாங்கள் பார்த்தது கிடையாது. தந்தையின் தந்தையை போட்டோவில் பார்த்திருக்கிறேன். பாவியோ,பாவமோ?..எங்களது பாட்டி இறந்தவுடன் இரண்டாம் தாரம் கட்டிக் கொண்டாராம்..அந்த இரண்டாம் தாரத்தின் சந்ததிகள் 2 பெண்கள் 2 ஆண்கள்.

அவர்கள் வீட்டின் புழக்கடை தோட்டம் ரொம்ப பெரிசு. பள்ளத்துக் கழிவு நீரோடைப் பக்கம் புறம்போக்கு எல்லாம் வளைத்துப் போட்டு மதில் சுவர் எழுப்பி நிறைய புதர்களுடன் மரங்களும் …அதை நான் விளையாட்டாக மஸ்கிட்டோ பிரீடிங் சென்டர் எனச் சொல்வது உண்டு. எம் பக்கத்து வீட்டுக்கு எல்லாம், பூச்சி, பாச்சை(கரப்பான், தென்னங் கரப்பான்)பாம்பு பல்லி, பூரான் மற்ற உயிரினங்கள் எல்லாம் அங்கிருந்துதான் சப்ளை.

யாம் சிறுவராக இருந்த காலத்தில்: இந்தபகுதிகளில் எல்லாம் வீட்டுக்கு ஒரு நல்ல கிணறு. மேலும் நீர் வசதிகள் ஏராளம். ஒரு பெரிய இலந்தை(எலந்தை என்போம் பேச்சு வழக்கில்)மரம் அவர்கள் வீட்டில் உண்டு. பெரிய என்றால் மிகப் பெரிய 4ஆள் சேர்ந்து கட்டினால் கூட கட்டிப் பிடிக்க முடியாது. நீங்கள் அவ்வளவு பெரிய மரமெல்லாம் பார்த்திருக்கிறீரோ என்னவோ? இனி வரும் தலைமுறை பார்க்க வழியில்லை. எல்லாவற்றையும் முடித்து விட்டார்கள்.

அதில் இருந்து அதிகாலையில் கீழேவிழும் பழம் பொறுக்க யார் வேண்டுமானாலும், ஊரில் யார் வேண்டுமானாலும் உண்மைதான் ,வந்து பொறுக்கி செல்லலாம். மேலும் டம்பளர், அல்லது உலக்கு இவ்வளவு என விற்பதும் உண்டு. நல்லா பழுத்த பயம்..சீ எமக்கும் எல்.ஆர்.ஈஸ்வரி வாய்ஸே வருகிறது…நன்றாக பழுத்த பழம் நல்ல ருசியாக இருக்கும்.

 

 

 

இப்ப செத்த முந்தி…ஒரு அப்புவும் நானும் இது ஒரு பாஷை,…கொஞ்சம் முன்னால் நானும் ஒரு பக்கத்து வீட்டு தம்பியும் சேர்ந்து சுமார் 2 கிலோ தேறுமளவு நாவல் பழம் பறித்து வந்தோம். அங்கிருந்துதான். பறிக்க வில்லை எனில் வீண்..அந்த காம்பவுண்டு சுவரை ஒட்டி ஓடும் இன்றைய கெம்ப்ளாஸ்ட் கழிவு நீரோடையில் விழும் அல்லது நேற்று மாதிரி 4 சிறுவர்கள் மதிய நேரம் யாவரும் வெளிவராமல் அசந்து இருக்கும் நேரம் வந்து அந்த நாவல் பழம், கொய்யா பழம் எல்லாம் பறித்து சென்று விடுவார்கள்.

நாவல் பழம் சேலத்தில் கிலோ 200ரூபாய் அளவுக்கு விற்கப்படுகிறதாம். கடந்த ஞாயிறு அன்று பறித்து வைத்திருந்த பழங்களை எடுத்து சென்ற எமது மூத்த சகோதரியின் கூற்று. அவர்கள் அடிக்கடி சேலத்துக்கு தமது மளிகை கடைக்காக பொருள் கொள்முதல் செய்ய செல்லும் குடும்பத்தினர். அந்த நாவல் பெரு நாவல் பழத்தை விட இந்த சிறு நாவல் பழம்தான் மருத்துவ முறைப்படி சிறந்ததாம்.

நாவல் நீரிழிவு வியாதிக்கு அருமருந்து. அதன் கொட்டையைக் கூட இடித்து பொடி செய்து வெந்நீரில் கலக்கி குடிக்கலாம்.அப்படியே உண்ணலாம். பச்சையாக காய்த்து சிவப்பாக நிறம் மாறி கருப்பாக கருநீலமாக மாறும் பழம் என்ன ஒரு ருசி. பாம்புகள் கூட இந்த பழம் உண்ண வருமாம்.வேம்பு எல்லாம் கசக்க பழம் மட்டும் இனிக்க என்ன ஒரு இயற்கை விந்தை பாருங்கள்.

ஆனால் நாவலை வீட்டில் வைத்து வளர்க்க கூடாது என்பார்கள்.அதே போல அசோகா மரம் கூட வீட்டில் வைத்து வளர்க்கக் கூடாது என்பார். அது அதற்கு ஒரு காரணம் இருக்கிறது சொல்வதில். எம் தந்தை தென்னை மரம் கூட வீட்டருகே வைத்து வளர்க்காதே என்பார். எங்க குடும்பம் அதை செய்வதில்லை.

எமது தாத்தாவின் இரண்டாம் குடும்பம் அதை எல்லாம் சட்டை செய்யாது. எல்லாமே செய்யும். தென்னை , வாழை, இந்த நாவல் அதுவாகவே சுவர் அருகே முளைத்து காய்த்து தலை சாய்த்து கழிவு நீர் ஓடைமேல் தொங்கிக் கொண்டிருக்கிறது. எளிதாக பறிக்கவும் வழியின்றி முடியாமல்…இப்படி பெயர் தெரியும் மரம், பெயர் தெரியா மரம் கூட இந்த பின் பக்கம் உண்டு. ஒரே சேறும் சகதியுமாய் கால் வைக்கவும் முடியாது.

ஒரு முறை இடி இறங்கி நெருப்பு பற்றி ஒரு தென்னை மரம் எரிந்தது. அடியேன் தான் தீ அணைப்பு வீரர்களை வரவழைத்தேன்.அப்போது எங்கள் வீட்டு தொல்லைக்காட்சி பெட்டி பிக்சர் டியூப்(படக் காட்சிக் குழல்?) போய் 5000ரூபாய் வேட்டு வைத்தது எமக்கு. தென்னை மரம் வைத்து வளர்ப்பவர்கள் வீட்டில் நிரந்தரமாக குடி இருக்க முடியாது என்ற ஒரு மூட நம்பிக்கை உண்டாம். ஆனால் மூட நம்பிக்கையா நம்பிக்கையா இந்த 2 சகோதரர்களுமே இந்த வீட்டில் குடியிருப்பில் இல்லை. ஒருவர் வாடகைக்கும், மற்றொருவர் வீடு கட்டிக் கொண்டு பாகம் பிரித்தும் கொடுத்தும் விட்டு சென்று விட்டார்கள். இப்போது இந்த வீடுகள் பிறர் வாடகை குடியிருப்பில் உள்ளன.தேங்காய் விற்கும் விலையைப் பார்த்தால் மரம் வளர்ப்பதுதான் நல்லது.

பிள்ளை இல்லாதவன் வீடா அது வேண்டாம் எமக்கு சும்மா கொடுத்தாலும், என்பார்கள் விலைக்கு வருகிறது என்றாலும்…. எங்கள் வீட்டருகே மற்றொரு வீட்டில் யூகலிப்டஸ் மரம் இருக்கும் அதனடியில் அதன் உதிர்ந்து விழும் காய்களை பொறுக்கி விளையாடிய நினைவு. அந்த இலை, பட்டை,உதிரும் பூக்கள், சிறு காய்ந்த காய்கள் எல்லாமே அவ்வளவு மணமாயிருக்கும். அந்த மரம்தான் ஊரிலேயே மிக உயரமான மரம். அதுவும் மிகவும் பெரிய மரம்தான்.

அட ஏங்க கோலிக் குண்டு விளையாடும்போது ஒன்றையொன்று அடித்து நெற்றி அடி (நெத்து விளையாடுவோம்) ஒருவர் கோலியை இன்னொருவர் சரியாக கையால் குறி பார்த்து அடித்து விட்டால் அவருக்கு இலாபம் எண்ணாக, கோலியாக அல்லது அதற்கு இணையாக ஏதாவது…அப்பொது பாருங்கள்..ஓரிரு வீடுகள் தள்ளி பக்கத்து வீதியில் நிறைய வாதநாராயணன் மரங்களும் கொன்றை,இரத்தப் பூக் கொன்றை மரங்களும் அப்படி பூத்திருக்கும் சிவப்பு சிவப்பாக, இலை அப்படியே பசுமையாக மரங்கள் வலைந்து வளைந்து, அதில் இடையெ இடையே கோலி வைத்துக் கொள்ளுமளவு குழியாய் சரியாக ஒரு கோலிக்கு அளவு எடுத்து செய்தாற் போல குழிகள் இருக்கும்… இப்படி நிறைய சுவையான விதங்களில் அந்த மரம் வேர்கள் எல்லாம் வெளியே வளைந்து நெளிந்து கொண்டு ஒளிந்து ஒளித்து விளையாட சவுகரியாமாய் இருக்கும். அவை இப்போது பாஞ்சாலி வாடகை வாங்கும் வீட்டில் அழிந்து விட்டது.

அதன் பக்கத்தில் உள்ள வீடுகளில் தூக்கணாங் குருவிக் கூடுகள் நிறைய அழகாக தேங்காய் நாரில் எப்படித்தான் அப்படி கட்டுமோ , அடியில் வாசல் வைத்து உள்ளே நுழைந்து..குஞ்சு பொறித்து.. ஒன்றும் சொல்ல முடியாது போங்கள்… அதை எல்லாம் பார்த்தால் தான் அனும்பவிக்க முடியும். அதனிடையே தேன்கூடுகள் ஒரு பக்கம் தொங்கியபடி….இந்த தூக்கணாங்குருவிக் கூடுகள் காற்றில் அப்படியே கீழே விழாமல் அலைந்து அலைந்து ஆடியபடி, மரத்தில், அம்மா வீட்டில் உறி கட்டியபடி, மரத்தில் தொங்கியபடியே.. எங்கய்யா போச்சு அந்த சுகம் எல்லாம் நமது பிள்ளைகளுக்கு?

இப்போதும் கூட எமது 16 கண் மாய் பாலத்தில் பெரிய தேன்கூடுகள் கட்டியிருப்பதை ஒவ்வொரு ஆடி 18 அன்று நீர்க்காட்சி பார்க்க செல்லும்போதும் பார்க்கலாம்.அது வேறு கதை.

யாரும் யாரையுமே பள்ளிக்கு எல்லாம் கொண்டு விடும் பழக்கமே இல்லை அப்போது. பள்ளி முடித்து மதியம் மர நிழலில் ஓரமாகவே வீடு வந்து மதிய உணவை உண்டு விட்டு, மறுபடியும் வகுப்பு ஆரம்பம் வரை மரத்தடியிலேயே இருந்து கொண்டு பால்ய நட்புக்களுடன் பேசி சிரித்து மகிழிந்து சண்டையிட்டு பொருள் தெரியாமலே பேசி…அப்போது பார்த்த அளவு பாம்புகளும் தேள்களும் இப்போது பார்க்க முடியவில்லை.

அப்போது எக்ஸ்.-ஸர்வீஸ் மேன் என்ற ஒரு வண்டி பேருந்து வரும், அதைப் பார்த்து தான் மதிய உணவுக்கு பெல் அடிப்பார்கள்.சரியாக 12 மணிக்கு அது வந்து விடும்.

பேருந்து நிலையம் என்றால் அதில் எத்தனை மரங்கள், எப்படி எல்லாம் மரங்கள், கிளைகள் வானளாவ , சாலையெங்கும் , சாலையெங்கும் கிளை பரப்பி, நிழல் தந்தைவைகளாக…மயங்கிக் கிடக்க அதெல்லாம் ஒரு மஞ்சள் வெயில் காலம். அந்தமரங்கள் ஒன்று கூட இப்போது இல்லையே…. மேலும் ஊரிலேயே மிகப்பெரிய அரச மரத்தை ,…சிறுவர்களாக இருந்தவரை எமது குடும்பத்தினர் அனைவருமே அதற்கு நீர் ஊற்றி அந்த விநாயகரை வணங்கி வந்தோமே அந்த இடத்தில் இருந்த அரச மரத்தை கொஞ்சம் கொஞ்சமாக அமிலத்தை ஊற்றி வேர் வீட்டுள் புகுகிறது என வெட்டி விறக்காக்கி கடைசியில் அந்த மரத்தை அழித்து விட்டு கான்க்ரீட் மேடை இட்டு, அஸ்பெஸ்டாஸ் சீட் அமைத்து வார வாரம் விநாயகருக்கு பூஜை செய்கிறோம் அதற்கான கட்டணம் அபிசேகத்துக்கு இவ்வளவு என்ற அறிவிப்பு பலகையுடன் விநாயக சதுர்த்தி என்று ஊரெல்லாம் வசூல் செய்து விழா நடத்திக் கொண்டிருக்கிறார்கள். அதில் முக்கிய புள்ளி அந்த மரத்தை முடித்த பக்கத்து வீட்டுக் குடும்பம்.

எங்கெங்கெங்கோ செல்லும் மனக் குருவியை கருப்பொருளுக்குள் இட்டுவருவதற்குள் நிறைய தடைகள்…

 

அதியமான் நெல்லியை (தகடூர்= தர்மபுரிதாங்க) அவ்வைக்கு கொடுத்த கதை யாவரும் அறிவர். இப்போது நெல்லிக்கு உடற் ஓம்பும் முறைகளில் ஒரு நல்ல பங்கு என்பது வெளிப்படுத்தப்பட்டு வருகிறாது. பெருநெல்லிதான். சிறுவராய் இருக்கும்போது கசப்பு எல்லாம் பிடிக்காது. எது எடுத்தாலும் இனிப்பாயிருந்தால் பிடிக்கும்

இந்த பெரு நெல்லியை கடித்துசாப்பிட்டு விட்டு, குடி நீர் பருகினால் ஜிலு ஜிலு வென இனித்துக் கொண்டே இறங்கும் .என்றாலும் நமக்குஅதெல்லாம் பிடிக்காது. ஆனால் இப்போது நெல்லி ரஸம் மிகவும் பிரபலம்

சிறுநெல்லி நன்றாக இருக்கும். ஆனால் உடனே சளி பிடிக்கும். பெரு நெல்லிதான் பெஸ்ட். நோய் எதிர்ப்பு தன்மைக்கு நெம்பர் 1. மேலும் தேனில் ஊறவைத்து சாப்பிட்டால் சரும சுருக்கம் எல்லாம் குறைகிறது, உடல் பளபளப்பாக இளமை திரும்பும் முடி கூட கறுக்காது என்று பலவாறான நல்ல தகவல்கள் எல்லாம் வந்தவண்ணம் இருக்கின்றன.

நேற்று முதல் தேனில் ஊறவைத்து சாப்பிட ஆரம்பித்து இருக்கிறோம். நல்ல தேன் தான் கிடைப்பது குதிரைக் கொம்பாய் இருக்கும் போல் இருக்கிறது உரிய விலையில்.ஐ மீன். உயரிய விலையிலும்…

ஆக எயந்தபயம், நாவல் பழம், நெல்லிக்கனி ஆகியவற்றை விளையாட்டுப் போல் சாப்பிடுவோம் சிறுவராய் இருக்கும்போது அவை இப்போது முக்கனிகளை விட முச்சுவை அமிர்தமாக கொள்ள வேண்டும்… அனைவரும் அந்த கனிகள் கிடைத்தால் விடாதீர்கள், விட்டு விடாதீர்கள்.

ஒரு இராஜா இராணியிடம்…வெகு நாளாக ஆசை கொண்டான்.. வெள்ளை மேகம் துள்ளி எழுந்து…..புதுவிதமான ஜோடிகள் விளையாட்டு என்ற அந்த சிவந்த மண் பாடலும், அதில் உள்ள பட்டத்து இராணி பார்க்கும் பார்வை…அந்தக் காலத்தில் என்ன காதலர் என்பவர் காதலியை இப்படி அடிப்பார்களா என்ற வியப்புடன் கிரீஸ் நாட்டில் எடுக்கப்பட்ட சுற்றி சுழலும் படத் தளத்தில் நீக்ரோ வேடத்தில் சிவாஜி காஞ்சனாவை சாடை கொண்டு அடித்து பாடி ஆடி செய்திருக்கும் படத்துக்கு பாடலுக்கு எம்.எஸ்.வி இசை…. பாடிக் கொண்டே மனப்பாடம் பண்ணி பாடிக் கொண்டே இருப்போம். அது ஒரு காலம்.எப்போதும் எம்.எஸ்.வி லாலா லாலா…ஹம்மிங்…கண்ணதாசன், சிவாஜி, விஸ்வநாதன் ஒரு காம்பினேசன். நினைத்தாலே இனிக்கும் …ஜகமே மந்திரம் சுகமே ..எந்திரம்.. ரஜினிக்கு ஒரு கத்தல் பாட்டு உண்டு.. நாயகன் மேடைக்கு பாடவரவில்லை என்றவுடன் அதற்கு பதிலாக ரஜினி பாடுவார்…அது எம்.எஸ்.வி பாடல்.. அதெல்லாம் பாட்டுதான் என்று எம்.எஸ்.விதான் ..சாமி பாட்டெல்லாம் நன்றாகவே பாடுவார்.

எப்படியோ எம்.எஸ்.வி எயந்தபயம் பாடலில் ஆரம்பித்து அதே எம்.எஸ்.வி முடிவுரையில் வர ..இந்த இலந்தை, நாவல், நெல்லி பதிவை இட்டு விட்டேன்.இல்லாவிட்டால் முக நூலில் என்னை ஏற்றுக் கொள்ளவே மாட்டார்கள் எனவே இப்படி…

மறுபடியும் பூக்கும் வரை
கவிஞர் தணிகை.


