ஆ.ப.ஜெ.அப்துல் கலாம் மக்கள் சேவை இயக்கம்: கவிஞர் தணிகை


 

ஆ.ப.ஜெ.அப்துல் கலாம் மக்கள் சேவை இயக்கம்: கவிஞர் தணிகை
தமிழ் நாடு சேலம் மாவட்டத்தில் மேட்டூரில் கோம்பூராங்காடு ஊராட்சி ஒன்றிய நடுநிலைப்பள்ளியில் நேற்று மாலை 6.30மணி முதல் 9 மணி வரை 20 கருத்தொருமித்த நண்பர்கள் கலந்தளாவி ஆ.ப.ஜெ.அப்துல் கலாம் மக்கள் சேவை இயக்கம் என்ற இயக்கத்தை ஏற்படுத்தி இருக்கிறோம்.

ஈரோடு புத்தகக் கலை விழாவுக்கு தலைவர் வருகிறார் இரண்டாம் முறையாக. பார்க்க வருகிறாயா பிரபு என அழைத்தேன் கடந்த ஆண்டில் . அப்போது அந்த தம்பியால் வர இயலவில்லை. பணிப் பொறுப்பு.

கலாம் இறந்த அன்று முதல் எம்மிடம் நீங்கள் அழைத்தீர்கள், வந்து பார்க்க முடியாமல் போய்விட்டது என்று வருத்தம் தெரிவித்துக் கொண்டே இருந்தார். ஏன் என்னிடம் என்கிறீரா? ஒரு வரிக் கடிதம் எழுதி உங்கள் கடிதம்,அல்லது நீங்கள் அனுப்பிய புத்தகம் கிடைத்தது நன்றி, வாழ்த்துகள் என ஒருவரிக் கடிதம் பெற்றவர்களே பெரிதாக கொண்டாடிக் கொண்டிருக்கும் காலத்தில் அந்த உத்தமர் தமது குடியரசுத் தலைமைப் பொறுப்பில் இருந்த காலத்தில் எமக்கு வணக்கம் தெரிவித்து தம் கைப்பட முதல் வரியை எழுதி ஆரம்பித்து சுமார் 15 வரிகளில் எமக்கு கடிதம் எழுதியதை இந்த இளைஞர்கள் அல்லது இது பற்றி அறிந்தார் பாக்யம் பெற்றதாக கருதுகிறார்கள். பேசி வருகிறார்கள். எனது எல்லா புத்தகங்களும் அவரிடம் கொண்டு சேர்க்கப்பட்டது.

இந்த இளைஞர் , கலாமுக்கு தாம் ஆரம்பக் கல்வி படித்த பள்ளி வளாகத்தில் ஒரு சிலை வைக்க விரும்பி அது குறித்து எம்மை அணுக, அடியேனோ, அது ஒரு பொது நிகழ்வு இரண்டு பேர் எல்லாம் போதாது என வழி நடைப்படுத்தி ஒத்த மனமுள்ளார்,கருத்து கொண்டோர் என 20 பேரை தொடர்பு கொண்டோம்.

29.08.15 அன்று எங்களின் முதல் சந்திப்பு நடந்தது. இதில் இந்த இயக்கத்துக்கு: ஆர்வமுள்ள அந்த 20 பேரும் கலந்து கொண்டனர். அதில் ஒருவர் ஊரின் வார்டு மக்கள் ஊராட்சி ஒன்றிய பிரதிநிதி. மேலும் உள்ளூர் வார்டு மக்களின் ஊராட்சி ஒன்றிய பிரதிநிதியும் தாம் பொள்ளாச்சியில் இருப்பதால் , நடக்கும் கூட்டம் ஞாயிறு அன்றாய் இருந்தால் கலந்து கொள்ள முடியும் என்றாலும் எல்லாவகையிலும் உறுதுணையாக இருப்போம் என உறுதி பகன்றார்.

தீர்மானங்களாக, ஆ.ப.ஜெ.அப்துல் கலாம் மக்கள் சேவை இயக்கம் என இந்த இயக்கத்துக்கு ஒரு மனதாக பெயர் தேர்வு செய்யப்பட்டு முதல் கூட்டத்தின் விவரம் மினிட் ஆக்கப்பட்டது.

அதில் தலைவரின் மார்பளவு சிலை பள்ளி வளாகத்துள் அல்லது வாயிலில் அமைக்கவும்,அதற்கான அனுமதி விவரங்கள் சேகரிப்புக்கும் ஒரு வாரம் கால அவகாசம் எடுத்துக் கொள்வது என்றும்

மறுவாரத்தின் கூட்டம் 06.09.15 ஞாயிறு அன்று மாலை 5 மணிக்கு வைத்துக் கொள்ள வேண்டும் என்றும் தீர்மானிக்கப்பட்டது.

அது மட்டுமின்றி சிலை என்பது ஒரு அடையாளத்துக்கானது, அது ஒரு குறியீடு, ஆனால் அதை அத்துடன் சிலை வைப்பதுடன் நின்று விடாமல் மக்கள் ஆதரவு கிடைத்து நல்ல நிறுவனமாக இதை மாற்றும் போது அறக்கட்டளையாகவும் செய்து இளம் ஏழை மாணவர்களுக்கு மேற்படிப்பு, இன்ன பிற உதவிகள் செய்யவும் சமுதாய மேம்பாட்டுக்கான பலவகையான பணிகளுக்கும் பயன்படுத்த வேண்டும் இந்த இயக்கம் அதற்காக உழைக்க வேண்டும் என்ற கருத்துகளும் முன் வைக்கப் பட்டன.

இதை ஒர் செய்தி பதிவாக காலத்தின் முன் வைக்கிறேன் உங்களிடமும் தான்.

மற்றபடி இதற்கும் இந்த இயக்கத்திற்கும் அவரின் சிலை அமைவுக்கும் உங்களுக்கு உதவ வேண்டும் என்று வேட்கை இருப்பின் எமது கீழ்கண்ட கணக்கிலும் தங்களால் ஆன சிறு அளவிலானாலும் பொருள் உதவி செய்யலாம்.

Bank: Central Bank of India METTUR DAM.SALEM DIST.TAMIL NADU.INDIA.PIN:636 402. Account number:1930143137 In the Name of :TANIKAACHALAM S & SHANMUGAVADIVU T. IFSC:CODE:CBIN 0282563

நிதி மிகுந்தவர் பொற்குவை தாரீர் நிதி குறைந்தவர் காசுகள் தாரீர் அதுவுமற்றவர் வாய்ச் சொல் அருளீர், எண்ணம் சேர்ப்பீர், எவ்வகையானும் இப்பெருந் தொழில் நாட்டுவம் வாரீர்! – மகா கவி.

வணக்கம்
நன்றி

மறுபடியும் பூக்கும் வரை
கவிஞர் தணிகை.

அடுத்த ஜென்மத்திலாவது இந்த நாட்டின் தலைமையை ஏற்கவேண்டும் அதற்காகவாவது மறுபடியும் பிறக்க வேண்டும்.: கவிஞர் தணிகை


 

அடுத்த ஜென்மத்திலாவது இந்த நாட்டின் தலைமையை ஏற்கவேண்டும் அதற்காகவாவது மறுபடியும் பிறக்க வேண்டும்.: கவிஞர் தணிகை
மண்ணெல்லாம் பொதுவாக தேச உடைமையாக வேண்டும், குடிநீர் எல்லாம் பொதுவுடமையாக தேச உடைமையாக வேண்டும். நதி நீர் தேசமுழுதும் இணைக்கப் பட வேண்டும் போக்குவரத்து, தகவல் தொழில் நுட்பம், செல்பேசி தொழில் நுட்பம்,எல்லாம் தனியாரிடமிருந்து அரசாங்கத்திடமே இருக்க வேண்டும்.ரசியா சீனா போல இந்தியாவும் அரசியல் நாகரீகம் பெற வேண்டும்.

மது விலக்கு முற்றிலும் நாடு முழுதும் அமல்படுத்தபடல் வேண்டும்,பாதுகாப்புப் படைகளுக்கு தேர்ந்தெடுக்கப்படும் வீர முகங்கள் கூட மதுவுக்கு அடிமைப்படா சிங்கங்களாக இருக்க வேண்டும். அதற்கான பயிற்சி இருக்க வேண்டும். கல்லூரி மாணவர்களின் ஒரு சில ஆண்டுகள் நாட்டுக்கு அர்ப்பணிக்கப் படல் வேண்டும். அது பாதுகாப்புப் பணியில் அல்லது நதி நீர் இணைப்புப் போன்ற ஆக்கப் பணியில் இருக்க வேண்டும்.

ஒரே கட்சி ஆட்சி முறை அல்லது இரு கட்சி ஆட்சி மட்டுமே இருக்க வேண்டும். சாலையெங்கும் பொதுக்கூட்ட மேடை அமைப்பது தடை செய்யப் படல் வேண்டும், ஆளும் கட்சியாக இருந்தாலும் திருட்டுத்தனமாக மின்சாரம் எடுத்து அவர்களது கூட்டத்திற்கு பயன்படுத்தும் நிலை இல்லாது செய்யப்படல் வேண்டும். வருவாய் உள்ள துறை யாவற்றையும் தனியாருக்கு தாரை வார்க்கப் படும் நிலைகளுக்கு முற்றுப் புள்ளி வைக்கப்பட்டு அத்தனை துறைகளையும் அரசே எடுத்துக் கொள்ள வேண்டும்.

கனிம வளம், புதை பொருள்கள், மண் வளம் ஆகியவற்றை அழியாமல் காக்க வேண்டும், வளம் கொழிக்கும் நதி மேட்டுப் படுகை மணல் கொள்ளை தடுக்கப் படல் வேண்டும்.

பொது இடங்களில் பொழுதுபோக்கு இசை ஆபாசமாக ஒலிப்பது தடை செய்யப்படல் வேண்டும். உறவு முறை சீராக இருக்க நீதியும் சட்டமும் பயன்படல்வேண்டும்.பாலுறவு சொல்லும் இணையங்கள் வரையறைக்குட் படுத்தப் பட்டு பாலியல் கல்விக்கு துணை செய்யுமாறு மாற்றி அமைக்கப் படல் வேண்டும்.

 

 

சினிமா அம்சங்கள் தேவையேற்பட்டால் நதி நீர் இணைக்கும் காலம் முடியும் வரை தடை செய்யப்படல் வேண்டும்.அல்லது நாட்டு நலனுக்காக முறைப்படுத்தப் படல் வேண்டும். சென்சார் போர்டு என்பது தேசியம் காக்க வரயறை செய்யப்பட்ட கலை இலக்கிய வடிவங்களின் ஆக்கபூர்வமான செயல்பாடுகளுக்கே அனுமதி கொடுக்கப்படல் வேண்டும்.

போதை, புகை, புகையிலை சார்ந்த பொருட்கள், போதை யூட்டும் மாத்திரைகள் , பொடிகள், அபின், கஞ்சா போன்ற அத்தனை இளைஞர்களின் அழிவூட்டும் சக்திகளை அறவே அழிக்கப்பட வேண்டும்.

நீதி மன்றங்கள், அரசு தளங்கள் யாவும் சமுதாயம் சார்ந்த மக்கள் நலம் சார்ந்த சட்ட திட்ட நெறிமுறைகளின் பால் தமது பங்கை பொறுப்புணர்வை செலுத்த வேண்டும் அல்லாதன உதறித் தள்ளப்பட வேண்டும்.

இயற்கை விவசாயம் சார்ந்த வேளாண்மைக்கு முன்னுரிமை செய்யப் படவேண்டும். வேளாண் அறிவியல் , கல்வி, மருத்துவம் சுகாதாரம் இவற்றுக்கே முன்னுரிமை செய்யப் பட வேண்டும்.

மேலை நாடுகளில் போய் அந்த நாட்டின் மேன்மைக்கு உதவிடும் சிவா அய்யாத் துரை, பிச்சை சுந்தரராஜன் போன்றோர் மட்டுமல்ல அனைத்து இந்திய வெளி நாட்டு மனித வளம் யாவும் இந்தியாவுக்கே திரும்பிடும் தொழில் நுட்பம் சார்ந்த அறிவும் வசதி வாய்ப்புகள் அவர்களின் ஊக்கத்திற்காக ஏற்படுத்தல் வேண்டும்.

தனியார் மயம் அறவே கைவிடப்பட்டு எல்லாம் தேச உடமை, மக்கள் உடமை ஆக்கப்படல் வேண்டும். தாரளமயம், உலகமயம் என்ற பேரில் தனிமனித சுதந்திர ஆதாரா வேள்விகள் ஆக்க சக்திகள் அழிவுபடாமல் காத்தல் வேண்டும்.

அறிவு சார் குழுக்கள் ஏற்பாடு செய்யப்பட்டு, மருத்துவம் நிர்வாகம், பொருளாதாரம், வணிகம் போன்ற எல்லாத் துறைகளையும் மேன்மைப்படுத்த ஆய்வும் மறு ஆய்வும், சாதனையும் செய்ய ஊக்கப் படுத்தல் வேண்டும்.

மனித வளம் யாவுமே தேசிய சொத்து, குழந்தைகள், முதியோர் யாவருக்கும் தேசத்தின் நேரடியான கவனிப்பில் விடப்பட்டல் வேண்டும்.

அனாதை இல்லங்கள், முதியோர் இல்லங்கள், உடல் ஊனமுற்றோர் ஆதரவில்லங்கள் போன்றவை யாவுமே இல்லாமல் மனித அரவணைப்புக்குள், அரசின் கருணை ஆட்சிக்குள் உட்படுத்தப்பட வேண்டும்.

மரக்கூட்டங்கள், தாவரங்கள், விலங்குகள், பறவைகள் , இயற்கை வளங்கள் யாவும் காக்க கடுமையான நடவடிக்கைகள் எடுக்கப் படல் வேண்டும். முதியோருக்கும் நாட்டுக்கு நல்லது செய்யும் தியாகிகளுக்கும் அவர் வாழ்வை பின்பற்றும் மக்கட் செல்வங்களை உருவாக்க பாடங்கள் வேண்டும்.

கல்வி முறை ஆக்கபூர்வமாக வெறும் எண்ணும் எழுத்தும் தான் கல்வி, மொழியறிவுதான் கல்வி என்ற நிலைக்கு முற்றுப் புள்ளி வைக்கப்பட்டு ஆர்வத்திற்கேற்ப வாழ்க்கைக்கேற்ப, ஆக்கப்பூர்வமானதாக அமைத்துக் கொடுத்து நெறிப் படுத்தல் வேண்டும்.

சாதி, மதம், மொழி , இன வேறுபாடு பரப்புவார் யாவரும் வேண்டுமானால் தனிப்பட்டு வீட்டுக்குள் நாலு சுவருக்குள் தமது நம்பிக்கை பாராட்டலாம், பொது இடத்தில் வெளியில் எதையுமே வேற்றுமைப் படும்படி செய்யாமல் மனித நேயத்துடன் மனித இனம் யாவும் ஒன்று படும் நடவடிக்கைகள் ஆகியவற்றில் மட்டுமே ஈடுபட வேண்டும்.

இப்படி இன்னும் சொல்ல நிறைய உண்டு… கனாக் காண உரிமை உண்டு.

ஒரு கூட்டத்திற்கு ஏற்பாடு செய்து வருகிறோம். டாக்டர். ஏ.பி.ஜெ. அப்துல்கலாம் அவர்களுக்கு ஒரு பள்ளி வளாகத்துள் ஒரு சிலை அமைப்பது பற்றியும் அதன் தொடர்ச்சியாக ஏழை மாணவச் செல்வங்களுக்கு அவர்களின் எதிர்காலத்தில் உதவுவது பற்றியும் 30 முதல் 50 ஆர்வமுள்ள பேரை அழைத்து பேச உள்ளோம். கூட்டம் 5.30 மணிக்கு மாலையில் அந்த கோம்பூரான் காடு ஊராட்சி ஒன்றிய நடு நிலைப்பள்ளியில் என ஏற்பாடு செய்துள்ளோம். இதற்கு எமது அன்புத் தம்பி பிரபு ராஜேந்திரன் அவர்கள் ஆர்வமுடன் உறுதுணை புரிகிறார்.

நீங்களும் பங்கு கொள்ளலாம்.

உழைப்பாக, உறு துணையாக, அல்லது பொருளாக, நிதியாக உதவியாக…மறுபடியும் பூக்கும் சர்வீஸஸ் தளத்தில் சொல்லப்பட்டுள்ள வங்கி எண்ணில் கூட உங்கள் பங்கை செலுத்தலாம். நன்றி

மறுபடியும் பூக்கும் வரை
கவிஞர் தணிகை.

மயானமே பூமியை அழகு படுத்துகிறது- வினோபா பவே> கவிஞர் தணிகை.


மயானமே பூமியை அழகு படுத்துகிறது- வினோபா பவே> கவிஞர் தணிகை.


ஒருவரின் கையெழுத்து இன்னொருவருக்கு நினைவுப் பரிசாகும்போது அது வெற்றியின் கதை என்கிறார் டாக்டர்.ஏ.பி.ஜெ.அப்துல்கலாம்.செத்த பிறகு இந்த சுடுகாடு, இந்த இடுகாடு வேண்டாம் இது குப்பையாக கூளமாக கழிவுப் பொருள் கூடமாக இருக்கிறது என இரசாயன எச்சஙகளுடன் கிடக்கும் எங்களது ஊரின் சுடுகாட்டை நிராகரித்து தமக்கு சொந்தமான இடத்தில் சில கி.மீ தள்ளி புதைக்க சொல்லி இறந்திருக்கிறார் ஒரு படித்தவர்.புதைப்பதை விட எரிப்பது சால சிறந்தது.

அவர் தமது உயிலில் வெறு எவரும் வேண்டாம் எமது 2 பெண்களே இறுதி காரியம் செய்யட்டும் என முன் மொழிந்திருக்கிறார். அவர் கேட்டுக் கொண்டிருந்த அந்த இரண்டு இறுதி ஆசைகளுமே நியாயமுள்ளவைகளாக பொருள் பொதிந்தவையாகவே இருக்கின்றன. குறை சொல்ல ஏதுமிருப்பதாக தெரியவில்லை. நியதிகளும், நியமங்களும் பாரம்பரியங்களையும் ஐதீகம் என்னும் பழங்கதைகளையும் மூடத்தனமான அர்த்தமில்லா சாங்கியங்களில் இருந்தும் வெளிவந்து கொண்டிருப்பது ஆரோக்யமான வளர்ச்சி.

நமக்குத்தான் தாயை அவரது கண்களை தானமாக செய்து இருந்த போதும், அவரை நமது இடத்திலேயே எரியூட்ட எண்ணி முன்னர் நினைத்திருந்த போதும் எதுவுமே முடியாமல் போயிற்று. அந்த நேரத்தில் மூளை முழுதாக இயங்கவே மறுத்து விடுகிறதே சாமி என்னதான் செய்ய? எல்லாம் ஏற்பாட்டில் நடப்பதில்லையே. திடீரென ஒரு நாள் அந்த நாள் அந்த கறுப்பு நாள் வந்து விடுகிறதே. எம் பெற்றோர் இருவரது மரணங்களுமே திடீரென கொடுத்து வைத்தாற் போன்றே நிகழ்ந்து விட்டன. ஊரார் நல்ல சாவு என்றார்கள். பறிகொடுத்த எம்மால் தான் எப்போதும் மீண்டு வர முடியாதென்று உணர முடிந்தது தெரிந்தது.

சிவாஜிக்கு வி.சி. கணேசன் அவர்களுக்கு தமிழக அரசு சார்பில் சத்யா ஸ்டுடியோ எதிரில் 2 ஏக்கரில் நிலம் ஒதுக்கி பல ஆண்டுகள் ஆன நிலையில் தற்போது சட்டமன்ற கூட்டத்தில் இவருக்கு நினைவாலயம் ஒன்றை நிறுவ அரசு தீர்மானம் நிறைவேற்றியுள்ளது. இது அரசு ஆணையாக மாறி நிறைவேறட்டும். அனைவருமே இதை வரவேற்கிறார்கள்.அதிலும் நடிகர் சங்க அரசியல் ஒரு பக்கம் ஏற்கெனவே செய்யாமல் விட்டது நடிகர் சங்கத்துக்கு அவமானம் என்று.

எங்கள் ஊர் சுடுகாடு அல்லது இடுகாடு எப்படி இருக்கிறது எனில் ஊரின் குப்பை கூளங்கள் அங்குதான் எடுத்து சென்று கொட்டப்படுகின்றன. தீ மூட்டி அழிக்கவும் முயற்சி செய்யப்படுகின்றன. அதல்லாமல் அங்கே உள்ள 4 இரசாயன ஆலைகளின் கழிவுகள் மெக்னீசியம் சல்பேட் (ஜிப்சம் உப்பு) ஆலைகள் வெளியேற்றும் கழிவுகளும் கொட்டப்பட்டு நிலத்தையும், கழிவு வாயு வெளியேற்றப்பட்டு காற்றும் மாசுபட்டு மனிதர்கள் பிரவேசிக்கவும் தகுதி அற்று கிடக்கின்றன.

நானறிந்த வரையில் கோவை சூலூர், சேலம் அம்மாப் பேட்டை செங்குந்தர் மயானப் பூங்கா, தாரமங்கலம் அருகே பவளத்தானூரில் இருக்கும் ஒரு நீத்தார் நந்த வனம், போன்றவை மிக அருமையாக பராமரிக்கப் பட்டு வருகின்றன. இங்கு செல்வோர் அமைதியாக நீத்தாருக்கு இறுதி செய்ய அத்தனை வசதி வாய்ப்புகளும், சமையல் அறை, குளியல் அறைகள், நீர் வசதி. பூக்காடு, மரக் கூட்டம், பொது காரியங்கள் செய்ய கூடங்கள் இப்படி மிக அருமையாக திட்டமிடப் பட்டு இன்னும் கொஞ்ச நேரம் அமர்ந்து இளைப்பாறி விட்டு அமைதி அடைந்து விட்டு செல்லலாமே என மனமும் எண்ணமும் ஏங்குமளவு இருக்கின்றன.

இப்படி இருக்கும் இடத்தை தனிமையை யாரும் காரியம் செய்யாதபோது காதலர்கள் கூட பயன்படுத்திக் கொள்ளுமளவு பாங்குடன் இருக்கிறது என்றால் பார்த்துக் கொள்ளுங்களேன்.இதே போல ஆற்றங்கரைகளையும் இந்த இறுதி காரியத்துக்காக பயன்படுத்தி வருகின்றனர். இதற்கு மேட்டூர் காவிரியின் கீழ் மேட்டூர் பாலம் அருகே கோவில் அருகே அன்றாடம் காரியங்கள் நடைபெற்று வருகின்றன.இந்த படித்துறையும் பரவாயில்லை. ஆனால் இது 11 ஆம் நாள் காரியத்துக்கு மட்டுமே பயன்படும் இடமாகும். சாஸ்திரம் என்று சொல்கிறார்களே அதற்காக.

சென்னையில் சுமார் 30 இடங்களுக்கும் மேலாக இந்த இறுதி காரியங்களுக்காக இடங்கள் நியமிக்கப்பட்டு முக்கியமான இடங்களில் மின் மயானங்களாகவும் மாறி உள்ளன. கொஞ்ச நேரத்தில் சாம்பல் பாக்கெட் கையில் கிடைக்க…

பெரும்பாலான கிறித்தவ சமாதிகள் சில நூறாண்டுகளுக்கும் பின் மறுபடியும் இடிக்கப்பட்டு எல்லாம் துர்க்கப்பட்டு மறுபடியும் நீத்தாருக்காக தயார் நிலையில் வைக்கப்படுகின்றன. இதில் பணம் கட்டி இந்த இடம் எங்களுக்குத்தான் சொந்தம் என நினைவாலயம் போல் எழுப்பி இருப்பவர்களின் நிலை என்னவாகுமோ என தெரியவில்லை.

சில பெரும்பாவம் செய்த பணக்காரர்கள் தங்களது இடத்டை தேர்வு செய்து அதில் எப்போதும் குடி இருப்பது போல அழகு படுத்தி வைத்துள்ளனர். குடும்பங்கள் கூடி நினவை பகிர்ந்து கொள்ள..

 

இப்படி எழுப்பிய சமாதிகளில் மிகுந்த பிரபலமானதும் பொருட்செலவு உடையதும்,உலக பிரசித்தி பெற்றதும் அழகானதும் தானே நமது தாஜ் மஹால். உலக அதிசயமானாலும் அதுவும் சமாதிதான். என்ன அதில் அவரின் நேசம் தெரிகிறதாம் 3ஆம் மனைவியான தாஜ் 14 வது பிள்ளைப் பேறின் போது உயிர் இழந்திருக்கிறாள்.

தற்போது ஒரு முகமதியப் பெரியவர் ஒருவர் தமது மனைவிக்கு தம்மால் முடிந்த அளவு உ.பியில் தமது ஓய்வூதியத்தை நிலம் வாங்கி ஒரு தாஜ் போன்ற நினைவு மண்டபம் கட்டி அந்த இடத்தையும் இப்போது பலர் சென்று பார்த்து வருகின்றனராம். இவருக்கும் இடம் பக்கத்தில் ஒதுக்கிக் கொண்டுள்ளாராம் இது முழுமை பெற முடியாமல் இருக்கிறதாம். பொருளாதார பற்றாக்குறையால். ஆனால் இவர் யாரிடமும் நன்கொடை பெற்று இதை முடிக்க விரும்பவில்லையாம். அகிலேஷ் யாதவ் கூட இவரை வந்து சந்திக்க சொல்லி உள்ளதாகவும் இவருக்கு பண உதவி செய்ய தயாராக இருப்பதாகவும் செய்தி. ஆனால் இவர் அதையும் மறுத்து மக்கள் கோரிக்கை மட்டுமே வைத்து சந்தித்து திரும்ப விருப்பதாக சொல்கிறார்.

Image result for taj mahal

 

நேற்று இரு நண்பர்களுடன் இரவில் பேசியபோது கிடைத்த தகவல்கள். ஒருவரின் முதல் மனைவி இல்லை. இரண்டாம் மனைவிக்கு வயது வந்த மகள் உண்டு. இவர் ஏகமாக குடித்து விட்டு பெருச்சாளிக்கு வைக்கும் சல்பேட் மருந்தை குடித்து விட்டு தற்கொலை. சாகும் முன் மருந்தை குடித்ததாகவும், குடிக்கவில்லை என்றும் இவரை எடுத்து சென்ற உறவினரை குழப்ப..அரசு மருத்துவர்கள் இந்த விஷம் மிக அபாயகரமானது. இவர் குடித்து விட்டு வாந்தி எடுத்திருந்தாலும் இவரைக் காப்பாற்ற வழியில்லை என சொல்லி விட்டனராம்.இறந்த இறப்பு அன்றுதான் அந்த இரண்டாம் மனைவியும் மகளும் வந்திருந்தனாராம். அவ்வளவு பிடிப்பு இந்த நபர் மேல் விலகி வாழும் அளவு.

மற்றொரு 25 வயது வாலிபன் போதை மாத்திரை வலையில் சிக்கி வாழும்போதும் உயிர் இருந்த போதும் செத்து கொண்டு இருக்கிறானாம். இவனருகே ஒரு நண்பர் இருந்து எதையாவது நன்மை செய்ய முயற்சிக்கிறாராம். இதெல்லாம் முடியுமா? சாத்தியமா?

வினோபா பவே சொல்வார்…மயானமே பூமியை அழகு படுத்துகிறது என…இந்த மனிதக் கூட்டம் செய்யும் அட்டூழியம் வேறு எந்த உயிர்களுமே செய்யாதது. இந்த மனிதக் கூட்டம் ஒருபக்கம் இந்த பூமியின் அழகை இந்த பூமியின் வளங்களை அழித்து வரும் அதே வேளையில் எண்ணிக்கையில் அதிகம் பெரும்பான்மை இல்லாத குழுக்கள் பூமியை அழகு படுத்த விரும்புகிறது.

சூரியனே பெரும் தோட்டி என்பார் அது போல இந்த மயானம் என்ற ஒன்று இல்லையெனில் மனித குலமே ஏன் உயிரினமே ஒட்டுவார் ஒட்டி என்னும் நோய் ஊக்கிகளால் தொட(ர)ப் பட்டு அழிந்து விடுமே…உயிர் மடிந்து படுமே…

மனிதம் இருக்கும்போதும் இறந்த பின்னும் தூய்மையான இடத்தில் இருந்தால் அது சுகாதாரம். செழிப்பு. அழகு. வளர்ச்சி.வாழும்போதும் செத்தபோதும் குப்பையாகவே இருக்கும் இடங்களுக்கு ஏது மதிப்பு?

மறுபடியும் பூக்கும் வரை
கவிஞர் தணிகை.

பாவத்தின் எல்லை எது வரை அது அவரவர்கள் போகும் வரை: கவிஞர் தணிகை


பாவத்தின் எல்லை எது வரை அது அவரவர்கள் போகும் வரை: கவிஞர் தணிகை


அதிர்ச்சி அடைய வேண்டாம், சகோதர சகோதரியும்,தாயும் மகனும் பாலுறவு கொண்டதாக சொல்கிறார் பொய்யோ, மெய்யோ? சாதிய பங்கீட்டுக்காக குஜராத் பற்றி எரிய ஹர்திக் படேல் காரணமாகிறார்,இந்திராணி முகர்ஜி என்ற பெண் தனது மகளை, மகனை சகோதர சகோதரி என்று 3 முறை மணம் கொண்டு 2012ல் தம் மகளையே செய்த கொலைக்கு தற்போதுதான் கைது செய்யப்படுகிறார். தமிழகத்தின் முதல்வர் தம் வழக்கை கையில் எடுக்கவே எதிர் அணியினர்க்கு உரிமை தகுதி இல்லை என்கிறார்.

எல்லாருக்குமே ஒரு எல்லை இருக்கிறது அது மரணம்,. ஆனால் அதுவரை செய்யும் செயல்கள் பாவமானாலும் புண்ணியமானாலும் தமக்கு விரும்பிய வரை அந்த எல்லைக் கோடுகளை தள்ளிப் போட்டுக் கொள்ளும் ஞானம் வாய்ப்பு எல்லாம் இருக்கிறது. இறப்புக்குப் பின் நியாயத்தின் கேள்வியும் அதற்கான தண்டனையும் இருப்பதற்கில்லை என்ற சிந்தாந்தம் வலு அடைந்து விட்டதாகவே தோன்றுகிறது.

பகவத் கீதையில் கிருஷ்ணர் அர்ஜுனனிடம் போர் தொடு காண்டீபம் ஏந்து கொன்று குவி.அது உனது கடமை என்கிறார். அதை எவர் வேண்டுமானாலும் எப்படி வேண்டுமானாலும் கருத்து செறிவாக்கிக் கொள்ளலாம். போரின் போது கொல்வது வீரம். பாவமல்ல அது எத்தனை பேரை கொன்றபோதிலும். ஆனால் ஏன் அசோகன் போன்றோர் மாறினார் என்பதெல்லாம் சிந்திக்க நேரமில்லை. வேட்கையும், காமமும், பேராசையும் பசியும் கண்ணை மறைக்கிறது.வேகம் வேகம் வேகமாக எல்லாவறையும் அனுபவித்தாக வேண்டும், எல்லாமே வேண்டும்.அதுவும் இப்போதே வேண்டும். அதற்கு என்ன வழி வேண்டுமானாலும் என்ன நெறி வேண்டுமானாலும் வேதமாக எடுத்துக் கொள்ளலாம்.

எதுதான் பாவமில்லை, யார்தான் பாவம் செய்ய வில்லை? சமண மதம் சொல்வது போல மூச்சுக் காற்றில் சுவாசிக்கும்போதும் கூட கண்ணுக்குத் தெரியா நுண்ணியிரிகளின் அழிவுக்கும் பிறகே நாம் காற்றை உள் இழுத்து வெளி விட முடிகிறது. உயிர்ப்போடு இருக்க முடிகிறது.

அறிவியல் அறிஞர் ஜெகதீச சந்திர போஷ் சொல்வது போல எல்லா தாவரங்களுக்கும் உயிர் இருக்கிறது என்று உண்மையின் படி விவசாயிகள் பல்லாயிரக்கணக்கான பல இலட்சக்கணக்கான பல கோடிக்கணக்கான உயிர்களை மாய்த்தே பயிர் என்றும், களை என்றும் நமக்கு உணவுப் பயிர்களை செய்து தருகின்றனர். அதற்கு மேல் நாம் உண்ணும் உணவுக்காகவும் பொருளாதார வியாபார நிமித்தமாகவும் விலங்குகளும் பறவைகளும் அழிக்கப் படுகின்றன. துன்புறுத்தப்படுகின்றன மனிதர்களின் நல்வாழ்வுக்காக இல் வாழ்வுக்காக..இவை எல்லாம் கூட பாவமே.

ஆனாலும் பிற உயிர்களைக் கொல்வது பெரும்பாவமாக கருதப்படுகிறது மரத்தை வெட்டினால் நாம் அதை பெரும்பாவமாக கருதுவதில்லை. ஆனால் ஒரு யானையின் தந்தத்துக்காக அது கழுத்தறுக்கப்பட்டு வேட்டையாடப்பட்டால் வீரப்பன் போன்றோர் செய்யும்போது அது பெரும் பாவமாக சமுதாயத்தில் கொள்ளப்படுகிறது.கண் முன் பெரிய உடலும் உயிருமாக இரத்தமும் சதையுமாக வீழ்ந்தால் பரிதாபம். ஆனால் கொல்ல வரும் பாம்பை அடித்துக் கொல்லலாம். அஹிம்சை ஏற்றுக் கொள்ள…

காடழிப்பது, விலங்குகளை அழிப்பது, நீர்வாழ்வனவற்றை அழிப்பது எல்லாமே பாவம்தான். ஆனால் மனிதம் செய்தே வருகிறது.

அது போலவே மனித உறவுகளில் பாவம் புண்ணியம் பாலுறவு போன்றவை பெற்றவர், உடன் பிறந்தார், பிறன் மனை போன்றவை பாகுபடுத்தப்பட்டு இவை நல்லது இவை பாவம் போன்ற மொழிகள் நாகரீக அடிப்படையில் அற நெறிகளாக வகுக்கப்பட்டு முன்னோர்களால் சான்றோர்களால் சொல்லப்படுகின்றன.ஆனால் அவற்றை மீறிடும் செய்திகளை நாம் சந்தித்து வருகிறோம்.

கடந்த சில நாட்களாக மும்பை மையம் சார்ந்த ஸ்டார் டிவியின் முன்னால் தலைமை நிர்வாகியின் மனைவி இந்திராணி முகர்ஜி என்பவரின் கைது நடவடிக்கை ஊடகத்தை அதிரவைக்கிறது. இவர் இதுவரை உலகு தெரிந்து 3 கணவர்களுடன் வாழ்ந்திருக்கிறார். தமது முதல் கணவரின் வழி பிறந்த பிள்ளைகளையே தங்கை, தம்பி எனச் சொல்லியபடி, வெளிக்காட்டியபடி பொருளாதாரத்திற்காக அந்தஸ்துக்காக, அதில் ஒரு கணவரான பீட்டர் முகர்ஜி – 3 ஆம் கணவரின் முன் மனைவிக்கு பிறந்த ராகுல் என்ற மகனுக்கும் இவரின் முதல் கணவரின் மகளான சீனா போரா என்பவருக்கும் இருந்த தொடர்பை வெட்டிவிடவே கொன்றதாக செய்திகள். இதில் இது வரை இந்திராணி முகர்ஜி, அவரது கார் ஓட்டுனர் ஷியாம் ராய்(உரிமம் இல்லா துப்பாக்கி வைத்திருந்த வழக்கில் கைது செய்து விசாரித்தபோது இந்த பேருணமை வெளிப்பட்டதாம்), இரண்டாம் கணவர் சஞ்சீவ் கண்ணா ஆகிய 3 பேர் கைது செய்யப்பட்டிருக்கிறார்கள்.. கொலை நடந்தது ஏப்ரல் 2012ல் 3 அண்டுக்கும் மேலான பிறகு. அதுவரை கொலையுண்ட பெண் பற்றி எந்த வித காணாமல் போய்விட்டார் என்ற புகாரைக் கூட யாரும் செய்யவில்லையாம். மேலும் இவர் அமெரிக்காவில் வாழ்வமர்ந்து விட்டார் என்றே இவரது தாயும் சகோதரி என்றும் சொல்லி வந்தவருமான இந்திராணி முகர்ஜி சொல்லி வந்தாராம்.

எல்லா இடங்களிலும் நாடுகளிலும் சாதி, மத,இன வாதஙக்ள் இருப்பதை அவ்வப்போது ஊடகத்தில் வரும் செய்திகள் நிரூபணம் செய்து வருகின்றன. நேற்று நாம் சிவா அய்யாத்துரையின் பேட்டியின் போது அமெரிக்கா போன்ற முன்னேறிய நாடுகளில் கூட தங்கும் ஊர்களைப் பொறுத்தும் கூட மனிதர்களின் தராதரங்கள் இருந்தன என்பதை அவர் பேட்டர்சன், என்ற இடம், நியூ ஜெர்ஸி, அதன் பின் நியூயார்க், வாசிங்டன் போன்றவை பற்றி சொல்லி இருந்தார். ஏன் நமது இந்தியாவில் சில நாட்களாக மோடியின் புண்ணியபூமியாக கருதப்படும் அது காந்தி பிறந்த தேசம் என்பதை எல்லாம் விட்டு விட்டு 3 முறை முதல்வராக ஒரு சேர இருந்ததால் மோடி புகழ் பாடினார்களே அங்கிருந்து ஹர்திக் படேல் என்ற 22 வயது இளைஞர் சுமார் 5 இலட்சம் பேரைக் கூட்டி படேல் இனத்தார் குஜராத்தில் 12% இருக்கிறார். அவர்களுக்கு கல்லூரி அரசு ஆகியவற்றில் உரிய பங்கீடு வேண்டும். இல்லாவிட்டால் 2017ல் தேர்தலில் அதன் முழக்கம் இருக்கும். படேலினத்தார் ஆதரவை பெறுவாரே ஆட்சிக்கு வரமுடியும் என சூளுரைத்திருக்கிறார்… வாகனங்கள் அடித்து நொறுக்கப்பட, சில உயிர் போக, பலர் காயமடைய பெரும் போர் ஆரம்பித்து விட்டது அந்த காந்தி பிறந்த மாநிலத்தில்.

சாதி பேசுகிறது தேர்தலில் தமது வாசத்தை இந்தியாவெங்கும் அள்ளி வீசுகிறது என்பதை யாரும் மறுக்கவோ மறக்கவோ முடியாது. மதம் சார்ந்த மக்கள் தொகையில் இந்து மதம் சார்ந்த மக்கள் தொகை வளர்ச்சி 96 கோடிகளுக்கும் மேல் சுமார் 17 % வளர்வதாகவும் முகமதிய மதம் 24 % வளர்வதாகவும் (ஆனால் இதன் பெருக்கத்தில் இருந்து சற்று இந்த மதம் வளர்ச்சி குறைந்துள்ளதாகவும் செய்தி) இப்படியாக சாதி மதம் சார்ந்த பிரிவுகளும் உலகெங்குமே ஓங்கியபடியே இருப்பதை மறுப்பதற்கில்லை.

இலஞ்சம், ஊழல் இல்லாத ஆட்சி முறை இல்லை கட்சி இல்லை இதில் என்ன அரசியல் தூய்மை? எல்லா கட்சிகளும் விதிவிலக்காக இல்லை என்பதால் உறுதியாக தமிழக முதல்வர் தமது சொத்து குவிப்பு வழக்கு மனுவில் உச்ச நீதிமன்றத்தில் கர்நாடகா அரசோ, தி.மு.க அன்பழகனோ, சு.சாமியோ எந்த வகையிலும் எதிராக மனுச் செய்ய உரிமையில்லை. தமிழக இலஞ்ச ஊழல் துறைக்குத்தான் அந்த உரிமை இருக்கிறது என ஒரே போடாக போட்டுவிட்டார்.

இதில் இருந்து என்ன நாம் கற்றுக் கொள்ள வேண்டியது எனில் அவரவரின் எல்லைகளுக்கு அவரவர்களே எல்லைகளை வகுத்துக் கொள்ள நேரிடுகிறது. நாடு, சட்டம், மனித நாகரீகம், பண்பாடு, உறவு முறைகள் எல்லாமே பாவ புண்ணியம் பாற்பட்டதல்ல இதெல்லாம் பிழைக்கத் தெரியாத சாதாரண மனிதர்களுக்கு.

சாதி மதம் எல்லாம் வேண்டும்போது எடுத்துக் கொள்ளப்படும் கோடுகள். கேடுகள். இங்கு எல்லாமே அவரவர் கோடுகளில் என்பதை உலகு உணர எடுத்தியம்பி வருகிறது தற்கால செய்தி முறைகளில்….

வேறு ஒன்றும் சொல்வதற்கில்லை. இன்று இப்படித்தான்.

மறுபடியும் பூக்கும் வரை
கவிஞர் தணிகை.

படித்ததில் பிடித்தது:இதோ ஒரு உலகை வென்ற உண்மைத் தமிழரின் அறவுரை:சிவா அய்யாத்துரை: கவிஞர்தணிகை


சிவா அய்யாத் துரை என்னும் இந்த தமிழரின் கருத்துகளை பரப்புவதில் பெருமை கொள்கிறேன் அதற்காகவே சொந்த நொந்த பதிவை எல்லாம் விலக்கி விட்டு இரவல் தந்த இந்த பதிவு.நீங்களும் இரசிப்பீர்கள்.நீங்களும் பெருமை கொள்வீர்கள்.

மெயிலை கண்டுபிடித்து தமிழர்களுக்கு உலக அளவில் முகவரி தந்தவர் சிவா அய்யாத்துரை. விருதுநகர் மாவட்டம், ராஜபாளையத்தை பூர்வீகமாக கொண்ட சிவா அய்யாத்துரை, மும்பையில் வளர்ந்தவர். ஏழு வயதில் அமெரிக்கா சென்று குடியேறிய இவர், தற்போது சென்னை வந்துள்ளார். அவர் செய்தியாளர்களுக்கு அளித்த பேட்டி:

“நான் இங்கே அழுத்தமாகக் கூற விரும்புவது நமக்குள் உள்ள தாழ்வு மனப்பான்மையை உடைக்க வேண்டும். நம்மால் முடியாது என்கிற எண்ணத்தைப் போக்க வேண்டும். நம் மீது சில கற்பிதங்களையும், நம்பிக்கைகளையும் மேலை நாட்டினர் குறிப்பாக ஆங்கிலேயர் வேண்டுமென்றே உருவாக்கி வைத்துள்ளார்கள். அதை நாம் உடைக்க வேண்டும்.

நான் 1978ல் ​​இமெயிலைக் கண்டு பிடித்தது  ஒரு இந்தியனாக ​​கண்டு பிடித்தேன். ​​ஒரு தமிழனாகக் கண்டு பிடித்தேன். ​ ஒரு தமிழனாக இமெயிலைக் கண்டுபிடித்ததில் பெருமையடைகிறேன். இதை இவ்வளவு காலம் கழித்து சொல்ல வேண்டியிருக்கிறது. காரணம் ​அப்போது இதை பிரபலம் ​பண்ணும் அளவிற்கு என்னிடம் வழக்கறிஞரோ அல்லது உடனிருந்து வழி நடத்துவதற்கான நபரோ இல்லை. பதினான்கு வயது சிறுவன் என்ன செய்வான். காப்பி ரைட் பற்றி அவனுக்கு என்ன தெரியும்? ஆனால் இப்போது உரக்கச் சொல்ல வேண்டிய நேரம் இது. நம்மிடம் உள்ள ஒவ்வொரு இந்தியக் குழந்தையும்,  ஒவ்வொரு தமிழ்க் குழந்தையும் இதைக் கண்டு பிடித்தது. ஒரு 14 வயது இந்தியப் பையன், தமிழ்ப் பையன் என்பதை தெரிந்து கொள்ள வேண்டும். 14 வயது இந்திய பையனால் முடியும் என்றால் எல்லா இந்தியராலும் முடியும்.

வெள்ளைக்காரர்கள் நம் நாட்டுக்கு வந்த போது, முதலில் கரண்டி பொருட்களைக் கொண்டு சென்றார்கள். அடுத்து நம்மை மூளைச் சலவை செய்தார்கள். இந்தியர்கள் எல்லாம் பணியாளர்கள், எழுத்தர்கள் அதிகமாகப் போனால் சிஇஓக்கள் வரை ஆகலாம்.​ ​அவ்வளவுதான். ஆனால் வெள்ளைக்காரர்கள்தான் படைப்பாளிகள்,​​ வெள்ளைக்காரர்கள்தான் கண்டு பிடிப்பாளர்கள். நம்மை அந்தப் பட்டியலில் ​​சேர்க்கவே மாட்டார்கள்​.​ சேர்க்க​விடவே மாட்டார்கள்​. எனக்கும் அது நடந்தது. அவர்களில் ஒருவன்தான் இமெயிலைக் கண்டுபிடித்தான் என்று இருப்பதையே அவர்கள் விரும்பினார்கள். அதற்கான விளையாட்டுகளைச் செய்தார்கள். ​​ ​​வெள்ளைக்காரர்கள்தான் கண்டு பிடிப்பாளர்கள்​ என்ற நம்பிக்கையை நம்மிடம் விதைத்தது அவர்களின் வெற்றி, அவர்களின் தந்திரம், நாம் இதை உடைத்து வெளிவராமல் நம்மால் எதையும் நாம் தான் ​கண்டு பிடி​த்தேன் என்று சொல்ல முடியாது.​ ​

எனக்கான ஆதாரங்கள் என் அம்மாவிடமிருந்து கிடைத்தபோது நான் கண்டுபிடித்ததை நிரூபித்தேன். நான் வெள்ளைக்காரனுக்கு நிரூபிக்கவில்லை. இந்தியனுக்கான அடையாளத்தை நிரூபித்துள்ளேன். இப்போது நாம் சொல்லலாம், இமெயிலைக் கண்டுபிடித்தது ஒரு பதினான்கு வயதுச் சிறுவன், அதுவும் கருப்புத்தோல் கொண்ட தமிழன், இந்தியன் என்று! இந்த​ ​வெள்ளை​த்​ தோல்​ ​கொண்டவந்தான் கண்டுபிடிப்பான் என்ற ​மூளைச் சலவையிலிருந்து ​இந்திய மக்கள் முதலில் வெளியே வர வேண்டும்.

ஏழு, எட்டாம் நூற்றாண்டில் பக்தி இயக்கம் வந்து நம்மைக் கேள்வி கேட்டது. அப்போது சொர்க்கத்தில்​ ஏற்ற தாழ்வு உண்டா? என்ற கேள்விக்கு  ஏற்ற தாழ்வு இல்லை என்றனர். அப்படியானால்,  பூமியில் மட்டும் ஏன் ஏற்ற தாழ்வு என்று ஆன்மீகப் பெரியவர்களே கேள்வி எழுப்பியுள்ளனர்.​ நம்மில் ஏற்ற தாழ்வுகளை உருவாக்கியது வெள்ளைக்காரன்தான்​. சாதிப்பிரிவுகளைக் கொண்டு வந்து நம்மை பிரித்தாண்டது அவன்தான்​. எனக்கு இந்தியாவின் ஜாதி அமைப்பு மீது பல கேள்விகள், வருத்தங்கள் இன்றும் உண்டு. ஆனால் இதை நம்மிடம் மீண்டும் திணித்தவர்கள் ஆங்கிலேயர்கள்தான். அப்போது ஜாதிமாறி திருமணங்கள் இருந்தது. 13ஆம் நூற்றாண்டில் 14ஆம் நூற்றாண்டில், 15ஆம் நூற்றாண்டில் ஜாதிக் கலப்பு திருமணங்கள் சகஜமாகி வந்தன. ஆனால் அந்த ஜாதிமுறையை மீண்டும்  ஆங்கிலேயர்கள்தான் கொண்டு வந்து நம்மைப் பிரித்தார்கள்.​ நான் கேட்கிறேன் ஆங்கிலேயரால் கண்டுபிடிப்புகள் முடிகிறது என்றால் நம்மால் ஏன் முடியாது? 5000 ஆண்டுகளுக்குமுன் பலவற்றைக் கண்டுபிடித்த நம்மால் ஏன் இப்போது முடியவில்லை.

ஏழு வயதில் அமெரிக்கா போனேன். போன இடம் அங்கே ஏழைகளின் நகரமான பேட்டர்சன். பலரும் நினைப்பது போல அமெரிக்காவில் எல்லாருக்கும் எல்லாம் உண்டு என்பது மாயை. அங்கும் ஏழைகளின் ஊர், பணக்காரர்களின் ஊர் வெள்ளையர்களின் ஊர், கறுப்பர்களின் ஊர் என்று பாகுபாடுகள், பிரிவினைகள் உண்டு. நாங்கள் பேட்டர்சன் நகரத்திலிருந்து படிப்படியாக வசதியான லிவிங்ஸ்டன் -நியூஜெர்ஸி நகரத்துக்குச் சென்றோம்.  எனக்கு இது புதிராக இருந்தது. ஆனாலும், படிப்பில் கணிதத்தில், மருத்துவத்தில் எனக்கு மிகவும் ஆர்வம்​.​ கல்லூரிக்கான பாடத்திட்டத்தை 9 வயதில் முடித்தேன்.​ அதற்குமேல் படிப்பதற்கு இல்லை. எனவே 1978ல் நியூயார்க் பல்கலைக் கழகம் அமெரிக்காவில் 40 மாணவர்களைத் தேர்வு செய்து மென் பொருள் பயிற்சி கொடுத்தது. அதில் தேர்வான ஒரே இந்தியன் நான்தான்.

அப்போதே 7 புரோகிராம் லாங்வேஜ்களை முடித்திருந்தேன். மேலும் 6 புரோகிராம் லாங்வேஜ்களை முடித்தேன்​​.​ ​ நியூ​யார்க் என்கிற ஊரில்  3 மருத்துவக்கல்லூரி நடத்திய மைக்கேல்சன் என்பவர் எனக்கு ஒரு வேலை கொடுத்தார். அங்கு நான் போனபோது 14 வயதுதான். வேலை பார்த்தவர்கள் 30 வயது 40 வயது கொண்டவர்கள். ஆனால் மைக்கேல்சன் எனக்கு அவர்களுக்குச் சமமான மரியாதை கொடுத்தார். சம்பளமும் கொடுத்தார். இது முழுக்க முழுக்க என் தகுதி பார்த்து கொடுத்தது. அப்போதே 14, 15 செமினார் கூட நடத்தினேன்.

எனக்கு ஒரு சவாலான வேலை கொடுத்தார். அங்கு ஒவ்வொரு அலுவலகத்திலும் கணினிகளை இணைப்பது சிரமமாக இருந்தது. நிறைய மனித உழைப்பைச் சாப்பிட்டது. சிக்கலாகவும், சிரமாகவும் இருந்தது. இதற்கு ஒரு வழி கண்டுபிடிக்கவும், 30 அலுவலகங்களை இணைத்து 3 கல்லூரிகளை​ ​இணைப்பது எப்படி எனக் கண்டுபிடிக்கவும் சொன்னார்.​ ​அப்படி கண்டுபிடிக்கப்பட்டதுதான் இமெயில். அப்போது அப்பர் கேஸில் 5 கேரக்டர்கள் மட்டுமே வர முடியும். எனவேதான் Email  என்று பெயர் வைத்தேன். இதுதான் இமெயில்​ ​கண்டுபிடிக்கப்பட்ட வரலாறு.

இதுமாதிரி புதுமாதிரியான கண்டு பிடிப்புகள் எல்லாம் ஆங்கிலேயருக்கு மட்டுமே உரிமையானது, தகுதியுள்ளது என்பது அவர்கள் நினைப்பு. எனவே எனக்கு எதிராக ‘ரேட்டியான்’ என்கிற கும்பல்  மோசடிகள், போர்ஜரியில் ஈடுபட்டு என்னை வம்புக்கு இழுத்தார்கள். நான் அவர்களுடன் மோதி வெற்றி பெற்றேன். இமெயில் என்றால் அது ‘சிவா அய்யாதுரைதான்’ என்று வெற்றி பெற்றேன். அதுவரை ‘இமெயில்’ என்கிற வார்த்தை ஆக்ஸ்போர்டு டிக் ஷனரியில் இல்லை. 1978க்குப் பிறகுதான் எல்லா டிக் ஷனரியிலும் வந்தது.

இசை, எழுத்து, படைப்புகளுக்கு மட்டுமே அதுவரை காப்புரிமை இருந்தது. என்னை முன்னிட்டு மென்பொருள் சார்ந்த சட்டத்திருத்தம் 1980ல்  அங்கு வந்தது. இப்போது தினமும் இமெயில் போக்குவரத்துகள் 20 ஆயிரம் கோடி முறை  நடக்கின்றன. 4.2 பில்லியன் இமெயில் முகவரிகள் உள்ளன. இது ஒரு இந்தியனின் தமிழனின் கண்டுபிடிப்பின், பங்களிப்பின் விளைவு அல்லவா?

1993ல் அதிபர் கிளிண்டன் கூட இமெயில் சார்ந்த வேலைப்பளுவைக் குறைக்க என்னிடம் யோசனை கேட்டிருக்கிறார். எனக்கு கணினி சார்ந்து மட்டுமல்ல மருத்துவத்திலும், ஆர்வமும் ஈடுபாடும் உண்டு.

நம்நாட்டு சித்தா, ஆயுர் வேதத்தின் அருமை தெரியாமல் இருக்கிறோம். என் பாட்டி படிக்காதவர்தான்.  ஒருவரைப் பார்த்தே என்ன உடல் பிரச்னை என்று கண்டுபிடித்து வைத்தியம் செய்வார். எனக்கு ஆச்சரியமாக இருக்கும். நம் சித்தா, ஆயுர் வேதத்தின் சிறப்பு முழு உடம்புக்குமானது.

மேலை நாட்டு வைத்தியமுறையிலோ உடம்பைப் பாகம் பாகமாக பிரித்துப் பார்ப்பார்கள் ஆயிரம் பாகங்கள், ஆயிரம் மருந்துகள், ஆயிரம் டாலர்கள் என்பது அவர்கள் கணக்கு எதையும் வியாபாரமாகப் பார்ப்பார்கள்

‘சைட்டோ சால்வ்’ என்பது எனது மருத்துவம் சார்ந்த கண்டுபிடிப்பாகும். இதன்படி மனித உடலை கணினியில் உள்ளீடு செய்து தீர்வு காணலாம். நம் நாட்டு பாட்டி வைத்தியம் எளிமையானது. நம் வீட்டு கறி மசாலாவில்  மிளகு,மஞ்சள், சீரகம் இருப்பது சிறப்பு. நம் உடலில் பத்து டிரில்லியன் செல்கள் உள்ளன.எல்லாவற்றையும் சமன் செய்வதுதான் நம் மருத்துவம்.

சித்தாவின் பெருமைகளை உலகுக்கு காட்டும் முயற்சியில் மென்பொருள் செய்து வருகிறேன் .சாதாரண முருங்கைக்காய் 97% பாங்கிரியாடிக் கேன்சர் செல்களைக் கொல்லும். நான் அமெரிக்காவில் இருந்தாலும் வீட்டில் தமிழ் பேச வேண்டும் என்பது அப்பா, அம்மாவின் கட்டளை. எனவே தமிழை மறக்கவில்லை. இறுதியாகச் சொல்வது இதுதான்..  அமெரிக்காவில் அவர்களால் முடியும் என்றால், இந்தியாவில் நம்மாலும் முடியும். நாமும் கண்டு பிடிக்கலாம்” என்றார்.

நன்றி
அனைத்துலக தமிழர் அன்னதான சபை
விகடன் இ.மேகஜைன்

மறுபடியும் பூக்கும் வரை
கவிஞர் தணிகை

முப்பெரும் விளையாட்டு:- கவிஞர் தணிகை


முப்பெரும் விளையாட்டு:- கவிஞர் தணிகை
உசேன் போல்ட் ஜஸ்டின் கேட்லின் ஓட்டப் பந்தயம் சீனா பீஜிங்,இந்தியா இலங்கை இரண்டாம் டெஸ்ட் போட்டி,நமோ ஜெ அரசியல் விளையாட்டு,மேலும் பாகிஸ்தானிடமும் அணு ஆய்தங்கள் இருப்பதை நமோவும் இந்தியாவும் மறந்து விட்டதாக பாகிஸ்தான் பாதுகாப்பு ஆலோசகர் சர்தாஜ் அஜீஸ்.இவை பற்றி சில வார்த்தைகள் உங்களுடன் பதிவு.

15வது உலக தடகள போட்டிகள் பீஜிங் சீனாவில் நடைபெற்று வருகிறது 22.08.15 முதல் 30.08.15 வரை. இதில் நடந்த உலகத்தின் மிகவேகமான மனிதருக்கான 100மீ ஓட்டப் பந்தயத்தில் 29 வயதான ஜமைக்காவின் உசேன் போல்ட் 9.79 விநாடிகளில் ஓடி மறுபடியும் தான் தான் உலகத்தின் அதிவேக மனிதர் என்ற சாதனையை தக்க வைத்துக் கொண்டார்.

ஆனாலும் இறுதி ஓட்டத்திற்கு முன் நடந்த அரை இறுதி தேர்வு ஓட்டப் பந்தயத்தில் அமெரிக்காவின் ஜஸ்டின் கேட்லின் என்பவர் 33 வயதான இவர் ஏற்கெனவே சில முறை போதை ஊக்க மருந்து உண்ட காரணம் என விளையாட்டுகளில் விளையாடக் கூடாது என தடை செய்யப்பட்டவர். ஆனால் இவர் 9.77 நொடிகளில் தமது இலக்கை தொட்டிருக்கிறார்.

உசேன் போல்ட் பெர்லினில் நடைபெற்ற போட்டியில் 2009ல் 9.58 நொடிகளில் வந்திருந்தாலும் சமீபமாக முதுகு வலி காரணமாக அவதிப்பட்டு வருகிறார் என்ற செய்தி இருந்த போதிலும் இவர் முகமது அலி போல் சொல்லி அடித்து வென்றிருக்கிறார். இலண்டன் பிபிசி நிறுவனம் இந்த வெற்றியை மிகவும் பெருமைப் படுத்தி கெட்ட சக்திக்கு எதிரான போராட்ட வெற்றி என்றெல்லாம் இதை பெருமைப் படுத்தியுள்ளதை இரண்டாம் நிலையில் வந்த ஜஸ்டின் கேட்லின் விரும்பவில்லை.

உசேன் போல்ட் ஜஸ்டின் கேட்லினை 100ல் ஒரு பங்கு நொடி நேரத்தில் மட்டுமே இறுதி ஆட்டத்தில் வென்றிருக்கிறார். உசேன் போல்ட் 9.79.நொடிகள். ஜஸ்டின் கேட்லின் 9.80 நொடிகள். சும்மா ஒரு ஒப்பீடு: சாம்பியனின் வயது 29, ஜஸ்டின் வயது 33. இவர் அரை இறுதியி, 9.77ல் இலக்கை அடைந்திருக்கிறார்.

அடுத்து தோற்றுக் கொண்டே இருந்த துள்ளுப் பூச்சி கிரிக்கெட்: இன்றைய காலக்கட்டத்தில் டெஸ்ட் போட்டிகள் தேவையா என்ற சூழலில் இந்தியா 278 ரன் வித்தியாசத்தில் இலங்கையின் சொந்த மண்ணில் வெற்றி ஈட்டி இதுவரை நடந்த இரண்டு போட்டிகளில் ஒன்றுக்கு ஒன்று என சமன் செய்துள்ளது. விராட் கோலி தலைமையில் இது நடந்துள்ளதால் அவர் பெருமைப்படலாம்

அதிக கேட்ச் பிடித்ததற்காக நன்றாக் ஆடி ரன் சேர்த்ததற்காகவும் அஜிங்கா ரஹனே பெருமைப்படலாம், அஸ்வின் 17 விக்கெட் எடுத்து 16 விக்கெட் என இருந்த ஹர்பஜன் சிங்க் சாதனையை முறியடித்தமைக்காக பெருமப்படலாம். இந்தியாவுக்கு இது ஒரு ஆறுதல் வெற்றி, இவர்கள் அடுத்த டெஸ்ட்டையும் கைப்பற்றி தொடரைக் கைப்பற்றி விடுவார்களா சங்காக்கரா இல்லா நிலையில் என இந்திய கிரிக்கெட் ஆர்வலர்களின் எதிர்பார்ப்பு.

அடுத்து: அரசியல் விளையாட்டு:
ஈ.வி.கே.எஸ். இளங்கோவனை விட பா.ம.க வின் காடுவெட்டி குருவின் பேச்சும், நாஞ்சில் சம்பத் இப்போது அ.இ.அ.தி.மு.கவில் இருக்கும் கொள்கை பரப்பு செயலாளர் அவரின் ஒரு கர்நாடகா நீதிமன்றத்திற்கு விமானத்தில் ஜெ சென்று விசாரணைக் கேள்விகள் 1339 கேள்விகளுக்கான பதிலை சொல்லிவிட்டு பெங்களூரில் இருந்து சென்னை திரும்பி விட்டு மறுபடியும் மறுநாள் காலை பெங்களூர் விமானத்தில் செல்ல வேண்டுமா, இங்கே வந்து செய்வதை அங்கேயே செய்ய முடியாதா? மக்கள் வரிப்பணத்தில் இப்படி விரயமாகலாமா என்ற பேச்சு காங்கிரஸ் மாநில தலைவர் பேச்சை விட அதிகம் தாக்கம் மிகுந்ததாக இருக்கிறது

ஈவி.கே.எஸ் மேல் அப்படி என்ன வன்மமோ..ஆளும் கட்சி அவரை ஒரு வழி செய்திருக்கிறது. ஏன் காங்கிரஸ் கட்சித் தலைவர் என்பதாலா? இல்லை காங்கிரஸ் கட்சி பி.ஜே.பி கட்சியின் எதிர்க்கட்சி என்பதாலா? எதிரிக்கு எதிரி நண்பன் , நண்பனுக்கு எதிரி நண்பர் என்பதாலா? மொத்தத்தில் இந்த கடுமையான எதிர்ப்பு கொள்கை சார்ந்ததாக கட்சி சார்ந்ததாக இருப்பதை விட தனிமனிதம் சார்ந்ததாக இதில் ஏதோ உள் புகைச்சல் இருப்பதையே வெளிக்காட்டுகிறது. இதெல்லாம் கட்சித் தலைமைக்குத் தெரியாமல் நடைபெறும் போராட்டமாக இருக்க வழியில்லை. ஒரு வழியாக அம்மா கடைசியில் அதை தமது கட்சிக்காரர்களின் கோபத்தை தணிக்கச் சொல்லி போராட்டத்தைக் கைவிட சொல்லி ஆணையிட்டு விட்டார்கள். டில்லி சென்ற தமிழக காங்கிரஸ் தலைவர் கைது செய்யப்படலாம் வேறு வழக்கில் என ஊடகங்கள் தெரிவிக்கின்றன. இது உள் நாட்டு நம் ஸ்டேட்டு அரசியல் விளையாட்டு என்றால்

பாகிஸ்தானின் பாதுகாப்பு ஆலோசகர் …ஆலோசகர் மட்டத்தில் நடைபெற இருந்த் இரு நாட்டு ஆலோசனைக் கூட்டம் இரத்தானதற்காக இந்தியாவை நன்றாகவே இந்திய பிரதமரை சாடியுள்ளார். எங்களிடமும் அணு ஆய்தம் உள்ளது என்பதை இந்தியா மறந்து விட்டது போல தெரிகிறது என்றும்.இந்தியாவின் ரிசர்ச் அன்ட் அனைலைசிங்க் விங்க் ரா அமைப்புதான் எங்கள் நாட்டில் தீவிரவாதத்தை தூண்டுகிறது அதற்கான சான்றுகள் எங்களிடம் இருக்கின்றன என்கிறார்.

இப்போது உங்களுக்கு முன் சொன்னவை முப்பெரும் விளையாட்டுகளின் மூன்று காட்சிகள். கடைசியில் சொன்ன அரசியல் விளையாட்டில் அண்டை நாடுகளின் பகைமையும் உள் நாட்டில் கட்சிகளின் பகைமையும், விளையாட்டில் கூட தீயசக்தி என பிபிசி போன்ற உலகின் மாபெரும் செய்தி ஊடகம் செய்தி தருவதான துர்பாக்கிய நிலைகளும் இருக்க எப்போதும் கிரிக்கெட் பற்றி நாம் பறை சாற்றுவதற்கும் மாறாக அந்த விளையாட்டில் மட்டும் சற்று நாகரீகம் இருப்பதை காண்கிறோம். இந்தியா இலங்கை 2ஆம் டெஸ்ட் போட்டியில் காண்கிறோம்.

இதை முடிக்கும் நிலையில் அதே ஜமைக்காவின் ஷெல்லி ஆன் பிராசர் என்பவரும் 100 மீ ஓட்டப்பந்தயத்தில் 3 ஆம் முறை உசேன் போல்ட் போலவே உலக சாம்பியானாக ஓடி பெண்களில் உலகின் மிகவேகமான ஓட்ட்ப் பந்தய வீரராகி இருக்கிறார் என்ற செய்தியை அறிய முடிந்திருக்கிறது. இவர் தமது 100 மீ தொலைவை 10.76 நொடிகளில் கடந்து வெற்றி எட்டியிருக்கிறார். என்ன தான் வேகமாக ஓடினாலும் ஆண்களால் பெண்களை வெல்ல முடிவதில்லை அது வேறு கதை.

சிலருக்கு எது நடந்தாலும் மழை வந்தாலும், இடி இடித்தாலும், பொருள்கள் பழுதடைந்தாலும், பாம்பு பல்லி பூச்சி இனங்கள் தொல்லை கொடுத்தாலும் அதற்கு எதிரி நாடுதான் காரணம், எதிர்கட்சிதான் காரணம், எதிர்ப்பாக நினைக்கும் மனிதர்தான் காரணம்.

மறுபடியும் பூக்கும் வரை
கவிஞர் தணிகை.

சிறு துளியாக இருக்கிறோம்:- கவிஞர் தணிகை


சிறு துளியாக இருக்கிறோம்:- கவிஞர் தணிகை


ஆகஸ்ட் 24 2015ன் கணக்குப்படி 7.362 பில்லியன் மக்கள் புவியில் வாழ்ந்து வருவதில் நாமும் ஒருவர்.நமது இந்திய கணக்கில் சுமார் 735கோடி பேரில் நாம் ஒருவர்.பிற உயிரினங்கள் நீங்கலாக.ஆனால் சிலரின் தலை மேல்தான் பூமி சுழல்வதாக எண்ணுகிறார்கள்.அத்தனை மனிதரின் இயங்கு சக்தியை திறத்தை அறிவை இணைத்தால் கற்பனைக்கெட்டாத புனித பூமியாக புண்ணிய மண்ணாக மாற்றி விட முடியும். குடியேற செவ்வாய் நிலவு பிற கோள்களேதும் தேவை இல்லை ஆனால் ஒவ்வொரு மனிதர் உள்ளும் இருக்கும் எண்ணங்கள் பேராசைகள் அதை விட பல கோடி மடங்கு பெருகி வருவதால் பூமியின் ஒருபுறம் வறுமை, பஞ்சம், பட்டினி, ஒரு நாட்டுக்குள்ளேயே சொல்லொணா ஏற்றத் தாழ்வுகள்.இந்தியாவில் அஸ்ஸாமில் வெள்ளம், தமிழகத்தில் குடிநீர்ப் பஞ்சம்.