கவிஞர் தணிகையின் ஆயிரம் பதிவுகள் மீறிடும் பேறு: கவிஞர் தணிகை

ஜூலை 14, 2015

 

கவிஞர் தணிகையின் ஆயிரம் பதிவுகள் மீறிடும் பேறு: கவிஞர் தணிகை
வேர்ட்பிரஸ், இன்ட்லி,கூகுள்,ட்விட்டர், கூகுள் ப்ளஸ்,முகநூல்,டி.எஸ்.யூ. இப்படிப்பட்ட சமூக தளங்கள் யாம் இந்த “மறுபடியும் பூக்கும்” என்ற தமிழ் தளத்தை நடத்தி வருவதில் எமது எழுத்துகளை உலகெங்கும் பரப்புவதில் உறுதுணை புரிகின்றன.அவற்றுக்கு இந்த ஆயிரம் பதிவுகளை மீறிடும் பேறு பெறும் தருணத்தில் நன்றி செலுத்த கடமைப்பட்டுள்ளேன்.

மரபாக இருந்தபோதும் செய்து தான் ஆக வேண்டிய தருணம் இது. இப்போது இல்லா விட்டால் நாம் வேறு எப்போது எப்படி இவர்களை எல்லாம் நினைத்து நமது நன்றியறிதலை போற்ற முடியும்?

கூகுள் தேடு பொறி தளமே எனக்கு முக்கியமாக படங்களை , மற்ற இணைய தளங்களை எம்முடன் இணைக்க அவற்றின் உதவியால் யாம் எழுத பெரும் துணை புரிந்து தேடு பொறி தளமாக இருக்கிறது.பிரச்சனை ஏதுமில்லா தெளிந்த நீரோடை போல அது சென்று கொண்டே இருக்கிறது.

தமிழ் தட்டச்சு தெரியா நிலையில் எமது எழுத்துகளை புதுவை யுனிகோட் (சுரதா) ரைட்டர் மூலமாகவே மொழி மாற்றி காப்பி எடுத்து அதை அப்படியே ஒட்டி வருகிறேன் அது மொழி பெயர்த்துத் தருவதை.

இப்படி எல்லாம் செய்து உங்களது எண்ணங்களை, அனுபவங்களை உலகெங்கும் கொண்டு செல்லுங்கள் என என்னிடம் வலியுறுத்திக் கொண்டு, என்னிடம் கேட்காமலே, எனது ஒரு பிறந்த நாளில் அவரது அலுவலகம் அமைந்துள்ள சேலம் மாவட்டத் தலைநகரில் “மறுபடியும் பூக்கும்” என்ற எமது முதல் நூலின் தலைப்புடன் ஒரு வலைப்பூவை ஏற்படுத்தி அதில் எழுதுங்கள் என்றார் எமதருமைத் தம்பி திரு.நா.செல்வக்குமரன் பீக்ஸ் கிராபிக்ஸ் நிறுவனம் நடத்தி வருபவர்.

அது மட்டுமின்றி இவர் எமது நூல்களுக்கு ஏற்கெனவே அட்டைப் படம் செய்து தந்தவரும் கூட. மேலும் “ஆங்கிலத்திலும் எழுதிக் கிழிக்கலாம்” என டான் பேஜஸ் என்ற ஒரு வலைப்பூவையும்,”தணிகை ஹைக்கூ” என்ற சுருக்க வரிக் கவிதைக்கான தளத்தையும், கீச்சொலிக்கான, ட்விட்டர், முகநூல் தளம் ஆகியவற்றிலும் எமது கணக்குகளை தோற்றுவித்து அளித்தவர். அப்போது எல்லாம் எமக்கு கணினி அனுபவமே இல்லை.ஏன் கணினியே எம்மிடம் இல்லை. கணினி வாங்கும் வரை அவருடைய அலுவலகத்திலிருந்தபடியே வாய்ப்பு வரும்போது அடியேனும், வாய்ப்பு இல்லாதபோது யாம் சொல்வதை அவருமாகவே பதிவு செய்து கொண்டிருந்தோம்.

மேஜைக் கணினியை எப்படியோ எமது துணவியாரின் தம்பி அம்மன் வீடியோஸ் கார்த்தி காரமடை அவரது தோழர் சிபியுடன் வந்து அமைத்து தந்தார்.ஆனால் அப்போது அவருக்கு பெரிதாக ஏதும் தொகையை யாம் கொடுத்ததாக நினைவு இல்லை.

கணினி வந்த பிறகுதான் , வீட்டிலேயே, நா.செல்வக் குமரன் ஆங்கில வலைப்பூவான டான்பேஜஸை நிறுவினார் என எண்ணுகிறேன்.

அதிலிருந்து தான் எமது இணைய வாழ்வின் பயணம் ஆரம்பித்தது. ஆனால் இணைய, வலைத் தளம் இணைப்புக்கும் கூட எம்மால் பெரிதாக செலவளிக்க முடியா நிலை. பி.எஸ்.என்.எல். இணைப்பில் மாதமொன்றுக்கு 1 ஜி.பி இணைப்பில் சுமார் 400 ரூபாய்க்கும் அதிகமாக 500 ரூபாய்க்குள் கட்டி வரவேண்டியதாயிற்று. அதிலிருந்து மீள பெருமுயற்சி செய்தேன்.

தியான வழி சீடர் பிரவீன்குமார் மாதந்திர செலவை தாம் ஏற்பதாக சொன்னார் அவர் இப்போது இருப்பது குவெய்ட் Fஆகீல் என்ற இடத்தில்..ஆனால் அது அவரின் பெரிய மனதுக்கு அடையாளம். இருந்தாலும் அதை யாம் ஏற்கவில்லை. 1 GB யானை பசிக்கு சோளப் பொறியாக இருந்து வாட்டிக் கொண்டே அதிகம் தொகையை தீட்டிக் கொண்டே வந்தது மாதா மாதம். என்ன செய்யலாம் என யோசித்து வருகையில்

ரியல் நெட் சர்வீஸஸ் என்ற பேரில் மாதமொன்றுக்கு ஒரளவு வேகத்துடன், அளவற்ற பயன்பாட்டில் ரூபாய்.500க்கு இணைப்பு கொடுத்தனர். நல்ல சேவை. எந்த வித உரசலும் கெடுதலுமின்றி சுமார் இரண்டரை ஆண்டுகள் தம்பிகள் நன்கு ஒத்திசைவுடன் தமது சேவையை வழங்கினார்கள். இது 2 G சேவை ஆனால் அதற்குள் உலகு 3G, 4G என கைப்பேசி வடிவத்துள் போக எமக்கு இணைப்பு அளித்தோர் இங்கு அதாவது எமது ஊரில் மட்டும் இந்த சேவையை தொடர முடியாமல் போக..

மறுபடியும் பி.எஸ்.என்.எல் இணைப்புடன் ஏறத்தாழ ரூ.5000 ஆரம்ப கட்ட செலவில் எல்லையில்லா வரையறையில்லா பயன்பாட்டுடன் ஒரு கோம்போ திட்டத்தில் சென்று இது கட்டவிருப்பது 2 ஆம் மாதக் கட்டணம். இதில் வேறு ஆப் நெட், ஆன் நெட்கட்டணம் என இந்த ரூ.828ல் ஒரு 50 ரூ அதிகம் வருவது பற்றி 1550 டோல்ப்ரீ எண்ணாம் அது பெங்களூராம் பேசும் இடம்…அங்கே பேசி என்ன விளக்கம் என கேட்டேன் இருந்தாலும் ஒன்றும் விளங்கவில்லை…பகலில் 100 யுனிட் பேச இலவசம் என்றார்கள். இரவில் 9 மணி முதல் காலை 7 வரை இந்தியா முழுதும் இலவசம் என்கிறார்கள். ம். பார்க்கலாம்.

இப்போது ரிலையன்ஸ் குறுஞ்செய்தி ஒன்று ஒயர்லஸ் இணைப்பில் 10 GBக்கு 600ரூ,40GBக்கு 1300ரூ என..இவனுங்க தொல்லைதான் பெரிசா இருக்குங்க…

இதனிடையே…நமது கணினிக்கு உடல்நலம் கெடும்போதெல்லாம், மாணிக்கம் என்றால் உண்மையிலேயே மாணிக்கம்தான் தமது உடல்நலத்தைக் கூட பெரிதாக எண்ணாமல் 40ஆண்டுக்கும் மேல் மணமுடிக்காமல் தமது தாயின் வாழ்வையே பெரிதாக எண்ணி தமது இன்னுயிரையும் அளித்து மறைந்த மாணிக்கம் தான் எமது கணினிப் பிரச்சனைகளுக்கு நா.செல்வக்குமரனை அடுத்து நோய் தீர்ப்பவராய் விளங்கினார். அவரை சில மாதங்கள் முன் நோய் எடுத்துக் கொண்டது அவரது தாயை வயோதிகம் முதுமை எடுத்துக்கொண்டது.

இப்போது அவரின் சீடர் மறுபடியும் சதீஸ் உதவி செய்ய வந்திருக்கிறார். இவ்வளவு பேரும் இந்த தளத்தின் ஆயிரம் பதிவுகளை கடக்க உதவியவர்கள் .நல்லவேளை சுவரில் இருநாளுக்கொரு சேதி எழுதி அடிக்கடி வில்லங்கம், விவகாரம், காரம், சண்டை என இதில் பெரும்பாலும் சிக்கவில்லை , சிக்கல் இல்லை. சிக்கல் நேரவில்லை. எனினும். ஆரம்ப கட்டத்தில் வேண்டும் என்றே சில கனவான்கள் வந்து வம்பு தும்பாகவே விவாதம் அதாவது விதண்டா வாதம் புரிந்தும் வந்தனர்.

சில கனவான்கள் வைரஸ் கிருமிகளை பரப்பி பெரும் தொல்லை அளித்து வந்தனர். இத்தனைக்கும் இடையில்..எமது துணவியாரும், மகன் மணியமும் உரசல் நெருடல்களுடன் இந்த பயணத்தை தொடர அனுமதித்துள்ளது யாம் பெற்ற மறு பேறு.

அடுத்து இந்த பதிவுகள் மூலம் சில நெருங்கிய உறவினர் கோபித்துக் கொண்டு அவர்களைப்பற்றி எழுதி விட்டேன் என பகைமை கொண்டு பிரிந்தும் நிற்கிறார்கள்.

இந்த ஆயிரம் மைல்கல் பதிவை தாண்டி விடும்போது மேலும் எமது பயணத்தை தொடரும் போது…திருவில்லி புத்தூர், ரத்னவேல் அய்யா, இவர் வயதுக்கு இவர் எல்லா பதிவர்களுக்குமே பெரும் ஊக்கமாய் இருந்து வருபவர்..அவரை சொல்லத்தான் வேண்டும். நாம் இவருடைய வயதில் இருக்கும்போது இத்தனை பேருக்கு ஊக்கம் செய்வோமா என்பது கேள்விக்குறிதான். ஒன்றும் வேண்டாம் படித்து பார்த்து விட்டு ஒரு பகிர்தல், ஒரு பின்னோட்டம் அவ்வளவுதான் எழுதுவோர்க்கு அது ஒரு அருமருந்து.அதை செய்வதில் எப்போதும் இவர் தவறுவதேயில்லை.

மேலும் நிறைய நண்பர்கள் வருகிறார்கள் போகிறார்கள். அத்தனை பேரையும் நாம் குறிப்பிட்டால் அது கட்சிக்காரர் அடிக்கும் நோட்டீஸ் ஆகிவிடும். சிலர் பண்போடு கண்ணியமாக தவறுகளை சுட்டிக் காட்டுகிறார்கள். எழுத்துப் பிழைகளை சொல்கிறார்கள்.

அனைவருக்குமே எமது தளத்தை முதலில் அறிமுகப்படுத்துவதில் அவர்களின் அறிமுகப்படலத்திலேயே அறிமுகப்படுத்துவதில் எமக்கொரு மகிழ்வு. இப்போதும் கூட பகுதி நேர பணிபுரிகிறாராம் அந்த நவீன் என்னும் பெங்களூர்த் தம்பி…அவருக்கு நமது தளம் பற்றி குறிப்பிட்டேன் சற்று முன்னர் கூட.

இப்போது படிக்க பயப்படுகிறார்கள். சுருக்கமாக எழுதுங்கள் என்கிறார்கள். வாழ்வின் வேகமும், வீச்சும் அப்படி. அவர்களை குறை சொல்ல ஏதுமில்லை. இணையமும் வலைதளமும் அவ்வளவு செய்திகளை கொண்டு வந்து கொட்டிக்கொண்டே இருக்கிறது ஓவ்வொரு நொடியும்.

இதில் சினிமாவை விமர்சனம் செய்தால் பார்வையாளர் எண்ணிக்கை கூடுகிறது. நாம் எமது மகன் மேனிலை இறுதி வகுப்பில் இறுப்பதால் அந்த சினிமா விமர்சனத்தை எல்லாம். இன்னும் பல மாதங்களுக்கு தவிர்க்கவே உள்ளேன்.

அட நம்ம ஜாக்கி சேகர், ஒரு சினிமா டீசர் ஒரு ட்ரெயிலர் எல்லாம் வந்தால் போதும் அதற்கு ம்..ஊஹூம் சான்ஸே இல்லை என வீடியோவில் பேசி , பதிவும் எழுதி வருகையாளரை அள்ளிச் செல்கிறார். என்னிடம் ஹேன்டி கேம் கூட இல்லை. வீடியோ பதிவை எப்படி இடுவது என்றும் தெரியாது…அதற்காக இன்னும் எந்த வித வீடியோவும் எடுத்து முயற்சி செய்யவில்லை. ஒரு முறை ஒரு ரேடியோ முயற்சி செய்ததோடு சரி..அப்போது ஏதோ கணினி பிரச்சனை வந்தது அத்தோடு சரி.

பயணம் செய்து எந்த பதிவிடும் நிலையும் எனக்கில்லை. எனவே இருந்த இடத்தில் இருந்து கொண்டு எமது அனுபவத்தை அப்படியே பதிவு செய்து வருகிறேன். ரத்னவேல் அய்யா சொல்வது போல் எல்லாம் நான் நன்றாக எழுதுவதாக எல்லாம் நினைக்கவில்லை.

எண்ணத்தை அப்படியே தட்டச்சு செய்து அதை ஓரளவு பிழை அகற்றி அப்படியே பதிவிடுகிறேன் ஏறத்தாழ ஒரு பத்திரிகை தினசரி வருவது போல தினமும் ஒரு பதிவிட எண்ணுகிறேன். அதன் எதிரொளியாகவே இந்த ஆயிரம் பதிவுகளை கடந்திருக்கிறேன்.

எமக்கும் யூ டியூப், வீடியோ பதிவுகளில் , சினிமா விமர்சனங்கள் எல்லாம் செய்ய ஆசைதான்.இன்னும் நிறைய எண்ணிலடங்கா வருகையாளரை அதிகரிக்க ஆசைதான். காலமும் அதற்கான செலவும் செய்ய வேண்டுமே…இன்னும் சில நாட்களில் +”எமது மறுபடியும் பூக்கும் சர்வீஸஸ்” என்ற ஒரு சேவை மைய அறிவிப்பை நீங்கள் காண நேரிடலாம். அதற்கு உங்களின் முடிந்த அளவிலான ஒத்துழைப்பையும் யாம் கோர நேரிடலாம். ஆயிரம் பதிவுகளின் அடையாளமாக நாம் மாறுபட்ட கோணத்தில் சிந்தித்து நமக்கே உரித்தான சேவை குணத்தையும் குழைத்து விட்டு விட்ட ஒரு பணியை கையில் எடுக்கலாமோ என்று எண்ணுகிறோம். ஆனால் அதன் வெற்றி தோல்வி எம் கையில் இல்லை. ஆர்வலர்கள்,புரவலர்கள் கையில்

யாம் தொலைக்காட்சியில், வானொலியில் பேசிய பேட்டிகள் எல்லாம் அப்படியே உறங்கிக் கிடக்கின்றன. அவற்றுக்கு எல்லாம் ஒரு காலம் வரும் வெளிப்பட என நம்புகிறேன். யாம் தொழில் நுட்பத்தில் மிகவும் பின் தங்கியவன். முறையாக கணினி பற்றி ஏதும் தெரியாமலே இந்த பணிகளை செய்து வருகிறேன்.

எனவே இந்த ஆயிரம் பதிவுகள் மீறிடும் பேறு உண்மையிலேயே இந்த எளியவனைப் பொறுத்தவரை கிடைக்க் முடியா பேறுதான். இதில் சொல்ல மறந்த சில : மின்சாரம், மாற்று மின் சக்தி,இரவு பகல், சூரியன், நிலவு, உடல்நலம், தியானம், நடைப்பயிற்சி, ஏராளமான தோழர் தோழியர் என்னோடுபேசி என்னை பயன்படுத்திக் கொள்வார், பயன்படுத்த தருவார்..நேரம் கரைப்பார், நேரம் கொல்வார், நேரம் கொள்வார் அனைவருமே இந்த பதிவின் மூலம் அங்கீகரிக்கப்படுகிறார்கள் தணிகையின் பாத்திரத்தை நிரப்பியவராக…

இந்த தணிகையின் பாத்திரத்திலிருந்து சிந்திய துளிகளை இது வரை கண்டீர்கள். இனியும் காண்பீர்கள். இந்த துளியும் அதில் ஒன்றுதான். தாயின் தூளியும், உறக்கத்தின் தூளியும் இந்த எழுத்தின் தூளியில் எனக்கு இருக்கிறது. உறங்காமலே ஒரு தாலாட்டின் கிறக்கத்தில் இருக்கும் குழந்தையாக எண்ணி மகிழ்கிறேன் இன்னும் எனை எடுத்து கொஞ்ச உங்கள் கரங்களை சிறிது நீட்டுங்கள்.

என்றென்றும் நன்றியறிதலுடன்

இன்றைய ஆயிரம் பதிவுகளை மீறிடும் இந்த பதிவில் : சென்னை சாப்ட்வேர் டெவலப்பர் லினக்ஸ் கதிர்வேல் அவர்களும் நன்றிக்குரியவராய் குறிப்பிட வேண்டியவராகிறார். வெற்றியோ தோல்வியோ அவரின் அயராத உதவி செய்ய வேண்டும் என நினைக்கும் பாங்கு எமை மெய் சிலிர்க்க வைத்தது. அவருக்கும் எமது நன்றியறிதல் உரித்தாகிறது.

வழக்கம் போல் நாளை முதல் சந்திப்போம் வெவ்வேறு தலைகளுடன், ஐ மீன் தலைப்புகளுடன்…இந்த ஆயிரத்துக்கு மீறிய பதிவுகளில் எண்ணிறந்த தலைப்புகளில் பேசியுள்ளோம். ஆனால் இன்னும் நம் உலகில் எண்ணிலடங்கா தலைப்புகள் நாம் தொடாதவையாகவும் இருக்கின்றன என்ற உண்மைகளுடன்…

 

மறுபடியும் பூக்கும் வரை
கவிஞர் தணிகை.


எந்தை நீ உனை இனி நான் யாரெனெக் கொள்வேன்?எங்கு காண்பேன்?: கவிஞர் தணிகை

ஜூலை 13, 2015

 

எந்தை நீ உனை இனி நான் யாரெனெக் கொள்வேன்?எங்கு காண்பேன்?: கவிஞர் தணிகை
நீ இருக்கும் வரை உன்னிடம் எனக்கு பயபக்தி மட்டுமே வெளித் தெரிந்தது.நீ எனை அதிகம் நேசித்திருக்கிறாய் என்பதை உன் மறைவுக்குப் பின் 30 ஆண்டுகள் கழித்தே உணரமுடிகிறது. நேசம் தெரிகிறது. யாராலும் பிடிக்க முடியா காலம். பிடிபடாக் காலம்.

ஒன்றுமே புரியவில்லை, ஏதுமே தெரியவில்லை.எப்படி போவதென்றும் விளங்கவில்லை. அப்படியே சுழித்தோடும் நதியாக வளைந்து வளைந்து ஓடிக் கொண்டே இருந்தேன். இளமை போயிருந்தது. அநேகமாக நானும் நீயும் நமது வாழ்வில் ஒரு சேர ஒரு 20 ஆண்டுகள்தாம் கழித்திருப்போம்.

உனக்கு உன் வயதில் 40 க்கும் பிறகுதான் நான் வந்திருக்கிறேன்.எல்லா பிள்ளைகளையும் விட எனை அதிகம் நேசித்திருப்பாய் என்பது தெரிகிறது.. தமது ஏழ்மை, வறுமை, எல்லாம் தீர்க்க வந்த அதிர்ஷ்டக்கார பிள்ளை என நீ நம்பியிருந்திருக்கிறாய்.. பக்கத்து வீட்டுக்கார பிள்ளைக்கு யாரோ ஒரு சாமியார் சொல்லிய விளக்கங்களை நீ எனக்கானது என எண்ணியிருக்கவும் கூடும்.

கார் எல்லாம் வைத்து பிழைப்பான் எனக்கருதினாய்.இன்னும் என்னால் ஒரு வீடும் கட்டமுடியவில்லை காரும் வாங்கவும் வழியில்லை. (நீ எதிர்பார்க்காத எமது முன்னவர்கள் எல்லாம் அதைசெய்து விட்டனர்.) எனவேதான் நீ எப்பேர்ப்பட்ட பொருளாதார நிர்பந்தம்..ஒரு குடும்பத் தலைவரின் மில் வேலைப் பணி ஊதியத்திலும் 5 பெண்கள், 3 ஆண்கள், கணவன் மனைவி என 10 பேர் அடஙகிய குடும்பச் சூழலிலும் எப்படியோ ஒரு ரூபாயை என் கையில் கொடுத்து “அறிஞர் அண்ணா” பரிசு விழுந்தால் வீட்டுக்கு இல்லையேல் நாட்டுக்கு” என்ற தமிழ்நாடு லாட்டரிப் பரிசு சீட்டை மாதா மாதம் வாங்க சொல்வாய். சில மாதங்கள் வாங்க முடியாதும் போய்விடும்.எனக்கு தெரிந்து எதுவும் பெரிய பரிசாக விழவே இல்லை.

ஆனாலும், நீ தளர மாட்டாய், முறையாக பள்ளியில் படிக்காதபோதும் நீ தொழிலகத்தில் உழைப்பாளர்களுக்கான பள்ளியில் பயின்று சான்றிதழ் பெற்றிருந்தாய். தினசரிகளும் வாராந்திர புத்தகங்களும் உனக்கு படிக்க மிக விருப்பம். நீ அப்போதே வீட்டில் குமுதம் வீடு தேடி நாங்கள் சிறு பிள்ளைகளாய் இருக்கும்போதே வரச் செய்திருந்தது இன்னும் பசுமையாய் நினைவில். அப்புறம் அவற்றுக்கும் வழியில்லை நிறுத்தி விட்டாய்.எப்பேர்பட்ட குடும்ப பிரச்சனைகள் இருந்தபோதும் இ.எஸ்.ஐ மருத்துவமனை இருந்தபோதும் ஒரு முறை எனது தொண்டை புண் தீர தனியார் மருத்துவரிடம் சென்று காட்டி ஒரு பவுடர் அடங்கிய டப்பா வாங்கி இதை பாலில் கலந்து குடிக்கவும், ஒரு டானிக்கையும் வாங்கிக் கொடுத்தாய்.அதோடு அந்த மருத்துவமும் நின்றது.

அடிக்கடி அந்த சொந்தக்கார கடையில் ஒரு பாலில் சிறிது தேநீர் கலந்த பால் டீ வாங்கித் தந்த ருசி இன்னும்40- 50 ஆண்டுகள் ஆனபோதும் இன்னும் என் நாவில் ஒட்டிக்க் கிடக்கிறது. நீ ராசி பலன் பார்க்கச் சொல்வாய். அப்போது உனக்கு எனது ராசி கும்பம் என அறிமுகம். கும்ப ராசிக்காரன் எல்லா வசதிகளையும் பெற்று வாழ்வான் என்பாய்..ஆனால் எனக்கு கும்ப இலக்கனம் என்பது பின் நாட்களில் தெரிந்தது.

ஏதாவது உடல்நலக் குறைவு ஏற்பட்டு, காய்ச்சல் வந்து விட்டால், விறகால் அடித்து துரத்தின் அது ஓடிவிடும் விறகு தலைக்காரனுக்கு ஏது காய்ச்சல் எல்லாம் என்பாய்.ஜோசியம் ஜாதகம் எல்லாம் பொய் என்றும், உள்ளது என்றும் இரு வேறு கருத்து நிலவும் போதும், உலவும் போதும் இவ்வுலகில் சித்திரை நட்சத்திரக்காரன், வெள்ளிக் கிழமையில் பிறந்த ஆண்மகன் நான் தலை எடுக்கவும் நீ தலை சாய்க்கவும் சரியாக காலம் இருந்தது. உடல் நலம் குன்றி படுக்கையில் இருக்கும்போது சில வித்தியாசமான கதைகளை சொல்வாய், அதில் பேய்க்கதைகளும் இருக்கும் அதை துணிச்சலுடன் எதிர் கொள்வதும் இருக்கும். இதற்கு மேல் படிக்க வைக்க முடியாது, என சொல்லி விட்டாய், அதை வேத வாக்காக, ஏன் கடவுள் வாக்காக நான் எடுத்துக் கொண்டு விட்டேன். அதற்கு மேல் எந்த படிப்பு என்ற பேரில் எந்த செலவுமே உனக்கு வைக்கவில்லை…மேலும் என்னால் எந்த அளவு உனக்கு சிரமம் அளிக்காமல் செலவை குறைக்க முடியுமோ அந்த அளவு செல்வை பள்ளி படிப்பு படித்த போதிருந்தே குறைத்து நோட்டு புத்தகம், புத்தகம், சீருடை எல்லாம் கூட இல்லாமல் படிக்க முயன்றவன் ஆயிற்றே.

நான் என்ன தொழில் செய்கிறேன் என யாரும் கேட்டால் உனக்கு சொல்லத் தெரியாது. உண்மையிலேயே சமூக சேவை என்ற வாழ்வு பற்றி உனக்கு தெரியாது. ஆனால் ஆமாம் பெரிய காந்தி ஆகப் போற? என விமர்சனம் செய்தது எப்போதும் என் நினைவில்.

இந்தியா எங்கும் சுற்றி வந்து விட்டேன் .ஏராளமான பணிகளை நாட்டுக்கும் வீட்டுக்குச் செய்திருக்கிறேன். இது தற்பெருமையல்ல. தந்தையே உளபடியே உனது மகன் நான் என்ற காரணத்திற்காக நீ பெருமை கொள்ளலாம். எனக்கு எந்த பெருமையும் இதில் இல்லை.அரை நூற்றாண்டுக்கும் பிறகும் அதே குணக்குன்றாய் நின்று கொண்டிருக்கிறேன் நெக்கு விடாமல், சமுதாயத்தின் இழிவுகளைக் கொண்டு சொக்கி விடாமல்.எந்த கீழ்தரமான சிந்தையிலும் சிக்கி விடாமல்.

உனக்கு கடவுள் பிடிக்கும். சிவனையும் பிடிக்கும் . திங்கள் அன்று ஒரு சிந்தி, ஒரு பொழுது உணவை அனுஷ்டிக்கும் பழக்கம் உன்னிடம் கடைசி வரை இருந்தது. அதன் சார்பாக மட்டும் ஒரே வார்த்தை அது சரியோ தவறோ உன் போன்றோர் வணங்க 3 கோவில்கள் உருவாக வளர நான் உதவியிருக்கிறேன். அதில் ஒன்று கோம்பூரான் காடு கபாலீஸ்வரர் கோயிலில் நான் பொருளாளர் பொறுப்பேற்று முடித்துக் கொடுத்த பணி.

நாய் வளர்க்கும் பாங்கு, பண்பு உன்னிடம் இருந்துதான் எனக்கு வந்திருக்க வேண்டும்.

எனது வளமையான இளமையை நீ காணமுடியவில்லை. இளமையை எட்டுமுன்பே நீ இடுகாட்டை எட்டிவிட்டாய். நீ இன்னும் வெகுகாலம் நமது வீட்டு வாசலில் ஒரு தினசரி பத்திரிகையோ, ஒரு வாரந்தர புத்தகமோ படித்துக் கொண்டு முதிய காலம் வரை உனது முடிவு வரை இன்னும் ஒரு 20 ஆண்டுக்காலமாவது ஓய்வு எடுத்திருக்க வேண்டும்.ஆனால் பணி முடிந்ததும் புறப்பட்டு விடும் வேலைகாரர் போல கருமமே கண்ணாய் இருந்து விட்டு புறப்பட்டு விட்டாய். நீ பெற்றவர்களில் எல்லாமே உரிய படியை தொட்டுவிட்ட போதும் உனது 2 ஆண்மக்களுக்கும், ஒரு சிறிய வீட்டின் கடைசி பெண்ணுக்கும் மணமாகமாலே இருந்தது.

உனது கடைசி மூச்சில் என்ன சுமந்து சென்றாயோ? என்னால் முடிந்த அளவு நான் உனது மனவியான எம் தாயை உனக்கும் பிறகு 20 ஆண்டுகள் என்னால் முடிந்த அளவு நன்றாகவே வைத்துக் கொண்டு அவள் மறைவில் நான் வாழ்ந்து வந்தேன். மேலும் கடைசி பெண்ணுக்கும் என்னால் முடிந்தவரை அத்தனை பணியையும் செய்து முடித்துவிட்டேன் அவள் மகள் வயிற்றுப் பேரன் பெறும் வரை…முன் சகோதரன் மணத்திலும் என்னால் இயன்ற பகிர்வை , கலந்து கொள்ளலை காட்டி இருந்தேன் என்னதான் பிடிப்பு இல்லாத போதும்..

நீ இருக்கும் வரை அடிக்கடி அந்த ஹெச்.எம்.டி. வாட்ச்..இன்னும் இருக்கிறது ஓடாமல், அதையும் உனக்கு உனது மாமனார் வீட்டு சீதனமான ஒரு வெள்ளைக் கல் பளிச்சிடும் கல் விளைந்து விட்டது அதற்கு ஆண்டுகள் எப்படியும் மோதிரமான பின்னும் கூட 80 ஆண்டுகள் இருக்கும் என்பதால், அந்த மோதிரத்தையும் எனக்கு அளித்தாய். மற்ற பிள்ளைகள் இருந்தபோதும் ..அடிக்கடி நமக்குள் ஏற்படும் பிணக்குகளால் அதை அணிய மறுத்து திருப்பிக் கொடுத்து விடுவேன், அதை யாருக்கும் தராமல் ஒரு பாலிதீன் பையில் அப்படியே சுற்றி பீரோவில் அல்லது பெட்டியில் வைத்திருப்பாய்,,,ஆமாம் அப்போதெல்லாம் ஏது பீரோ?

திரும்பவும் அந்த வாட்சை, மோதிரத்தை போட்டுக் கொள்ள வேண்டும் எனக் கேட்கும்போது எந்த வித சுணக்கமும் இன்றி பதில் பேசாமல் எடுத்துக் கொடுப்பாய்.

உலகில் எப்போது நாம் தந்தையை இழக்கிறோமோ அப்போதே நாம் அந்தஸ்தையும் இழக்கிறோம். நான் உனை இழந்தபோதும் பல வருடங்கள் அதன் வெறுமையை, இழப்பை உணரவேயில்லை.

ஆண்டுகள் செல்லச் செல்ல, என்னை வயது மெல்ல மெல்ல மேன்மைப்படுத்தும்போது இன்று கண்ணீருடன் இந்த கடிதத்தை ஒரு தந்தைக்கு., இல்லாத தந்தைக்கு என்றுமே உள்ள வாரிசாக காலடியில் சமர்ப்பிக்கிறேன்.

ஆம் தந்தையே இனி உனது பிரதியாக உனை யாரெனெக் கொள்வேன்? எங்கு காண்பேன்?

இது எனது, மறுபடியும் பூக்கும் என்ற வலைப்பூவில் ஆயிரமாவது பதிவு. அதை உனக்கு என்று —நான் தருவது….

மறுபடியும் பூக்கும் வரை
கவிஞர் தணிகை


இணையமும் வலை தளமும் வாழ்வில் ஒன்றாகி விட்ட ஒன்று: கவிஞர் தணிகை

ஜூலை 12, 2015

 

இணையமும் வலை தளமும் வாழ்வில் ஒன்றாகி விட்ட ஒன்று: கவிஞர் தணிகை
அதல என்ன கொட்டுதுன்னு ஒக்காந்து கிட்டே இருக்கீங்க, மணி மூனரை நாலு ஆகுதே சாப்பிட கூட வராம,மாதம் ஆயிரம் ரூபாய் வீணாவது தவிர, என்னத்தைக் கண்டீங்க..துணையின் பொறுப்பான பேச்சு ஏச்சாக இருந்தாலும் இணையத்தையும் வலை தளத்தையும் கை விடும் எண்ணமில்லை, நடைப்பயிற்சி போல தியானத்தைப் போல இதுவும் வாழ்வில் ஒன்றாகி விட்ட ஒன்றான படியால்.

எங்க சார் ஆளையே காணோம்? வலையில் சிக்கிக்கிட்டீங்களா?– நண்பர்.( சார் என்பதும் கூட சொல்லக் கூடாதாம், அது ஆங்கிலத்தில் எஸ் ஐ.ஆர்.ஸ்லேவ் ஐ ரிமைய்ன் அதாவது எப்போதும் நான் உங்கள் அடிமை என்பதாம் இதை சொல்லத் தெரிந்தது கூட இணையத்தின் மூலம்தான் அதற்கு பதிலாக வேறு மரியாதையான பெயரை வைத்து அழைக்கலாமாம்)

நிறைய பேர் இந்த வலைதளத்தை வைத்து பொருளாதாரம் மேம்படுத்தி பொருளீட்டி வருகிறார்கள். பணம் சம்பாதிக்க, நாம் கண்கூடாக நிறைய இழந்து வருகிறோம்,. நேரம், பொருள், உடல் நலம் ,என்பதெல்லாம் உண்மைதானா?

ஒரு அறிஞர் தமது சொந்த வீட்டை விற்றும் கூட நூல் வெளியிட்டதாக அறிந்ததுண்டு. அவரவர் வாழ்வில் அவரவரை திருப்தி படுத்தும் நோக்கம், எண்ணம் , குறிக்கோள் , இலட்சியம், இலக்கு எல்லாம் வெவ்வேறானவை.

இந்தியாவில், வெறும் 14 % மட்டுமே இணையம் பயன்பாடு இருந்தது என்ற விகிதத்தை கைப்பேசி,கையில் பையில் எடுத்து செல்லும் மொபல் வழியாக 3G, 4 G என வந்ததும், 50% க்கும் மேலாக பயன்படுத்துகிறார் என ஒரு தகவல். அதில் பெரும்பாலும் கைபேசி பயன்படுத்துவோரே. முதலாவதாகவும், மடிக்கணினி பயனாளர் இரண்டாவதாகவும், மூன்றாம் நிலையிலேயே மேஜைக் கணினி ..அதாவது எனைப் போன்றோரும் இருக்கின்றனர் என்கிறார்கள். அதிலும் நார்வே, ஸ்வீடன், டென்மார்க் போன்ற ஐரோப்பிய யூனியன் பகுதியில் அதிகமாகவும், சீனா, அமெரிக்கா பகுதியில் இரண்டாம் நிலையிலும், இந்தியா 3 ஆம் நிலையிலும் இருப்பதாக புள்ளி விவரங்கள் சொன்னாலும் இந்தியா சீனாவை அடுத்து இன்டர்நெட் பயன்படுத்தோவோர் எண்ணிக்கையில் மக்கள் தொகை அடிப்படையில் இருப்பது போல 2 ஆம் இடத்த்தில் இருக்கிறது.

இப்போது 19%க்கும் மேலாக இந்தியாவில் வலைதளத்தை பயன்படுத்துவோர் உள்ளனர். சரி புள்ளி விவரம் பாழாய் போகட்டும். நமது கதைக்கு வருவோம்.

விக்கி பீடியா,கூகுள், மைக்ரோ சாப்ட்வேர் நெட்வொர்க்-எம் எஸ் என்: , ஆகியவற்றின் செய்தி வழி வரும் அன்றாட உலகளாவிய செய்திகள் நம்மை ஒவ்வொரு மணித்துளியிலும் செயல் இழக்கச் செய்யுமளவுக்கு பிரமிப்பூட்டுவதாக இருக்கின்றன.

முகப்புத்தகம்,ட்விட்டர், கூகுள்பிளஸ் போன்றவையும் நம்மை இணையவைக்கின்றன உலக அளவில். தொலைக்காட்சி , வானொலி எல்லாமே இதனுள். இந்த வான் அலையுள்.

இண்ட்லி , வேர்ட்பிரஸ் போன்ற தளங்கள் நம்மை நமது வெளிப்பாடுகளை பிறர்க்கு அறிவிக்க எடுத்து சென்று உதவுகின்றன.