19 ஆம் நூற்றாண்டின் இறுதி வரை 165 கோடியாக இருந்த மக்கள் தொகை 20 ஆம் நூற்றாண்டில் மட்டும் 600 கோடியாக அதிகரித்துள்ளதாக ஐக்கிய நாடுகள் சபையின் பொருளாதார சமூகத் துறையின் ஒரு பிரிவான மக்கள் தொகைப் பிரிவு புள்ளி விவரம் தருகிறது.

யாம் சொல்ல வந்தது :பெரிய பெரிய அறிவியல் விஞ்ஞானிகளே சொல்வது:.. தெரியாமல் இருப்பதை கண்டறிவதற்குத்தான் நமது அறிவு பயன்படுகிறது.அப்படிப் பார்த்தால் இங்கு கண்டறிந்தது தவிர தெரியாமல் கண்டறியப்பட வேண்டியது இன்னும் எண்ணிலடங்கா.

இதையே கற்றது சிறு துளி கல்லாதது (இன்னும்) பிரபஞ்ச வெளி (அளவு) எனலாம்.

பல ஆண்டுகள் புவியில் வாழ்ந்தாலும் ஒரு தனி மனிதர் சமுதாயம் சாராமல் வாழமுடியாது. அப்படி சமுதாயம் சார்ந்து கிடைத்த போதிலும் அந்த அறிவு பலருக்கும் பரந்து பட்ட நல்வாழ்வை தரும் நோக்கம் இல்லாது போகுமாயின்,அடையாளமே கூட தெரியாமல் அழிந்து படுகிறது.அவர் எவ்வளவு செம்மாந்த அறிவுச் சுடராய் விளங்கியபோதிலும் கூட உலகின் எல்லா துறைகளிலும் சிறந்த அறிவைப் பெற்று விளங்க முடியாது.

எனவே: மனித ஆற்றலை இயங்கு சக்தியை சுடர் விடும் அறிவை பொதுமைப்படுத்தி ஒருங்குவித்து செய்தால் உலகின் பிணி யாவும் தீரும். ஆனால் மைக்ரோ சாப்ட்வேர்,பில்கேட்ஸ் ஆக இருந்தாலும் சரி முகநூல் மார்க் ஜக்கர்பெர்க் நண்பர்கள் ஏன் இன்று 310கோடி ஆண்டுக்கு பெறும் இந்தியர் ஆனால் தமது பணியை கூகுளுக்கு தத்தம் செய்வித்த பிச்சை சுந்தர் ராஜன் வரை யாவருமே தமது பணியை அறிவை ஒரு பிரிவுக்கு விற்கின்றனர். அதனால் கிடைக்கும் பணத்தை கொஞ்சம் பொதுவிற்கு செலவிட்டு வள்ளலாகியும் விடுகின்றனர்.

ஆல்ப்ரட் நோபெல் டைனமைட்(வெடிமருந்து) கண்டுபிடித்து இதை இந்த உலகுக்கு எப்படி ஆக்கபூர்வமானதாக ஆக்கப்போகிறேன் என கவலைப்பட்டது போல நோபெல் பரிசு ஏற்படுத்தியது போல…எல்லாம் ஏதோ ஒரு நோக்கம்…பரவாயில்லை…உலகு அதனால் ஒரு படி முன்னேறுகிறது உயருகிறது.

 

ரசியாவின் ஏ.கே.47 கண்டுபிடித்த மிகெயில் கலஸ்நிகோவ் எந்த உரிமையும் கோரவில்லை தமது வடிவமைப்புக்கு..தமக்கு எந்தவித வருவாயும் அதனால் வேண்டாம் என உலகுக்கு தத்தம் செய்துவிட்டார். காப்புரிமை ஏதும் கோரவில்லை.

போலியோ – இளம்பிள்ளை வாதம்..இதில் பலவகை இருக்கிறதாக அறிவியல் சொல்கிறது. கால்களை சூம்பிப் போகவைப்பது, முதுகெலும்பை பாதிப்பது, மூளைத் தண்டை பாதிப்பது (பிரெய்ன் ஸ்டெம்) இப்படி…ஆனால் போலியோ சொட்டு மருந்தைக் கண்டறிந்த ஜோனஸ் எட்வர்டு சால்க் அமெரிக்காவில் நியூ யார்க் நகரில் பிறந்த இந்த மாமனிதர் இதை தமது சொந்த உரிமை காப்புரிமை செய்யாமல் உலகுக்கே அர்ப்பணித்திருக்கிறார். அதிலும் இது ஒரு அரியவகை தடுப்பு சொட்டு மருந்து. பெரும்பாலும் குழந்தைகளுக்கே குழந்தை பருவத்திலேயே தரப்படுவது. உலகெலாம் வளரும் மனித குலமே செழிப்பாக இருக்க இவர் வாழ்ந்து சொல்லி விட்டுப் போன பதிவு இது.

அம்மைத் தடுப்பூசி மருந்தை கண்டறிந்து உலகுக்கு அதை பயன்படுத்தி பல மனித உயிர்களைக் காப்பாற்றிய அரும் மனிதர் எட்வர்டு ஜென்னர் தமது கண்டுபிடிப்பை உலகுக்கே தத்தம் செய்தார் அதில் காப்புரிமை என்று ஏதும் பெற்று சுய சம்பாத்யத்துக்கு முயலவில்லை.உலகின் முதல் தடுப்பு மருந்து இதுதான் மேலும் இவரையே நோய் எதிர்ப்பு மருத்துவ உலகின் தந்தை என்கிறோம்.அவர் இங்கிலாந்தில் பெர்க்லீ நகரில் பிறந்தார் உலகுக்கே தமது கண்டுபிடிப்பை ஈந்தார் இறந்தும் வாழும் மனிதர் என்ற பேர் பெற்றார்.

இவர் இதனால் மைக்ரோ சாப்ட்வேர் பில்கேட்ஸ் போல் எல்லாம் காப்புரிமை செய்து கொள்ளவில்லை.

அவ்வளவு ஏன் மேற்கு வங்கத்தின் கொல்கத்தாவின் இந்திய அறிவியல் மேதை ஜகதீச சந்திரபோஸ் அவர்களே வானொலியைக் கண்டுபிடித்தார் என மார்க்கோனி கண்டுபிடித்ததாக சொன்ன 100 ஆண்டுகள் கழித்து ஒப்புக்கொள்ளப்பட்டிருக்கிறது. இனி வானொலியைக் கண்டறிந்தவர் யார் எனில் மார்க்கோனி அல்ல…ஜெகதீச சந்திரபோஸ்தான் என அனைவரும் சொல்ல வேண்டும். அனைத்து அறிவியல் அறிஞர்களாலும் ஏற்றுக் கொள்ளப் பட்டிருக்கிறது. காரணம். இவர் கண்டறிந்த தொழில் நுட்பத்தை பயன்படுத்தி(திருடி என்பது கடினமான வார்த்தை என்றாலும் அபப்டியும் சொல்லலாம்) அதே வடிவத்தில் செய்து ஒரு சிறு மாற்றத்தை மட்டும்செய்து விட்டு காப்புரிமைக்கு பதிவு செய்து கொண்டார் மார்க்கோனி என்கிறது அறிவியல் ஆய்வுகள்.

 

இப்போது கலிலியோவை வீட்டுச் சிறையில் வைத்து காலம் நூற்றண்டு பல ஓடியபின்னே கத்தோலிக்க திருச்சபை பூமியை சூரியன் தான் சுற்றுகிறது என அப்போது நம்பிய நம்பிக்கை தவறு, கலி கலிலியோ சொன்னது சரிதான் பூமிதான் சூரியனை சுற்றுகிறது என சில ஆண்டுகளுக்கும் முன்னே மன்னிப்பு கோரியது போல மார்க்கோனி கண்டறிந்ததாக சொல்லப்பட்ட ரேடியோ செய்திக்கும் நூறாண்டு கழித்து காப்புரிமை சொந்தம் கொண்டாடாடத போதும் இந்தியாவின் ஜகதீச சந்திரபோஷ்தான் கண்டுபிடித்தது என ஏற்றுக் கொண்டிருக்கிறது.

நிறைய உண்மைகள் உறங்கிக் கிடக்கின்றன. நாம் அவற்றை அறிவதில்லை. அறிந்த பின்னே வியப்பாக இருக்கிறது இப்படியுமா என.

பட்டாம்பூச்சி தமது பாதத்தின் மூலம் சுவை அறிகின்றன
இறால் மீனுக்கு இருதயம் தலையில் உள்ளது
ஆலமரத்தை அதன் வேர்கள் நிலை நிறுத்துவதில்லை. விழுதுகளே ஆதரவு.
விட்டில் பூச்சிக்கு இரைப்பை இல்லை
கங்காருவும் ஈமுவும் பின்னால் நடக்க முடியா உயிரினங்கள்
ஆஸ்ட்ரிச் பறவையின் கண் அதன் மூளையை விடப் பெரியது

இதை எல்லாம் அறிந்தால் கூட ஆச்சரியமாக இருக்கின்றன. இது போல சிறிய சிறிய விஷியங்கள் ஏராளம் இன்னும் நமக்குத் தெரியாமலே இருக்கின்றன. நமது முழங்கையை நம்மால் நக்கவே முடியாது ,நாம் தும்மும் போது வெளிச் செல்லும் காற்றின் வேகம் மணிக்கு 100மைல்கள் ஒரு மணிக்கு(நம்து உலகில் அதிக வேகமான மனிதர் உசேன் போல்ட் 100மீ..ஓட்டத்தை 9.79நொடிகளில் கடந்துள்ளது நேற்றைய செய்தி)

நாம் தும்மும்போது நமது விழிகள் தாமே மூடிக் கொள்கின்றன, நாம் வாழ்நாளில் சராசரி 5 ஆண்டுகள் சாப்பிட்டே கழிக்கிறோம். ஒரு ஆண்டுக்கு 42 இலட்சம் முறை நமது இமை அசைகிறது. இப்படிப்பட்ட செய்திகளை அறிந்து என்ன ஆகப்போகிறது என்கிறீர்களா?

உங்கள் வாழ்வில் ஏதாவது ஒரு தேடல் இருந்து கொண்டே இருக்க வேண்டும். அறிதல் தொடர்ந்து கொண்டே இருக்க வேண்டும். இல்லாவிட்டால் நீங்கள் ஒரு நீர் தேங்குமிடமாக மாறி விடுவீர். இயக்கம் நின்றால் அது மரணத்திற்கு ஒத்திகை.

எனவே நாம் வற்றாத ஓடும் ஜீவ நதியாய் ஓடிக்கொண்டே இருக்க வேண்டும் அதற்கான விழிப்பூட்டல்கள் தான் இது போன்ற அறிவு சார் கலைக் களஞ்சியமாய் உங்கள் நினைவும் மூளையும் மாறவேண்டியது. மாற வேண்டுவது…

எனவே நண்பர்களே நாம் எல்லாம் சிறுதுளிகள் எல்லாம் சேர்ந்து பெருவெள்ளமாக மாற முயற்சிப்போம்.உலகின் நல்லவைக்கு பின் நிற்போம் என சொல்லிக் கொண்டு இந்த பதிவை உங்களுக்காக சமர்ப்பிக்கிறேன். இந்த பதிவை எழுத ஆரம்பித்தது காலை 10.30 மணி சுமார் இருக்கும். இப்போது மாலை 4 மணி. இதை அரங்கேற்றுவதற்குள் அத்தனை இடையுறல்கள்.

வாழ்வில் நமக்காக நமக்கு பிடித்ததை செய்ய முடியாமல் திருப்தியின்றி பல செயல்களை செய்ய வேண்டி நேரிடுகிறது. அதன் முடிவுகள் நாம் நினைப்பதற்கு மாறாக நமது கையை மீறி போய்விடுகிறது நமது கைகளுக்குள் கட்டுப்படாமலே..அப்படித்தான் இந்த எமது நாளும்…

மறுபடியும் பூக்கும் வரை
கவிஞர் தணிகை.

இந்தியாவில் கள்ள உறவு சட்டப்படி செல்லும்- உச்சநீதி மன்றம்:-கவிஞர் தணிகை


இந்தியாவில் கள்ள உறவு சட்டப்படி செல்லும்- உச்சநீதி மன்றம்:-கவிஞர் தணிகை

கர்நாடக கணக்குப் புலி நீதியரசர் குமாரசாமி 24.08.16ல் ஓய்வு பெறுகிறார்.அவருக்கு இந்த பதிவு காணிக்கை. கள்ள உறவு, மது,புகை,ஓரினச்சேர்க்கை மணம், சேர்ந்து வாழ்ந்து பிரிந்து செல்லல் மணமின்றியே இவை யாவும் சட்டப்படி நீதிப்படி இந்தியாவில் அரசாங்கத்தால், நீதிமன்றத்தால் அனுமதிக்கப்படுகின்றன.

உன் குழந்தைகளும், என் குழந்தைகளும் நம் குழந்தைகளுடன் சேர்ந்து விளையாடுகிறார்கள் என்ற மேல் நாட்டுப் பழமொழி இந்தியாவுக்கும் பொருந்தும். மனைவி கள்ளக் காதலுடன் சேர்ந்து கணவனைக் கொல்வதும், கணவன் மனைவியை கள்ளக் காதலுக்காக கொல்வதும் கூட இனி அனுமதிக்கப் படலாமோ என்னவோ? நீதி சொன்னால் சரி!

 

இங்கு யாமறிந்த கவரிமான் ஒன்று மனவி தோட்டக்காரனுடன் பாலுறவு கொண்டதறிந்து மாய்ந்துபோனது கால் நூற்றாண்டுக்கும் முன்பே!

தந்தை யாரென்று தெரியாத தலைமுறை நிறையப் பெருக வழி செய்யும் தீர்ப்புகள், மக்கள் நலம் பற்றி துளியும் சிந்திக்காத சமூக அமைப்புகளான அரசு,ஆட்சி, நிர்வாகம் நீதி அமைப்புகள்.

ஒர் வழக்கறிஞர் ஊடகத்தில் வழிமொழிகிறார் வழக்கறிஞர்களும் நீதிபதிகளும் சமுதாயத்தில் உயர் அந்தஸ்தில் உள்ள துறைகளின் நபர்களும் விடுமுறையில் மது அடிமைகளாக மாறிவிடுவதை- இனி இங்கு கீழ் மட்ட மக்களை மட்டும் குடிகேடர்கள் என  சொல்வதற்கில்லை.

 

தேர்தலின் போது கட்சி பேதமில்லாமல் இது ஒரு அருமருந்து மதுவே திகட்டாத விருந்து.தொண்டர் தலைவர் பேதமில்லாமல் மக்களுக்கும் படைக்கும் அடிமைத் தேர்தலின் இரவல் ஜீவநதியின் மெதுவாகக் கொல்லும் விஷம்.இது இல்லாமல் தேர்தல் இல்லை.வாக்குக்கு விலையில்லாத தேர்தலை முதலில் என்று நமது அமைப்புகள் பிசிறு இல்லாமல் நடத்தப்போகின்றன…?

தகவல் தொழில்நுட்ப விற்பன்னர்கள்,கணினித் துறையினர், நடிப்புலகத்தினர், சட்டம் நீதித்துறையினர் என எல்லாத் துறைகள் சார்ந்தாருமே ஏற்றத் தாழ்வு இல்லாமல் மது பார்களில் கப்பம் செலுத்தும் அடிமை மகான்களாகி விட்டார்கள் என்கிறார்.

 

எனவே வர்த்தக வியாபார ஒப்பந்தங்கள் யாவும் மதுக்கூடங்களில்தான் சமப்பகிர்வுகளுடன் சரி செய்யப்படுகின்றன

 

இதில் கீழ் மட்டக் கட்டுமான, பேப்ரிகேஷன் பணி ஒப்பந்தங்களில் இருந்து இஸ்ரோ போன்ற அறிவியல் கூட அறிவியல் அறிஞர்கள் வரை பாதுகாப்புத் துறை முப்படை மற்றும் அரசுத் துறையின் உயரதிகாரிகள் அனைவருமே மதுவுடன் வாழ்கிறார்கள் மதுவுடன் சாகிறார்கள் மதுவுடன் எல்லா விழாக்களுமே நடைபெறுகின்றன. இதற்கும் எங்காவது விதி விலக்குகள் இருக்கலாம் அவை நமைப் போன்று வாழத் தெரியாத மனோநிலை சரியில்லா மனிதர் கூட்டங்கள் என சித்தரிக்கப்படலாம்.

இந்தியாவில் இளைஞர்களின் ஓர் அற்புத மனிதராய் விளங்கிய டாக்டர். ஏ.பி.ஜெ.அப்துல்கலாமே ஒருமுறை இது போன்ற ஒரு விருந்துபசார நிகழ்வில் மாட்டிக்கொண்டு ரஷிய விஞ்ஞானிகளுக்கு நான் குடிக்காதவன் என என்ன சொன்னாலும்  புரியவில்லை, அந்த கிளாஸில்/டம்பளரில் என்ன அது என தமது நண்பரும் எழுத்தாளரும் அறிவியல் அறிஞருமான சுஜாதா ரங்கராஜனிடம் கேட்க , இது பச்சைத் தண்ணீர்தான் என இவர் சொல்ல, அதை எம்.ஜி.ஆர். பட ஸ்டைலில் அவர் கையிலுள்ள மது உள்ள டம்ளரை இவர் கையில் திணித்து விட்டு, அவரிடமிருந்த தண்ணீர் டம்ளரை மாற்றிக் கொண்டதாக சுஜாதாவே தம் அப்துல்கலாம் பற்றிய அனுபவத்தை எழுதி இருக்கிறார்.

 

ஆக இதெல்லாம் மேன்மக்கள் வாழ்வு என்பதோடு இது போன்ற மனநிலைகளில் பல பெரும் தீர்ப்புகளுக்கான அடிப்படைக் கையெழுத்துகள் இடப்படுகின்றன.நாட்டு நடப்பையும் மக்கள் நல்வாழ்வையும் கணக்கில் எடுத்துக் கொள்ளாமல்.

 

இங்கு உரிய வயதுடன் காதல் என்றாலும் கௌரவக் கொலைகள் நிகழ்கின்றன.பெற்றோரின்கட்டாயம், வஞ்சகம்,குயுக்தி, ஒரு புறம்.இளைஞர்களிடையே மதுவும், பாலியல் வக்ரமான இணையதளங்களின் குறுக்கீடுகளும் சீர்கெடுக்கும் நிலை ஒரு புறம். ஆசிரியர்கள் பள்ளிச் சிறுமிகளிடம் சில்மிஷம். பல இளைஞர்கள் சேர்ந்தால் கற்பழிப்பு, வன்முறை, டில்லிச் சம்பவங்கள்,ஆசிரியை, பேராசிரியைகள் தம்மை விட வயது குறைவான கல்லூரி மாணவர்களுடன்  வாழத் துடிக்கின்ற  துணிகரம்.

 

பள்ளி மாணவர்கள் கூட எப்போது வேண்டுமானாலும் ஆசிரியை அழைப்பார் தயாராக இருக்க வேண்டும் என  ஆணுறையுடன் பள்ளிச் செல்லும் அவசர அவசிய அவல நிலை. இதெல்லாம் நிலவ..

 

சட்டப் படி, நீதிப் படி, கள்ள உறவுக்கு உச்சநீதி மன்றம் வெல்கம் சொன்னாலும் குடும்பம் என்ற சமூக அமைப்பின் வேர் இதை ஏற்றுக் கொள்ள முடியுமா?பிள்ளைகள் வாழ்வை சீர் குலைக்க முடியுமா? நாடு என்பது குடும்பங்கள் என்று சிறு சிறு அமைப்புகள் எல்லாம் சேர்ந்ததுதானே? குடும்பம் விளங்காமல் போனால் அந்த நாடு விளங்குமா? கள்ள உறவை கணவனும் மனைவியும் ,பிள்ளைகளும் அனுமதிக்க முடியுமா?

 

மீறல்கள் எப்போதும், எங்கேயும், எத்துறையிலும் சமூகத்தில் இருக்கும்தான். அவை விதிவிலக்குகள் அணைந்து கிடக்கும் இரவின் வீதி விளக்குகள் போல.

அணைந்து கிடக்கும் இரவின் வீதி விளக்குகள்  ஆனால் அதையே பொதுமைப்படுத்தி அரசின் அமைப்புகள், நீதிமன்றங்கள், ஆட்சிமுறைகள் தீர்ப்புகள் செய்து நாட்டில் அமல்படுத்திட வேண்டுமா? முடியுமா? அது தேவையா?

அப்படி செய்தால் அவை பொறுப்புணர்வு என்று சொல்ல முடியுமா? நாட்டுக்கும் மக்களுக்கும் அவை நன்மை பயக்கும் அமைப்புகள் என்று சொல்ல முடியுமா?

இன்று நீதி கள்ள உறவை அனுமதிக்கும், நாளை இதனால் நிகழும் கொலை, திருட்டு,அவற்றையும் கூட கள்ள உறவில் கள்ள உறவுக்காக நிகழ்ந்தது என அதையும் அனுமதிக்குமோ?

சமுதாயத் தீமை அவலம், அதன் வேர்கள் என்பதை விட்டு விட்டு, எதற்கிந்த ஆட்சிமுறை, கட்சிகள்,நீதிமன்றங்கள், நீதிபதிகள்? வெறும் அவதூறு வழக்கை , பொதுநல வழக்கை அவர் இப்படி பேசுகிறார், அவர் இவரை எப்படி இப்படி ஏசலாம்? இவரை அடி, அவரை அடை என்பதற்கு மட்டும்தானா?

இந்திய அரசியல் சாசனம் ஏற்படுத்திய அம்பேத்காரை அசிங்கப்படுத்துகிறார் கனடாவில் ஒரு சீக்கியனும் அவன் நண்பனும் சுதந்திர நாளில் இந்திய தேசப்பிதா காந்தியின் சிலையை செருப்பால் அடித்து வீடியோ எடுத்து பகிர்ந்து கொண்டுள்ளது போல…

அட தலைக்கவசம் தமிழகத்தில் போடச் சொன்ன சட்டத்தை உங்களால் சரியாக அமல்படுத்த முடிகிறதா? முடிந்ததா?

மறுபடியும் சொல்கிறேன் இவை என்னில் எழுந்த கேள்விகள்தான். இதில் எங்கேயும் நீதிமன்ற அவமதிப்பையும் யான் செய்ததாகக் கருதவில்லை. ஒரு மேன்மை மிக்க சமுதாய அமைப்பை மேன்மேலும் நாகரீகமுடையதாக கொண்டு செல்ல இது பற்றிய விவாதங்கள் வரவேற்கப்படுகின்றன.

இந்தப் பதிவு திங்கட் கிழமை ஓய்வு பெறும்(செய்தியின் அடிப்படையில்) கர்நாடக நீதியரசர் கணக்குப் புலி குமாரசாமி அவர்களுக்காக காணிக்கை செய்யப்பட்டுள்ளது.

மறுபடியும் பூக்கும் வரை
கவிஞர் தணிகை

பி.கு: நீண்ட நாள் கழித்து எழுதியதை தட்டச்சு செய்த பதிவு இது ஏன் எனில் என்னை நீதிமன்றம் அவமதித்து விடக் கூடாது என்ற கவனத்துடன்.

 

இரு எதிர்பாரா அழைப்பு செல்ல முடியா உடல் கிடப்பு: கவிஞர் தணிகை


 

இரு எதிர்பாரா அழைப்பு செல்ல முடியா உடல் கிடப்பு: கவிஞர் தணிகை
விண்ணில் இருந்து மண்ணுக்கு மழை இறங்குவது போன்ற இந்த வாழ்த்தும் இருக்கட்டும்.நிச்சயம் உங்களை வந்து சேரும் என்ற நம்பிக்கையுடன்.எம்.வினிதாவுக்கும் ஜெ.பூஜிதாவுக்கும்.

சேலம் செவ்வாப்பேட்டை ஆம் செவ்வாய்ப் பேட்டையை அப்படித்தான் பேச்சு வழக்கில் சொல்வார்கள். அதில் பெரிய அரிசி மற்றும் மளிகை மண்டியின் முதலாளி இந்த ஜெயபாலாஜி.எனக்கு நீண்டகால நண்பரும் கூட. நல்ல சிந்தனையாளர். மதிக்கத் தக்க பண்பாளர். சிரித்த முகம் சீரிய தொழில்

திடீரென ஒரு நாள் எம் வீட்டுள் வந்து “தணிகை இருக்காருங்களா” என துணைவியிடம் விசாரிக்க..அது என் தியான நேரமாயிருக்க….இன்று 2 மணிக்கே விழிப்பு வந்து..அதன் பிறகு தூங்கவிடாமல் செய்து இந்த திருமணத்திற்கு செல்ல முடியவில்லையே என எண்ண அலைகளால் நச்சரிக்கப்பட்டு ஏதாவது எப்படியாவது ஒரு வாழ்த்தை சேர்க்க வேண்டியே இந்த காலப்பதிவில்

பார்த்தால் ஜெயபாலாஜி தமது பூஜிதா மகளின் அழைப்பிதழுடன் நிற்கிறார் உடன் ஒரு படை பரிவாரம். நிற்க, நேரமில்லை. ஓட்டம். என்றாலும் எமது சுவர் எழுத்துகள் பற்றிய பேச்சு. மிகச் சிறப்பாக இன்று இந்த மணம்

எம்.எஸ்.வி. திருமண மண்டபத்தில் சேலம் இரும்பாலை சாலையில் பூஜிதா அஸ்வந்த்ராஜாவைக் கைப்பிடிக்க காலை 6 மணி முதல் 7.30 மணிக்குள் நடைபெறுகிறது. எம் வாழ்த்துகளுடன்.

வியாபாரம் தாண்டிய குடும்ப உறவுக்குள் இட்டு செல்லும் ஒரு அழைப்புதான் . எம்மால்தான் உடல் நலம் கருத்தில் கொண்டு ஆசையை நிறைவேற்ற முடியவில்லை நேரில் வந்து வாழ்த்த முடியவில்லை. இதையே எம் வாழ்த்தாக எடுத்துக் கொள் எம் வீட்டுப் பெண்ணாய் பூஜிதாவும்.

அடுத்து முகநூல் நட்பு வினிதா.எம். ராக்வெல் வினிதா இமானுவேல். இவரும் இன்று சென்னையில் அதிகாலையில் மணம் புரிந்து வரவேற்பு வைபவம் ஒன்றை சென்னை ஸீ செல் ஹோட்டலில் கந்தசாமி கல்லூரி அருகே சென்னை – 600 102 ல் தமது மகிழ் சார் நபர்களுடன் சதீஷ்குமார் அவர்கள் கரம்பற்றி அனைவரையும் இன்ப வெள்ளத்தில் மூழ்க அடிக்கிறார்.

இவர் அழைப்பு அனுப்பி உள்ள முறையே மிக அருமை. மிக நேர்த்தி. மிகவும் பொறுப்பான பெண். எப்போதும் சிரித்த முகம், சீரான சிந்தை. கோபமே வராத குணம். குழந்தையுடன் குழந்தையாக இவரின் நிறைய பதிவுகளை பார்த்திருக்கிறேன்.

இவர் சென்னையிலிருந்து மணமுடித்து சென்றாலும் முக நூல் கலவையிலிருந்து பிரியமாட்டார். நம்பலாம். இவர் எல்லா மங்கல காரியங்களுக்கும் ஈவன்ட் மேனேஜராக இருந்து ஒரு நிறுவனம் நடத்தி வந்திருக்கிறார். இன்று இவரின் வாழ்விலே ஒரு மங்கல நிகழ்வு. கணக்குப்படி பார்த்தால் இந்த ஈவன்டை நான் முன்னின்று நடத்துவதாக விளையாட்டாக பேசி வந்தோம்.

ஆனால் இவர் நான் நேரில் செல்லாதது பற்றி வருத்தப்படுவார். என்றாலும் என் நிலை இதுதான்.என் உடல்நிலை மிக நீண்ட பயணத்துக்கு இடம் கொடுப்பதில்லை. இன்று கூட இரவு 11.00 மணிக்கு படுத்தவனுக்கு 2 மணிக்கெல்லாம் விழிப்பு. அதன் பின் உறங்க வழி இல்லை. எல்லாம் உடல் செய்யும் மாயம்.

பொறுத்துக் கொண்டு இங்கிருந்தபடியே வாழ்த்தும் இந்த மனதின் ஆசிகளையும் ஏற்றுக் கொள்க புது மணப்பெண்ணே!.

அழைப்பிதழுக்கே நன்றி சொன்னேன். உடனே ஏன் வரமாட்டீர்களா? நேரில் திருமண வரவேற்பு வைபவத்திற்கு என மொபைல் சிணுங்கியது. நல்ல நேர்மையான அன்பான உறவு பகிர்ந்து பல மடங்காக்க வேண்டியதுதான். ஆனால் ஒரு வகையில் துறவிகள் இது போன்ற பெரும் வைபவங்களில் கலந்து கொள்ளவும் கூடாதுதான். ஏறத்தாழ முனித்தவம் எம் வாழ்வு.

என்றாலும் மனிதமாய் நின்று சில பணிகளை மேற்கொள்ளத்தான் வேண்டியதிருக்கிறது.

இந்த இளம் இரண்டு தம்பதிகளுக்கும் எம் உற்சாகம் கலந்த இனிய இதயபூர்வமான வாழ்த்துகள் .

என்றும்
உரித்தாகட்டும்
கவிஞர் தணிகை.

மறுபடியும் பூக்கும் வரை
கவிஞர் தணிகை.

தவறே செய்யாதார் இந்த பெண்மீது கல்லெறியுங்கள்:-யேசு பைபிள்.கவிஞர் தணிகை


140411satish

 

தவறே செய்யாதார் இந்த பெண்மீது கல்லெறியுங்கள்:-யேசு பைபிள்.கவிஞர் தணிகை
செய்த தவறை ஒத்துக் கொள்வதால் மனிதம் விசாலமடைகிறது, பெருமையுறுகிறது,செய்த தவறை ஏற்றுக் கொள்வதற்கு ஒரு துணிச்சல் தேவைப்படுகிறது.அப்படி செய்வதால் சுடர்விட்டு எரியும் பிரச்சனை ஒன்றுமில்லாமல் அணைந்து விடுகிறது.காந்தியின் வரலாறே செய்த தவறுகளைத் திருத்திக் கொள்வதிலிருந்து விளைந்ததுதான்.

யாருமே நடந்த நடக்கும் தவறுகளை நியாயப்படுத்த விரும்பக் கூடாது உண்மைதான். ஆனால் நடந்த தவறை ஆம். என ஏற்றுக் கொள்வதால் ஏற்படும் விளைவுகளும் பாதிப்புகளும் எரியும் பிரச்சனையாக மாறாமல் பார்த்துக் கொள்ளும்.இதையே புத்திசாலிகள் செய்வார்கள்.செய்கிறார்கள்.மேலும் யார்தான் இந்த உலகத்தில் மனிதரில் ஒரு தவறுமே செய்யாதார்?

ஈ.வி.கே.எஸ். இளங்கோவனுக்கு வாய் அதிகம் என்கிறார் தமிழருவி மணியன் போன்றோர். அதன் இரத்த சம்பந்தம் அப்படிப்பட்டது.வேர் வழித் தோன்றல் யாவும் யாருக்கும் சளைக்காத துணிச்சலான பெரியார் குடும்ப வகையறா அப்படித்தான் இருக்கும். ஆனால் அ.இ.அ.தி.மு.கவில் தற்போது கொள்கை பரப்பு செயலாளராக(துணை என நினைக்கிறேன்) நாஞ்சில் சம்பத் இவரை இவரின் மாற்றுக் கருத்துள்ளோர் இனோவா சம்பத் என்றும் அழைக்கிறார்கள். இவரின் ஒரு பேச்சுக் காட்சிப் பதிவை காண நேர்ந்தது.மிகவும் தீவிரமாக அவர் தற்போது இருக்கும் கட்சித் தலைமையை முதல்வரை அம்மா ஜெவை தாக்கி பேசியது அதில் இருக்கிறது. அது இளங்கோவனின் பேச்சை விட பல மடங்கு அதிர்வலைகளை கிளப்பக் கூடியது. ஆனால் அவரை அரவணைத்து அந்த கட்சிக்குள் வைத்திருக்கிறார்கள்.

உண்மையில் சசி பெருமாளின் மதுவிலக்கு தியாக உயிரிழப்புக்கு இதுவரை தமிழக முதல்வர் என்ற முறையில் எந்த கருத்தையுமே அரசோ, அரசின் தலைமையோ வெளியிடவில்லை.அடியேன் எமது தனிப்பட்ட முறையில் அவ்வப்போது சசிபெருமாளிடம் மதுக் குடிப்போரின் காலில் விழுந்து கெஞ்சுவது, அரசுக்கு பிச்சை எடுத்து அனுப்புகிறோம் என பிச்சைஎடுப்பது, இது போன்று செல்போன் கோபுரத்தின் மீது ஏறுவது எல்லாம் தவறான அணுகுமுறை என எச்சரித்தோம். அவர் கேட்கவில்லை. மீறியே செயல்பட்டார். அவை எல்லாம் தவறுதான். அந்த முன்னுதாரணம் வேறு எது எதற்கோ பயன்பாடாக போய்விட்டது. ஒவ்வொரு தனிமனிதரும் தமது கோரிக்கைக்கு இது போல் ஏற ஆரம்பித்து விட்டால் எப்படி இருக்கும் என்பதை நாம் தற்போதைய காலக் கட்டத்தில் பார்த்து வருகிறோம்.

பொதுவாகவே ஊடகம், கட்சிகள் அதிலும் ஆளும் கட்சியானால் அதற்கு இன்னும் அதிகமாக பொறுப்பு இருக்கிறது. சமுதாயக் கடமை இருக்கிறது. எரியும் நெருப்பில் எண்ணெய் வார்ப்பது போன்ற செயல்முறைகளை எல்லாம் செய்து வருவதற்கு மாறாக செயல் பதட்டங்களை தணிக்க தம்மால் ஆனதை ஒவ்வொருவரும் செய்யவேண்டும். அப்போது மாமூல் வாழ்க்கை திரும்பும். அமைதி எப்போதும் போல் தவழும். அவரவர் அவரவர் பணிப் பொறுப்புகளில் தடை இன்றி ஈடுபடமுடியும்.

எனக்கென்னவோ பாராளுமன்றத்தில் காங்கிரஸ் நடந்து கொள்வதற்கு பழிவாங்கும் நடவடிக்கையாக காங்கிரஸ் கட்சிக்கு எதிராக நாடு முழுதும் ஒரு அடக்குமுறை கட்டவிழ்த்து விடப்படுகிறதோ என்று கூடத் தோன்றுகிறது.

நமோ தமது கட்சியின் சுஷ்மா, வசுந்தரா போன்றோர் பிரச்சனையில் வாயே திறக்க மறுக்கிறார். ஒரு நாட்டின் தலைவர் சரியோ தவறோ கருத்தை வெளிப்படுத்த வேண்டுமல்லவா?

நேற்று தலைவர்களாக இருப்போர்க்கு விமர்சனங்களைத் தாங்கும் பக்குவம் வேண்டும் என யாம் எழுதிய பதிவுக்கு நண்பர்கள் பங்கு கொண்டு தமரது எண்ணங்களைப் பகிர்ந்து பதிவு செய்திருந்தனர். அவர்கள் யாவருக்கும் தனித்தனியாக சுருக்கமாக பதில் தந்து விட்ட போதிலும் இன்றைய பதிவு பொதுவான பதிலாக விளங்கட்டும் என்றெ இந்த பதிவை இடுகிறேன்.

அமைதியாக இருந்த நாட்டில் தமிழ்நாட்டில் முதலில் மதுவிலக்குப் பிரச்சனையும், சசிபெருமாள் மரணமும்,அமைதியைக் குலைத்தன. இப்போது வேண்டும் என்றே இது போன்ற சீர்குலைவுகள் நிகழ்த்தப்படுவதாக கருத முகாந்திரங்கள் இருக்கின்றன. பிரதமரும் முதல்வரும் சந்தித்ததான் என்ன இப்போது குடிமுழுகியா போய்விட்டது? அதனால் என்ன மக்களாட்சியில் மக்களிடம் சென்று வாக்கு கேட்டு பதவிக்கு வருவதுதானே என்றெல்லாம் நண்பர்கள் எழுதி இருந்தனர்.

உண்மைதான் என்ன சொன்னாலும், என்ன செய்தாலும் மக்கள் எந்தப் பக்கம் இருக்கிறார்களோ அவர்கள் செல்லும் திசைகள் தான் ஆட்சிகளை முடிவு செய்கின்றன..இன்னும் 6 மாதம் இருக்க அதற்குள் ஏன் இத்தனை அலம்பல்கள், ஓலங்கள், மாநிலத்தில் அமைதியின்மை நிலவ வேண்டும்…?

 

ஒவ்வொருவருமே அவரவர் விரும்பிய கோணத்தின்பாற்பட்டே எல்லாவற்றையும் படிக்கிறார்கள் எழுதுகிறார்கள் கேட்கிறார்கள்.இது ஏற்கெனவே முடிவு செய்து கொண்டு செயல்படுவதாக இருக்கிறது .இது இப்படிச் செல்லும் வரை ,இது இப்படி இருக்கும் வரை எங்கே ஒத்த கருத்தொற்றுமை ஏறபடப் போகிறது?

மறுபடியும் பூக்கும் வரை
கவிஞர் தணிகை.

விமர்சனங்களைத் தாங்க முடியாதோர் தலைவர்களாகக் கூடாது:கவிஞர் தணிகை


விமர்சனங்களைத் தாங்க முடியாதோர் தலைவர்களாகக் கூடாது:கவிஞர் தணிகை
சசிபெருமாள் இறப்பால் மதுவிலக்கு கோரிக்கைக்கு பிடித்த சூடு ஆறுவதற்குள் ஆளும் கட்சி பற்ற வைத்திருக்கும் பெரு நெருப்பு மதுவிலக்கு கோரிக்கையை காணாமல் செய்து ஈ.வி.கே.எஸ்.இளங்கோ மேல் வழக்கு தொடர்ந்த பிறகும் நெல்லையில் பாலம் ஏறிய மேயர், செல்போன் டவரின் மேல் ஏறிய ராஜிவ்காந்தி(காங்கிரஸ் தலைவர் பேரில் அ.இ.அ.தி.மு.க ஆர்வத் தொண்டர் இப்படியாகா காரியங்கள் தமிழகத்தில் நிறைய நிறைய இரசிக்கும்படியாக இல்லை.

அதிகம் சோதிக்க விரும்பவில்லை.ஏற்கெனவே சொல்லி இருந்தாலும் இந்த இரண்டு எடுத்துக்காட்டுகள் இன்றும் பொருந்தும்.இது இன்றைக்கு போதும்

ஒன்று: அறிஞர் அண்ணா முதல்வரை, பத்திரிகைக்காரர்கள் நேரடியாக கேள்வி கேட்கிறார்கள் “உங்களுக்கும் நடிகை பானுமதிக்கும் தொடர்பாமே”,
பதில்: “நான் ஒன்றும் முற்றும் துறந்த முனிவன் புத்தனுமில்லை, அவளொன்றும் படி தாண்டா பத்தினியுமில்லை”.

இரண்டு: காமராசரை அன்றைய முதல்வரை ஒரு பொதுவுடமைக் கட்சிக்காரர், ஒரு பொதுக்கூட்டத்தில் “அது ஒரு மாடு எதுக்கெடுத்தாலும் தலையை ஆட்டும்”…ரஷியாவிலிருந்து திரும்பிய காமராசர் அந்த நண்பரை மனைவியுடன் சாலை நடைப் பாதையில் சென்றதைக் கண்டு, காரிலிருந்து அருகாமை வந்து, அவர் பேர் சொல்லி அழைத்து,” மாடு ரசியாவிலிருந்து திரும்பி வந்திருச்சிண்ணேன்”

அண்ணாவை நேரு மாற்றுக் கட்சி என்ற போதும் ராஜ்யசபாவில் பேசுவதை இரசித்து இலயித்துக் கேட்பாராம் சுவாரஸ்யமாக.இத்தனைக்கும் நேரு பெரிய கோபக்காரர் என்று அனைவரும் அறிவர்.

காமராசரைக் கண்டு இந்திராவே உள் பயம் கொண்டதுண்டு. இதெல்லாம் அன்றைய தமிழக வரலாற்றில்

இன்று , மாநில பாரதீய ஜனதா கட்சி எதிர்ப்பாக அ.இ.அ.தி.மு.கவுடன் இயங்கிக் கொண்டிருக்க அந்த கட்சியின் பிரதமர் மாநில முதல்வரைக் கண்டு விருந்துண்டு செல்கிறார் வீட்டிற்கே வந்து. இது வெளியே உறவில்லா நிலையிலும் உள்ளே வேறு ஒரு நிலையிலும் இருக்கும் கள்ள உறவாக இருக்கிறது என்கிறார் காங்கிரஸ் கட்சியின் மாநிலத் தலைவர்.

இந்த தலைவர் மேல் வழக்கு தொடர்ந்த பின்னும் ஏன் இத்தனை ஆர்ப்பாட்டம், ஆரவாரம்,போராட்டம், செல்பேசி டவரில் சசிபெருமாள் ஏறியது மதுவிலக்குக்காக. இவர்கள் அந்த செயலை மட்டும் எடுத்துக் கொண்டார்கள் வேறு வேலைக்காக.மேலும் சசிபெருமாளுக்கு எடுத்துக் கொள்ளாத முன் முயற்சிகள் நிறைய கிரேன் வருகிறது கயிறு கட்டி இறக்க முடியாது என, மேலும் கீழே விரிப்புகள் இருக்கின்றன…அரசு மக்கள் உயிர்மேல் அதாவது கட்சிக்காரர் மேல் அவர் உயிர் மேல் மிக்க கவனம் எடுத்துக் கொண்டிருக்கிறது.

நல்லது.மேயரே நெல்லையில் ஆற்றுப்பாலத்தின் மேல் ஏறி உயிர் விடுவேன் என்கிறார். இவர்கள் எல்லாம் ஈ.வி.கே.எஸ்.இளங்கோவனை கொன்றாலும் ஆத்திரம் தீராது என போராடுகிறார்கள். செருப்பால் உருவ பொம்மையை அடித்து, தீமூட்டி, அவர் வீட்டில், கட்சி அலுவலகத்தில் , ஏன் தமிழகமெங்கும்…போராட்டம்..

அப்படி என்ன மதுவிலக்கு கோரிக்கை செய்தது என்றுதான் தெரியவில்லை. அதை மறக்கச் செய்யவா இந்த இத்தனை போராட்டம், காங்கிரஸ் கட்சி இறந்த சசிபெருமாளை தமது உறுப்பினராக சேர்த்துக் கொண்டதா என கேட்கிறார்கள்.

மதுவுக்கு எதிராக எவருக்கும் போராட உரிமை உண்டு. அது காங்கிரஸ் கட்சித் தலைவருக்கும் உண்டு. கள்ள உறவா என்று கேட்ட அவர் மேல் இத்தனை துவேஷம்.இவர்கள் எல்லாம் அரசியல் தேர்தல் வியூகம் வகுக்க ஆரம்பித்து விட்டார்கள். வெளி ஒரு வேஷமாய், உள்ளொரு எண்ணமுமாய் இருப்பார் மட்டுமெ வெற்றி பெறுகிறார்கள் இந்த பார்முலா அரசியலில் அ.இ.அ.தி.மு.கவின் அதன் தலைவரின் கோட்பாடாக இருப்பதை யாவரும் அறிவர்.

காங்கிரஸ் கட்சியின் கொ.ப.செ. குஷ்பு ஆங்கிலத்தில் காரில் அமர்ந்தபடியே ஒரு கேள்வி பதில் பேட்டியை பத்திரிகையாளர்களுக்குத் தந்ததை கவனிக்க நேர்ந்தது.அது மிகச் சரியாக கண்ணியமாகவே இருந்தது. பிரதமர் தமது நெறிமுறைகளை காற்றில் பறக்கவிட்டு முதல்வர் வீடு தேடி சென்று விருந்துண்டது சரியா? அங்கே என்ன பேசப்பட்டது விவரம் தெரியவேண்டும் ஏன் எனில் பேசியோர் 2 தனிநபர் அல்ல, நாட்டின் முக்கியமான முதல்வரும், பிரதமரும்…

மேலும் குற்றம் சாட்டப்பட்டு தண்டிக்கப்பட்ட ஒரு குற்றவாளியை நாட்டின் பிரதமரும், நாட்டின் மத்திய நிதிமந்திரியும் வந்து சந்திக்கிறார்கள் எனில் அதில் உள்ள விவரம் வெளியிடப்பட வேண்டும். காங்கிரஸ் கட்சியில் தலைவர் பேசியது சரிதான் அவர் எப்போது தப்பானவர் இல்லை நல்ல மதிப்பு மிக்க குடும்பஸ்தர் தான் என்றும், வெளியே பகையும், உள்ளே உள்ள உறவுமான இந்த உறவு எப்படிப்பட்டது எனக் கேட்டிருந்தார்.

அவரை பெரும்பாலும் ஒரு நடிகையாகவே பார்த்திருக்கிறேன். இப்போது ஒரு நல்ல அரசியல்வாதியாகவும் பிழையின்றி அந்த பேட்டியின் மூலம் பார்க்க முடிந்தது.

சுருக்கமாக சொல்ல விரும்புவது. அரசியலுக்கு வந்து விட்டால் பொது வாழ்வுக்கு வந்து விட்டால் அனைவருமே விமர்சனங்களை தாங்கிக் கொண்டுதான் ஆகவேண்டும். அதற்கு பயந்தால் வந்திருக்க கூடாது. தனி மனித வாழ்வுடன் மட்டுமே இருந்திருக்க வேண்டும். மேலும் இந்த அவதூறு வழக்கு தொடர்ந்த பின்னே ஏன் எதற்கு இத்தனை ஆர்ப்பாட்டம் எனத் தான் தெரியவில்லை. எவருமே கடவுளுமில்லை. கடவுளாய் இருந்தாலும் கேள்வி கேட்ட நாடுதான் தமிழகம்.

நக்கீரர் சிவபெருமான் கதையை அனைவரும் அறிவார். அதை எல்லாம் கடவுள் என ஏற்றுக் கொள்ளும் சமூகம் கடவுள மீறிய ஒரு கட்சித் தலைமைக்கு என்ன செய்ய போகிறது…காலமும், மக்களும் அமைதியாக கவனித்துக் கொண்டிருக்கின்றனர். இது வேறு எங்கோ அ.இ.அ.தி.மு.கவை இட்டுச் செல்லும் போலிருக்கிறது.

மற்ற கட்சிகள் எல்லாம் ஒருங்கிணையவில்லை எனில் தமது கட்சி ஒன்றுதான் வலுவானது, அது தம்மை காப்பற்றி விடும் பாரதிய ஜனதா கட்சிக்கு பங்கு தந்தால் போதுமானது, அதனிடையே வரும் எதையும் நாம் கருவறுப்போம் என மிரட்டுவதன் எதிரொலியாகவே இன்றைய தமிழகம் அதன் நடவடிக்கை தோன்றுகிறது.

அந்த மதுவுக்கு எதிராக போராடி சிறை சென்ற அந்த பச்சையப்பா கல்லூரி மாணவர்கள் நிலை என்ன விடுவிக்கப்பட்டார்களா என்பன எல்லாம் மறக்க இதை செய்கிறார்கள். இன்று கூட ஒரு மூதாட்டி விலையில்லா மிக்ஸி,கிரைண்டர், மின்விசிறி வாங்கும் கூட்டத்தில் இறந்திருக்கிறார் ..இது பற்றி எல்லாம்கவலப் பட்டால் கட்சி விளங்கும் தலைமைக்கு மட்டுமே ஏதாவது ஒன்று என்றால் இத்தனை கட்சி கட்டும் தோழர்கள் மக்களுக்கு நடக்கும் அழிவு பற்றி இழிவு பற்றி வாளா இருப்பதால் என்ன பயன்?

உள் ஒன்று வைத்து புறாமொன்று பேசுவாரிடை உறவு கலவாமை வேண்டும்.

மறுபடியும் பூக்கும் வரை
கவிஞர் தணிகை.

பேர் தெரியாக் கடவுள்கள்: கவிஞர் தணிகை


 

பேர் தெரியாக் கடவுள்கள்: கவிஞர் தணிகை
வினாயகா மிஷன் ஸ்ரீ சங்கராச்சாரியா பல் மருத்துவக் கல்லூரி,1008 சிவலிங்க கஞ்ச மலை தலப் பிரவேசம்,நேற்று நிகழ்ந்தது. இவை பற்றி பலருக்கும் பயனுள்ள சில தகவல்கள்.எங்கோ பிறந்து எதற்காகவோ இங்கே வந்த அந்த இளைஞர்கள் அந்த இளம் பெண்களும், ஆண்களும் சற்றும் உற்சாகம் குறையாமல் பல மணி நேரம் நோயாளிகளிடம் பரிவுடன் அணுகி அவர்களின் உடற்பிணியான பற்களின் பிரச்சனையை தீர்க்க தங்களால் ஆன பணிச் சேவையை செய்தனர் என்பதை கண்கூடாக கண்டேன்.இவர்கள் எல்லாம் யார்? இவர்கள் பேர் எல்லாம் என்ன என்ன? சென்று மருத்துவ உதவி பெற்று வந்த எவருக்குமே நினைவு இருக்காது.பெரும்பாலும் கேரள நாட்டிளம் பெண்களும் ஆண்களுமாகவே இருந்தனர்.மருத்துவம் படிக்க வந்தவர்கள். அடியேன் கண்ட காட்சிகளில்.

சேலத்தில் இருந்து 15 கி.மீ தொலைவில் அரியானூர் பகுதியில் ஒரு பெரும் சாம்ராஜ்ஜியமாய் விநாயகா தன்னாட்சி பல்கலைக் கழகம் அமைந்துள்ளது. இதைப் பற்றி கேள்விப்பட்டிருக்கிறேன் பலமுறை. ஆனால் போகவே இல்லை. எல்லாவற்றுக்கும் ஒரு காலநேரம் வரவேண்டுமல்லவா…

உள்ளூரில் பல் மருத்துவர் ஒருவரிடம் எனக்கு ஏற்பட்ட அனுபவம் வெறுக்கும்படியாக அமைந்ததால் விசாரித்தேன். கடைசியில் எமது அன்பு நண்பர் ஒருவர் வினாயகா மிசன் பல் மருத்துவக் கல்லூரி நோக்கி கையை காட்டிக் கொண்டே இருந்தார். நாங்கள் சில நண்பர்கள் போவதாக சொல்லிக் கொண்டே இருந்தோம் போகவில்லை.

சென்றே தீர்வது என புறப்பட்டேன்.இதைப்பற்றி முதலில் தெரிந்து கொள்ள வேண்டும் பிறர்க்கு சொல்ல வேண்டும் தகவல்களை என்பது முதற் குறி. இரண்டாவதாக வாய்ப்பு கிடைத்தால் நமது குறையையும் போக்கிக் கொண்டு வரலாமே. ஒரே கல்லின் சில மாங்காய்களாக அல்ல மாங்கனிகளாக விழவேண்டும் எப்போதுமே நமது குறி அப்படித்தான்.

நகர் புற பேருந்து சொல்லும் இடத்தில் எல்லா தேவையான நிறுத்தங்களிலும் நிற்கும். எனவே வினாயகா மிஷன், சூப்பர் ஸ்பெசாலிட்டி ஆஸ்பிடல் – பன்னோக்கு மருத்துவ மனை, பல்கலை, ஸ்ரீ சங்கராச்சாரியா பல் மருத்துவக் கல்லூரி, 1008 சிவலிங்க மலை எல்லா இடங்களிலும் நிறுத்தம் உண்டு. ஆனால் நாள் கணக்கில் சென்று சேர ஆகிவிடும்.

எனவே ஒரு சேலம் டூ திருச்செங்கோடு பேருந்தில் அரியானூர் பேருந்து நிறுத்தம். 7ரூ.அனுமதிச்சீட்டு. இறங்கி பின்னோக்கியே வந்த வழியே நடந்தால் பெரும் கோபுரமாக நிற்கும் வினாயகா வெள்ளை மாளிகையின் எதிர்புறம் இந்த பல் மருத்துவக் கல்லூரி.

ஆனால் இதை நீங்கள் அடைவதற்குள் 1008 சிவலிங்க கஞ்ச மலைக் குன்றை கடந்து மேற்புற மலைக்காட்சியை பார்த்தவாறே வந்தடையலாம். எப்படித்தான் அந்த சிறு குன்றையே கோவிலாக்கினரோ தெரியவில்லை. இது பற்றி பிறகு பார்ப்போம்.

காலை 8.30 மணி முதல் மாலை 3.30மணி வரை எல்லா நாட்களும், ஆம் ஞாயிறு கூட காலை முதல் மதியம் உணவு நேரம்வரை இருக்கிறது. அரசு விடுமுறை நாட்களிலும் உண்டா என விசாரித்து அறியவேண்டும்.

ஒரு அமைப்பு ரீதியான முறையில் அணுகு முறை இருக்கிறது. சொல்ல வேண்டியது மிகவும் அதிகமாக இருப்பதால் மிகவும் சுருக்கமாக சொல்ல வேண்டியதிருக்கிறது. ஈரோட்டில் இருந்தெல்லாம் அடியேன் சென்றபோது புற நோயாளிகள் வந்திருந்தனர். நல்ல கூட்டம். நோயாளிகள் வந்தவண்ணமே இருந்தனர். இந்த கல்லூரி மருத்துவம் செய்யும் பெண்களும் சலிக்காமல் செய்தபடியே இருந்தனர் இது ஒரு நல்ல மருத்தவ பண்பாடாக இருந்தது.

முதலில் பதிவு பேர்,ஊர், எல்லாம் அதர்கு ரூ.2 கட்டணம். ஒரு ஏ4 சைஸ் அளவில் 4 பக்க அச்சடிக்கபப்ட்ட அட்டையில் உங்களது விவரத்தை பதிவு செய்து உள்ளே அனுப்புகிறார். வரிசைப்படி உடனே முன் பின்னாக உள்ளே அழைத்து பிரிலிமினரி அறிக்கை சோதனை தேவை எல்லாம் அட்டையில் குறிக்கப்படுகிறது. தேவைப்படுவோர்க்கு உடனே எக்ஸ் ரே இதற்கு 20 ரூபாய் ஒரு எக்ஸ் ரேவுக்கு …பிலிம் ரோல் வாங்க முன் உள்ள வரவேற்பு மேஜைக்கும் பின் உள்ள கண்ணாடி அறைக்கு சென்ரு வாங்கி எக்ஸ் ரே எடுக்குமிடம் சென்று உடனே எக்ஸ் ரே எடுத்து அதை கழுவி டெவலப் செய்து முன் காண்பித்த அதே மருத்துவரை அணுக அவர் அடுத்து செய்ய வேண்டியதை அங்குள்ள துறைத் தலைவர்களுடன் கலந்தாலோசித்து பல்லை அடைக்க வேண்டுமோ என்ன செய்யவேண்டும் என்பதற்கேற்ப மேல் மாடி தொடர்புடைய அறைகளுக்கு வழி சொல்லி அனுப்புகிறார்.

படிக்காத பாமரர்களுக்கும் அவர்களுக்கு ஏற்ற கனிவு, நெளிவு சுளிவுகளுடன் நல்ல நிர்வாகம். அதன் பின் அந்த அறையிலும் ஒரு முறைக்கு 2 முறை பரிசோதனை நடத்தப்பட்டு அனுபவசாலியான முதிய மருத்துவர்களின் ஆலோசனையுடன் முதுநிலை பட்டம் படித்த மருத்துவரிடம் அனுப்புகின்றனர். அவர் அதற்குத் தக்கபடி கேஸ் ஹிஸ்டரிக்கு தக்கபடி உரிய மருத்துவம் செய்கிறார்.

குறைவான தேவையென்றால் மட்டுமே அதற்கான அதாவது ரூட் கேனல் எனப்படும் வேர் சிகிச்சை, பற்களுக்கு மூடி அமைத்து தருவது போன்றவைக்கு தேவையான கட்டணம் செய்யச் சொல்கிறார்கள். தேவைப்பட்டால் மறுபடியும் வரச்சொல்கிறார்கள் ஒரே நாளில் முடியதவர்களுக்கு.

 

நிறைவாக இருக்கிற செயல்பாடுகள். நெருடல் என்ன வெனில் நீர்த் தட்டுப்பாடு அங்கும் இருக்கும் போல் இருக்கிறது. கழிப்பகத்துக்கு சிறு நீர் கழிக்கச் சென்றபோது கவனித்தேன். மற்றபடி மிகவும் நேர்த்தியாக சுத்தமாகவே இருக்கிறது.மேலும் உள்ள இதன் சிறப்புகள் பற்றி அடியேனால் முதல் முறை என்பதால் சரி வர கவனிக்க முடியவில்லை மறுமுறை அங்கு செல்லும்போது அது பற்றி தெரிந்து கொள்ள சந்திப்புகள் உதவும் என நம்புகிறேன்.

 

1008 சிவலிங்கம்:
_____________________

மூலவர் லிங்கம் மிகப்பெரிது. எனக்குத் தெரிந்தவரை தஞ்சையில் கூட இவ்வளவு பெரிது இல்லை. அண்ணாமலை எல்லாம் கோவில்தான் பெரிது. மூலவர் சிறிய அளவில்தான் இருக்கும். இங்கு இந்த கஞ்ச மலை 1008 சிவ லிங்க மலையில் கீழிருந்து மலையை சுற்றுகிறவாறே சில வரிசைகளில் எண்ணிக்கையிட்டு சிவலிங்கம் பேர்களுடன். 1008 பேர்களுடன். எங்கு பார்த்தாலும் சிவ லிங்கம், அதற்கு பெரும்பாலும் மேல் விதானமுடைய சிறு கோபுரம்.

மூலக் கோவில் அதன் மண்டபம் யாரையுமே கும்பிடத் தூண்டும் பெரிய வடிவுடைய கடவுள் நிலைப்பாட்டு விக்கிரகங்கள். சரஸ்வதிக்கும், தட்சிணாமூர்த்திக்கும் சுற்றுப் பிரகாரங்களில். குன்றின் உச்சியில் அம்மன்.

காதல் ஜோடிகளுக்கு நல்ல லவ் ஸ்பாட். ஆங்காங்கே ஒதுங்கி இருந்ததையும் காணமுடிந்தது. யாரும் யாரிடமும் குறுக்கிடும் நிலை இல்லை. அவரவர் அவரவர் செயல் முடுக்கத்தோடு பார்த்து விட்டு வரலாம். எல்லாமே பெரிய சிவ லிங்கம் அத்துடன் நந்திகள். அருமையான மலைக்குன்று. நல்ல காற்றோட்டம். நாம் காலடி எடுத்து வைத்த நேரம் அங்கேயே ஒரு ஆஞ்ச நேயர் கோவிலில் இருந்து விட்டே செல்ல வேண்டும் என தூறலால இருந்த மழை நன்றாகவே பெய்தது. எனவே அங்கே இருந்து விட்டு திரும்பினே. மாலை வேளையில் 4 மணிக்கு மறுபடியும் நடை திறக்கிறார்கள் மூலவர் பூஜையுடன். கல்லூரிகள் 3.30மணிக்கு முடிவடைவதால் அதற்கு பின் இதை ஒரு எட்டு எட்டிப் பார்த்து வர அனைவர்க்குமே நேரம் பொருத்தமாக இருக்கும்

கிருபானந்த வாரியாரின் ஆசிபெற்று இந்த கோவிலையும், இந்த கல்வி குழுமத்தையும் இந்த வினாயாக மிசனையும் இதன் நிறுவனர் நிறுவியிருக்கிறார் என கேள்விப்பட்டிருக்கிறேன்.இந்த பகுதியில் எங்கு திரும்பினாலும் கடைகளுக்கும் கூட விநாயாக விநாயக என்றே பேர் வைக்குமளவு பேர் விளங்குமளவு இதன் விதையை மிகவும் ஆழமாக மிகவும் பரந்து விரிந்திருக்குமளவு டாக்டர். பல்கலைக்கழக வேந்தர் ஏ. சண்முகசுந்தரம் அவர்கள் என்றென்றும் புகழ் பரப்ப பயன் விளைக்க நிறுவியுள்ளமை ஏழைகளுக்கும் உதவுவதை கண்ட அனுபவத்தின் பகிர்வு இது.

அரசுகள் தங்கள் பணியை செவ்வனே செய்யாதபோது இது போன்ற தனிமனிதர்கள் அதன் பணியை தங்களால் முடிந்த அளவு அரசின் சுமையை குறைத்து அதன் பணியை பகிர்ந்து கொள்வது போல் இருக்கிறது இதன் பணிகள். 25.03.1014 முதல் இதன் வேந்தர் மறைவுக்கும் பின் துணை வேந்தராய் இருந்த வி.ஆர். ராஜேந்திரன் அவர்கள் நேரிய வழிகாட்டலில் இந்த கல்விக் குழுமங்கள் மேன் மேலும் பீடு நடை போடுவதாய் இதன் பொறுப்பாளர்கள் கருத்து தெரிவிக்கின்றனர்.

மறுபடியும் பூக்கும் வரை
கவிஞர் தணிகை

பி.கு.: இது போல் எத்தனையோ பேர் தெரியாத , பேர் மறந்து போன கடவுள்கள் நம் வாழ்வில் உதவியிருப்பார்கள் அவர்களை நாம் வாழ்த்தி வணங்க கடமைப்பட்டுள்ளோம்.

*****************************************************************

For your contribution and help

to

MARUBADIYUM POOKKUM SERVICES:

Bank: Central Bank of India

METTUR DAM.SALEM DIST.TAMIL  NADU.INDIA.PIN:636 402.

Account number:1930143137

IFSC:CODE:CBIN 0282563

****************************************************************

மறுபடியும் பூக்கும் சர்வீசஸ்:மறுபடியும் பூக்கும் சேவை மையம்


மறுபடியும் பூக்கும் வலைப்பூவில் எமது 1000 பதிவு நிறைவை சார்ந்து மறுபடியும் பூக்கும் சேவை மையம் தொடங்கி உள்ளோம்.

30 ஆண்டுக்கும் மேலாக இந்தியாவின் பலதரப்பு மக்களுக்கும் பல்வேறுபட்ட சேவை செய்த அடிப்படையை ஆதாரமாக வைத்து

இந்த சேவை மையமானது இயங்க இருக்கிறது.

images (9)

1.இந்த மையம் மருத்துவம் சென்றடையாத மாந்தருக்கு எல்லாம் முதல் உதவிக்கான மருந்துப் பொருட்கள் வழங்கவும்

முதல் உதவிப் பயிற்சி தரவும் ,நெஞ்சு வலி ஆபத்துக்கு லோடிங்க் டோஸ் என்ற மருந்தை உயிர் காக்கவும் அவசர

ஆபத்துக்கு முன் கூட்டியே வழங்கும்.

 

2.கல்வியில் கீழான நிலையில் உள்ள மாணவர்களுக்கு நூல்கள்,நோட்டுகள், எழுதுப் பொருட்கள் வழங்குவதுடன்

தகுதியான நிலையினரை அடையாளம் கண்டு பள்ளி, கல்லூரிகளுக்கு படிக்க மாணவர்களுக்கு நிதி உதவி செய்யவும்

தீர்மானித்துள்ளது

 

3.காதல் என்றால் என்ன? என்ற விழிப்புணர்வூட்டி, காதல் திருமணங்களை சட்டம் நீதிக்கு உட்பட்ட

உரிய தகுதிகள் இருப்பின் நடத்தித் தரவும் முன் வருகிறது.

 

  1. தற்கொலை எண்ணம் தோன்றி தற்கொலைக்கு முற்படும் மாந்தர்க்கு உரிய ஆலோசனை வழங்கி

அவர்களின் உயிர் பெற்றவர்க்கும், உற்றவர்க்கும், சமுதாயத்துக்கும் எவ்வளவு மதிப்பு மிகுந்தது

என நிரூபித்து அவர்களை வாழவைக்கும்.

 

5.சோத்துக் கத்தாழை , மஞ்சள், இஞ்சி,பூண்டு, எலுமிச்சை, வேம்பு போன்றவற்றின் அருமை பெருமைகளை

எடுத்தியம்பி, அவற்றால் எப்படி புற்று நோய், இருதய கோளாறுகள், போன்ற நோய்கள் சுலபமாக குணப்படுகின்றன. இலட்சக்கணக்கில் செலவு செய்தும்

உயிருக்கு உத்தரவாதமில்லா மருத்துவ உலகின் தலை எழுத்தை சாதாரண வீட்டு அன்றாட உபயோகப் பொருட்கள்

முற்றிலும் தீர்த்து வழிவகுக்கின்றன என்ற பயிற்சி அளிக்கும்.

mother-teresa-photoss

இப்படி இன்ன பிற மனித குலத்தின் அத்தியாவசியத் தேவைகளான, 1.சுகாதாரம் மருத்துவம், 2.கல்வி,3.காதல் திருமணங்களுக்கான உதவிகள்,4.தற்கொலை

நினைவை தடுத்தல், 5.உயிர் காக்கும் முதல் உதவி மருந்துப் பொருட்கள் இலவசமாக அளித்தல் போன்றவற்றில் உதவுவதுடன் தியானம், போதை மறுப்பு

போன்றவற்றிலும் ஈடுபட்டு மனிதரை மேம்பட்டவராக்கும்.

 

இந்த இயக்கத்தில் உங்களின் மேலான பங்கீட்டையும் அறிவாக, இலவச சேவை புரியும் உழைப்பாக, உரிய நேரத்தை அன்பளிப்பவராக,அல்லது பொருளாக, பணமாக

அளிக்க முன்வருவாரை இருகரம் நீட்டி நேசமுடன் மனித நேயம் புரிய வருவாரை வருக வருக முடிவதை தருக தருக என இந்த

இயக்கம் அன்புடன் அழைக்கிறது.

இந்த இயக்கத்தின் முன்னோடியாக மறுபடியும் பூக்கும் வலைப்பூவின் கவிஞர் தணிகை, என்கிற தணிகாசலம் செயல்படுகிறார்

வணக்கம்.

அன்புடன்…

கவிஞர் தணிகை.

images (18)

DO NOT WAIT FOR LEADERS

DO IT ALONE

PERSON TO PERSON.

 

மனம் உவந்து எமது சேவை நிகழ்வுகளில் கலந்து கொள்ள விரும்பும் உங்களின் அன்பை கீழ்கண்ட வங்கி கணக்கு, பெயர், விவரத்தில் ஈந்து உவக்கும் இன்பம் பெறலாம்.

வங்கி விவரம்:

சென்ட்ரல் பாங்க் ஆப் இந்தியா

மேட்டூர் அணை,சேலம் மாவட்டம்,தமிழ்நாடு

இந்தியா 636 402.

 

கணக்கு எண்:1930143137

ஐ எப் எவ் சி கோடு எண்:சிபிஐஎண்: 0282563

நன்றி

வணக்கம்

 

கவிஞர் தணிகை.