சொல்லில் சொல்ல முடியா வண்ணங்கள்.அனுபவிக்க மட்டுமே முடிந்த எண்ணங்கள்.அன்றாடம் நாம் பயன்படுத்தும் சிறிய பொருட்களில் இருந்து : எடுத்துக்காட்டாக சமையல் எரிவாயு உருளையில் உள்ள பட்டையில் உருளையின் காலாவதி தேதியை எப்படி அறிவது? நாம் பயன்படுத்தும் பற்பசை அதன் உறையில் பச்சை வண்ணம் பொறித்திருந்தால் இயற்கையான வகையில் நமக்கு பற்களுக்கு வாய்க்கு ஊறு செய்யாதது இப்படி சிறிய தகவல் முதல், புற்று நோய்க்கு மருந்து, இருதய மாரடைப்புக்கு மருந்து எளிய செலவில், முதல் உதவிகள், நமக்கு தெரியாதவை பற்றி யூ ட்யூப் பிக்சரில் செயல்முறை விளக்கம், சாதனைகள், போதனைகள், வேதனைகள், எல்லாம் நமக்கு நம்மை மேம்படுத்த…

என்னதான் சொன்னாலும் செய்தாலும் நமது அரசும், ஆட்சியும், நிர்வாகமும் மாறி விடப்போவதில்லை என்ற போதிலும், எப்படி தலைக்கவசம் போடாமல் நீதிமன்ற நீதிபதியே ஏமாற்றுகிறார் என்ற சேதியும், வழக்கறிஞர்களே தலைக்கவசத்திற்கு-( அதற்கு) எதிர்ப்பாக நடத்திடும் பேரணிகளும் நமக்கு உடனடியாக வந்து சேர்ந்து விடுகின்றன…

ஒரு காலக் கட்டத்தில் இணைய தள வசதி கிட்டாத வேளையில் அப்படியே நாட்கள் நீண்டு கொண்டே சென்றிருந்தால் என்னவாகி இருக்கும் என யோசிக்கும் வேளைக்குள் மறுபடியும் அதைவிட அதிக செலவு செய்தாவது வேறு ஒரு இணைப்பாளர்களிடம் இணைப்பை பெற்று விட்டேன்.

earth-from-space-wallpaper.345122753_std

நாம் ஏதாவது செய்தால் சம்பாதிக்க முடியுமா என முயன்றால், அவர்கள் எல்லாம் நம்மிடம் முன்பணம் கேட்பவராகவே இருக்கிறார்கள்.நீங்கள் நாம் செய்யும் பணியில் முதல் மாதத்தில் கொடுக்கும் ஊதியத்தில் கழித்துக் கொள்ளுங்கள் என்றால் அத்துடன் அவர்கள் தொடர்பு அறுந்து விடுகிறது. அது அயல் நாட்டு உள்நாட்டு நிறுவனங்கள் எதுவானாலும் சரி..நமக்கு ஊதியம் ஈட்டும் பணி எல்லாம் வாழ்வில் இனி இல்லை போலும்.

உலகின் மூலையில் எந்த நாட்டிலிருந்தோ எங்கிருந்தோ பேசுகிறார், ஆனால் அவர்களால் எந்த உதவியும் இல்லை என்ற போதும் இணையதளத்தை வலை தளத்தை இனி விடவா முடியும்? அது நம்மை பிடித்துக் கொண்டு விட்டது. அதை நாம் பிடித்துக் கொண்டு விட்டோம்.

படிப்பவர் எண்ணிக்கை நாளுக்கு நாள் குறைந்து வருகிறது என்கின்றனர். ஆனாலும் புத்தகங்கள் விற்பனை கூடியுள்ளது எப்படி? சினிமா தொலைக்காட்சி வந்தவுடன் பொலிவிழந்து விடும் என்றார், ஆனால் முன்பை விட இப்போது நல்ல தொழில் நுட்பத்துடன் சினிமாக்கள் ஓடுகிறதோ விரைவாக தியேட்டரை விட்டு ஓடுகிறதோ எல்லாம் டிஜிட்டல் மயத்தில் வந்து விட்டது.. ஊரடங்கு உத்தரவு போட்ட ஒரு நாள் மதியக் காட்சியில்: 5×50 ரூ அதாவது 5 பேருடன் வெறும்250 ரூபாய்க்கு ஒரு காட்சி பாபநாசம் சினிமா ஓட்டப்பட்டது உள்ளூர் தியேட்டரில். இது உண்மைச் செய்தி.

இப்படி எப்படியானாலும் சினிமா புத்தகம் இவை யாவற்றையும் தாண்டி படித்தாலும் பார்த்தாலும் இணையமும், வலைதளமும், வலைப்பூவூம் மனித வாழ்வோடு இணைந்தே விட்டது…இதை மனைவிகள் மதித்தாலும் மறுத்தாலும், கணவன்கள் வெறுத்தாலும் மறித்தாலும் வாழ்வை விட்டு ஒதுக்கவே முடியாமல் பின்னிப் பிணைந்து விட்டது.

அதிலும் முக்கியமாக பள்ளி, கல்லூரி தேர்வு முடிவுகள், கல்விக் களஞ்சியங்கள், தேவையான விண்ணப்ப படிவங்கள், பணி செய்திகள், அரசு அறிவிப்புகள் இப்படி எல்லாமே என்னதான் இல்லை என்ற அளவில் இப்படி இருக்கும் இணையத்தை வலைதளத்தை பொருளாதார ஏற்றத் தாழ்வு காரணம் பற்றி கிடைப்பதும் கிடைக்காததுமாய் வசதிக்கேற்ப இந்த நாடு வைத்திருப்பது கொடுமை.

அதுசரி, குடிநீருக்கே உத்தரவாதம் தராத நாட்டில் இதை எல்லாம் பரவலாக , சமத்துவத்துடன் அனைவர்க்கும் இலவசமாக கிடைக்க வேண்டும், அரசு கொடுக்க வேண்டும் என எதிர்பார்ப்பது எப்படிப்பட்ட எதிர்பார்ப்பு என நீங்கள் தான் சொல்ல வேண்டும்

சற்று முன்னர்தான் இந்திய நேரப்படி மதியம் 1 மணி முதல் 2 மணி வரை எமது தியான வழி சீடர்: பிரவீன் குமார் வாழ்வின் தேடல் பொருட்டு குவெய்த் சென்று 2 வருடமாக வாழ்ந்து வருபவர் தமது வாழ்நிலை பற்றி எல்லாம் ஒரு மணி நேரம் ஸ்கைப்பில் பேசினார் என்னுடன் எம் குடும்பத்தாருடன் எமைப் பார்க்க வந்த மற்றொரு வருகையளருடன் எல்லாம் பேசினார் எமது இல்லத்தில் எம்முடன் அமர்ந்திருந்து கொண்டு பேசுவது போல… செலவின்றி…வைபர், வாட்ஸ் அப், முகநூல், ட்விட்டர், , ஸ்கைப், என என்னே ஒரு விஞ்ஞானம்…

இதை வைத்து ஆக்கபூர்வமாக பயன்படுத்துவோரும், அழிவுக்கு பயன் படுத்துவோரும் எப்போதும் எல்லாவற்றுக்கும் இருப்பதுபோல இதற்கும் உண்டுதானே..எதற்கும் உண்டுதானே…அணுகுண்டு செய்வதற்கும் கற்றுக் கொள்ளலாம், எய்ட்ஸ் நோய்க்கும் மருந்து கண்டறியலாம் இந்த வலைதளம் யாவற்றுக்கும் உதவிடும். அவரவர் தேடலைப் பொறுத்து.

எல்லாருக்குமே தெரிந்த தலைப்புதானே இதை எதற்கு எழுதுகிறாய் என ஒரு நண்பர் கேட்கிறார். எல்லாவற்றையும் அனுபவிக்கிறோம். அவற்றை எல்லாம் பதியவைக்கும் முயற்சியும் தேவை என்பதால்…

மறுபடியும் பூக்கும் வரை
கவிஞர் தணிகை.


காமத்தின் நிறம் நீலமா? குணம் எரிக்கும் நெருப்பா?அளவு அளவிறந்த ஆகாயமா?:-கவிஞர் தணிகை

ஜூலை 11, 2015

 

காமத்தின் நிறம் நீலமா? குணம் எரிக்கும் நெருப்பா?அளவு அளவிறந்த ஆகாயமா?:-கவிஞர் தணிகை
இந்திய உச்ச நீதிமன்ற தலைமை நீதிபதி:இந்தியாவில் 18 வயதுக்கு மேல் நாலு சுவருக்குள் பாலியல் படங்களை பார்ப்பது சட்டபூர்வமாக அனுமதிக்கப்பட்டுள்ளது.இணையத்தில் சுமார் 4 கோடி வலைதளங்களில் 20 கோடிக்கும் மேலான பாலியல் படங்கள் கொட்டிக் கிடக்கின்றன.மனித வாழ்வு 100 ஆண்டுகளாக இருந்தாலும் அது 364 x 100= 36,400 நாட்களே.தினம் தோறும் பாலியல் படங்களைப் பார்த்தாலும் அதற்கு ஆயுள் போதாது.எத்தனை ஆயுள் வேண்டும் என கணக்கிட்டு சொல்ல எனக்குத் தெரியவில்லை.

இந்தியாவில் அரசுக்கு, நீதிக்கு, ஆட்சிக்கு, நிர்வாகத்துக்கு மக்கள் பற்றோ, நல்வாழ்வோ அவசியமில்லை என்பதை சொல்லும் நீதியின் மொழி இது. புகை,மது, பாலியல் படங்கள்,போதை வஸ்துக்கள் பற்றி எல்லாம் ஆள்வோர் இளம் தலைமுறை பற்றி கவலைப்பட்டால் ஆட்சியை தக்க வைக்க முடியாது. எவரும் கேள்வி கேட்டு சிந்திக்க ஆரம்பித்தால் வாக்களிப்பதில் சிரமம் ஏற்படக்கூடும்.நெடுஞ்சாலை மதுக்கடைகளையே உச்ச நீதிமன்றம் சொல்லி இன்னும் எமது தமிழரசு எடுக்கவில்லை..அதை யாரும் கேட்கப்போவதில்லை.

பாராளுமன்றத்திலும், சட்ட மன்றத்திலும் பொது இடங்களிலும் மக்கள் பிரதிநிதிகள் பாலியல் படங்களை பார்த்த கதைகள் நாமறிவோம். மேலும் இன்று 7 ஆம் வகுப்பு மாணவிகள் பள்ளியில் வகுப்பில் பார்த்ததாக பெற்றோரால் அழைத்து கண்டிக்கப்பட்டுள்ளார்கள். பள்ளியில் மது குடித்து மாணவர்கள் வாந்தி எடுத்த வரலாறுகள் நிறைய உண்டு.

 

மதுவும், இந்த நீல மயாக்களும் நீல மாயாக்களும் இன்றைய இளையவர்களை பாழ் படுத்தி பாடாய் படுத்தித் தொலைக்கின்றன. இதைப் பார்த்தும் பார்க்காமலும் அரசும் , நீதியும், நிர்வாகமும் கண்டு கொள்ளாமல் சட்டம் பேசித் திரிகின்றன.

சீனாவில் சென்றால் கூகுள் எடுப்பதில்லை, முகநூல் வருவதில்லை என்கிறார் நண்பர். அவ்வளவு பெரிய நாட்டில், உலகின் முதலாவதாகிய மக்கள் தொகை உள்ள நாட்டில் இப்படி சில நல்ல சட்ட திட்டங்களுடன் நடைமுறையில் இருக்கும்போது இங்கென்ன கேடு என்றுதான் தெரியவில்லை.

2045 ஆண்டுகளுக்கும் முன்பே வள்ளுவர் இதன் தீமையை காமத் தீக்கு பார்க்கும்போதே பற்றிக் கொள்ளும் குணமுண்டு.கள் எனப்படும் மதுவிற்கு பருகினால் மட்டுமே போதை உண்டு என்று சொல்லி சென்றார்.

இந்த வலைதள வசதி கைக்குள் வந்து எங்கு வேண்டுமானாலும் கொண்டு செல்லலாம் என்ற தொடர்பு கிடைத்த பின் தான் இளையோர்க்கு அதிகம் கேடு வந்திருக்கிறது.மதுப்பழக்கத்துக்கும் போதை பொருட்களுக்கும் அடிமை ஆகியிருப்பதும், தன்புணர்ச்சி, ஒரே இனப்புணர்ச்சி, பலர் பால் பாலியல் , குழுச் சேர்க்கை, ஆணோடுஆண், பெண்ணோடு பெண் என்ற இயற்கை வரை முறை மீறல்கள் பற்றியும் அவை பற்றிய அறிதலும் தேடல்களும் கிளைக்க ஆரம்பித்திருக்கின்றன.

பள்ளிப் பையன் பையில் ஆணுறை காப்புறை கவசங்கள் இருப்பதாகவும், ஆசிரியை எந்த நேரத்திலும் கூப்பிடுவார் தயாராக இருக்க வேண்டும் என்ற முன்னேற்பாடுகளும் நிறைய நேரங்களில் எக்கு தப்புகள் இடறாமல் அறிவியல் அறிதல் காத்துக் கொண்டிருக்கின்றன.

பார்வைக் காட்சி என்பது வேறு, பயன்பாடு என்பது வேறு என்பதெல்லாம் மனிதர்களுக்கு தெரியா வண்ணம் காட்சி மிதப்பில் மனித உடலை ஆட்டுவிக்கிறார்கள். அந்த பெயின்ட்,வண்ணம் பூசல், மேக் அப் ஒப்பனைகளோடு எடுக்கப்பட்டிருக்கும் படங்கள் யாவும் பயன்படுத்த என்று மாந்தர்கள் நினைக்க ஆரம்பித்திருக்கிறார்கள். இதில் ஆண் பெண் ஒன்றும் விதி விலக்கல்ல. வன்புணர்ச்சி, வக்கிரப்புணர்ச்சி, விலங்குகளுடன் இப்படி பல்லுயிர் குழுமமாக இந்த ஒரு விஷியத்தில் மட்டும் சமத்துவம் உலகெங்கும் அனுமதிக்கப்படுவது கண்டு திகைப்படைய வேண்டியுள்ளது.

இண்ட்லி என்னும் ஒரு சமூக தளம், அதில் வலைப்பூ வில் என்ன அன்று பிரசுரித்துள்ளோம் என ஒரு அறிவிப்பு கொடுக்கும் வசதி உள்ளது. ஆனால் சமயங்களில் அப்பேர்ப் பட்ட தளத்திலும் காமக் கதைகள் என்ற பேரில் நிறைய பதிவுகள் காணப்படுகின்றன அதை அடிக்கடி எப்படி பிரசுரிக்கிறார் எனத் தெரியவில்லை. நாம் ஒரு பதிவு இட்டு மறுபதிவை அதே பதிவாக கொண்டு செல்ல இந்த தளம் அனுமதிக்காது.மேலும் 10 நிமிடத்திற்கு பிறகே வேறு பதிவானாலும் நாம் அதை பிரசுரிக்க முடியும். ஆனால் இந்த தளங்கள் பற்றிய பதிவுகள் ஒரேயடியாக வரிசையாக நிறைய கொட்டிக் கிடப்பதை யாம் கண்டதும் உண்டு.

 

அதில் இயல்புக்கு , நாகரீக,மனித பண்பாட்டு கலாச்சாரத்துக்கு மிஞ்சிய , அக்கா, அம்மா, சித்தி, அண்ணி, மாமா, தங்கை என உறவுகளைப் பற்றிய கொச்சைப்படுத்தலும், பிறப்புறப்பை மையமாக வைத்தே கதை என்ற பேரில் எழுதி வருவதும் எப்படி அனுமதிக்கப் படுகிறது எனத் தெரியவில்லை.

மேலும்,இந்த காமப் பாலியல் படங்களுடன் சேர்ந்து இடைத்தரகு தளங்களாக யாரை யாருடன் எங்கு எங்கு சேர்த்துவது சேரச்செய்வது போன்ற தளங்களும் உலவுகின்றன. அவற்றிற்கு எல்லாம் எப்படி இலாபம் அல்லது பொருளீட்டும் முறைகள் எல்லாம் அனுமதிக்கப் படுகின்றன என எமக்கு வியப்பாயிருக்கிறது.

இவை யாவுமே, அமெரிக்கா போன்ற வளர்ந்த நாடுகள் வளரும் நாடுகளின் மேல் ஏவி விட்டிருக்கும் ஏவல்கள் என்கிறார் ஒரு நல் நண்பர். ஆனால் இவை நாடு வாரியாக, கண்டம், வாரியாக, வண்ணங்கள் வாரியாக அடி முடி காணா வகையில் விரவி பரவியபடியே சென்று கொண்டிருக்கின்றன.உலகெலாம் பற்றி உலகெலாம் பரவ..எல்லா நாடுகளையும் பற்றிக் கொண்டே படர்ந்து கொண்டே…

இதற்கென்றே இருக்கும் பெண்மணிகள், ஆண்கள் (ஸ்டட்ஸ்) இதற்கு பயன்படுத்தப் பட்டிருக்கிறார்கள்.பயன்படுகிறார்கள். இது கோடிக்கணக்கான அமெரிக்க டாலர்கள் புழங்கும் ஒரு உலகமயமான தாராளமய, தனியார்மயத்தின் முதலும் முன்னோடியுமான தொழில்.

இந்த 30 கோடிகளுக்கும் அதிகமான வலை தளங்களே தேடலில் அதிகம் தேடப்படுபவையாகவும் பிரபலமாக விளங்குவதாகவும் புள்ளி விவரங்கள் சொல்கின்றன.இதில் ஈடுபடும் பெண்களை மிகவும் இழிவு படுத்தி இருக்கிறார்கள்.அடித்து உதைக்கிறார்கள்.கொடூரமாக சிதைக்கிறார்கள். இவர்கள் வாழ்வு முறை என்ன? நெறி என்ன என்பதெல்லாம் கேள்விக்குறிகள். ஆனால் இதை எல்லாம் உலகளாவிய பெண்ணிய முன்னணியினர் எவருமே போராட்டமாக கையில் எடுத்து தடுத்து நிறுத்த என்ன விதமான நடவடிக்கைகளை கையில் எடுத்து வருகிறார் என யாமறிய முடியவில்லை…அப்படி எடுத்தால்..சீனா போல இன்னும் சில தடை செய்திடும் நாடுகள் போல நம் நாட்டிலும், குறைந்த பட்சம் நமது மாநிலத்திலும் இது போன்ற படங்களை எல்லாம் இணையத்தில் வரவிடாமல் செய்து விட முடியுமே…

இலங்கை கிரிக்கெட் அணியை சென்னையில் தமிழ்நாட்டில் விளையாட அனுமதிக்காத தமிழக முதல்வரால் , மத்திய மந்திரியாக இருந்தாலும் பிடித்து உள்ளே போடுவேன் என்ற துணிச்சல் உடைய முதல்வரால் இதற்கு ஒரு முடிவு காணமுடியாதா? தமிழகத்திற்கும், தமிழுக்கும் பெருமை சேர்த்து முன்னோடி மாநிலமாக மாற்ற முடியாதா? இல்லை இல்லை இதெல்லாம் தனிப்பட்டவர் சார்ந்த பிரச்சனைதான் அவரவர் அதை பார்க்கவோ தடைப்படுத்தி கொள்ளவோ செய்து கொள்ளட்டும் என்பீர்களா? அப்படித்தானே நாம் மதுவை விட்டு வளர்த்தோம்?