MARUBADIYUM POOKKUM SERVICES

nammalvar_001

Due to mark our 1000 posts in our Marubadiyum pookkum.wordpress.com

Now we are starting our MARUBADIYUM POOKKUM SERVICES to serve to the grass root level of our humanity in the word. By the way of

  1. Providing First –aid, and necessary healthy medical kit with Loading dose to the poor and needy people and to all.
  2. Counseling to the Love pair and if necessary help them to get into marriage with in the radius of rules of Law and Justice, especially in India.
  3. Helping to the Poor Students by the way of giving necessary stationary materials and creates fund also towards their studies.
  4. Our services is going to concentrate life on those who accelerate with the Suicide decisions and struggling with self-centered problems.
  5. Encourage to prepare easy Medicines like: Cancer- easy cure with Aloe vera,to cure Heart problems with Apple cedar vinegar+3 Juices:Lemon,garlic and ginger liquid medicine, and to spread all herbal treatment like Aloe Vera,turmeric,neem,pepper,homely simple medical herbs and its uses. Etc.

Our Task Force is aimed at: Equality in Health, sanitation, and Education, Love marriages, Restricting Suicides, Prohibition and strengthening young minds with Meditation also.

These kind of services provide to the uplift of our society without caste,creed,Relegious differences.And We confident about our delivery of services with the guidelines of Sri.S.Tanikaachalam, veteran in service having more than 30 years of experience towards various classes of human beings.

Welcome and expecting those who interested to contribute their time, money, and knowledge to these services in world level.

If  You interested to contribute,please  do it in the following number with details.

Bank: Central Bank of India

METTUR DAM.SALEM DIST.TAMIL  NADU.INDIA.PIN:636 402.

Account number:1930143137

IFSC:CODE:CBIN 0282563

Thanks

With honest

Kavignar Thanigai.

 

கவிஞர் தணிகையின் சுதந்திர தினச் செய்தி


கவிஞர் தணிகையின் சுதந்திர தினச் செய்தி:
கட்டுப்பாடில்லாமல் விடுதலை இல்லை என்பார் தத்துவப் பேராசான் முன்னால் இந்தியக் குடியரசுத் தலைவர் டாக்டர் இராதாகிருஷ்ணன்,மக்களால் மக்களுக்காக மக்களே ஆள்வதுதான் மக்களாட்சி என்றார் ஆப்ரஹாம் லிங்கன், முடியும் செங்கோலும் மயக்கம் எய்தி மக்களாட்சியில் பணிச்சேவைக்கு என்று வந்தவர்கள் நலத்தை எல்லா மக்களும் பேணவேண்டிய மயக்கங்கள் நேர்ந்தது என்பார் டாக்டர். மு.வ.

 

ஜனநாயகத்தில் ஒழுக்கமில்லாமல் சுதந்திரம் மலர வழியில்லை, கட்டுப்பாடு இல்லாமல் விடுதலை வந்தாலும் அது விளங்காது, தியாகமில்லாமல் கிடைக்கும் சாதனை நிற்காது என்று ஜனநாயகத்தின் இலக்கணமாக உலகுக்கே முன்னோடியான தத்துவங்களை பகர்ந்தவர் நமது முன்னால் குடியரசுத் தலைவர் டாக்டர் இராதாகிருஷ்ணன் அவர்கள் .

நீங்கள் முன் சொன்னவற்றுடன் நமது நாட்டின் தலைவர் நமோவையும், 25 படிக்கட்டுகள் கூட கோட்டை கொத்தளத்தில் ஏறமுடியாது என்று விமானநிலையத்துக்கு செல்லும் பேருந்து கொண்டுவந்து நிறுத்து அதன் மேடை உயர்த்தி வழியே கொத்தளத்துக்கு(லிப்ட்) சென்று கொடியேற்றி உரை நிகழ்த்திய தமிழக முதல்வர் ஜெ ஆகியவர்களையும் ஒப்பிட்டுப் பாருங்கள்.

சுதந்திர தின உரையில் சசிபெருமாள் அலைபரப்பிய மதுக்கடைகள் எடுப்பு , மதுவிலக்கு மக்களுக்கு பரிசளிப்பு அல்லது அதன் நேரம் குறைப்பு பற்றிய அறிவிப்புகள் இருக்கும் என பலவாரியான மக்கள் நம்பினர். ஆனால் அடியேன் நம்பவில்லை. ஏன் எனில் இந்த அம்மா தமது கருத்துக்கு மிஞ்சி யார் சொல்வதையும் செவி கொடாதவர். எனவே இவர் பிடிவாதம் உலகறிந்தது. எனவே இவர் எதற்கும் தயார் ஆனவராகவே இருப்பார் தாயாரானவராக இருக்க வழியில்லை.

ஆப்ரஹாம் லிங்கன் சொன்ன மக்களால் மக்களுக்காக மக்களே ஆள்வதுதான் அல்லது செய்வதுதான் மக்களாட்சி என்பார். அதை பொருத்தி பார்க்கவே வழியில்லை. ஏன் எனில் ஒரு ஊராட்சி ஒன்றிய கவுன்சிலர்கூட பதவிக்கு வந்து விட்டால் பெரிய முக்கிய புள்ளியாக கருதப்படுகிறார். அவர்கள் மக்களுக்கு பணிச் சேவை புரிவதை விட தமது தேவைக்காகவே அந்த வாக்கால் வந்த பதவியை பயன்படுத்தி வருகின்றனர். அதற்காக எதையும் செய்வார்கள். மேலும் நிறைய இடங்களில் மனைவி இந்த பதவியில் இருந்தால் அவர் பேருக்கு இருப்பார் அவ்வளவே. அவர் கணவரே ஊருக்கு மக்களால் தேர்ந்தெடுக்கப்படாமல் இருந்தபோதும் உண்மையாக அந்த பதவியை ஆள்வார்.

அடிமட்டத்திலேயே இவ்வளவு இருக்கும்போது மேலே ஏற ஏற எங்கே மக்களாட்சி? ஏது மக்களாட்சி, எங்கே ஜனநாயகம்? எங்கே சுதந்திரம்?

ஒன்று வேண்டுமானால் சொல்லலாம். நாடு காலனி ஆதிக்கத்திலிருந்து வெள்ளை ஏகாதிபத்தியத்திலிருந்து விடுபட்டு ஆண்டுகள் 68 ஆகிவிட்டதென்னவோ உண்மை. இது கூட சமூக விடுதலை மட்டும்தான். சாதி மத, பொருளாதார விடுபடல்கள் இன்னும் இந்த மண்ணில் இல்லை. பொருளாதார விடுதலை அவரவர்க்கு வேண்டும் என்பதற்காகவே இந்த ஊழல்,இலஞ்சம் , எல்லா மாய்மாலங்களும், தகிடுதத்தங்களும், ஏமாற்றுகளும், வஞ்சனைகளும் நடக்கும் பித்தலாட்டஙகளும்.

டாக்டர் மு.வ வின் எழுத்துகள் எப்போதும் அறிவுபூர்வமானவை. எனவே வறட்சியாகவே இருக்கும். அவர் ஒரு இடத்தில் சொல்கிறார். கரும்பலகைக்கும் பலப்பம்(சிலேட் பென்சில்) ஆகியவற்றுக்கு என்ன முக்கியத்துவம்? அதனால் கற்பது என்பது உண்மைதான் ஆனால் அதன் வழியே வரும் கல்விக்கு, எழுத்துக்குத்தானே முக்கியத்துவம் இருக்க வேண்டும். இதில் எதற்கு மயக்கம் என்கிறார். அது போல மனித குலத்தை ஒழுங்கு படுத்த அவர்களுக்கு சம வாய்ப்புகளை ஏற்படுத்தித் தர, அல்லது அவர்களுக்கு வாழ்வை எளிமைப்படுத்த ஆட்சி, அரசுகள் ஏற்பட்டன.

முதலில் அதற்காக மணி முடியும், செங்கோலும் கொண்ட மன்னன் இருந்தான். அவன் மக்களுக்கு பணிச் சேவை செய்யத்தான். அதுவே நாளடைவில் மக்கள் எல்லாம் அந்த மன்னன் ஒருவனுக்கு அவன் குடும்பத்துக்கே பணிச்சேவைசெய்து அவன் ஒருவன் நலம் சார்ந்து வாழவேண்டிய நிலை முன்னேற்ற மயக்கம் அல்லாமல் வேறென்ன என்கிறார்.

அது போலவே இன்றைய அமைச்சர்கள், முதல்வர்கள், பிரதமர்கள், யாவரும் குடியரசு தலைவர் உட்பட…மக்களுக்கான சேவைக்கு வந்த வேலைக்காரர்கள் என்பது மறந்து அவர்களுக்கு மக்கள் யாவரும் அவர் நலத்துக்கு வாழும் வாழ்வு இழிநிலை மயக்கங்கள் இங்கு இந்தியாவில் ஏற்பட்டு விட்டன.

 

இதை நமது தமிழக தலைவர்கள் ஜெயலலிதா போன்றோர் வாழ்வுடன் காணலாம். இவர் பெங்களூரு சிறையில் அடைக்கப் பட்ட போதுதமிழகத்தின் எல்லா இடங்களிலும் இவர் கட்சியினர் செயல்பட்ட முறைகள் நாட்டின் முன்னேற்ற மயக்கத்தின் சான்றாகும். அவர் நாட்டுக்கு உழைக்க வந்த கதை மறந்து நாடே நாட்டு மக்களே அவர் பின் செல்ல வேண்டிய சம்பவங்கள் நேர்ந்தது.

பெரும் தலைவர்கள் சொன்னதெல்லாம் இந்த மயக்கங்கள் விட்டு மக்கள் வெளிவரவேண்டும், தக்க விழிப்புணர்வு பெறவேண்டும். தலைவர்கள் யாவரும் மக்களுக்கு சேவை செய்யத்தான். மக்கள் எல்லாம் தலைவருக்கு அவர் வாழ்வுக்கு சேவை செய்ய அல்ல என்பதே இன்றைய நாளில் நாம் உங்களுக்கு பகிரும் சேதி. இதை உணர்ந்த ஜனநாயகம், தழைக்கும், நாடு நல் விடுதலை பெறும். அந்த நாட்டில் பெரும் சாதனைகள் நிகழ்த்தப் படும்.

ஐக்கிய நாடுகளின் பாதுகாப்புக் கவுன்சில் நிரந்தர பட்டியல் நாடுகளுடன் இந்தியாவை அனுமதிக்க சீனா, அமெரிக்கா, ரசியா போன்ற நாடுகள் திருப்தி தெரிவிக்கவில்லை என்பது கடந்த நாட்களில் கிடைத்த அருகாமைச் செய்தி.

மேலும் இன்றைய தமிழகத்தின் மதுவிலக்குப் பிரச்சனையின் அடிநாதமாக விளங்கும் மது ஆலைகள் எல்லாம் தமிழகத்தின் பிரதான 2 கட்சிக்காரர்களிடமே உள்ளன என்பதிலிருந்து இவர்கள் மக்களாட்சி மக்கள் சேவை மக்கள் பற்றை நாம் விளங்கிக் கொள்ளலாம். விலங்கிடப் படாதவரை சுதந்திரம், கட்டி வைக்காதவரை விடுதலை, தப்பு செய்யதவரை சாதனை. ம். ம்…ம்ம்…நடக்கட்டும் 69 ஆம் ஆண்டில் இந்திய சுதந்திரம்.

மறுபடியும் பூக்கும் வரை
கவிஞர் தணிகை.

இந்தியப் பிரதமர் மோடி ஏற்றவேண்டியது காவிக் கொடியா இந்திய தேசியக் கொடியா? கவிஞர் தணிகை.


அடிப்படையிலேயே தேசத்தந்தையின் , எதிர்ப்புகளுடன், மதவாதத்துடன் பிடிவாதத்துடன் அமைக்கப்பட்டு வளர்க்கப்பட்ட அமைப்பு முறைகள் மேல் எழுந்து இன்று ஜனநாயக அடிப்படை என்ற பேரில் பதவி ஏற்றுள்ள இந்த அரசும் அதன் பதவியில் உள்ளவர்களும் இந்திய தேசியக் கொடியை ஏற்றுகையில் அதன் கொள்கைக்குள் வந்தாக வேண்டும். அது பச்சை வளர்ச்சி, வெண்மை தூய்மை காவி தியாகம். நீல வண்ணச்சக்கரம் தர்மத்தின் ஆரக்கால்கள் என..இல்லாவிட்டால் இந்த கொடியேற்றும் நிகழ்வு கூட ஒரு சாங்கியமாகவே கருதப்படவேண்டியதாகும்.

 

கோபால் கோட்ஸேவின் விடுதலையும் காந்திய நெருடல்களும்: கவிஞர் தணிகை
நாதுராம் கோட்ஸேவும் நாராயண ஆப்தேவும் நவம்பர் 15 1949ல் தூக்கிலிடப்பட்டனர் காந்தியை சுட்டுக் கொன்ற குற்றத்திற்காக பஞ்சாப் அம்பாலா சிறையில் ஆனால் நாதுராமின் அண்ணன் கோபால் கோட்ஸே 16 ஆண்டு சிறை வாசத்துக்கும் பின் விடுதலை செய்யப்பட்டார்.இவருக்கு 18 ஆண்டுகள் சிறைத் தண்டனை விதிக்கப்பட்டது குறிப்பிடத்தக்கது.இவர் தமது 86 ஆம் வயதில் நவம்பர் 26.2005ல் இறந்தார்.அதாவது சுமார் 60 ஆண்டுகாலம் காந்தியை கொன்றது சரியே என்ற கருத்துடனே வாழ்ந்தார்.

இவருக்கும் ஏன் இவரது மனைவிக்கும் கூட காந்தியை கொல்வதில் மகிழ்ச்சி, கொன்றதிலும் மகிழ்ச்சி. காந்தியை கொல்வதற்கும் முன் 15 நாட்களுக்கும் முன்பே இவரது மனைவிக்கும் தெரியும் என்கிறார். மேலும் கோபால் கோட்ஸே சிறை பிடிக்கப்பட்டாலும் காந்தியை கொன்றது பற்றி மகிழ்வே என்கிறார்.

இவர்கள் ஆரம்பத்தில் இருந்தே ஒரு இயக்கமாக இந்துமதவாதிகள் காந்தியை எப்படியாவது வீழ்த்தி விட வேண்டும் இவர் முகமதியர்கள் சார்பாக இருக்கிறார் என்ற எண்ணமுடையவர்களாகவே இருந்திருக்கின்றனர்.

இவர்கள் சொன்ன காரணம்,..காந்திக்கும் இவர்களுக்கும் தனிப்பட்டமுறையில் எந்தவித விரோதமும் இல்லை ..ஆனால் கொல்வதற்கு நிறைய அரசியல் காரணஙக்ள் இருந்தன எனச் சொல்லியுள்ளனர்.

அவரை மிக அருகே சென்று வணங்கி விட்டு உடன் வந்த இடது பக்கமிருந்த சிறு பெண்ணை தள்ளி விட்டு நேரடியாக குறுவாள் கொண்டு குத்தி விடும் தூரம் சுமார் 3 அடி தூரத்துக்குள் தம்மிடமிருந்த கைத் துப்பாக்கியில் இருந்த 7 குண்டுகளில் 3 குண்டுகள் காந்தியை துளைக்க அவரை வீழ்த்தினாராம் நாதுராம் கோட்ஸே.இதை அண்ணன் கோபால் கோட்ஸேவிடம் நடந்ததை நடந்தவிதமே விவரித்தாராம்.எனவே அறிய முடிந்ததாம். காந்தி ஒரு சிறு வலியுமின்றி கீழே சாய்ந்தாராம். எந்தவித வார்த்தையும் பேசவில்லையாம். ஹே ராம் என்றெல்லாம் சொல்லவில்லை என உறுதி படச் சொல்கிறார். தமது ஒளிப்படக் காட்சியில்.நாதுராம் கோட்ஸே தம்பியும் கோபால் ராம் கோட்ஸே அண்ணனும் 6 மாதம் ஒன்றாக இருந்தார்கள் அப்போது இதை நாதுராம் பகிர்ந்து கொண்டதாக குறிப்பிடுகிறார்.

இவர்களுக்கு இந்த குறிக்கோள் நிறைவேறியது பற்றி துளியும் வருத்தமில்லை. ஏன் இவர்கள் குடும்பத்துக்கே பெண்கள் முதற்கொண்டு அதற்காக மகிழ்ந்திருக்கிறார்கள்.

எனக்கும் கூட ஆடை, மத சின்னங்கள் என்னும் அடையாளங்கள் குறியீடுகள், பழக்க வழக்கங்கள், உணவு முறைகள் இவற்றை எல்லாம் நீக்கி ஒரு ஆணையோ பெண்ணையோ பார்க்கும் போது ஒரு ஆணாக, ஒருபெண்ணாகவே அவரவரின் உடற் உறுப்புகளுடன் தெரிகிறார்களே ஒழிய அதில் சாதியும், மதமும் எப்படி வந்து புகுந்து இவர்களை இந்த அளவு யோசிக்க வைக்கிறது என்றுதான் தெரியவில்லை.

இந்த பதிவை இப்போது சொல்ல காரணம் உண்டு. ஏன் எனில் :ஒன்று> காந்தி காவி வர்ணக் கொடி இந்தியாவுக்கு வேண்டாம் என்றும் தற்போது இருக்கும் கொடிக்கு வர்ணம் வடிவம் கொடுக்க சொன்னார் என்பதும் இவர்களின் குற்றச் சாட்டுகளில் ஒன்று. காந்திய வழி நூல்களில் நீங்கள் காந்தி இந்தியா சுதந்திரம் பெறும் முன்பே சுமார் இப்போது எமக்கு இருக்கும் நினைவு சரியானதாக இருக்கும்பட்சத்தில் 1930 முதல் 1935களிலேயே ஒரு இந்திய தேசிய சுதந்திரக் கொடியை வடிவமைக்க தமது பத்திரிகை மூலம் கூட முயல்கிறார். பலரிடம் இருந்தும், நாட்டுப்பற்றாளர்கள், ஆர்வமுள்ள நண்பர்கள் அனைவரிடமும் அதைப்பற்றி கருத்து பகிர்வுகள் செய்து வந்தார் என்பது அவரை படித்த யாவருக்கும் தெரியும்.

இரண்டு. சுபாஷ் சந்திர போசை காங்கிரஸ் தலைவராக அனுமதிக்கவில்லை. ஆம். இவரை தேசப்பிதா என முதலில் அழைத்த சுபாஸ் சந்திரபோசே இவர் பேச்சை கேட்டுக்கொண்டு பொட்டி சீதாராமுலு என்ற அப்போதைய ஆந்திரத் தலைவர் ஒருவருக்கு வழி விட்டு வெற்றி பெற்ற போதும் விலகினார்.

மூன்று: வல்லபாய் படேலையே அனைவரும் பிரதமராக தேர்ந்தெடுக்க இவரோ நேருவை முன்மொழிந்தார் என்கிறார்கள். படேலுமிந்த விஷியத்தில் ஏற்றுக் கொண்டார்

காஷ்மீர் பிரிவினையில் இந்தியாவிலிருந்து 55கோடி பணத்தை கொடுக்கச் செய்தார்,முகமதியர்கள் இந்துக்களை கொல்லும்போது அதை எதிர்க்கவில்லை. பிரிவினையை முதலில் எதிர்த்துவிட்டு பிறகு இந்தியா பாகிஸ்தான் பிரிவினைக்கு அனுமதி அளித்து விட்டார்,இவர் முயன்றிருந்தால் பிரிவினை தவிர்க்கப்பட்டிருக்கும், பகத்சிங்க் போன்றோரை தூக்கிலிட காரணமாக இருந்தார் இவர் ஏதும் அதற்கு மறுப்பு சொல்லவில்லை…விவேகானந்தர் போன்றோர் கட்டிக்காத்த மதத்தை இவர் கேவலப்படுத்தி விட்டார்…

இப்படி பல காரணங்கள் சென்று கொண்டே இருக்கிறது. எல்லாம் மதவாதத்தின் அடிப்படையில் இந்தியா சுதந்திரம் பெற்று 68 ஆண்டுகள் ஆன சூழலில் பாராளுமன்றம் இயங்கவில்லை. மாரிக்காலக் கூட்டத் தொடர் செயல்படமாலே முடக்கப்பட்டது. காவி வர்ணக் கொடியோரின் ஏகோபித்த பாராளுமன்ற உறுப்பினர்களின் ஆக்ரமிப்பு பாராளுமன்றத்தில் இருந்த போதும் 44 காங்கிரஸ் உறுப்பினர்கள்பேர் செயல்பாட்டை தடுத்ததாக வெளி வந்த போதும் இவர்கள் பக்கம் இருக்கும் தவறுகளை இவர்கள் ஏற்றுக் கொண்டு வெளியேற மறுக்கின்றனர். இதில் பிரதமர் மௌனமாகவே இருக்கிறார்.

அம்பேத்கார் கனாவுடன் இந்த இந்தியாவின் சுதந்திரம் இருக்கவில்லைதான் பிறக்கவில்லைதான்.

நேரு சுதந்திர உரையுடன் நாட்டின் நிர்வாகத்தை தம் கையில் எடுத்துக் கொண்ட சமயத்தில் காந்தி இந்து முஸ்லீம் ஒற்றுமைக்காக நவகாளி யாத்திரையில் நடந்து கொண்டிருந்ததும் உண்மைதான்.

காந்தி ஆங்கிலேயருக்கு இரண்டாம் உலகப்போரில் இந்தியர்களை உதவச் சொன்னது, நமது இந்தியர்களே காவல்காரர்கள் ஆனால் அவர்களது கடமையை செய்யவேண்டும்தானே எனச் சொன்னது

பயிற்சி இல்லாத இந்தியாவின் எல்லாத் தட்டு மக்களும் அஹிம்சா வழி யுத்தத்திற்கு பயன்படுவார்கள் என எண்ணி ஏமாந்தது எல்லாம் உண்மைதான்

பகத் சிங்க், சுபாஷ் போஷ் ஆகியோரின் வழி இவருக்கு பிடிபடாமலேகூட இருந்திருக்கும். என்றாலும் அவர்கள் எல்லாமே காந்தியை ஒரு தந்தையாகவே மதித்தார்கள் கருத்து, முரண் கொண்டிருந்த போதும்.

பகவத் கீதை படித்த காந்தி, ஸ்ரவண் கதையை ,ஹரிசந்திரன் கதையை இரசித்த காந்தி அதன்படி வாழ நினைத்த காந்தி தாய்க்கு கொடுத்த வாக்குறுதியை எந்த சூழலிலும் எந்த இடத்திலும் கடைப்பிடிக்கத் தவறாத காந்தி கடைசியில் பேராண்மையுடன் படேல் வந்து உங்களை கொல்ல ஏற்பாடுகள் நடப்பதாக உளவுத் துறை செய்திகள் இருக்கின்றன என உள்துறை அமைச்சராக துணை பிரதமராக வந்து சொன்னபோதும் அது அப்படியென்றால் அப்படியே நடக்கட்டும் எனக்கு பாதுகாப்புக்காக என் மக்களிடமிருந்தே எனை பாதுகாக்க காவல் எல்லாம் வேண்டாம் என இறப்பை தம் அருகே வர தாமே வழி வகுத்துக் கொண்டார்.காந்தி ஒரு இந்துவாக பிறந்து இந்துவாக வாழ்ந்து மகாத்மா ஆனவர். இவர் எந்த மதத்தையுமே எதிரானதாக கருதியதே இல்லை.

இவரை ஏற்கெனவே பல இடங்களிலும் பல முறை கொல்ல முயற்சிகள் நடந்திருக்கின்றன என்பதை இவர் வரலாரு அறிந்தோர் அனைவரும் அறிவர்.

இவர் சமய நல்லிணக்கத்திற்காக பெரிதும் முயன்றதும், முகமதியம் என்பது இந்தியாவில் சிறிய தம்பி, ஒரு சகோதரத்துவத்துடன் எண்ணப்பட வேண்டியது ,இந்து மதம் என்பது அதன் மூத்த சகோதரத்துவத்துடன் என்பதாக இருக்கவேண்டும் என இந்தியாவை பரந்து பட்ட இந்தியாவையே தமது குடும்பமாக நினைத்தார். இந்தியர் யாவரையும்(இந்த் இடத்தில் இந்தியர் என்றால் அது இந்தியவில் வசிக்கும் எம்மத்தத்தினராயினபோதும்)தமது மக்களாக தமது பிள்ளைகளாக தமது குழந்தைகளாகவே நினைத்த உண்மையான தந்தையாகவே இருந்தார் மறைந்தார்.

இப்போது திட்டமிட்டே ஊடகம் யாவும் காவி கரையை பரப்ப முயல்வதான நிறைய மதவாதத்துடனான செய்திகள் பரப்பப் படுகின்றன. மார்பிங்க் என்ற கிராபிக்ஸ் முறைகளில் காந்தி நோஸ்கிஸ் செய்தபடி ஒரு ஆங்கில பெண்ணுடன் இருப்பது போன்றும் காந்தி ஒரு ஐரோப்பிய பெண்மணியுடன் நடனம் ஆடுவதாக எல்லாம் இணயத்தில் படங்கள் உரைகள் பதிவுகள் உலா வருகின்றன.

இதை ஏதுமறியா அப்பாவிகள் படித்தால் இவை உண்மை என நினைத்தால் இந்த நச்சுக்காற்று பெரிதும் ஊறுவிளைப்பதாக அமையும்.இவை திட்டமிட்டே பரப்புரை செய்யப்படுகின்றன.

மேலும் நேரு என்னவோ பெண்களை மேய்வதே வேலை என வைத்துக்கொண்டிருந்தவர் போல அவர் இறப்புக்கு பெண் நோய் எனப்படும், எய்ட்ஸ் தான் காரணம் என்றெல்லாம் படங்களும் பேச்சுகளும் பதிவு செய்யப்பட்டுள்ளன. இவை எந்த நோக்கத்துக்காக செய்யபப்ட்டுள்ளனவோ அந்த நோக்கம் நிறைவு பெறாமல் போவதாக.

இந்தியப் பிரதமர் மோடி ஏற்றவேண்டியது காவிக் கொடியா இந்திய தேசியக் கொடியா?

அடிப்படையிலேயே தேசத்தந்தையின் , எதிர்ப்புகளுடன், மதவாதத்துடன் பிடிவாதத்துடன் அமைக்கப்பட்டு வளர்க்கப்பட்ட அமைப்பு முறைகள் மேல் எழுந்து இன்று ஜனநாயக அடிப்படை என்ற பேரில் பதவி ஏற்றுள்ள இந்த அரசும் அதன் பதவியில் உள்ளவர்களும் இந்திய தேசியக் கொடியை ஏற்றுகையில் அதன் கொள்கைக்குள் வந்தாக வேண்டும். அது பச்சை வளர்ச்சி, வெண்மை தூய்மை காவி தியாகம். நீல வண்ணச்சக்கரம் தர்மத்தின் ஆரக்கால்கள் என..இல்லாவிட்டால் இந்த கொடியேற்றும் நிகழ்வு கூட ஒரு சாங்கியமாகவே கருதப்படவேண்டியதாகும்.

click this link and see this film:https://www.youtube.com/watch?v=99zZub5z98w

மறுபடியும் பூக்கும் வரை’
கவிஞர் தணிகை.

இந்திய ரூபாய் நோட்டுகள் நோய் பரப்பும் கிருமிகளுடன்: கவிஞர் தணிகை


பணத்தை பார்த்தவுடன் இலட்சுமி என முதலில் போணி ஆகும் காசு என கண்களில் வேறு ஒற்றிக் கொள்கிறார்கள். சிஎஸ் ஐ ஆர் எனப்படும் அறிவியல் தொழில் நுட்ப ஆலோசனைக் கழகத்தின் ஒரு நிறுவனமான உயிரியில் தடயவியல் ஆய்வு நிறுவனம் இந்திய ரூபாய் நோட்டுகள் 78 வகையான நோய் பரப்பும் கிருமித் தொற்றுகள் உள்ளதாக கண்டறிந்துள்ளன.

இந்திய ரூபாய் நோட்டுகள் நோய் பரப்பும் கிருமிகளுடன்: கவிஞர் தணிகை
கறுப்புப் பணம், வெளி நாட்டு வங்கியில் முடக்கிய பணம்,இலஞ்சப் பணம், இப்படி எல்லாம் இருந்தது போக இந்திய கரன்சி ரூபாய் தாள்கள் நோய் பரப்பும் கிருமித் தொற்று ஏறபடுத்தும் பணம் என இன்று ஒரு நிரூபிக்கப் பட்ட அறிக்கை சொல்கிறது.

தெற்கு டில்லியில் சேகரிக்கப்பட்ட 10ரூ,20ரூ,50 ரூ, 100ரூபாய் நோட்டுகளை வைத்து சிறிய அளவில் ஒரு ஆய்வு செய்யப்பட்டு அந்த நோட்டுகளில் குறைந்த பட்சம் 12 வியாதிகள் பரப்பும் கிருமித் தொற்று இருப்பதாகவும் பயணம் செய்து கொண்டுள்ளதாகவும் அந்த ஆய்வு நிரூபித்துள்ளது. இதையே இந்தியா பரவலாக முழுதும் ஆய்வுக்கு உட்படுத்தினால் என்ன என்ன பூதம் கிளம்புமோ?

பணத்தை பார்த்தவுடன் இலட்சுமி என முதலில் போணி ஆகும் காசு என கண்களில் வேறு ஒற்றிக் கொள்கிறார்கள். சிஎஸ் ஐ ஆர் எனப்படும் அறிவியல் தொழில் நுட்ப ஆலோசனைக் கழகத்தின் ஒரு நிறுவனமான உயிரியில் தடயவியல் ஆய்வு நிறுவனம் இந்திய ரூபாய் நோட்டுகள் 78 வகையான நோய் பரப்பும் கிருமித் தொற்றுகள் உள்ளதாக கண்டறிந்துள்ளன.

 

பெரும்பாலான நோட்டுகளில் எல்லாம் பூஞ்சைக்காளான் வகையான fவங்கி என்னும் நுண்ணியிரி உள்ளதாகவும் அந்த வகையான பாக்டீரியாக்களால் பேதி, என்புருக்கி(எலும்பு இரத்தப் புற்று நோய்) மற்றும் குடல் புண்கள் ஏற்படும் என்றும் கண்டறியப்பட்டுள்ளது.

மேலும் இந்த நோட்டுகள் வழியே இது போன்ற நுண்ணியிரிகள் எடுத்துச் செல்லப்படுவதாகவும் இவை நோயை பரப்புவதாகவும் அதிர்ச்சி அளிக்கின்றன செய்திகள்

இந்த நோட்டுகள் மக்களுக்கு தொற்றி நோய் ஏற்படுத்துகின்றனவா என்னும் போக்கில் இந்த ஆய்வு இல்லை எனினும் இந்தநோட்டுகள் இது போன்ற நோய்களை பரப்புகின்றன என்பதில் தெளிவு படுத்தி உறுதி படுத்தி உள்ளன.

இந்த நோட்டுகள் பெரும்பாலும் தெற்கு டில்லியில் இருந்து தெருவில் விற்பனை செய்யும் நபர்கள், மளிகைக்கடைகள்,சிற்றுண்டி ,மகிழுண்டி(ஸ்னேக் பார்)கடைகள் மற்றும் உள்ளூர் சந்தைக் கடைகளிலிருந்து திரட்டப்பட்டு ஆய்வுக்குட்படுத்தப்பட்டவையாகும்.மேலும் இதில் சிறந்த முன்னோடியான தொழில் நுட்பம் பயன்படுத்தப்பட்டு வகை செய்து ஆய்வு செய்துள்ளனர் என இதன் பேராசிரியர்.இராமச்சந்திரன் என்பவர் சொல்லி இருக்கிறார்.

இது சிறிய அளவில் கல்லூரி மாணவர்களை வைத்து செய்யப்பட்ட அளவிலேயே ஒரு கண்திறப்புக்கு உதவியிருக்கிறதென்றும், இதை பெரிய அளவில் நாடு தழுவிய அளவில் செய்யும்போது இன்னும் மிக பயனாகும் கருத்துகள் வெளிப்படும் உறுதிப்படுத்தப்படும் என்றும் நம்புவதாக இந்த ஆய்வு செய்த அறிஞர் பெருமக்கள் கருதுகிறார்கள்.

இருக்கும்யா! இந்தியாவில் எதுவுமிருக்கும். அப்படியே முழுக்க முழுக்க நம்புகிறேன் . ஏன் எனில் எச்சில் தொட்டு பேருந்தில் நடத்துனர் பயணச் சீட்டு கிழித்துக் கொடுப்பதும்,ரூபாய் நோட்டுகளை எண்ணுவதும்,

யாமறிந்த ஒரு சாமியார் வேடத்தில் உள்ள ஒரு போலி, எப்போதும் தமது அண்டர் வேர் ட்ரவுசர் பாக்கெட்டில் இருந்து கத்தை கத்தையாக பணத்தை வைத்திருப்பதும்,

பெண்கள் மணிப்பர்ஸை திருட்டுக்கு பயந்து இரு மார்பகங்களிடை ஜாக்கெட்டில்வைத்துக் கொள்வதும், பர்ஸ் இல்லாதபோதும் அப்படியே திணித்துக் கொள்வதும், இடுப்பு சேலை மறைப்பில் செருகி வைத்திருந்ததை எடுப்பதும்,

வைப்பதற்கு இடமே இல்லாதது போல காதில் சுருட்டி வைத்திருப்பதும், பாக்கெட் அடித்து விடுவார்கள் என்ற பயத்தில் இரகசிய பாக்கெட் வைத்துக் கொள்வதும்(இது கூட பரவாயில்லை பாதுகாப்புக்காக செய்வது)

இப்படி சொல்லிக் கொண்டே போகலாம், சுருட்டுவது, மடிப்பது, அதில் பேர் எழுதுவது, காதலுக்கு தூது அனுப்புவது, அதில் இதயக்குறி வரைந்து வைப்பது, எண்ணிக்கையை குறித்துக் கொள்வது. இப்படிசொல்லிக் கொண்டே போகலாம்…

இதையெல்லாம் விட ..எமது மலைப்பிரதேசங்களில் யாம் சொல்வது: சுமார் 25ஆண்டுகளுக்கும் முன்….குடிகாரக் கணவன்களுக்கு பயந்து பணத்தை எங்கு வைப்பது எனத் தெரியாமல் மறைத்து வைக்க , மேற்கூரை இரவாணாத்தில் செருகி வைத்து அதை எலி கடித்து விடுவது, கற்கட்டுகளில் வைத்திருந்து அதை கறையான் அரித்து இருப்பது, அடுக்குப் பானையில் வைத்திருப்பது இப்படி தமக்குத் தேவையான எண்ணத்துக்குத் தோன்றிய வகையில் எல்லாம் இந்திய ரூபாய் நோட்டுகள் இந்தியாவில் பயன் படுத்தப் படுகின்றன எனவே அவை எல்லா வகையான நோய்க் கிருமிகளும் கொண்டிருக்கும் என்பதில் எமக்கு துளியும் சந்தேகமில்லை.

எப்படி பணத்தை பயன்படுத்தவே தெரியாத மாக்கள். மேலும் மதுக்கடையில் உழலும் மிருகங்கள் அங்கே சென்று பாருங்கள்…வாந்தியில் இருந்து கூட நோட்டை எடுத்துக் கொடுப்பார்கள்.

காசாயிருந்தால் அது மலத்தில் இருந்தாலும் அதை பொறுக்கி எடுக்கும் கூட்டம், பணம் என்றால் பிணமும் வாயைத் திறக்கும் என்ற சொலவடை, செத்துக்கொண்டிருக்கும் நபர்களிடம் இருந்து கூட பிடுங்கி எடுக்கும் கூட்டம் இப்படி மனித ஜாதி மிகவும் முன்னேறிய கூட்டமாய் மாறி இருக்கிறது.

என்வே இந்திய ரூபாய் நோட்டுகள் ஒரு காலத்தில் தொடவே அருகதை யற்றவையாக மாறும் என்பதில் கருத்து வேறுபாடு இல்லை. ஒன்று பிளாஸ்டிக் மணி இரண்டு இ.ட்ரான்ஸ்பர் இவையே தீர்வு. பொதுவாக பணத்தாளை பயன்படுத்துவது குறைவாய் இருக்கும் வரை கறுப்புப் பணம் புழக்கமும் குறையும் சுகாதாரமும் பெருகும். இவை எல்லாம் சொன்னா கேட்க மக்களும், அரசும் வேண்டுமே….

இங்கு மொத்த வியாபாரத்தில் கூட உடனடி ரொக்க பணமாக அள்ளி விட்டால் எல்லாம் எளிதாக விலை குறைவாக கிடைக்கும், கணக்கு வழக்கிலிருந்தும் தப்பிக்கலாம், கறுப்புப் பணமாகவும் கொள்ளலாம் என்ற போக்கு பெரிய பெரிய வியாபாரிகள் பணமுதலைகளிடம் இருக்கும் வரை அரசியல் வாதிகளிடம் இருக்கும்வரை அறிவியல் இவர்களை வெல்லாதிருக்கும் வரை எல்லா அதிர்ச்சியூட்டும் செய்தியும் இருக்கும். இந்தியாவில் எதுவுமே நடக்கும். எதுவுமே அதிர்ச்சி ஊட்டுவதாக எடுத்தக் கொள்ளக் கூடாது. எல்லாவற்றில் இருந்தும் தப்புவிக்க தணிக்கையாளர் படிப்பும் சட்டம் படித்த வழக்கறிஞர் படிப்பும் பேருதவி புரிய இருக்கும்போது தேர்தல் வாங்கு வங்கியை நம்பிய அரசு அரசியல் அரசியல் கட்சிகள் இருக்கும்போது எது எப்படி இருந்தால் என்ன? எண்ணிலடங்கா மருத்துவமனை கட்டலாம், அதில் ஒரு கணக்கு காட்டலாமே….


மறுபடியும் பூக்கும் வரை
கவிஞர் தணிகை.

நன்றி: ஆதாரம்:எம்.எஸ்.என். செய்திகள்
ஆங்கிலசெய்தி: இந்தியன் எக்ஸ்பிரஸ்.

அம்மா உப்பு குப்பையில் அம்மா கொடுத்த விருந்து தாஜ் தயாரிப்பாம்:கவிஞர் தணிகை


 

அம்மா உப்பு குப்பையில் அம்மா கொடுத்த விருந்து தாஜ் தயாரிப்பாம்:கவிஞர் தணிகை
லோ சோடியம் உப்பு அம்மா பிராண்டிலும் கிடைக்கிறது என நிறைய அலைந்து ஒரு முறை ஈரோடு பேருந்து நிலைய நியாயவிலைக் கடையில் வாங்கி வந்தேன் விலை குறைவுதான் டாட்டா சால்ட்டை விட. ஆனால் இது திருவள்ளூர் ஆவடி சாலையில் கொட்டிக் கிடக்கிறதாமே…ஒரு வேஸ்ட் உப்பு ரிபோர்ட்

உப்பு என்பதை இலட்சுமி என்பார், முதன் முதலில் வீட்டில் உப்பு வாங்கி வைத்துத் தான் குடிமனை புகுவது, வாடகை வீட்டுள் புகுவது, ஏன் அட்சயத் திரிதியை தினத்தில் கூட உப்பு மஞ்சள் வாங்கினால் போதும் என்பார். விருந்தில் முதலில் இலையில் உப்பு வைப்பதுதான் தமிழர் பண்பாடு. இதில் அவரவர்க்கு ஏற்ற உகந்த முறையில் உப்பை கலந்து கொள்ளலாம் என்ற உணவில் என்ற சொல்லாத சொல்லும் உண்டு.

இந்த உப்பு அரசியல் ஆங்கில காலனி ஆதிக்க காலத்தில் தண்டி, வேதாரண்யம் என்று உப்பு யாத்திரை சென்று உப்பு காய்ச்சி நமது இந்தியர்களின் உரிமை அது உப்பு எடுப்பது கடலில் இருந்து என சரித்திரப் புகழ் பெற்ற சுதந்திர இயக்கத்தின் அத்தியாம் அது.

இங்கு நாம் சொல்ல வருவது : அம்மா மோடிக்கு விருந்தளித்தார் உப்பிட்டவரை உள்ளளவும் அதாவது உயிர் இருக்கும் வரை மறக்கலாகாது என்ற தத்துவத்தில். ஆனால் உண்வெல்லாம் அம்மா கையால் பரிமாறப் பட்டாலும் அவை எல்லாம் சென்னை தாஜ் நட்சத்திர ஓட்டலில் இருந்து தருவிக்கப்பட்டதாம். அதன் உணவுப் பட்டியலை அந்த விருந்தளித்த அன்றே ஏடுகளும் ஊடகங்களும் மொழிந்து தள்ளின.

ஆனால் அம்மா உப்பு பாக்கெட்டுகள் மூட்டை மூட்டையாக டன் கணக்கில் திருவள்ளூரிலிருந்து ஆவடி செல்லும் நெடுஞ்சாலையில் காக்களூர் என்ற பகுதியில் பழைய மாவட்ட ஆட்சித்தலைவர் அலுவலகம் அருகே புதர் பகுதியில் கொட்டப் பட்டுக்கிடந்தன என்கின்றன செய்திகள். ஆனால் அவை ஒருவேளை காலாவதி ஆனவையாகக் கூட இருக்கலாமோ? காலாவதி ஆனதா? இல்லையா என்ற தகவல்கள் இல்லை.

இந்த அம்மா உப்பு போதிய அளவு பொதுமக்களிடம் வரவேற்பை பெறவில்லை என்கிறார்கள். டாஸ்மாக் மதுவுக்கு கொடுக்கும் அதே முக்கியத்துவத்தை ஏன் அதை விட குறைந்த அளவு கவனத்தை இந்த அம்மா உப்பிடம் காண்பித்திருந்தாலும் எல்லா நியாய விலைக் கடைகளின் மூலம் விநியோகித்திருக்கலாமே.. ஏதொ ஒரு வழியில் இப்படி எல்லாம் செய்து தனியார் மயத்தை குடிநீரில், போக்குவரத்தில் , இன்னும் பிற துறைகளில் கொண்டு வருவது போல இந்த உப்பு விநியோகத்திலும் கொண்டு வந்திருக்கலாம் என கருதுகிறேன்.வேறு வழியே இல்லை எம் போன்றோர் இப்போது டாட்டா லோ சோடியம் சால்ட்டை மட்டுமே நம்பி இருக்கிறோம். இரத்தக் கொதிப்பு அல்லது மிகுதியான இரத்தம் அழுத்த நோய்க் குறைபாடு உள்ளவர்களுக்கு குறைவான உப்பின் அளவு பயன்பாடு இருக்க வேண்டும். மேலும் சோடியம் குறைவாக பங்கீட்டில் உள்ள உப்பே அவசியம். எனவே இதிலும் என்ன என்ன குளறுபடிகள் நடந்துள்ளனவோ?

இவற்றின் மூலம் அரசின் பணம், அல்லது மக்களின் பணம் எவ்வளவு விரயம் செய்யப்பட்டதோ? டாஸ்மாக் மட்டும் வேண்டும் யார் சொன்னாலும் செவி சாய்க்காமல். மேலும் மதுவிலக்குக்காக போராடிய அரசியல் கட்சிக்காரர்களை எல்லாம் உடனே விடுவிக்கும் அரசு அந்த பச்சையப்பா கல்லூரி மாணவர்கள் போராட்டத்தின் போது கைதான கல்லூரி மாணவர்களை கடுமையாக அடித்து நொறுக்கியதோடு மட்டுமல்லாம அவர்களை விடுவிக்க மறுப்பதும் எந்த நியாயாம்? அதற்காக போராடிய புதிய ஜனநாயக முன்னணி என்ற இளைஞர் இயக்கத்தை முடக்குவதாக கூட செய்தி வருகின்றனவே அதெல்லாம் எந்தநியாயம்?

ஒரு கண்ணுக்கு வெண்ணெயும், மறு கண்ணுக்கு சுண்ணாம்பும் ஏனம்மா? அம்மா என்பவளின் போக்கு எல்லா பிள்ளைகளுக்கும் சமமான பாசம் என்பதாக அல்லவா இருக்க வேண்டும். அந்த கல்லூரி இளைஞர்களை விட்டு விடுவதுதான் சரியானது. அல்லது எல்லா அரசியல் கட்சியினரையும் அதற்காக போராடிய எல்லா அரசியல் கட்சித்ட் தலைவர்களையும் உள்ளே அல்லவா வைத்திருக்க வேண்டும். இவர்கள் செய்வது வேடிக்கை அவர்கள் செய்தது நிஜமான போர் முறை எனக் கருதப்படுகிறதோ அரசால் என்னவோ …

இந்த அரசின், இதன் அலுவலர்களின் போக்கை இந்த உப்பு விரயம் காட்டுகிறது. இதில் இருந்தே இந்த அரசின் கையாலாகாத் தனத்தை அறியலாம். ஏன் சும்மா கூட கொடுத்திருக்கலாமே, அல்லது விலைகுறைவாகக் கூட விநியோகித்திருக்கலாமே? நான் இந்த அம்மா உப்பு விலை மலிவாக குறைவான சோடியச் சத்துடன் கிடைக்கிறது என லோ சோடியம் உப்புக்காக லோ லோ என்று எல்லாம் அலைந்து திரிந்து வாங்கியிருக்கிறேன். ஒரு முறை ஈரோட்டில் ..ஓரு ஆண்டுக்கும் முன் புத்தகத் திருவிழா மற்றும் அப்துல் கலாம் பார்ப்பதற்காக மகனை கூட்டி சென்றபோது வாங்கினேன் நன்றாக நினைவில் இருக்கிறது.

இப்போது பார்த்தால் இப்படி ஒரு செய்தி. உப்பு மட்டுமல்ல,இந்த அரசு மட்டுமல்ல, இந்த மக்களும் விளைச்சல் அதிகமாகும்போது உரிய விலை கிடைக்காதபோது தக்காளியையும் இப்படித்தான் சாலையோரம் வீணாக்கி கொட்டி வைக்கிறார்கள், ஏன் பாலுக்கு உரிய விலை கிடைக்காதபோது இந்த பால்கார பன்னாடிகள் பாலை சாலையில் வீசிக் கொட்டி ஊடகத்துக்கு போட்டோ காட்டி, ஊடகச் செய்தி மூலம் உலகுக்கு அறிவிக்கிறார்களாம்.

 

 

இதை எல்லாம் பார்த்தால் அரசு, மக்கள் இவர்கள் சிந்தனை எப்படி என தெரிந்து கொள்ளலாம். சும்மா கொடுக்க மாட்டோம், விரயம் வேண்டுமானாலும் செய்வோம்.ஜப்பானில் வேலை நிறுத்தம் என்றாலும் உற்பத்தியை சராசரிக்கு அதிகமாக பெருகுவார்களாம், உதாரணமாக ஒரே கால் செருப்பை, இடது கால் மட்டுமே மிக அதிகம் செய்து போட்டு சேர்ப்பார்களாம், கோரிக்கை நிறைவேறியவுடன் அதற்கு ஈடான வலது கால் ஜோடி செருப்பை அந்தளவு உற்பத்தி செய்வார்களாம் இவர்களின் கோரிக்கை நிறைவேறும் சமயம் முதலும் பாதிக்கப் படாதாம். இப்படி ஏதாவது பொறுப்புள்ள முறைகளில் போராட்டமும், பொருள் உற்பத்தியும், விநியோகமும் இருக்கும் நாடுதான் எப்போதும் முன்னேறும் எந்த ஒரு ஆபத்து அவசரக் கட்டத்திலும் கூட மீண்டுவிடும். அவர்கள் இப்போது அணுமின் உற்பத்தியை மீண்டும் ஆரம்பித்து விட்டதாக செய்திகள்.

இங்கு எல்லா மரபுகளும் மீறப்படுகின்றன தன்னிச்சையாக, யாரும் கேட்க முடியாது என்ற தலைக்கனத்தினால்.

தமிழ்நாடு மாநில தகவல் ஆணையத்தின் தலைவர், நியமனம் பற்றிய செய்தி கூட அப்படித்தான் தன்னிச்சையாக செய்யப்பட்டு விட்டதாக புகைந்து வருகிறது. வழக்குகளையும் எதிர் வரும் நாட்களில் பார்க்கலாம்.

மறுபடியும் பூக்கும் வரை
கவிஞர் தணிகை.

source: thinakaran photo.Aug.11.15. Front page.

பாராளுமன்றத்தின் படியை முதலில் தொட்டு வணங்கிய மோடி எப்போது விட்டு விலகிடும் ஜோடி?: கவிஞர் தணிகை


 

பாராளுமன்றத்தின் படியை முதலில் தொட்டு வணங்கிய மோடி எப்போது விட்டு விலகிடும் ஜோடி?: கவிஞர் தணிகை
பிறந்த நாளுக்கு தாயிடம் ஆசி வாங்கும் மோடி, பாராளுமன்றத்தை முதன் முதலாக மிதித்தபோது அதன் படியை தொட்டு வணங்கிய மோடி,மனவியை விட்டு விலகி வாழும் மோடி, தமிழக முதல்வரின் போயஸ் கார்டனில் மதிய உணவை அவர் கையால் பரிமாற விரும்பி உண்ணும் மோடி,சுஷ்மா, வசுந்தரா பிரச்சனையில் வாயே திறக்காமல் பாராளுமன்றத்தை எட்டி பார்க்காமல் வெளி நாடுகளுக்கும் வெளி மாநிலங்களிலுமே வருடத்தை ஓட்டி விட்ட மோடி…இப்படி பல மோடிகள் இந்த பதிவுக்கு நாடி..

பிரதமரின் பாரம்பரியத்தை நெறிமுறைக்கு மாறாக ஒரு முதல்வரின் வீட்டுக்கே சென்று விருந்துண்ட மோடி

உடன் அந்த முதல்வரின் அரசியல் குரு சோ.ராமசாமியை சென்று நலம் விசாரித்த மோடி

அத்வானி, முரளி மணோகர் ஜோசி,ஜஸ்வந்த் சிங், சத்ருகன் சின் ஹா போன்ற மூத்த பாரதீய ஜனதா கட்சியினரை ஓரம் கட்டி மூலையில் அமர வைத்த மோடி

தமது மனைவி பற்றி ஒரு தேர்தல் வேட்பு மனுவில் விவரம் தெரிவிக்காத மோடி

மற்றொரு தேர்தல் வேட்பு மனுவில் விவரம் தெரிவித்தும் அந்த ஆசிரிய மனைவியை ஓரம் கட்டியே வைத்திருக்கும் மோடி

வசுந்தரா, சுஷ்மா போன்றோருக்காக காங்கிரஸ் சொல்லும் குற்றச்சாட்டை பற்றி வாயே திறக்காத மோடி

பாராளுமன்றத்தின் படிக்கட்டை முத்தமிட்டு வணக்கம் செய்து அதனுள் நுழைந்த பிரதமர் எதையோ சாதிக்க போகிறார் இவர் மற்ற பிரதமர் போல அல்ல என எல்லாரையும் நம்ப வைத்த மோடி

தாயின் கையால் ஒவ்வொரு பிறந்த நாளுக்கும் ஆசி வாங்கும் மோடி

ஸ்மிர்தா இரானியை, பிடித்ததனால் மனித வள மேம்பாட்டுத் துறைக்கே சேவை செய்ய வைத்த மோடி.

லலித் மோடியால் பாராட்டப் பட்ட மோடி

3 முறை முதல்வராய் இருந்து குஜராத் மண்ணை பொன்னாக்கிய மோடி இந்தியரை அப்படி சொல்லியே புண்ணாக்கும் மோடி

அமெரிக்க விசா இன்றி முன்னொரு காலம் அங்கு செல்ல முடியா மோடி, இன்னொரு முறை அமெரிக்கா உங்களை எதிர்பார்க்கிறது என செய்தி ஊடகங்களில் வந்து கொண்டிருகும் மோடி

வருடமெல்லாம் வெளிநாட்டில் தங்கி விட்டு, சுற்றுப் பயணம் செய்து விட்டு நம் நாட்டை விருந்துக்கு மட்டும் பயன்படுத்தும் மோடி

பாராளுமன்றத்தை நடந்தால் என்ன இடிந்தால் என்ன என கண்டு கொள்ளாமல் விட்டு விட்ட மோடி குறைவான உறுப்பினர் உடைய காங்கிரஸ் முடக்குவதையும் கண்டு கொள்ளா மோடி.

மோடியும் அம்மாவும் ஒரே அலை நீளத்தில். அவர்கள் கவனத்தில் வருபவை மட்டுமே நாட்டில் செய்தியாகும். இப்படி எண்ணற்ற மோடி வித்தைகளை இன்னும் சில ஆண்டுகள் சந்திக்க வேண்டியிருக்கும்.

கவனத்தில் எடுத்துக் கொள்ளப்படா சம்பவங்கள் எத்தனை நடந்தாலும் அவை எல்லாம் கண்டு கொள்ளாப் படாமல் குப்பைக் கூடை புகும்

அங்கு நாடாளுமன்ற முடக்கம், வசுந்தரா, சுஷ்மா, லலித் மோடி பழக்கம்
இங்கு மதுப் பழக்கம்…

இஜட் கேட்டகிரி பாதுகாப்பில் இருந்த போதும் அப்துல் கலாம் அரவிந்த் கண் மருத்துவ மனையில் இலவச பிரிவில் படுத்து கிடந்தாராம்..யாரையுமே அவர் தம்மை விட மேலே கருதினர்.

மனோகர் பாரிக்கர் வரிசையில் நின்று மணமக்களை வாழ்த்தி பரிசளிக்க சென்றாராம்

அஜித் எங்குமே வரிசையில் நின்றுதான் செய்கிறாராம்.

இன்போஸிஸ் நாராயண சாமி தமது வளாகத்தின் ஏடிஎம்மில் கூட தமக்கு முன் நின்ற செக்யூரிட்டிக்கு வரிசைப்படி காசை எடுத்துக் கொள்ளச் சொல்லி பின் நின்றாரம்

ஆனால் இங்கு பொது இடத்தில் எங்குமே ஒழுங்கு இல்லை. மின் கட்டணம் கட்ட சென்றால் அங்கே சிலர் உள்ளே குறுக்கே புகுகிறார்கள்
வங்கியில் சென்றால் அங்கே சிலர் குறுக்கே புகுகிறார்கள், வரிசையில் நிற்க அவர்களுக்கு சமுதாயப் பொறுப்போ தனி மனிதக் கடமையோ இருப்பதாக தெரியவில்லை.மன்னர் எவ்வழி மக்கள் அவ்வழி. இருக்கும் வரை எவ்வளவு மீற முடியுமோ அவ்வளவு மீறிவிடலாம் என எண்ணும் முதல்வர்களும் பிரதமரும்…

இது போல எல்லா இடங்களிலும்…. ஒரு பானை சோற்றுக்கு ஒரு சோறு பதமாக…

வரைமுறைகளை, நெறிமுறைகளை, கட்டுப்பாடுகளை தமக்கு தம் விருப்பப்படி மாற்றிக் கொள்ள முனையும் அரசியல் வாதிகள் தண்டிக்கப்பட வேண்டியவர்கள். கண்டிக்கப்பட வேண்டியவர்கள்

சமுதாயத்தில் ஒழுக்கம் நிலவ வேண்டுமெனில் முதலில் இந்த பிரபலங்கள் அதற்கு முன் மாதிரியாக வேண்டும்.

 

அதை விடுத்து தாம் இந்த மண்ணின் ஆபரணம்…மற்றவர் எல்லாம் தூசுகள் தான் என்று நினைக்கும் மனோபாவம் விட்டு விலகும் வரை அந்த நாகரீகம் கற்கும் வரை இந்தியாவுக்கும் தமிழகத்துக்கும் ஏன் அது போன்று இருக்கும் இடங்கள்,மக்கள் எவருக்குமே விடிவு இல்லை.

தலைவர்கள் வழிகாட்டிகள். தொண்டர்கள்,மக்கள் வழி கூட்டிட…இருப்பதில் மைசூரும் திருச்சியும் 467 நகர்களில் மிகத் தூய்மையான நகர்களாம். அப்படியானால் இந்த நாட்டின் சுத்தம் எப்படி இருக்கும் என தெரிந்துகொள்ளலாம்.

மாந்தரில் மோடிக்கும் ஜெவுக்கும் அதிக கூட்டம் என இந்தியாவில் தேர்தல்கள் நிரூபித்திருக்கின்றன.

எனவே இருவரும் எதை செய்தாலும் அதை நெறிப்படுத்த யாருமே இல்லை.சோ.ராமசாமிகூட ஒரு மது பான ஆலையின் பினாமி அதிபராமே…ராஜகுருவுக்கு தகுதிக்குரிய பங்கு உண்டுதானே.

மேலும் எதிர்கட்சி தயாநிதி மாறனுக்கு ஏழரை சனி ஆதிக்கம் ஆரம்பித்து விட்டதாமே…

மறுபடியும் பூக்கும் வரை
கவிஞர் தணிகை

இன்று சில தகவல்கள்: கவிஞர் தணிகை


இன்று சில தகவல்கள் : விஞர் தணிகை

1.மரக்கறி உணவே முற்றிலும் மனித உடலுக்கு உகந்தது

2.60% நோய்கள் மருத்துவரால் உண்டாக்கப்பட்டவையே – இவான் இலியேவிச்

3. 3 நிமிடத்திற்கு ஒரு சுற்று இரத்த ஓட்டம் உடலில்.

4. 80 இரத்தத் துளிகள் ஒரு வெண்துளி,80 வெண்துளிகள் ஒரு துளி விந்து.

5. ஒரு துளி விந்தின் விரயம் என்பது 6400 இரத்தத் துளிகளின் செலவு.

6. ஆணுக்கு 5.5 லி. இரத்தம்,பெண்ணுக்கு 5 லி இரத்தம் ஒரு துளி இரத்தத்தில் 25 கோடி சிவப்பு அணுக்கள்

7.எதிர்விளைவில்லா வாயுக்கள்:ஹீலியம்,ஆர்கன்,நியான்,கிரிப்ளின் இவை எல்லாம் காற்றில் 78.5%,நைட்ரஜன் 20.5% ஆக்ஸிஜன் நீங்கலாக 1% மட்டுமே உள்லது.

8. நைட்ரஜன் என்பது உப்பு வெளி,ஆக்ஸிஜன் என்பது வாழ்வு வெளி,உயிர்கொடுக்கும் வாயு.

9 சராசரி ஒரு மனித ஆயுளில் 50 கோடி முறை சுவாசம் நடைபெறுகிறது

10. மனித நுரையீரலில் 75 கோடி காற்றறைகள் உள்ளன.(காற்றுப் பைகள்)

மூச்சி நின்னா போச்சு..

மறுபடியும் பூக்கும் வரை
கவிஞர் தணிகை.

தாய்ப்பால் குடிச்சி வள(ர்)ந்தவன்டா…கவிஞர் தணிகை…


thanigai

 

தலையில் சுத்தியலை தாங்கிக் கொண்டு அல்லது ஏந்திக் கொண்டு அந்த கல் கொத்தும் பெண் கையை வீசிக் கொண்டு சென்று கொண்டிருந்தாள்.ஏம்மா, சுத்தியல் கீழே விழுந்திடப் போகுது,எச்சரிக்கிறேன் என்ற பேரில் அவளிடம் பேச விரும்பினேன்.அதெல்லாம் விழாது , நானே கீழே விழுந்தால் தான் அது விழும் என்றாள். என்னே ஒரு தன்னம்பிக்கை.

படிக்காத பாமரர்களிடம் இவ்வளவு தன்னம்பிக்கை குடி கொண்டிருக்கும்போதும் இன்னும் இந்தியா ஏன் இன்னும் இவ்வளவு கேவலாமாகவே இருக்கிறது.அம்மாவுக்கு படிப்பில்லை பத்து பேர் அடங்கிய குடும்பத்தை அவள் ஆண்டாள் அல்லது நிர்வகித்தாள் தந்தை மில் பணி. அவர் மாத சம்பளத்தில்.எல்லாவற்றையும் எல்லாரையும் உருவாக்கி விட்டார்கள். எப்படி சமாளித்தார்கள். நினைக்க பிரமிப்பாயிருக்கிறது.

நாம் ஒரு பிள்ளையை வைத்துக் கொண்டே மீற முடியவில்லை. வங்கிக் கடன் வெங்காய விலை அதிகம், குடிநீர் எல்லா ஊருக்கும் சென்று கொண்டிருக்கும் ஊரில் அரை பர்லாங் தூரத்தில் காவிரியை மேட்டூர் அணையை வைத்துக் கொண்டு நீருக்கு பிரச்சனை, அதற்கு ஒரு மீட்டிங், ரெயில்வே லைன் இரண்டாக அதன் பாதிப்பு, இப்படி நிறைய அனுமான் வாலாக பிரச்சனையில் ஆதவன்களாக இருக்க அந்தக் காலத்தில் படிப்பறிவு அதாவது ஏட்டுக் கல்வி, எண்ணும் எழுத்தும் முறையாக கல்லாமலே இப்படி எப்படி நமை எல்லாம் ஆளாக்கினார்கள் உருவாக்கினார்கள்…அடிப்படையில் அதிகமாக பொறுப்புணர்வும், மனிதநேயமும் எல்லாரிடமும் இருந்திருக்கிறது ஊராளவ, நாடளாவ…

அவர்கள் மட்பாண்டங்களை பயன்படுத்தினார்கள். நீர் பருகவும், சமையல் செய்யவும் ஏன் அசைவ சமையலுக்கு என கறிச்சட்டி, கறிக்கரண்டி என தனியாகவே வைத்திருந்தார்கள். அதில் வேறு எந்த நாளும் எதற்கும் புழங்க மாட்டார்கள்.தேங்காய் தொட்டியில் ஆப்பை என பெரிய கரண்டியாக வைத்து விழாக்களில் குழம்பு, ரஸம் , மோர் பொன்றவற்றை எடுக்க கொடுக்க பயன்படுத்தினார்கள்.

ஆனால் நாளடைவில் செம்பு, பித்தளை, அலுமினியம், (ஈயம்) எவர் சில்வர் என்ற பாண்டங்களை புழங்குவது தோதாக இருக்கிறது உடையவில்லை, அவை தான் அந்தஸ்து என்று மாறிப் போனார்கள். எங்கள் வீட்டில் இருந்த சாலு என்ற பெரிய பானைகள் எல்லாம் இன்று புழக்கடைத் தோட்டத்தில் வீசப்பட்டு வெளியே தூக்கி விசிற முடியாமல், பயன்படுத்தவும் முடியாமல் 9 ஆண்டுகளுக்கும் முன் இறந்த எம் தாயின் நினைவு தடுத்துக் கொண்டே இருக்கிறது ஆனாலும் அவை விரிசல்விட்டு உடைந்து கொண்டே வருகிறது . நன்றாக உடைந்த பிறகே தூக்கி எறிய எண்ணம் பிறக்கிறாது.

தேன் கூடுகள் நமது மரங்களில் இருந்தன. சில சமயம் அவற்றை நாமே அழித்து தூய தேனைப் பெற்றோம். இன்று கடைகளில் விற்கப்படும் பெரும்பாலான பெயர்களுடனான கம்பெனி தேனிலிருந்து வீட்டுக்கு வந்து விற்கிறோம் என்ற பேர்வழிகள் கொடுக்கும் தேன் எல்லாம் சர்க்கரைப் பாகாவே இருக்கிறது. அவை சளி பிடிக்க வைத்து நல்ல உடலை கெடுத்து விடுகிறது. தேன் ஒரு அரிய மருந்து உண்மையாக தூயமையாக கலப்படம் இன்றி இருந்தால் அது நிறைய மருந்துகளில் உப பொருளாக கலக்கப்பட்டு கொடுக்கப் பட்டது ஆயுர்வேத சூரணங்களில், நாட்டு மருந்துகளில், சித்த மருத்துவத்தில் இப்படி சொல்லிக் கொண்டே போகலாம். குரானிலும் தேனைத்தான் மருந்தாக குறிப்பிடுகிறார்கள்.

தேனை விடத் தாய்ப்பால் உயர்ந்தது பிறந்த ஜீவனுக்கு, பச்சைக் குழந்தைக்கு…ஆனால் இந்த ஆண்டு யூனிசெப் கணக்கெடுப்பின் படி தாய்ப்பாலை கொடுக்கும் தாய்மார்கள் இந்தியாவில் மிகக் குறைந்து விட்டார்கள் என்றும் தமிழகத்தில் 18.8% தாய் மார்கள்மட்டுமே தாய்ப்பால் கொடுக்கிறார்கள் என்றும் செய்தி. இதுபெரிதும் வருந்தத் தக்க வேதனையூட்டும் செய்தி. நான் எல்லாம், எனக்கு எல்லாம் நான் நடந்த பிறகும் கூட தாய்பால் கொடுக்கப்பட்டதாக தாய் சொல்வாள். இப்போது தாய் மார்கள் வேறு எதற்கோ பயன்படுகின்றன. பிள்ளைக்கல்லாமல்.

காடு என்ற படத்தின் சில காட்சிகள் ஓரிரு நிமிடம் பார்த்து விட்டு, சமுத்திரக்கனியை பார்த்து வியந்து விட்டு அதை இன்னும் சில காட்சிகள் பார்க்கலாமே என இணையத்தில் முயன்றேன். திருமணமாகா இளைஞரும் ஒரு பெண்ணும் பேசினார்கள் அதை இணையத்திலும் ஏற்றி விட்டார்கள் யாரோ?…அதில் அந்த பெண்ணும் ஆணும் பலருடன் திருமணத்திற்கு முன்பே உறவாடியது தெரியவந்தது. பாலுறவுதான். அடுத்து ஒரு திருமணமான பெண்ணை ஒரு ஆண் அக்கா, தம்பி என சொல்லிக் கொண்டு பாலியல் கலப்பு பற்றி பேசியிருந்தார்கள், அடுத்து மற்றொரு பெண் பேசியதை நம்மால் குறிப்பிடவும் வழியில்லை.இணையத்தின் பயன்பாட்டைப் பாரீர் பாரீர் என வியந்து கம்பி நீட்டி விட்டோம். தாய்மையும் , பெண்மையும் வெல்க தமிழே என்று கூத்திடுவோம்.

பேசாமல் இதுகளை எல்லம் படிப்பறிவில்லாமலே செய்து கண்களை குருடாக்கி இருக்கலாமா? மதுவின் போதையும், எல்லா கண்டுபிடிப்புகளையுமே இழிவாக பயன்படுத்த விரும்பும் கயமைத்தனத்தையும், எந்த அரசாலுமே கட்டுப்படுத்த முடியாது. சீனாவின் கரம் வேண்டும். கியூபாவின் மொழி வேண்டும் ரசியாவின் சிரம் வேண்டும். இந்தியா நமது தாய் நாடு. தமிழகம் நமது தாய் வீடு. தமிழ் நமது தாய் மொழி. எல்லாம் தாய் தாய் தாய்தான். தாயை எவ்வளவு இழிவு படுத்த வேண்டுமோ அவ்வளவு இழிவு படுத்திக் கொண்டு.

அவர்கள் தியாகத்தை எவ்வளவு கொச்சைப்படுத்த முடியுமோ அவ்வளவு கொச்சைபடுத்திக் கொண்டு. ஆம் யூகித்திருப்பீர்கள் எனக்கு தாயை மிகவும் பிடிக்கும் நிறைய மோதல்கள் எமக்கு அவரிடம் இருந்தபோதும். அவரின் 9 ஆம் ஆண்டு நினைவு தினம் இன்று.