இதற்கு பெற்றோரையும், பிள்ளைகளையும், ஆசிரியர்களையும் குறை சொல்வதை விட ஒட்டு மொத்த சமுதாயமே பொறுப்பை கையில் கொண்டால், இனி வரும் இளம் தலைமுறை நன்கு செழிக்க வெம்பிப் போகாமல் தடுக்க உதவி செய்ததாயிருக்குமே…18 வயதில் வரும் விந்துதான் வீரியமிக்க நற் குழந்தைகளை தோற்றுவிக்கும் என ஒரு கட்டுரை சொல்லும் இந்த நாட்களில் இந்த பதிவை அடியேன் செய்கிறேன் என்பதை படிப்பவர் நினைவு கொள்ள வேண்டும்.

ஒரு பெண் 15 பேருக்கும் மேற்பட்ட ஆண்களை புணர்வதாக எல்லாம் படங்கள் இருக்கின்றன. மணிக்கணக்காக அவை ஓடுகின்றன..என்றால் அவை எப்படி எங்கு எடுக்கப்பட்டிருக்கும்…அவை உண்மையாக இருக்குமா? அவை எடிட் செய்யப்பட்டு கட்டிங், ஒட்டிங் எல்லாம் இல்லாமல் இருக்குமா என்று கூட சிந்திக்காமல் நமது பாலியல் பட ஆர்வலர்கள் அதைப்பற்றி எல்லாம் பேசிக் கொண்டிருக்கிறார்கள். அந்த பெண் அப்படி இருந்திருந்தால் அந்த சம்பவத்துக்கும் பின் இறந்திருப்பது என்பது தான் இயல்பான இயற்கையானது .என்பதை கூட யோசிக்க மாட்டேன் என்கிறார்கள்.

அதேபோல இயற்கைக்கு மாறான புணர்ச்சிகள், ஒரே நேரத்தில் ஒரு பெண்ணின் அத்தனை உறுப்புகளையும் பயன்படுத்தி விடும்படியான சேர்க்கைகளை காட்டுகிறார்கள்…இதை எல்லாம் பார்க்கும் பெண் என்ன செய்வாள் குடித்து விட்டு அதை எல்லாம் செய்து அப்படி எல்லாம் இருக்க விரும்புவாளோ? அருவருக்கக் கூடிய வெறுப்படையக்கூடிய முறைகள் பாலியல் கல்வியை, பாலியல் இன்பத்தை எல்லாம் கேலிக்குரியதாக்கி விடும். உண்மையிலேயே உடலுக்கு என்னதான் பூச்சு ஒப்பனை என்று செய்து கொண்டாலும் மனிதப்பிறவி கவிச்சை, துர்நாற்றமுடையதுதான் .இது உண்மை பயன்பாட்டில் விளங்கும். காட்சியில் இது தெரிய வாய்ப்பில்லை.

கண்ணதாசன் அந்தக் காலத்திலேயே எழுதியபடி, வண்டியை, வாகனத்தை, சாவிக்கொத்தை, மாற்றிக் கொண்டு தமது துணைவர்களையும் மாற்றிக் கொள்வதாக நமது சென்னையில் நடந்ததாக சொன்னது போல இணையத்திலேயே தமது இச்சைக்கேற்றவாறு வக்கிரத்துக்கு ஏற்றவாறு எல்லாம் நபர்களைத் தேட ஆரம்பித்து இருக்கிறார்கள்…

இவை எல்லாம் உடலை கெடுக்கும் உடனே அழிக்கும் எனத்தான் சித்தர்கள், யோகிகள், ஞானிகள்,உத்தமர்கள் , தவ சீலர்கள் எல்லாம் சொல்லி செல்கின்றனர். காமத்தின் நிறம் நீலமான ஆகாயம் பிரதிபலிக்க…அளவின்றி வரையறையின்றி இருப்பதால் அவற்றை ஆகாய நீல நிறத்துக்கு ஒப்பிடுகிறார்கள்..ஆனால் அந்த ஆகாயம் நமது காயத்தை(காயத்தை= உடலை) தொலைத்து விட்டும் துன்பத்தில் ஆழ்த்தி விடும். பிரம சாரிய விரதம் நினைவாற்றலை அதிகப்படுத்தும் என விவேகானந்தா போன்றோர் சொல்லியிருக்கிறார்கள். காமம் நினைவாற்றலை அழிக்கும். உடலை சுடும். உடல் நலம் அழிக்கும் வேதனை தரும் எனவேதான் அதை அளவுக்கதிகமாக உபயோகித்தால் மரணம் அருகாமை என்றார்கள்.

எனவேதான் காமம் நெருப்பு என்றார்கள். அளவுக்கு மிஞ்சக் கூடாது என்றார்கள். தாகத்துக்கு நீர், பசிக்கு உணவு, தேவையான அளவு உறக்கம், அளவான குடும்பத்துக்கு தேவையான பாலியல் உடற்சேர்க்கைகள் இவை மட்டுமே குடும்பத்தை, மனிதர்களை அவர்களின் மாண்பை உருவாக்கும். அல்லாதவை சமூகத்தை நெருப்பாய் பற்றி, எந்த வித தீ அணைப்பு வாகனத்தினாலும்,உபகரணங்களாலும், நீராலும், அணைக்க முடியாமல் எரித்து சாம்பலாக்கும் என்பதில் ஒரு துளியும் ஐயமில்லை.

எனவேதான் உறவின் நெறிமுறைகள் சொல்லாமல் சொல்லப்பட்டன. அதற்கு ஒரு பாவ புண்ணிய கணக்குகள் சொல்லப்பட்டன. என்ன இருந்தாலும் நேரம் காலம் எல்லாம் வகுக்கப்பட்டன. இயற்கையின் பார்வையில் எல்லா காலமும், நேரமும் , நியதிகளும், யமங்களும் ஒன்றான போதும்…நல் உடலுக்கு மாதமிருமுறை உடற்சேர்க்கை மட்டுமே போதும் என முன்னோர்கள் சொன்னார்கள். பொதுவாகவே வாரத்தில் வெள்ளி, சனிக் கிழமைகளில் மனித உடல் இந்த சேர்க்கை கேட்டு ஹார்மோன்கள் அவாவுறுகின்றன என அறிவியல் கூறுகளும் அறிவுறுத்தி உள்ளன.

குடும்பம், பொறுப்பு, ஏழ்மை, வறுமை, போன்ற காலத் தேடலில்,பிள்ளைகளின் மேம்பாடு போன்றவற்றால்..இந்த காமம். பாலுறவு, உடற்சேர்க்கை போன்ற இவை எல்லாம் இல்லாமலே கூட நிறைய பேர் தமரது வாழ்வை செலவிட்டுக் கொள்வதும் உண்டு. பொதுவாகவே இதை நெறியுடன் கையாள்வோர் நிறைய சாதித்திருக்கிறார்கள். ஐரோம், சர்மிளா, மதர் தெரஸா, இரா சிங்கால், மலாலா,அருணிமா சின் ஹா போன்ற பெண்களையும் அவர்களின் இமாலய சாதனைகளையும் காணும் எவருக்குமே அவர்கள் பெண்கள் எனத் தோன்றாமல் பெண் தெய்வங்களாக தோன்ற அவர்கள் நடவடிக்கை காரணம். பொதுவாக பெண்களுக்கு அழகு அவர்கள் உடல் அல்ல, பண்பு, ஆண்களுக்கு அழகு அவர்களின் பலமல்ல, செயல் என்பது தான் உண்மை.

எனவே எவர்க்கும் காம்ம் அது அளவோடு இருந்தால் சிறக்கும். அளவை மிஞ்சினால் யாவற்றையும் எரிக்கும். உடலையும்தான். ஒரு துளி விந்தணுவில் கோடிகணக்கான உயிர் அணுக்கள் உண்டென்பதும் அந்த ஒரு துளி விந்து உருவாக பல இரத்தத் துளிகள் தேவை என்பதும் உடலியல் அறிவியல் கூறுகள் தரும் சேதி. அவற்றுக்கு எவருமே விதி விலக்கல்ல.

சில அன்பர்களின் வேண்டுகோளுக்கிணங்க ,எல்லாம் எழுதுகிறீர் இது பற்றியும் எழுதுங்கள் என கேட்டுக் கொண்டதற்கிணங்க இந்த பதிவு செய்யப் பட்டுள்ளது.தம்மையும் தமது உடல் சுகத்தையும் பற்றி மட்டுமே கவலைப்படுவார்க்கு இது எப்போதும் இருக்கும். உடல் இருக்கும் வரை இருக்கும். குடும்பம், சமூக மேம்பாடும், பிள்ளைகள் முன்னேற்றம், ஊர் உறவு, வீதி, நாடு, நலம் எல்லாம் இவற்றை மறக்க வைக்கும். மொத்தத்தில் பாலியல் உணர்வு அதிகம் உண்டானால் ஆக்கபூர்வமான வீரியமுள்ள மனிதம் மழுங்கடிக்கப்படும் இது உண்மைதான்.

மறுபடியும் பூக்கும் வரை
கவிஞர் தணிகை.


விலங்கிலிருந்து பிறந்த விலங்கிலும் கீழான விலங்கு பூட்டவேண்டிய மிருகமாகவே மனிதம்: கவிஞர் தணிகை

ஜூலை 10, 2015

 

விலங்கிலிருந்து பிறந்த விலங்கிலும் கீழான விலங்கு பூட்டவேண்டிய மிருகமாகவே மனிதம்: கவிஞர் தணிகை
லக்னோவில் காவல்நிலையத்தில் அந்த பள்ளி செல்லும் பெண் அவளை டீசிங் செய்த பையனை அடிக்கிறாள், அடிக்கிறாள் அப்படி வெறி கொண்டு அடிக்கிறாள்,காலில் விழுந்து மன்னிப்பு கேட்கச் சொல்கிறாள், காலணியைக் கழட்டி அடிக்கிறாள் காவலர் பார்த்தபடி இருக்க…இதில் தண்டனையை மீறிய ஒரு வன்மம் வெறி இருந்ததை கவனிக்க முடிகிறது.

மற்றொரு வாட்ஸ் அப் உலவலில்: ஒரு பெண் சமையல் எரிவாயு இரப்பர் குழாயால் ஒரு ஆணை விளாசித் தள்ளுகிறாள்..நிர்வாணப்படுத்தி, அந்த நபர்,கொன்று விடுங்கள் இப்படி அடிக்காதீர் என வலி பொறுக்க மாட்டாது கதறுகிறார், கொல்லத்தான் போகிறோம் அதற்கு முன் வாங்கிக்கோ என அடி தொடர்கிறது வீடியோ படம் நகர்கிறது.

கோவையில் பள்ளி மாணவி ஒருத்தி காதல் தோல்வியாம் தோழியரைக் கூப்பிட்டு மதுப் பார்ட்டி கொடுத்து விட்டு சாலையெங்கும் மறியல் செய்து அனைவரையும் திட்டி காவல்நிலையம் சென்று வீட்டின் பெற்றோரைக் கூப்பிட்டு ஒப்படைக்கப்பட்டிருக்கிறாள்.இதனால் ஒரு மணி நேரம் சாலைப் போக்குவரத்து தடைப்பட்டதாம்..இதே ஒரு ஆண் செய்திருந்தால் என்ன ஆகியிருக்கும் என எண்ணிப் பாருங்கள்.

தேவையில்லாமலே சில ஆசிரியமார்கள் மாணவ மாணவியரை குரூரமாக தாக்குகின்றனர். உண்மையில்லாமல். எதற்கிந்த கொடூரம்…இது எதனால்? உண்மையிலேயே பிள்ளைகளுக்கு நீங்கள் இரண்டாம் நிலையில் உள்ள பெற்றோர் அல்லவா? அப்படி சுமையை ஏற்க முடியாதவர் இந்த பணிக்கு வருவது எந்த வகையில் பொருத்தமுடையதாய் இருக்கும்?

நாடெங்கும் ஒரே விதமான சட்ட திட்டம் நிலவுகிறதா என கேள்வி கேட்கும் நிலைக்கு இந்தியா தள்ளப்பட்டு உள்ளது. மாநிலத்தின் ஆள்வோருக்கு என்று தனியாகவும், மத்தியில் ஆள்வோருக்கு தனியாகவும், மக்களுக்கு தனியாகவும், வழக்கறிஞர்களுக்கும், நீதிபதிகளுக்கும் தனியாகவும், மக்கள் பிரதிநிதிகளுக்கு தனியாகவும், மந்திரிகளுக்கு தனியாகவும், இப்படி பல்வேறு வேறுபாட்டுப் பிரிவுகளுடன் இயங்கி வருவதை காணமுடிவது நல்ல காட்சிகள் அல்ல நல்ல ஆட்சியும் அல்ல.அது போல ஆணுக்கு ஒரு நீதி பெண்ணுக்கு ஒரு நீதியா?

எப்போதுமே பெண் என்றால் பேயும் இரங்கும் என்பார்கள் ஆம். ஆம்.இனப்பற்று இருக்கவேண்டியதுதான் என்பார் எம் நண்பர் ஒருவர்.

ஆணுக்கும் பெண்ணுக்கும் அப்படி என்ன இன பேதம் இன்னும் என்பதுதான் கேள்வி.ஆணும் பெண்ணும் இணைந்தால் தான் உலகே எல்லாமே அப்படி இருந்தும் ஒரினத்தின் மேல் இன்னொரு இனத்திற்கு அப்படி என்ன வெறி என்றுதான் விளங்கவில்லை

சீனாவில் சந்தேகப்பட்ட ஒரு ஆண் தமது மனைவியை அரை நிர்வாணப்படுத்தி அவள் கழுத்தில் ஒரு பதாகை அதில் எனது உடல் விற்பனைக்கு என எழுதி தொங்கவைக்கப்பட்டு அவளை சாலையில் முன் நடக்க விட்டு, இவன் காரில் அவளை பின் தொடர்ந்த வீடியோ பதிவு ஒன்று…

இப்படி சொல்லிக் கொண்டே போகலாம். ஊடகத்தின் மாட்சி வளர வளர இது போன்ற காட்சிகளின் ஆட்சிகள் அதிர்ச்சியூட்டுகின்றன. தேவையான விஷியங்களை வெளித் தெரியாமல் அமுக்கி விட்டு இது போன்ற காட்சிகளை உலகெங்கும் பரப்பி விடுகின்றனர். இதன் பின்னணி என்ன என்றுதான் தெரியவில்லை.

உடனே அதற்கு சிந்தனையாளர் என்பாரே கூட அதை வரவேற்பதும், லைக் கொடுப்பதும், ஆஹா இவள் அல்லவா பெண் உலகத்தின் பெரும் சீமாட்டி, இவர் அல்லவோ பெரும் கனவான் என்றெல்லாம் பேசுவதும் எழுதி வருவதும் துளியும் ஏற்புடையனவாக இல்லை.

சுமார் அரை கி.மீ ..எட்டி நாலு நடை நடந்தால் எட்டி விடும் தூரத்தில் இருக்கும், ஊருக்குள் என்ன சம்பவம் நடந்தது என்றே இரண்டு நாளுக்கும் மேல் ஆகியும் எமக்கு புரிபடாமல் செய்திகள் அரசு, அரசியல், அரசியல் தலைவர்கள், காவலர், காவல்நிலையம்,, கொலைஞர், கொலை செய்யப்பட்டவர், கோஷ்டி மோதல், போராட்டம் இப்படி பல்வேறுதரப்புகளிலும் தளங்களிலும் செய்திகள் ஊசலாடி வருகின்றன.சாதாரண மனிதரால் புரிந்து கொள்ளவோ யூகித்தறியவோ முடியாமல்..

அப்படி நேருக்கு நேர் நடக்கும் சம்பவப் பின்னணியே புரிபடாதபோது அந்த குறிப்பிட்ட குறுகிய கால செய்தி அலையை வைத்துக் கொண்டு ஒரு மனிதகுல வரலாறு பற்றிய விமர்சனத்தையே சில சொற்களில் வசைமொழியாய் பாடி விடுகின்றனர் சில வார்த்தைகள் சொல்லி, எள்ளி நகையாடி..

நமக்கு முன்னே படையலிடும் காட்சிக்கு முன்னே என்ன நடந்திருக்கும், பின்னே என்ன நடக்க இருக்கும் அதைப்பற்றிய செய்திகளை எந்த ஊடகமாவாது சரியாக தந்ததுண்டா? உண்மை வேறு எந்த கழுகின் கால் பிடியிலோ, காலத்தின் அலகின் பிடியிலோ சிக்கிக் கொண்டிருக்க..அதைப்பற்றி எல்லாமே தெரிந்தது மாதிரி கண்ணகியின் வாரிசு இவர் என்பதும், கண்ணகி கதை எப்படிப்பட்டது என ஆராயாமலும்…ஒன்றுக்குமே உதவாத நபர்களை எல்லாம் ஜான்ஸி ராணிகளாக, துர்காபாய்களாக வர்ணிப்பதுமாக இருப்பது அறிவிலித்தனம்.

மதுக்கடைகளை அடித்து மக்கள் நொறுக்குவதை மக்களே அதிகாரத்தை, சட்டத்தை கையில் எடுத்துக் கொண்டால் நாடு தாங்குமா? அரசு அரசியல் என்னாவது என பயமுறுத்தல் போக்கு காட்டும் அரசு காவல்துறை கைதியை, நீதிபதி முன் ஆஜர் படுத்தி டும் வேலைக்கு மாறாக அடித்து நொறுக்கினால் கூட கொன்றால் கூட அது சட்டத்தை எப்படி கையில் எடுக்கிறது என கண்டு கொள்வதில்லை.

ஒரு காவல் நிலையத்தில் ஒரு ஆண் இப்படி காவலர் முன் பெண்ணால் செருப்பால் அடிக்கப்படுவதும், அடிப்பதும், எந்த சட்டத்தில் இடம்பெற்றிருக்கிறது எனத் தெரியவில்லை.மத்தியப்பிரதேச ஆளுனர் வீட்டிலேயே/மாளிகையிலேயே- (இவர் இந்த நாட்டின் குடியரசு தலைவரின் நேரடியான மாநிலத்திற்கான பிரதிநிதி….) எந்த சட்டத்தில் இலஞ்சம் வாங்கிக் கொண்டு 10 ரோல் நெம்பர்களை கொடுத்தார் அந்த ஆளுனர் மகன் என்பதும் எதற்காக அவர் தற்கொலை செய்தார் என்றும் இந்த சட்டத்திற்கே இன்னும் புரிபடவில்லை.