 

பெரிதாக ஒன்றும் செய்யவில்லை வீட்டை சுத்தப்படுத்தி, ஒரு அகல்தீபம், ஒரு மின்சார சர விளக்கு எப்போதும் அணையாமல், சில வாசனைப் பத்திகள், கொஞ்சம் கம்ப்யூட்டர் சாம்பராணி, ஒரு சிறு வில்லை கற்பூரம், ஒரு முழம் மல்லிகை, ஒரு ரோஜா படத்திற்கு ஒரு தெய்வீக வணக்கம். என்றும் நினைப்பதுதான் என்றாலும் இன்றுடன் 9 ஆம் ஆண்டு நிறைவுக்காக.. அகல் தீபமல்ல தப்பு தப்பு முன் சொன்னது அவளுக்கு மிகவும் பிடித்தமான பெயரன் மாநில அளவில் வினாடி வினாவில் வென்றதற்கு அவனது பள்ளி சார்பாக கொடுக்கப்பட்ட ஒரு கண்ணாடி கவருடன் டூம் பொருத்தப்பட்ட ஒரு அழகிய விளக்கு காற்றில் அணையாமல் கொஞ்சம் எண்ணெய் விட்டாலும் குறைந்தது 3 மணி நேரம் வரை அணையாத எண்ணெய் விளக்கு அது. எல்லாரையுமே தாய்தான் பிறப்பிக்கிறாள். பிறக்க வைக்கிறாள் என்றாலும் ஏன் இத்தனை வகைகள் விநோதங்கள் என்றுதான் விளங்கவில்லை.

காடழிந்து நாடாக்கி கழனியாக்குவது என்பது போல காடழித்து வீடாக்கிய கதையுள்ள மேட்டூரில் ஒரு கதவு கூட இல்லா குடிசையில் குடி புகுந்த வரலாறு தெய்வானை அம்மாளின் வரலாறு. யானை வேட்டியில் குழந்தை உறங்க தண்ணீர் சேந்தி வருவதற்குள் குள்ள நரி வந்து குழந்தையின் பக்கத்தில் வந்து நின்றதை பார்த்து துரத்திய உண்மைச் சம்பவம் எல்லாம் அவள் கதையில் உண்டு. எத்தனை பாம்புகள், எத்தனை வாழ்க்கையின் விளிம்புக்குப் போன பிணிகள் நோய்கள் எல்லாம் தாண்டி..அவள் எங்களை எல்லாம் உருவாக்கி விட்டாள் கருவாக இருந்த நாங்கள் திருவாக காரணமாகி…
எனக்கந்த அருகதை இருக்கிறது. தந்தை மறைந்தவுடன் தாய் என்னுடன் 20 ஆண்டுகள் இருந்திருக்கிறார்.இறந்த பின்னும் 4 ஆண்டுகள் எம் வீட்டில் இருந்திருக்கிறார் பிரிய மனமின்றி ஆவியாக. ஆம் அதிர்ச்சிக்காக சொல்லவில்லை. அதன் பின் எழுந்த எதிர்ப்பு காரணமாக அவரை நானே என் வாயால் அடுத்தவருக்கு தொந்தரவு கொடுப்பதல்ல அம்மா தாயே நம் வாழ்வு,பிறரை நன்கு வாழவைப்பதுதாம் நம் வாழ்வின் குறிக்கோளே என்ற பிறகு பிரியமுடியாமல் பிரிய மனமின்றி எனது சட்டையை பிடித்து கையை எடுக்க முடியாமல் எடுத்து உருவிக்கொண்டு மறைந்து போனாள். அவளுக்கு செய்ய வேண்டிய அத்தனையுமே நான் ஒரு நல்ல மகனாக நின்று இருந்து நிறைவேற்றி இருக்கிறேன் என்னால் முடிந்த அளவு. பெரிய பொருளாதார வலுவில்லாதிருந்தபோதும்.

அவள் எங்கு போனாளோ? என்ன ஆனாளோ? அதெல்லாம் மனித அறிவுக்கு எட்டவில்லை என்னதான் நான் இன்னும் தியானம் செய்து வந்தாலும், 30 ஆண்டுக்க்கும் மேல் பயிற்சியில் ஈடுபட்டு வந்தாலும்… நிறைய தெரியாதவை இன்னும் இருக்கின்றன.

மனிதம் தாய்மையின் வழி…தாய்மை மனிதத்தின் வழி…அப்புறம் எதற்காக இத்தனை கொடுமைகள்? இத்தனை அவலங்கள்?இத்தனை வேதனைகள் என்றுதான் தெரியவில்லை.

இவர் பேரில் தான் தெய்வா பதிப்பகம், தெய்வா ஆலோசனை மையம், தெய்வா தியானப்பயிற்சி மையம் என்றெல்லாம் தெய்வானை என்ற பேரைக் குறிக்க கடைசி எழுத்தை விட்டு விட்டு….ஆனால் என்னதான் செய்தாலும் ஒரு தாய்க்கு தன் மக்களால் நிறைவாக ஏதுமே செய்ய முடியாதாமே?

 

maxresdefault (1)

மறுபடியும் பூக்கும் வரை
கவிஞர் தணிகை

இந்த பதிவு எம் தாய்க்கு 9 ஆம் ஆண்டு நினைவாஞ்சலிக்காக அர்ப்பணம் செய்யப்பட்டுள்ளது.

தாய்ப்பால் குடிச்சி வள(ர்)ந்தவன்டா…கவிஞர் தணிகை…

மகனால் வந்த சுகம்: கவிஞர் தணிகை


 

 

மகனால் வந்த சுகம்: கவிஞர் தணிகை
முகச் சவரம், செய்யவும் தலை முடியை கத்தரித்துக் கொள்ளவும் வீட்டுக்கே வந்து கொண்டிருந்தார்கள் அது ஒரு காலம். கடைக்கு சென்றது ஒரு காலம்.நாமே செய்து கொள்வது இந்தக் காலம்.காந்தி தமக்குத் தாமே செய்ததை படித்ததும் அதையே ஏன் முன் மாதிரியாக எடுத்துக் கொள்ளக் கூடாது என எடுத்துக் கொண்டதும் ஒரு பாடம்.

சிறுவராய் இருந்தபோது எமது தந்தையின் கட்டளைக்கிணங்க ஒரு பெரியவர் அவர் ஆண்டியப்பனின் தந்தை வீட்டுக்கே வருவார் புழக்கடைத் தோட்டத்துப் பகுதியில் தலைமுடியை சீரமைத்து விட்டு செல்வார்.இப்போதும் கூட பல பெரிய மனிதர்களுக்கு வீட்டுக்கே வந்து செய்து செல்கிறார்கள். அதே போல உடல் நலம் குன்றியவர்களுக்கும் அப்படி செய்து செல்கிறார்கள்.

மகாத்மா காந்தி தமது தென் ஆப்பிரிக்க பருவத்தில் வெள்ளை இனத்தார் கறுப்பர்களுக்கும், இந்தியர்களுக்கும் முடி திருத்துவது, ஆடையை சலவை செய்வது, துவைத்து தருவது போன்ற பணிச் சேவையை வழங்காமல் மறுத்த போது தமக்குத் தாமே செய்து கொண்டதை படித்தோம். ஏன் நீதி மன்றமே இவரது சரியான முடிதிருத்தம் இன்றி சென்றதைப் பார்த்து சிரித்ததாகவும் அறிந்தோம்.

பாரதியை இந்த ஒரு பழமொழியில் மட்டும் ஏற்றுக் கொள்ள முகாந்திரமில்லை. அது: “நாலாந் தலைமுறையைப் பார் நாவிதனும் சிற்றப்பன் ஆவான் ” என்பது. அவரவர்க்கு அவரவரே செய்து கொள்ளும் காலம் வந்து விட்டது .இந்த பழமொழி சாதி மறுக்க வந்த பழமொழிதான் ஆனாலும் இதை ரிஷி மூலம் நதி மூலம் பார்த்தால் எவராலும் ஏற்றுக் கொள்ள முடியாது.தம் பங்குக்கு பாலசந்தரும் கமலும் வறுமையின் சிவப்பு படத்தில் அதற்கு மெருகேற்று சென்று விட்டார்கள். பெரிய நகர்புறங்களில் இப்போதெல்லாம் கல்லூரி வளாகங்கள், மருத்துவமனைகள் இன்ன்பிற இடங்களில் எல்லாம் இந்த சலூன் தொழிலும், துணி வெளுக்கும் தொழிலும் சலைவைத் தொழிலும் ஒப்பந்த அடிப்படையில் பெரும் தொழிலாக வணிக முறைக்கு மாறி சாதியக் கோடுகளுக்கும் அப்பால் நடைபெறுவதாக அனைவரும் அறிந்ததே.

பெரியார் சொல்வதை போல எவர் சொல்வதையும் விட அறிவு இருக்குதில்ல அதை வைத்து சிந்தி எடுத்துக் கொள்.

இப்போதெல்லாம் நகர் புறம் சார்ந்த பெரிய பல வசதியுடனான சலூன்கள் வந்து விட்டன. என்றாலும் உள்ளூர் கடைகளில் கொஞ்ச காலம் நாம் சென்று புழங்கிய இடத்தில் மனம் ஒப்பவில்லை, சுத்தமில்லை. அந்த கிண்ணமும், சோப்பும், ஒரே பயன்பாட்டுடனான கத்தரிகளும், சீப்புகளும், இப்படி சொல்லிக் கொண்டே போகலாம். ஒரு மனிதர் கெடுவதற்கு இப்படிப்பட்ட சலூன்களும், சில டைலர்கடைகளும், சில டீக்கடைகளும் போதுமானது.

எனவே காந்திய தாக்கத்தில் நமக்கு நாமே செய்து கொள்வதுதான் சரியானது என்ற கொள்கை நம்முடையது பல்லாண்டுகளாக. சிக்கனமும் கூட. சுகாதாரமும் செலவு அதிகமில்லாமலும் மனதுக்கு உகந்தவாறும். முடிதிருத்தம், ஏன் சிறுவனாக இருந்த மகனுக்கும் கூட நாமே பல் ஆண்டுகளாக செய்து வந்தோம். இப்போதுதான் ஓரிரு ஆண்டுகளாக கடைக்கு செல்ல ஆரம்பித்து விட்டார்…இப்படி அப்படி ஒதுக்கி விட்டு ரூபாய். 80 முதல் 100 வரை…ஜீரோ கட்டிங் என்ற ஒன்று இருக்கிறது அது சிலருக்கு பொருத்தமாயிருக்கிறது.

நமக்கு ஒரு காலத்தில் ஸ்டெப் கட்டிங்க், பங்க், டிஸ்கோ கட்டிங் எப்படிவேண்டுமானாலும் வளைத்து சீவிக்கொள்ளும் முடி அழகு. ஏன் ட்ரையர் எல்லாம் போட்டு ரோலிங் கோம்ப் வைத்து சீவி கமல் ஸ்டைல் எல்லாம் செய்து முடியில்தான்.வாழ்க்கையில் தாம்பத்தியத்தில் எல்லாம் இல்லை….

நாடெங்கும் சுற்றி எல்லா தண்ணீரும் தலைக்கு ஊற்றி பெரும்பாலும் 35 வயதுக்கும் முன்பே கொஞ்சம் தலையில் வழுக்கை விழ ஆரம்பித்திருந்தது. முடிக்காகவே சிறு வயதில் ஜட்டியுடன் இடுப்பு வரை இருக்கும் முடியுடன் முருகன்ஸ்டைலாம்,ஒரு போட்டோ நம்முடையது இன்னும் எம் வீட்டு வரவேற்பறையில் சிரித்துக் கொண்டுள்ளது. …இப்போது முன்னால் வழுக்கை..பின்னிருக்கும் முடியை பிடுங்கி டெல்லியில் கொஞ்சம் முன் மண்டையில் நட்டபோதும். வழுக்கை வழுக்கையாக இருக்கிறது

இருந்தாலும் நம்முடையது நமக்கு நாமே திட்டம். முகச் சவரம், முடி திருத்தம் எல்லாம் சுயமான முடிவு…வாரம் இரு முறை முக சவரம்.தேவைப்பட்டால் தேவைப்படும்போது முடி திருத்தம். யாவும். ஆனால் யாம் சொல்லவந்தது:

அய்யா/அண்ணன்/அப்பா சுப்ரமண்யன்…அவர் அப்படித்தான் கையெழுத்து இடுவார்…நாங்கள் அவரை அண்ணன் என்றுதான் அழைத்து வந்தோம். அவர் இப்போது மறைந்து…ஆண்டுகள் 29 ஆகியிருக்கிறது. அவர் பயன்படுத்திய ஒரு சுய சவரம் செய்த செட் ஒன்றை காப்பாற்றி வந்தேன். அந்த பெட்டி,கத்தரிக்கோல் வைக்கும் லெதர் பை, இப்படி சில அடையாளமாக…அவர் பணி செய்து 4 விசைத்தறி ஓட்டிட அறுந்த இழை எடுக்க பயன்படுத்திய ஊசியைக் கூட, பொடிபோட்ட சில்வர் டப்பாவைக்கூட வைத்திருக்கிறோம் ஏன் அவர் கையெழுத்துடனான இ.எஸ்.ஐ. மருத்துவ மனை கார்ட் கூட இன்னும் இருக்கிறது. அதெல்லாம் வேறு.

இதெல்லாம் இப்படி இருக்க நாம் அவர் பயன்படுத்தியது போல வட்டவடிவிலான சோப் கட்டியை டப்பாவுள் வைத்தபடியே பிரஸ்ஸில் நீர் தொட்டு குழைத்து பயன்படுத்தி வந்தோம். நாளடைவில் அந்த வட்ட வடிவ சோப் கிடைக்க வில்லை. என மகன் பற்பசை போல சேவிங் கிரீமை ட்யூபில் வாங்கி வர ஆரம்பித்தான். ஆனால் ஒரு கத்தரிக்கோல், சீப்பு வைத்து ப்ரெஞ் கட் தாடியை சீரமைக்க வாரத்தில் ஒரு நாள் ஞாயிறு அன்று சுமார் 1 மணி நேரத்துக்கு மேலாவது பிடிக்கும்.

சமீப காலத்தில் மகனுக்கும் முகத்தில் முடி வந்து விட்டது… அவர் கடைக்குத் தான் முடி திருத்த சென்று வருகிறார். ஆனால் நானறியாமலே அவருக்கு கொடுட்த்த பாக்கெட் மணியில் இருந்து ரூபாய் 300க்கும் அதிகமாக போட்டு தாம் வாங்கி வைத்திருந்த ட்ரிம்மரைக் கொடுத்தார். பேட்டரி செட்டுடன். அதை மின்சாரம் மூலம் மின்னூட்டமும் செய்து கொள்ளலாம். அட…சவரம் செய்து டிரிம் செய்ய 15 நிமிடம் கூட ஆகவில்லை… மிக சுலபமாகவும் மிக நேர்த்தியாகவும் தற்போது ஒரே சீராகவும் முடிந்து போகிறதே. என நன்றி சொன்னேன் அவனுக்கும். இது உண்மையிலேயே மகனால் வந்த சுகம்.ஆம் மகனால் வந்த சுகமாகவே தெரிந்தது.

காலம் மாறிக் கொண்டே இருக்கிறது. அறிவியல் எல்லாத் துறைகளிலுமே விந்தை செய்து கொண்டிருக்கிறது மனித செயல்பாடுகளுக்கும் வாழ்வுக்கும் உதவியாக இப்படி சிறு சிறு கண்டுபிடிப்புகள் நிறைய நிறைய….

மறுபடியும் பூக்கும் வரை
கவிஞர் தணிகை.

அது மட்டுமே உண்மை சொல்கிறது : மறுபடியும் பூக்கும் வரை கவிஞர் தணிகை.


 

தொடர்பில்லா தலைகள் எல்லாம் தோள் கொடுக்க
தொடர்புள்ள வேர்கள் எல்லாம் சிலையாக
களைகள் களைகள் எல்லம் செயல்பாட்டுக் கலைகள்
பிழைகள் பிழைகள் எல்லாம் பிழைகள்

இந்தியாவில் எப்போதும் இப்படித்தான்
உண்மை ஒரு இடத்தில் உறங்கி ஒளியின்றி கிடக்க
பொய்கள் புனைவுகள் ஒப்பனை சூடி
ஊர்வலம் புறப்படும் அதை உலகும் இரசித்திடும்

30 ஆண்டுகளுக்கும் முன் ஒரு செடியை நட்டோம்
நீர் விட்டும் நிஜம் விட்டும் நாட்டு நலனில் வளர்த்தோம்
தோழமை நிழலில் வளைத்தோம்.
பலனின்றி களைத்தோம் பழுத்து உதிர்ந்த அதை

இன்று பார் முழுதும் மரணம் பாடி
பாராமுகம் பார்த்தோர் எல்லாம்
வீர வசனம் பேசி தியாகி ஆக பார்க்கிறார்கள்
ஒரு தியாக இயக்கத்தால் போட்ட விதை
முளைத்ததால் நாடெங்கும் பரவி விளைந்து
வார்த்தை விதை விதைத்தால்

எல்லோரும் சேரட்டும் எல்லாமும் செய்யட்டும்
மக்களுக்கு ஒரு நெறி காட்டட்டும்
அது அவர் மேன்மைக்கு உதவட்டும்
வெறும் வார்த்தை முகங்களும் வாடிடும்
பாசாங்குகளும், தேர்தல் மொழிகளும்
இழிவான சாடல் பழிகளும்
இனியாவது வேண்டாமே!

எல்லோருக்கும் கடமை உண்டு ஒரு உரிமை உண்டு
மானிடமே மாளிகை எழுப்பு நினைவுடன் மகத்துவ
சரித்திரம் பரப்பு..யார் வேண்டாம் என்பது?
பதவிக் கட்டுகளுக்காக காலக்கட்டத்தை
பயன்படுத்தாதே!

அது மட்டுமே உண்மை சொல்கிறது

மறுபடியும் பூக்கும் வரை
கவிஞர் தணிகை.

 

ஹிரோசிமா- ஜப்பான் – லிட்டில் பாய் அணுகுண்டு வீச்சு. 70 ஆண்டுகள் .இது வரை உயிர் சேதம்:2,92,325.: கவிஞர் தணிகை


 

ஹிரோசிமா- ஜப்பான் – லிட்டில் பாய் அணுகுண்டு வீச்சு. 70 ஆண்டுகள் .இது வரை உயிர் சேதம்:2,92,325.: கவிஞர் தணிகை
உஸ்மான் என்னும் முகமது நேவட் பாகிஸ்தானிலிருந்து கடவுள் பணி என்ற பேரில் இந்துக்களை அழிக்க வந்தானாம் காஷ்மீர் மக்களை காப்பாற்றுவது இவன் இலக்காம்.ஆனால் அது நேற்று செய்தி..இன்று பேசமுடியாத ஜப்பானுக்கு நேர்ந்த அமெரிக்கவின் அணுகுண்டு கொடுமையின் 70 ஆம் ஆண்டு நினைவு.

அமெரிக்க பிரஸிடென்ட் அப்போது ட்ரூமன் ஜப்பானில் வெற்றி கரமாக அணுகுண்டு வீசப்பட்டது என அந்த குண்டு வீசப்பட்ட பிறகு உலகுக்கு ஒன்றுமே புரியாமல் தெரியாமல் இருந்தபோது பெருமையோடு வானொலியில் அறிவித்தாராம். 2 வழிகாட்டுதல் விமானத்துடன் இந்த அணுகுண்டை ஏற்றி சென்று வானிலை சரியாய் இருக்கிறது என பார்த்து பார்த்து அதிகாலை 1945 இதே ஆகஸ்ட் 6ஆம் நாள் எட்டேகால் மணிக்கு காலையில் எல்லா ஹிரோசிமா பெரும்பாலான பள்ளிப் பிள்ளைகள் பள்ளிக்கும், பணியாளர்கள் பணிக்கும் சென்று கொண்டிருந்த சுறு சுறுப்பான வேளையில் போடப்பட்டதாம். அந்த நகரின் 3ல் 2 பங்கு கட்டடங்கள் அழிந்தன. அதில் பிழைத்த நபர்களுக்கு கடந்த ஆண்டு வரை அதன் பாதிப்புகள் இருந்து வந்திருக்கின்றன.

என்னே அமெரிக்காவின் பெருமை…சுமார் 3 இலட்சம் உயிர்கள் பலியாக கதாநாயகரான பெருமை. இவர்கள்தான் தீவிரவாதத்தை ஒழிக்கப் போகிறோம் என்று மார் தட்டும் அண்ணாச்சி நாடாம். இந்த அணுகுண்டு வீசப்பட்டு சிறிது நேரத்திலேயே எல்லாம் எரிந்த இரசாயன சாம்பல் மழைப் பொழிவு இருந்து கொஞ்சம் நஞ்சம் சாகாமல் இருந்த உயிர்களின் நடமாட்டத்தை அது தடுத்ததாம்.

பி- 29 என்னும் போர்விமானத்தில் எனோலா கே என்னும் விமானி லிட்டில்பாய் என்னும் இந்த யுரேனியம் 16கிலோடன் எடையுள்ள அணுகுண்டை போட்டானாம்…இது பூமிக்கு 1800 அடி உயரத்திலெயே ஒரு நெருப்புக் கோளமாய் 10 இலட்சம் சென்டிகிரேட் அல்லது 18 இலட்சம் பாரன் ஹீட் வெப்பநிலை உமிழ்ந்து வெடித்ததாம். இந்த வெப்பம் பூமியை வந்தடையும்போது 4000 டிகிரி சென்டிகிரேட் இருந்ததாம் அது இரும்பையும் உருக்கும் கொதி வெப்ப நிலை. 20000 டிஎன் டி டன்களை விட அதிகம் சக்தியுள்ளதாம் முதலில் வீசப்பட்ட லிட்டில் பாய் அணுகுண்டு.

திடீரென இந்த குண்டு வெடித்ததால் காற்றின் அழுத்தம் அப்படியே நிறுத்தப்பட்டு பூமியை நோக்கி கீழ் இறங்கி அங்கிருந்து மறுபடியும் 16 கி.மீ உயரத்திற்கு புகை கோபுர சுழல் வளையம் காளான் போல் எழுந்ததாம். இந்த குண்டு வெடிப்பின் மையப்பகுதியிலிருந்து 1.2 கி.மீ இருந்த ட்சுபோய் என்னும் கல்லூரி மாணவன் தூக்கி விசிறப்பட்டானாம் கண்கள் குருடாக அவனது உடலின் சதையும், போட்டிருந்த துணியும் பிய்ந்து போக அவனது இரத்தநாளங்கள் எல்லாம் பிய்ந்து இரத்தம் பீய்ச்சி அடித்துக் கொண்டிருந்ததாம்…காயங்களிலிருந்து ..காது பிய்ந்து போய் விட்டதாம்..காதின் பகுதிகளைக் காணவில்லையாம்.

ட்சுபோய் பார்க்கும்போது ஒரு வயது வந்த ஒர் பெண்ணின் வலது கண் கழன்று தொங்கிக் கொண்டிருந்ததாம், மற்றொரு பெண் தமது குடல் உடலின் ஓட்டையிலிருந்து வெளி வந்து கொண்டிருந்ததை உள்ளே தள்ள முயற்சித்தாராம்..எங்கு பார்த்தாலும் உடல்கள் சிந்தி சிதறிக் கிடக்க…ஒருவருக்கு கால் கைகள் எல்லாம் எரிந்து கிடந்ததாம்…அவர்கள் மனிதர்களா? என நான் எண்ணிக் கொண்டேன், எங்கும் உதவிக்கோ, ஒரு விழுங்கு தாகத்துக்கு தண்ணீர் கொடுக்கவும் யாரும் இல்லையாம்.

பிழைத்தவர்கள் அத்தனை பேருக்குமே கதிர்வீச்சுக்கு தப்பாதவர் யாரும் இல்லையாம்,ஈறுஇரத்தம் வர, பற்கள் கழன்று விழ,முடி அப்படியே மண்டைச் சதையோடு கழன்று விழ, புற்று நோயும்,குறைப்பிரசவங்களும்,உடனடி இறப்புகளும், சொல்ல முடியா வியாதிகளும், நோய் பரப்பியபடி கிருமித் தொற்றும் இருந்தன என்கிறார்.

70ஆண்டுகளான பிறகும் வேலைக்கு செல்ல முடியாமை, திருமணம் செய்ய முடியாமை,அவர்களின் அனுபவத்தை கூட வெளியில் சொல்ல முடியாமல், சொன்னால் தம்மை வேறுபடுத்தி வைப்பதான நிலை இருக்கிறபடியால் செத்தபடியே வாழ்ந்து வருகிற நிலையில் இருக்கிறதாம்.

63 வயதான ஒருவர் சொல்கிறார்…ஒரு குண்டு வெடிப்பு எப்படி எப்படி எல்லாம் மனித வாழ்வை மாற்றி விடும் என்று சொல்ல தம்மிடம் நிறைய கதை இருப்பதாக சொல்கிறார்.

இதற்கு 3 நாளுக்கும் பிறகுதான் நாகசாகி என்னும் துறைமுக நகரில் மற்றொரு அணுகுண்டு வீசப்பட்டு அதில் 74 ஆயிரம் பேரை பலி கொண்டதாகும்.

ஜப்பான் இவர்களிடம் மன்னிப்பைக் கூட கோரவில்லை, இனி இதுபோல் சம்பவம் மனிதகுல வரலாற்றில் இந்த பூமிக்கும் புவி உயிர்களுக்கும் எங்குமே நடந்து விடக்கூடாது என்றுதான் இன்றும் பிரார்த்திக்கிறதாம்.

நன்றி: எம்.எஸ்.என் செய்திகள்
மறுபடியும் பூக்கும் வரை
கவிஞர் தணிகை.

தமிழக அரசே:நிலை கட்டு மீறிப் போய்க் கொண்டிருக்கிறது தமிழக அரசே: கவிஞர் தணிகை


 

 

நிலை கட்டு மீறிப் போய்க் கொண்டிருக்கிறது தமிழக அரசே: கவிஞர் தணிகை
அரசின் நிலைப்பாடு பாறாங்கல்லாக கிடக்க, சசிபெருமாள் உயிரற்ற உடல் ஆசாரிப்பள்ள மருத்துவமனையில் ப்ரீசரில் கிடக்க, ஆத்தூர் அருகே பெட்ரோல் குண்டு வீசப்பட்டு டாஸ்மாக் ஊழியர் ஒருவர் இறக்க..நிலை கட்டு மீறிக் கொண்டிருக்கிறது தமிழரசே….

 

அந்த மனிதன் காந்தியவாதியாய் நின்று காலில் விழுந்தான், பிச்சை எடுத்தான்,தமது கொள்கையில் உடன்பாடு எனச் சொல்லி விட்டால் போதும் அவர்கள் பற்றி எல்லாம் சிந்திக்காது அவர்களை எல்லாம் சென்று சந்தித்தான். தேசியக் கொடியோடு நாடெங்கும் பிரச்சாரம் செய்தான்,எல்லா மனிதர்களோடும் அன்போடும் நட்போடும் பழகினான். அவன் தீவிரவாதத்தை கையில் எடுக்கவே இல்லை.

ஆனால் ஓய்வு பெற்ற நீதிபதி மூலம் விசாரணைக் கமிஷன் அமைக்க வேண்டும் அந்த மனிதன் இறப்பு பற்றி விசாரிக்க வேண்டும் என அவர்குடும்பம் வழக்கு தொடர்த்திருப்பதாகவும் அதற்கு தமிழக அரசு 13 ஆம் தேதிக்குள் பதில் அளிக்க நீதிமன்றம் நோட்டீஸ் அளித்திருப்பதாகவும் அறிகிறோம். ஊடகம் வாயிலாக.

இந்நிலையில் நாடெங்கும் பல்வேறுபட்ட கோணங்களில் , வடிவங்களில்,வகைகளில் எதிர்பார்க்காத முறைகளில் எல்லாம் இந்த போராட்டம் வெடித்திருக்கிறது. மாணவர்கள், முதியோர்,பெண்கள், அரசியல் கட்சிகள், அதன் தலைவர்கள் இப்படி அனைவருமே இந்த போராட்டங்களில் ஒரு நியாயப் பாடு இருப்பதாக உணர்வதால் அவரவர் கோணங்களில் இந்த கோரிக்கையை கையில் எடுத்து போராடி வருகின்றனர்.

அரசு மௌனமாக இருப்பதாக பாசாங்கு செய்து காவல் துறை எங்கள் நண்பன் உங்கள் நண்பன் என்ற வாசகம் சொல்லும் காவல்துறை போலீஸ்காரர்களை காவலுக்கு வைத்து அவர்களுக்கு கடுமையான உத்தரவளித்து அவர்களை தூங்க விடாமல், நிம்மதி இல்லாமல் செய்வதால் அவர்களும் தமது நண்பர்கள், பெற்ற வயதில் உள்ள மக்கள் , மகன், மகள் போன்றோரையும் தமது பூட்ஸ் காலால் மிதித்தும், இரும்புத்தடி கொண்டுதாக்கி அதை வளைத்தும் கோபம் அடங்காமல் கைது செய்தும், ஓட ஓட துரத்தியும், அடித்தும், கல்லால் திருப்பி அடித்தும் , பெண்களையும் கேவலமாக நடத்தியும் தமது இயலாமையை ரௌத்திரத்தை வெளிப்படுத்தி இருக்கின்றனர்.

ஆனாலும் பிரச்சனைத் தீ அணைவதாயில்லை. சட்டம் ஒழுங்கு கட்டுப்பாடு இதை காப்பதுதானே அரசின் கடமை,காவலரின் கடமை. ஆம். அப்படி என்றால் மது குடிப்பதும் அந்த ஒழுக்கத்தில் ஒன்றுதானா? அதை காக்கவா ஒரு அரசு, அதை காவல் காக்கவா காவல்துறை…?

ஒரு சரியான அரசு என்றால் அது இந்நேரம் ஒரு நிலைப்பாட்டுக்கு வந்திருக்க வேண்டும் இந்த அளவு மக்களிடையே வெறுப்பாகிவிட்ட ஒரு வருவாயுள்ள வியாபாரம் தேவைதானா என்று? அப்படிப் பார்த்தால் திருட்டு, வழிப்பறி, கொள்ளை, கொலை, நகை பறிப்பு எல்லாமே ஒரு தொழில்தானா? இது ஒரு தொழில் என்றால் விபச்சாரம் மிகவும் தூய்மையான நேர்மையான தொழில் தானே? இதை விட எல்லாமே நல்லதுதானே?

ஏன் எனில் இந்தியாவை காந்தி தேசம் என அழைக்கச் சொன்ன பெரியார் போன்றவர்கள் அடிப்படையில் உருவான கட்சிகளின் ஆட்சிகளில் ஏன் இந்த முரண்பாடு? ஏன் இத்தனை வேறுபாடு? எங்கேயோ பெரிதான கேள்விகளும் பதில்களும் இந்த அரசின் பிடிவாதத்திடையே ஒளிந்து கிடக்கிறது.

*”*”உலகின் எல்லா பாவங்களுக்கும் அடிப்படை மதுவே*”…. என்ற காந்தியின் கதை எல்லோருக்கும் தெரிந்தது தானே..அழகான பெண், சிறு குழந்தை, மது பாட்டில்..என 3 ஐயும் ஒரு இடத்தில் வைத்து,ஒரு நபரை அதாவது ஒரு மனிதரை, அழைத்து 1. குழந்தையை கொல்லலாம்,அல்லது 2. அழகிய பெண்ணை கற்பழிக்கலாம், அல்லது 3. மதுவை குடிக்கலாம்..இதில் இந்த 3 செயலில் எது குறைந்த பாவம் என எண்ணுகிறீரோ அதை செய்க என தேர்வு செய்து கொள்க எனச் சொல்ல

 

அவரோ, பச்சிளம் குழந்தையை கொல்வதை மகா பாவம், இளம்பெண்னை கற்பழிப்பது கொடிய பாவம், எனவே மது ஒன்று தான் எளியது அது தம்மை மட்டும் பாதிப்பது என மதுவை குடித்து விட்டு, பெண்ணை கற்பழித்து வெறி பிடித்து குழந்தையையும் கொல்வதாக கதை சொல்லும் காலம்…காலம் மேலும் மேலும் இன்னும் இன்னும் தொடரலாமா?

ஆனால் மனித குலம் இவற்றை மறந்து செய்வதறியாது இதற்கு அடிமையாகி விட்டது, ஆண்,பெண், அந்தஸ்து சிறுவர், சிறுமியர், படித்தவர் படிக்காதவர் , ஆசிரியர், மாணவர் யாவற்றையும் அரக்கத்தனமாக இந்த மது குடித்து விட்ட பிறகு…

யாமறிந்த நிலையில் பல யுகங்களாக காந்திய வழியில் சுமார் 5 வயது பள்ளிப் பிராயம் முதல் இப்போது வரை கணக்கிட்டால் எல்லா அற நெறிகளுமே, பள்ளிப் படிப்பு முதல் எல்லா நூல்களுமே இதை வேண்டாம் எனச் சொல்லும்போது எப்படி ஒரு தாய் போல் இருக்க வேண்டிய அரசு இதற்கு எதிராக இத்தனை எதிர்ப்பு எழுந்த போதும் கடந்த ஒரு வாரகாலமாக அமைதியாக மௌனம் சாதிக்கிறது என்று தெரியவில்லை.

கூட்டம் சேர்ந்தாலும் காந்திய நெறி என்பது கட்டுப் பாடு தளரக் கூடாது என்பது காந்தியே தோல்வியடைந்த தொய்வடைந்த பாடத்தில் இருக்கிறது. அவர் இருந்தார். ஆனால் அவரால் அதை எல்லோரிடத்தும் கொண்டு சேர்க்க முடியவில்லை.

எனவே துள்ளிடும் பருவம் கல்லூரி மாணவர்களிடையே இது போன்ற எதிர்வினைகள் இயல்பாக இருப்பதுதான். ஆனால் அதற்காக அரசும் காவல்துறையும் தமது நிலையில் இருந்து இவ்வளவு கீழ் இறங்கி நடந்து கொள்ள வேண்டியதில்லை . இதை எல்லாம் பார்த்தால் சகிக்க முடியவில்லை..

காவல்துறை அடிக்க சட்டத்தில் இடம் இல்லை என்கிறார்கள்,நல்ல சிவன் போன்றோர் சசியின் சவத்தை பார்ப்பதைக் கூட மறுப்பதற்கு சட்டத்தில் இடம் இல்லைதான். எச்சரிக்க வேண்டும், கண்ணீர் புகை, நீர் பீய்ச்சி அடித்தல், இது போன்றவைதான் கூட்டத்தை கலைக்க முதல் பிரயோகம் ஆக இருக்க வேண்டும் ஆனால் இங்கு எடுத்தவுடன் தடியடிப் பிரயோகம் நடைபெறுகிறது .

மேலும் காவல்துறையின் பணி கலவரக் காரர்களை பிடித்து நீதி மன்றத்திடம் ஒப்படைப்பதுதான் என்றும் அதன் குற்றம் சாட்டப்பட்டவர்க்கு நீதித்துறைதான் தண்டனை வழங்கவேண்டும் என்றும் ஏடுகள் சொல்லி வருகின்றன காலம் காலமாக.ஆனல் எடுத்தவுடன் அடி,மரண அடி, பூட்ஸ் கால் கொண்டு மிதிப்பது இவை எல்லாம் வேறு வகையான சான்றுகளைத் தருகின்றன.

அரசைக் காப்பதும், அரசாங்கத்தைக் காப்பதும், மக்களிடமிருந்து அரசின் நிர்வாகத்தைக் காப்பதும், தலைவர்கள் விழாக்களுக்கு வரும்போது காபந்து செய்வதும், மட்டுமே காவல்றை வேலை என்பது போல் ஆகிவிட்டது. மக்களிடமிருந்து அரசை காப்பதை சரியாக செய்கிறது.

மக்களுக்கான அரசாக, மக்களைக் காப்பதற்கான காவல் துறை,பாதுகாப்புத் துறைகள் போன்றவை இல்லை என்பதை தமிழகம் கடந்த சில நாட்களில் கண்டு வருகிறது.

போராட்டக்காரர்களும் வன்முறையை கையில் எடுப்பது சரியான யுக்தியாய் இல்லை. மக்களை ஒத்த கருத்துள்ளோரை , அநீதிக்கு எதிராக செயல்பாடு நடைபெற வேண்டும் என்றால் அதற்கு எதிராக மக்கள ஓரணியில் திரட்ட வேண்டிய முக்கிய பணியில் ஈடுபடாமல் பெட்ரோல் குண்டு வீசுவது, டாஸ்மாக் ஊழியர் சாவது, கல்லால் அடித்து காவலரை காயப்படுத்துவது போன்ற செயல்களும் சரியான போராட்டமுறைகளில் அடங்காது, சிறை நிரப்பும் போராட்டம் இந்த நேரத்தில் சரியான செயல்பாடாக இருக்கலாம்.

மௌன ஊர்வலம், மது மக்களை மதுக்கடைக்கு செல்லாமல் தடுக்கும் பிரச்சார முறைகளை முடுக்கி விடுவது, தேவைப்பட்டால் அவர்களை வீட்டில் முடக்குவது வியாபாரம் இல்லாமல் செய்வது போன்ற முறைகளையும் கையாளலாம். அரசு இவ்வாறு இருக்கும்போது பொது மக்கள் அனைவரும் திரண்டு ஓரணியில் நின்றாலே கோரிக்கை நிறைவேற வழி பிறக்கும்.

இலட்சோப இலட்ச கையெழுத்துகளும், கோடிக்கணக்கான கையெழுத்துகளும் சேகரித்து அரசிடம் கொடுத்தபோதும் ஒன்றும் ஆகவில்லை…பின் எப்படி என்கிறீரா? நெக்கு விடாத கொள்கை எறும்பு ஊரக் கல்லும் கதையை நமக்கு கொண்டு வந்து தரும். ஆனால் கட்சிகள் எல்லாமே இதில் கலந்து கொண்டும் மக்களுக்கு எதிரான இந்த போர்க்களத்தில் ஒன்று சேர்ந்து நிற்காமல் பிரிந்தே கிடக்கின்றன. குஷ்பூ போன்றோர் மது விலக்கு சாத்தியம் இல்லை என்கிறார்.மக்களை ஒன்று சேராமல் இருப்பதற்குத்தான் இந்த கட்சிகளா இத்தனை பிரிவுகளா என்பது தெரியவில்லை. ஆனால் எல்லா தலைவர்களுமே சசிபெருமாள் முடிவை தியாகம், என அங்கீகரித்து பேசுகின்றனர். அறிக்கை தெரிவித்துள்ளனர், அவர் குடும்பத்தையும் சந்தித்துள்ளனர். ஆனாலும்

இன்னும் பொதுமக்கள் பலவாரியாகவே பேசி வருகிறார்கள். அன்றும் இன்றும் விடுதலைப்போரிலும் முன் நின்ற தியாகிகளே எல்லாவற்றையும் ஈந்தார்கள். எல்லாரும் அனுபவித்துக் கொண்டிருக்கிறார்கள்.

கலாம், சசிபெருமாள் போன்றோர் நாட்டுக்காக தம் உயிரைக் கொடுத்த போதும் கூட இங்கு எமது ஆடி 18 அன்று மதுக்கடைகள் நிரம்பி வழிந்ததை கண் கொண்டு கண்டேன். அரசு செய்யாததை இந்த மக்கள் செய்ய நினைப்பதை கண்டு, மாணவர்கள் செய்வது கண்டு, தாயுள்ளத்தோடு இவர்களை அணுகும் அரசு வேண்டும். அல்லது போராட்டக்காரர்களின் யுக்தி அமைதி வழியில் இருக்க வேண்டும். யேசு சொல்லியது போல இவர்களுக்கு தாம் செய்வது இன்னதென அறியாதிருக்கிறார்கள்..மனநிலை சரி இல்லா நோயாளிகளுக்கு என்ன செய்வதும் தெரியாதது போல. மதுவும் மக்களும்.

தமிழகரசும் போராளிகளும் ஆய்தம் ஏந்தலை தவிர்க்க வேண்டும் இரண்டுமே ஒன்றொயொன்று வெட்டிக் கொள்ளும் கூர் முனை வாளானால் பொறி பறப்பது இயல்புதானே? இந்த இரண்டும் இப்படியே இருந்தால் சமுதாயத்தில் தமிழகத்தில் இனி அமைதி திரும்புமா என்பது கேள்விக்குறிதான்….

டாஸ்மாக் கடைக்கு வேலைக்கு போகாதே என தாய் தடுத்திருப்பாள், வேலை வேண்டும், இன்று +2 படிக்கும் மாணவி ஒருத்திக்கும்+1 படிக்கும் மாணவர் ஒருவருக்கும் தந்தையாக இருந்து சம்பாதிக்க வேண்டுமே என்ற நிலையில் இருந்த செல்வம் என்ற டாஸ்மாக் ஊழியர் இறப்பு, இதுவும் போராட்டக் களத்தின் இறப்பின் ஒரு கூட்டல் கணக்குத்தான்.

சசியின் மரணம் அது நாட்டுக்கே எடுத்துக்காட்டு, இது குடும்பம் காக்க எடுத்துக் காட்டு. ஆனால் நல்ல வழி தீய வழி என்ற நியாயம் இருக்கிறதே… வான்மீகி வழிப்பறிக் கொள்ளை குடும்பம் காத்த பாவத்தில் அந்த குடும்ப உறுப்பினர்களுக்கு பங்கில்லை என்கிற கதைகள் உண்டு.

மறுபடியும் பூக்கும் வரை
கவிஞர் தணிகை.

சசி பெருமாளின் ஆன்மா சாந்தி அடையாது தமிழகத்தில் பூரண மதுவிலக்கு வரும் வரை: கவிஞர் தணிகை


 

 

சசி பெருமாளின் ஆன்மா சாந்தி அடையாது தமிழகத்தில் பூரண மதுவிலக்கு வரும் வரை: கவிஞர் தணிகை
பாரதத்தின் 18, ஆம் நாள் போர்க்களம் போல சசி பெருமாள் உயிர்த் தீ கொண்டு பற்ற வைத்த அக்கினிக் குஞ்சு தமிழகமெலாம் பற்றி எரிந்து கொண்டிருக்கிறது. கலிங்கப்பட்டி வைகோ தாயார் 95 வயதுக்கு மேல் உள்ள மூதாட்டி முதல் சசி ஆரம்பித்த செல்போன் டவர்கள் ஏறும் இளைஞர்கள் , நண்பர்கள் இரத்தக் கையெழுத்து இட்டு எதிர்ப்பு காண்பித்து வருவது வரை. ஒன்று மதுவிலக்கு அமலாக வேண்டும் அல்லது இந்த ஆட்சியை கண் காணாமல் தூக்கி எறிய வேண்டும்.இந்த கொள்கைத் தீ காட்டுத்தீயாய் அணைக்க முடியாமல் பரவட்டும்…மதுவிலக்கை இந்த மேதினியில் கொண்டு வர உதவட்டும்.

விடுதலைப் போர் தியாகிகள் உயிர் எண்ணிறந்த அளவில் அழிந்த பிறகே இந்த நாட்டுக்கு ஆங்கிலேயே வெள்ளைப் பரங்கியரிடமிருந்து சுதந்திரம் கிடைத்தது. அந்த விடுதலைப் போர் தியாகிகள் போல

மொழிப்போர் தியாகிகள் போல

இன்று மது விலக்குத் தியாகியாக எமது நண்பர் சசி பெருமாள் உயர்ந்து விட்டார் தமது இறப்பு என்னும் மொழியெழுதி எல்லாரிடமும் இந்த மது விலக்கு இயக்கத்துக்கு ஒரு புத்துணர்வு ஊட்டி விட்டார்.உயிரை ஈந்து இலட்சியத்தை அடைந்து கொடுத்த உறுதி மொழிக்கேற்ப.

30 ஆண்டுகளுக்கும் மேலாக இதே மூச்சில் தான் இந்த இயக்கம் சார்ந்த யாம் சிற்பி வேலாயுதம், கவிஞர் தணிகையாகிய அடியேன், செம்முனி, இராமலிங்கம், பொறியாளர் மணி, வழக்கறிஞர் தங்கவேல்,சின்ன பையன் என்னும் இளைய காமராசர் இராமநாதன்,அருணாச்சலம், விவேகானந்தன் என்னும் சேக்ஸ்பியர்,கண்ணன் இப்படி ஏகப்பட்ட இன்னும் பெயர் இப்போது நினைவில் வராத அடலேறுகள் மற்றும் மகளிரியக்கத்தினர் இலட்சியக் குடும்பமாக நின்று இதே கொள்கையை வலியுறுத்தி வந்தோம். பல்வேறு பட்ட வடிவங்களுடனான இயக்க முறைமைகளுடன்.

இதில் சிற்பி. வேலாயுதம், அடியேன் போன்றோர் கொஞ்சம் கொஞ்சமாக உடற்பிணியால் செத்து வருகிறோம். ஏனைய இளைஞர்களும் தான். ஆனால் சசி பெருமாள் ஒரேயடியாக செத்து இந்த சேதியை நாடெங்கும் உரத்து சொல்லி செல்பேசி கோபுரத்தின் மேல் ஏறி தமிழகத்துகே பறை சாற்றி சென்று விட்டார்.

ஆனால் இன்று எல்லா கட்சித் தலைவர்களும் இளம்பிள்ளை இடங்கண சாலை, மேட்டுக்காடு நோக்கி திரும்பி இருக்கிறார்கள். தங்களால் ஆன எல்லா பரிவுரைகளையும் எழுதிக் கொண்டு இருக்கிறார்கள். ஆளும் கட்சி தவிர…

செத்தால் தான் இந்த தேசத்தில் பெருமை. உயிரோடு இருக்கும் வரை யாரும் அதை பெரிதாக எடுத்துக் கொள்வதில்லை. பெரிதாக எண்ணிக் கொள்வதிலை. பெரிதாக ஏற்றுக் கொள்வதில்லை.

பாரதி, கலாம், சசிபெருமாள் இப்படி எல்லாருக்குமே இந்த விதி இந்தியாவில் தமிழகத்தில் பொருந்துகிறது.

நாடெங்கும் எல்லா தலைவர்களும், எல்லா கட்சியினரும் எல்லா தரப்பு இளைஞர்களும் பொங்கி எழுந்துள்ளனர். செல்போன் டவரில் ..அதாவது அந்தக் காலத்தில் கோவிலின் கோபுரத்தில் மேல் ஏறி தமது செய்தியை உரத்து சொல்லி விட்டு அங்கிருந்து விழுந்து மாய்வார்கள் என்னும் வீரப் பரம்பரை வழியில்

இப்போது செல்போன் கோபுரத்தின் மேல் ஏறி ஊருக்கே உலகுக்கே கேட்கும் வண்ணம், தெரியும் வண்ணம் தமது சேதியை சசிபெருமாள் உறுதியாக சொல்லி சென்ற அலை அனைத்து இளைஞர்களிடமும் பரவி விட்டது. செல்போன் கோபுரத்திற்கு நிறைய இளைஞர்கள் ஏறுகின்றனர் இதே போன்ற கோரிக்கையுடன் என காவல் துறையை பயன்படுத்தி அரசு பாதுகாப்பு போடுமளவு…

மேலும் கட்சிகள் ஒருங்கிணைந்து மது விலக்கு கோருகின்றன.கடை அடைப்புக்கு வேண்டுகோள் வைத்துள்ளன

சசியின் குடும்பம், இலக்கு ஏற்கப்படும் வரை உடலை பெறுவதில்லை என தாமும் சிறை செல்கின்றன நண்பர் அருணாச்சலம் போன்றோருடன்…

நண்பர் ஒருவர் இரத்தக் கையெழுத்தி நீதி கோருகிறார் மதுவிலக்குக்கும், சசியின் மரணத்துக்கும்

ஏனைய அருள்தாஸ் போன்றோர், வழக்கறிஞர் தங்கவேல் போன்றோர் உரிய இடத்தில் இருந்து கொண்டு கடமையாற்றுகின்றனர். வழக்கறிஞர் மார்த்தாண்டத்தில் இருக்கிறார்.

சேலத்தில் அனுமதி இன்றி உண்ணாவிரதம் இருந்ததற்காக சசியின் குடும்பம் கைது செய்யப்பட்டுள்ளது.

அன்புமணி தர்மபுரி பாராளுமன்ற உறுப்பினரும் முன்னால் மத்திய அமைச்சரும் பா.மா.க சார்பாக முன்னால் ஓமலூர் எம்.எல்.ஏவுமான தமிழரசு போன்றொர் அவரது கட்சியின் சார்பாகவும் சென்று துக்கம் விசாரித்து வந்துள்ளனர்.

விஜய்காந்த் தமது எழுச்சி மிகு ஊர்வலத்துடன் மேட்டூர் தொகுதி சட்டமன்ற உறுப்பினர் எஸ்.ஆர்.பார்த்திபன்,சேலம் வடக்கு தொகுதி உறுப்பினர் மோகன்ராஜ் போன்றவர்களுடன் ஆயிரக்கணக்கான தமது கட்சி அன்பர்களுடன் சென்று குடும்பத்துக்கு சசிபெருமாளின் மனைவி மகளை சந்தித்து ஒரு இலட்சம் ரூபாயை வழங்கி முதல் மகனாக இருப்பேன் என்று உறுதி அளித்துள்ளார்.

 

வேல்முருகன் அவர்கள் தாமும் தமது கட்சி சார்பில் ஒரு இலட்சம் ரூபாய் வழங்க இருப்பதாக உறுதி அளித்துள்ளார்.

இப்படி ஆளும் கட்சி தவிர தி.மு.க, கம்யூனிஸ்ட்கட்சிகள், பி.ஜே.பி, காங்கிரஸ்,தாமக இப்படி எல்லா கட்சிகளும், திருமாவளவனின் விடுதலை சிறுத்தைகள் கட்சி இப்படி எல்லா கட்சிகளும் வணிகர் பேரவை உட்பட எமது கோரிக்கை சசிபெருமாளின் கோரிக்கை நியாயமானது என தமரது கருத்துகளை, பங்களிப்பை காலத்தின் முன் சேர்த்தளிக்கின்ற நல்ல செய்திகள் வந்து கொண்டே இருக்கின்றன.

இந்த எழுச்சி சுடர் இலக்கை எட்ட அணையாமல் கொண்டு செலுத்தபடல் வேண்டியது அவசியம். இன்னும் சுமார் 6 மாதங்கள் மாநிலத் தேர்தலுக்கு உள்ள நிலையில் இந்த பற்றி எரியும் ஆளும் கட்சிக்கு எதிரான அதன் மதுக் கொள்கைக்கு எதிரான காட்டுத் தீ, மதுவிலக்குக்கு ஆதரவான நாட்டுத் தீ நல்ல சேதி சொல்லுமா?

அல்லது அணைந்து வாக்கு வங்கிகள் சதவீதம், பங்கீட்டு முறைகளில் மாற்று செய்ய நேருமா என்ற கேள்விகள் எல்லாம் நம் முன்…

3 நாளாக சசிபெருமாளின் உடல் அங்கே இறப்பு பரிசோதனைக்கும் பிறகு கிடக்கிறது கிடங்கில்.உலகுக்கே தாம் எண்ணியதை நம்பியதை உரத்த செய்தியாக்கி விட்ட அந்த சசிபெருமாளின் ஆன்மா மதுவிலக்கு அதுவும் பூரண மதுவிலக்கு இந்த தமிழகத்துக்கு வந்து சேரும் வரை சாந்தி பெறாது என்றே நம்புகிறேன்.

மது விலக்கு வேண்டி பிச்சை எடுத்ததும், பிறர் காலில் விழுந்ததும் கூட எம் போன்றாரால் கண்டிக்கப்பட்டது. அவரை நேருக்கு நேர் கண்டிக்கும் உரிமை உள்ளவன் என்ற உரிமையால் மட்டுமே இதை உங்களுக்கு சொல்கிறேன்… எமது இயக்கத்தில் எப்போதும் சகோதர சண்டையிடல் உண்டு.ஆனால் எமது சசிபோன்ற ஒரு அமைதியான நம்பிக்கையான ஒரு மனிதனை இனி காண்பதரிது.

மதுவிலக்கு பிரச்சாரம் மேட்டூரில் 2 நாள் நாங்கள் செய்த நினைவு அந்த சசி எம் வீட்டில் அங்கேயும் இங்கேயும் இருந்த காட்சிகள், நாங்கள் தோளோடு தோள் நின்று பயணம் செய்து, சேர்ந்து உண்டு,உறங்கிய நினைவுகள் அகல மறுக்கிறது.அதில் தொமுச மேட்டூர் வட்ட அன்புத் தம்பி வே.வேலாயுதம் புதிய தலைமுறை நிருபர் தம்பி பாலகிருஷ்ணன் போன்றோர் எல்லாம் எமை ஊக்குவித்ததை மறுக்கவோ மறக்கவோ முடியாது.

கடைசியாக சசி பெருமாள் கலைஞரை சந்தித்து அவரது மதுவிலக்கு அதரவுக்கு நன்றி தெரிவித்த மறுநாள் இரவில் 9 மணிக்கும் மேல் யான் அவருடன் பேசியதுடன் எமது உரையாடலும் உறவாடலும் புற உலகின் தேடலுக்கு முற்றுப் புள்ளியாய் அமைந்தாலும் அது எமை என்றும் தொடரும் ஒரு உறாவாகவே எம் போன்றோர் எண்ண முடியும்…32 ஆண்டுகளுக்கும் மேலான உறவு அவ்வளவு எளிதாக மறைந்து விடுமா என்ன?

உறக்கமில்லாமல் உடல் குடல் புண் மன உளைச்சலில் அதிகமாக இரவில் படுத்துகிறது.மேலும் எமது தமிழக இலட்சியக் குடும்ப, நவ இந்திய நிர்மாணிகள் இயக்க அன்பர்கள் காந்திய வழியில் ஊருக்கு பத்து பேர் இயக்க நண்பர்கள் யாவரும் மௌனமாக அஞ்சலி சேலத்தில் செலுத்தி விட்டு சசியின் தம்பியை அவரது வீட்டில் சென்ற சந்தித்த நிகழ்வுகள் எமது சிற்பி.வேலாயுதம் தலைமையில் நடந்தது.

எல்லாவற்றுக்கும் அடித்தளமாக இருந்த எமது இயக்க விதையான முதல் வித்தான சிற்பி.கொ.வேலாயுதம் சென்னைக்கு நிகழ்வு முடிந்து சென்று விட, எம்போன்றோர் உடல் பிணியால் வீடு அகலாமலிருந்து வர, எமது இளைஞர்கள் முடியும் வரை செயல்படுகிறார்கள்.

எமக்கு ஏனோ சுதந்திரம் பெற்ற நாளில் நேரு உரை வானொலியில் நிகழ்த்தும்போது காந்தி நவகாளி யாத்திரையில் நடந்து கொண்டிருந்த காட்சிகள் நினைவுக்கு வருகிறது.

தீர்மானிக்க வேண்டிய நபர்கள் எல்லாம் எங்கோ இருக்க, செயல்வடிவம் வேறு கைகள்மூலம் நடத்தப்படுவதையும் காலம் காட்சிப் பதிவுகளாக மாற்றி இருப்பதையும் அறிகிறோம். எல்லாம் அரசு,கட்சிகள், அரசியல்.ஆனால் கட்சிகளும் அரசியலும் இது போன்ற மக்களுக்கு உகந்த நிலையை மதுவிலக்குக்கு ஆதரவாக வெகுண்டு எழுவது அதற்காக போராட முனைவது எமக்கு மகிழ்வளிக்கிறது . எப்படியோ விடிந்தால் சரி. நாங்கள் விரும்பியது நடந்தால் சரி. ஏன் அரசுக் கட்டில் கூட இதனால் மாற்றம் பெற்று நல்ல கொள்கையோடு நடந்து மக்களுக்கான ஆட்சியான மாறினால் சரிதான்.

ஆனால் எப்படி அது ஆனாலும், மக்களுக்கு எமது இயக்கம் எடுத்துக் கொண்ட , நிறைவேற்றத் துடித்த இலக்கு நிறைவேறினால் அது எமக்கும் யாவருக்கும் பேருவகை உருவாக்குவது…

மறுபடியும் பூக்கும் வரை
கவிஞர் தணிகை.

பி.கு: கலிங்கப்பட்டி வைகோவின் தாயார் அவருக்கு மட்டுமல்ல இந்த ஒட்டுமொத்த தமிழினத்தின் தாயாகவே எமது கண்களுக்குத் தெரிகிறார். மாக்ஸிம் கார்க்கி எழுதிய தாய் போல…அவரின் வயதை ஊடகங்கள் 94/95/ 99 என வேறு வேறாக சொல்கின்றன எனவே எனக்கு அவற்றில் சரியானது எது என தெரியவில்லை.

35 ஆண்டுக்கும் மேல் இயங்கி வரும் எமது இயக்கம் மேல் அதன் செயல்பாடுகள் மேல் எல்லாம் முழு கவனத்துடன் ஊடகம் திரும்பாமல் இருந்தது…ஆனால் எல்லா ஊடகங்களையும் சசி திரும்பிப் பார்க்க வைத்து இன்று நாடு தழுவிய அளவில் பெரும்பேச்சாக தலைப்பு செய்தியாக இந்த மது ஒழிப்புப் பிரச்சாரத்தை கொண்டு சென்று வெற்றி பெற்றுள்ளார்.

அனைவர்க்கும் இந்த கருத்தில் நிலை பெற்று நாட்டுக்கும் மக்களுக்கும் ஏதாவது செய்ய நினைக்கும் அத்தனை தொண்டு உள்ளங்களுக்கும் எமது இந்த பதிவு நன்றி பாராட்ட கடமைப் பட்டுள்ளது. ஊடகங்கள் யாவற்றுக்கும் நன்றி. ஜெயமோகன் கட்டுரைக்கும் கூட சசி பெருமாள் தியாகத்துக்கு மதிப்பு உண்டா? வரும் நாட்களில் தெரியும் அன்பரே…

மறுபடியும் பூக்கும் வரை
கவிஞர் தணிகை.

அப்துல் கலாம் மட்டுமல்ல சசிபெருமாளும் தியாகிதான்: கவிஞர் தணிகை


அப்துல் கலாம் மட்டுமல்ல சசிபெருமாளும் தியாகிதான்: கவிஞர் தணிகை

எங்கள் தோழர் சசி இறந்து கிடக்கிறார்.உறங்க முடியவில்லை.மதுவுக்கு எதிரான ஒரு உன்னதமான போராளி உயிரை விட்டிருக்கிறார்.1983 முதல் 30ஆண்டுக்கும் மேலான உறவு ஒரு முச்சந்தியில் செயலற்று இன்று நின்று கொண்டிருக்கிறது.உங்களுக்குத் தெரியாத சசி எங்களுக்குத் தெரிந்த சசியின் ஒரு சில பக்கங்கள் ஒரு நினைவுப் பதிவாக.

நெசவுக் குடும்பம். மிகக் குறைந்த வருமானம். ஆனால் அதில் கஞ்சியோ, கூழோ மட்டும் வைத்து குடிக்கும் சிக்கனமான குடும்பம்.அப்போதே இளம்பிள்ளை மேட்டுக்காட்டில் அந்த பள்ளியின் அருகே ஒரு கூட்டம் ஏற்பாடு. சென்று பேசி விட்டு வந்தது முதல் நினைவாக.

 

எளிமை. தலைவனுக்கே உள்ள நற்குணங்கள்.அமைதி. அடக்கம்.துணிச்சல், நேர்மை. எனவே “எமது இளைஞர் ஒருங்கிணைப்பாளராய்” அன்றும் இன்றும் விளங்கி வரும் எமது அன்புச் சகோதர நண்பர் கொ.வேலாயுதம் அவர்களுடன் யாம் தோளோடு தோள் நின்று இணைந்து இயக்க வேலைகளை கையில் எடுக்கும்போது “நவ இந்தியா நிர்மாணிகள் இயக்கம்” ஆங்கிலத்தில் பி.என்.ஐ.ஏ.– நியூ இண்டியா பில்டர்ஸ் அசோஸியேசன். என்ற இயக்கத்தின் தலைவராக்கி அழகு பார்த்தோம்.இந்த சசி பெருமாளை.

 

இந்த மேட்டுக்காடு பெருமாள் சசி பெருமாள் என மாறியது ஒரு சுவாரஸ்யமான கதை.சிவகுமாருக்கு இணையாக சசிக்குமார் என்ற சினிமா நடிகர் இராணுவக் கேப்டனாக இருந்து சினிமாவுக்கு வந்ததாகவும் கேள்வி. அவர் இந்த பகுதியில் ஒரு படப்பிடிப்புக்கு வந்த போது அவரும் பெருமாளும் அணுக்கமான நண்பர்களாக மாறி அவருக்கு இவர் கோவில் குளம் எல்லாம் சுற்றிக்காட்ட படப்பிடிப்பு முடிந்தபோதும் இவர் இந்த பகுதிகளில் உள்ள இடங்களை சுற்றி பார்ப்பது நீடித்தது உடன் பெருமாளின் நட்பும். இந்த நடிகரின் பின்னால் இவர் ஒரு தீவிபத்தில் மறைந்து போனார்….எனவே சசியை தமது பேருக்கு முன்னால் இணைத்துக் கொண்டார் இந்த இளைஞர் நட்புக்கு ஒரு மரியாதை செய்து.

 

இவர் ஒரு காந்தியவாதி.இப்போது உங்கள் பார்வைக்கு. நாங்கள் இணைந்திருந்த அந்தக் காலத்தில் செம்முனி, இராமலிங்கம், செங்கிஸ்கான், போன்ற இன்னும் எத்தனையோ இளைஞர்களுடன் சின்ன பையன், தற்போதைய ஓமலூர் முன்னால் எம்.எல்.ஏ.தமிழரசு இவர்கள் எல்லாம் எம்முடன்…இவர்களுக்கு அலுவலக ரீதியாகவும் அதாவது நேரு இளையோர் மையம் இந்திய அரசு வழியாகவும், அதை மீறிய நாட்டுப் பற்று தேசிய இயக்க பணிகளுக்காகவும் நண்பர் சிற்பி.கொ.வேலாயுதம் , அடியேன் , போன்றோர் இணைந்து நிறைய பயிற்சி முகாம்கள் நடத்தி உள்ளோம்.

 

ஆனால் அந்தக் காலத்தில் அந்த இயக்கத்தை மிக ஆரவமுள்ள இளைஞர்களின் துடிப்பு மிக்க காரணத்தால் அரசு தப்புக் கணக்கு போட்டு தீவிரவாத இயக்கம்போன்று கண்காணித்து வந்தது. ஏன் தடைபடுத்தவும் நிறைய தொல்லைகள் கொடுத்தது. அதை எல்லாம் மீறி இரகசியமாகக் கூட கூட்டம் நடத்தினோம். அச்சமில்லை என்ற பத்திரிகை நடத்தினோம்.

மக்கள் கலை பண்பாட்டுக் கழகம் என நடத்தி, சரியான விழிப்புணர்வுக்காக அன்றைய முன்னணி தலைவர்களை அழைத்து வந்து மாதமொரு முறை இளையோர்க்கு கூட்டம் நடத்தினோம். அதில் ஒரு நிகழ்வாக கவிஞர் இன்குலாப் தலைமையில் கவியரங்கம் செய்து அதில் நீதி, என்னும் தலைப்பில் அடியேனும் கவிதை செய்தது…

 

இது போன்ற காலக்கட்டத்தில் சசிக்கு (சசி பெருமாளுக்குத்தான்) உடல் நிலை சரியில்லை என சேலம் மாவட்ட மருத்துவமனைக்கு சென்று உள்ளிருப்பு நோயாளியாக இருக்க அனுமதி அளிக்க ஒரு அரசு மருத்துவர் அப்போதே யாம் சொல்வது 1982- 83ல் அப்போதே இலஞ்சம் கேட்டார் என்பதற்காக …அவரை செருப்பால் அடித்து விட்டார். அது போலீஸ் கேஸாகி மாறி எமை ஐ மீன் அவரை சார்ந்தாரை எல்லாம் பாதித்து விட்டது .சசி பணியில் இருக்கும்போது அரசு ஊழியரை அடித்துவிட்டார் செருப்பால் என்பதற்காக சிறையும் பெற்றார்.

 

அப்போதிருந்து அவருக்கு அவரது உணர்வுகளை மட்டுப்படுத்த, மென்மைபடுத்த அவரை மேன்மைப் படுத்த இயக்க ரீதியாக காலம் நிறைய மாற்றங்களையும் பயிற்சியும் அளித்தது.

386055-sasiperumal-730x492

இந்த “நவ இந்திய நிர்மாணிகள் இயக்கம்” காந்திய வழியில் ஊருக்கு பத்து பேர் இயக்கமாக பரிணமித்தது.நிறைய இயக்க பாடல்களும் இசை முழக்கங்களும், தெருமுனை கூட்டங்களும்,கலை நிகழ்ச்சிகளும், ஊரில் மக்களுக்குத் தேவையான சுகாதார பணிகளும், சாலை மேம்பாடும், மரங்கள் நடுதலும், பல்வேறு பட்ட இளைஞர் பயிற்சி முகாம்களும் மேற்கொள்ளப்பட்டன. அமரகுந்தி காந்திய இயக்கம் நன்கு செயல்பட்டது அதில் சேக்ஸ்பியர் எனப்படும் விவேகானந்தன், அருணாச்சலம், கண்ணன் என்ற இளைஞர்கள் எல்லாம் பேர் சொல்ல எமக்கு கிடைத்தது போல ஒவ்வொரு ஊரிலும் இளைஞர்கள் இணைந்தனர்.தியான பயிற்சி கூட அமரகுந்தியில் அளித்துள்ளது என்றும் நினவிற்கு.

ஆத்தூர் , ஓமலூர், இப்படி மாவட்ட அளவில் இருந்த் இயக்க பணிகள் மாநில அளவில் கூட இருந்தன. நங்கவள்ளி சிந்தனையாளர் என்னும் மா.அர்த்தனாரி முதியவர் பொது உடமை சிந்தனையாளர் எல்லாம் கூட இயக்க மேன்மைக்கு உதவி வயது கருதாது வந்து கூட்டத்தில் தமது கருத்துகளை இளையோர்க்கு பகிர்ந்தார்.

இது மட்டுமல்ல நாட்டின் அறிஞர் பெருமக்கள் எல்லாமே எங்கள் முகாமுக்கு வருகை புரிந்துள்ளனர். அது அமரரான ஆடிட்டர் ரமேஷ் முதல் மத்திய மாநில மந்திரிகள் கட்சி பேதமின்றி அனைவருமே கலந்து கொண்டு இளையோர்க்கு தமது அறிவுரை செய்யும் வண்ணம் நிறைய அறிவு சார் முகாம்கள் நடத்தப்பட்டன..சமுதாய மேம்பாட்டுப் பணிகளுடன்..விவாதங்களும் இருந்தன.மறுப்பதற்கில்லை.

இதன் அடுத்த கட்டமாக சசி பெருமாள் தொழிலாளர் சங்கப் பணிகளில் பங்கெடுத்துக் கொள்ள பயன்படுத்தப்பட்டார்.

இதன் மற்றுமொரு காலக் கட்டத்தில் இந்த காந்திய வழியில் ஊருக்கு பத்து பேர் இயக்கம் “தமிழக இலட்சியக் குடுமபங்கள்” என்று பரிமாற்றம் பெற்றது. இதில் அன்புச் சகோதரர் வேலாயுதம் வழி நடத்துதலில்,,, எம் போன்றோர் முக்கிய பொறுப்புகளுடன் சிறிது காலம் வளர்த்து வந்தோம்.

அதன் பின் இஞ்சினியர் மணி போன்ற அன்புத் தம்பி செயல்வீரர் கையில் முக்கிய பொறுப்பு அளிக்கப்பட்டு , சேலம் மையப் பகுதியாக இருந்து எல்லாவற்றையும் பார்ப்பது இராமநாதன் போன்ற இளைஞர் கள் நன்கு செயல்பட்டனர். பெண்கள் குழுவும் நன்கு இயங்கியது.

முன்னவர்களான, சிற்பி, கொ.வேலாயுதம், அடியேன், செம்முனி,இராமலிங்கம் போன்றோர் வழிவிட்டு தங்கவேல் வழக்கறிஞர், மணி, சசி பெருமாள், சின்னபையன் போன்றோர்க்கு பொறுப்பை தோள் மாற்ற ஆரம்பித்து விட்டோம்.

ஒகேனக்கல் கூட்டு குடி நீர்த் திட்டம் கையில் எடுக்கப் பட்டது முதலில் எங்கள் இயக்கத்தால்தான். சில பெண்களும் சிறை சென்றனர் போரட்டம் செய்து. அவர்களில் காசாம்பூ போன்ற பெண்கள் பெயர்கள் , ஜமுனா, பீபி ஜான், இலட்சுமி, இன்னும் நிறைய பெண்கள் மகளிர் மன்றங்கள் செயல்பட்டமை இன்றும் பசுமையாக நினைவில்.

நிறைய கிராமங்களில் தலைமைப் பொறுப்பு பயிற்சி முகாம்கள் மூலம் மிகவும் ஏழ்மையானவர்களுக்கு வீடுகள் கூட கட்டி கொடுக்கப்பட்டன. நிறைய முகாம்கள் மாநிலம் எங்கும் நடத்தப்பட்டன.

தமிழக இலட்சியக் குடும்பங்களுள் ஒரு முக்கிய பணி : வளர்ச்சிப் பணிகளுக்கு மது ஒரு முக்கிய முட்டுக் கட்டையாக இருப்பதால் அதை விலக்க பலமுனை போராட்டங்கள் கையில் ஏடுக்கப்பட்டன. அதில் பிரச்சாரம், துண்டு பிரசுரங்கள் , கூட்டங்கள், டாஸ்மாக் கடை மறியல்கள் இப்படி பலவகையாக…இதில் நண்பர் சசி பெருமாள் இந்த பணியை நாடறிய வைத்தது உங்கள் வெளிச்சத்திற்கு வந்தது.

ஆனால் சின்னபையன் என்னும் ஒரு காந்திய ஜூனியர் காமராசரை சேலம் வடக்கு தொகுதியில் எம்.எல்.ஏ வேட்பாளராக நிறுத்தி ஆயிரத்துக்கும் குறைவான வாக்குகளே பெற்று தோல்வியடைந்தோம் . நாங்கள் தோல்வி அடைந்தோம் என்று சொல்வதை விட இந்த நாட்டின் ஒழுக்கம் அதன் கீழான எண்ணங்கள் அனைவர்க்கும் தெரிய அதெல்லாம் வாய்ப்பாக இருந்தது.

இதனிடையெ சசி பல்வேறு பட்ட உத்திகளை கையாண்டார். அதில் அடிக்கடி குடிகாரர் காலில் விழுவது, ரயில்நிலையத்தில் பேருந்துநிறுத்தத்தில் பிச்சை எடுப்பது போன்ற போராட்ட முறைகள் சரியல்ல என எம்போன்றாரால் கண்டிக்கப்பட்டார். அனாலும் சிரித்துக் கொண்டே உங்களுக்கும் தெரிந்து விட்டதா என இனிமேல் பார்த்துக் கொள்கிறேன் அவ்வாறு செய்யாமல் என சொன்னாலும்…

இப்படி செல்போன் டவரில் ஏறுவது, அடிக்கடி புதிய உத்திகளைக் கையாள்வது போன்ற நாவல்டியான வேலைகளை எல்லாம் இயக்க முறைகளுக்கும் மீறியே செய்து வந்தார். ஏன் எனில் இலக்கு ஒன்றுதான் அதை எப்படியாவது அடைந்தே தீருவது என்ற பிடிவாதத்தில், தமது ஆயுளுக்குள் இந்த இலக்கை எட்டியே தீருவது இதற்கு ஒத்துழைக்கும் யாரோடு வேண்டுமானாலும் சேருவது என்ற வடிவங்களில்.

இவரின் போக்கை கவனித்த அடியேன், சிற்பி முன்னவர் வேலாயுதம் தலைமையில் மணி போன்றோர் முன்னிலையில் இவரை தலைவராக மறுபடியும் “தமிழக இலட்சியக் குடும்பத்திற்கு” முன்,மொழிந்து இவரது செயல் நடவடிக்கைகளுக்கு கட்டுப் பாடு இலகானை பூட்டி மறுபடியும் இயக்க வேலைகளை கையில் எடுக்கச் சொன்னோம்.

என்றாலும் நாளடைவில் இவர் இவர் போக்கிலேயே சென்று கொண்டிருந்து நாடெங்கும் இந்த பணிகளை முடுக்கி விட்டு, இன்று மீளாத் துயரில் ஆழ்த்தி விட்டு ஆழ்ந்து விட்டார் தமது இன்னுயிரையே ஈந்து விட்டார். எடுத்த உறுதி மொழிக்கு ஒரு இலக்கணமாகிவிட்டார்.

வலதுகையை நீட்டி, இந்த நாட்டிற்காக இந்த உடலுக்கு ஏற்படும் எவ்வித இன்னல்களையும் ஏற்றுக் கொள்வேன். என்ற சொல் இவரைப் பொறுத்தவரை உண்மையாகி விட்டது இன்று.

எங்கள் இயக்கத்தின் ஒரு தலைமகன், ஒரு தளபதி, இயக்கத்துக்கு ஒரு வழி காட்டி விட்டார் ,,ஜீவனை வைத்திருபப்தை விட மரணப்போராட்டமே இந்த செவிகளுக்கு ஏறும் என சொல்லாமல் சொல்லி விட்டார். ஆனால் இந்த இழப்பை ஆய்வுக்கு வைத்து இனி இயக்கம் அடுத்த கட்ட நடவடிகைக்கு முன்னேறும் சில செயல்பாடுகளை வடிவமைக்கும் என நம்புகிறேன்.

அப்துல் கலாம் போன்ற மாபெரும் மாமேதைகள் உலக உத்தமர்கள் எந்தவித சட்ட மீறலையும் செய்யாமல், சட்ட விதிகளுக்கு உட்பட்டு சமுதாயத் தீமைகளை அறிவுபூர்வமாக அறவழியில் போதனை வழியில் செய்ய முயன்று தமது இன்னுயிரை தந்திருக்கிறார்…

ஆனால் சசி பெருமாள் போன்றோர் களத்தில் இறங்கி களப்பணியாளராக களப்பலியாகி இந்த மதுவின் கொடுமையை, சமுதாயத் தீமையை, அவலங்களை கொடுமைகளை நீக்க தமது மதிப்பு மிகு உயிரையும் கொடுத்து சென்றிருக்கிறார்.

இந்த அரிய நாளில் இந்த பதிவை எமது நட்புக்கு காணிக்கையாக்குகிறேன்.
அந்த தியாகிக்கு எமது அஞ்சலிகள் என்றும் உரித்தானது.


மேட்டூரில் கூட 2 நாட்கள் மது விலக்கு பிரச்சாரத்திற்கு அவரை பயன்படுத்திக் கொண்டேன் அவர் ஏற்பாடு செய்து கொண்டிருந்த வாகனத்தில் வந்ததும் மற்ற சில நண்பர்கள் அவர்களுடன் இணைந்து வந்ததும், அவரை வைத்து சில பள்ளிகளில் நாங்கள் சென்று மதுவின் தீமை குறித்து விழிப்புணர்வு கூட்டம் நடத்தியதும், குஞ்சாண்டியூர் பேருந்து நிலையத்தில் நல்ல வரவேற்பு இருந்தது.நல்ல கூட்டமும் இருந்தது

கோம்பூரான் காடு நடு நிலை பள்ளியிலும், கருப்பு ரெட்டியூர் ஊராட்சி ஒன்றிய துவக்கப்பள்ளியிலும், ஜெம்ஸ் பள்ளியிலும் நாங்கள் எங்களது பதிவுகளை பகிர்தல் செய்தோம்..எமது வீட்டுப் பின்புறம் இருக்கும் ராமலிங்க சௌடேஸ்வரி கோவில் அருகே வந்திருந்த வாகனம், தீப்பற்றி தமது இயலமையை வெளிப்படுத்தியது…

எமது சகோதரி வீட்டு மாடி அறையில் வந்திருந்த அந்த 3 மதுவிற்கு எதிராக இயக்கத்தில் ஈடுபட்ட போராளிகளுக்கும் தங்க ஏற்பாடு செய்து வீட்டின் எளிய உணவை பகிர்ந்தளிதேன்…எமது அன்றாட வாடிக்கையான வெறும் வயிற்றில் சோத்துக் கத்தாழை உண்ணும் பழக்கத்தின் போதான பேச்சைத்தான் எமது படமாக எமது வீட்டின் படமாக சசி கத்தாழை சாப்பிடும் படமாக வெளிவிட்டிருக்கிறேன். என்றும் நினைவில்

936511_602579296460114_619234356_n

மறுபடியும் பூக்கும் வரை
கவிஞர் தணிகை.

சசி பெருமாள் கொடுத்த உயிர்:கவிஞர் தணிகை.


 

386055-sasiperumal-730x492

எங்களது களப்பலி ஒன்று
கொள்கை முடிவோடு இன்று
மது எதிர்ப்போடு நின்று
காலாவதி ஆனது .

கொள்கைக்கு என்றுமே
காலாவதி இல்லை
இது ஒரு முதல் பலி
எண்ணிக்கை இத்தோடு போனால்
நல்லது தமிழக அரசே.

தமிழரசு துரோக அரசாய்
இனியும் வீழாதே.
இதோ வீரம் உயிரை கொடுக்க
ஆரம்பித்து விட்டது

குடி உயிரை எடுக்க ஆரம்பித்துவிட்டது
ஆனால் இது தர்மத்தின் தரமான உயிர்
தர்மம் நின்று கொள்ளும்.

சசி பெருமாள் கொடுத்த உயிர்

எடுத்த உறுதி மொழிக்கு
ஒரு இலக்கணம்

மது எதிர்ப்பு தாய்மார்களுக்கு
இது ஒரு இலக்கியம்

இந்த எதிர்ப்பு
தமிழக இந்திய ஆட்சிக்கு
இனி சூழும் கேடு

இது எதையும் எதிர்பார்க்காத
இலட்சிய இறப்பு
தமிழக இலட்சியக் குடும்பங்களின்
தலமையின் பொறுப்பான
இருப்பு…

தொண்டர்க்கு
செய்து காட்டும் தலைவனானான்
தொண்டுக்கு
ஒரு முன்மாதிரி ஆனான்
தளபதி களம் புகுந்தான்

ஒரு காப்டன் உயிர் இழந்தான்
அது அவனுக்கு பெருமை
தமிழக அரசுக்கு சிறுமை…

சிறுமை கண்டு பொங்குவாய்
வா வா வா!

மறுபடியும் பூக்கும் வரை
கவிஞர் தணிகை.

யாகூப் மேமன் தூக்கு நள்ளிரவில் அவசரமாக தீர்மானிக்கப்பட்டது சரிதானா? கவிஞர் தணிகை.


 

யாகூப் மேமன் தூக்கு நள்ளிரவில் அவசரமாக தீர்மானிக்கப்பட்டது சரிதானா? கவிஞர் தணிகை.
டைகர் மேமன் – சகோதரரின் குற்றத்துக்காக தமக்கு தூக்கு தண்டனை என்றால் அது சரிதான்., ஆனால் தமக்கு என்றால் அது தவறுதான் என்பதே யாகூப் மேமனின் கடைசி வாக்கு.இருவேறுபட்ட கருத்துகள் நிலவுகின்றன இந்த தூக்கு தண்டனை பற்றி பரவலாக ஆனாலும் இது தான் இன்றைய ஊடகப் பேச்சு. கலாமுக்கு அடுத்ததாக.எனவே நாமும் பேசுகிறோம்.

இந்திய சட்டத்தின் உச்ச பீடங்களால் குற்றவாளி என நிரூபிக்கப் பட்டு தூக்கு தண்டனை நிறைவேற்றப் பட்டவரின் வழக்கறிஞர் , குடியராசு தலைவரின் கருணை மனு நிராகரிப்பு எழுத்து பூர்வ அறிக்கையைப் பெற்று மேலும் விசாரணைக்கு தயாராவோம் இன்னும் 10 நாட்கள் கால அவகாசம் வேண்டும், என்ற கோரிக்கையும், கருணை மனு குடியரசு தலைவரால் நிரகாரிக்கப் பட்டு அப்போதிருந்தே உச்ச நீதிமன்ற நீதிபதி வீட்டில் நள்ளிரவு முதலே விசாரிக்கப்பட்டு அதிகாலை 3 மணி முதல் 5 மணிக்குல் தூங்காமலே இருந்து குற்றவாளியை தூக்கிலிடும் உத்தரவை பெற்றவுடன் சுமார் காலை 6.45 மணிக்கு தூக்கிலிடப்பட வேண்டிய அவசரம் என்ன என்றுதான் ஊடகத்தில் கைதேர்ந்தவர்கள் எல்லாம் கேட்கின்றனர்.

தூக்கிலடப்பட்டு இறந்த யாகூப் மேமனின் வழக்கறிஞர் மேலும் இந்த தூக்கிலிடும் உத்தரவு கிடைத்த பின்னும் ஒரு வாரம் கால அவகாசம் தண்டனையை நிறைவேற்ற இருக்கலாம் என்றும் கருத்து தெரிவித்திருக்கிறார்.

ஆனால் முன்னால் குடியரசு தலைவரின் இறுதி சடங்கு நாளின் செய்திகளூடே இந்த தூக்கு செய்தியும் தடயமில்லாமல் போகட்டும் என திட்டமிட்டு அவசரம் அவசரமாக இந்த தண்டனை நிறைவேற்றப்பட்டிருப்பதாக நோக்கர்கள் கருதுகிறார்கள்.

ஆனால் இந்த செய்தி மும்பை முழுதும் பரவி விட்டது உடலை அடக்கம் செய்த மறுநாளில், கொண்டு சென்ற நாளில்.நாக்பூரில் நிறைவேற்றப்பட்ட இந்த தண்டனை..அப்துல் கலாம் மொழியில் சொல்ல வேண்டுமென்றால் மனித உரிமை ஆணையர்கள், தூக்கு தண்டனை வேண்டாம் என சொல்லி வரும் மனித ஆர்வலர்கள் சொல்லும் மொழியில் ஒரு உயிரை எடுக்க மனிதகுலத்துக்கு எந்த உரிமை எப்படி வரமுடியும்?

உடனே சோட்டா சகீல் என்பவர்(மேமன் சகோதரர்களுக்கு உதவுபவராம்) இதன் விளைவை சந்திக்கவேண்டும் இந்தியா என்கிறார். லிபியா திரிபோலியில் இந்திய ஆசிரியர்கள் 3 பேர் கடத்தி கொண்டுபோகப்படுகிறார்கள். இதுவரை அந்த பகுதியில் 39 இந்தியர் கடத்தபப்ட்டிருப்பதாகவும் செய்தி…

இந்த யாகூப் தாமாக சரணடைந்தார் எனவும், இல்லை இல்லை , இந்திய காவல்துறைதான் பிடித்தது என்றும், வேறுபட்ட தகவல்கள். எந்த பக்கம் உண்மை இருக்கிறது என அறியமுடியாமலே பல்வேறுபட்ட சம்பவங்கள்.

இந்த மும்பை தாக்குதல் 1993ல் நடந்ததற்கு, 18 ஆண்டுகளுக்கு பிறகு இவ்வாறு நீதி செய்து, ஒரு உயிரை போக்குவதை காரணம் காட்டியே பல சம்பவங்களை நிகழ்த்துவார்கள் தீவிரவாதிகள்…இதை இந்த நாட்டின் வரலாறாக நாம் பார்த்து வருகிறோம். மேலும், இந்தியாவை இலக்காக ஐஎஸ் ஐ எஸ் வேறு கொண்டுள்ளதாகவும் செய்திகள் இருக்கின்றன.

இப்படியே இந்து, முஸ்லீம் என்ற பாகுபாட்டு பிரிவினைகளுடனே உயிர்கள் எடுக்கப் பட்டு வருவது மனித குலத்துக்கே கேடு. தீவிர வாதத்தை களை எடுப்பதில் நிரபராதிகள் பாதிக்கப்பட்டு விடக் கூடாது அரசாங்கம் பார்த்துக் கொள்ள வேண்டியது அவசியம்.

அதே போல பொது இடங்களில் தீவிரவாதம் தலையெடுக்காமல் பார்த்துக் கொள்ள வேண்டியதும் நல் அரசின் கடமைதான்.ஆயிரம் குற்றவாளிகள் தப்பிக்கலாம், ஆனால் ஒரு நிரபராதி தண்டிக்கப்படக் கூடாது என்பார்களே.அதெல்லாம் சினிமாவில்தானா?

இது சற்று சிக்கலான பிரச்சனையாகவே என்றும் இருந்துவருகிறது இந்த பெரிய நாட்டில்.குற்றவாளிகளை பிடித்து தண்டிப்பதற்கு பதிலாக அவர்களை பிடிக்க முடியாமல் அவர்கள் சார்ந்த குடும்பத்தினரை தண்டிக்கும் போக்கு என்பது இருந்தாலும் அதுவும் சரியல்ல..

அவ்வளவு அவசரமாக இரவோடு இரவாக நீதியும், சிறையும், காவலும் , ஆட்சியும் , நிர்வாகமும் செயல்பட்டது தேவைதானா என்ற கேள்விகள் எழாமல் இல்லை.

மறுபடியும் பூக்கும் வரை
கவிஞர் தணிகை.

காற்றலையில் கலாமுக்கு ஒரு தூது:-கவிஞர் தணிகை.


டியர் மிஸ்டர் கலாம்:-

நீங்கள் எனக்கு 31 வயது மூத்தவர்


எனது 25— >35 வயதிலேயே
1985— >1995லேயே
உங்கள் புரா

(PURA-Provision of Urban amenities to Rural Areas.)
திட்டத்திற்காக
10 ஆண்டுகள்
இந்திய கிராமிய முன்னேற்றத்திற்காக
எனை அர்ப்பணித்தவன்

எனவே கலாம்
நீங்கள் என்னில் இருக்கிறீர்
என்னுள் இருக்கிறீர்
இது சத்தியம்

நானும்
80 வயது கடந்து
வாழவிருக்கிறேன்

உங்கள் சுவாசத்துடன்
நான் உங்களோடு வாழ்கிறேன்
மேலும் 30 ஆண்டுகள்
நீங்கள் என்னோடு வாழ்கிறீர்


மறுபடியும் பூக்கும் வரை
கவிஞர் தணிகை.

காற்றலையில் கலாமுக்கு ஒரு தூது

Its my good promise to Dr.A.P.J.Abdul kalam.

சிறு துளிகள் சிந்தனைத் தளிர்கள்:மறுபடியும் பூக்கும் வரை கவிஞர் தணிகை


 

சிறு துளிகள் சிந்தனைத் தளிர்கள்:


1.உலகின் அமைதியான 165 நாடுகள் வரிசையில் இந்தியா143 வது இடத்தில்

2. பின்னால் நடக்க முடியா இரு உயிரினங்கள்: ஈமு, கங்காரு

3. உலகின் மிகப்பெரிய ரேடியோ டெலஸ்கோப் குயூஜோ .சீனாவில் இதன் விட்டம் 500மீ.
30 கால்பந்தாட்ட மைதான அளவு பெரியது.இதன் சுற்றளவு 1.6 கி.மீ

4.பீரியாடிக் அட்டவணையில் இடம் பெறா ஒரே ஆங்கில எழுத்து ஜெ.J.

5. தும்மல் வரும்போது கண்கள் தாமே மூடிக் கொள்ளும்

6. தட்டச்சு செய்கையில் 56% இடது கை விரல்களே பயன்படுகின்றன.

7. வியாதி மெதுவாக் கொல்ல விருந்து விரைவாக் கொல்லும்

8,பால் அசைவ உணவு.

9.  8 போட்டாலும் நடையை எட்டி போட்டாலும் நல்லது

10. வள்ளல் பிரானார்க்கு வாய் கோபுர வாசல்
தெள்ளத் தெளிந்தார்க்கு சீவன் சிவலிங்கம்.— திருமூலர்

மறுபடியும் பூக்கும் வரை
கவிஞர் தணிகை

நேசியுங்கள் பறவைகளை. ஆனால் பறக்க விட்டு விடுங்கள்.

இந்தியா அழுகிறது…கவிஞர் தணிகை


இந்தியா அழுகிறது…கவிஞர் தணிகை
உணவையும் உறக்கத்தையும் உடல் ஓம்பும் முறைகளையும் தவிர தமக்காக எதையும் செய்து கொள்ளாமல் இந்தியர்களுக்காக, மனிதகுலத்துக்காக, புவி உயிர்களுக்காக தமை ஈந்து உயிரை தெய்வீகப்பதவிக்கு இட்டு சென்ற ஒரு மாமனிதருக்காக இந்தியா அழுகிறது.

அவரின் கடைசி நாளைப்பற்றிய சில பதிவுகள் மட்டும் இங்கே…

மறுபடியும் பூக்கும் வரை:

http://www.msn.com/en-in/news/national/leaders-public-mourn-death-of-people%E2%80%99s-president-funeral-on-july-30/ar-AAdzqKm?ocid=UP97DHP

ஆசானுடன் கடைசி நாள்: கலாம் ஆலோசகரின் உணர்வுக் குறிப்புகள்

அவருடன் நான் கடைசியாகப் பேசி 8 மணி நேரம் மட்டுமே கடந்திருக்கிறது. (இது கலாமின் ஆலோசகர் ஸ்ரீஜன் பால்சிங் அவரது ஃபேஸ்புக்கில் இப்பதிவை பதிந்த போது குறிப்பிடப்பட்டிருந்த நேரம்) தூக்கம் என் கண்களுக்குள் நுழைய மறுத்து இமைகளை விட்டு விலகிச் செல்கிறது. துக்கம் கண்ணீராகக் கரை புரண்டோடுகிறது. அதில் கலாமின் நினைவுகள் கலந்து வழிந்தோடுகின்றன.

அப்துல் கலாமுடன் நான் சேர்ந்திருந்த அந்த கடைசித் தருணமானது 27-ம் தேதி நண்பகல் 12 மணிக்குத் தொடங்கியது. குவாஹாட்டிக்கு விமானத்தில் ஒன்றாக புறப்பட்டோம். டாக்டர் கலாம் 1-ஏ எண் கொண்ட இருக்கையிலும் நான் 1-சி இருக்கையிலும் அமர்ந்திருந்தோம். அவர் அடர் நிறம் கொண்ட ஆடை அணிந்திருந்தார். அவரைப் பார்த்த மாத்திரத்தில் ‘நல்ல நிறம்’ என அவரது ஆடையைச் சுட்டிக்காட்டிச் சொன்னேன். அப்போது என் மனம் அறிந்திருக்கவில்லை அதுவே அவரை நான் பார்க்கும் கடைசி நிறமென்று.

பருவமழை காலத்தில், விமானத்தில் இரண்டரை மணி நேரம் பயணம் என்பது சற்று எரிச்சலைத் தருவதே. அதுவும் விமானத்தின் சிறு ஜெர்க்குகள் எனக்கு வெறுப்பாக இருந்தது. ஆனால், கலாமுக்கு இதெல்லாம் சர்வ சாதாரணம். எனது வெறுப்புணர்வைப் புரிந்து கொண்ட கலாம், என் அருகில் இருக்கும் கண்ணாடி ஜன்னலுக்கு மேல் இருக்கும் திரையை இழுத்துவிட்டு “இப்போது நீ அச்சமின்றி இருக்கலாம்” என்றார்.

விமானப் பயணம் ஒருவழியாக முடிந்தது. அடுத்ததாக ஐ.ஐ.எம். ஷில்லாங்குக்கு கார் மூலமாக இரண்டரை மணி நேரப் பயணம். விமானப் பயணம், கார் பயணம் என பயணமே 5 மணி நேரத்தை விழுங்கிவிட்டது. ஆனால் அந்த 5 மணி நேரமும் நாங்கள் நிறையப் பேசினோம், ஆலோசித்தோம், விவாதித்தோம். கடந்த ஆறு ஆண்டுகளில் இதுபோன்ற நிறைய தருணம் எனக்கு வாய்த்திருக்கிறது.

இருப்பினும் எனக்கும் கலாமுக்கும் இடையேயான அந்த கடைசி பேச்சுகளில் மூன்று முக்கிய நிகழ்வுகள்/ஆலோசனைகள் எப்போதும் நினைவில் நிற்கும்.

முதலாவது, பஞ்சாபில் நடைபெற்ற தீவிரவாதத் தாக்குதல் கலாமை வெகுவாகவே பாதித்திருந்தது. அப்பாவி உயிர்களின் பலி அவரைத் துயரத்தில் ஆழ்த்தியிருந்தது. அன்றைய தினம் அவர் ஷில்லாங் ஐ.ஐ.எம். அரங்கில் பேசவிருந்த தலைப்பு ‘வாழ்வதற்கு உகந்த பூமி’.

பஞ்சாப் சம்பவத்தையும் அவர் பேசவிருந்த தலைப்பினையும் ஒப்பிட்ட கலாம், “மனிதர்களால் ஆன சக்திகள் பல இந்த புவியை வாழ்வதற்கு தகுதியற்றதாக மாற்றி வருகின்றன. வன்முறையும், சுற்றுச்சூழல் மாசும், சற்றும் பொறுப்பற்ற மனித நடவடிக்கைகளும் தொடர்ந்தால் இன்னும் 30 ஆண்டு காலத்தில் நாம் இந்த பூமியை விட்டுச் செல்லவேண்டிய நிர்பந்தம் ஏற்படும். இதைத் தடுக்க உங்களைப் போன்றவர்கள் ஏதாவது ஆக்கப்பூர்வமாக செய்ய வேண்டும். எதிர்காலம் உங்கள் கைகளிலேயே இருக்கிறது” என்றார்.

இரண்டாவதாக நாங்கள் பேசிக் கொண்டது தேசிய அரசியல் பற்றியது. நாடாளுமன்றம் முடங்கி வருவது குறித்து கலாம் மிகுந்த வேதனை தெரிவித்தார். “எனது பதவிக் காலத்தில் நான் இரு வேறு அரசுகளைப் பார்த்திருக்கிறேன். அதன் பின்னரும் நிறைய ஆட்சி மாற்றங்களை பார்த்துவிட்டேன். ஆனால், இத்தகைய முடக்கங்கள் மட்டும் மாறவில்லை. இது சரியானது அல்ல. நாடாளுமன்றம் வளர்ச்சிக்கான அரசியலை முன்னெடுத்துச் செல்வதாக இருக்க வேண்டும் என்பதை உறுதிப்படுத்த ஏதாவது ஒரு வழிவகை காண விரும்புகிறேன்” எனக் கூறினார்.

பின்னர் என்னிடம் ஐஐஎம் மாணவர்களிடம் கேட்பதற்காக சில கேள்விகளை தயார் செய்யுமாறு வலியுறுத்தினார். அதை தனது உரை முடிந்தவுடன் மாணவர்களுக்கு வழங்கவிருப்பதாக தெரிவித்தார். நாடாளுமன்றத்தை ஆக்கபூர்வமானதாகவும், துடிப்பு மிக்கதாகவும் மாற்றக்கூடிய வழிமுறைகள் மூன்றினை மாணவர்கள் குறிப்பிட வேண்டும். அதுவே கலாம் மாணவர்களுக்காக தயார் செய்து வைத்திருந்த அந்த கடைசி நேரக் கேள்வி.

சிறிது நேரம் கழித்து என்னிடம் அந்த கேள்வி பற்றி மீண்டும் பேசினார். என்னாலேயே இப்பிரச்சினைக்கு தீர்வு காண முடியவில்லை என்றால் மாணவர்களால் எப்படி முடியும் என்றார். அடுத்த ஒரு மணி நேரம் இதைப் பற்றியே எங்கள் பேச்சு இருந்தது. பல்வேறு யோசனைகளை நாங்கள் பகிர்ந்து கொண்டோம். எங்களது அடுத்த படைப்பான ‘அட்வான்டேஜ் இந்தியா’ என்ற புத்தகத்தில் இது குறித்து சேர்க்கலாம் என முடிவு செய்தோம்.

மூன்றாவது நிகழ்வு மிகவும் நெகிழ்ச்சிகரமானது. அவரது பண்பாட்டுக்கு ஒரு சிறந்த எடுத்துக்காட்டு என்றே சொல்லலாம். எங்கள் வாகனத்துக்குப் பாதுகாப்பாக 6 வாகனங்கள் வந்தன. நாங்கள் இரண்டாவது வாகனத்தில் இருந்தோம். எங்கள் காருக்கு முன்னதாகச் சென்ற ஒரு திறந்த ஜிப்ஸி வாகனத்தில் 3 வீரர்கள் இருந்தனர். இருவர் ஜிப்ஸிக்குள் அமர்ந்திருந்தனர். ஒருவர் வாகனத்தில் நின்றபடி பயணித்தார். ஒரு மணி நேர பயணம் ஆகியிருக்கும், “அந்த நபர் ஏன் நின்று கொண்டே வருகிறார்? அவர் சோர்ந்து விடுவார். இது அவருக்கு தண்டனை போல் அல்லவா இருக்கிறது? ஏதாவது செய்யுங்கள். ஒயர்லெஸ் கருவியில் தகவல் அனுப்பி அவரை அமரச் செய்யுங்கள் அல்லது கை அசைத்தாவது அவரை உட்கார சொல்லுங்கள்” எனக் கலாம் என்னிடம் கூறினார்.

அவரிடம் நான் எவ்வளவோ எடுத்துரைத்தேன். பாதுகாப்புக் காரணங்களுக்காக அவரை நிற்கும்படி மேலதிகாரி கூறியிருக்கலாம் என்றேன். ஆனால், கலாம் சமாதானம் அடையவில்லை. ரேடியோ கருவி மூலம் தகவல் அனுப்ப எவ்வளவோ முயன்றோம். ஆனால் அது சரிப்பட்டு வரவில்லை. அடுத்த 1.5 மணி நேரப் பயணத்தின் போது “ஷில்லாங் சென்றதும் அந்த நபருக்கு நான் நன்றி தெரிவிக்க வேண்டும்” என்பதை அவர் என்னிடம் மூன்று முறையாவது நினைவுபடுத்தியிருப்பார். அதேபோல் ஷில்லாங் சென்றதும், அந்த நபரை நான் ஒருவழியாக தேடிப்பிடித்தேன். அவரை கலாமிடம் அழைத்துச் சென்றேன்.

அந்த வீரரிடம் கைகுலுக்கிய கலாம், “சோர்வாக இருக்கிறாயா? ஏதாவது சாப்பிடுகிறாயா” எனக் கேட்டார். “எனக்காக நீ நீண்ட நேரம் நிற்க வேண்டியதாகிவிட்டது. அதற்காக நான் வருந்துகிறேன்” என்றார். கலாமின் பண்பைக் கண்டு வியந்துபோன அந்த வீரர், “சார், உங்களுக்காக நான் 6 மணி நேரம்கூட நிற்பேன்” என்றார்.

அதன்பிறகு நாங்கள் கருத்தரங்கம் நடைபெறவிருந்த இடத்துக்குச் சென்றோம். அவர் எப்போதுமே குறித்து நேரத்துக்குச் செல்ல வேண்டும் என்ற கொள்கையுடவர். மாணவர்களை காக்க வைக்கக் கூடாது என என்னிடம் அவர் அடிக்கடி கூறியிருக்கிறார்.

அங்கே, அவருக்காக ஒலிப்பெருக்கியைச் சரி செய்தேன். கருத்தரங்கு குறித்து சுருக்கமாக குறிப்பு வழங்கினேன். அப்போது அவர் என்னிடம், ‘ஃபன்னி கை’- விளையாட்டுப் பையன் நீ!” என்றார். அவருடனான 6 ஆண்டுகளில் குறிப்பிட்ட இந்த வார்த்தைக்குப் பல அர்த்தங்களை நான் புரிந்து கொண்டிருக்கிறேன். ஒழுங்காக வேலை செய்தால், சிறு தவறு செய்திருந்தால், அவர் சொல்வதற்கு செவி சாய்க்க வேண்டுமென நினைத்தால், எனப் பல்வேறு தருணங்களில் கலாம் இந்த வார்த்தையை என்னிடம் பயன்படுத்தியிருக்கிறார். ஆனால், இந்த முறை அவர் கூறியதே கடைசியானது, இறுதியானது.

மேடையில் ஏறி இரண்டு நிமிடங்கள் பேசியிருப்பார். நான் அவருக்குப் பின் அமர்ந்திருந்தேன். 2 நிமிட பேச்சுக்குப் பின்னர் நீண்ட இடைவெளி. நான் அவரைப் பார்த்தேன். அவர் கீழே சரிந்தார். அவரை நாங்கள் தூக்கினோம். மருத்துவர்கள் விரைந்து வந்தனர். என்ன முதலுதவியெல்லாம் செய்ய முடியுமோ அத்தனையையும் செய்தனர். என் ஒரு கரத்தில் கலாமின் தலையைத் தாங்கிக் கொண்டிருந்தேன். பாதி மூடிய கண்களில் அவர் என்னைப் பார்த்த அந்த கடைசிப் பார்வையை என்றென்றைக்கும் மறக்க முடியாது.

அவரது கை எனது கையை இறுகப்பற்றியது; அவரது விரல்களை என் விரல்களோடு கோர்த்துக்கொண்டார். அவரது முகத்தில் அமைதி தவழ்ந்தது. அவர் எதுவும் பேசவில்லை. வலியை சிறிதும் காட்டவில்லை. அவரது கண்களில் ஞான ஒளி வீசியது. அடுத்து 5 நிமிடங்களில் நாங்கள் மருத்துவமனையை அடைந்திருந்தோம். ஆனால், அப்போதே ஏவுகணை நாயகன் நம்மைவிட்டு பறந்திருந்தார். அவரது பாதம் தொட்டு வணங்கினேன். எனது மூத்த நண்பருக்கு, எனது குருவுக்கு பிரியாவிடை செலுத்தினேன். உங்கள் நினைவுகள் என்னைவிட்டு நீங்காது. அடுத்த பிறப்பில் சந்திப்போம்.

நினைவலைகளில் இருந்து இன்னும் கொஞ்சம்…

“நீ ஒரு இளைஞன். நீ எதற்காக அடுத்தவர்களால் நினைவுகூரப்பட வேண்டும் என நினைக்கிறாய்?” இக்கேள்வியை கலாம் என்னிடம் அடிக்கடி கேட்டிருக்கிறார். அவரது கவனத்தை ஈர்க்கும் பதிலைத் தேடியலைந்திருக்கிறேன். ஒரு நாள், அவரிடம் இதே கேள்வியை நான் திருப்பிக் கேட்டேன். “நீங்கள் முதலில் சொல்லுங்கள். நீங்கள் எதற்காக நினைவுகூரப்பட விரும்புகிறீர்கள்? குடியரசுத் தலைவர், விஞ்ஞானி, எழுத்தாளர், ஏவுகணை நாயகர், இந்தியா 2020 புத்தகம் அல்லது டார்கெட் 3 பில்லியன்…. இவற்றில் எதற்காக நீங்கள் நினைவுகூரப்பட விரும்புகிறீர்கள்?” என்றேன்.

பல்வேறு பதில்களை நானே அளித்திருந்ததால் அவர் எளிதில் சொல்லிவிடுவார் என எதிர்பார்த்தேன். ஆனால் என்னை ஆச்சரியத்தில் மூழ்கடிக்கும் விதமாக, “ஆசிரியராக இருந்ததற்காகவே நினைவுகூரப்பட விரும்புவேன்!” என்றார்.

நோவற்ற மரணம் வரம்!

சில வாரங்களுக்கு முன்னதாக நானும் கலாமும் அவரது பழைய நண்பர்கள் பற்றி பேசிக்கொண்டிருந்தோம். அப்போது எங்கள் பேச்சு, பிள்ளைகள் தங்கள் பெற்றோரைப் பேணுவது தொடர்பாக விரிந்தது. அப்போது கலாம், “பிள்ளைகள் தங்கள் பெற்றோரின் வயோதிக காலத்தில் அவர்களைப் பாதுகாக்க வேண்டும். ஆனால் பல நேரங்களில் அது நடைபெறாதது வருத்தமளிக்கிறது. அதேபோல் பெரியவர்கள் தங்கள் சொத்துகளை வாரிசுகளுக்குப் பிரித்தளிக்க மரணப்படுகையில் விழும் வரை காத்திருக்கக் கூடாது. அது குடும்பத் தகராறு ஏற்பட வழி செய்யும். அதேபோல் நோவற்ற மரணம் பெரிய வரம். ஒருவர் தன் பணியின்போதே மரித்துப்போவார் எனில் அது வரமே. இறுதி மூச்சு, இழுபறியின்றி பிரிய வேண்டும்” என்றார்.

அவரது வார்த்தைகளை இன்று நான் அசைபோடுகிறேன். அவரது இறுதிப்பயணம் அவர் விருப்பத்துக்கேற்ப கற்பிக்கும்போதே நிகழ்ந்திருக்கிறது. கடைசி நேரத்தில் அவர் படுக்கையில் துவண்டு கிடக்கவில்லை. கம்பீரமாக நின்றுகொண்டு, பணி செய்துகொண்டு, உரையாற்றிக் கொண்டிருந்தார். ஒரு பெருந்தலைவர் நம்மை விட்டு மறைந்துவிட்டார். அவர் சேர்த்து வைத்தது எல்லாம் மக்களின் அன்பு மட்டுமே. இறுதிப் பயணத்திலும் அவர் ஒரு வெற்றியாளரே.

அவருடனான காலை சிற்றுண்டி, இரவு உணவு வேளைப் பொழுதுகள் எல்லாவற்றையும் இழந்துவிட்டேன். அவருடைய எளிமை, ஆர்வம் போன்ற குணங்கள் என்னில் எப்போதும் நினைவலைகளாக வியாபித்திருக்கும். அவர் விட்டுச்சென்ற பாடங்கள் எத்தனையோ. ஆனால், இனி அவரிடம் கற்க முடியாது என்ற வேதனை என்னை அமிழ்த்துக்கொண்டே இருக்கிறது. நீங்கள் எனக்கு கனவுகளைத் தந்தீர்கள். அந்தக் கனவுகள் சாதிக்க முடிந்த சாத்தியமாக இருக்க வேண்டும் என்று கற்றுக் கொடுத்தீர்கள். உங்களை என்றும் மறவேன்.

கலாம் சென்றுவிட்டார் ஆனால் அவரது பணிகள் காலம் கடந்து வாழும்.

உங்களுக்கு நன்றிக் கடன்பட்ட மாணவன்,

ஸ்ரீஜன் பால் சிங் – அப்துல் கலாமின் ஆலோசகர்

*

அப்துல் கலாமுடன் ஸ்ரீஜன் பால்சிங்| ஃபேஸ்புக் பக்கத்திலிருந்து

http://www.msn.com/en-in/news/national/leaders-public-mourn-death-of-people%E2%80%99s-president-funeral-on-july-30/ar-AAdzqKm?ocid=UP97DHP

thanks to msn,NDTV

Srijan Pal Singh.

கலாம் போல் யாமறிந்த மனிதரிலே இனிதாவது ஒருவர் எங்கும் காணோம்: கவிஞர் தணிகை


கலாம் போல் யாமறிந்த மனிதரிலே இனிதாவது ஒருவர் எங்கும் காணோம்: கவிஞர் தணிகை

 

விரும்பியவாறே நீ இறந்தாய் தலைவா!

யமனையும் உன் செயல் அழகால்

மயங்கச் செய்தாய்!

1931 அக்.15 முதல் 2015 ஜூலை 27 வரை

ஏகப்பட்ட சம்பவங்கள்

உன் வாழ்வில் விதம் விதமாய்

விதை விதையாய்…

வகைப்படுத்த…

என்றாலும் ஒன்று சொல்லலாம்…

நீ மறுபடியும்

நிற்க மாட்டேன்

என தமிழ்க் கலைஞரால்,

இந்தியக் கட்சிகளால்

இடறி விழுந்ததை சொல்லலாம்.

 

மேடையிலேயே கைத்தடி

தடுக்கி கீழே விழுந்தாற்போல…

 

உழைப்பில் அந்த உடல்

ஓய்ந்தது அய்யா!

பிற பிரபலங்கள் போல

நீ பிழைக்க அது ஓயவில்லை

 

நீ மண்ணில் நிலைக்க

அது உனை ஊன்றி சாய்த்து

என்றும் நீ இருக்க உதவியது…

நீ பள்ளி கல்லூரிகளை நேசித்தாய்.

நீ செய்ததை

சட்டத்துக்கு மீறிய புரட்சி அல்ல

என்பார் எல்லாம்

உனை புரிந்து கொள்ளாமல்…

 

எங்கிருந்து அது ஆரம்பிக்க வேண்டும்

தெள்ளத் தெளிவாக தெரிந்ததால்;-அது

அங்கிருந்து ஆரம்பிக்க வேண்டும் -என

புதிய விதைகளை  அங்கே விதைத்தாய்

எண்ணத்தை அள்ளி அங்கே தெளித்தாய்,

புரட்சிக்காரர் பற்றி கவலைப்படாமல்..

நீ வாசித்த வீணை

படித்த நூல்கள்

பிடித்த குறள்கள்

பேசிய சொற்கள்

எழுதிய எழுத்துகள்

எல்லாம் ஒளி பெற…

அட இந்த வாரம்கூட

தமிழ் விரும்பி நீ
உன் ஆசிரியரை வந்து பார்த்து
கடைசியாக குருபக்தியை
காட்டி விட்டு கண் காணாது சென்றாய்

மேகாலாயா மாணவர் வாழ்வில்
நீங்கா ஒளியாய் என்றும் நிறைந்தாய்.

கலாம் என்ற மூன்று எழுத்தில்
காலம் கிடக்குது நிறைய அய்யா…

உன் காலணியை
இரு முறை கழட்டிப் பார்த்தது
அமெரிக்கா
ஆனால் ஒரு முறை கூட
நாங்கள் சூட்டிய உன் மகுடத்தின் மேல்
எவராலுமே கை வைக்க முடியவில்லை.

முக்கடல் கரையோரத்தில் விளைந்த
நல் முத்தே!
உனது பேரை உலகின் அதிகம் உதடுகளில்
உணர்வோடு கலந்து உச்சரிக்க வைத்து
தவழ வைத்தாய்…

உனது மூளையை உயிர்ப்பிக்க வேண்டும்
உனது டி.என்.ஏ மூலம்
இன்னொரு கலாமை உருவாக்க வேண்டும்
முடியுமா உலகே உன்னால் ?

முடிந்தால் அதே கலாமை அப்படியே
உயிர்ப்பியுங்கள்.

அந்த மனிதரின் தேவை
இந்தியாவுக்கு இன்னும் தேவை
2020 என்றே
கனவு தகர்ந்தது.

இன்னும் ஒரு 5 ஆண்டுகள்
இயற்கை உனை அதே மனிதப் பதவியில்
அமர்த்தி இருந்து
அகற்றாமல் இருந்திருக்கக் கூடாதா?

இந்தியாவின் இளைஞர்களே:
நாம் அவர்க்கு செய்யும் கைம்மாறு
T20 கிரிக்கெட் வெற்றி அல்ல
2020 கனவு இந்தியாவே!

ஹேர் ஸ்டைலை
மாற்றிக் கொள்ளாது
அடம் பிடித்து அழும் குழந்தை

எனக்கு(ம்) கடிதம் எழுதிய
ஞானி
அணு விஞ்ஞானி
ஏவு கணை மனிதர்

84 வயதுக்கு இன்னும் இரண்டரை மாதம்
குறையாக
இந்தியாவில்,இந்த உலகில்
இந்தப் புவியில் வாழ்ந்த இந்த
மனித அதிசயம்
இந்த மாமனிதரை
இது வரை
இருக்க வைத்ததற்கு
நன்றி என்றுமெ இறையே!

யாருக்கெல்லாமோ
கோயில் கட்டிய
இத் திருநாட்டில்
உனக்கும் கோயில் கட்டப்படும்
இது உறுதி…

 

உன் சிறு பாதம் நடந்த
இராமேஸ்வரம் உண்மையில் புனித பூமி
அது இரமனுக்காக ஈஸ்வரனுக்காக அல்ல
கலாமுக்காக… கலாம் வாழ்ந்த புண்ணிய பூமி…

யாமறிந்த மனிதரிலே
கலாம் போல் இன்னொருவர்
யாங்கணுமே கண்டதில்லை

இது வெறும் புகழ்ச்சியில்லை
இரங்கற்பாவும் இல்லை
இலட்சிய மனிதர் பற்றிய
சத்திய உரைகோவை.
தத்துவ விதிப் பாதை.
அத்தனையும் சத்தான நெறிப் பார்வையில்.

மறுபடியும் பூக்கும் வரை:
கவிஞர் தணிகை.

ஞானிகளுக்கும் மாமனிதர்களும் கூட மனிதப் பொறிகளுள் சிக்கிக் கொள்வது ஏன்? கவிஞர் தணிகை\\\


\20131208-133821

 

ஞானிகளுக்கும் மாமனிதர்களும் கூட மனிதப் பொறிகளுள் சிக்கிக் கொள்வது ஏன்? கவிஞர் தணிகை
விவேகானந்தர் புகை பிடிக்கும், ஹூக்கா பிடிக்கும் பழக்கம் உள்ளவர், சுப்ரமணிய பாரதி கஞ்சா,போன்ற பழக்கத்திற்கு அடிமையானவர் என குறிக்கப்படுகிறார்,கண்ணதாசன் பற்றி உலகே அறியும், நாஞ்சில் நாடன் நல்ல இலக்கியவாதி ஆனால் அவரிடமும் அவ்வப்போது மதுப் பருகும் பழக்கம் இருப்பதாக அவரே எழுதியிருப்பதன் மூலம் அறிந்தேன். நெருடலாயிருக்கிறது.

பொதுவாகவே கலைஞர்கள் யாவருமே பெரும்பாலும் ஏதாவது ஒரு மனிதப் பொறிகளுக்குள் சிக்கிக் கிடக்கிறார்கள். அது மது, மாது, புகை, போதை ,புகழ் போதை என ஏதாவது ஒரு குறைபாட்டுடன் இருக்கிறார்கள். ஓவியம் வரை கலைஞர்கள், ஒப்பனை பூசும் கலைஞர்கள், சிற்பிகள், இப்படி கலைகளில் ஈடுபடும் யாவரிடமூமே படைப்பாளிகள் யாவரிடமுமே உலகை மாற்றி அமைக்கும் கருத்துகள் நிலவுகிறதே ஒழிய அதற்கான பணியை எடுத்து வரும் பொருட்டு நல்ல ஒழுக்க வழக்கங்கள் நிலவ வில்லை என்பதை ஒரு குறைபாடாகவே யாம் கருதுகிறோம்.

இதை ஒரு வடிகால் என்பதா? எல்லா மனிதர்களிடமுமே இருக்கும் கழுவக்கூடிய எச்சம் என்பதா ?இதைப் பற்றிய ஒரு தேடல் செய்வார்க்கு எல்லா பிரபல மனிதரிடமுமே இது போன்ற ஒரு சிறு குறைவுபடுத்தும் வழக்கம் அல்லது கெட்ட வழக்கம் இருப்பதை அறியமுடியலாம்.

அப்பேர்பட்ட அறிஞர் அண்ணாவிடம்,கோழிக்கறி அதிகம் உண்பாரகாவும், புகைப்பழக்கம் உள்ளவராகவும், பொடி போடும் பழக்கம் உள்ளவராகவும் உலகறிந்துள்ளது.
இது போன்ற பழக்கம் அவர்களை இந்த உலகிலிருந்து அவர்களை பிரிக்க நல்ல காரணியாக அல்லது ஒரு காரணியாக விளங்கிற்று என்று கூறலாம்.

வெளியே வெயிலில் அலைந்து திரிந்து வந்தாலும் எமக்கு எல்லாம் ஒரு முறை மறு குளியல் போட்டால் போதுமாயிருக்கிறது. காற்றாட நடைப்பயிற்சியில் ஈடுபட்டு பயிர்பச்சைகளை பார்வையால் பருகி வந்தால் , தேவைப்படும்போது தியானம் அமர்ந்தால் போதுமாயிருக்கிறது. மறுபடியும் ஒரு புத்துணர்வை அடைந்து விடுகிறோம்.

எல்லாம் ஒரு பழக்கம் தான். பழக்கம் எது வாயிருந்தாலும் நல்லதாயிருந்தாலும், கெட்டதாயிருந்தாலும்,ஆரம்பத்தில் அது ஒரு ஒட்டடை மாதிரி மென்மையாயும் பின் அதுவே ஒரு இரும்புச் சங்கிலியால் கட்டப்பட்டு விடுவதாகவும் மனோவியல் சொல்கிறது.அதிலிருந்து மீள்வதும் முடியாது போய்விடுகிறது காலத்தால் கரைக்கப்பட்டு.

இப்போது தமிழக முதல்வரின் உடல் முடியாமை பற்றி பலவேறு கருத்துகள் உலவி வருகின்றன. அது எவ்வளவு உண்மை என காலம் காட்டிக் கொடுத்து விடும். என்னதான் மூடி மறைத்தாலும் உண்மை ஒரு நாள் வெளிப்பட்டே விடும். அதே போல இல்லாத எதையும் அது கொண்டு வந்து காட்டாது.

எல்லா மனிதர்களுக்குமே உடலை, தமது கட்டுப்பாட்டுக்குள் கொள்ள, பழக்க வழக்கங்களை வடிவமைத்துக்கொள்ள, நேரத்தை தகவமைத்துக் கொள்ள மிகுந்த கவனம் தேவைப்படுகிறது. அதில் முரண்பாடு ஏற்படும்போது இது போன்ற பழக்கம் ஒட்டிக் கொள்கிறது

இதற்காகத்தான் டாக்டர் இராதாகிருஷ்ணன் போன்ற அறிஞர் பெருமக்கள் உலகில் எந்த மூலையில் இருந்தபோதும் தமது அன்றாட பழக்க வழக்கங்களை மாற்றிக் கொள்ளாமல் இருந்திருக்கின்றனர். அதாவது உண்பது, உறங்கும் நேரம், படிக்கும் நேரம், தொழுகை, போன்ற எல்லாமே சீராக…

இதனால் தான் எமக்கு காந்தி, அன்னை தெரஸா, அப்துல் கலாம் போன்றோரை முன் மாதிரிகளாக எடுத்துக் கொள்ளவே காரணம். ஏன் எனில் அவர்கள் தமது வாழ்க்கையில் தமது உடலை, நேரத்தை மிகச் சரியாக பயன்படுத்தி உள்ளனர்.

500க்கும் மேற்பட்ட அறைகள் உள்ள இராஸ்ட்ரபதி பவனமே கூட 5 ஆண்டுகள் தமக்கு என இருந்தபோதும் அதில் சில அறைகள் மட்டும் தமது பயன்பாட்டுக்கு போதுமானது ஏன் எல்லா அறைகளையும் பயன்படுத்தி அரசுக்கும் நாட்டுக்கும் வீணாக பராமரிப்பு செலவை ஏன் மக்கள் தலையில் சுமத்த வேண்டும் என காமராசர் போல எளிமையாக எளிமையை பயன்படுத்திய மாமனிதர்…அப்துல் கலாம்,

அன்னை தெரஸா தம்மை பரிசளிக்க விமானத்தில் வரும்படியாக செலவை ஏற்றுக் கொள்ளும்படியாக சொன்னதையும் ரயிலில் பயணம் செய்து மீதமான அந்த பணத்தையும் எளியோரின் மேம்பாட்டுக்கு பயன்படுத்திய உண்மையான அன்னை,

காந்தியைப் பற்றி சொல்லவே வேண்டாம், விமானம் ஏறாத தலைவர், வின்ஸ்டன் சர்ச்சில் இவர் சாகவில்லையே என வெளிப்படையாகவே கூறி இவரை வெல்ல முடியவில்லையே என வாழ்ந்த அரிய மனிதர்…

முன்னோர்கள் சொல்லிச் சென்ற காட்டிச் சென்ற பாதை நமது எதிர்கால இளையோரை பக்குவப்படுத்தும் வழிகளை நாமும் முற்கொள்ள வேண்டும். உலகையே திருத்துகிறோம் என்பது போல எழுதிக் கொண்டு இவர்கள் தனிவாழ்வில் போதைக்கு உடலை ஆழ்த்தி வரும் இந்த மனிதர்களை யாம் படைப்பாளிகளாகவோ படிப்பாளிகளாகவோ ஏற்க முடிவதில்லை.

உலகிற்கு ஏதாவது செய்ய வேண்டும் என நினைப்பார் முதலில் தமது தனிப்பட்ட வாழ்விலும் இது போன்ற தீய பழக்கத்திற்கு கை கொடுக்கக் கூடாது என்பது இந்த அடியேனின் தாழ்மையான எண்ணம்.

மேலும் இந்த எழுத்தாளர்களில் பெரும்பாலானர்கள் சோம பானம், சுரா பானத்தை சுவப்பாராக இருப்பது பற்றியும் சில எழுத்துப் பட்டறை நிகழ்வுகளில் இது எப்படி இருந்தது என ஏற்கெனவே சொல்லி இருக்கிறேன். எமது பதிவுகளை தொடர்ந்து படிப்பார்க்கு அது நினைவிருக்கும் என எண்ணுகிறேன்.

முன் மாதிரியாய் இருப்பார் முதலில் தனது சுய வாழ்வை வாழ்ந்து காண்பியுங்கள். மதிப்பும், மரியாதையும் தாமகவே தேடிவரும்.

மறுபடியும் பூக்கும் வரை
கவிஞர் தணிகை.

இந்தியா விவசாய நாடு இல்லை,இந்தியாவின் இதயம் கிராமங்களிலும் இல்லை:கவிஞர் தணிகை.


 

இந்தியா விவசாய நாடு இல்லை,இந்தியாவின் இதயம் கிராமங்களிலும் இல்லை:கவிஞர் தணிகை.
இந்தியா விவசாய நாடாக இருந்திருந்தால், இந்தியாவின் இதயம் கிராமங்களில் இருந்திருந்தால் விவசாயிகளின் இறப்பு காதல் தோல்வியால், ஆண்மைக் குறைபாட்டால்.குடும்பப் பிரச்சனையால் என்று அறிக்கை அளித்த மத்திய விவசாய மந்திரியாம் யாரோ ராதாமோகனாமே அந்த மந்திரியை எந்திரி என அந்த மந்திரி பதவி காலி ஆகியிருக்கும்..ஆகியிருக்க வேண்டும்…காலி ஆக்கப்பட்டிருக்கும் வேறொருவருக்கு.

பி.ஜே.பி மட்டுமல்ல எந்த கட்சிக்குமே ஆளும் கட்சியாகி விட்டாலே கொழுப்பு அதிகம் சேர்ந்து விடுகிறது. கொழுப்பில் கூட HDஎல், நல்ல கொழுப்பு என்றும் எல்Dஎல்:கெட்ட கொழுப்பு என்றும் இருக்கிறது. இது போல நல்ல அரசியல்வாதி என்றும் கெட்ட அரசியல்வாதி என்றும் இரண்டாகப் பிரித்தால் இந்த கெட்ட கொலாஸ்டரல் உடலில் இருந்து நீக்கப்பட வேண்டும் என்பது போல இந்த இராதாமோகன் என்ற மந்திரியும் நீக்கப்படவேண்டும் அது நாட்டுக்கும் நாட்டு மக்களுக்கும், அரசியலுக்கும் பொது வாழ்க்கைக்கும் நல்லது

ஏற்கெனவே, விவசாயிகள் நீர்வளமுள்ள கர்நாடகத்திலும், ஆந்திராவிலும் அதிகம் இறந்து கொண்டிருப்பதாக நாள் தோறும் செய்திகள் வந்து கொண்டிருக்க, தமிழகத்தில் பாசனத்துக்கே நீர் இல்லாத சூழல் நீடித்திருக்க, இன்று முதல் அம்மா, நான் ஆணையிட்டிருக்கிறேன் என இவர்தான் நீரையே தயாரித்து அளிப்பவர் போல, குடிநீருக்கு வழக்கமாக திறக்கப்பட்டு வரும் 2000 கன அடி மேட்டூர் அணை நீரை 9 நாட்களுக்கு அதாவது ஆடி 18 வரை 6 ஆயிரம் கன அடி நீர் திறக்க ஆணையிட்டு திறக்கப்பட்டுள்ளது.மேட்டூர் அணை.

இந்த நாட்டில் நீர் மேலாண்மை இல்லவே இல்லை. எனவே கடைக்கோடி மாநிலமான தமிழகம் தவித்து வருகையில் இந்த மந்திரியின் அறிக்கை எமை எல்லாம் அதிர்ச்சி அடைய வைத்துள்ளது.

இந்த நாட்டில் தேவையான கல்விக்கு, மருத்துவத்துக்கு, சுகாதாரத்துக்கு, விவசாயத்துக்கு என எது எல்லாம் அடிப்படித் தேவையோ, மக்களுக்கு நல்வாழ்வைத் தருமோ அதற்கு நிதி வரவு செலவுத் திட்டத்தில் போதுமான அளவு ஒதுக்கப்படவில்லை, ஒதுக்கப்படுவதேயில்லை என்பது அனைவரும் அறிவார்.

ஒன்றுமில்லைங்க..எமது இணைய கட்டணத்துடன் 14 % வரியை வசூலிக்கும் இந்த அரசு எங்களுக்கு அவை எப்படி எல்லாம் செலவளிக்கிறது எனச் சொல்லுமா? ஏழை பாளைகளிடம் வங்கியில் அதிகமாக கடனுக்கு வட்டி வாங்கிக் கொண்டிருக்கும் தேசிய வங்கிகள் அந்த கடனை ஏன் அத்ந வட்டியையாவது தள்ளுபடி செய்யுமா? எரிவாயுவுக்கு மானியம் என நாடகமாடி விட்டு ஒரு மாதம் குறுஞ் செய்தி வருகிறது வங்கியில் உங்கள் மானியம் சேர்ப்பிக்கப்பட்டது என, இந்த மாதம் இன்னும் வரவேயில்லை…மேலும் இதற்கு காப்பிட்டுத்ட் திட்டம் உண்டு விபத்துக்கு 40இலட்சம் முதல் 50இலட்சம் வரை உயிருக்கு இழப்பாக தரவேண்டும் என்றெல்லாம் இருக்கிறது..ஆனால் இதை எல்லாம் யாவருக்கும் தெரியாமலே திட்டங்கள் இருக்க் இருக்கின்றன.

இதற்குத்தான் அரசுத் திட்டம் என்றால் இந்தியாவில் ஏதுமே உருப்படியாக இருக்காது என எந்த மக்களும் நம்புவதே இல்லை…நிலை எல்லாம் அப்படி இருக்க விவசாயி அத்தனை பேரும் தொழிலை விட்டு வேறு தொழிலுக்கு வேறு ஊருக்கு நகர் புறம் சார்ந்து சென்று கூலி வேலை செய்து சாலையோரங்களில் படுத்துறங்கி வாழ்வை கழித்து விடலாம் என ஏங்கிக் கொண்டிருக்கும் நகர்புறம் சார்ந்த கலாச்சாரம் நோக்கி இந்தியா சாய ஆரம்பித்து சுமார்30 ஆண்டுக்கும் மேல் ஆகிவிட்டது.

விவசாயி ஒவ்வொருவரும் ஒப்பாரி வைத்துக் கொண்டு இருக்கிறார். தொழில் செய்ய முடியாமல். மேலும் நிலத்தை எல்லாம் அரசியல் சூது வாது தெரிந்த பணமுதலைகள் குறைவான விலைக்கு வாங்கி பிளாட் போட்டு கட்டம்கட்டி, சாலை, குடிநீர், அது சுலபம் இது அருகே என மனை நிலங்களாக பிரித்து விற்க ஆரம்பித்து விட்டன வெகுகாலமாக.

நானறிந்த ஒரு நபர் கூட இதுவரை 4 இடங்கள் இது போல் செய்து வருகிறார். அவ்வப்போது விளைநிலங்களை வீட்டு மனைகளாக மாற்றினால் வரி கட்ட முடியாது, குடிநீர் , மின் இணைப்பு எல்லாம் பெறமுடியாது என அவர்களை அதாவது அந்த முதலாளிகளை மிரட்டிடும் ஊராட்சிகளும், நகராட்சிகளும் அவர்கள் மூலம் பெரும்பயன் அடைய வழி வகுத்துக் கொள்கின்றன…அலுவலகம் அல்லாத முறைகேடான வழிகளில் தனிமனித இலாபம் ஈட்டி, அரசு வருவாயை, அல்லது அரசு விதிகளை மயிரிழை கூட மதிக்காமல் அனுசரிக்காமல்

இந்த காரணம் காட்டி நிலம் தப்பிப் தவறி வாங்குவோரிடமும், நாங்கள் ஏற்கெனவே அறிவித்திருந்த போதிலும் எதற்கு வாங்கினீர், அதெல்லாம் முடியாது வரி விதிக்க முடியாது, குடிநீர் இணைப்பு கிடைக்காது என்று பம்மாத்து செய்து விட்டு பெரும்பணம் கறந்த பிறகு அதற்கெல்லாம் வேறு வழி இருக்கிறது என வேறு வழிகாட்டி..தண்ணி காட்டி பணப்பாலை கறந்து கொள்கின்றன…

 

பணப்புழக்கமே இல்லை. வாங்கிய கடனை கட்ட வழியில்லை. விஜய் மல்லையா போன்ற சாராய பெருமுதலைகளே தமது தனி விமானத்தை இரும்புக்கு எடைக்கு போட்டு தமது விமானக் கம்பெனிக்கு கடன் தவணை செலுத்தும்போது ஏழை விவசாயி என்ன செய்ய முடியும்? அதில் வேறு இந்த வங்கிகள் நாசூக்காக இவர்கள் மேல் திணித்திடும் சுரண்டல்கள் சொல்லி(ல்) மாளாது.

உழவர் சந்தை என நேராக தமது விளை பொருட்களை மக்களுக்கு விநியோகம் செய்யும் கலைஞர் போன்றோர் கொடுத்த திட்டங்களை அம்மா போன்றோர் எடுத்து விட்டது, மழை இல்லாதது, இடைத்தரகர் ஆட்சி,போக்குவரத்து விவகாரங்கள், செயற்கை உரம், யூரியா, நல்விதைகள், யாவுமே இப்போது பெரும் பிரச்சனைகள்.

கிராமங்களில் இருந்து தப்பி எல்லா படித்த பிள்ளைகளுமே கைகளில் மண் படியாமல் , துணியில் அழுக்கு படியாமல் ஓடி, வெளி நாட்டுக்காவது ஓடி பிழைத்து செத்து தொலையலாம் என நினைக்கும் காலத்தில் இந்த மட்டி மந்திரி இந்த விவசாயிகள், காதல் தோல்வி, நோய்வாய்ப்பட்டு, குடும்ப விவகாரத்தில் தான் தற்கொலை செய்து கொள்கின்றனர் என திரு வாய் மலர்ந்தருளியது ஒரு அரிய கண்டு பிடிப்பு.

ஒரு சாதாரண கூலித்தொழிலாளிக்கு ஒரு நாளைக்கு சராசரி 500 ரூபாய் வருவாய் வருகிற நிலையில் எந்த விவசாயிக்கு அப்படி வருகிறது என்று எவருமே சொல்ல முடியாது. நிலம் என்னும் நல்லாள் ஊடி இருக்கிறாள் . திருக்குறள் சொல்வது போல
அது மட்டுமல்ல…இயற்கை விவசாயம், செயற்கை கெடுதல் உரங்கள் என இதில் வேறு ஏகப்பட்ட பிரச்சனைககள்.

வரும் 3ஆம் தேதி ஆகஸ்ட் வரைதான் கேரளா தமிழகத்து காய்கறிகளை அனுமதிக்கவே போவதாக செய்திகள். வெங்காயம் 33 ரூபாய்க்கு வாங்கி ராகுல் வெங்காயம் என ரூபாய் 5க்கு 500 கிலோ ஒரு நாளைக்கு 100 பேருக்கு விற்பனை செய்ததாக காங்கிரஸ் சொல்கிறது. இது போல 1500 கிலோ இது போல விற்றிருக்கிறதாம். வெங்காயத்தில் மோடி வெங்காயத்தின் விலை ரூபாய். 35 என்றும் ராகுல் வெங்காயம் கிலோ 5 என்றும் விற்பனை செய்தார்களாம்.

இதே காங்கிரஸ் ஒராண்டுக்கு முன் 10 ஆண்டுகள் ஆண்டபோது என்ன செய்தார்கள் என்பதுதான் தெரியவில்லை. அதை மாற்ற போவதாக சொன்ன, இந்த மோடிமஸ்தான்கள் என்ன செய்யப் போவதாக உள்ளார்கள் என்றும் தெரியவில்லை.

இதே போல இந்த ராகுல் வெங்காயம் அன்றாடத் தேவைக்காக ஆண்டு முழுதும் இதே 5 ரூபாய் விற்பனைக்கு இந்தியாவின் 130 கோடி மக்களுக்கும் காங்கிரஸ் வாங்கி 28 ரூபாய் நஷ்டப்பட்டு வழங்க முடியுமா? எல்லாம் காட்சி அரசியல் இந்த கட்சி அரசியல்

மக்கள் என்று திருந்தப் போகிறார்களோ? கையில் என்று வெளக்கமாறும், செருப்பும் ஏந்தப்போகிறார்களோ?

அரசு எவ்வழி, மக்கள் அவ்வழி, மக்கள் எவ்வழி, அரசு அவ்வழி…
இந்த நாட்டுக்கு எம்மால் ஆனதை எல்லாம் செய்வோம் என்று உண்மையகவே பாடுபட்ட ஒரு சில உள்ளங்களோடு அவ்வப்போது தொடர்பில் இருந்து பேசி வருகிறேன். அதில் ஒருவர் சிற்பி. இளைஞர் ஒருங்கிணைப்பாளர் கொ.வேலாயுதம் என்பார். காலையில் கூட சசிபெருமாள், கலைஞர் சந்திப்பு பற்றி, நாடு போகும் பாதை பற்றி அளவளாவினோம்…இந்த சசி பெருமாள் எமது பாசறையில் எங்களால் வளர்க்கப்பட்ட ஒரு பயிர். ஆனால் இதன் பின் அணியில் இந்த் வேலாயுதம் போன்றோர் எல்லாம் இருக்கிறோம்

எங்கள் போன்றோர் கரங்களில் நாடு இருந்திருப்பின், இருந்தால் நல்லது விளைந்து இருக்கும் இந்த அளவு அல்லலில் இருந்திருக்காது, இருக்காது என்ற நல் வார்த்தைகளுடன். பசியுடன்..