அந்த பையன் தவறே செய்திருந்தாலும் அதற்கென சில வரைமுறைகளோடு சட்டத்திற்கு உட்பட்ட தண்டனைகள் இல்லாமல் இல்லை. அதைக் கொடுப்பதற்கு உதவிட இந்த காவல்துறைக்கு கண்ணியம் இல்லை.

இதே கதையை நமது தமிழ் இயக்குனர்கள், பாரதி ராஜா, பாக்கியராஜ், பாலச்சந்தர் போன்றவர்கள் காவல்நிலைய சம்பவத்திற்கும் பின்னால் இந்த பெண்ணே அந்த ஆணை மணந்து கொள்வதாக படமே எடுத்து விடுவார்கள்.. ஏன் மெட்ராஸ் என்ற படத்தில் கூட ஒரு பெண் கதாநாயகனைப் பார்த்து இப்படி பேசுவதாக காட்சி இடம்பெற்றுள்ளது. அதாவது ஒரு ஆண் பெண்ணுக்காக எத்தனை எப்படி வேண்டுமானாலும் இருக்கவேண்டும், தியாகம் செய்யத்தான் வேண்டும். அதுதான் அந்த பெண்ணின் இதயத்தில் இடம் பிடிக்க எல்லாவற்றையும் செய்ய, அல்லது இழக்க வேண்டும் அப்படி என்றால் தான் அவன் நல்லவன் நல்ல காதலன், நல்ல ஆண்மகன் என்றெல்லாம் ஊடகம் சினிமா எல்லாம் சித்தரித்து வைத்து விட்டது பரிதாபமான நிலை.

பெண்கள் நிர்வாணமாகவே சென்றாலும், அதைக் காணும் ஆண் அவளை தொட உரிமையில்லை என்பது பெண்ணுரிமை என்கிறார் சில பெண் ஆர்வலர்கள்.சரிதான்.தொட உரிமையில்லைதான். ஆனால் எதற்காக அப்படி தாறுமாறாக தம்மை வெளிக்காட்டிக் கொள்ள வேண்டும் என்பதுதான் கேள்வி.

சமயத்துக்கு தக்கபடி, சந்தர்ப்பத்துக்குத் தகுந்தபடி பெண்கள் சம்பவங்களையும், பேச்சையும் மாற்றி பேசி விடுகிறார்கள். அது நல்லது. அதுதான் பாதுகாப்பு என்கிறார்கள்.

நேற்று ஒரு நண்பர் கேட்டிருந்தார்: பெண்கல் ஸ்லீவ் லஸ் எதற்கு அணிந்து அலுவலகம் வருகிறார்கள்?பெண்கள் ஏன் தமது ஜாக்கெட் பின்னால் ஜன்னலும், துணியே இல்லாமலும் , முடிச்சிட்டுக் கொண்டும் வருகிறார்கள் இப்படியே பல வகையான தையல் வகையை அவர் குறிப்பிட்டார் …ஏன் அது அவர்கள் உரிமைக்காகவே…விட்டு விடுவோம்.

ஆண் அரை நிர்வாணமாகவே இருந்தாலும் அது ஆபாசமாகவே கவர்ச்சியாக பாலின உணர்வை தூண்டுவதில்லை.ஏன் இன்னும் காடு கழனிகளில் கிராமங்களில் மேலாடை அணிவதில்லை ஆண்கள்…அதில் ஒன்றும் அசிங்கம் இல்லை…ஆனால் பெண்களிடம் இடைக்காலத்தில் ஜாக்கெட் போடும் பழக்கம் வந்தது..ஆம் நமது பாட்டிமார்கள் ஜாக்கெட் அணியாமல் நாகரிகமாகவே இருந்தார்கள்.. அதன் பின் இடைக்காலத்தில் ஜாக்கெட் அணியும் பழக்கம் இப்போது அதை வெட்டி,ஒட்டி, இருந்தும் இல்லாமலும் இருக்கும் பழக்கம்… ஏன் இப்படி
அதை சொல்லிவிட்டால் பெண்ணுரிமையில் தலையிடுகிறார் ஒரு காட்டுமிராண்டி எனப் பேர்.

காமம் என்பது உடல் இருக்கும் வரை உள்ளூர நீர்த் தாகம், பசிவேட்கை, உறக்க நியதி போல் உள்ளே நீறு பூத்த நெருப்பாய் இருப்பதுதான். அதற்கு இளமை, 18 வயதுதான் வேண்டும் என்பதில்லை.எனவேதான் அதை மட்டுப்படுத்த உடற்பயிற்சி என்ற காப்புக் கட்டு, தியானம் என்ற காப்புக் கட்டு, குடும்பம், உறவு, உற்றார், நட்பு, பிரமசாரியம், சிறியவர், பெரியவர், வயது வித்தியாசம் என்ற காப்புக் கட்டுகளும் கவசங்களும் முன்னோர்களால் சொல்லப்பட்டன.

குடும்பம், பொறுப்பு, சமூகக் கட்டுப்பாடுகள், சமூகப்பொறுப்பு போன்றவை எல்லாம் இந்த விஷியத்தில் இருந்து நல்ல பெண்மக்களை, நல்ல ஆண்மக்களை எந்நேரமும் இதன் பிடியில் சிக்காமல் காத்து வருபவை.

ஆனால் அறிவியல் விழிப்புணர்வு என்ற பேரில் 20 கோடிக்கும் அதிகமான பாலியல் படங்கள், 4 கோடி இணையத் தளத்தில் உலகெங்கும் உலவுகின்றன.சிறியவர் பெரியவர் பேதமின்றி அனைவர்க்கும் இவை பார்க்க திறந்து கிடக்கின்றன.

இந்திய உச்ச நீதிமன்றமும் தனியே இதை நாலு சுவருக்குள் பார்ப்பதற்கு 18 வயது நிரம்பியவர்க்கு தடை சட்டம் ஏதும் இல்லை. பார்க்கலாம் என நீதி கூறிவிட்டது.ஆக குடும்பம் பார்த்து பொறுப்பு ஏற்படுத்திக் கொண்டால் உண்டு. நாடோ, சட்டமோ, நீதியோ அதற்கு ஏதும் உதவப் போவதில்லை

மதுவும், இந்த இணையமும் நமகு இளையோருக்கு காஞ்ச மாடு கம்பில் புகுந்த விளைவை ஏற்படுத்தி விட்டன..இதில் பெண் என்ன ஆண் என்ன…. முகத்தை முக நூலில் போடுவது எதற்காக..நாலுபேர் இரசிக்க வேண்டும் என்பதற்காகத்தானே..இரசித்து விட்டால் அய்யோ இவர் சரியில்லை என கூக்குரலிடும் பெண்கள் மேலும் விளம்பரம் தேட நினைக்கிறார்கள்.மேலும் ஒரு கூட்டம் தமக்காக தம் பின் சேர வேண்டும் என நினைக்கிறார்கள்…

இதெல்லாம் புகழோ போதையோ அல்ல. வெறும் மாயை. இதில் இருந்து எல்லாம் விடுபட வேண்டும். தேவையில்லாமல் காரணமில்லாமல் ஒரு வயது வந்த மாணவரை நையப் புடைத்த ஆசிரியரை ஏன் இப்படி செய்தீர் என்றால் அவர் இவன் என் இமேஜையே ஸ்பாயில் செய்து விட்டான்( ஒரு பெண் ஆசிரியை முன்னால்) பள்ளியில் என்றாராம். அவர் இப்போது திருந்தி விட்டார் என்பது கேள்விப்படும் செய்தி.

மேலும் ஆணும் பெண்ணும் இரசிக்கவும், தொடர்பு கொள்ளவும் சில நடைமுறைகள் இருக்கின்றன வரையறைகளோடு. மனிதர்கள் மிருகங்கள் அல்லவே.மிருகம் கூட முகர்ந்து பார்த்து விட்டு பெண் புணர்தலுக்கு இடம் கொடுக்க வில்லை எனில் ஓடி விடுகின்றன என்கிறார் ஒரு விவசாயி.

தொடர்பு செய்தி பரிமாற்றத்திலும் பல வழிகளும் ஒரு ஆணுக்கும் பெண்ணுக்கும் இடையே இருக்கின்றன.. அவற்றில் புரிதல் குறைகையில் அல்லது புரிதல் இல்லையேல் எல்லாமே இப்படி விபத்துகளாக சம்பவங்கள் நிகழ வாய்ப்புண்டு.

மதுக்குடித்து பள்ளிப் பெண் மாநகர செய்தி ஆன அதே கோவை நகரில் ஒரு ஆட்டோ ஓட்டுநர் ஒரு நள்ளிரவில், மிக மோசமான பாதையில் தனியான பெண்ணுக்கு நல் துணையாயிருந்து அவர் துணைவருடன் கொண்டு சேர்த்த செய்தியையும் ஒரு பெண் ஆங்கிலத்தில் பெருமைப்பட்டு எழுதியிருந்தார். எனவே ஆண்கள் பெண்கள் வர்க்க பேதமில்லாமல் இதை எல்லாம் பார்த்தால் மிருகக் கலப்பு அந்த ஆணிடமா?பெண்ணிடமா என விளங்கும்…

மொத்தத்தில் எந்த ரூபத்திலும் இந்த மாந்தரிடம் சாத்வீகம், சாந்தம், ஆன்ம நேயம், மனிதநேயம், எல்லாம் வேண்டுமேயல்லாமல் மிருக வெறி இருக்கவே கூடாது அது எந்த துறையில் ஆனாலும் எந்த தனி மனிதரிடம் ஆனாலும் சரி… ஆணாக இருந்தாலும் பெண்ணாக இருந்தாலும் சரி..அப்படி இருக்கும் மிருக வெறி பிடித்த பெண்ணை, ஆணை எல்லாம் விலக்கி வைக்க வேண்டும்.

ஆமாம் காமம் என்பது கூட ஒரு மிருக வெறிதான் அது பித்து…பிடித்துப் போனால் அந்த ஆணும், பெண்ணும் தம்மை துன்புறுத்துவோரைக் கூட இன்புறுத்துவோர் என்று எண்ணிக் கொள்வார். எப்போதும் ஒரு பழமொழி: ஊசி இடம் கொடுக்காமல் நூல் நுழையவே முடியாது.உண(ர்)வுக் கலப்பில்லா விட்டால் உலகமிலை. ஆனால் எவருடன் எவருக்கு என்ற ஈர்ப்பு இருப்பதை புரிந்து கொள்ளவோ ,அல்லது தள்ளவோ வேண்டும். கிட்டப் போனால் முட்டப் பகை என்ற இடைவெளி இல்லா தொடர்பை புண்படுத்தாமல் வெளிப்படையாக உணர்த்திடும், புரியும்படி சொல்லிடும் இடங்களில் தொல்லை வராது, துன்பம் நேராது…

புரிந்து கொள்ளும் வண்ணம் வார்த்தைகள் செயல்களை தேர்வு செய்ய வேண்டும், சில முறைகளில் சில நேரங்களில் சில சந்தர்ப்பங்களில் நல்லவர்கள் கூட பொல்லார் போலவே தெரிவார் ஏன் எனில் இந்த சமுதாயம் இவர்களிடையே ஏற்படுத்தி இருக்கும் பீதி அப்படி..மிருக பீதி…மிருகத்தை விட கீழான செயல் நடவடிக்கை உள்ள பீதி. விலங்கிடப்பட வேண்டிய பீதி. விட்டொழிக்க வேண்ட்ய பீதி. இது நல் நீதி.

கும்ப மேளாவுக்காக 5.40 இலட்சம் ஆணுறை பெண்ணுறை விநியோகிக்கப் படுகிறது என்பது செய்தி.

மறுபடியும் பூக்கும் வரை
கவிஞர் தணிகை.


எங்கேயும் எப்போதும்,எனிவேர் அட் எனி டைம்: கவிஞர் தணிகை

ஜூலை 9, 2015

 

 

எங்கேயும் எப்போதும்,எனிவேர் அட் எனி டைம்: கவிஞர் தணிகை
உலகின் பயணத்தை நமது பயணத்தால் திருத்த முயலும் வாழ்க்கை பொருள் பொதிந்தது.வாழ்வின் 3 ஆம் பகுதிக்குள் நுழைய ஆரம்பித்திருக்கிறேன்.ஆர்வமுள்ளவர்கள் அழைத்தால்,செலவினங்களை ஏற்றால் இனி உங்களுக்காக எங்கேயும் எப்போதும் வர விரும்புகிறேன். அனுபவத்தை பகிரவும் தியான வகுப்புகள் எடுக்கவும்.

20 ஆண்டுகள் இருந்த இடத்தில் இருந்தபடியே எண்ணிக்கையில் பெரிதாக இல்லாமற் போனாலும் குறிப்பிடத்தக்க என்னிடமே தியானப் பயிற்சி கற்க விரும்பியோர்க்கு தியான அறிமுக வகுப்புகள் 10 நாளுக்கு தொடர்ந்து ஒரே நேரத்தில் ஒரு மணி நேரம் எடுத்து அவர்கள் வாழ்வை மேம்படுத்த உதவியிருக்கிறேன்.

இனி அடுத்த 20 ஆண்டுகள் யார் எங்கு எப்போது அழைத்தாலும் அவர்களுக்கு, அல்லது அவர்களின் குழுவுக்கு வகுப்புகள் எடுக்க தயாராயிருக்கிறேன் என்பதை அறிவிக்கவே இந்த பதிவு.

30 ஆண்டுகளுக்கும் மேல் இந்த தொடர்பில் வாழ்ந்து வருவதால் அந்த அருகதை எனக்கு உண்டு. என்ற காரணத்தால்..சொந்த நாட்டிலும், அயல் நாடுகளிலும்கூட (எனது பாஸ்போர்ட் காலாவதி ஆகி பல வருடங்களாகவே புதுப்பிக்கப் படாமல் அப்படியே கிடப்பில் போடப்பட்டு விட்டது வேறு விஷியம்) அன்பு கூர்ந்து அழைக்க நேர்ந்தால் வந்து வகுப்புகள் தங்கி எடுத்துக் கொடுக்க தயாராக இருக்கிறேன்.

அதற்குண்டான போக்குவரத்து, தங்குமிடம்,சிறு கட்டணம் போன்ற விஷியங்களை ஏற்க தயாராக இருந்தால் அடியேன் எப்போதும், எங்கும், எனிவேர் அட் எனி டைம் வரத் தயாராயிருக்கிறேன் என்ற அறிவிப்பை இந்த பதிவின் மூலம் தெரியப்படுத்திக் கொள்கிறேன்.

கல்வி நிறுவனங்கள், நிறுவனங்கள், தனியார் இப்படி எந்த அமைப்புகளானாலும், தனி மனிதருக்கானாலும் வரத் தயார் .

மற்றபடி என்னடா இது இவனிடமிருந்து இந்த திடீர் அறிவிப்பு என யோசிப்பவர்க்கு நம்மால் அரசியலில் புகுந்து நாட்டை மாற்ற முடியாது, யாருமே எம் போன்றவர்க்கு இந்தியாவில், தமிழகத்தில் வாக்களித்து நம்மை ஆட்சிக் கட்டில் ஏற்றி நல் ஆட்சி தருவோம் என நம்பப் போவதில்லை

நம்மால் கோவில் கட்டவும் முடியாது, ஊரை கெடுத்து, நாட்டைக் கெடுத்து அந்த அளவு சேர்த்த பணமும் நம்மிடையே கிடையாது.

கல்வி நிறுவனங்களும் நடத்த முடியாது.

ஆனாலும் நம்முள் இருப்பதை இன்னும் எண்ணிறந்த மக்களுக்கு வாரி வழங்க முடியும் என நம்பிக்கை இருப்பதால்,இன்னும் செய்ய வேண்டும் என்ற வேட்கை இருப்பதால், இன்னும் கூட நம்மால் ஏதாவது இந்த மண்ணுக்கு செய்ய வேண்டும், செய்ய முடியுமே என்ற உறுத்தல் இருப்பதால்…

இன்னும் உயிர்த் துடிப்பு உள்ளவரை, குரலோசை உள்ளவரை நமது அனுபவங்களை பகிர்ந்து கொடுக்கலாம், நாடெங்கும் நாம் பட்ட பாட்டை சொல்லலாம், எழுதலாம், ஏன் பயன்படும் என நினைப்பார்க்கும் நேரிடையாக வந்து சொல்லலாம், முடிந்தவரை நற்பாதையை காட்ட தியான அறிமுக வகுப்புகள் எல்லாம் கூட எடுக்கலாம்…

எனவேதான் இந்த அறிவிப்பு..மாநிலம் விட்டும், மாவட்டம் விட்டும், ஏன் இந்த நீணிலம் எங்கும் வரத் தயார்தான் …முன்பே சொன்னபடி இந்த மரக்கறி உண்பானுக்கு உப்பு குறைவான பத்திய சோறு, காய்கறிகள் ,பழங்கள் கிடைத்தாலும் போதும்..எம்முள் உள்ள ஏதாவது நல்லவற்றை இந்த நானிலத்துக்கு விடுபடாமல் கொடுத்து செல்ல அவாவுறும்…

தொடர்புக்கு:

கவிஞர் தணிகை
தெய்வா தியானப் பயிற்சி மையம்
11– 124,125 புதுசாம்பள்ளி
மேட்டூர் அணை – 636 403
சேலம் மாவட்டம்

TAMIL NADU ,INDIA.

04298- 223067(91- (0)4298 223067)
91- 8015584566

e mail ID.deivapublisher@gmail.com

http://www.marubaiyumpookkum.wordpress.com

http://www.dawnpages.wordpress.com

http://www.thanigaihaiku.blogspot.com

 


சரியா? இதெல்லாம் சரியா? கவிஞர் தணிகை

ஜூலை 8, 2015

 

சரியா இதெல்லாம் சரியா? கவிஞர் தணிகை
மதுக்கடைகளை யார் சொன்னாலும் எடுக்க மாட்டேன் என தமிழக அரசு செய்வது சரியா?மூன்று நாலு வயது சிறுவர்களை குடிக்கச் செய்வது சரியா?
மத்தியப் பிரதேச வியாபம் மருத்துவர் சேர்க்கை பணியில் இவ்வளவு ஊழல் நடப்பது சரியா?
லலித் குமார் மோடி ஐபிஎல் பிரிமியர் கேடியிடம் காங்கிரஸ், பி.ஜே.பி தலைவர்கள் மண்டியிட்டது சரியா?
பிரதமர் நமோ மோடி இதை எல்லாம் கண்டு கொள்ளாமல் மத்திய ஆசிய நாடுகள் மற்றும் ரசியாவுக்கு சுற்றுப் பயணம் செய்தபடி…சுற்றுப் பயணம் ஒன்றையே குறியாக கொண்டிருப்பது சரியா?