மறுபடியும் பூக்கும் வரை
கவிஞர் தணிகை.

பிரேசில் அதிசயம்:ரிக்கார்டோ ஆஸேவெடோ பெட்ரோலுக்கு பதில் நீர் எரிபொருள்,1 லி நீரில் 500கி.மீ …கவிஞர் தணிகை.


பிரேசில் நாட்டின் பாலோ நகரில் வசிப்பவர், ரிக்கார்டோ ஆஸேவெடோ. நிறைய ஆராய்ச்சிகள் செய்பவர். ‘பெட்ரோலுக்காக, மக்கள் போராடுகின்றனர். ஒவ்வொரு நாடும், அடுத்த நாடு மீது போர் தொடுக்கும் அளவுக்குச் செல்கிறது’ என்று கவலைப்பட்டிருக்கிறார். உடனே, இதற்காக ஒரு ஆராய்ச்சியைத் துவங்கி இருக்கிறார்.எத்தனை ஆண்டுகள் ஆராய்ச்சி செய்தாரோ தெரியவில்லை. கடந்த வாரம், ஒரு ‘பைக்’ மற்றும் ஒரு லிட்டர்தண்ணீர் பாட்டிலுடன், நகரின் பிரதான சாலைக்கு வந்தார், ரிக்கார்டோ ஆஸேவெடோ.

‘எல்லாரும் இங்கே வாருங்கள்; என் வண்டியை சோதனை செய்து கொள்ளுங்கள். இந்த வண்டியில் பெட்ரோலுக்குப் பதிலாக, தண்ணீர் ஊற்றி ஓட்டப் போகிறேன்’ என்று அறிவித்தார். மக்கள் திரண்டனர். பெட்ரோல் டேங்க், வண்டி இன்ஜின் மற்றும் சில பாகங்களில் சோதனை செய்தனர்.பெட்ரோல் டேங்க் காலியாகத்தான் இருந்தது. மக்கள் முன்னிலையிலேயே, ஒரு லிட்டர் தண்ணீரை, டேங்கில் ஊற்றினார். அடுத்த நிமிடம், பைக்கை ஸ்டார்ட் செய்தார்; பைக் இயங்கத் துவங்கியது. கூடியிருந்த மக்கள், கைதட்டி ஆரவாரம் செய்தனர். பின்னால் ஒருவரை ஏற்றி, வண்டியை ஓட்ட ஆரம்பித்தார்.

ஒரு லிட்டர் தண்ணீருக்கு 500 கிலோ மீட்டர் ஓடும் என்று, ரிக்கார்டோ கூறியிருக்கிறார். ஆனால், தண்ணீரில் வண்டி ஓடுவதை நம்பினாலும், ஒரு லிட்டருக்கு, 500 கி.மீ., என்பதை யாரும் நம்பவில்லை. 490 கி.மீ., ஓட்டிக் காட்டி, அசத்தினார் ரிக்கார்டோ.

தண்ணீரில் எப்படி பைக் ஓடுகிறது? இதோ, ரிக்கார்டோ ஆஸேவெடோ சொல்கிறார்: பெட்ரோலில் ஓடும் பைக்கில் இருந்து வெளியேறுவது போல, இதில் இருந்து, கார்பன் மோனாக்சைடு வெளியேறாது.இந்த இன்ஜினில் இருந்து, நீராவி மட்டும் தான் வரும். இந்த இன்ஜினுக்கு, ‘டி பவர் ஹெச்20’ என்று பெயர் வைத்திருக்கிறேன்.இந்த பைக்கில், காருக்கான ஒரு பேட்டரி பொருத்தியிருக்கிறேன். அந்த பேட்டரியில் இருந்து மின்சாரம், டேங்கில் இருக்கும் தண்ணீரில் பாய்ச்சப்படுகிறது. அப்போது, தண்ணீரில் இருக்கும் ஹைட்ரஜன் சக்தி எழுந்து, பைக்கின் இன்ஜினை இயக்குகிறது. சுத்தமான தண்ணீர் மட்டுமின்றி, குளம் குட்டைகளில் தேங்கிக் கிடக்கும் தண்ணீரையும் கூட பயன்படுத்தலாம்.இவ்வாறு அவர் கூறினார்.

பொதுவாகவே, வெளிநாடுகளில் எதைக் கண்டுபிடித்தாலும், அது பயன்பாட்டுக்கு வந்து விடும் என்ற நம்பிக்கையும் நமக்கு உண்டு. அதுபோல இதுவும்பயன்பாட்டுக்கு வந்துவிட்டால்…உங்கள் கற்பனை குதிரை ஓட ஆரம்பித்திருக்குமே! ஓடட்டும்… ஓடட்டும்!

thanks: Dina malar 26th.july.15.

marubadiyumpookkum.wordpress.com

marubadiyumpookkum varai

KAVIGNAR THANIGAI.

ஓடிய கால்கள் நிற்காது : கவிஞர் தணிகை


 

 

ஓடிய கால்கள் நிற்காது : கவிஞர் தணிகை
கால்கள் தொய்வடைந்து விட்டன,கண்கள் திரை விழ ஆரம்பித்துவிட்டன,பற்கள் தேய்வடைந்து விட்டன,அந்த புரவி ஓடுவதை நிறுத்த வில்லை. ஓடி ஓடி பழக்கமாகி விட்டது அந்த பாதையில் எனவே அந்த பாதையில் மெதுவாக செல்ல வேண்டும் என நினைத்து சென்றாலும் கூட அந்த புரவிக்கு கால்கள் நிற்பதில்லை..அது ஓடி ஓடியே பழக்கமாகிவிட்ட புரவி அது.

நிதம் ஒருவரின் மறைவு பற்றி செய்தியும், ஊடகங்களும்,சமூக வலை தளங்களும், முக நூலும் ஆலாபனை செய்தபடியே இருக்கிறது என்றாலும் தமது இருப்பை என்றும் நிரந்தரமாக நினைத்த வண்ணம் மனிதர்கள் வானளாவப் பறக்க ஆசைப்பட்ட படியே ஒருவரை ஒருவர் முந்திக்கொண்டு ஒருவரை விட அதிகம் பேரை, புகழை, பொருளை ஈட்ட இந்த மனிதர்கள் யாவருமே தமது கனத்தை விட அதிக கனத்தை தூக்கிக் கொண்டு பறந்து கொண்டே இருக்கின்றனர். கண்ட புரவி கனைத்தபடி முகபடாம் அணிந்தும் கடிவாளம் கடித்தும் இயற்கை சாரதியின் வழிகாட்டலில் இந்த புரவி ஓடிக் கொண்டே இருக்கிறது.

எல்லோருக்கும் ஒரு சுற்றில் அந்த ஓய்வு கட்டாய ஓய்வு , நிரந்தர ஓய்வு கிடைக்கப் போகிறது என்ற சிந்தனையே அற்ற உலக மாந்தரிடை அது அவர்களுக்கு மட்டும்தான் நமக்கில்லை என்ற சீந்துவாரற்ற சிந்தனையற்ற மாந்தர் கூட்டத்தில் இந்த புரவி எப்போதும் எப்படியும் வந்து நேரிடும் அந்த வேளையை நினைவு கொண்டபடியே ஓடிக்கொண்டே இருக்கிறது

எனவே அது இன்னும் நிறைய ஓட நினைக்கிறது அந்த வாய்ப்பு தமக்கும் கிடைக்கும் முன்னே எவ்வளவு செய்ய முடியுமோ எவ்வளவு தொலைவு ஓடிவிட முடியுமோ பேரை எவ்வளவு நிலை நாட்ட அவ்வளவு நிலை நாட்டி ஓடி விட நினைக்கிறது. மாறுபட்ட உலகத்துள் காடுகள், மலைகள்,சாலைகள்,நீர் நிலைகள், வானளாவிய கட்டடங்கள், பல்வேறு பட்ட நில நீர் நெருப்பு காற்று ஆகாய வெளிகளுடன்… அதன் பயணம் இன்னும் மீதம் இருக்கிறது நிறைய….

நுரை தள்ளும் முன்னே, இரை அள்ளும் முன்னே, கொள்ளும் நீரும் இதற்கு கிடைத்தாலும் கிடைக்காவிட்டாலும், மது அருந்தி திமிறி,அடக்க மறுத்த, அடங்க மறுத்த உயிராக இல்லாமல் படைப்பையே நோக்கமாகக் கொண்டு நல்லதை முடிந்த அளவு பொருள் இருக்கிறது கிடைக்கிறது என்ற சிந்தனையே இல்லாமல் தமது கடமையாக கிடைத்தவற்றை செய்த வண்ணமே மனித குலத்துக்கும் பிற உயிர்களுக்கும் தமது உழைப்பை ஆற்றியபடியே இந்த குதிரை ஓடிக் கொண்டே இருக்கிறது.

மக்கள் சேவையே மகேசன் சேவை என்பார்.அதையும் மீறி வாடிய பயிரைக் கண்டபோதெல்லாம் மனம் மிக வாடினேன் என்ற வள்ளல் கருத்துப்படி எல்லா உயிர்களுக்கும் எதையாவது நன்மை செய்ய விரும்பிய வண்ணம் இந்த புரவி பாய்ந்தபடியே இருக்கிறது… தமக்குத் தெரியாத பிரதேசத்து எல்லைகளுக்குள் எல்லாம்…கூட…

இப்படியும் கூட எழுதலாம்..இலக்கின்றி..எவரையும் தாக்காமல், எவரையும் புகழாமல் ஒரு தனித்துவம் தணிகைத் தவம் பற்றி பேசியவாக்கில் இந்த பதிவு…

மறுபடியும் பூக்கும் வரை
கவிஞர் தணிகை

நினைவுப் பிறழ்தல்கள்: கவிஞர் தணிகை


 

நினைவுப் பிறழ்தல்கள்: கவிஞர் தணிகை
வெளி உலகும் உள் உலகும் வேறு வேறாக இருப்பதால் முரண்பாடுகள்,இரு உலகும் ஒரு கோடிட்டு பிரிவதால்…உள் உலகிலிருந்து பாலமிட்டு வெளி உலகை புனரமைக்க நினைப்போர் எல்லாமே மனநிலை பாதிப்படைந்தவர் போலும், உணவுக்கும், உடைக்கும் உறையுளுக்கும் கூட ஏன் குழந்தையின் பாலுக்கும் கூட ஏன் தாய்ப்பாலுக்கும் கூட இரத்தக் கசிவை அனுபவித்த வராலாறுகள் நமது உலகை உய்விக்க வந்த உத்தமர்களுடையது.

இப்படி கனவுலகில் வாழ்வோருக்கு எல்லாம் இந்த உலக நடப்பு பிடிபடுவதே இல்லை. அவர்கள் நினைவுப் பிறழ்தல்களுடன் வாழ்வதாக வெளித் தோன்றினாலும் அவர்கள் இந்த உலகை விட்டு பிரிந்து போய் வெகுகாலம் ஆகிவிட்டதை அவர்கள் இருப்பு நினைப்பு இல்லா நடப்பு வெளிக்காட்டியது..இதெல்லாம் வேறு வகையான நினைவுப் பிறழ்தல்கள்.

ஆனால் மறதிக்கு மருந்து இல்லை. என்பார்.போவாதரா….என்றொரு குரல் இன்று.. எப்போதும் போன்ற ஒரு உள் குரல்..நேற்றும் எங்கும் செல்லவில்லை. இன்றும் இதென்ன பெரிய இழுப்பாய் இருக்கிறதே நாம் சிறிய குழந்தை போல என மறுத்து கிளம்பினேன் நட்டப்பட்டேன் அது வேறு…தலைக்கு வந்தது தலைப்பாகையோடு போயிற்று என்ற பழமொழி வேறு.( அஷ்டமி , காலம் , நேரம், எல்லாம் கடவுள் படைப்பில் உண்டா? நல்ல கேள்விகள்…)

வெளி உலகின் அறிந்த அறியாத முகங்கள் நமது எண்ணத்துடன் இடறுகின்றன விளைவு..நமது எண்ணங்கள் திசை திருப்பப் படுகின்றன. மேலும் வயதின் அனுபவ சேர்க்கைகள் ஆழ்மனதில் சென்று சேர சேர மறதி ஆரம்பிக்கிறது.

இதை சரி கட்ட நினைவுக் குறிப்பு எழுதிக்கொண்டு மறக்காமல் செயல்பட நினைப்பது அப்படி எழுதிய குறிப்புச் சீட்டையே எங்கு வைத்தோம் என தேடுவது இதெல்லாம் வாடிக்கையாகிவிட்டது

நொடிக்கு நொடி நினைவைப் பிடித்து வைப்பது வெகு சிரமமாக இருக்கிறது. உருண்டு மிக அருகே வரும் இந்தக் காலத்தில்.நிறைய சம்பவங்களை வாழ்வில் சந்தித்தவர்கள் நிலப்பாடு எல்லாம் இப்படிப்பட்டது தான் என மனோநிலை மருத்துவர்கள் கூட சொல்லக் கூடும். நிற்க

மாலை நடைப்பயிற்சி செல்வதாக இருந்தாலும் கூட , ஒரு சிறு துண்டு, சில அடையாள அல்லது பெயர் விலாச அட்டைகள், செல்பேசி, பாதுகாப்புக்கு ஒரு ……,. சில நேரங்களில் காலம் கருதி குடை,ஒரு சிறு டார்ச் லைட், ஒரு தலைக்கு பாதுகாப்பான தொப்பி,ஒரு மருத்துவ முதலுதவி மாத்திரகள் சில…இத்தனை தேவைப்படுகிறது..

அத்துடன் சில நேரங்களில் எதற்காகவாது சிறு தொகை பணமாக கொண்டு சென்றால் அதையும் ஒரே பாக்கெட்டில் வைத்தால் அதை வேறு எதையாவது எடுக்கும்போது கீழே போட்டு தவற விட்டே வர நேரிடுகிறது. எனவே பாதுகாப்பாக அதை உள் அறை பாக்கெட்டுகளில் பத்திரமாக அல்லது இரகசியமாக வைக்க வேண்டியதிருக்கிறது.இதெல்லாம் தேவைதானா? எதற்கெல்லாம் இப்படி?

ஆம் சேலத்தில் சில முறை எமது பைகள் கிழிபட்டு, உள்ளிருந்தவை களவாடப்பட்டிருக்கின்றன சில முறைகள்…வெளி உலகை சந்திக்க செல்வதாக இருந்தாலே தகுந்த பாதுகாப்புடன் செல்ல வேண்டி இருக்கிறது. இதுவே முதலில் எண்ணத் தடையை ஏற்படுத்தி விடுகிறது எப்போதும் சுதந்திரமாக செயல்பட்டு நடக்க வேண்டும் என நினைப்போர்க்கு.

மேலும் இதை எல்லாம் சேர்த்து ஒரு கைப்பை வைத்துக் கொண்டு அதில் இட்டு வைத்து நினைவாக மறக்காமல் எடுத்து வரலாமே என சில நண்பர்கள் சொன்னதுண்டு. ஆனால் அந்த பையை கூட மறந்து விட்டு வந்த சம்பவங்கள் நம் வாழ்வில் உண்டு.

நாம் சொல்வது நமது கவனத்தை வேண்டுமென்றே சிதற அடித்து திருடுவார் பற்றிய முயற்சி பற்றியெல்லாம் இல்லை. நமக்கு நாமே எண்ணங்களில் அதிகம் மூழ்வாராகவும், அடுத்தவரின் அறிமுகமும், அருகாமையும் நமது எண்ணத்துடன் நம்மை கலந்து நம்மை மெய் மறக்கச் செய்யும் போக்கு பற்றியது.

இவர் எல்லாம் ஒரு நாட்டை ஏன் ஒரு உலகையே கூட ஆள அருகதை உடையவர்தான். ஆனால் சாதாரண வாழ்வில் அன்றாட பொருள் தேடும் உலகில் வாழ அருகதை இல்லாதவர் என்பதே எம் கருத்து.

விவேகானந்தர் வாழ்வில், இராமகிருஷ்ணர் வாழ்வில், ஜே.கே வாழ்வில், மேலும் இந்த உலகை திருத்த நினைத்த உத்தமர்கள் வாழ்வில் எல்லாம் வெகுவாக இப்படிப்பட்ட முரண்கள் இருந்ததுண்டு…

வெளி உலகு இன்று வேறுபட்ட கண்ணோட்டத்துடன் மனுசனை மனுசன் சாப்பிடறாண்டா தம்பிப் பயலே என்ற பட்டுக் கோட்டையின்பாடலின் படியும் சிறு மீன்களை பிடித்து பெருமீன்கள் உண்ணுவதான கடல் வாழ்வு போலும், ஒருவரை ஒருவர் கீழ் அழுத்தி எம்பி தாம் மேல் ஏறவேண்டிய எண்ணத்திலுமே பெரிதும் ஏன் பெரிதும் என்று சொல்வதை விட முற்றிலும் ஆழ்ந்து கிடக்கிறது. எனவே நல்லவர் எல்லாம் வெளிக் கிளம்பும்போது வெகுவாக எச்சரிக்கை முன் முயற்சி, தயாரிப்புகள் செய்து கொள்ள வேண்டியதிருக்கிறது.

எப்போதுமே நடப்பதல்ல விபத்துகள். ஆனால் எப்போதாவது நடக்கும் விபத்துகளுடன் அன்றாடம் நிமிடத்துக்கு நிமிடம் இந்தியாவில் உயிர்கள் மாய்ந்தபடியே இருக்கின்றன.அது போல மயிரிழை நேரத்தில் நடக்கும் ஒரு சிறு பொறி சம்பவம் நம் வாழ்வை பாதிக்கும் போது அது முற்றிலும் நமது வாழ்வை, குடும்பத்தை, வாழ்வின் முறைகளை, உறவை, எதிர்காலத்தை யாவுமே பாதிப்பதாய் அமைந்து விடுகிறது.

கண்ணைக் கட்டியபடி எழுதிக் கொண்டே இருக்கிறானே…என வெகுள வேண்டாம். எப்போதும் பாதுகாப்பாய் இருக்க வேண்டிய நிலை நல்லவர்களுக்கு நிர்பந்திக்கப் பட்டிருப்பது பற்றிய ஒரு சுய தன்னுணர்வை (சுயப் பிரக்ஞை) ஏற்படுத்த இந்த பதிவு முயல்கிறது…

மேலும் பாழும் மனமும், எண்ணமும் ஈடாக வருவாய் வந்தாலும் இழந்த பொருளைப் பற்றிய எண்ணத்திலிருந்து எல்லாம் மீள்வதாக இல்லை, எல்லா ஆடுகளும் இருந்தபோதும் மேய்ப்பன் தொலைந்து போன ஒரு சிறு ஆட்டைப் பற்றி வேதனைப்பட்டு தொலைந்து போனதைப் பற்றி அதைப்பற்றியே கவலைப்படுவதக பைபிளில் சொல்வது போல…

இந்த மாதம் நிறைய அல்லல்கள். மேலும் தாயின் பிரிவையும் எமது கண்களுக்கு காட்டிய காலத்தின் நினைவாகவும்,வாழ்வின் இறங்கு முகமாகவும் செய்த வேதனை பதித்த காலத்தின் பதிவாகவும்… நிறைய நேரங்களில் வெளி உலகே பெரும்பாலும் எமக்கு தொடர்பற்று இருப்பதாக தோன்றுகிறது….தாமரை இலைத் தண்ணீராக இருந்துமில்லாமல் பிரிந்தும் பிரியாமல் வாழ்ந்து கொண்டிருப்பதாகவே உணர்கிறேன்.

 

அல்லவை தேய அறம் பெருகட்டும்…

மறுபடியும் பூக்கும் வரை
கவிஞர் தணிகை.

சுஷ்மா போடாத மொட்டை,சோனியா போடாத பட்டை,:எல்லை மீறிய கோடுகள் கேடுகள்: கவிஞர் தணிகை


 

சுஷ்மா போடாத மொட்டை,சோனியா போடாத பட்டை,:எல்லை மீறிய கோடுகள் கேடுகள்: கவிஞர் தணிகை
சுமார் 11 ஆண்டுகள் முன்னால் சோனியா பிரதமர் பதவியேற்றால் அவர் வீட்டு முன் மொட்டை அடித்து போராடுவேன் என்ற சுஷ்மா தமது தவறு என்ன என்பதற்கு பதிலாக காங்கிரஸ் தலைவர் ஒருவர் பேரை பாராளுமன்றத்தில் வெளிப்படுத்துவேன் டிப்ளமேட் விசா வழங்க வேண்டி ஒரு குற்றவாளிக்கு அவர் வேண்டுகோள் வைத்தது பற்றி என்கிறார். சோனியா குறைந்தது ஒரு வாரமாவது பாராளுமன்றத்தை முடக்க வேண்டும் என்கிறார்

காலம் மாறிக் கொண்டே இருக்கிறது . காங்கிரஸ் 44 எம்.பிக்களும் பிஜேபி பாராளுமன்ற மொத்த உறுப்பினர் எண்ணைக்கையில் பாதிக்கும் மேல் இருக்கும் நிலையில் சோனியா ஒருவாரம் பாராளுமன்றத்தை முடக்கி விடவேண்டும் சுஷ்மா, வசுந்தரா ஆகியோர் லலித் மோடி விவகாரத்தில் பதவி விலகும் வரை விடக்கூடாது என்கிறார்

நமோ அமைதியாக இருக்கிறார் இதையெல்லாம் பார்த்துக் கொண்டு தமக்கு துளியும் தொடர்பில்லாதது போல.எல்லாமே எல்லை மீறிய கோடுகளாக கேடுகளாகவே இருக்கிறது இந்த நாட்டில்.

தமிழே தம்மிடம் வாழ்கிறது என்பார் எல்லாம் பொருளாதார முறைகேடுகளுள் சிக்கி காணமலே போய் விடுகிறார். நிறைய பேர் வாழ்வு பொருளாதார கறைகளுடனேதான் போய் விடுகிறது.

பத்திரிகை நடத்துவது, பள்ளி நடத்துவது, கார் வாங்குவது கடைசியில் காணாமல் போவது இப்படி சில பேர்களும், கோவில் கட்டுவது, டன் கணக்கில் கோபுரத்திற்கு தங்கம் கொண்டு கவசமிடுவது,என மார்தட்டுவது கடைசியில் காணமல் போவது என்று சிலர் வாழ்வும். மருத்துவமனை , கல்வி நிறுவனம், செய்கிறோம் என ஏமாற்றுவது எல்லாம் ஒரு காலத்தில் பொருளை முறையின்றி ஈட்டத் துடித்து சீக்கிரமே பெரும் பணக்காரராகவும் சமூகத்தில் உயர்ந்த நிலைக்கு செல்ல வேண்டியும் கணக்கிடுவது எதிர்பார்ப்பது அதற்கு சாதி, மதம், மொழி, இனம் யாவற்றையும் பயன்படுத்த துடிப்பது.
விஜய் மல்லையா போன்றோர் வாழ்வு கூட தமது சொந்த விமானத்தை இரும்பு கடைக்கு எடைக்கு போட்டு வந்த பணத்தில் கிங் பிஷர் கம்பெனியின் கடன் தவணை கட்ட முயற்சிப்பது…

சிலர் வாழ்வு இரிடியம் ரைஸ் புல்லிங்க், லில்லி புட் சித்திரக் குள்ளர்கள்,சுருள் பாம்பு என கற்பனை வியாபாரத்துடனே சென்று போலியாக பொருள் தேட முற்படுவது, பொருளை இலட்சக்கணக்கில் இழப்பது இப்படியாக ஏமாற்றுவோர்,ஏமாறுவோர் வழியே சென்று கொண்டிருக்கிறது.

கட்சி, சாதி, மதம் யாவுமே அநியாயத்துக்கு அதிகமாக துணை போகிறது ஆனால் இயற்கை யாவற்றையுமே கடைசியில் உள்வாங்கிக் கொள்கிறது. மனிதாபிமானத்துடன் துன்பத்தில் சிக்கி உழலும் ஜீவன்களுக்கு உதவ மனப்பாங்கு உள்ள மனிதர்கள் அருகி வருகிறார்கள்.

இதில் சாமியார்களும், மடத்து ஆசாமிகளும் அரசியலில் பெரும்பங்கு வகிக்கிறார்கள் இவர்களை எல்லாம் முதலில் பிடித்து நாட்டில் உள்ள எல்லா சிறைகளுக்கும் அனுப்பி வைத்து அங்குள்ள குற்றவாளிக் கைதிகளுக்கு முதலில் பயிற்சி வகுப்பு எடுக்கச் சொல்லி வைத்து அவர்கள் அடியில் உள்ள எல்லா செல்வ வளங்களையும் எடுத்து நாட்டின் நதிகளை இணைக்கலாம். மக்களுக்குத் தேவையான எல்லா வசதிகளையும் செய்து தரலாம். மதுவின் வருமானம் இல்லாமல் ஆட்சி நடத்தவே முடியாது என்னும் மாயைகளை அடியோடு விரட்டலாம்

யார் இந்த துணிச்சலுடன் இந்த நாட்டின் ஆட்சிக்கு வந்து, நேரு சொன்ன கலப்பு பொருளாதரமல்ல இந்த நாடு வழி நடக்க வேண்டியது, சமத்துவ பொருளாதார முறைதான் என மாற்றி இந்த நாட்டையே மாற்றி அமைக்க போவதோ?

யாமறிந்த ஒரு கம்யூனிஸ்ட் நண்பர் ஒருவர் தமது குடும்பத்தையே கூட கவனிக்க மறுத்து விட்டார். அவர் இறப்புக்கும் பின்புதான் அவர் மனைவி, வாரிசுகளே நன்றாக தலையெடுத்து வாழ்கிறது எது கம்யூனிஸம் அவரவரது குடும்பத்தை நெருக்கி பிழிவதா அதுதான் அவர்கள் கம்யூனிசத்தால் கற்றதா எனத் தெரியவில்லை.

எனவே யாம் சொல்ல வந்தது யாதெனில்: இன்னொரு பெண்ணை பிரதமராக விடமாட்டேன் என்ற இதே சுஷ்மா அன்று மொட்டை யடித்துக் கொள்ளாமல் சோனியா பிரதமராகாமல் விட்டார். இவரோ இன்று பதவியில் இருந்து கொண்டு எல்லா தில்லுமுல்லுகளும் செய்து விட்டு அதைப்பற்றி பேசுவதை விட்டு விட்டு ..சிறு பள்ளிப் பிள்ளைகள் அந்தக்கால ஆசிரியரிடம் தப்பு பண்ணி மாட்டும்போது நான் மட்டும் இல்லை சார், அவனும் தான் என்பது போல காங்கிரஸ் தலைவர் ஒருவர்பேரை பாராளுமன்றத்தில் வெளியிடுவேன் அவர் ஒரு குற்றவாளிக்கு ஒரு டிப்ளமேட் விசாவுக்கு என்னிடம் கோரிக்கை வைத்தார் பரிந்துரைத்தார் என்கிறார். பதிலுக்கு பதில் செய்தால் அவர்கள் தம்மை தாக்க மாட்டார்கள் என மமதை. பிளாக் மெயில். ஏட்டிக்கு போட்டி.

சோனியா வாரம் முழுமைக்காவது பாராளுமன்றத்தை முடக்கவேண்டும், இந்த கறை படிந்த கரங்கள் எல்லாம் பதவி விலக வைக்க வேண்டும் அதில் உறுதியாக இருக்க வேண்டும். அந்த செய்தி எப்படி முன் கூட்டியே ஊடகங்களுக்கு தெரிந்தது? ஏன் பாராளுமன்றத்தில் அது பற்றி எல்லாம் விவாதிக்கவே துடிக்கிறீர் எப்போதும் அது உங்களுக்கு வாடிக்கையாகி விட்டது என சசி தரூரை கடிந்து கொண்டிருக்கிறார்.

இங்கே நத்தம் விஸ்வநாதன் போன்றோர் மற்ற மாநிலங்களில் எல்லாம் இருக்க நாங்கள் மதுவிலக்கு செய்ய கடைகளை எடுக்க முடியாது என்கிறார்.

கலைஞரும் ,ஸ்டாலினும் மது விலக்கை நாங்கள் வந்தால் அமல்படுத்துவோம் என்றால் அது மருத்துவர் இராமதாஸுக்கும், அவரது மகனான எமது தொகுதி எம்.பிக்கும் அதை நாங்களும் சொல்கிறோம் நீங்களும் ஏன் சொல்கிறீர் என பயப்படுகிறார்…மக்கள் ஒரு வேளை இதை எல்லாம் கேட்டு அவர்களுக்கு வாக்களித்து விடுவாரா என்று..இப்படி

எல்லாமே எல்லை மீறிய கோடுகளாக, கேடுகளாகவே போய்க் கொண்டிருக்கிறது. இந்நிலையில் எதை எடுத்தாலும் படிக்காதவர் அதிகம் உள்ள நாட்டில் எலக்ட்ரானிக் தகவல் நுட்பம் அதிகம் நிலவ ஆரம்பித்து அதில் எல்லாம் ஏற்படும் சிக்கலை தீர்க்க மறுபடியும் எந்திரத்துள் தலை நுழைக்க மனிதர்கள் சிரமப்பட வேண்டியதாகிறது.

யார் யாருக்கு என்ன என்ன எல்லைகள் அவர்கள் எது வரை போகலாம், ஆசை அதிகம் பட்டு முடியாத தூரம் வரை சென்று திரும்பி வர முடியா சூழலில் எட்டடி நிலத்தை மட்டுமே எல்லாம் எட்டும் நிலை வருவதை எண்ணாத மனிதம் இன்னும் எவ்வளவு எல்லையில்லா பிரதேசம் வரை போகக்கூடும்?

இயற்கை மேலும் கீழும் மாற்றி மாற்றி சுழன்றே வருகிறது. மேல் அமரும் மனிதர்கள் தாம் அங்கேயே இருக்கப் போகிறோம், அப்படியே அதே வயதில் வாழப்போகிறோம் எனவும் எண்ணாமல் காற்றுள்ள போதே தூற்றிக் கொள்ளும் நினைப்பில் எப்படியும் போய்விடுவோம் அதற்குள் எல்லாவற்றையும் அனுபவித்து விடுவோம், தியாகம் சீலம் என்பதெல்லாம் விரயம், பிழைக்கத் தெரியாமை, அறிவின்மை, என புத்தி சாலித்தனமாக வாழ்வதாக எண்ணி வாழும் நாடகம் கலையும்போது உண்மை பளிச்சிடும்..வாழ்ந்த யாவும் வெறும் கற்பனை திரை மறைவு என்பதே…

மறுபடியும் பூக்கும் வரை
கவிஞர் தணிகை.

இந்தியாவை ஆட்சிசெய்த இங்கிலாந்து, நஷ்டஈடு தர வேண்டும்: புள்ளி விவரங்களுடன் பேசிய சசி தரூர்


நாம் அன்றாடம் பேசிக் கொண்டிருக்கிறோம். ஆனால் சசி தரூர் எம்.பி இந்தியாவில் இங்கிலாந்தின் 200 ஆண்டுகால காலனி ஆதிக்கத்தால் விளைந்த விளைவும் கேட்ட இழப்பீடும் பற்றிய வீடியோ பதிவு மிகுந்த பிரபலமடைந்திருப்பதாக ஊடகங்கள் தெரிவிக்கின்றன
Lok Sabha MP Shashi Tharoor speaks during the Oxford Union debate (Courtesy: YouTube)

இவர் தனிப்பட்ட வாழ்வில் என்ன விமர்சனத்திற்கு உள்ளாகியிருந்த போதும், பதவியில் இருக்கிறோம் இல்லை என்பது பற்றிய சுய ஆய்வு இன்றி தமது கருத்துகளை பொதுவாழ்வில் வெளிப்படுத்துவதில் சுணக்கம் காட்ட வில்லை என்பது இவர் மேல் எமக்கு பிடித்த ஒரு குணாம்சம். மேலும் மேலை நாடுகளில் நமது இந்திய அயல் நாட்டு தூதுப்பணியில் இருந்தவரை காங்கிரச் அரசு பயன்படுத்த நினைத்து அமைச்சராக ஆக்கியபோதும் இவரது முறைமைகள் மாற்றிக் கொள்ளப்படவில்லை.
ஒரு முறை பதவியை விட்டு விலகியதும் குறிப்பிடத் தக்கது.

இப்போது காங்கிரஸ் கட்சியில் இருந்து கொண்டு சில விஷியங்களில் நமது பார்வைக்கு சரியோ தவறோ அவர் மோடியின் வெளி நாட்டு பயணங்களை ஆதரித்து பேசி வருகிறார்.

எது எப்படி ஆனபோதும் இந்த உரை வெளி நாடுகளில் அப்துல் கலாம் பேசி ஏகோபித்த ஆதரவை பெறுவது போல அவருக்கும் பின் இவரது உரை எமக்கு மிகவும் பிடித்து இருக்கிறது ஒவ்வொரு இந்தியருக்கும் பிடிக்கும் என நம்புகிறேன். எனவே இன்று அது ஒரு நல்ல பதிவாக…

மறுபடியும் பூக்கும் வரை
கவிஞர் தணிகை.

200 ஆண்டுகளாக இந்தியாவை ஆட்சி செய்த ஆங்கிலேயர்கள் நஷ்டஈடு தர வேண்டும் என்று கூறி லண்டனில் உள்ள ஆக்ஸ்போர்டு பல்கலைக்கழகத்தில் உரையாற்றினார்.
“இங்கிலாந்து, தனது முன்னாள் காலனி நாடுகளுக்கு இழப்பீடு வழங்க வேண்டுமா?” என்ற தலைப்பில், லண்டனில் உள்ள ஆக்ஸ்போர்டு பல்கலைக்கழகத்தில் விவாதம் நடைபெற்றது. அந்த விவாதத்தில் கலந்துகொண்ட, காங்கிரஸ் எம்பி. சசிதரூர் பங்கேற்று பேசினார்.
அப்போது சசி தரூர் பேசுகையில், “இந்தியாவை இங்கிலாந்து அடிமைப்படுத்துவதற்கு முன்னர், உலக பொருளாதாரத்தில் இந்தியாவின் பங்கு 23 சதவீதமாக இருந்தது.
ஆனால், இங்கிலாந்து வெளியேறியபோது, உலக பொருளாதாரத்தில் இந்தியாவின் பங்கு 4 சதவீதமாக குறைந்திருந்தது.
இங்கிலாந்து தனது நலனுக்காகவே இந்தியாவில் ஆட்சி செய்ததுதான் இதற்குக் காரணம். இந்தியாவில் கொள்ளை அடித்ததால்தான் இங்கிலாந்து தன்னை வளப்படுத்திக்கொண்டது.
2 ஆம் உலகப்போரின் போது பிரிட்டன் படையில் 6 இல் 1 பங்கு இந்தியர்கள். அந்தப் போரில் 54,000 பேர் போரில் பலியாகியுள்ளனர். 65,000 பேர் காயமடைந்தனர். 4000 பேர் கதி என்னவென்று தெரியவில்லை.
இந்தியாவிலிருந்து ஆங்கலேயர்கள் பருத்தியை எடுத்துச் சென்று, இங்கிலாந்தில் ஆடைகள் தாயாரித்து இந்தியாவில்லேயே கொண்டுவந்து விற்பனை செய்தனர்.
இதனால், உலகத் தரம் வாய்ந்த பருத்தி ஆடைகளின் ஏற்றுமதியாளர்களாக உயர்ந்திருந்த இந்தியா, இறக்குமதி நாடாக்கப்பட்டது. இதனால் இந்திய நெவவாளர்கள் கடுமையான துன்பத்திற்கு உள்ளாக்கப்பட்டனர்.
இத்தகு காரணங்களுக்காக, இந்தியாவுக்கு இங்கிலாந்து நஷ்டஈடு தர வேண்டும்”. என்பன உள்ளிட்ட அடுக்கடுக்கான புள்ளி விவரங்களுடன் சசி தரூர் பேசினார்.
இந்நிலையில், சசி தரூரின் சுமார் 15 நிமிடபேச்சு வீடியோ, யு டியூப்பில் வெளியாகியுள்ளது. அதை 5 லட்சத்துக்கும் மேற்பட்டோர் பார்த்துள்ளனர். சசி தரூரின் கருத்து, சமூக வலைத்தளங்களில் பெரும் விவாதத்தை கிளப்பியுள்ளது என்பது குறிப்பிடத்தக்கது.
thanks to : Indian Express.

2115 வரை தமிழ் வாழ்வாளா? கவிஞர் தணிகை


 

2115 வரை தமிழ் வாழ்வாளா? கவிஞர் தணிகை
அட நம்ம தமிழ் செல்வி, தமிழரசி, தமிழருவி எல்லாம் கல்யாணம் செய்து கொண்டு வாழ்வாரா இல்லையா என்பதல்லங்க கேள்வி,செந்தமிழ், தீந்தமிழ்,பைந்தமிழ், நறுந்தமிழ், அமுதத் தமிழ் 5000 ஆண்டுகளுக்கு மேல் புகழ் பெற்ற செம்மொழி என்று கல் தோன்றி மண் தோன்றாக் காலத்தே முன் தோன்றிய மூத்தகுடியின் தமிழ் மொழி அது வரை வாழுமா? அழியுமா என ஐ.நாவின் அறிக்கை ஒன்று கேட்கிறதாம் அது பற்றித்தான் இந்த கவலைப் பதிவு.

சும்மா இருக்க மாட்டாம, நாஞ்சில் நாடன் தமிழார்வம் பற்றி எல்லாம் நான் படிக்கப் போய் அவரிடம் இருந்த கவலை ஒன்று என்னையும் பற்றிக் கொண்டது . அது. அடுத்த நூற்றாண்டுக்குள் அழியும் 100 மொழிகளின் உலகப் பட்டியலில் தமிழ் 8 ஆம் இடத்தில் இருக்கிறதாம். இதை யாம், எமது தெருமுனை சந்திப்பில் அனைவரும் படிக்கும் சுவர் எழுத்துகளில் தெரிவித்து விட்டோம். உண்மையிலேயே 2 பேர் கவலைப்பட்டார்கள். பேசினார்கள்.

அதில் ஒரு நண்பர் உடனே அழியக்கூடிய முதல் மொழி பட்டியலில் எது என்றார் ..நானும் தேடித் தேடி நேற்று முதல் பார்க்கிறேன் எனது அறிவுக்கு எட்டியவரை அந்த பட்டியலைப் பிடிக்க முடியவில்லை. எனது வாய்ப்பும் அதிர்ஷ்டமும் எப்போதுமே குறைவுதான்.

அனால் சில புள்ளி விவரங்களை யுனஸ்கோ போன்ற ஐ.நா நிறுவனங்கள் தெரிவித்திருப்பது யாது எனில்:உலகில் 96% பேர் 4 % மொழியைத்தான் பயன்படுத்தி வருகின்றனர். மீதமுள்ள 4 %பேர்தான் 96 % மொழியை பயன்படுத்தி வருகின்றனர் என அதிர்ச்சியூட்டும் தகவல்களை தெரிவிக்கின்றனர்.

இந்தியாவில் 122 மொழியை 10,000க்கும் மேற்பட்ட மக்கள் பேசி வருவதாகவும், மேலும் 1500க்கும் மேற்பட்ட மொழிகள் இருப்பதாகவும் அவை அழிந்து விடலாமென்றும்…30மொழியை மட்டுமே 10 இலட்சத்துக்கும் மேற்பட்டவர்கள் அதாவது மில்லியன் எண்ணிக்கையில் பேசிவருவதாகவும் 2001 கணக்கெடுப்பு சொல்லி வருகிறது.அதற்கும் பின் 15 ஆண்டுகள் அல்லவா ஓடிவிட்டது. அதையும் நாம் மக்கள் தொகையையும் கணக்கில் கொள்ள வேண்டும் தோராயமாக 445 மொழிகள் புழங்கி வருவதாக சொல்கிறார்கள்

உலக அளவில் உள்ள முதல் 10 மொழிகளில் நமது இந்தியாவின் பெங்காலி, இந்தி ஆகிய மொழிகள் அதிகம் பேசுவோர் பட்டியலில் இடம்பெறுகிறது. ஆனால் தமிழ் இல்லை. ரசியன், “ஸாபானிஸ், அரபி, போர்த்துக்கீச்,ஜபானிஷ், ஜெர்மன் போன்ற மொழிகள் உள்ளன.ஆனால் 100 கோடிக்கும் மேற் பேசப்படும் சீனாவின் மாண்டரின் தான் முதல் மொழியாக விளங்கி வர இங்கிலீஷ், இரண்டாம் மொழியாக இருக்கிறது என தகவல். இது உலக மக்கள் தொகை அடிப்படையில் அதிகம் பேசுவோரின் மொழிகளாக முதல் 10ல் நிற்பவை.

மொழி ஆராய்ச்சி போதும் , நமதுதமிழுக்கு வருவோம். ஊடகம்,பதாகை, கல்வி நிறுவனங்கள் யாவற்றிலும் எங்கும் தமிழ்,எதிலும் தமிழ் என்று எதுவுமே இல்லை. வெறும் அரசு அலுவலகங்கள் முன்னால் தமிழ் வாழ்க என எழுதி வைத்துக்கொண்டு அதைக் கூட படிக்கத் தெரியாமல் டமில் வால்க என இருக்கும் கூட்டத்தை பார்க்கிறோம்.

பள்ளி,கல்விநிறுவனங்கள், கல்லூரி எவற்றிலும் தமிழ் பயிற்றுவிப்பும் இல்லை. இளைய தலைமுறையினரிடம் உச்சரிப்போ, எழுத்தோ சென்றே சேரவில்லை. பின் எப்படி அழியாதிருக்கும்.

எங்கும் போகவேண்டாம். எமது மகனையே முடிந்தவரை தயார் செய்து நிறைய பரிசுகள் ஈட்ட வைத்துள்ளேன் மேடைகளில் …ஆனால் அவருக்கு பள்ளி மேனிலை இரண்டாம் ஆண்டு படித்துவரும் நிலையில் பள்ளி படிப்பையே இன்னும் சில மாதங்களில் முடிக்கவிருக்கும் நிலையில் அவருக்கு தெளிவாக படிக்க முடியவில்லை. இத்தனைக்கும் அவருக்கு நிறைய தமிழோடு தொடர்பிருந்தும்.

விளம்பரப் பலகைகளை பாருங்கள் இப்போது தமிழகத்தின் தமிழ் இருக்கும் நிலையை நன்கு புரிந்து கொள்ள முடியும். இவற்றை யார் சரி செய்ய முடியும். அரசு வாளாவிருக்கும்போது.

வெறும்பேச்சு வெல்லக் கட்டிதான் நமது நாட்டில். நமது மாநிலத்தில். நமது தலைவர்கள். ஆனால். சீனாவில், ஜப்பானில் அவர்கள் மொழிக்குத்தான் அவர்களுக்கு முன்னுரிமை கொடுக்கின்றனர். ஆனால் அதை எல்லாம் சொல்லி விட்டால் இங்கு தேசப்பற்று என்று ஒன்று எதற்கு என வாதம் பேச ஒரு கூட்டம் உண்டு. சொல்லப் போனால் அவர்கள் தாய் மொழி தவிர வேறு மொழி தெரியாதவர்களாய் இருக்கின்றனர். ஆனால் எல்லா துறைகளிலுமே நமக்கு முன்னதாக இருக்கின்றார்கள்.

மொழி, இனம், சாதி, மதம் இது போன்ற அடையாளங்கள் அவசியமில்லைதான் மனிதம் மேம்படும்போது மனிதம் ஒன்றுதான் முக்கியத்துவம் பெற முடியும். ஆனால் அதற்காக தொன்மையான ஒரு மொழி அழிவதை யாரால் பார்த்துக் கொண்டிருக்க முடியும்.

தமிழ், நாசாவில், ஏன் ராயல் சொசைட்டி ஆப் சயின்ஸ்…இப்படி உலகெங்கும் அங்கீகாரம் பெற்ற மொழியாய் இருக்க… நாம் நமது நாட்டில் அழிந்து அழித்துவருகிறோம்.

உதாரணமாக நமது வலைதளத்தில் வலைப்பின்னலில் தங்கிலீஸ் என ஒரு புது மொழி உருவாகி விட்டது. தமிழை ஆங்கிலத்தில் தட்டச்சு செய்து படிப்பது. இது நல்லதுக்கா கெட்டதற்கா… ஆய்வு செய்ய வேண்டிய விஷியம்.

கணினியில் பணி புரியும்போது எம்போன்றோர்க்கு தமிழ் தட்டச்சு செய்ய தெரியாதபோது அதை மொழிமாற்றம் செய்ய வேறு வழியில்லாமல் சில அணுகுமுறைகளை கையாள்கிறோம் அது வேறு.

ஆனால் தமிழில் பேசினால் எழுதினால் மதிப்பில்லை, ஆங்கிலம் தெரிந்தால் அவருக்கு எல்லாம் தெரிந்து இருக்கிறது என்ற மாயை நிலவி வருகிறது.

எமது சொந்தக் கதையை எடுத்தால், தமிழ், ஆங்கிலம் தெலுங்கு தவிர கன்னடம், இந்தி, ஒடியா, எல்லாமே அரை குறை…மொழி ஒரு ஊடகம்தான். ஆனால் ஒரு செம்மொழி தகுதி அடைந்த தமிழ் மொழி 100 ஆண்டில் இல்லாமல் போகும் என்றால் அதை நம்பமுடியவில்லைதானே…ஆம் உண்மையில் தமிழ் தமிழர் உள்ளவரை அழியாது இருக்கும்தான்.அப்துல் கலாம் தமிழில் கை எழுத்து இடுவதைப் பார்த்து நானும் தமிழில் கையெழுத்து இட ஆரம்பித்தேன்…இதெல்லாம் மாற்ற முடியுமா மாறுதல் என்று சொல்ல முடியுமா>

தமிழில் இருக்கும்..247 எழுத்துகளை எழுதச் சொல்லுங்கள், அல்லது சொல்லச் சொல்லுங்கள் எத்தனை கல்லூரி மாணவர்கள், பள்ளிப் பிள்ளைகள் இன்று சொல்கிறார் என..ஏன் ஆசிரியர்களே இனி தடுமாறக் கூடும் ஏன் எனில் பயன்பாடு இல்லை.பயன்படுத்தாத எந்த மொழியும் அழியும். எந்த செயலுமேஅழகு பெறாது. அதில் பயன் வராது.இலக்கணம், இலக்கியம், நயம், நூலின் பாங்கு அனுபவம் பற்றி எல்லாம் எங்கள் பள்ளிக் காலத்திலேயே சொல்லித் தரும் தமிழாசிரியரின் வளம் குறைய ஆரம்பித்து விட்டது. அவரவரின் தனித்தன்மைக்கேற்ப குணம் அன்றைய நடப்புகளுக்கேற்பவே சொல்லித் தந்தனர். ஆழமாக செல்ல வேண்டும் என ஆசை இருந்தும் கூட செல்ல முடியவில்லை.

படிக்க எழுத சோம்பல், அலுவலகங்களில் எல்லாம் கணினி ஆங்கிலம், ஏன் நிரப்பும் படிவம் எல்லாம் ஆங்கிலம், இன்னும் நீதிமன்றம் அப்படியேதான் ஏமாற்றி வருகிறது. எல்லா அரசு அலுவலகங்களிலும் தமிழ் இருக்க வேண்டும் என்பார் ஆனால் அப்படி இருப்பதாகத் தெரியவில்லை…

யோவ் சொல்ல வந்ததை சொல்லித் தொலை வேறு வேலை இருக்கிறது என்கிறீர்களா?

தமிழ் அழிந்து கொண்டுதான் வருகிறது. தமிழர் பண்பாடும் ஒழிந்து கொண்டுதான் வருகிறது இதில் எமக்கு கருத்து மாறுபாடில்லை. இன்று 30 வயதுக்கு கீழ் இருக்கும் தமிழர்களிடம் தமிழ் இல்லை.

இனி அது எப்படி அழியாமல் இருக்க முடியும் என்பதுவே கேள்வி. நூல்கள் நிறைய வெளியிடப்படுகின்றன. புத்தகத் திருவிழாக்கள் எல்லாம் கூட்டம் இருக்கிறது. ஆனால் எவ்வளவு பேர் படிக்கிறார்கள் என ஆய்வுக்கு உட்படுத்தி பாருங்கள் ஏமாறுவீர்கள். ஏமாறுவோம்.

எம் வீட்டில் கூட நிறைய நூல்கள் உள்ளன. எனத் தவிர இன்னும் உள்ள 2 உறுப்பினரில் எவருமே அதை எடுத்து தொடுவதாக காணோம். ஏன் எனில் வாழ்வின் தேடல் அத்தகையதாய் அவர்களை மாற்றி இருக்கிறது. தமிழ் நன்றாக படித்தால் தமிழ்ப் பொருள் நன்றாக விளங்கும். ஆனால் வாழ பொருள் இருக்காது என வேறு ஒரு குரல் இருக்கிறது. என்வே குறள் என்னதான் உலகின் உன்னத மொழியாய் உலகு அழியும்போதும் குறள் நூல் அழியக்கூடாது என காக்கும் பாதுகாப்பில் இருந்தாலும்
“சும்மா வைத்துக் காத்து ” என்னங்க பயன்…?

தமிழைத்தவிர வேறு மொழியே தமிழகத்தில் தமிழர் எனச் சொல்வார் பேசக் கூடாது, அலுவலகத்தில் பயன்படுத்தக் கூடாது, தமிழ் மொழி வழிக்கல்வி ஒன்றைத் தவிர வேறு ஒன்றையும் கல்வி நிறுவனங்களில் புகுத்தக் கூடாது, நீதிமன்றத்தில், காவல்நிலையத்தில் அலுவலகங்கள் எல்லாவற்றிலுமே தமிழன்றி வேறு மொழி புகுவது கூடாது. கணினி கூட தமிழ் வழியில் மட்டுமே இயக்கப் பட வேண்டும் என்றெல்லாம் செய்தால் ஒரு வேளை தமிழை அடுத்த நூற்றாண்டுக்கும் அப்புறம் கூட நலமாக, வளமாக காத்து இரசிக்கலாம்.

இல்லையேல் தமிழ் எழுத்துகள் அடங்கிய நூல்களை எல்லாம் பார்த்து இரசிக்கலாம். படித்து இலயிக்க, ஆழ்ந்து அதில் நுழைந்து அனுபவிக்க எல்லாம் முடியாது போய் விடும் என்பதில் எந்த வித கருத்து வேறுபாடுமில்லை. ஒருபுறம் தூய தமிழ் என்று கொன்று கொண்டு, மறுபுறம் தமிழையே இல்லாமல் செய்து கொண்டு…

 

தமிழ் இனி மெல்ல வாழுமோ? சாகுமோ?

மறுபடியும் பூக்கும் வரை
கவிஞர் தணிகை.

கலைஞர் ஒரு வழியாக கடைசியாக திருவாய் மலர்ந்தருளினார்:-கவிஞர் தணிகை


 

கலைஞர் ஒரு வழியாக கடைசியாக திருவாய் மலர்ந்தருளினார்:-கவிஞர் தணிகை
தி.மு.க பதவிக்கு 2016ல் தேர்ந்தெடுக்கப் பட்டால் மதுவிலக்கு அமல்படுத்தப்படும் என தாம் கொண்டு வந்த மதுக்கடைகளுக்கு தாமே முற்றுப்புள்ளி வைக்கப் போகும் கனவில் கடைசியில் ஒருவழியாக கலைஞர் கருணாநிதி அவர்கள் திருவாய் மலர்ந்தருளி உள்ளார். இதுவும் ஒரு வகையில் நல்லதே.

இந்த துறையின் அமைச்சர் நத்தம் விஸ்வநாதன் மதுவிலக்கு சாத்தியமில்லை, டாஸ்மாக் கடைகள் தமிழகத்தில் எடுக்கப்படாது, பக்கத்து மாநிலங்களில் இருக்கும்போது இது இங்கு சாத்தியமில்லை என பேசியுள்ளது அ.இ.அ.தி.மு.கவின் நிலையை அதுவும் அடுத்த ஆண்டு தேர்தலை சந்திக்கவேண்டிய நிலையில் உள்ள ஆளும் கட்சியின் நிலையை தெளிவாக உணர்த்தி உள்ளது.

இவர்கள் வலுவாக இன்று தமிழகம் அதன் கட்சிகள் பிரிந்து கிடக்கும் நிலையை வைத்து கணக்கிடுகின்றனர்.மேலும் தமது கட்சியில் வாக்கு வங்கி என்னதான் இருந்தாலும் எல்லா கட்சிகளையும் விட வலுவானதாக சிதறாமல் அதிகமாக இருப்பதாகவும் நம்புகிறார்கள் அதன் எதிரொலிதான் அ.இ.அ.தி.மு.கவினர் நிலைப்பாடும் இது போன்ற பேச்சுகளும்.இந்த எதிரொளி எப்படி வரும் மாநிலத் தேர்தலில் இருக்கும் என நாமும் கவனிப்போம்.

கேரளத்து முல்லைப்பெரியாறு பிரச்சனையை, ஆந்திரத்து கிருஸ்ணாநதி நீரின் சென்னைக்கு குடிநீர் பிரச்சனையை, கர்நாடகா மேக்கேதாட்டு பிரச்சனை, காவிரி நீர் தாவா போன்ற அண்டை மாநில பிரச்ச்னைகளில் ஒரு முயற்சியும் செய்து சாதிக்காத போதும், இந்த அரசு அம்மாவின் உடல் நலத்தை மட்டுமே சார்ந்திருக்கும் அரசாக இருந்த போதிலும் இந்த மது விலக்கு பிரச்சனைக்கு மட்டும் அண்டை மாநிலங்களை ஒப்பீடு செய்வதென்பதுதான் ஆளும் கட்சியாக இருப்போரின் வாடிக்கையான நிகழ்வாகி விட்டது.

பேருந்து கட்டணம், பால் விலை உயர்வு போன்ற பொது மக்களை பாதிக்கும் பிரச்சனை வரும்போதெல்லாம் கூட இதே மாதிரிதான் மற்றைய அதிகமாக உள்ள மாநிலங்களை சுட்டிக் காட்டி இங்கிருப்பதை விட அந்த மாநிலங்களில் எல்லாம் இன்னும் அதிகம் என இந்த மாநில மக்களுக்கு ஆறுதல் சொல்வார்கள். பேசாமல் இவர்கள் அந்த மாநிலங்களுக்கே கூட சென்று வாழலாம், முடிந்தால் ஆட்சியும் நடத்தலாம்.

இதுதான்,இதற்காகத்தான் மக்கள் இவர்களை எல்லாம் ஆட்சிக்கட்டில் ஏற வாக்குகளை அள்ளி வழங்கியது.எப்படியோ 15 ஆண்டு மது ஆட்சிக்கால முடிவில் கலைஞர், ஸ்டாலின் போன்றோர் இதுவரை பேசாமல் மதுவிலக்கு பற்றி வாயே திறக்காமல் இருந்து விட்டு ஏனைய கட்சியினர் எல்லாம் எதிர்ப்பது பற்றி பார்த்த பிறகும் மௌனம் சாதித்து விட்டு இவர்களின் பிரச்சார பீரங்கியான தினகரன் நாளிதழில் கூட தினமும் இந்த மதுவின் அட்டூழியத்தை பக்கம் பக்கமாக அறிக்கை கொடூர சம்பவங்களை வெளியிட்டு விட்டு இறுதியாக இப்போது கலைஞர் தமது வாயாலேயே இந்த கருத்தை தமது கட்சி ஆட்சிக்கு வந்தால் மதுவிலக்கு அமல்படுத்தப்படும் என உறுதியாக கூறிவிட்டார். இது ஒரு நல்ல சகுனம்.

ஏன் எனில் எம்போன்றோர் எல்லம் கூட அனைவரும் மது விலக்கு பற்றி வலியுறுத்தும்போது ஏன் இந்த ஸ்டாலினும், கலைஞரும் வாயே திறக்க மாட்டேன் என்கிறார்கள் என சில நாளுக்கும் முன்பு கூட கேட்டிருந்தோம்.

எல்லாவற்றிலும் ஒரு தொடர் விளைவு இருக்கிறது. எம்.ஜி.ஆர் ஆதரவு இல்லையெனில் கலைஞர் ஆட்சிக்கு வந்திருக்க முடியாது, கலைஞர் ஆட்சிக்குவந்து இருக்க வில்லை யெனில் , எம்.ஜி.ஆர் ஆட்சிக்கு வந்திருக்க முடியாது, எம்.ஜி.ஆர். ஆட்சிக்கு வரவில்லை எனில் அம்மா.ஜெ. ஆட்சிக்கு வந்திருக்கமுடியாது, அம்மா ஜெ ஆட்சிக்கு வந்திருக்கவில்லை எனில் நத்தம் விஸ்வநாதன் போன்ற அமைச்சர்கள் இப்படி பேசியிருக்க முடியாது, கலைஞரும் பேசியிருக்க முடியாது.

கலைஞரிடம் முதிய வயது வாழும் பக்குவம், எழுத்தாற்றல்,பேச்சாற்றல் போன்ற நல்ல குணங்களும் திறன்களும் உண்டு. இவரது கட்சி ஆட்சிக்கு வந்தால் முதல் கையெழுத்தாகக் கூட இந்த கடமையை நிறைவேற்றுவார். அதில் ஒன்றும் மாறுபட்ட கருத்து இல்லை. ஆனால் இதன் தீமையை இப்போதுதான் தெரிவது போல இதன் கொடுமையை இப்போதுதான் உணர்வது போல் பேசுவதில்தான் ஏதோ நெருடல் இருக்கிறது.

எது எப்படியோ இந்த ஒரு பிரச்சனையேகூட அக்கினிக் குஞ்சாக நாடெங்கும் பரவி ஆட்சிக்கட்டை மாற்றி அமைக்க உதவட்டும். மது ஒழியட்டும் அது குறித்து மாற்றுக்கருத்தே இல்லை. மதுவிலக்கு ஆதரவான வேட்பாளர்களுக்கு நமது வாக்குகள் இருக்கட்டும். ஆனால் தமிழகத்தின் வாக்கு வங்கி வழக்கம் போல் அ.இ.அ.தி.மு.க வை அரசுக் கட்டில் ஏற்றினால் எப்படி இருக்கும் ஒரு கற்பனை செய்து பாருங்கள்…..

கூட்டணி தர்மம் நோக்கி அணி நகர்த்த இந்த கலைஞரின் பேச்சு உதவியாய் இருக்கும் என இந்த காலக் கட்டத்தில் இந்த பேச்சு உதிர்க்கப்பட்டதாகவும் இருக்க வாய்ப்புண்டு.எப்படி ஆனாலும் தி.மு.க சார்ந்த ஆட்சி என்னதான் எப்படிதான் கீழானதாக இருந்தாலும் அதில் ஜனநாயக மரபுகளுக்கு இடம் இருக்கும் மத்திய காங்கிரஸ் ஆட்சி போல.

ஆனால் அ.இ.அ.தி.மு.க ஆட்சியில் அந்த ஜனநாயக மரபு எல்லாம் தற்போதைய மத்திய பி.ஜே.பி ஆட்சி போல குழி தோண்டி புதைக்கப்பட்ட சர்வாதிகார மனோநிலை உடைய ஆட்சியாகவே இருக்கும். இருக்கிறது அம்மா.ஜெ அவர்கள் ஆள ஆரம்பித்த நிலையிலிருந்து காலத்திலிருந்து என பொது நோக்கர்கள் அரசியல் பார்வையாளர்கள் கருதுகிறார்கள் என்பதே இந்த பதிவு வெளிப்பாடு.

அம்மாவின் ஆட்சி,கலைஞரின் ஆட்சி இரண்டையும் ஒப்பிடவும் முடியாது. ஒப்பிடவும் கூடாது. ஆனால் அதற்கு எல்லாம் மாற்றாக இந்த தேர்தலும் இருக்காது என்பதுவே இன்றைய கட்சிகள் மக்கள் செல்வாக்கில் இருக்கும் நிலைகள். ஒன்று குடும்ப நலம் பிரதானம். ஒன்று ஒரேயடியாக மரபை மீறிடும் விதைகளாக இருக்கும்.இரண்டுமே வழக்கம் போல ஆட்சிக் கோட்டையை பிடிக்க தீர்மானிக்கும் என்பதுவே அடியேன் கருத்து. இதை எதிர்த்து ஏனைய கட்சிகள் யாவும் ஓரணியில் திரண்டு 3ஆம் குழுவாக இயங்கி ஆட்சியை தீர்மானிக்குமளவு தேர்தல் வெற்றி என்பதை பெறுவது சிரமம். அப்படி பெற்றால் தமிழகத்தின் தலைவிதி அங்கிருந்து ஒரு திருப்பு முனை நோக்கி நகர ஆரம்பிக்கிறாது என்றே பொருள்.

எப்படி இந்த மாநிலம் தேர்தலை சந்திக்கப் போகிறது என இப்போதிருந்தே ஒரு விறு விறுப்பு இது போன்ற பேச்சுகளால் உருவாகி வருகிறது என்பது மட்டும் மறுக்க முடியா உண்மை.

மறுபடியும் பூக்கும் வரை
கவிஞர் தணிகை.

.தங்க விலை வீழ்ச்சி ஏழை எளிய மக்களுக்கு எப்படி பாதிப்பாகிறது? கவிஞர் தணிகை.


தங்கம் தங்கம் உங்கள் அங்கம் எங்கெங்கும்…தங்க விலை வீழ்ச்சி ஏழை  எளிய மக்களுக்கு எப்படி பாதிப்பாகிறது? கவிஞர் தணிகை.

யாரோ ஒரு எண்ணெய் வள நாட்டின் கொழுத்த பணக்காரர் தம் மகளுக்கு தங்கத்தில் கழிவறை கட்டி சீதனமாக்குவதும், ஷா ருக் கான் தமது குளியலறையை தங்கத்தில் வைத்திருப்பதும், ஜோய் ஆலுக்காஸ் ஒரு சாம்ராஜ்யத்தை வீடாக்கி இருப்பதும்,ஒரு வியாபாரி தமது மகள் உடலெங்கும் தங்கத்தாலேயே ஆபரணங்களால் மூடி வைப்பதும்…இந்தியாவின் முதல் பெரும்பணக்காரரான முகேஷ் அம்பானி வீட்டிலும் தங்க குளியலறை கழிப்பறை இருக்க ஒரு ஏழை எளிய வியாபாரிக்கு கால் பவுன் அதாவது 2 கிராம் தங்கத்துக்கு மாற்றாக இனி ரூபாய் 2000 கூட அடகு வைத்தும் கிடைக்காது.

தங்க விலை வெகுவாக வீழ்ச்சி அடைந்து 8 கிராம் அதாவது ஒரு பவுன் ஆபரணத் தங்கம் விலை 19,092…அதாவது சுமார் 19 ஆயிராமாகி இருக்கிறது இன்றைய தங்க சந்தையின் விலையாக. வங்கிகள் நகை மேல் கொடுத்த கடனை வட்டி கட்டுவதுடன் மேலும் விலை வீழ்ச்சி அடைந்ததற்கும் பவுனுக்கு கொடுக்கும் மதிப்பை குறைத்து அதில் எஞ்சியுள்ள தொகையை வருடா வருடம் சேர்த்து கட்ட சொல்லி விடுவதால் ஒன்று நகையை விட்டு விட வேண்டும், அல்லது ஊதியத்தின் ஒரு கால் பங்கு அல்லது அரை பங்கை இவர்களிடம் இழக்க வேண்டும் அல்லது மேலும் அந்த கடனை ஈடு கட்ட கைமுதல் அல்லது கையிலுள்ள தங்கத்தை கொடுத்து விட்டு வரவேண்டும். அப்படி செய்தால் மட்டுமே நாணயம் காப்பற்றப்படும்.

இல்லையேல் அவர் கடன் வாங்கி கட்ட முடியாத பட்டியலில் கொண்டு சென்று அவர் கரும்புள்ளியுடன் எல்லா வங்கிகளுக்கும் ஒரு காலத்தில் ஏதாவது கடனுதவி கேட்டாலும் கட்ட கையாலாகதவர் என முத்திரை குத்தப்பட்டு வாழ்விலிருந்தே துரத்தி அடிக்கப்படுபவராகிறார். நாட்டின் சட்ட திட்டங்கள், பொருளாதார நிலை, வங்கி வரைமுறைகள் அப்படி…

ஆனால் மிகப்பெரும் பணமுதலைகள் எல்லாம் வாங்கிய கோடிக்கணக்கான பணத்தை கட்ட முடியாது என அப்படியே கூட விட்டு விடுகின்றன. இங்கு பொருளை தங்கமாக வைத்தும் கெட்ட பேர். அங்கே ஆலைக்கு , பெரும் தொழில் செய்யும் முதலாளி என்ற பேரில் நல்ல பேர்.ஷேர் பங்கு சந்தை முதலீடு, இன்ன பிற வர்த்தக முறைகள் கீழ் தட்டுக்கு எட்டாமல் ஆனால் கீழ் தட்டு மக்களின் அடித்தர அன்றாட வாழ்வை பாதித்தபடி…இதெல்லாம் என்ன பொருளாதாரம் ,நிர்வாகம், மேலாண்மை?

நிலத்தின் விலை கூடி வருகிறது. அதை கிரயம் செய்ய அரசுகள் பத்திரப்பதிவு விலை கூட்டியது முதல் நில விற்பனை விழுந்து விட்டதாக மேல் எழுந்த வாரியாக பேசப்படும்போதும் எங்கு எப்படி பணப் பரிவர்த்தனை எனத் தெரியாமலே மிகப் பெரும் புள்ளிகள் நிறைய நிலங்களில் தமது பெரும்பணத்தை முதலீடாக மாற்றி வருகிறார்கள். அதை சிலர் சிறு பிளாட் ஆக்கி கொள்ளை இலாபம் ஈட்டி வாங்கிய விலையிலிருந்து பல மடங்கு இலாபத்துக்கு விலை கூறி விற்று வருகிறார்கள்.

ஆக இந்த பணவரவு செலவுமுடக்கம் யாவும் சிறு வியாபாரிகளை, அன்றாடம் காய்ச்சிகளை, ஏழை எளியவர்களை வெகுவாக பாதித்து வருகிற நிலையில் மேல் மட்டத்தில் எல்லாமே நிற்காமல் நடந்தே வருகிறது.

தங்கம் இறக்குமதி, கிறீஸ், சீனாவின் பொருளாதார வீழ்ச்சி என்றெல்லாம் சொல்கிறார்.அவை இங்கும் இந்தியாவை, தமிழ்நாட்டை , கருப்பு ரெட்டியூர், குஞ்சாண்டியூர் , கோம்பூரான்காடு போன்ற குக்கிராமங்களின் பொருளாதாரத்தையும் பாதிக்கிறது.

எவரும் எவருக்கும் இனி பணம் என்பதை கொடுப்பதற்கு திருப்பி கொடுப்பதற்கு நாணயம் இல்லாததால் கொடுக்க விரும்புவதில்லை. உடனே இந்த ஏழைகள் எளிய மக்கள் ஒரு அவசரத்திற்கு எமர்ஜென்சியாக தம்மிடம் உள்ள பொட்டு நகைகளை எங்காவது அடகு வைத்து அதில் பணம் புரட்டி அந்த சிறு உடனடித்தேவையை பூர்த்தி செய்து கொண்டு பின்னர் பணம் நன்கு புழங்கும்போது அல்லது உழைப்பின் ஊதியம் அல்லது வருட போனஸ் போன்றவை வரும்போது அடகு வைத்ததை மீட்டுக் கொண்டு அவர்கள் சொத்தான அந்த சிறு மதிப்பிலான தங்கத்தை வைத்துக் கொண்டிருந்தனர்.