பிரதமர் நமோவே தேர்தலின் போது தமக்கு மனைவி இருப்பதை மறைத்தது சரியா?
மனித வள மேம்பாட்டுத் துறை மந்திரி ஸ்மிரிதா இரானி தேர்தல் வாக்கு மூலத்தில் இரண்டு கல்வி தரத்தை கொடுத்தது சரியா?

ராதாகிருஷ்ணன் நகரில் இவ்வளவு வாக்குகளை மக்கள் ஒரு குற்றப்பத்திரிகை சாட்டப்பட்டு உச்ச நீதிமன்றத்தில் வழக்கு தொடர இருக்கும் ஒரு வேட்பாளருக்கு அளித்தது சரியா?

விழுப்புரத்தில் தமது திருட்டை காட்டிக்கொடுத்த சிறுமியை 10ஆம் வகுப்பு மாணவி கிணற்றில் வீசி எறிந்தது சரியா?
சங்கர் ராமன் கொலை வழக்கில் இன்னும் அவரை யார் கொன்றார்கள் என தெரியாதிருப்பது சரியா?

கடந்த சில நாட்களில் உள்ளூரில் ஒரு இளைஞரின் கழுத்தை சில இளைஞர்கள் அறுத்து கொன்றது சரியா?
அதை விசாரித்த காவல்துறையின் விசாரணையின்போது மற்றொரு இளைஞர் இறந்தது/’கொல்லப்பட்டது சரியா?
அரசியில் பிரமுகர்களும், காவல்துறையும் அரசும் அதற்கு இழப்பீட்டுத் தொகை என்று வழங்கி விட்டு, தொடர்பான 4 காவலரை இடைநீக்கம் செய்து விட்டு பிரச்சனையை விட்டு விட்டது சரியா?

மைக்கேல் டி குன் ஹா எழுதிய தீர்ப்பை, குமாரசாமியும் உச்சநீதிமன்ற தலைமை நீதிபதி தத்தும் மாற்றி எழுதியது சரியா? பெயிலில் விட்டது சரியா?
அதை கர்நாடகா அரசு மேல்முறையீடு செய்கிறோம் என 10 குறைபாடுகளுடன் குற்றப்பத்திரிகையை மேல்முறையீட்டுத் தாக்கலில் வைத்து மனு செய்தது சரியா?

பட்டப்பகலில் ஆய்தங்களுடன் வந்து தமிழகத்தில் கொலை,கொள்ளை, நகை பறிப்பு செய்வது சரியா? அதை பார்த்துக் கொண்டிருந்தும் ஒன்று செய்யமுடியாமல் இருக்கும் அரசு செய்வது சரியா?

இந்தியக் குடியரசுக்கு வயது 65 ஆன பிறகும், குடிநீர், மருத்துவம், இருப்பிடம், சுகாதாரம் கீழ் தட்டு மக்களுக்கு கிடைக்காமலே இருப்பது சரியா?
நதி நீர் இணைப்பை செய்யாமல் இருப்பது மத்திய மாநில அரசுகளுக்கு சரியா?

மேல்மருவத்தூர் பல்மருத்துவ அங்கீகாரம் பற்றி சுமார் 12 கோடி ரூபாய்க்கு மேல் இலஞ்சம் பெற்றவரையும், இலன்ஞ்சம் கொடுத்தவர்களையும், கையும் களவுமாக பிடித்த இலஞ்ச ஊழல் துறை அதற்கும் மேல் அதைப்பற்றி ஏதுமே செய்யாதது ஏன் அது இந்த அரசுக்கு சரியா?

முதலாம் பராந்தகன் பொன் ஓடு வேய்ந்தான் சிதம்பரம் நடராஜர் கோவிலுக்கு என சரித்திரம் சொல்ல…இந்த கோவிலே ஒரிஸ்ஸாவின் தீட்சிதர் குடும்பங்களுக்கே சொந்தம் என உச்ச நீதிமன்றம் தீர்ப்பளித்தது சரியா?

தீட்சிதர் பூசாரிகள் அர்ச்சகர்கள் அந்த கோவிலை சொந்தம் கொண்டாடி விழா நடத்துகையில் தமிழர் மான ஈனம் அவமானம் பார்க்காமல் கூடி மகிழ்வது சரியா?

ஐ.எஸ்.ஐ.எஸ் மட்டும்தான் கழுத்தறுக்கிறார், கல்லால் அடிக்கிறார், சாட்டையால் பொது இடத்தில் வைத்தே அடித்தே கொல்கிறார், சுட்டுக் கொல்கிறார் தூக்கிட்டு கொல்கிறார் என்றோமே அதை விட அதிகமான கொடூரமான முறைகளில் நாள் எல்லாம் நமது நாட்டிலும் வன்முறைக் கொலைகள் நடந்து வருகிறதே இது சரியா?

தேசியகீதத்தில் அதிநாயக என்பது ஆங்கிலேயரை சிறப்பு செய்யும் விடுதலை பெறுவதற்கு முன்பாக சொல்லப்பட்ட வார்த்தை அதை நீக்கிவிட்டு மங்கள என்ற வார்த்தையை போட வேண்டும் அது எனது சொந்தக் கருத்து என கல்யாண் சிங்க் சொல்வது சரியா?

இலங்கைக்கு 76 கிலோ கஞ்சா கடத்துவது சரியா?
இது போல யானையைக் கொன்று தந்தங்களும்,
சந்தனக் கட்டைகளும் மிருகங்கள் மற்றும் பாம்பின் தோல்களையும் கடத்துவதுசரியா?பிற உயிர்களை துன்புறுத்துவது சரியா? பிறர் பொருள் மேல் ஆசை வைப்பது சரியா? பொய்,கவலை,பயம் ,வெட்கம், வேட்கை கொண்ட மனிதம் தம்மை அழிவுப்பாதையில் மட்டுமே கொண்டு செலுத்தும் முறைகேடான வாழ்வு சரியா?

அதை வைத்து சாமியார்கள், மாமியார்கள் சதுரங்கம் ஆடுவதெல்லாம் சரியா?

அமெரிக்கா போன்ற மேலை நாடுகளிலில் இந்தியர் வெளியே நடைப்பயிற்சிக்கும் கூட வெளிவருவது இயலாமல் நிற வெறி இன வெறி தாண்டவமாடுவது சரியா?
இப்படி அவமானப்படுத்தும்போதும் அமெரிக்க மோகத்தில் நமது இந்தியர்கள் சென்று கொண்டிருப்பதும் அந்நாட்டை பெருமப் படுத்தி பேசுவதும் சரியா?

இந்த தமிழ்நாட்டில் சாதிய அடிப்படை கௌரவக் கொலைகள், இளந்தளிர்களின் கொலைகள் அடிக்கடி நடப்பது சரியா?

சாதி, மத பேதத்திற்கு இன்னும் விடிவு வராமலே இருப்பது சரியா?

 

Photos_Taken_at_the_Right_Moment_set-2_01

கல்வி இன்னும் ஏட்டு குருட்டுக் கல்வியாக இருப்பது சரியா?…

நிலத்தை, நீரை, காற்றை,நெருப்பை, ஆகாயத்தை அதன் உண்மை வடிவத்தை தூய்மையை இழக்க வைத்து நம் பின் வாழ வருவார்க்கு பெரும் தீங்கு இழைத்து வருகிறோமே சரியா?

இப்படி உலகெங்குமே கோடான கோடி சரியில்லாத முடிவுகளும், நிகழ்வுகளும் நடந்தேறி வருகையிலும் அன்றாடம் அனுதினமும் அக்கிரம அநியயங்கள் தொடர்ந்து வருகையிலும் நாம் வாழ்ந்து கொண்டே இருக்கிறோம்.

இதை எதிர்க்க முடியாமலும், இதனுடன் இணைந்து முரண்பாடில்லாமல் செல்ல முடியாமலும் நாம் வாழ்ந்து கொண்டேதான் இருக்கிறோம். இறக்கிறோம்.

நல்லவை, நல்லவர் இருக்கிறோம். ஆனால் தீயதை எதிர்க்கமுடியாமல் நாம் நல்லவராய் இருந்து என்ன பயன் புண்ணியம்? எனவே நல்லவர் என்றால் அது அநீதியை எதிர்ப்பவர்க்கு மட்டுமே …இந்த மண்ணில் நல்லவற்றை சாதிக்க நினைப்பவர் மட்டுமே..

அதனால் வரும் துன்பத்தை தாங்கிக் கொள்ளக்கூடிய ஆற்றல் பெற்றவர் மட்டுமே.
தீயவற்றுடன் ஒத்துப்போனால் நீங்களும் தீயவர்கள்தான். பிழைக்கத் தெரிந்தவராய் இருந்தபோதும். நிறைய ஆடம்பர பங்களாக்கள் இருக்கின்றன …இருளடைந்து..அதில் இருக்க ஆள் இன்றி…நிறைய பங்களாக்கள் இரவு தங்க மட்டுமே இருக்கின்றன..அதில் காலை முதல் இரவு வரை ஆவிகள் மட்டுமே குடி இருக்கின்றன..மனிதர்கள் அங்கு இருப்பதில்லை…பொருளாதார தேடல்…சிகரம் முடித்து மறு சிகரத் தேடல்.

ஆசை அளவிட முடியா பேராசைத் தேடல்..எனவே இங்கு இந்த உலகில் சரியாக இல்லா எல்லாவற்றுடனும் நமது வாழ்வானது பின்னிப் பிணைந்து போய்க்கொண்டிருக்கிறது…இல்லை எனில் ஒவ்வொரு கட்டத்திலும் மனிதராய் நாம் போராடியே ஆகவேண்டும். இங்கு ஜிட்டு கிருஸ்ணமூர்த்தி சொன்னபடி…எவரிதிங் ஈஸ் இன் டிஸ் ஆர்டர்….

நாம் செய்ய வேண்டியது…ட்ரை டு பி டு மேக் இட்ஸ் ஆர்டர்.
அதற்கு…போராட்டம் அவசியம்.

போராட்டங்கள்தாம் நமை போராடவே வைக்கிறது…வாழவே வைக்கிறது.வாழ்வில் உயிர்ப்பை வைத்திருக்கிறது.

மறுபடியும் பூக்கும் வரை
கவிஞர் தணிகை.


கருமலைக்கூடலும் இரு கொலைகளின் பாடலும்:கவிஞர் தணிகை

ஜூலை 7, 2015

 

கருமலைக்கூடலும் இரு கொலைகளின் பாடலும்:கவிஞர் தணிகை
06.07.15 ல் கருமலைக்கூடலில் ஊரடங்கு உத்தரவுடன் ஆயிரக்கணக்கான காவலர்கள் ஊரெங்கும் நிரம்பி வழிந்தனர்.காரணம் அதன் முன்னிரவில் பழனி என்னும் வெல்டர் சுமார் வயது:23…கழுத்தறுத்து மாரியம்மன் கோவிலருகே ஊருக்குள் கொல்லப்பட்டதும்,அதன் காவல்துறை விசாரணையின்போது மற்றொரு இளைஞர் கோகுலக் கண்ணன் என்பவர் இறந்து விட்டதும்..காவிரியின் அலைகளை விட மேட்டூரில் அதிகம் அதிர்வலைகளை எழுப்பி உள்ளது.

இதில் ஈடுபட்டுள்ள இளைஞர் யாருக்கும் மணமின்னுமில்லை. சிறிய வயதினர்.எவருக்குமே வயது 25தை தாண்டவில்லை. எல்லாமே 19 முதல் 23 வயதுள்ள இளையவர்களே. ஏதோ முன் விரோதம் என்கின்றனர். என்னவென்றுதான் தெரியவில்லை.

வெல்டர் பழனி என்பவர் இரவில் மாரியம்மன் கோவில் பக்கம் இருந்து வர, அவரை 4 பேர் கொண்ட குழுவினர் சுற்றி வளைக்க, அவர் தப்பி பிழைக்க ஓடமுயல, விடாமல் அவரை தலையிலும் கழுத்திலும் வெட்டியிருக்கின்றனர். அந்த நபர் அதே இடத்தில் சில துடிப்புகளுக்கும் பின் உயிர் விட்டார்.. உடனே…அதில் ஈடுபட்டவர் அந்த இடத்திலிருந்து மறைந்தனர்.

சத்தம் கேட்ட பொதுமக்கள் காவல் துறைக்கு அறிவிக்க, அவர்களிடம் அந்த நள்ளிரவிலிருந்து அந்த ஊருக்கு தூக்கம் பிடிக்கவில்லை. பழனியின் உடலடியில் அவரை வெட்டிய நபரின் செல்பேசி கிடைக்க..அதிலிருந்து காவல்துறையின் பணி நூல் விடுவது போல அனைவரையும் சுற்ற ஆரம்பித்து விட்டது…

இதன் ஒரு பக்க விளைவாக விசாரணையின் போது மற்றொரு இளைஞர் விடியற்காலை 4 மணி சுமாருக்கு காவல்நிலையத்தில் இறந்து போகிறார். அவர் பேர்.கோகுலக் கண்ணன் என்கின்றனர். வெட்டிய நபர் தப்பி விட்டார் என்றும், வெட்டியவர்கள் ஒருவரல்ல, அதில் ஈடுபட்டவர்கள் நாலைந்து பேர் என்றும், வெட்டியவர்கள் காவல்நிலையத்தில் சரணடைந்து விட்டார் என்றும் வேறுபாடான செய்திகள் உலவுகின்றன.

இந்நிலையில் காவல்துறை முன்னெச்சரிக்கை நடவடிக்கையாக ஊரெங்கும் நிறுத்தப்பட்டு ஊரடங்கு உத்தரவு அமல்படுத்தப்பட்டது. உள்ளூர் அரசியல் பிரமுகர்கள் முன்னிலையில் காவல்நிலையத்தில் இறந்த இளைஞரின் குடும்பத்துக்கு பல இலட்சங்கள் இழப்பீடாக தந்து விடுவதென்றும், அதில் ஈடுபட்ட 4 காவலர்கள் இடைநீக்கம் செய்யப்படுவதென்றும் விஷியம் கட்டு மீறாமல் முடித்துக் கொள்ளப்பட்டு இன்று மேட்டூரில் இந்தபகுதியில் மாமூல் நிலை திரும்பி மக்கள் அன்றாட வாழ்க்கைக்கு சகஜ நிலைக்கு திரும்பி விட்டதாகவும் செய்திகள். தொலைக்காட்சி ஊடகங்கள், செய்தி ஏடுகள் யாவற்றிலுமே இந்த செய்தி இடம் பெற்றதுதான்.

நேற்று இதன் காரணமாக பள்ளிகள் எல்லாம்கூட மாலை 4 மணிக்கே அனைத்து தரப்பு மாணவர்களையும் வீட்டுக்கு அனுப்பி விட்டன.மேலும் எந்த வித தனிவகுப்பு மற்றும் பயிற்சி வகுப்புகள் எல்லாம் கூட ரத்துசெய்யப் பட்டன.

இதில் ஈடுபட்ட இளைஞர் கூட பொறியாளர் படிப்பு படித்து சில பாடங்களை முடிக்காமல் இருப்பதாகவும், பொதுவாகவே இது போன்ற அடிதடி அராஜகங்கள் இந்த ஊரில் தற்காலத்தில் பெருகி வருவதாகவும் நம்பத் தக்க ஊர் மக்களால் சொல்லப்படுகிறது.

இந்த பி.என்.பட்டி(பொட்டனேரி நல்லா கவுண்டம்பட்டி) ஊராட்சி தமிழகத்தில் உள்ள ஊராட்சிகளிலேயே மிகப் பெரியதும், அதிகம் வருவாய் உடையதாகவும் உள்ளதாகவும். தற்போது இந்த ஊராட்சியை தி.மு.க தமது கையில் வைத்துள்ளது. அதிலும் ஊராட்சி தலைவருக்கும், அதன் கவுன்சிலர்களுக்கும் இடையே பிரச்சனை, அது தொடர்பான மனு மாவட்ட ஆட்சித் தலைவர் வரை சென்றிருப்பதாக ஏற்கெனவே செய்தி ஏடுகள் தெரிவித்தன.

ஊரே கலங்கி நிற்கிறது இந்த சிறு விடலைப் பையன்களின் நடவடிக்கைகளால். பெண்கள் நடமாட முடியவில்லை என்றும் முதியவர் எவரும் கடைகளுக்கு சென்று விட்டு மிச்சம் மீதம் சில்லறை பணத்துடன் திரும்ப முடியவில்லை எனவும் மக்கள் பேசிக் கொள்கிறார்கள். காசு பணத்தை கொடுக்க மறுக்கும் மக்களுக்கு அல்லது நபர்களுக்கு அடி உதை, இரத்தம் சேதம் நிச்சயம்.

காவல்துறை ஜீப் காரில் ஏறிய பிறகும் கூட இன்னும் உனக்கு இருக்கிறது, வந்து கவனித்துக் கொள்கிறோம், ஆள் மாறாட்டம் நடந்து விட்டது, 3 நாளில் நாங்கள் ஜாமீனில் வந்து உனைத் தீர்க்கிறோம் என காவலர் முன்னிலையிலேயே சவால் விட்டதாக எல்லாம் பார்த்த பொதுமக்கள் தெரிவித்துள்ளனர்.

எல்லாம் பெற்றோர் தரும் இடம்,பெற்றோர் தரும், பணம், கொழுப்பாய் மாறி நாட்டை சீரழிக்கிறது. சிறு சிறு குற்றங்களில் ஆரம்பித்து இன்று பெரும் கொலைகளாய் வந்து முடிந்து அந்த ஊரின் பேரைக் கேட்டாலே பயம் கொள்ளும் நிலைக்கு மக்கள் தள்ளப்படுமளவு ஊரின் நிலை கெட்டுவிட்டது.

அரசியல் பிரமுகர்கள் எதற்கெடுத்தாலும் குற்றவாளிகளான அவர்களுக்கு ஒத்துழைத்து காவல் நிலையத்தில் அவர்களுக்கு உதவி செய்து அவர்களை மீட்டு வந்து விட்டதன் விளைவு இந்நிலைக்கு தள்ளப்பட்டிருக்கிறார்கள்.