ஆனால் இனி தங்க விலை வீழ்ச்சி அடைய அடைய அவர்களுக்கு இனி அவர்களிடம் இருக்கும் துளி தங்கத்துக்கு அவர்கள் எதிர்பார்க்கும் தொகையோ, ஆயிரம் இரண்டாயிரம் தொகையோ கிடைக்க வாய்ப்பில்லை. ஏன் எனில் தங்க விலை வீழ்ச்சி அடைந்தவுடன் வர்த்தகம் பாதிக்கப்பட்டு அசலும் வட்டியும் சேர்ந்து தற்போது விற்கும் தங்க விலையை விட அதிகமாகும்போது அப்படியே விட்டு விடுவதால் நாணயம் பாதிக்கப்பட்டு இனி அவர்கள் வைத்த நகையை திருப்பி வாங்காமல் புதிதாக கொண்டு சென்று வைக்கவும் முடியாமல் தடுமாறும் சூழல் உருவாகிறது.

பெரும்பணக்காரர்கள் கையில், காலில், முகத்தில் உடலெங்கும் அங்கம் எங்கும் எங்கெங்கும் நகை அணிந்து கொண்டு காரில் தனி வாகனத்தில் செல்லும் போது, அவர்களை எளிதில் எவரும் கொள்ளையிட முடிவதில்லை. இப்படி நகைக்காக இல்லாமல் தமது வாழ்வின் சுழற்சிக்காக நகையை ஒரு சேமிப்புக்காக சேர்த்து அவசர ஆத்திரத்திற்கு பயன்படுத்த நினைத்து செல்லும் பெண்களிடம் தான் திருடரும் கைவரிசையை காண்பிக்கிறார்.

நாட்டு பொருளாதாரமும் காண்பிக்கிறது. இந்தியாவைப் பொறுத்தவரை நகை, அந்தஸ்து ஆபரண அழகு பொருட்கள் மட்டுமல்ல குடும்பத்திற்கான ஒரு சேமிப்பு. இதன் மதிப்பு குறையக் குறைய..பணப்புழக்கம் குறைய ஆரம்பித்து விட்டது.

ஆசைப்பட்டு விதவிதமாக சேர்த்து அழகு பார்க்கும் பணக்கார மேல் தட்டு குடிகளுக்காக இந்த பதிவு எதுவும் பேசவில்லை. அவர்கள் எப்படியும் பிழைத்துக் கொள்வார்கள். பிழைத்துக் கொள்கிறார்கள்.

ஆனால் கூலிக்கு சென்று உழைத்து பிழைக்கும் நபர்களின் பொருளாதாரம் இந்த தங்க விலை வீழ்ச்சியால் மிகவும் கீழ் இறங்கி வருவது தவிர்க்க முடியாத உண்மை,தவிர்க்கப்பட வேண்டிய வேதனை. கடன் கட்டாத கிங் பிஷர் விஜய் மல்லையா அப்படியே இருக்க கர்நாடாகவில் நீர் வளம் உள்ள மாநிலத்தில் அதிகம் விவசாயிகள் தற்கொலை செய்து கொண்டிருக்கிறார்கள் என்பது நடப்பு செய்தி. விவசாயக் கடன் தருவதில் ஏகக் கெடுபிடி,வட்டி கட்டுவதில் பிரச்சனை, ஒருவருக்கு ஒரு கடனுதவிக்கு மேல் தரமாட்டோம் என்பதும், அதுவும் வருடத்திற்கு ஒன்றுதான் ஒருமுறை தான் என்பதெல்லாம் வங்கி சட்டங்களாக வங்கிகள் கடைப்பிடிக்கின்றன.

இந்த தங்க விலை வீழ்ச்சியால் கீழ் தட்டு ஒன்றும் புதிதாக வாங்கியும் சேர்க்க முடிவதில்லை. மாறாக பணம் செல்வாக்கு உள்ள பெரும்பணக்காரர்கள் மறுபடியும் விலை குறைவுதானே பின்னால் உதவும்..விலை ஏறும் என்ற ஒரு எதிர்பார்ப்பில் இப்போதிருந்தே வாங்கி குவிக்க இந்த தருணம் உதவியாய் இருக்கிறது. 15 ஆண்டுகளாக இப்படிப்பட்ட விலை வீழ்ச்சியை தங்கம் சந்திக்கவே யில்லை. மறுபடியும் உயரும் வாய்ப்பு எப்படி? என்பதற்கு பதிலாக இன்னும் விலை இறங்க வாய்ப்புண்டு என பொருளாதார வல்லுனர்கள் கருதுவதாக செய்திகள். இந்திய தங்கம் சார்ந்த பொருளாதாரம் ஏழை மக்கள் சார்ந்தது. அவர்கள் இனி மீள முடியாது என்றே தோன்றுகிறது.

இந்த சுழிச் சுழலில் இருந்து என்று இந்தியப் பொருளாதாரம் நிமிர்ந்து எழும் என்று தெரியவில்லை. அதை கலப்புப் பொருளாதார நாடு என இந்தியா நேருவால் பறை சாற்றப்பட்டு இன்று தனியார்மயம், மட்டுமே வாழ வழி வகுத்து வரும் நாடு நிலை பற்றி நாம் கவலைப்படுவது வீண். அதில் நாம் எப்படி வாழ்க்கை நடத்தப்போகிறோம் என்பதுதான் நம் முன் நிற்கும் கேள்விகள்.

மறுபடியும் பூக்கும் வரை
கவிஞர் தணிகை.

மனிதரை விட மேலான உயிரினம் ஏதுமில்லை;கீழான உயிரினமும்….கவிஞர் தணிகை


 

மனிதரை விட மேலான உயிரினம் ஏதுமில்லை;கீழான உயிரினமும்….கவிஞர் தணிகை
ஈராக் ரம்ஜான் பரிசு: 150 க்கும் மேற்பட்ட உயிர்கள்,நமோ என்னதான் ஆனாலும் லலித் மோடி, வசுந்தரா,சுஸ்மா,ஸ்மிர்தா இரானி,விவகாரங்களில் வாயே திறக்கவில்லை,கூட்டம் சேர்ந்தால் அநியாயம் கூட நியாயம் ஆகிவிடுகிறது.பிறவிச் சுபாவம் எத்தனை முறை மன்னிக்கப்பட்ட போதும் மாறுவதேயில்லை.

மருமகன் நடவடிக்கையால் ஆபத்து என ஜாடையாக ராபர்ட் வடேரா,சோனியா காந்தி மருமகனைப் பற்றிப் பேசும் பிரதமர் நமோ யார் சொல்வதைப் பற்றியும் கவலைப்படாமல் பயணம் வெளி நாட்டுப் பயணத்தில் அதிகம் வாழ்வை செலவளிக்கிறார்.

ஆனால் உள்நாட்டில் தம் கட்சிசார்ந்தவர்கள் பால் ஆணித்தரமான குற்றச் சாட்டுகள் லலித் மோடியால் சொல்லப்பட்ட பிறகும் காங்கிரஸ் கட்சியும் நாட்டின் அனைத்து ஊடகங்கள் அதைப்பற்றி எழுதியும் தமது கட்சியின் முதல்வரை, தமது அமைச்சரவையின் அயல் நாட்டு மந்திரியைப் பற்றியும் வாயே திறக்காமல் நரசிம்ம ராவை விட மன்மோகன் சிங்கை விட தமது வாய் திறக்காத வாய் தேவைப்பட்டால்…மட்டுமே திறக்கும் வாய்,செலக்டிவ் அம்னீசியா நோய் பிடித்திருக்கும் போல இருக்கிறது.

உலகின் இரண்டாம் மக்கள் தொகை எண்ணிகையில் உள்ள முகமதிய மதத்தின் ரம்ஜான் பரிசாக ஈராக் நாட்டில் 150க்கும் மேற்பட்ட முகமதியர்கள் வெடிவைத்து தகர்க்கப்பட்டுள்ளார்கள். மேலும் குழந்தைகளை எல்லாம் வெடிகுண்டு கட்டி போர்ப் பயிற்சி செய்ய வெடித்து சிதறடிக்கிறார்களாம்.அவ்வளவு மக்கள் தொகையில் இப்படி போனால் என்ன என்கிறீரா? இல்லை அப்படி விட முடியாதில்லையா? அப்படி அப்பாவி மக்கள் கொல்லப்படக் கூடாதில்லையா?

கும்ப மேளா, வம்பு மேளா என இந்தியாவிலும் இந்துக்களும் கடவுள் என்றும் நதி தீரம் என்றும் இடித்து கூட்டத்தில் மிதிபட்டே ஒரு பக்கம் சாவதும் ஒரு பக்கம் கட்டடம் இடிந்து சாவதுமாக உள்ளனர்.

மனிதர்கள் மாறவே மாட்டார்கள். மாறவும் போவதில்லை. எல்லாம் பிறவிச் சுபாவம். நாம் வாய்ப்புகள் கொடுத்து அவர்கள் மாறுவார்கள், மன்னிப்போம் என நினைப்பர்தான் முட்டாளாகி விடுகிறோம், காங்கிரஸ் 3ஆம் முறை வந்து விடக்கூடாது என பி.ஜே.பி அரசை கொண்டு வந்தது போல…

உலகு, நாடு, ஊர், வீடு வீதி எல்லாவற்றிலுமே சம்பவங்களும், சரித்திரம் ஒன்று போலவே காணப்படுகிறது.

வள்ளுவர் அழகாக சொல்வார், உடன்பாடு அற்ற துணையுடன் ஒரு வீட்டுள் வாழ்வது குடத்துக்குள் நாகம் வாழ்வது போன்றதாகும் என்று.

இராமகிருஷ்ணர் சொல்வார் ஒரு கதையில்: தேளின் இயல்பு கொட்டுவதுதானே என்று…ஒரு நீர்க்கரையில் ஒரு மனிதர் வேலை வெட்டி இல்லாத மனிதர் என்றால் உங்களுக்கு எளிதாக விளங்கும் ..என்னைப் போல…நீரில் சென்று தவறி விழுந்து கொண்டிருந்த தேளை நீரிலிருந்து தரைக்கு மேல் தூக்கி விட்டபடி இருந்தாராம். அதைக் காப்பாற்ற..அது என்னவோ அவர் கையை விரலை ஒரு கொட்டி கொட்டி பதம் பார்த்து விட்டு மறுபடியும் நீருக்கே சென்றுவீழுமாம், மறுபடியும் அதே செயல் திரும்ப திரும்ப நடைபெற்றுக்கொண்டிருந்ததை அவ்வழியே சென்ற ஒரு வழிப்போக்கர் சென்று இந்த மனிதரிடம் ஏன் அய்யா, உங்களுக்கு தேள் கொட்டும் என்பது தெரியாதா?அதை ஏன் காப்பற்ற முயல்கிறீர் தேளின் விஷம் தான் தெரியாதா? அதனிடம் கொட்டு வேறு வாங்கிக் கொண்டிருக்கிறீர் என்றாராம்.

அந்த மனிதர் அதற்கு (துறவி/ஞானி./தவசீலர், /குரு/..பேரில் என்ன இருக்கிறது…சில நேரங்களில் எல்லாம் பேரில் இருக்கிறது…சில நேரங்களில் பேரில் ஏதுமே இல்லை) தேளின் இயல்பு கொட்டுவது, என்னுடைய இயல்பு அதை மீட்டு காப்பாற்ற நினைப்பது என்றாராம். தேளுக்கு அறிவு கிடையாது, நாம் என்ன செய்து வருகிறோம் எனத் தெரியாது எனவே எனைக் கொட்டிக் கொண்டு அது நீரில் அமிழ்ந்து போவதறியமல் செல்ல எண்ணுகிறது…என்றாராம்.

இந்த ராமகிருஸ்ணரின் எளிய கதையை நிறைய பேர் தெரிந்து கொண்டிருப்பீர்கள். அதே போல… அதன் தொடர்புடைய…மற்றொரு சிறு கதை: அவருடையதேதான்.

விஷமுள்ள நல்ல பாம்பு ஒன்று தாம் பரிணாம வளர்ச்சி பெற வேண்டி தமது தன்மையை அற்று பேறு விளங்க வேண்டி என்ன செய்ய வேண்டுமெ என ஒரு துறவியிடம் கேட்க அவரோ யாரையும் தீண்டாதே, யாரையும் கடிக்காதே, யாரையும் தண்டித்து உனது விஷத்தை விரயம் செய்யாதே..அது உனது வீரியத்தை விரையமாக்கிஅவிடும் என்று சொல்லி விட்டு தாம் செல்ல வேண்டிய பாதையில் சென்றுவிட்டாராம்.

பல நாள் கழித்து அதே பாதையில் அவர் திரும்புகையில் வழியோரத்தில் இந்த பாம்பு நகரவும் முடியாமல் உடல் எல்லாம் பொத்தலாகி சேதாரமாகி உயிர் ஒன்றைமட்டும் பிடித்துக் கொண்டு மூச்சு விட்டுக் கிடந்ததாம்.

ஏன் உனக்கு என்ன ஆயிற்று? இப்படி நைந்து கிடக்கிறாயே?உயிர் போகும் நிலையில் இருக்கிறாயே என்றதற்கு:

நீங்கள் சொல்லியபடி நான் யாரையும் கடிக்கவோ, தீண்டவோ/கொத்தவோ, தண்டிக்கவோ முயலக் கூட இல்லை. எந்நிலை தெரிந்த மாந்தர்கள், சிறுவர்கள் கூட முன்னால் எனைக்கண்டாலே பயந்து நடுங்கி ஓடுவார் எல்லாம், எனை சீண்டிப் பார்த்தனர், குச்சி, கோல் கொண்டு தூக்கி சிறுவர் எல்லாம் விளையாடிப் பார்த்தனர். நான் ஏதும் செய்ய வில்லை. சத்தியம் எனது கொள்கையாயிற்றே. அதற்கு நான் உண்மையாக இருக்க வேண்டுமே என இருந்தேன் .

அதன் விளைவாக: எனது சுபாவத்தை நன்கறிந்த அனைவருமே எனை போகும்போதும் வரும்போதும் எனை விளையாட்டுப் பொருளாய், ஒரு உயிராகக் கூட எண்ணாமல் கற்கள் கொண்டு தாக்கி எனது உடம்பு பொத்தலாகி இப்போது நகரவும் முடியாமல் இருக்கிறேன் என்றதாம்.

அடப்பாவி, உனை கொத்தி, தண்டிக்காதே அது உனக்கு பாவமாகி அவர்கள் இறப்புக்கு காரணமாகி விடும் என்று தானே சொன்னேன். அதற்காக அவர்கள் இப்படி செய்யுமளவு உனை ஏதும் செய்யவேண்டாம் என்றா சொன்னேன், கொத்தாமல் சீறியாவது கொத்துவது போல பாசாங்கு செய்திருந்தால் பயந்து ஓடி இருப்பார்களே என்று உபாயம் சொன்னாராம்/.

அதிலிருந்து அந்த நாகம் தனக்கே உரிய சீறலுடன் வாழ அதை துன்புறுத்திய எதிரிகள் எல்லாம் தெறித்து ஓட மெல்ல மெல்ல இந்த பாம்பு உடல் தேறியதாகவும் இராமகிருஸ்ணர் சொல்லுவார்.

அது போல ஒரு கட்சிக்காரர் எல்லாம் சேர்ந்தால் எதிரில் நிற்பார் தனியாக இருந்தால் அநியாயம் நியாயமாகி விடுகிறது. இந்த நாட்டின் சாபக்கேடு பீடை இதுதான்.நிறைய எண்ணிக்கையில் கூடிவிட்டால் கொலை செய்யலாம், கொள்ளை அடிக்கலாம். கேட்பார் இல்லை.

கோவில் பணி என்று எனக்கொரு பொறுப்பை ஒப்படைத்தார்கள். அதில் எனது நேர்மை உண்மை வெளிப்பட உழைத்தேன். அப்படி உழைக்கும்போது கிருஷ்ணன் என்னும் அந்த கோவில் உருவாக காரணமான அந்த நபர்…மூன்று நான்கு முறை நாகரீகமற்ற முறையில் நடந்து கொண்டார். தனிப்பட்ட முறையில் எச்சரித்தும் அவர் மாறவே இல்லை.திருந்துவதாக காணோம்.

கடைசியில் அவரை ஒரு ஒருங்கிணைப்புக் கூட்டத்தில் அதே கோவில் கட்டுமானப் பணிகளின் போது நேரில் அழைத்து எனை அடிப்பதாயிருந்தால் அத்தனை கோபம் உனக்கு என் மீது இருந்தால் வா, இப்போது வந்து அடித்துக் கொள், உனக்கு என்மீது இருக்கும் பொறாமையை போக்கிக் கொள் என சவாலிட்டு அழைத்தேன். அமைதியாக அமர்ந்து கொள் , எனைப் போன்றோர் ஆரம்பித்தோம் என்றால் நீ எவ்வளவு பெரிய பணமுதலையாக இருந்தாலும் தாங்க மாட்டாய் என எச்சரித்தேன். அதன் பின்னும் அந்த கோவிலின் முக்கிய பணிகள் குடமுழுக்கு விழா, அஷ்டலிங்க பிரதிஷ்டை முடியும் வரையிலும் பொது மக்களுக்காக எமது சேவையை பிறர் வேண்டுகோளுக்கு இணங்க தொடர்ந்தேன் உனக்காக இல்லை கிருஷ்ணா என்று சொல்லி விட்டே தொடர்ந்தேன்.

அந்த மனிதர் ஆடிப்போய் அதை அடுத்து சில ஒருங்கிணைப்பு கூட்டங்களில் கலந்து கொள்ள வரவே இல்லை. தனியாக சொல்லி இருந்தால் பரவாயில்லை பொது கூட்டம் ஒன்றிலேயே போட்டு உடைத்து விட்டாரே என அங்கலாய்த்து வந்ததாக கேள்விப்பட்டேன்.

ஆனால் அந்த மனிதர் இன்னும் திருந்தவேயில்லை.பிறவிச் சுபாவம் மாறவேயில்லை. அது அப்படியேதான் சுடுகாடு செல்லும் மட்டும் இருக்கும் என்பது மாறத தெளிவு.

அது மட்டுமல்ல…அதே கோவிலின் முக்கிய பொறுப்பில் இருக்கும் மற்றொரு மனிதரும் இவருக்கு உடைந்தையாய் இருந்தபடியே இவரைப் போலவே எகத்தாளமாய் பண்பின்றி பொய்.புனை சுருட்டு, மரியாதையின்மை, மிரட்டல் விடுக்கும் வண்ணம் நடித்தபடியே மிக கை தேர்ந்த நடிகராய் சீண்டி வந்தார். அவரையும் 3 முறை மன்னித்தேன். மறுபடியும் அவரை ஒரு கணக்கு வழக்கு சமர்ப்பிக்கும் கூட்டத்தில் எதிர் கேள்வி வைக்கலாம் என்றபோது அந்த மனிதரை இந்த கிருஸ்ணன் என்னும் மனிதர் கோழிக்குஞ்சை தமது இறக்கைக்குள் காப்பது போல் காத்து விட்டார். மறைத்து விட்டார். என்றலும் அந்த கூட்டத்தில் அந்த சில்மிஷத்தை வெளிப்படுத்தாமல் விடவில்லை.அவர்செய்த தவறுக்கு இவரை ஏன் திட்டுகிறீர் என இருப்பார் எல்லாம் சமாதானம் செய்து விட்டார்கள்

ஆனால் இந்த இருவருக்குமேதான் அந்த செயல்பாடுகளில் கூட்டு உடன் படிக்கை இருப்பதை நான் உணர்ந்தேன்.

ஆக முடிவுக்கு வரவேண்டியது என்னவென்றால் மனிதர்கள் மற்ற எல்லா ஜீவன்களையும் விட மேலான அதே நேரத்தில் மிகவும் கீழானவர்களாகவும் இருக்கிறார்கள்.

எனவே எம்போன்றோர் இராம கிருஷ்ணர் முன் கதையில் சொல்லியபடி நமது இயல்போடு இருந்தாலும், பின் கதையில் சொன்னபடி பிழைப்பதற்காக சீறத்தான் வேண்டியிருக்கிறது கடிக்க, கொத்த எண்ணமில்லை என்றாலும் நல்ல பாம்பாக….

மறுபடியும் பூக்கும் வரை..
கவிஞர் தணிகை

குரான் இருக்கான்னு கேக்காதீங்க,குரான் குடுங்கன்னு கேளுங்க:-கவிஞர் தணிகை


 

 

குரான் இருக்கான்னு கேக்காதீங்க,குரான் குடுங்கன்னு கேளுங்க:-கவிஞர் தணிகை
டீ இருக்கான்னு கேக்காதீங்க, டீ குடுங்கன்னு கேளுங்க,அப்படீங்கற மாதிரி எமது குரானின் தேடலுக்கு சேலத்து முகமதியர் வீதியில் ஒரு குரானை ஹதியா:ரூ.150க்கு விலைக்கு வாங்கினேன். அது குரான் தர்ஜமா.ஏழாம் பதிப்பு: ஈஸவி 1996 மார்ச் . 611 பக்கம் தமிழ், 611 பக்கம் அரபி + 195 பக்கம் அது பற்றிய விளக்கங்களுடன்.

ஈத் பெருநாள், ரம்ஜான் நோன்பு இப்படி எல்லாம் முக மதியர்கள்…மதி – சந்திரனை அடிப்படையாகக் கொண்ட முகத்தினர் கொண்டாடும் இந்த பெருநாளில் எல்லோரும் கொண்டாடுவோம்,எல்லாரும் கொண்டாடுவோம் அல்லாவின் பேரைச் சொல்லி நல்லோர்கள் வாழ்வை எண்ணி எல்லாரும் கொண்டாடுவோம் என்ற இனிய பாடல் டி.எம்.எஸ் + நாகூர் ஹனீபா குரலில் பாவமன்னிப்பு படத்தில் சிவாஜியின் வாயசைப்பு நினைவுகளுடன் காலை எ.ப்.எம் முதல் பாடலாக ஒலிக்கக் கேட்டேன். எவ்வளவு நல்ல தத்துவமாக இந்த சினிமா பாடல் உள்ளது

இந்த நாளில் இவர்கள் வயிற்றுக்கு உணவில்லாத எளியவர்களின் கஷ்டத்தை வேதனையை உணரவும் பகல் முழுதும் எச்சில் கூட விழுங்காமல், நீரும் பருகாமல், எந்த உணவும் உண்ணாமல் இருந்தும் தர்மத்தை வறியவர்க்கு ஈந்த பிறகே அவர்கள் இவர்களுக்காக் துவா செய்த பிறகே இவர்கள் உணவுண்டு நோன்பை ஈடேற்றி இன்றைய ஈத் பெரு நாளான ரம்ஜான் நோன்பை முடித்துக் கொள்வதாகவும் இருக்கிறது. கொண்டாடுவதாகவும் இருக்கிறது.

தியானம் செய்த 10 ஆண்டுகளுக்குப் பிறகு, சில ஒலி யற்ற வார்த்தை அறிகுறிகள் பிற்காலம் பற்றி கிடைக்க ஆரம்பித்தது உண்மைதான். இது ஆராயத்தக்கது எனவே இந்த மதத்தில் சொல்லப்பட்டுள்ள முகமதி நபிக்கு கிடைத்த வஹி என்னும் இறைச் சொல் இவருக்கு எப்படி என்ன என்ன கிடைத்திருக்கும் என தேடல் நடத்தும் முகமாக குரானை தேட ஆரம்பித்தேன்.அது முதல் குரான் எமக்கு பரிச்சயமாயிற்று எனச் சொல்லலாம். ஏறத்தாழ அது எம் வீட்டில் 20 ஆண்டுக்கும் மேலாக பயன்பாட்டில் இருக்கிறது என்றே சொல்லலாம்.

இந்த பைபிள், குரான், கீதை, புத்தம், ஜைனம், போன்றவற்றை எல்லாமே ஒப்பிட்டு ஒரு நூலை நம்மால் கொண்டு வர முடியும் என எண்ணியபடியே காலம் கழிந்த படி இருக்கிறது.

பொதுவாகவே இந்த மதம் சார்ந்த அடிப்படைகள் யாவுமே ஒவ்வொரு தனித்தன்மை சார்ந்த தனி மனித குணாம்சத்தை ஒட்டியவாறு நன்மையோ தீமையோ செய்கிறது என்பதுதான் எமது எண்ணமும்.

அதற்கு மேல் அவற்றை வண்ணங்கள் பூசி பார்க்க வேண்டிய தேவையில்லை. எல்லாவற்றிலும் குறை நிறைகள் காணப்படுகின்றன. அதில் முக்கியமாக் முகமதியத்தை நாம் குறை சொல்ல ஆரம்பித்து விட்டால் எமது இரண்டு நண்பர்களுக்கு கோபமே வந்துவிடுகிறது. அவ்வளவு நேசிப்பாளர்கள் வேறு மதத்திலும் இதற்கு இருக்கிறார்கள்

இந்த அனுபவத்தை எமது பதிவுகளை காலமெல்லாம் தவறாமல் படித்திருப்பார் ஒருவேளை ஏற்கெனவே படித்துமிருக்கலாம். ஆனால் இந்த நாளில் அதை மறுபடியும் மீள் பதிவாக இல்லாமல் வேறு வடிவத்தில் பதிவு செய்கிறேன். இதைக் கண்டு யாரும் கவலை , கோபம் கொள்ள அவசியமில்லை.

இந்த மதத்தின் அடிப்படையில் விளந்த ஐ.எஸ்.ஐ.எஸ் நேற்றைய செய்தியில் கூட குழந்தைகள் மீது வெடிகுண்டை கட்டி வைத்து வெடித்து அந்த பூக்களின் உடலை சிதற அடித்து பயிற்சி செய்ததாக இந்த ரம்ஜான் சிறப்பு செய்தி.

சரி நமது கதைக்கு வருவோம்.: நாம் இல்லை— நான் தேடினேன். குரான் படிக்க தமிழ் மூலம் படிக்க எங்கு கிடைக்கும் என. முதலில் பக்கத்து வீதியில் ஒரு முகமதியர் வீட்டில் கேட்டேன் .அந்த பெண் , நாங்கள் கொடுக்க மாட்டோம், அது புனிதமானது. அதை நாங்கள் கைகால் கழுவி, குளித்து முடித்து அதற்கு என்று உரிய நேரத்தில் வைத்து ஓதி தொழுகை நடந்துவோம் என்றார்.அப்போது தபால் வழிய்ல் இஸ்லாம் அகாடமி மூலம் எமக்கு நூல்கள், எழுத்துகள் வந்து கொண்டிருக்கும் . அவற்றை படித்து திருப்பி அனுப்பினால் மீண்டும் புதிதாக ஏதாவது அனுப்புவார்கள் அந்த சென்னையில் உள்ள இஸ்லாம் அகாடமி அந்த கோர்ஸ் முடியும் தருவாயில் ரோஜா மலர்கள் போட்ட ஒரு நல்ல புத்தகத்தை எனக்கு அன்பளிப்பு செய்தார்கள். அதை அந்த முகமதிய வீட்டுக்கு கொடுத்தேன் அவர்கள் எனக்கு அதை திருப்பித் தரவேயில்லை.

பக்கத்து ஊரில் உள்ள தர்காவுக்கு அங்கே பள்ளிக்கூடமும் நடத்தப்படுகிறது.பள்ளி வாசல் தர்கா, மசூதி இவை யாவற்றுக்கும் சில நுணுக்கமான வேறுபாடுகள் உண்டா? யாவும் ஒன்றுதானா?இதெல்லாம் நமக்கு இப்போது மறந்து விட்ட செய்திகள்.

அந்த மௌல்வி,/ அந்த சாயபு,/ அந்த ஆசிரியர் ஒரு மாதிரியாக பார்த்தார் ஏதுமே சொல்லவில்லை எமக்கு குரான் வேண்டும் படிக்க என்றதற்கு. அந்த கோரி கோயில் எனப்படும் காவிரி ஆற்றங்கரை ஓரத்தில் தாழ்வான பகுதியில் ஏகப்பட்ட நிலத்தை வளைத்து ஆக்ரமிக்கப் பட்டுள்ள இடம் மிகவும் பிரசித்தமானது . இங்கு அனைவருமே குழந்தைக்கும் நோயாளிகளுக்கும் பெண்களுக்கும், பெரியவர்களுக்கும் தேவையுள்ளவர்களுக்கும் பாடங்கள் போட்டு , எந்திரம் எனப்படும் தாயத்து மந்திரித்து கட்டி பிணி அகற்ற முயல்வர். நல்ல பேர் இருந்தது. நாம் சிறுவராய் இருக்கும்போதிருந்த போதே அது போன்ற நடவடிக்கைக்காக தேவையின் பாற் பட்டு சில முறை சென்றதுண்டு.

ஆனால் இப்போதெல்லாம் அப்படி வேண்டி செல்வாரை உச்சி பார்த்து வாயால் ஒரு ஊது விட்டு திருப்பி அனுப்பி விடுகிறார்கள் அவ்வளவுதான் என. எல்லாமே இப்போது இந்த காரணம் பற்றி திருப்தி இன்றி பேச ஆரம்பித்து விட்டனர். பள்ளி நடந்தபடி இருக்கிறது. இவர்கள் கோவில் வலுவடைந்து கொண்டே இருக்கிறது.

அடுத்து அன்றாடம் சைக்கிளில் பழைய சாமான் வாங்க வரும் ஒரு முகமதியரிடம் குரான் வேண்டும் எனக் கேட்டேன் அவர் அதில் எல்லாம் கவனம் உடையவராய் தெரியவில்லை.பிழைப்பே அவருக்கு பெரும்பாடு.அவருக்கு அது பற்றி தெரியவில்லை.அக்கறையும் இல்லை அவருக்கும்.

அடுத்து பெயிண்டிங்க் பணி செய்யும் ஒரு கான் எனப் பேர் வரும் நபரையும் அது பற்றி கேட்டேன் பயனில்லை .

இப்படியே விசாரித்து எப்படியோ அது சேலத்தில் உள்ள இவர்களின் கடைவீதியில் கிடைக்கிறது எனத் தெரிந்து கொண்டு வாங்க சென்றேன். அப்படியே அவர்கள் குடியிருக்கும் குடியிருப்பு வழியே நடந்து சென்றேன். அவர்கள் எனை அந்நியராக பார்த்தார்கள். நாம் இருப்பது இந்தியாவில் தானா என சந்தேகம் வரும் அளவு அந்த சுற்றுப்புறச் சூழல் வேறுபட்ட அணுகு முறையில் இருந்தது.

கடைப்பகுதிக்கு சென்றேன், ஒருவரிடம் குரான் கிடைக்குமா? ஏன் எனில் நமை போன்றோருக்கு எல்லாம் விலைக்கு தருவார்களா என்ற சந்தேகத்துடன் கேட்டேன். அவர் கடையில் சிறிது நேரம் அமர்ந்து பேசிக் கொண்டிருந்தேன். அவர் கடைப்பையன் சென்று எடுத்துவருவதற்குள்…மற்றொரு கடைக்காரர் கொண்டு வந்து கொடுத்து விட்டார்…விலையை கொடுத்தேன் எனக்கு வெட்கமாக இருந்தது…இன்னொருவரிடம் சொல்லி அவர் வருவதற்குள் இவரிடம் வாங்கி செல்கிறோமே என கூச்சமாக இருந்தது…ஆனால் இதெல்லாம் வியாபரம் இதில் இது எல்லாம் வெகு சகஜம் என்றபடி அவர்கள் சொல்லி விட்டனர்.

“நேற்று ஒரு தேநீர்க் கடையில் நடைப்பயிற்சியின்போது கவனித்தேன்…ஒரு தம்பி, சென்று டீ கிடைக்குமா எனக் கேட்டார், அதற்கு அந்த டீக்கடைக்காரர் டீ வேண்டும் எனக் கேளுங்கள், டீ கிடைக்குமா எனக் கேட்காதீர்கள் என்றார்.” அப்போது பார்த்தல் டீ இருக்குமா தீர்ந்து விட்டதா? எனத் யூகிக்க முடியா வேளை…அது சுமார் 7 மணி இருக்கலாம்.

அப்போதுதான் எனக்கு இந்த கடைக்காரர், குரான் கிடைக்குமா எனக் கேட்காதீர், குரான் வேண்டும் எனக் கேளுங்கள், கிடைக்கும் என்ற சொல் நினைவு வந்தது. மேலும் ஆடி முதல் வெள்ளி என ஒரு இனத்தால் பார்ப்பனர் அல்லாத ஒருவர் ஏகப்பட்ட மந்திரங்களை சமஸ்கிருதத்தில் ஒலிபெருக்கியில் மொழிந்து கொண்டிருந்தார்.அந்த தம்பி எனக்கு நன்கு தெரிந்தவர். நல்ல பயிற்சி எடுத்திருக்கிறார் போலும். நன்றாக சம்பாதிக்க வழி வாழ்வில் செய்து கொண்டு விட்டார். பரவாயில்லை.

எனக்கு ஒரு பூனையை வைத்து மிமிக்ரி செய்த நண்பர்களின் குரல் போலவே அது தோன்றியது. அதில் அந்த பூனை சொல்கிறது..: சீக்கிரம் வாருங்கள் ஆண்டவரே…பஸ்ஸில் வராதீர்கள் மெட்ரோ ட்ரெயினிலாவது வாருங்கள் ஆண்டவரேஎன…இங்கு டாஸ்மாக்கில் குடித்து விட்டு அலைந்து திரிந்து பிச்சை எடுக்கிறார் ஆண்டவரே… ரோட்டில் கிடக்கிறார்கள் ஆண்டவரே அவர்களை எல்லாம் காப்பாற்ற சீக்கிரம் வாருங்கள் ஆண்டவரே என்கிறது…

பாகிஸ்தான் எல்லையில் இந்தியர்கள் கொடுத்த ரம்ஜான் இனிப்பை பாகிஸ்தானிய சகோதரர்கள் வாங்க மறுத்த இன்றைய செய்தியுடன்

மறுபடியும் பூக்கும்வரை
கவிஞர் தணிகை.

அரசுக்கும் நீதிக்கும் என்ன ஆயிற்று? டாஸ்மாக் மக்களுக்கு எதிராயிற்றே?கவிஞர் தணிகை


 

அரசுக்கும் நீதிக்கும் என்ன ஆயிற்று? டாஸ்மாக் மக்களுக்கு எதிராயிற்றே?கவிஞர் தணிகை
உயர்நீதி மன்றம் அரசின் கொள்கை முடிவான மதுவிற்பனை பற்றி எந்த தீர்ப்பும் சொல்லமுடியாதாம்.இளையோர் படை மதுக்கடைகளை அடித்து நொறுக்கி துவம்சம் செய்து வரும் நிலையை செய்திகளில் காணும் நிலையிலும் காவல்துறை மதுக்கடைகளுக்கு காவல் செய்யும் நிலையிலும் மக்கள் வெகுண்டு எழுந்து கொண்டிருக்கிறார்கள்.

தி.மு.க கலைஞரோ, ஸ்டாலினோ வரும் தேர்தலில் மதுக்கடைகளை விலக்குவோம் என்று இதுவரை சொல்ல வில்லை. ஆளும் அதிகார ஆட்சி அ.இ.அ.தி.மு.க அரசோ மக்களின் எழுச்சி பற்றி கண்டு கொள்வதாய் இல்லை.

ஆனால் ஆங்காங்கே பெண்களும், இளைஞர்களும் பேருந்து நிலையம் அருகே இருக்க இந்த அசிங்கம் எதற்கு? பள்ளி கல்வி நிறுவனங்கள் அருகாமையில் இந்த அருவருப்பூட்டும் அரக்கர்களின் கடை எதற்கு என்று ஆங்காங்கே போராடி வருவதை செய்தி ஊடகங்கள் வாயிலாக காண முடிகிறது பரவலாக அதிகமாகவே. தற்போது.

பா.ம.க மதுக்கடைகளை எடுப்போம் தாம் ஆட்சிக்கு வந்தால் என்கிறது. ஆனால் இவர்கள் மாநாடு நடக்கும் இடங்களில் கூட்டம் நடத்தும் இடங்களில் மது விற்பனை கூடுவதாக பரவலான ஒரு குற்றச் சாட்டு நிலவுகிறது.

ஊருக்கு விரல் விட்டு எண்ணக் கூடிய அளவிலான எண்ணிக்கையுள்ள உறுப்பினர் கொண்ட பி.ஜே.பி கட்சி கூட தமிழகத்துக்கு புதுக் கட்சியாக இருந்தும் இதன் தலைவி கூட நாடெங்கும் இதற்காக போராடுவோம் என அறிவித்துள்ளார்.

தேமுதிக விஜய் காந்த் கூட எதிர்கட்சி தலைவராக இருக்கிறார்?!..டாஸ்மாக் கடைகளை எடுத்தே தீருவேன், அதற்கு அம்மா டாஸ்மாக் கடை என பேர் வைக்கலாமே என்றெல்லாம் கூறிவருகிறார். அதை மறந்து விட மாட்டார் என நம்புவோம்.

காங்கிரஸ் நிலை,கம்யூனிஸ்ட் நிலைபாடுகள் பற்றி எல்லாம் இன்னும் வெளிப்படையாக தெரிவிக்க வில்லை.அல்லது அடியேன் செய்திகளை கவனிக்காமல் இருந்து அவை எனது கவனத்துக்கு எட்டாமல் தப்பியிருக்கலாம்.

சீமான் இயக்கமான நாம்தமிழர் இயக்க இளைஞர்களில் நாலைந்து பேர்,காமராஜர் பிறந்த நாளை கொண்டாடி விட்டு திடீரென மதுக் கடையில் உள்ளவரை வெளி அனுப்பி விட்டு புகுந்து நொறுக்கி உள்ளனர். அவர்களுக்கு வலைப்பின்னல் ஊடகம் வெகுவான ஆதரவை வெளிப்படுத்தி உள்ளது. அவர்கள் போல் 4 பேர் ஒவ்வொரு ஊரில் இருந்து புறப்பட்டாலும் இந்த அரசு டாஸ்மாக் நடத்துவது கேள்விக்குரியதாகிவிடும். அந்த இளம் சிங்கங்களை நாமும் வாழ்த்துகிறோம். எமது ஒவ்வொரு அணுவிலும் அவர்களுக்கு ஆதரவு இருக்கிறது அவர்கள் போலே நாமும் செய்ய வேண்டும் எனத் துடிக்கிறது.

எமக்கு ஆக்கிப் போட்டு எமை காப்பாற்றி வரும் எம்மை பிடித்து வரும் ஒரு கொடி வலுவாக இதற்கெல்லாம் அனுப்ப மாட்டேன் செல்ல அவசியமில்லை எனத் தடுத்துவருவதுதான் வேதனை.

மக்கள் அதிகாரம் என்ற இளைஞர் அமைப்பும் அதற்கான குறிக்கோளுடன் பயணம்நடத்த தயாராகி வருகிறது என்கின்றனர் .

உண்மையிலேயே இந்த மதுவின் வருமானம் இல்லையெனில் ஆட்சி நடத்த வருவாயே இல்லையா? அந்த வருவாவயை ஈடு கட்டி வரவு செலவு திட்டம் சமர்ப்பிக்க முடியாதா? என்றால் எல்லாம் முடியும். ஆனால் மக்கள் சிந்தனையாளர்களாய் மாறி விடக்கூடாது என்பதில் இந்த நாட்டின் பிரதானக் கட்சிகள் தீர்மானமாய் இருக்கின்றன.

சேலம் அருகே ஒரு இடத்தில் உள்ளே பணியாளர்களை வைத்தே மதுக்கடைக்கு பூட்டு போட்ட வழக்கில் கைதான ஆண் பெண் உட்பட 12 பேரையும் முன் குற்றம் ஏதும் செய்யாமல், இந்த குற்றம் செய்தோம் என ஏற்றுக் கொண்டதாலும் முதல் குற்றமாயும் இருப்பதாலும் எந்த வித வழக்கும் பதிவு செய்யாமல் தண்டனையும் தராமல் அவர்கள் அனைவரையும் விடுவித்து உள்ளனர். ஆனால் அவர்கள் அதற்கு செய்த செயலுக்கு மன்னிப்பு கேட்டுள்ளனர். ஏற்க முடியவில்லை

கல்லூரி மாணவிகள் மது விலக்கு செயல்பாடுகளில் ஈட்பட்டதற்கு, காவல்துறையினர் அவர்கள் மேல் கடுமையாக ஏசி சிறைக்கு கொண்டு சென்றிருக்கின்றனர்.எதற்கு எதற்கு காவல் செய்ய வேண்டுமோ அதை எல்லாம் விட்டு விட்டு அதற்கு எதிரானவைகளுக்கு இவர்கள் காவல் செய்வதும் அரசு ஆணை என்பதும், அதை நீதிமன்றம் கொள்கை முடிவு என்பதும் கேலிக்கூத்தானதாயிருக்கிறது.

நீதிபதியும், வழக்கறிஞர்களுமே தலைக்கவசம் அணியாமல் சென்று இருப்பதும், அதற்கு எதிராக வழக்கறிஞர்கள் தலைக்கவசத்தை உடைத்து போராடுவதும் நீதிமன்ற அவமதிப்பு நடவடிக்கை இல்லையா? உச்ச நீதிமன்றம் நெடுஞ்சாலை டாஸ்மாக் கடைகளை மூடச் சொல்லி ஆண்டுக்கு மேல் ஆனபிறகும் அது பற்றி தமிழரசு நடவடிக்கை எடுக்காதிருப்பது நீதி மன்ற அவமதிப்பு இல்லையா?

பன்றியின் காலில் வைரம் இடறினாலும் அது வைரம் என்று அவை அறியாது என்பார் பைபிளில். அது போல ஒரு அருமையான ஆட்சியை ஆள கையில் மக்கள் வாக்களித்தும் அதில் இது போன்ற டாஸ்மாக் மதுபானக் கடைகளை நடத்தி வரும் கட்சியும், ஆட்சியும், அரசும் அந்த ஆட்சியின் முறையின் மதிப்பறியாததே என்பதில் அய்யமில்லை.

ஒழுக்கமற்ற பெண்ணின் மின்னும் வைர மூக்குத்தி என்பது பன்றியின் முக்கில் உள்ள வைரக்கல் மூக்குத்தி என்பதும், பன்றி வாலில் கட்டிய பட்டுக் குஞ்சம் என்பதுமான இது போன்ற வாசகங்களை நிறைய பைபிள் சொல்வது இன்றைய நடைமுறைக்கும் ஆட்சி முறைகளுக்கும் பொருந்துவனவாக உள்ளது.

மாநிலத் தேர்தலுக்கு ஒரு ஆண்டு கூட இல்லா நிலையில் எந்த கட்சியாவது உண்மையிலேயே இந்த சம்பவத்தை கையில் எடுத்து உண்மையிலேயே டாஸ்மாக், மது ஒழிப்பு முறைக்கு போராடுமானால் அவர்கள் கூட ஆட்சிக்கு வர வாய்ப்புள்ளது.

எந்த நிலையிலும் யாருக்கும் வாக்களிக்காத எம் போன்றோர் இந்த ஒரு கோரிக்கையை செம்மையாக செய்வாருக்கு வாக்களிக்கவும் தயாராக உள்ளோம். மேலும் இந்த மது விலக்கு பிரச்சனையை கையில் எடுக்கும் எந்த கட்சியாய் இருந்தாலும் அதை யாம் ஆதரிக்க கடமைப்பட்டுள்ளோம்.

மேலை நாடுகளில் எல்லாம் பன்றிகள் கூட மலம் தின்று வளர்வதாக இல்லை. அந்த மாந்தர்கள் மலம் கழித்த பிறகு நாப்கின் துணியால் துடைத்து போட்டு, கால் கழுவாமல் வாழ்ந்த போதும். இந்திய பன்றிகள் சேற்றில் உழன்றபடி கழிவுகளையே உண்டு வளர்கிறது வாழ்கிறது எனவே அவை நமக்கு பார்க்க அசிங்கமாகத் தெரிகிறது.

உண்மையில் நண்பர்களே 2 நாளுக்கு முன் தினகரன் நாளிதழில் இது தொடர்பான ஒரு பக்கம் முழுதுமான அருவருப்பூட்டும் படிக்கும்போதே துர்நாற்றமெடுக்கும் குடலை பிடுங்கும் வீச்சையுடனான செய்திகளை வெளியிட்டது அந்த நாளிதழ்.எப்படி நமது டாஸ்மாக் அரசு மதுபானக் கடையும் அதன் பார்களும் சைட் டிஸ் செய்யும் இடங்களும், அங்குள்ள கழிப்பறைகளும், அதை மேலாண்மை செய்ய வரும் அரசு அதிகாரிகளின் மெத்தனப்போக்கும், காலாவதியான மதுவைக் கூட எப்படி விற்கிறார்கள் அதைக் குடித்த இந்த ஈக்கள் எப்படி பேதி, வயிற்று வலி வாந்தி போன்றவற்றில் உடல் கிடத்தி கிடக்கின்றன..அவற்றின் சுத்தம் சுகாதாரம் எல்லாம் எப்படி உள்ளது என்பது பற்றி எல்லாம் எழுதி இருந்தார்கள்…சகிக்கவில்லை.

அங்கேயே எச்சில் துப்பிக் கொண்டு, சிறுநீர் மலம் கழித்தல் சுத்தமின்றி அங்கேயே குடித்தபடி, அந்த குடிகார குடிமகன்களாலேயே அதை தாக்குபிடிக்க வழியின்றி மூக்கை பிடித்தபடி போய்க் கொண்டு, அதன் பார் வசதிகள் எந்நிலையில் உள்ளன , சமையல் செய்து கொடுக்கும் தின்பண்ட அறைகள் எப்படி உள்ளன என்பது பற்றி எல்லாம் எழுதி இருந்தனர்..அந்த சகிக்க முடியாமையே இந்த பதிவுக்கு காரணம்.

மனிதர் எவருமே புழங்க முடியா இடங்கள் இவை. பன்றிகள் கூட தெரியாமல் தான் சுய நினைவு இன்றிதான் சாக்கடையில் கழிவு நீரோடையில் கழிவுப் பிரதேசங்களில் வாழ்கின்றன இந்தியாவில்.இப்படி இருக்கும்போது இந்த மனிதர்கள் சுய நினைவு 6 அறிவு உள்ளதாக சொல்லும் மனிதர்கள் அந்த பன்றிக் கூட்டத்தை விடக் கேவலமாக எப்படி இப்படி வாழ்கின்றனர் அருந்தி களிக்கின்றனர், கழிக்கின்றனர் என்பது மிகப்பெரும் கொடுமையான கேள்வி.

சொல்லி விட்டால் அவர்களின் பகையை யாராலுமே ஆம் யாராலுமே தாங்க முடியாது. இவ்வளவு சொல்லும் அந்த தி.மு.க சார்ந்த ஏடு அதை நடத்தும் அ.இ.அ.தி.மு.க அரசை தான் குறை சொல்லி இருக்கிறதே ஒழிய : ஸ்டாலின்,கலைஞர் போன்றோர் நாவால் இன்னும் அடுத்த அரசு எங்களுடையதானால் நாம் மதுக்கடைகளை எடுப்போம் என சொல்லக் காணோம் என்பது அவர்கள் செய்யும் அரசியல்.அவர்கள் தான் இதற்கெல்லாம் பிள்ளையார் சுழி போட்டவர்களாய்ற்றே.

மேலும் இப்படிப்பட்ட மதுக்குடியர்களை நாம் பேசும்போது, சில நல்ல நண்பர்களும் கோபித்துக் கொள்கிறார். பெரும்பாலான நாடுகளில் எல்லாம் வெளியே கடைகளில் ஓப்பனாக, சூப்பர் மார்கட்களில் எல்லாம் மது விற்பனை உண்டு. இங்கு குடி நீர் விற்பனை போல..ஆனால் அவர்கள் எல்லாம் அப்படியா என்கிறார்கள்.

மதுவை கலந்து புற்று நோய்க்கு மருந்து தயாரித்துள்ளனர் பிரேசில் மருத்துவர்கள். மது பல இடங்களில் மருந்தாகவும் இருப்பதை மறுப்பதற்கில்லை. யாம் சொல்ல வருவது பாதுகாப்பு படைகளுக்கு தனியாக மதுச் சலுகை இருக்கும் வரை இந்த நாட்டில் பூரண மதுவிலக்கு என்பதே வராது அந்த கருத்தில் தெளிவாக இருக்கிறோம்.

ஆனால் இந்த மதுவால் நடைபெறும் தீச்செயல் இந்த தமிழகத்தில் சொல்லிமாளாது. சொல்லில் சொல்ல வழியில்லை. நடக்கும் பெரும்பாலான குற்றங்களுக்கு எல்லாம் மதுவின் பின்னணி இல்லாமல் இல்லை.

 

இரு சக்கர வாகனத்தை தலைக்கவசம் போட்டு ஓட்டச் சொல்லிய நீதிபதி, மதுக்குடித்து விட்டு தலைக்கவசம் போட்டு ஓட்டும் நபர்களை என்ன சொல்லி தடுக்கப் போகிறார். என்னதான் ஒரு பக்கம் வாகனம் மது அருந்தி விட்டு ஓட்டக்கூடாது என ஒரு பக்கம் காவல்துறை நடவடிக்கை வாயை ஊதச் சொல்லி எடுத்தபோதும் மற்றொரு பக்கம் மதுக்கடைகளுக்கு காவல் இருக்கிறதே எப்படி இந்த இரட்டை நிலை எடுக்கும் அரசை நல்லவர்கள் ஆதரிக்க முடியும்?

சுமார் 15 ஆண்டுக்கு மேல் மதுவின் போதைக்கு ஆட்பட்டு விட்டார். குழந்தைகளும் மகளிரும் பள்ளிப் பிள்ளைகளும் கல்லூரி இளைஞரும் இதன் அடிமைகளாகிக் கிடக்கிறார். மதுக் கடையை எடுக்கும் அதே நேரத்தில் நாம் இந்த மது அடிமைகளுக்கு எல்லாம் மறு வாழ்வு மையம் ஏற்படுத்தி முதலில் இவர்களுக்கு மருத்துவம் செய்ய வேண்டிய கடமையும் இருக்கிறது என்பதையும் நாம் நினைவு கொள்ள வேண்டியது அவசியம். ஏன் எனில் இல்லையெனில் இந்த போதை அடிமைகள் உடனே இறந்து போவிடுவார்கள். அல்லது மனநிலை பாதிப்படைந்து சமூகத்தின் அன்றாட வாழ்க்கைக்கு பெரும் தொந்தரவாய் ஊறு விளைவித்து விடுவார்கள்.

மறுபடியும் பூக்கும் வரை
கவிஞர் தணிகை.

பி.கு: காலை முதல் இங்கு மின்நிறுத்தம். மாலை 3.30 மணிக்கும் மேல்தான் மின்சாரம் திரும்பியது.

பேச்சும் எழுத்தும்: கவிஞர் தணிகை


 

பேச்சும் எழுத்தும்: கவிஞர் தணிகை
உலகையே ஒரு குடையின் கீழ் கட்டி ஆள ஆசைப்பட்ட ஹிட்லர் தமது பேச்சையே மூலதனமாகக் கொண்டிருந்தார் வேறு ஒன்றும் பெரிதாக அவரிடம் சொத்தோ சுகமோ இல்லை.ஆனால் கடைசியில் சைனடு கொடிய விஷம் சாப்பிட்டும்– அதை சாப்பிட்டால் உடனே மரணம் என அறிந்தும் தற்கொலைக்கு இரண்டாம் உறுதிப் படுத்தலாக சுட்டுக் கொண்டும் இறந்தார் என்பது சரித்திரம்.

இவர் எழுதிய மெய்ன் கெம்ப் அல்லது மை ஸ்ட்ரக்கிள் என்ற ஆங்கில புத்தகத்தை ஒரு முக்கிய இலக்கியத் தர வரிசையில் கொண்டிருக்கிறது படைப்புலகம், இந்நூல் பற்றி எழுதுவது இந்த பதிவு நோக்கமல்ல.

சில பேச்சாளர்கள் அருமையாக பேசுவார்கள், ஆனால் எழுத மாட்டார்கள் அவ்வளவு பிரபலமாக அவர் எழுத்துகள் இருக்காது. சில எழுத்தாளர்கள் அருமையாக எழுதுவார்கள் ஆனால் அவர்களுக்கு மேடையில் பேசவே தெரியாது.திரு.வி.க தமிழ் தென்றல், டாக்டர் மு.வ , டாக்டர் இராதாகிருஷ்ணன், ஜெ.கே பிலாசபர் போன்றோர் பேச்செல்லாம் கேட்க நமக்கு கொடுத்து வைக்க வில்லை என்றாலும் அவர்களின் எழுத்தை படிக்க முடிந்தது. எப்படி பேசியிருப்பார்கள் என ஊகிக்க முடிகிறது . ஞானிகள் ஞானிகள்தான். மேன் மக்கள் மேன் மக்கள்தான்.

ஆனால் சில அரிய மனிதர்கள் பேசுவதும், எழுதுவதும் கை வந்த கலையாய் செய்கிறார்கள்… அனைத்துக்கும் புத்தகங்கள் காரணங்களாக இருக்கின்றன.

மொழி மீறி செய்யபப்டும் நுண்கலைகளான ஓவியத்தை கூட எழுதுகிறார்கள் என்றே ஒரு சொல்லாட்சி உண்டு.(ஓவியம் எழுதுகிறார்கள்?..வரைகிறார்கள் என்று இருந்தபோதும்..)சிற்பம் செய்கிறார்கள், சிற்பம் செதுக்குகிறார்கள் , சினிமா எடுக்கிறார்கள் என்ற எல்லாவற்றுக்குமே பேச்சும், எழுத்தும் அடிமூல நாதங்களாக அடிப்படையாக அமைந்து இருப்பதை மறுப்பதற்கில்லை.

இந்த வலைப்பின்னல் நமக்கு மார்ட்டின் லூதர் கிங் பேசுவதை அப்படியே தருகிறது. நமது தமிழில் பல்வேறு துறை சார்ந்த பிரபலமாக விளங்கும் சிகரம் ஏறிய பலரின் பேச்சுகளை அப்படியே பதிவிட்டு நமக்கு எப்போது வேண்டுமானாலும் எடுத்து கேட்கப் பார்க்க செய்யும் வசதி தருகிறது.

சிவகுமார், வைரமுத்து, முனைவர் ஞானசம்பந்தன்(அடேங்கப்பா இந்த மனிதர்தான் எத்தனை நூல்களை படித்திருக்கிறாரோ சும்மா கடல் போல் உதாரணங்கள் பொங்கி வழிகின்றன)சுகி சிவம், இப்படி எவ்வளவோ கனவான்கள் பேசும் பேச்சு நல் இளைஞர்க்கு வாழ்க்கையில் உத்வேகம் அளிக்கும். தென்கச்சி சாமிநாதன் இன்றொரு தகவல் இன்னும் கேட்க சுகமானதாகவே இருக்கிறது அவர் இல்லாத போதும் .அவர் எல்லாம் இல்லை என எப்படி சொல்ல முடியும்.

சிறுவயதில் சொல்லின் செல்வர் : ஈ.வி.கே.சம்பத் பேச்சை கேட்டதுண்டு. அதெல்லாம் காலப்பெட்டகத்தில் பதிக்கப்பட்டுள்ளதா என தெரியவில்லை. சொல்லின் செல்வர் என்று ரா.பெ. சேதுப்பிள்ளை அவர்களையும் சொல்வார்கள்.இராமாயணத்தில் சொல்லின் செல்வரென்று சுந்தர காண்டத்தில் அனுமனுக்கும் பெயர் உண்டு.

சொல்ல மறந்தது: சுவாமி விவேகானந்தா ஒரு நல்ல பேச்சாறறல் உடையவர். அவரது சரித்திரமே அதற்கு சான்று. அதற்கு மதம், காவி முலாம் பூசுபவர் பற்றி யாம் கவலைப்படாது இதை சொல்கிறோம்.

கிருபானந்த வாரியார் ஆன்மீகச் சொற்பொழிவுக்கு பேர் பெற்றவர். குரல் குழந்தை போல கொழ கொழ என தழு தழுத்தாலும் அவருக்கென ஒரு இரசிகர் கூட்டம் இருந்தது. பக்திப் பரவசத்தால் பெண்களையும் ஆட் கொண்டு விடுவார் தம் பேச்சில்.ஆனால் கீரன் என்னும் சிங்கக் குரலோன் இவரை விட திறம் படைத்த மாற்றுத் திறனாளி பேசிப் பேசியே கர்ஜித்து கர்ஜித்து, உணர்ச்சி வசப்பட்டே இந்த சிங்கம் நீடித்த நாட்கள் வாழவில்லை என்றே எண்ணுகிறேன்.

அறிஞர் அண்ணா, கலைஞர் கருணாநிதி வைகோ போன்றோர் சமூக அரசியல் மேடைகளில் பேசினால் அதை கேட்க கட்சி சார்பற்ற ஒரு இரசிகர் கூட்டம் இருக்கிறது. அறிஞர் அண்ணாவின் ராஜ்யசபா பேச்சை ஆங்கிலத்தில் புத்தகமாக கூட பதித்திருக்கிறார்கள். பிரதமர் நேரு கூட இவர் பேசுகிறார் என்றால் வாயைத் திறந்து பார்த்து பாராளுமன்றத்தில் இவரது பேச்சில் மூழ்கி இலயித்துக் கிடப்பாராம்.

 

இவரது ஆங்கில மொழி அறிவும் தமிழ் செம்மாந்தப் புலமையும் இவரை எழுத்தாளர் கல்கி கிருஷ்ணமூர்த்தி வாயிலாக முதன் முதலில் “அறிஞர்” பேரறிஞர் என்றெல்லாம் பெருமைப்பட வைத்ததாக வரலாறு. ஆசு கவி என்பது போல எந்த தலைப்பிலும் உடனடியாக அவ்வப்போது மேடையில் கொடுக்கும் தலைப்பிலும் அவையோரை பின்னிப் பிணைத்து விடுவதும் குரல் ஜாலமும், தெளிவான உச்சரிப்பும் இவரது பெரும் பேறு. பிகாஸ் கஞ்சங்சனும், ஆங்கிலத்தில் எண்ணுகையில் ஏ.பி,சி,டி வராமல் 100 வார்த்தை சொல்லுங்கள் என கோரிக்கை வைத்தவர்க்கு ஒன், டூ, த்ரீ..என 99.நைன்டி நைன் வரை சொல்லி விட்டு எனப்.இ என் ஓ யு ஜி.ஹெச் என்ற போதுமா என கேட்டு முடித்ததாகவும், தேசிய மொழியாக இந்தியை வைப்பதற்கு மக்கள் தொகை காரணம் என பேசியதற்கு பாராளுமன்றத்தில் காகம் நிறைய இருக்கிறது ஏன் மயிலை தேசிய பறவையாக வைத்துள்ளீர், காகத்தையே வைத்துக் கொள்ளலாமே? என சமயோசிதமாக இவர் சொல்லிய வார்த்தை சிலம்பம் எல்லாம் எண்ணிலடங்காதவை.

பேரறிஞர் அண்ணாவின் மிகப் பெரும் ப்ளஸ் பாயிண்ட் என்ன தெரியுமா? எதிரிகளாய் களத்தில் கட்சியில் இருந்தவர் கூட அவர் கண்ணியமான, விநயமான பிறரை புண்படுத்தாமல் காயப்படுத்தாமல் சொல்லும் பதில் ருசிகரமான பதில் இரசிக்கும்படையான அனைவருமே ஏற்றுக் கொள்ளும்படியான மகிழும்படியான பதில் சுவைகள். கன்னிமாரா நூலகத்தின் அத்தனை நூல்களையுமே படித்தவராயிற்றே..உலகின் இவரது இறுதி ஊர்வலத்தின் சேர்ந்த மக்களின் எண்ணிக்கைதானே என்றுமே இன்று வரை,,முறியடிக்க முடியாததாய் உள்ளது.. மேதை அப்துல் கலாமே இவருடைய நதி நீர் இணைப்பில் அறிவின் விசாலம் பெற்றதாக தமது பள்ளிப் பிராயத்தில் இவரது பேச்சை பள்ளியில் கேட்டது பெரும் பேறு என்கிறார்.இவரது எழுத்துகள் பெரும் கவர்ச்சி.ஆனால் இவரது குரல் ஆளுமை அவ்வளவாக இல்லை எனினும் கலாம் கருத்து தெறிப்பில் ஒரு பெரிய பேச்சாளர்தான்.

 

காந்தியை விட நேரு நன்றாக பேசுவார் ஆனால் இருவருக்குமே பெரிய கவர்ச்சியான குரல் வளம் இல்லை.

ஜீவானந்தம் கூட 2 நிமிடம் பேசுவார் என எழுந்து அவையை 2 மணி நேரத்துக்கும் மேல் கட்டி போட்டு விடுவாராம். பொது உடமை சிந்தனையாளர். காந்திக்கே வழிகாட்டியாக இருந்தவர். நல்லசிவன், பி.இராமமூர்த்தி, தா.பாண்டியன்,, ஸ்டாலின் குணசேகரன் பொன்ற பொதுவுடமை சிந்தனை பேச்சாளர்கள் நிறைய உண்டு. அவர்கள் நன்றாகவும் எழுதுகிறார்கள்.

நமது காமராஜர் கூட: நேருவிடம் சென்று ஐ வான்ட் ஐ ஐ T மெட்ராஸ் என்று பேசி ஓ.கே. கிரான்டட் என்று பெற்று வந்தாராம் சென்னையின் ஐ.ஐ.டியை. காமராஜர் வளமையாக பேச வில்லை எனினும் தேவையானதை அறிவு பூர்வமாக பேசியதற்கான சான்றுகள் நிறைய சொல்வார்கள்.

அம்மா ஜெ, எம்.ஜி.ஆர். போன்றோர் முதல்வராய் இருந்தபோதும் ஆரம்பத்தில் பிறர் எழுதிக் கொடுத்த உரையை வாசிக்க ஆரம்பித்தவர்கள் அப்படியே பழக்கப்படுத்திக் கொண்டே வாழ்ந்து விட்டனர். எம்.ஜி.ஆர். எப்படியோ சமாளித்துக் கொண்டார். இந்த இன்றைய முதல்வர் அம்மா ஆங்கிலத்தில் புலமையாக பேசுகிறார் என்கிறார்கள். தமிழில் இன்னுமே அவருடைய உரை பெருமை சேர்ப்பதாய் இல்லை. மேலும் அவர் நல்ல குரல் வளமான பாடகி. எழுதக் கூட இவர் அவ்வப்போது வாராந்திரிகளில் அறிவிப்பு வந்து போகும். அப்புறம் நின்று விடும்.

குமரி அனந்தன் நல்ல பேச்சாளர், ஆனால் அவர் குடும்பத்தில் எந்த கொள்கையும் இல்லை என்பதற்கு, அவரின் மகள் பி.ஜே.பியில் இருப்பது சான்று.

தமிழருவி மணியனும் நல்ல பேச்சாளர் .அருவி மாதிரி பேசுவார். அதற்கு மேல் அவர் எப்படி என நாடறியும்.தற்போதைய அ.இ.அ.தி.மு.க கொ.ப.செ கூட நன்றாக பேசுவார்..பயனில்லை. அவரிடமும் எந்த கொள்கையுமே இருப்பாதாய் தெரியவில்லை. வைகோவின் அடுத்த நிலையில் இருந்தவரை கட்சியில் எல்லாம் மதித்தனர். ஆனால் அவருக்கு அப்போது இவ்வளவு வசதி இல்லை இனோவா கார் எல்லாம் யாரும் வாங்கிக் கொடுக்கவில்லை

காளிமுத்து நல்ல தமிழ் பேசுவார் கொட்டும் தமிழ், எனவேதான் எம்.ஜி.ஆர். அவரை ஒரு முறை சபா நாயகராகவே வைத்திருந்தார். அதன்பிறகு உள் துறை மந்திரியாகவும், தமிழ் வளர்ச்சி மந்திரியாகவும் இருந்தார் என நினைவு.ஆனால் ஆயுள் போதவில்லை

பட்டி மண்டப பேச்சாளர் பற்றி எல்லாம் நான் உள் செல்ல விரும்பவில்லை.அறிவொளி நல்ல ஞானி.

மு.மேத்தா, ரகுமான்,போன்றோர் எழுதுமளவு பேச்சாளர்களாக இல்லையோ என்பது எம்கருத்து. அப்துல் காதிர், போன்றோர் பேச்சு கூட நன்றாகவே இருக்கிறது

திருமாவளவன் கூட நல்ல பேச்சாளர் என்கிறார்கள் கேட்டதில்லை, மனுஷ்ய புத்திரன் நிறைய தொலைக்காட்சியில் வருகிறாராம். முகநூல் நண்பர் பார்த்து கேட்டதில்லை.

இப்படி நாடு தழுவிய அளவிலும், மாநிலம் தழுவிய அளவிலும், உலகு தழுவிய அளவிலும் பேச்சாளர்களும் எழுத்தளர்களும் எண்ணிறந்தவர். கென்னடி, லிங்கன், பிடல் காஸ்ட்ரோ, ஹோசி மின், இன்னும் பெர்னாட்ஷா, லெனின், கமால் பாட்ஷா, இங்கர்சால், வால்ட் டைர், இப்படியே இதற்கு முடிவில்லாமல் செல்கிறது…

இதை எல்லாம் பெரும் அமிர்தக் கடலாய் நம்மால் அள்ளிப் பருக ஆயுள் இல்லாமல் காலம் இல்லாமல் இருக்கிறது.

சொல்ல வந்தது.: பேச்சும் எழுத்தும் கைவரப் பெற்றவர்கள் தமது அனுபவத்தை இந்த பூமிக்கு அர்ப்பணித்துசெல்ல வேண்டும். யாவர்க்கும் அதை எட்ட கிட்ட செய்து விட்டு சென்று விட வேண்டும். இதுவே இந்த பதிவின் நோக்கம் வேண்டுகோள் எல்லாம். வைரமுத்து மிகவும் தெளிவாக சொல்கிறார்: சினிமா எடுக்க மாட்டேன்( அனேகமாக பொன்மணி வைரமுத்துவின் துணைவியார் இந்த வாக்குறுதியை இவர் பெற்ற பிறகே இவரை சினிமாத்துறைக்கு விட்டிருப்பார் அல்லது கண்ணதாசன் போன தடத்தை பார்த்தே இந்த முடிவுக்கு இவர் வரவேண்டியதிருந்திருக்கும். ஏன் பாரதி தாசன் எந்தவித கெட்ட சாயலும் படியாதவரே சினிமா எடுக்கிறேன் என ஆசைபட்டு தம்மை அவமானப்படுத்திக் கொண்ட வரலாறு உடையதாயிற்றே இந்த தமிழ் கூறும் நல்லுலகம்.)2.மது குடிக்க மாட்டேன். 3.நடிக்க மாட்டேன் என நல்ல கட்டுப்படுகளை தமக்குள் விதித்துக் கொண்டுள்ளார். இப்படி கட்டுப்பாடு உள்ளவர்களால்தான் எதையும் சாதிக்க முடியும். புகழ் பெறவும் முடியும்.சிலர் எதற்காகவும் தம்மை காம்ப்ரமைஸ் செய்து கொள்ள மாட்டார்கள். தமது குணத்தை, பழக்க வழக்கத்தை கைவிட்டு தம்மை இளக்கி நீர்த்து போக விடவே மாட்டார்கள்

மிகத் தெளிவாக இருக்கிறார்கள் எனவே புகழ் படிகளில் ஏறிக் கொண்டே இருக்கிறார்கள். சிவகுமார் அம்மாவுக்கு சொன்ன வாக்கை காப்பாற்றி இருந்தார் எனவே அவரும் சொல்லும்படியாக இருக்கிறார். காந்தி வெளி நாடு செல்கையில் மாமிசம், மது, மங்கை தொடமறுத்து வாக்கு கொடுத்தே தாய்க்கு சத்தியம் செய்தபடியே நடந்து கொண்டு மகத்துவம் செய்கிறார்.

சேலத்துக்கு சில நாட்களுக்கு முன் வந்த கல்யாணம் என்னும் காந்தியின் தனி உதவியாளர் தமிழர்தான். காந்தியிடம் பணி செய்தபோது இவருக்கு கிடைத்த 100, 200 ரூபாய்கள் ஊதியம் வைத்து சென்னையில் நிலம் வாங்கி போட்டாராம். அது இன்று 10அல்லது 20கோடி தேறுமாம். இதற்கு எமை திட்டுகிறார்கள், சாடுகிறார்கள் என்கிறார்.

காந்தியிடம் வாக்கு கொடுத்த மொரார்ஜி, லால்பகதூர், ஜெ.பி, கிருபாளனி, வினோபா போன்றோர் ஏன் ஜீவா கூட… காமராஜர் கூட சொந்தமாக சொத்து ஏதும் வாங்கக் கூடாது என வாக்குறுதி தந்ததால் எதையுமே வைத்துக் கொள்ளாது வாழ்ந்து மறைந்தனர். இதை பார் அறியும்

ஒரு வேளை இந்த வாக்குறுதி, இந்த பிராமணத்தில் இந்த கல்யாணம் சிக்கவில்லையோ, அல்லது அடங்கவில்லையோ என எம்மால் அறிய முடியவில்லை. எமக்கு கருத்து சொல்ல வயதில்லை. எனவே உலகு எப்படியும் பார்க்கும். எப்படியும் பேசும்

இருப்பதை இல்லாதாக்கும், இல்லாததை இருப்பதாகவும் கூறும். ஆனால் இந்த பேச்சு ஏச்சாக இல்லாமல் எழுத்து பழுதாக இல்லாமல் வாழ்வோர் எல்லாம் விதைகள். இல்லாதோர் எல்லாம் சிதையில் வெறும் சதையாக எரிந்தே மாய்வர்.

நன்றி..சற்று குறிக்கோள் இன்றி நீட்டி முழக்கி விட்டேன். அடியேன் பேசவும் எழுதவும் கை வந்தவன். பா.ம.கவின் துணைப்பொதுச் செயலாளராய் இருக்கும் நண்பர் ஒருவர் அந்த கட்சி ஆரம்பத்தில் சேரும்போதே எனையும் அழைத்தார்..நீங்கள் வந்தால் பேசியே சாதித்து விடுவீர் என்று… சாதி, சதி எல்லாம் நாமறியோம். எனவே நாம் நாடு முழுதும் சுற்றி வந்ததன் பயன் சாதிய மத விருப்பு வெறுப்பற்று வாழ்வதே என சொல்லி மறுத்து விட்டேன். சாதி, மதம், கட்சி சார்ந்தார்க்கே அல்லது சினிமாவிலாவது இருக்க வேண்டும் வாய்ப்புகள் பெறுவதற்கு…

நமையெலாம் வாய்ப்புகள் தாமாய் தேடி வந்தால் உண்டு. நாமாகத்தான் தேடி செல்வதே இல்லையே…

மறுபடியும் பூக்கும் வரை
கவிஞர் தணிகை.

எலந்தையும் நாவலும் நெல்லியும்: கவிஞர் தணிகை.


 

எலந்தையும் நாவலும் நெல்லியும்: கவிஞர் தணிகை.
எயந்தப் பயம் எயந்தப் பயம் செக்கச் செவந்த பயம் தேனாட்டம் இருக்கும் பயம் எல்லோரும் வாங்கும் பயம் ஏழைக்குன்னே பொறந்த பயம்…அப்பாடா நானும் எம்.எஸ்.வி இசை அமைப்பு பாடல் பற்றி எழுதி விட்டேன்…இனி எனக்கு ஜென்ம சாபல்யம் முக நூலில் உண்டு. ஆனால் எமது பதிவு இதில் பேச முற்படுவது இலந்தை,நாவல் , நெல்லி கனிகள் பற்றிய சிறப்பு.

எமது தாய் வழி தந்தை வழி தாத்தா பாட்டியை எல்லாம் நாங்கள் பார்த்தது கிடையாது. தந்தையின் தந்தையை போட்டோவில் பார்த்திருக்கிறேன். பாவியோ,பாவமோ?..எங்களது பாட்டி இறந்தவுடன் இரண்டாம் தாரம் கட்டிக் கொண்டாராம்..அந்த இரண்டாம் தாரத்தின் சந்ததிகள் 2 பெண்கள் 2 ஆண்கள்.

அவர்கள் வீட்டின் புழக்கடை தோட்டம் ரொம்ப பெரிசு. பள்ளத்துக் கழிவு நீரோடைப் பக்கம் புறம்போக்கு எல்லாம் வளைத்துப் போட்டு மதில் சுவர் எழுப்பி நிறைய புதர்களுடன் மரங்களும் …அதை நான் விளையாட்டாக மஸ்கிட்டோ பிரீடிங் சென்டர் எனச் சொல்வது உண்டு. எம் பக்கத்து வீட்டுக்கு எல்லாம், பூச்சி, பாச்சை(கரப்பான், தென்னங் கரப்பான்)பாம்பு பல்லி, பூரான் மற்ற உயிரினங்கள் எல்லாம் அங்கிருந்துதான் சப்ளை.

யாம் சிறுவராக இருந்த காலத்தில்: இந்தபகுதிகளில் எல்லாம் வீட்டுக்கு ஒரு நல்ல கிணறு. மேலும் நீர் வசதிகள் ஏராளம். ஒரு பெரிய இலந்தை(எலந்தை என்போம் பேச்சு வழக்கில்)மரம் அவர்கள் வீட்டில் உண்டு. பெரிய என்றால் மிகப் பெரிய 4ஆள் சேர்ந்து கட்டினால் கூட கட்டிப் பிடிக்க முடியாது. நீங்கள் அவ்வளவு பெரிய மரமெல்லாம் பார்த்திருக்கிறீரோ என்னவோ? இனி வரும் தலைமுறை பார்க்க வழியில்லை. எல்லாவற்றையும் முடித்து விட்டார்கள்.

அதில் இருந்து அதிகாலையில் கீழேவிழும் பழம் பொறுக்க யார் வேண்டுமானாலும், ஊரில் யார் வேண்டுமானாலும் உண்மைதான் ,வந்து பொறுக்கி செல்லலாம். மேலும் டம்பளர், அல்லது உலக்கு இவ்வளவு என விற்பதும் உண்டு. நல்லா பழுத்த பயம்..சீ எமக்கும் எல்.ஆர்.ஈஸ்வரி வாய்ஸே வருகிறது…நன்றாக பழுத்த பழம் நல்ல ருசியாக இருக்கும்.

 

 

 

இப்ப செத்த முந்தி…ஒரு அப்புவும் நானும் இது ஒரு பாஷை,…கொஞ்சம் முன்னால் நானும் ஒரு பக்கத்து வீட்டு தம்பியும் சேர்ந்து சுமார் 2 கிலோ தேறுமளவு நாவல் பழம் பறித்து வந்தோம். அங்கிருந்துதான். பறிக்க வில்லை எனில் வீண்..அந்த காம்பவுண்டு சுவரை ஒட்டி ஓடும் இன்றைய கெம்ப்ளாஸ்ட் கழிவு நீரோடையில் விழும் அல்லது நேற்று மாதிரி 4 சிறுவர்கள் மதிய நேரம் யாவரும் வெளிவராமல் அசந்து இருக்கும் நேரம் வந்து அந்த நாவல் பழம், கொய்யா பழம் எல்லாம் பறித்து சென்று விடுவார்கள்.

நாவல் பழம் சேலத்தில் கிலோ 200ரூபாய் அளவுக்கு விற்கப்படுகிறதாம். கடந்த ஞாயிறு அன்று பறித்து வைத்திருந்த பழங்களை எடுத்து சென்ற எமது மூத்த சகோதரியின் கூற்று. அவர்கள் அடிக்கடி சேலத்துக்கு தமது மளிகை கடைக்காக பொருள் கொள்முதல் செய்ய செல்லும் குடும்பத்தினர். அந்த நாவல் பெரு நாவல் பழத்தை விட இந்த சிறு நாவல் பழம்தான் மருத்துவ முறைப்படி சிறந்ததாம்.

நாவல் நீரிழிவு வியாதிக்கு அருமருந்து. அதன் கொட்டையைக் கூட இடித்து பொடி செய்து வெந்நீரில் கலக்கி குடிக்கலாம்.அப்படியே உண்ணலாம். பச்சையாக காய்த்து சிவப்பாக நிறம் மாறி கருப்பாக கருநீலமாக மாறும் பழம் என்ன ஒரு ருசி. பாம்புகள் கூட இந்த பழம் உண்ண வருமாம்.வேம்பு எல்லாம் கசக்க பழம் மட்டும் இனிக்க என்ன ஒரு இயற்கை விந்தை பாருங்கள்.

ஆனால் நாவலை வீட்டில் வைத்து வளர்க்க கூடாது என்பார்கள்.அதே போல அசோகா மரம் கூட வீட்டில் வைத்து வளர்க்கக் கூடாது என்பார். அது அதற்கு ஒரு காரணம் இருக்கிறது சொல்வதில். எம் தந்தை தென்னை மரம் கூட வீட்டருகே வைத்து வளர்க்காதே என்பார். எங்க குடும்பம் அதை செய்வதில்லை.

எமது தாத்தாவின் இரண்டாம் குடும்பம் அதை எல்லாம் சட்டை செய்யாது. எல்லாமே செய்யும். தென்னை , வாழை, இந்த நாவல் அதுவாகவே சுவர் அருகே முளைத்து காய்த்து தலை சாய்த்து கழிவு நீர் ஓடைமேல் தொங்கிக் கொண்டிருக்கிறது. எளிதாக பறிக்கவும் வழியின்றி முடியாமல்…இப்படி பெயர் தெரியும் மரம், பெயர் தெரியா மரம் கூட இந்த பின் பக்கம் உண்டு. ஒரே சேறும் சகதியுமாய் கால் வைக்கவும் முடியாது.

ஒரு முறை இடி இறங்கி நெருப்பு பற்றி ஒரு தென்னை மரம் எரிந்தது. அடியேன் தான் தீ அணைப்பு வீரர்களை வரவழைத்தேன்.அப்போது எங்கள் வீட்டு தொல்லைக்காட்சி பெட்டி பிக்சர் டியூப்(படக் காட்சிக் குழல்?) போய் 5000ரூபாய் வேட்டு வைத்தது எமக்கு. தென்னை மரம் வைத்து வளர்ப்பவர்கள் வீட்டில் நிரந்தரமாக குடி இருக்க முடியாது என்ற ஒரு மூட நம்பிக்கை உண்டாம். ஆனால் மூட நம்பிக்கையா நம்பிக்கையா இந்த 2 சகோதரர்களுமே இந்த வீட்டில் குடியிருப்பில் இல்லை. ஒருவர் வாடகைக்கும், மற்றொருவர் வீடு கட்டிக் கொண்டு பாகம் பிரித்தும் கொடுத்தும் விட்டு சென்று விட்டார்கள். இப்போது இந்த வீடுகள் பிறர் வாடகை குடியிருப்பில் உள்ளன.தேங்காய் விற்கும் விலையைப் பார்த்தால் மரம் வளர்ப்பதுதான் நல்லது.

பிள்ளை இல்லாதவன் வீடா அது வேண்டாம் எமக்கு சும்மா கொடுத்தாலும், என்பார்கள் விலைக்கு வருகிறது என்றாலும்…. எங்கள் வீட்டருகே மற்றொரு வீட்டில் யூகலிப்டஸ் மரம் இருக்கும் அதனடியில் அதன் உதிர்ந்து விழும் காய்களை பொறுக்கி விளையாடிய நினைவு. அந்த இலை, பட்டை,உதிரும் பூக்கள், சிறு காய்ந்த காய்கள் எல்லாமே அவ்வளவு மணமாயிருக்கும். அந்த மரம்தான் ஊரிலேயே மிக உயரமான மரம். அதுவும் மிகவும் பெரிய மரம்தான்.

அட ஏங்க கோலிக் குண்டு விளையாடும்போது ஒன்றையொன்று அடித்து நெற்றி அடி (நெத்து விளையாடுவோம்) ஒருவர் கோலியை இன்னொருவர் சரியாக கையால் குறி பார்த்து அடித்து விட்டால் அவருக்கு இலாபம் எண்ணாக, கோலியாக அல்லது அதற்கு இணையாக ஏதாவது…அப்பொது பாருங்கள்..ஓரிரு வீடுகள் தள்ளி பக்கத்து வீதியில் நிறைய வாதநாராயணன் மரங்களும் கொன்றை,இரத்தப் பூக் கொன்றை மரங்களும் அப்படி பூத்திருக்கும் சிவப்பு சிவப்பாக, இலை அப்படியே பசுமையாக மரங்கள் வலைந்து வளைந்து, அதில் இடையெ இடையே கோலி வைத்துக் கொள்ளுமளவு குழியாய் சரியாக ஒரு கோலிக்கு அளவு எடுத்து செய்தாற் போல குழிகள் இருக்கும்… இப்படி நிறைய சுவையான விதங்களில் அந்த மரம் வேர்கள் எல்லாம் வெளியே வளைந்து நெளிந்து கொண்டு ஒளிந்து ஒளித்து விளையாட சவுகரியாமாய் இருக்கும். அவை இப்போது பாஞ்சாலி வாடகை வாங்கும் வீட்டில் அழிந்து விட்டது.

அதன் பக்கத்தில் உள்ள வீடுகளில் தூக்கணாங் குருவிக் கூடுகள் நிறைய அழகாக தேங்காய் நாரில் எப்படித்தான் அப்படி கட்டுமோ , அடியில் வாசல் வைத்து உள்ளே நுழைந்து..குஞ்சு பொறித்து.. ஒன்றும் சொல்ல முடியாது போங்கள்… அதை எல்லாம் பார்த்தால் தான் அனும்பவிக்க முடியும். அதனிடையே தேன்கூடுகள் ஒரு பக்கம் தொங்கியபடி….இந்த தூக்கணாங்குருவிக் கூடுகள் காற்றில் அப்படியே கீழே விழாமல் அலைந்து அலைந்து ஆடியபடி, மரத்தில், அம்மா வீட்டில் உறி கட்டியபடி, மரத்தில் தொங்கியபடியே.. எங்கய்யா போச்சு அந்த சுகம் எல்லாம் நமது பிள்ளைகளுக்கு?

இப்போதும் கூட எமது 16 கண் மாய் பாலத்தில் பெரிய தேன்கூடுகள் கட்டியிருப்பதை ஒவ்வொரு ஆடி 18 அன்று நீர்க்காட்சி பார்க்க செல்லும்போதும் பார்க்கலாம்.அது வேறு கதை.

யாரும் யாரையுமே பள்ளிக்கு எல்லாம் கொண்டு விடும் பழக்கமே இல்லை அப்போது. பள்ளி முடித்து மதியம் மர நிழலில் ஓரமாகவே வீடு வந்து மதிய உணவை உண்டு விட்டு, மறுபடியும் வகுப்பு ஆரம்பம் வரை மரத்தடியிலேயே இருந்து கொண்டு பால்ய நட்புக்களுடன் பேசி சிரித்து மகிழிந்து சண்டையிட்டு பொருள் தெரியாமலே பேசி…அப்போது பார்த்த அளவு பாம்புகளும் தேள்களும் இப்போது பார்க்க முடியவில்லை.

அப்போது எக்ஸ்.-ஸர்வீஸ் மேன் என்ற ஒரு வண்டி பேருந்து வரும், அதைப் பார்த்து தான் மதிய உணவுக்கு பெல் அடிப்பார்கள்.சரியாக 12 மணிக்கு அது வந்து விடும்.

பேருந்து நிலையம் என்றால் அதில் எத்தனை மரங்கள், எப்படி எல்லாம் மரங்கள், கிளைகள் வானளாவ , சாலையெங்கும் , சாலையெங்கும் கிளை பரப்பி, நிழல் தந்தைவைகளாக…மயங்கிக் கிடக்க அதெல்லாம் ஒரு மஞ்சள் வெயில் காலம். அந்தமரங்கள் ஒன்று கூட இப்போது இல்லையே…. மேலும் ஊரிலேயே மிகப்பெரிய அரச மரத்தை ,…சிறுவர்களாக இருந்தவரை எமது குடும்பத்தினர் அனைவருமே அதற்கு நீர் ஊற்றி அந்த விநாயகரை வணங்கி வந்தோமே அந்த இடத்தில் இருந்த அரச மரத்தை கொஞ்சம் கொஞ்சமாக அமிலத்தை ஊற்றி வேர் வீட்டுள் புகுகிறது என வெட்டி விறக்காக்கி கடைசியில் அந்த மரத்தை அழித்து விட்டு கான்க்ரீட் மேடை இட்டு, அஸ்பெஸ்டாஸ் சீட் அமைத்து வார வாரம் விநாயகருக்கு பூஜை செய்கிறோம் அதற்கான கட்டணம் அபிசேகத்துக்கு இவ்வளவு என்ற அறிவிப்பு பலகையுடன் விநாயக சதுர்த்தி என்று ஊரெல்லாம் வசூல் செய்து விழா நடத்திக் கொண்டிருக்கிறார்கள். அதில் முக்கிய புள்ளி அந்த மரத்தை முடித்த பக்கத்து வீட்டுக் குடும்பம்.

எங்கெங்கெங்கோ செல்லும் மனக் குருவியை கருப்பொருளுக்குள் இட்டுவருவதற்குள் நிறைய தடைகள்…

 

அதியமான் நெல்லியை (தகடூர்= தர்மபுரிதாங்க) அவ்வைக்கு கொடுத்த கதை யாவரும் அறிவர். இப்போது நெல்லிக்கு உடற் ஓம்பும் முறைகளில் ஒரு நல்ல பங்கு என்பது வெளிப்படுத்தப்பட்டு வருகிறாது. பெருநெல்லிதான். சிறுவராய் இருக்கும்போது கசப்பு எல்லாம் பிடிக்காது. எது எடுத்தாலும் இனிப்பாயிருந்தால் பிடிக்கும்

இந்த பெரு நெல்லியை கடித்துசாப்பிட்டு விட்டு, குடி நீர் பருகினால் ஜிலு ஜிலு வென இனித்துக் கொண்டே இறங்கும் .என்றாலும் நமக்குஅதெல்லாம் பிடிக்காது. ஆனால் இப்போது நெல்லி ரஸம் மிகவும் பிரபலம்

சிறுநெல்லி நன்றாக இருக்கும். ஆனால் உடனே சளி பிடிக்கும். பெரு நெல்லிதான் பெஸ்ட். நோய் எதிர்ப்பு தன்மைக்கு நெம்பர் 1. மேலும் தேனில் ஊறவைத்து சாப்பிட்டால் சரும சுருக்கம் எல்லாம் குறைகிறது, உடல் பளபளப்பாக இளமை திரும்பும் முடி கூட கறுக்காது என்று பலவாறான நல்ல தகவல்கள் எல்லாம் வந்தவண்ணம் இருக்கின்றன.

நேற்று முதல் தேனில் ஊறவைத்து சாப்பிட ஆரம்பித்து இருக்கிறோம். நல்ல தேன் தான் கிடைப்பது குதிரைக் கொம்பாய் இருக்கும் போல் இருக்கிறது உரிய விலையில்.ஐ மீன். உயரிய விலையிலும்…

ஆக எயந்தபயம், நாவல் பழம், நெல்லிக்கனி ஆகியவற்றை விளையாட்டுப் போல் சாப்பிடுவோம் சிறுவராய் இருக்கும்போது அவை இப்போது முக்கனிகளை விட முச்சுவை அமிர்தமாக கொள்ள வேண்டும்… அனைவரும் அந்த கனிகள் கிடைத்தால் விடாதீர்கள், விட்டு விடாதீர்கள்.

ஒரு இராஜா இராணியிடம்…வெகு நாளாக ஆசை கொண்டான்.. வெள்ளை மேகம் துள்ளி எழுந்து…..புதுவிதமான ஜோடிகள் விளையாட்டு என்ற அந்த சிவந்த மண் பாடலும், அதில் உள்ள பட்டத்து இராணி பார்க்கும் பார்வை…அந்தக் காலத்தில் என்ன காதலர் என்பவர் காதலியை இப்படி அடிப்பார்களா என்ற வியப்புடன் கிரீஸ் நாட்டில் எடுக்கப்பட்ட சுற்றி சுழலும் படத் தளத்தில் நீக்ரோ வேடத்தில் சிவாஜி காஞ்சனாவை சாடை கொண்டு அடித்து பாடி ஆடி செய்திருக்கும் படத்துக்கு பாடலுக்கு எம்.எஸ்.வி இசை…. பாடிக் கொண்டே மனப்பாடம் பண்ணி பாடிக் கொண்டே இருப்போம். அது ஒரு காலம்.எப்போதும் எம்.எஸ்.வி லாலா லாலா…ஹம்மிங்…கண்ணதாசன், சிவாஜி, விஸ்வநாதன் ஒரு காம்பினேசன். நினைத்தாலே இனிக்கும் …ஜகமே மந்திரம் சுகமே ..எந்திரம்.. ரஜினிக்கு ஒரு கத்தல் பாட்டு உண்டு.. நாயகன் மேடைக்கு பாடவரவில்லை என்றவுடன் அதற்கு பதிலாக ரஜினி பாடுவார்…அது எம்.எஸ்.வி பாடல்.. அதெல்லாம் பாட்டுதான் என்று எம்.எஸ்.விதான் ..சாமி பாட்டெல்லாம் நன்றாகவே பாடுவார்.

எப்படியோ எம்.எஸ்.வி எயந்தபயம் பாடலில் ஆரம்பித்து அதே எம்.எஸ்.வி முடிவுரையில் வர ..இந்த இலந்தை, நாவல், நெல்லி பதிவை இட்டு விட்டேன்.இல்லாவிட்டால் முக நூலில் என்னை ஏற்றுக் கொள்ளவே மாட்டார்கள் எனவே இப்படி…

மறுபடியும் பூக்கும் வரை
கவிஞர் தணிகை.

கவிஞர் தணிகையின் ஆயிரம் பதிவுகள் மீறிடும் பேறு: கவிஞர் தணிகை


 

கவிஞர் தணிகையின் ஆயிரம் பதிவுகள் மீறிடும் பேறு: கவிஞர் தணிகை
வேர்ட்பிரஸ், இன்ட்லி,கூகுள்,ட்விட்டர், கூகுள் ப்ளஸ்,முகநூல்,டி.எஸ்.யூ. இப்படிப்பட்ட சமூக தளங்கள் யாம் இந்த “மறுபடியும் பூக்கும்” என்ற தமிழ் தளத்தை நடத்தி வருவதில் எமது எழுத்துகளை உலகெங்கும் பரப்புவதில் உறுதுணை புரிகின்றன.அவற்றுக்கு இந்த ஆயிரம் பதிவுகளை மீறிடும் பேறு பெறும் தருணத்தில் நன்றி செலுத்த கடமைப்பட்டுள்ளேன்.

மரபாக இருந்தபோதும் செய்து தான் ஆக வேண்டிய தருணம் இது. இப்போது இல்லா விட்டால் நாம் வேறு எப்போது எப்படி இவர்களை எல்லாம் நினைத்து நமது நன்றியறிதலை போற்ற முடியும்?

கூகுள் தேடு பொறி தளமே எனக்கு முக்கியமாக படங்களை , மற்ற இணைய தளங்களை எம்முடன் இணைக்க அவற்றின் உதவியால் யாம் எழுத பெரும் துணை புரிந்து தேடு பொறி தளமாக இருக்கிறது.பிரச்சனை ஏதுமில்லா தெளிந்த நீரோடை போல அது சென்று கொண்டே இருக்கிறது.

தமிழ் தட்டச்சு தெரியா நிலையில் எமது எழுத்துகளை புதுவை யுனிகோட் (சுரதா) ரைட்டர் மூலமாகவே மொழி மாற்றி காப்பி எடுத்து அதை அப்படியே ஒட்டி வருகிறேன் அது மொழி பெயர்த்துத் தருவதை.

இப்படி எல்லாம் செய்து உங்களது எண்ணங்களை, அனுபவங்களை உலகெங்கும் கொண்டு செல்லுங்கள் என என்னிடம் வலியுறுத்திக் கொண்டு, என்னிடம் கேட்காமலே, எனது ஒரு பிறந்த நாளில் அவரது அலுவலகம் அமைந்துள்ள சேலம் மாவட்டத் தலைநகரில் “மறுபடியும் பூக்கும்” என்ற எமது முதல் நூலின் தலைப்புடன் ஒரு வலைப்பூவை ஏற்படுத்தி அதில் எழுதுங்கள் என்றார் எமதருமைத் தம்பி திரு.நா.செல்வக்குமரன் பீக்ஸ் கிராபிக்ஸ் நிறுவனம் நடத்தி வருபவர்.

அது மட்டுமின்றி இவர் எமது நூல்களுக்கு ஏற்கெனவே அட்டைப் படம் செய்து தந்தவரும் கூட. மேலும் “ஆங்கிலத்திலும் எழுதிக் கிழிக்கலாம்” என டான் பேஜஸ் என்ற ஒரு வலைப்பூவையும்,”தணிகை ஹைக்கூ” என்ற சுருக்க வரிக் கவிதைக்கான தளத்தையும், கீச்சொலிக்கான, ட்விட்டர், முகநூல் தளம் ஆகியவற்றிலும் எமது கணக்குகளை தோற்றுவித்து அளித்தவர். அப்போது எல்லாம் எமக்கு கணினி அனுபவமே இல்லை.ஏன் கணினியே எம்மிடம் இல்லை. கணினி வாங்கும் வரை அவருடைய அலுவலகத்திலிருந்தபடியே வாய்ப்பு வரும்போது அடியேனும், வாய்ப்பு இல்லாதபோது யாம் சொல்வதை அவருமாகவே பதிவு செய்து கொண்டிருந்தோம்.

மேஜைக் கணினியை எப்படியோ எமது துணவியாரின் தம்பி அம்மன் வீடியோஸ் கார்த்தி காரமடை அவரது தோழர் சிபியுடன் வந்து அமைத்து தந்தார்.ஆனால் அப்போது அவருக்கு பெரிதாக ஏதும் தொகையை யாம் கொடுத்ததாக நினைவு இல்லை.

கணினி வந்த பிறகுதான் , வீட்டிலேயே, நா.செல்வக் குமரன் ஆங்கில வலைப்பூவான டான்பேஜஸை நிறுவினார் என எண்ணுகிறேன்.

அதிலிருந்து தான் எமது இணைய வாழ்வின் பயணம் ஆரம்பித்தது. ஆனால் இணைய, வலைத் தளம் இணைப்புக்கும் கூட எம்மால் பெரிதாக செலவளிக்க முடியா நிலை. பி.எஸ்.என்.எல். இணைப்பில் மாதமொன்றுக்கு 1 ஜி.பி இணைப்பில் சுமார் 400 ரூபாய்க்கும் அதிகமாக 500 ரூபாய்க்குள் கட்டி வரவேண்டியதாயிற்று. அதிலிருந்து மீள பெருமுயற்சி செய்தேன்.

தியான வழி சீடர் பிரவீன்குமார் மாதந்திர செலவை தாம் ஏற்பதாக சொன்னார் அவர் இப்போது இருப்பது குவெய்ட் Fஆகீல் என்ற இடத்தில்..ஆனால் அது அவரின் பெரிய மனதுக்கு அடையாளம். இருந்தாலும் அதை யாம் ஏற்கவில்லை. 1 GB யானை பசிக்கு சோளப் பொறியாக இருந்து வாட்டிக் கொண்டே அதிகம் தொகையை தீட்டிக் கொண்டே வந்தது மாதா மாதம். என்ன செய்யலாம் என யோசித்து வருகையில்

ரியல் நெட் சர்வீஸஸ் என்ற பேரில் மாதமொன்றுக்கு ஒரளவு வேகத்துடன், அளவற்ற பயன்பாட்டில் ரூபாய்.500க்கு இணைப்பு கொடுத்தனர். நல்ல சேவை. எந்த வித உரசலும் கெடுதலுமின்றி சுமார் இரண்டரை ஆண்டுகள் தம்பிகள் நன்கு ஒத்திசைவுடன் தமது சேவையை வழங்கினார்கள். இது 2 G சேவை ஆனால் அதற்குள் உலகு 3G, 4G என கைப்பேசி வடிவத்துள் போக எமக்கு இணைப்பு அளித்தோர் இங்கு அதாவது எமது ஊரில் மட்டும் இந்த சேவையை தொடர முடியாமல் போக..

மறுபடியும் பி.எஸ்.என்.எல் இணைப்புடன் ஏறத்தாழ ரூ.5000 ஆரம்ப கட்ட செலவில் எல்லையில்லா வரையறையில்லா பயன்பாட்டுடன் ஒரு கோம்போ திட்டத்தில் சென்று இது கட்டவிருப்பது 2 ஆம் மாதக் கட்டணம். இதில் வேறு ஆப் நெட், ஆன் நெட்கட்டணம் என இந்த ரூ.828ல் ஒரு 50 ரூ அதிகம் வருவது பற்றி 1550 டோல்ப்ரீ எண்ணாம் அது பெங்களூராம் பேசும் இடம்…அங்கே பேசி என்ன விளக்கம் என கேட்டேன் இருந்தாலும் ஒன்றும் விளங்கவில்லை…பகலில் 100 யுனிட் பேச இலவசம் என்றார்கள். இரவில் 9 மணி முதல் காலை 7 வரை இந்தியா முழுதும் இலவசம் என்கிறார்கள். ம். பார்க்கலாம்.

இப்போது ரிலையன்ஸ் குறுஞ்செய்தி ஒன்று ஒயர்லஸ் இணைப்பில் 10 GBக்கு 600ரூ,40GBக்கு 1300ரூ என..இவனுங்க தொல்லைதான் பெரிசா இருக்குங்க…

இதனிடையே…நமது கணினிக்கு உடல்நலம் கெடும்போதெல்லாம், மாணிக்கம் என்றால் உண்மையிலேயே மாணிக்கம்தான் தமது உடல்நலத்தைக் கூட பெரிதாக எண்ணாமல் 40ஆண்டுக்கும் மேல் மணமுடிக்காமல் தமது தாயின் வாழ்வையே பெரிதாக எண்ணி தமது இன்னுயிரையும் அளித்து மறைந்த மாணிக்கம் தான் எமது கணினிப் பிரச்சனைகளுக்கு நா.செல்வக்குமரனை அடுத்து நோய் தீர்ப்பவராய் விளங்கினார். அவரை சில மாதங்கள் முன் நோய் எடுத்துக் கொண்டது அவரது தாயை வயோதிகம் முதுமை எடுத்துக்கொண்டது.

இப்போது அவரின் சீடர் மறுபடியும் சதீஸ் உதவி செய்ய வந்திருக்கிறார். இவ்வளவு பேரும் இந்த தளத்தின் ஆயிரம் பதிவுகளை கடக்க உதவியவர்கள் .நல்லவேளை சுவரில் இருநாளுக்கொரு சேதி எழுதி அடிக்கடி வில்லங்கம், விவகாரம், காரம், சண்டை என இதில் பெரும்பாலும் சிக்கவில்லை , சிக்கல் இல்லை. சிக்கல் நேரவில்லை. எனினும். ஆரம்ப கட்டத்தில் வேண்டும் என்றே சில கனவான்கள் வந்து வம்பு தும்பாகவே விவாதம் அதாவது விதண்டா வாதம் புரிந்தும் வந்தனர்.

சில கனவான்கள் வைரஸ் கிருமிகளை பரப்பி பெரும் தொல்லை அளித்து வந்தனர். இத்தனைக்கும் இடையில்..எமது துணவியாரும், மகன் மணியமும் உரசல் நெருடல்களுடன் இந்த பயணத்தை தொடர அனுமதித்துள்ளது யாம் பெற்ற மறு பேறு.

அடுத்து இந்த பதிவுகள் மூலம் சில நெருங்கிய உறவினர் கோபித்துக் கொண்டு அவர்களைப்பற்றி எழுதி விட்டேன் என பகைமை கொண்டு பிரிந்தும் நிற்கிறார்கள்.

இந்த ஆயிரம் மைல்கல் பதிவை தாண்டி விடும்போது மேலும் எமது பயணத்தை தொடரும் போது…திருவில்லி புத்தூர், ரத்னவேல் அய்யா, இவர் வயதுக்கு இவர் எல்லா பதிவர்களுக்குமே பெரும் ஊக்கமாய் இருந்து வருபவர்..அவரை சொல்லத்தான் வேண்டும். நாம் இவருடைய வயதில் இருக்கும்போது இத்தனை பேருக்கு ஊக்கம் செய்வோமா என்பது கேள்விக்குறிதான். ஒன்றும் வேண்டாம் படித்து பார்த்து விட்டு ஒரு பகிர்தல், ஒரு பின்னோட்டம் அவ்வளவுதான் எழுதுவோர்க்கு அது ஒரு அருமருந்து.அதை செய்வதில் எப்போதும் இவர் தவறுவதேயில்லை.

மேலும் நிறைய நண்பர்கள் வருகிறார்கள் போகிறார்கள். அத்தனை பேரையும் நாம் குறிப்பிட்டால் அது கட்சிக்காரர் அடிக்கும் நோட்டீஸ் ஆகிவிடும். சிலர் பண்போடு கண்ணியமாக தவறுகளை சுட்டிக் காட்டுகிறார்கள். எழுத்துப் பிழைகளை சொல்கிறார்கள்.

அனைவருக்குமே எமது தளத்தை முதலில் அறிமுகப்படுத்துவதில் அவர்களின் அறிமுகப்படலத்திலேயே அறிமுகப்படுத்துவதில் எமக்கொரு மகிழ்வு. இப்போதும் கூட பகுதி நேர பணிபுரிகிறாராம் அந்த நவீன் என்னும் பெங்களூர்த் தம்பி…அவருக்கு நமது தளம் பற்றி குறிப்பிட்டேன் சற்று முன்னர் கூட.

இப்போது படிக்க பயப்படுகிறார்கள். சுருக்கமாக எழுதுங்கள் என்கிறார்கள். வாழ்வின் வேகமும், வீச்சும் அப்படி. அவர்களை குறை சொல்ல ஏதுமில்லை. இணையமும் வலைதளமும் அவ்வளவு செய்திகளை கொண்டு வந்து கொட்டிக்கொண்டே இருக்கிறது ஓவ்வொரு நொடியும்.

இதில் சினிமாவை விமர்சனம் செய்தால் பார்வையாளர் எண்ணிக்கை கூடுகிறது. நாம் எமது மகன் மேனிலை இறுதி வகுப்பில் இறுப்பதால் அந்த சினிமா விமர்சனத்தை எல்லாம். இன்னும் பல மாதங்களுக்கு தவிர்க்கவே உள்ளேன்.

அட நம்ம ஜாக்கி சேகர், ஒரு சினிமா டீசர் ஒரு ட்ரெயிலர் எல்லாம் வந்தால் போதும் அதற்கு ம்..ஊஹூம் சான்ஸே இல்லை என வீடியோவில் பேசி , பதிவும் எழுதி வருகையாளரை அள்ளிச் செல்கிறார். என்னிடம் ஹேன்டி கேம் கூட இல்லை. வீடியோ பதிவை எப்படி இடுவது என்றும் தெரியாது…அதற்காக இன்னும் எந்த வித வீடியோவும் எடுத்து முயற்சி செய்யவில்லை. ஒரு முறை ஒரு ரேடியோ முயற்சி செய்ததோடு சரி..அப்போது ஏதோ கணினி பிரச்சனை வந்தது அத்தோடு சரி.

பயணம் செய்து எந்த பதிவிடும் நிலையும் எனக்கில்லை. எனவே இருந்த இடத்தில் இருந்து கொண்டு எமது அனுபவத்தை அப்படியே பதிவு செய்து வருகிறேன். ரத்னவேல் அய்யா சொல்வது போல் எல்லாம் நான் நன்றாக எழுதுவதாக எல்லாம் நினைக்கவில்லை.

எண்ணத்தை அப்படியே தட்டச்சு செய்து அதை ஓரளவு பிழை அகற்றி அப்படியே பதிவிடுகிறேன் ஏறத்தாழ ஒரு பத்திரிகை தினசரி வருவது போல தினமும் ஒரு பதிவிட எண்ணுகிறேன். அதன் எதிரொளியாகவே இந்த ஆயிரம் பதிவுகளை கடந்திருக்கிறேன்.

எமக்கும் யூ டியூப், வீடியோ பதிவுகளில் , சினிமா விமர்சனங்கள் எல்லாம் செய்ய ஆசைதான்.இன்னும் நிறைய எண்ணிலடங்கா வருகையாளரை அதிகரிக்க ஆசைதான். காலமும் அதற்கான செலவும் செய்ய வேண்டுமே…இன்னும் சில நாட்களில் +”எமது மறுபடியும் பூக்கும் சர்வீஸஸ்” என்ற ஒரு சேவை மைய அறிவிப்பை நீங்கள் காண நேரிடலாம். அதற்கு உங்களின் முடிந்த அளவிலான ஒத்துழைப்பையும் யாம் கோர நேரிடலாம். ஆயிரம் பதிவுகளின் அடையாளமாக நாம் மாறுபட்ட கோணத்தில் சிந்தித்து நமக்கே உரித்தான சேவை குணத்தையும் குழைத்து விட்டு விட்ட ஒரு பணியை கையில் எடுக்கலாமோ என்று எண்ணுகிறோம். ஆனால் அதன் வெற்றி தோல்வி எம் கையில் இல்லை. ஆர்வலர்கள்,புரவலர்கள் கையில்

யாம் தொலைக்காட்சியில், வானொலியில் பேசிய பேட்டிகள் எல்லாம் அப்படியே உறங்கிக் கிடக்கின்றன. அவற்றுக்கு எல்லாம் ஒரு காலம் வரும் வெளிப்பட என நம்புகிறேன். யாம் தொழில் நுட்பத்தில் மிகவும் பின் தங்கியவன். முறையாக கணினி பற்றி ஏதும் தெரியாமலே இந்த பணிகளை செய்து வருகிறேன்.

எனவே இந்த ஆயிரம் பதிவுகள் மீறிடும் பேறு உண்மையிலேயே இந்த எளியவனைப் பொறுத்தவரை கிடைக்க் முடியா பேறுதான். இதில் சொல்ல மறந்த சில : மின்சாரம், மாற்று மின் சக்தி,இரவு பகல், சூரியன், நிலவு, உடல்நலம், தியானம், நடைப்பயிற்சி, ஏராளமான தோழர் தோழியர் என்னோடுபேசி என்னை பயன்படுத்திக் கொள்வார், பயன்படுத்த தருவார்..நேரம் கரைப்பார், நேரம் கொல்வார், நேரம் கொள்வார் அனைவருமே இந்த பதிவின் மூலம் அங்கீகரிக்கப்படுகிறார்கள் தணிகையின் பாத்திரத்தை நிரப்பியவராக…

இந்த தணிகையின் பாத்திரத்திலிருந்து சிந்திய துளிகளை இது வரை கண்டீர்கள். இனியும் காண்பீர்கள். இந்த துளியும் அதில் ஒன்றுதான். தாயின் தூளியும், உறக்கத்தின் தூளியும் இந்த எழுத்தின் தூளியில் எனக்கு இருக்கிறது. உறங்காமலே ஒரு தாலாட்டின் கிறக்கத்தில் இருக்கும் குழந்தையாக எண்ணி மகிழ்கிறேன் இன்னும் எனை எடுத்து கொஞ்ச உங்கள் கரங்களை சிறிது நீட்டுங்கள்.

என்றென்றும் நன்றியறிதலுடன்

இன்றைய ஆயிரம் பதிவுகளை மீறிடும் இந்த பதிவில் : சென்னை சாப்ட்வேர் டெவலப்பர் லினக்ஸ் கதிர்வேல் அவர்களும் நன்றிக்குரியவராய் குறிப்பிட வேண்டியவராகிறார். வெற்றியோ தோல்வியோ அவரின் அயராத உதவி செய்ய வேண்டும் என நினைக்கும் பாங்கு எமை மெய் சிலிர்க்க வைத்தது. அவருக்கும் எமது நன்றியறிதல் உரித்தாகிறது.

வழக்கம் போல் நாளை முதல் சந்திப்போம் வெவ்வேறு தலைகளுடன், ஐ மீன் தலைப்புகளுடன்…இந்த ஆயிரத்துக்கு மீறிய பதிவுகளில் எண்ணிறந்த தலைப்புகளில் பேசியுள்ளோம். ஆனால் இன்னும் நம் உலகில் எண்ணிலடங்கா தலைப்புகள் நாம் தொடாதவையாகவும் இருக்கின்றன என்ற உண்மைகளுடன்…

 

மறுபடியும் பூக்கும் வரை
கவிஞர் தணிகை.

எந்தை நீ உனை இனி நான் யாரெனெக் கொள்வேன்?எங்கு காண்பேன்?: கவிஞர் தணிகை


 

எந்தை நீ உனை இனி நான் யாரெனெக் கொள்வேன்?எங்கு காண்பேன்?: கவிஞர் தணிகை
நீ இருக்கும் வரை உன்னிடம் எனக்கு பயபக்தி மட்டுமே வெளித் தெரிந்தது.நீ எனை அதிகம் நேசித்திருக்கிறாய் என்பதை உன் மறைவுக்குப் பின் 30 ஆண்டுகள் கழித்தே உணரமுடிகிறது. நேசம் தெரிகிறது. யாராலும் பிடிக்க முடியா காலம். பிடிபடாக் காலம்.

ஒன்றுமே புரியவில்லை, ஏதுமே தெரியவில்லை.எப்படி போவதென்றும் விளங்கவில்லை. அப்படியே சுழித்தோடும் நதியாக வளைந்து வளைந்து ஓடிக் கொண்டே இருந்தேன். இளமை போயிருந்தது. அநேகமாக நானும் நீயும் நமது வாழ்வில் ஒரு சேர ஒரு 20 ஆண்டுகள்தாம் கழித்திருப்போம்.

உனக்கு உன் வயதில் 40 க்கும் பிறகுதான் நான் வந்திருக்கிறேன்.எல்லா பிள்ளைகளையும் விட எனை அதிகம் நேசித்திருப்பாய் என்பது தெரிகிறது.. தமது ஏழ்மை, வறுமை, எல்லாம் தீர்க்க வந்த அதிர்ஷ்டக்கார பிள்ளை என நீ நம்பியிருந்திருக்கிறாய்.. பக்கத்து வீட்டுக்கார பிள்ளைக்கு யாரோ ஒரு சாமியார் சொல்லிய விளக்கங்களை நீ எனக்கானது என எண்ணியிருக்கவும் கூடும்.

கார் எல்லாம் வைத்து பிழைப்பான் எனக்கருதினாய்.இன்னும் என்னால் ஒரு வீடும் கட்டமுடியவில்லை காரும் வாங்கவும் வழியில்லை. (நீ எதிர்பார்க்காத எமது முன்னவர்கள் எல்லாம் அதைசெய்து விட்டனர்.) எனவேதான் நீ எப்பேர்ப்பட்ட பொருளாதார நிர்பந்தம்..ஒரு குடும்பத் தலைவரின் மில் வேலைப் பணி ஊதியத்திலும் 5 பெண்கள், 3 ஆண்கள், கணவன் மனைவி என 10 பேர் அடஙகிய குடும்பச் சூழலிலும் எப்படியோ ஒரு ரூபாயை என் கையில் கொடுத்து “அறிஞர் அண்ணா” பரிசு விழுந்தால் வீட்டுக்கு இல்லையேல் நாட்டுக்கு” என்ற தமிழ்நாடு லாட்டரிப் பரிசு சீட்டை மாதா மாதம் வாங்க சொல்வாய். சில மாதங்கள் வாங்க முடியாதும் போய்விடும்.எனக்கு தெரிந்து எதுவும் பெரிய பரிசாக விழவே இல்லை.

ஆனாலும், நீ தளர மாட்டாய், முறையாக பள்ளியில் படிக்காதபோதும் நீ தொழிலகத்தில் உழைப்பாளர்களுக்கான பள்ளியில் பயின்று சான்றிதழ் பெற்றிருந்தாய். தினசரிகளும் வாராந்திர புத்தகங்களும் உனக்கு படிக்க மிக விருப்பம். நீ அப்போதே வீட்டில் குமுதம் வீடு தேடி நாங்கள் சிறு பிள்ளைகளாய் இருக்கும்போதே வரச் செய்திருந்தது இன்னும் பசுமையாய் நினைவில். அப்புறம் அவற்றுக்கும் வழியில்லை நிறுத்தி விட்டாய்.எப்பேர்பட்ட குடும்ப பிரச்சனைகள் இருந்தபோதும் இ.எஸ்.ஐ மருத்துவமனை இருந்தபோதும் ஒரு முறை எனது தொண்டை புண் தீர தனியார் மருத்துவரிடம் சென்று காட்டி ஒரு பவுடர் அடங்கிய டப்பா வாங்கி இதை பாலில் கலந்து குடிக்கவும், ஒரு டானிக்கையும் வாங்கிக் கொடுத்தாய்.அதோடு அந்த மருத்துவமும் நின்றது.

அடிக்கடி அந்த சொந்தக்கார கடையில் ஒரு பாலில் சிறிது தேநீர் கலந்த பால் டீ வாங்கித் தந்த ருசி இன்னும்40- 50 ஆண்டுகள் ஆனபோதும் இன்னும் என் நாவில் ஒட்டிக்க் கிடக்கிறது. நீ ராசி பலன் பார்க்கச் சொல்வாய். அப்போது உனக்கு எனது ராசி கும்பம் என அறிமுகம். கும்ப ராசிக்காரன் எல்லா வசதிகளையும் பெற்று வாழ்வான் என்பாய்..ஆனால் எனக்கு கும்ப இலக்கனம் என்பது பின் நாட்களில் தெரிந்தது.

ஏதாவது உடல்நலக் குறைவு ஏற்பட்டு, காய்ச்சல் வந்து விட்டால், விறகால் அடித்து துரத்தின் அது ஓடிவிடும் விறகு தலைக்காரனுக்கு ஏது காய்ச்சல் எல்லாம் என்பாய்.ஜோசியம் ஜாதகம் எல்லாம் பொய் என்றும், உள்ளது என்றும் இரு வேறு கருத்து நிலவும் போதும், உலவும் போதும் இவ்வுலகில் சித்திரை நட்சத்திரக்காரன், வெள்ளிக் கிழமையில் பிறந்த ஆண்மகன் நான் தலை எடுக்கவும் நீ தலை சாய்க்கவும் சரியாக காலம் இருந்தது. உடல் நலம் குன்றி படுக்கையில் இருக்கும்போது சில வித்தியாசமான கதைகளை சொல்வாய், அதில் பேய்க்கதைகளும் இருக்கும் அதை துணிச்சலுடன் எதிர் கொள்வதும் இருக்கும். இதற்கு மேல் படிக்க வைக்க முடியாது, என சொல்லி விட்டாய், அதை வேத வாக்காக, ஏன் கடவுள் வாக்காக நான் எடுத்துக் கொண்டு விட்டேன். அதற்கு மேல் எந்த படிப்பு என்ற பேரில் எந்த செலவுமே உனக்கு வைக்கவில்லை…மேலும் என்னால் எந்த அளவு உனக்கு சிரமம் அளிக்காமல் செலவை குறைக்க முடியுமோ அந்த அளவு செல்வை பள்ளி படிப்பு படித்த போதிருந்தே குறைத்து நோட்டு புத்தகம், புத்தகம், சீருடை எல்லாம் கூட இல்லாமல் படிக்க முயன்றவன் ஆயிற்றே.

நான் என்ன தொழில் செய்கிறேன் என யாரும் கேட்டால் உனக்கு சொல்லத் தெரியாது. உண்மையிலேயே சமூக சேவை என்ற வாழ்வு பற்றி உனக்கு தெரியாது. ஆனால் ஆமாம் பெரிய காந்தி ஆகப் போற? என விமர்சனம் செய்தது எப்போதும் என் நினைவில்.

இந்தியா எங்கும் சுற்றி வந்து விட்டேன் .ஏராளமான பணிகளை நாட்டுக்கும் வீட்டுக்குச் செய்திருக்கிறேன். இது தற்பெருமையல்ல. தந்தையே உளபடியே உனது மகன் நான் என்ற காரணத்திற்காக நீ பெருமை கொள்ளலாம். எனக்கு எந்த பெருமையும் இதில் இல்லை.அரை நூற்றாண்டுக்கும் பிறகும் அதே குணக்குன்றாய் நின்று கொண்டிருக்கிறேன் நெக்கு விடாமல், சமுதாயத்தின் இழிவுகளைக் கொண்டு சொக்கி விடாமல்.எந்த கீழ்தரமான சிந்தையிலும் சிக்கி விடாமல்.

உனக்கு கடவுள் பிடிக்கும். சிவனையும் பிடிக்கும் . திங்கள் அன்று ஒரு சிந்தி, ஒரு பொழுது உணவை அனுஷ்டிக்கும் பழக்கம் உன்னிடம் கடைசி வரை இருந்தது. அதன் சார்பாக மட்டும் ஒரே வார்த்தை அது சரியோ தவறோ உன் போன்றோர் வணங்க 3 கோவில்கள் உருவாக வளர நான் உதவியிருக்கிறேன். அதில் ஒன்று கோம்பூரான் காடு கபாலீஸ்வரர் கோயிலில் நான் பொருளாளர் பொறுப்பேற்று முடித்துக் கொடுத்த பணி.

நாய் வளர்க்கும் பாங்கு, பண்பு உன்னிடம் இருந்துதான் எனக்கு வந்திருக்க வேண்டும்.

எனது வளமையான இளமையை நீ காணமுடியவில்லை. இளமையை எட்டுமுன்பே நீ இடுகாட்டை எட்டிவிட்டாய். நீ இன்னும் வெகுகாலம் நமது வீட்டு வாசலில் ஒரு தினசரி பத்திரிகையோ, ஒரு வாரந்தர புத்தகமோ படித்துக் கொண்டு முதிய காலம் வரை உனது முடிவு வரை இன்னும் ஒரு 20 ஆண்டுக்காலமாவது ஓய்வு எடுத்திருக்க வேண்டும்.ஆனால் பணி முடிந்ததும் புறப்பட்டு விடும் வேலைகாரர் போல கருமமே கண்ணாய் இருந்து விட்டு புறப்பட்டு விட்டாய். நீ பெற்றவர்களில் எல்லாமே உரிய படியை தொட்டுவிட்ட போதும் உனது 2 ஆண்மக்களுக்கும், ஒரு சிறிய வீட்டின் கடைசி பெண்ணுக்கும் மணமாகமாலே இருந்தது.

உனது கடைசி மூச்சில் என்ன சுமந்து சென்றாயோ? என்னால் முடிந்த அளவு நான் உனது மனவியான எம் தாயை உனக்கும் பிறகு 20 ஆண்டுகள் என்னால் முடிந்த அளவு நன்றாகவே வைத்துக் கொண்டு அவள் மறைவில் நான் வாழ்ந்து வந்தேன். மேலும் கடைசி பெண்ணுக்கும் என்னால் முடிந்தவரை அத்தனை பணியையும் செய்து முடித்துவிட்டேன் அவள் மகள் வயிற்றுப் பேரன் பெறும் வரை…முன் சகோதரன் மணத்திலும் என்னால் இயன்ற பகிர்வை , கலந்து கொள்ளலை காட்டி இருந்தேன் என்னதான் பிடிப்பு இல்லாத போதும்..

நீ இருக்கும் வரை அடிக்கடி அந்த ஹெச்.எம்.டி. வாட்ச்..இன்னும் இருக்கிறது ஓடாமல், அதையும் உனக்கு உனது மாமனார் வீட்டு சீதனமான ஒரு வெள்ளைக் கல் பளிச்சிடும் கல் விளைந்து விட்டது அதற்கு ஆண்டுகள் எப்படியும் மோதிரமான பின்னும் கூட 80 ஆண்டுகள் இருக்கும் என்பதால், அந்த மோதிரத்தையும் எனக்கு அளித்தாய். மற்ற பிள்ளைகள் இருந்தபோதும் ..அடிக்கடி நமக்குள் ஏற்படும் பிணக்குகளால் அதை அணிய மறுத்து திருப்பிக் கொடுத்து விடுவேன், அதை யாருக்கும் தராமல் ஒரு பாலிதீன் பையில் அப்படியே சுற்றி பீரோவில் அல்லது பெட்டியில் வைத்திருப்பாய்,,,ஆமாம் அப்போதெல்லாம் ஏது பீரோ?

திரும்பவும் அந்த வாட்சை, மோதிரத்தை போட்டுக் கொள்ள வேண்டும் எனக் கேட்கும்போது எந்த வித சுணக்கமும் இன்றி பதில் பேசாமல் எடுத்துக் கொடுப்பாய்.

உலகில் எப்போது நாம் தந்தையை இழக்கிறோமோ அப்போதே நாம் அந்தஸ்தையும் இழக்கிறோம். நான் உனை இழந்தபோதும் பல வருடங்கள் அதன் வெறுமையை, இழப்பை உணரவேயில்லை.

ஆண்டுகள் செல்லச் செல்ல, என்னை வயது மெல்ல மெல்ல மேன்மைப்படுத்தும்போது இன்று கண்ணீருடன் இந்த கடிதத்தை ஒரு தந்தைக்கு., இல்லாத தந்தைக்கு என்றுமே உள்ள வாரிசாக காலடியில் சமர்ப்பிக்கிறேன்.

ஆம் தந்தையே இனி உனது பிரதியாக உனை யாரெனெக் கொள்வேன்? எங்கு காண்பேன்?

இது எனது, மறுபடியும் பூக்கும் என்ற வலைப்பூவில் ஆயிரமாவது பதிவு. அதை உனக்கு என்று —நான் தருவது….

மறுபடியும் பூக்கும் வரை
கவிஞர் தணிகை

இணையமும் வலை தளமும் வாழ்வில் ஒன்றாகி விட்ட ஒன்று: கவிஞர் தணிகை


 

இணையமும் வலை தளமும் வாழ்வில் ஒன்றாகி விட்ட ஒன்று: கவிஞர் தணிகை
அதல என்ன கொட்டுதுன்னு ஒக்காந்து கிட்டே இருக்கீங்க, மணி மூனரை நாலு ஆகுதே சாப்பிட கூட வராம,மாதம் ஆயிரம் ரூபாய் வீணாவது தவிர, என்னத்தைக் கண்டீங்க..துணையின் பொறுப்பான பேச்சு ஏச்சாக இருந்தாலும் இணையத்தையும் வலை தளத்தையும் கை விடும் எண்ணமில்லை, நடைப்பயிற்சி போல தியானத்தைப் போல இதுவும் வாழ்வில் ஒன்றாகி விட்ட ஒன்றான படியால்.

எங்க சார் ஆளையே காணோம்? வலையில் சிக்கிக்கிட்டீங்களா?– நண்பர்.( சார் என்பதும் கூட சொல்லக் கூடாதாம், அது ஆங்கிலத்தில் எஸ் ஐ.ஆர்.ஸ்லேவ் ஐ ரிமைய்ன் அதாவது எப்போதும் நான் உங்கள் அடிமை என்பதாம் இதை சொல்லத் தெரிந்தது கூட இணையத்தின் மூலம்தான் அதற்கு பதிலாக வேறு மரியாதையான பெயரை வைத்து அழைக்கலாமாம்)

நிறைய பேர் இந்த வலைதளத்தை வைத்து பொருளாதாரம் மேம்படுத்தி பொருளீட்டி வருகிறார்கள். பணம் சம்பாதிக்க, நாம் கண்கூடாக நிறைய இழந்து வருகிறோம்,. நேரம், பொருள், உடல் நலம் ,என்பதெல்லாம் உண்மைதானா?

ஒரு அறிஞர் தமது சொந்த வீட்டை விற்றும் கூட நூல் வெளியிட்டதாக அறிந்ததுண்டு. அவரவர் வாழ்வில் அவரவரை திருப்தி படுத்தும் நோக்கம், எண்ணம் , குறிக்கோள் , இலட்சியம், இலக்கு எல்லாம் வெவ்வேறானவை.

இந்தியாவில், வெறும் 14 % மட்டுமே இணையம் பயன்பாடு இருந்தது என்ற விகிதத்தை கைப்பேசி,கையில் பையில் எடுத்து செல்லும் மொபல் வழியாக 3G, 4 G என வந்ததும், 50% க்கும் மேலாக பயன்படுத்துகிறார் என ஒரு தகவல். அதில் பெரும்பாலும் கைபேசி பயன்படுத்துவோரே. முதலாவதாகவும், மடிக்கணினி பயனாளர் இரண்டாவதாகவும், மூன்றாம் நிலையிலேயே மேஜைக் கணினி ..அதாவது எனைப் போன்றோரும் இருக்கின்றனர் என்கிறார்கள். அதிலும் நார்வே, ஸ்வீடன், டென்மார்க் போன்ற ஐரோப்பிய யூனியன் பகுதியில் அதிகமாகவும், சீனா, அமெரிக்கா பகுதியில் இரண்டாம் நிலையிலும், இந்தியா 3 ஆம் நிலையிலும் இருப்பதாக புள்ளி விவரங்கள் சொன்னாலும் இந்தியா சீனாவை அடுத்து இன்டர்நெட் பயன்படுத்தோவோர் எண்ணிக்கையில் மக்கள் தொகை அடிப்படையில் இருப்பது போல 2 ஆம் இடத்த்தில் இருக்கிறது.

இப்போது 19%க்கும் மேலாக இந்தியாவில் வலைதளத்தை பயன்படுத்துவோர் உள்ளனர். சரி புள்ளி விவரம் பாழாய் போகட்டும். நமது கதைக்கு வருவோம்.

விக்கி பீடியா,கூகுள், மைக்ரோ சாப்ட்வேர் நெட்வொர்க்-எம் எஸ் என்: , ஆகியவற்றின் செய்தி வழி வரும் அன்றாட உலகளாவிய செய்திகள் நம்மை ஒவ்வொரு மணித்துளியிலும் செயல் இழக்கச் செய்யுமளவுக்கு பிரமிப்பூட்டுவதாக இருக்கின்றன.

முகப்புத்தகம்,ட்விட்டர், கூகுள்பிளஸ் போன்றவையும் நம்மை இணையவைக்கின்றன உலக அளவில். தொலைக்காட்சி , வானொலி எல்லாமே இதனுள். இந்த வான் அலையுள்.

இண்ட்லி , வேர்ட்பிரஸ் போன்ற தளங்கள் நம்மை நமது வெளிப்பாடுகளை பிறர்க்கு அறிவிக்க எடுத்து சென்று உதவுகின்றன.

சொல்லில் சொல்ல முடியா வண்ணங்கள்.அனுபவிக்க மட்டுமே முடிந்த எண்ணங்கள்.அன்றாடம் நாம் பயன்படுத்தும் சிறிய பொருட்களில் இருந்து : எடுத்துக்காட்டாக சமையல் எரிவாயு உருளையில் உள்ள பட்டையில் உருளையின் காலாவதி தேதியை எப்படி அறிவது? நாம் பயன்படுத்தும் பற்பசை அதன் உறையில் பச்சை வண்ணம் பொறித்திருந்தால் இயற்கையான வகையில் நமக்கு பற்களுக்கு வாய்க்கு ஊறு செய்யாதது இப்படி சிறிய தகவல் முதல், புற்று நோய்க்கு மருந்து, இருதய மாரடைப்புக்கு மருந்து எளிய செலவில், முதல் உதவிகள், நமக்கு தெரியாதவை பற்றி யூ ட்யூப் பிக்சரில் செயல்முறை விளக்கம், சாதனைகள், போதனைகள், வேதனைகள், எல்லாம் நமக்கு நம்மை மேம்படுத்த…

என்னதான் சொன்னாலும் செய்தாலும் நமது அரசும், ஆட்சியும், நிர்வாகமும் மாறி விடப்போவதில்லை என்ற போதிலும், எப்படி தலைக்கவசம் போடாமல் நீதிமன்ற நீதிபதியே ஏமாற்றுகிறார் என்ற சேதியும், வழக்கறிஞர்களே தலைக்கவசத்திற்கு-( அதற்கு) எதிர்ப்பாக நடத்திடும் பேரணிகளும் நமக்கு உடனடியாக வந்து சேர்ந்து விடுகின்றன…

ஒரு காலக் கட்டத்தில் இணைய தள வசதி கிட்டாத வேளையில் அப்படியே நாட்கள் நீண்டு கொண்டே சென்றிருந்தால் என்னவாகி இருக்கும் என யோசிக்கும் வேளைக்குள் மறுபடியும் அதைவிட அதிக செலவு செய்தாவது வேறு ஒரு இணைப்பாளர்களிடம் இணைப்பை பெற்று விட்டேன்.

earth-from-space-wallpaper.345122753_std

நாம் ஏதாவது செய்தால் சம்பாதிக்க முடியுமா என முயன்றால், அவர்கள் எல்லாம் நம்மிடம் முன்பணம் கேட்பவராகவே இருக்கிறார்கள்.நீங்கள் நாம் செய்யும் பணியில் முதல் மாதத்தில் கொடுக்கும் ஊதியத்தில் கழித்துக் கொள்ளுங்கள் என்றால் அத்துடன் அவர்கள் தொடர்பு அறுந்து விடுகிறது. அது அயல் நாட்டு உள்நாட்டு நிறுவனங்கள் எதுவானாலும் சரி..நமக்கு ஊதியம் ஈட்டும் பணி எல்லாம் வாழ்வில் இனி இல்லை போலும்.

உலகின் மூலையில் எந்த நாட்டிலிருந்தோ எங்கிருந்தோ பேசுகிறார், ஆனால் அவர்களால் எந்த உதவியும் இல்லை என்ற போதும் இணையதளத்தை வலை தளத்தை இனி விடவா முடியும்? அது நம்மை பிடித்துக் கொண்டு விட்டது. அதை நாம் பிடித்துக் கொண்டு விட்டோம்.

படிப்பவர் எண்ணிக்கை நாளுக்கு நாள் குறைந்து வருகிறது என்கின்றனர். ஆனாலும் புத்தகங்கள் விற்பனை கூடியுள்ளது எப்படி? சினிமா தொலைக்காட்சி வந்தவுடன் பொலிவிழந்து விடும் என்றார், ஆனால் முன்பை விட இப்போது நல்ல தொழில் நுட்பத்துடன் சினிமாக்கள் ஓடுகிறதோ விரைவாக தியேட்டரை விட்டு ஓடுகிறதோ எல்லாம் டிஜிட்டல் மயத்தில் வந்து விட்டது.. ஊரடங்கு உத்தரவு போட்ட ஒரு நாள் மதியக் காட்சியில்: 5×50 ரூ அதாவது 5 பேருடன் வெறும்250 ரூபாய்க்கு ஒரு காட்சி பாபநாசம் சினிமா ஓட்டப்பட்டது உள்ளூர் தியேட்டரில். இது உண்மைச் செய்தி.

இப்படி எப்படியானாலும் சினிமா புத்தகம் இவை யாவற்றையும் தாண்டி படித்தாலும் பார்த்தாலும் இணையமும், வலைதளமும், வலைப்பூவூம் மனித வாழ்வோடு இணைந்தே விட்டது…இதை மனைவிகள் மதித்தாலும் மறுத்தாலும், கணவன்கள் வெறுத்தாலும் மறித்தாலும் வாழ்வை விட்டு ஒதுக்கவே முடியாமல் பின்னிப் பிணைந்து விட்டது.

அதிலும் முக்கியமாக பள்ளி, கல்லூரி தேர்வு முடிவுகள், கல்விக் களஞ்சியங்கள், தேவையான விண்ணப்ப படிவங்கள், பணி செய்திகள், அரசு அறிவிப்புகள் இப்படி எல்லாமே என்னதான் இல்லை என்ற அளவில் இப்படி இருக்கும் இணையத்தை வலைதளத்தை பொருளாதார ஏற்றத் தாழ்வு காரணம் பற்றி கிடைப்பதும் கிடைக்காததுமாய் வசதிக்கேற்ப இந்த நாடு வைத்திருப்பது கொடுமை.

அதுசரி, குடிநீருக்கே உத்தரவாதம் தராத நாட்டில் இதை எல்லாம் பரவலாக , சமத்துவத்துடன் அனைவர்க்கும் இலவசமாக கிடைக்க வேண்டும், அரசு கொடுக்க வேண்டும் என எதிர்பார்ப்பது எப்படிப்பட்ட எதிர்பார்ப்பு என நீங்கள் தான் சொல்ல வேண்டும்

சற்று முன்னர்தான் இந்திய நேரப்படி மதியம் 1 மணி முதல் 2 மணி வரை எமது தியான வழி சீடர்: பிரவீன் குமார் வாழ்வின் தேடல் பொருட்டு குவெய்த் சென்று 2 வருடமாக வாழ்ந்து வருபவர் தமது வாழ்நிலை பற்றி எல்லாம் ஒரு மணி நேரம் ஸ்கைப்பில் பேசினார் என்னுடன் எம் குடும்பத்தாருடன் எமைப் பார்க்க வந்த மற்றொரு வருகையளருடன் எல்லாம் பேசினார் எமது இல்லத்தில் எம்முடன் அமர்ந்திருந்து கொண்டு பேசுவது போல… செலவின்றி…வைபர், வாட்ஸ் அப், முகநூல், ட்விட்டர், , ஸ்கைப், என என்னே ஒரு விஞ்ஞானம்…

இதை வைத்து ஆக்கபூர்வமாக பயன்படுத்துவோரும், அழிவுக்கு பயன் படுத்துவோரும் எப்போதும் எல்லாவற்றுக்கும் இருப்பதுபோல இதற்கும் உண்டுதானே..எதற்கும் உண்டுதானே…அணுகுண்டு செய்வதற்கும் கற்றுக் கொள்ளலாம், எய்ட்ஸ் நோய்க்கும் மருந்து கண்டறியலாம் இந்த வலைதளம் யாவற்றுக்கும் உதவிடும். அவரவர் தேடலைப் பொறுத்து.

எல்லாருக்குமே தெரிந்த தலைப்புதானே இதை எதற்கு எழுதுகிறாய் என ஒரு நண்பர் கேட்கிறார். எல்லாவற்றையும் அனுபவிக்கிறோம். அவற்றை எல்லாம் பதியவைக்கும் முயற்சியும் தேவை என்பதால்…

மறுபடியும் பூக்கும் வரை
கவிஞர் தணிகை.