இந்த செய்திகள் யாவும் செய்தி ஏடுகள்: தினகரன், தினத் தந்தி,போன்றவற்றிலிருந்தும்,அந்த ஊரின் பிரமுகர்கள் பொதுமக்களிடம் இருந்தும் திரட்டப்பட்ட செய்திகளாகும். நேரில் சென்று எதையுமே நாம் தேடல் நடத்தி பெற முயலவில்லை என்பதை தெரிவித்துக் கொள்கிறேன்.

மத்தியப் பிரதேச வியாபம் கொலைகள், தற்கொலைகள், திருவண்ணாமலையில் சோழங்குப்பத்தில் சிறுவனுக்கு மது குடிப்பித்து, கொட்டை எடுத்துக்கோ, குட்சிக்கோ என்று படம் எடுத்து வலைதளத்தில் உலவி விட்டது, மாதவரம் பகுஜன் சமாஜம் மாவட்ட செயலாளர் பட்டப்பகலில் வெட்டிக்கொலை, இப்படி நாடெங்கும் வன்முறை தலைவிரித்து ஆடிக் கொண்டிருப்பது நல் அறிகுறியல்ல..நல்ல ஜனநாயக நாட்டிற்கு.

எமது எண்ண அலைகள் வெகுவாக நசிந்து கிடக்கிறது. காந்தி,,ஆங்கிலேயருக்கு ஆதரவாக உலக யுத்தத்தில் நமது வீரர்களையும் நாட்டையும் சண்டை செய்யச் சொன்னது, போலீஸ்காரரின் வேலை சுடச்சொன்னால் சுடத்தானே வேண்டும் என சொன்னது இவை போன்ற முரண்பாடுகள் எம்மாலும் காந்தியின் தவறுகளாக உணரமுடிந்தவையே..

ஆனாலும் ஐஎஸ் ஐ எஸ் அப்படி கழுத்தறுக்கிறார், இப்படி செய்கிறார் என்று குற்றம் சொல்லும் நம் நாட்டில், நம் ஏட்டில் இப்போது நாளுக்கு நாள் நமது குற்றவாளிகள் ஏதோ காய்கறி நறுக்கு சாம்பாரில் போடுவது போல மனிதர்களை நறுக்கி சுடுகாட்டில் இடுகாட்டில் இட்டு விட்டு வீதி வரை உறவு என்று பாட்டு வைத்துக் கொண்டிருக்கிறார்கள் அந்த வரிகளை கேவலப்படுத்தி.

பேச்சு வார்த்தை மூலம் பேசி முடிக்காத பிரச்சனைகள் ஏதுமில்லை என்பார். ஆனால் இங்கே எல்லாம் வன்முறை, ஆயுதக் கலாச்சாரம்,சரி வர அணுகுமுறையில்லா காவல்துறை,..காவல்துறையின் பணி நீதிமன்றத்தில் குற்றவாளியை ஆஜர் படுத்துவது தானே,அல்லாமல் குற்றவாளிகளை தப்பவிட்டு அவர்கள் நண்பர்களை, அவர்களுக்கு தொடர்பு உள்ள, தொடர்பு கொண்ட நபர்களை எல்லாம் அவர்கள் எண்களை அந்க செல்பேசி உள்ளடக்கி இருக்கிறது என்ற ஒரே காரணத்துக்காக கையாளத் தெரியாமல் கையண்டு உயிர்களை வாட்டுவது என்பது என்ன அணுகுமுறையோ?என்ன யுக்தியோ?அது என்று இந்த நாட்டிலிருந்து விடைபெறுமோ?

எமக்கு இன்னும் நிறைய குடும்பப் பொறுப்பும் சமுதாயப்பணியும் அளவுக்கதிகமாகவே இருப்பதால் இவ்வளவுதான் எழுத்தில் எழுத முடிகிறது எண்ணத்தை….வேறு என்னத்தை எழுதுவது இன்று? நேற்றிலிருந்து இதேதான் இங்கே எல்லா மூளைகளிலும் ஓடிக்கொண்டிருக்கிறது.. இதைப்பற்றி எழுதாமல் இருக்கவும் முடியவில்லை,இதைப்பற்றி எழுதவும் முடியவில்லை, எழுதினாலும் முடிவும் இல்லை விடிவும் இல்லை…மக்கள் கலாச்சாரம் மதுக் கலாச்சாரமாகிவிட்டது…

தேர்தலுக்குள் அவர்கள் மறந்து விடுவார்கள் எல்லாவற்றையுமே. நம்முள் இவை எப்போது மரிக்கும்….

பி.கு: இந்த விடலைப் பையன்கள் மேல் எல்லாம் பல வழக்குகள் ஏற்கெனெவே உள்ளது என்றும் சொல்கிறார்கள். இதில் கோஷ்டி மோதல் வேறாம்.சேலம் அழைத்து சென்ற விசாரணைக் கைதி கோகுலக் கண்ணனை ஏற்றி சென்ற ஆம்புலன்ஸ் வேன்…சினிமாவில் காண்பிப்பது போல பல இடங்களிலும் சுற்றிக் கொண்டே இருந்து விட்டு திரும்பி விட்டதும் என பேச்சு. இதுபற்றிய நியூஸ் 7Tamil தரும் இணைப்பையும் வழங்கியுள்ளேன் பாருங்கள்.

http://www.ns7.tv/ta/%E0%AE%9A%E0%AF%87%E0%AE%B2%E0%AE%AE%E0%AF%8D-%E0%AE%B5%E0%AE%BF%E0%AE%9A%E0%AE%BE%E0%AE%B0%E0%AE%A3%E0%AF%88%E0%:

சேலம் மாவட்டம், மேட்டூர் அருகே உள்ள கருமலைக்கூடல் காவல்நிலையத்தில் விசாரணைக்கு அழைத்து செல்லப்பட்ட கைதி மரணமடைந்ததை கண்டித்து அவரது உறவினர்கள் சாலை மறியலில் ஈடுபட்டனர்.

நேற்று, அப்பகுதியில், பழனி என்பவர் படுகொலை செய்யப்பட்டார். இச்சம்பவம் தொடர்பாக கோகுல கண்ணன் என்பவர் உட்பட 4 பேரை போலீசார் விசாரணைக்காக அழைத்து சென்றனர்.

விசாரணைக்கு அழைத்து செல்லப்பட்டவர்களில் கோகுல கண்ணன் மரணமடைந்தார். உயிரிழந்த கண்ணனின் உறவினர்கள், போலீசாரை கண்டித்து கருமலைக்கூடலுக்கு செல்லும் சாலையை கண்டித்து மறியலில் ஈடுபட்டனர்.

இதனால், அங்கு சிறிது நேரம் போக்குவரத்து பாதிக்கப்பட்டது. இதனிடையே மறியலில் ஈடுபட்டவர்களை சட்டமன்ற உறுப்பினர் எஸ்ஆர் பார்த்திபன் சந்தித்து பேச்சுவார்த்தை நடத்தினார். விசாரணை கைதி மரணம், சாலை மறியம் ஆகியவற்றால் அங்கு பதற்றம் நிலவி வருகிறது.

Read more: http://www.ns7.tv/ta/%E0%AE%9A%E0%AF%87%E0%AE%B2%E0%AE%AE%E0%AF%8D-%E0%AE%B5%E0%AE%BF%E0%AE%9A%E0%AE%BE%E0%AE%B0%E0%AE%A3%E0%AF%88%E0%AE%95%E

மறுபடியும் பூக்கும் வரை
கவிஞர் தணிகை.


பாப நாசம் திருஷ்யத்தை கொஞ்சம் திருத்தி கொஞ்சம் அடக்கி:-கவிஞர் தணிகை

ஜூலை 6, 2015

thanks to Jeethu Joseph.

 

Papanasam Movie Working Stills

Papanasam Movie Working Stills

 

பாப நாசம் திருஷ்யத்தை கொஞ்சம் திருத்தி கொஞ்சம் அடக்கி:-கவிஞர் தணிகை
பாப நாசம் சிவன் பாடலுக்கு அவரே இசை அமைத்து தியாகராச பாகவதரை வைத்து பாடியது போல என்றும் இளமை என்றும் பசுமையான நினைவுப் பதிவுடன் இந்த பாபநாசம். கமலுக்கும்.போவோடு சேர்ந்து நாரும் மணக்கும் என்பது போல கௌதமியை மணக்கட்டும் என பயன்படுத்தி சற்று பின்னடைவை ஏற்படுத்தி விட்டார்கள்.

திருஷ்யம் மலையாள மூலத்திலிருந்து மாற்றப்பட்ட 4 மொழிகளிலுமே இந்த படம் வெற்றி அடைந்திருப்பது இதன் கதைக்கு கிடைத்த வெற்றி.இந்தி, தமிழ், தெலுங்கு,கன்னடம் எல்லா தயாரிப்புகளிலும் இது நல் வரவேற்பு பெற்றமைக்கு ஒரே காரணம். காலத்தை ஒட்டிய நடப்போடு ஒட்டிய இயல்பாக எல்லா இடங்களிலும் இளவட்டங்கள் செய்யும் அட்டகாசம், கொழுப்பால் நடக்கும் சம்பவ அடிப்படை.

அதிலும் மேல் மட்டத்தில் அரசு அலுவலரின் பிள்ளைகள், அரசியல்வாதிகளின் பிள்ளைகள், தொழிலதிபர்களின் விளையாட்டு பிள்ளைகள், மொத்தத்தில் பணம்படைத்த ஒழுக்கமில்லா வாரிசுகளால் ஏற்படும் சம்பவங்களின் பிரதிபலிப்பாய் இருப்பது இதன் வெற்றிக்கு ஒரு கூடுதல் புள்ளி பெற்றுத்தருகிறது.

பாபம் தீர்க்க பாபநாசம் வருவார்கள்,நாங்கள் இங்கு கொஞ்சம் கொஞ்சமாக நாங்கள்செய்த பாவத்தை தீர்த்துக் கொள்வோம் என்பதும், படத்தின் பேர், நிகழ்விடம், நடிகர்கள், மொழி ஆகியவை வேறுபட்ட போதும், கதை அதேதான். எனவே நாம் திருஷ்யத்தை ஒப்பிடாமல் பார்க்க முடியவில்லை..ஏற்கெனவே திருஷ்யம் பார்த்ததால்.

மொழி வேறுபட்டதாயிருந்ததால், பிணம் , உடல், பாடி கைக்கு கிடைக்கும் வரைதான், கிடைக்கட்டும் அப்புறம் பார் என்ற புதிய காவல்துறை துணை ஆய்வாளரின் காலின் காலணி ஷூ தரையைத் தட்டி காண்பிக்க…நாயகன், சுயம்பு லிங்கம் அதனடியில்தான் இந்த இவரது மகளை ஆபாச வீடியோ குளியலறையில் எடுத்து மிரட்டி மாண்டுபோனவனின் சடலத்தை புதைத்து மண்ணை நன்றாக இறுக்கி பாதம் கொண்டு மிதித்து வைக்கிறான் என்ற காட்சி நமக்கு திருஷ்யத்தில்(விளங்கினாலும்) சரியாக தெளிவாக முழுதுமாக விளங்கவில்லை..இதில் பாபநாசத்தில் நன்றாக விளங்கி இருக்கிறது.

மற்றபடி தந்தைக்கும் மகள்களுக்கும் உள்ள பிணைப்பு மலையாளத்தில் மோகன்லால் குச்சி எடுத்து துரத்தி அடிப்பது, அந்த பழைய ஜீப் கார் ஓடாமல் தள்ளி செல்வது,அதை அனைவரையும் தள்ளச் சொல்வது ,தள்ளச் செய்வது போன்ற காட்சிகள் வசனத்தால் ஈடுகட்டப் பட்டுள்ளது. எனக்கும் கூட திருஷ்யம் ஒரு படி தூக்கலாகவே தெரிகிறது பாபநாசத்தை விட..தயாரிப்புப் பணிகளில் எல்லாவற்றையும் அடக்கியே வாசித்திருப்பது தெரிகிறது. வெற்றி பெற்றுவிடும் என ஒரு புறம் நினைத்திருந்தாலும், மறுபுறம் தோல்வி உற்றாலும் எந்த பாதிப்பும் இல்லை என்ற எச்சரிக்கை உணர்வுடன் செலவை மூலப் படமான திருஷ்யத்தை விட குறைவாகவே செய்திருப்பதாக தோன்றுகிறது மேலும்,எந்த வித கதைக்கும் காட்சிக்கும் அதன் தொடர்புக்கும் ஊறு நேராமல் எச்சரிக்கையுடன் கையாண்டிருப்பதும் தெரிகிறது.

திருஷ்யத்தில் விடியோ எடுத்த ஐ.ஜி மகனை அடித்து ஓயாமல் செல்போனை அடித்துக்கொண்டிருப்பதான காட்சி, இதில் செல்போனை மட்டுமே அடித்திருப்பதாகவும் அவன் இறந்த போது சுயம்புவின் பெரிய மகள் நான் செல்போனைத்தானே அடித்தேன் என பேசுவதாகவும் அவன் இறந்த அதிர்ச்சி ஏற்றுக்கொள்ள முடியாததாகவும் காட்டப்பட்டுள்ளது. திருஷ்யத்திலும் அவன் இறந்த அதிர்ச்சி ஏற்கமுடியாததாகவே இருந்தாலும் அதில் அவனை அந்த பெண் பின் மண்டையில் அடிப்பது நன்றாக தெளிவாகவே அமைக்கப்பட்டிருக்கும்.

கங்கை, காசி, இராமேஸ்வரம் பவானி கூடுதுறைக் காவிரி போன்ற நீர்த்துறைகளுக்கு பாவம் போக்கும் விமோசனம் செய்யும் புனிதம் உண்டு என்பார்கள் நம்பிக்கையாளர்கள். அது போல பாபநாசத்திற்கும் உண்டு என கதை ஒரு ஏற்கெனவே இருக்கும் ஒரு நினைவுப்பொதிக்கு நியாயம் சொல்லி அத்துடன் இணைந்து கொண்டுள்ளது. இந்த படம்.

பாடல் , இசை, வசனம் யாவுமே போதுமானதாய் இருக்கிறது. வசனம் திருநெவேலி பாணியில் இருப்பதால் சில இடங்களில் விளக்கமாக புரியவில்லை. வழக்கம்போல் கௌதமி முனகுகிறார். பேசாமல்.. ஜோ(திகா) நயந்தாரா,த்ரிசா, மீனா போன்ற நபர்களை ப்போட்டிருந்தால் இன்னும் சுவை கூடியிருக்கும். சரி கமலுக்கு இது டேஸ்ட். நமக்கு இது இதை விட நன்றாக இருந்திருக்கும் என தோன்றுவதில் தவறில்லை..ஆனால் கதையோடு ஒட்டி செல்லுகிறது. அதில் ஒன்றும் குறை இல்லை. இருந்தாலும் கௌதமி அடக்கி கமலைப்போல் வாசித்திருப்பது தெரிகிறது.

பசங்க படத்தில் அந்த வாத்தியாரின் குறும்புக்கார சிறுவனாக நடித்தவர் இதில் கமலுக்கு உதவியாளர். நல்வாய்ப்புடன். ஐ.ஜி எப்போதும் போல் அசத்தியிருக்கிறார்.ஜெயமோகனின் வசனம் இயல்பாக ஓடுகிறது பாபநாச நீராக…ஆனால் எடுப்பாக சொல்லும்படியாக இல்லை. பாடல்கள் தேவையில்லாத படம். எனவே அது பற்றி சொல்ல ஒன்றுமில்லை.
பெற்ற தாயின் வயிறு உணர்ந்து சொல்வது நடந்தே விடுகிறது.அறிவியல் மாற்றம் என்ற ஒரு சிறு சறுக்கல் இந்தகதையின் படத்தின் முக்கிய முடிச்சாகி இருக்கிறது. கமலைப்பற்றி சொல்ல ஒன்றுமில்லை. இது போன்ற ரோல் எல்லாம் அவருக்கு ஒரு சாதாரணம். நாயகன், மகாநதி போல அடி வாங்கிக் கொண்டு பொறுத்துக் கொண்டு இலக்கு நோக்கி கதையை நகர்த்தும் பாத்திரம்.

கமல் இன்னும் நிறைய நாட்கள்,காலம் , தூரம் போவார் என்பதை மறுபடியும் நமக்கெல்லாம் இந்த படம் மூலம் உணர்த்தி விட்டார் என்னதான் பிற மொழி மூலத்தில் இருந்து தழுவலாய் இருந்தாலும் இது போன்ற நபர் இதை கையாளவில்லை எனில் தோல்வி அடைந்திருக்கும் எனவே அவரின் துணிச்சலையும் அவரின் ஆகிருதியுடனான அடக்கமான நடிப்பையும் அதற்கு ஒத்துழைத்த நடிகர்களான கலாபவன் மணி, பாஸ்கர், டில்லி கணேஷ்,இளவரசு, இப்படி எல்லாருமே நடித்தவர்களாய் இல்லாமல் அந்த கதையின் மாந்தர்களாய் உலா வருகிறார்கள்.எல்லாமே சுயம்புலிங்கம் அதன் சுற்றம்.அது கூட்டும் கூட்டம். கமலைப் பார்க்காமல் சுயம்புலிங்கத்தை பார்க்க முடிவது நல்ல நடிகர்க்கும் நடிப்புக்கும் அழகு சேர்த்திருக்கிறது.

ஒரு சிறு விதைதான்.ஒரு சிறு கருதான். நம்மை 3 மணி நேரம் கட்டிப் போடுகிறது .அது என்ன வாகும் என தெரிந்து கொண்டபோதும் படத்தை விட்டு நழுவ முடியவில்லை. அது இந்த படத்தின் தயாரிப்புக்கு கிடைத்த வெற்றி.

எமது படம் பார்க்கக் கூடாது என்ற முடிவை சற்று தளர்த்திக் கொண்டு, திருஷ்யம் பார்த்து விட்டோம், இது நமது தமிழில் எப்படி வந்திருக்கிறது, கமல் எப்படி செய்திருக்கிறார் பார்க்கலாம் என்ற ஒரு பார்வைக்காகவே இதை குடும்பத்துடன் பார்த்தோம். .

குறுந்தகடுகள் வழக்கம்போல் சுலபமாக கிடைக்கின்றன. 3ஆம் தேதி தமிழில் வெளிவந்துள்ள இந்த படம்..வெற்றி நடை போடுவதாக அறிகிறோம்.

மறுபடியும் பூக்கும் வரை
கவிஞர் தணிகை.