இறப்பது யாதெனக் கேட்டால்: கவிஞர் தணிகை

மார்ச் 25, 2015

o-LIFE-AFTER-DEATH-facebook

 

 

 

OLYMPUS DIGITAL CAMERA

 

 

 

இறப்பது யாதெனக் கேட்டால்: கவிஞர் தணிகை

பிறப்பும் தெளிவில்லை,இறப்பும் தெளிவில்லை என்பது பழங்கால வார்த்தை.பிறப்பைப் பற்றி நிறைய தெரிந்து விட்டது ஆனால் இறப்பைப் பற்றி இன்னும் நிறைய புதிர்கள்.உலகின் பெரும்பான்மையான மதங்களான கிறித்தவம்,முகமதியம்,இந்து ஆகிய மதங்களில் மறுபிறவி,தீய ஆத்மா,தூய ஆத்மா,ஆவிஉலகம் ஆகியவை உடலை இழந்த பிறகும் உயிர் இருக்கிறது என்பதை ஏற்றுச் சொல்கின்றன..

 

இந்த கருப்பொருளில் யாம் ஏற்கெனவே எமதறிவுக்கு எட்டிய வகையில் அவ்வப்போது பகிர்ந்திருக்கிறோம்.அதை படிக்க வாய்ப்பில்லாத பலரின்  கவனத்திற்கு செல்லாத காரணம் பற்றி இப்போது ஒரு வேண்டுகோள் அதைப்பற்றி எழுதவேண்டும் என கேட்டு…சொல்ல முயல்கிறோம். மறுபடியும்.

 

பிறக்கும் குழந்தை சாமி வரம் கொடுத்ததால்…எனநினைத்த காலம் போய் ஆரோக்யமான தகுதியுள்ள.அதாவது விந்தணுவும்+சினைமுட்டையும்சேர்ந்து கருவுறுதல் நிகழ உயிரி உருவாகிறது…இதல்லாதார்க்கும் செயற்கை கருவூட்டல், வாடகைத் தாய்,இப்படி அந்த பிறப்பு பற்றிய அறிவியல் கூறுகள் விரிந்து விட்டன… ஏன் ஆண்,பெண் குழந்தையைக் கூட நிர்ணயித்து பெற்றுக் கொள்ளலாம் என்ற வழிமுறைகள் கூட புழக்கத்தில் இருக்கின்றன.

 

ஆனால் இறப்பு பற்றி அறுதியிட்டு எவராலும், எந்த மதத்தாலும் இன்னும் சொல்லமுடியவில்லை..கண்ணதாசன் சொன்னது போல இறப்பது யாதெனக் கேட்டேன் இறந்து பார் என இறைவன் சொன்னான் என்பது போல இருக்கிறது.ஆனால் இறைவன் என்பதில் இறைவன் ஆண்பால்..இறை இயற்கை. என்றால் அதற்கு பால் இல்லை.இப்படி வழி மாறிப்போக அந்த வாக்கியத்தில் இடமுண்டு

 

உடலியக்கம் நிறுத்தப்படுவதால் இறப்பு நேர்கிறது. சிலர் இதயம், மூளை அல்ல..தொப்பூள் இருக்கும் உடலின் மையப்பகுதி என்றெல்லாம் உயிர்நிலை சொல்வார்.ஆணின் குறியை அறுப்பதால் உயிர் பிரியும் என்பது உண்மைதான். ஆனால் சமீபத்திய மருத்துவ அறிவியல் படி ஆணுறுப்பை இழந்தவர்க்கு மாற்று இருதயம் பொருத்துவது போல மாற்று ஆணுறுப்பை பொருத்தி வெற்றி கண்டுவிட்டார்கள்..

 

கண்கள் ,கைகள்,கால்கள்,செவித்திறன்,இப்படி சில உறுப்புநிலைகள் இல்லாதபோதும் மனிதமும் உயிர்களும் உயிர் வாழ்கின்றன.ஆனால் இதயம் துடிப்பை நிறுத்திவிட்டால்,மூளை தமது கட்டுப்பாட்டக பணிகளை நிறுத்தி விட்டால்,நுரையீரல் தமது சுவாசிக்கும் சக்தியை இழந்துவிட்டால் உடல் இயக்கத்திறன் பூஜ்யத்துக்கு சென்று விடுகிறது.

 

பிறப்பொக்கும் எல்லா உயிர்க்கும் இறப்பொக்கும் என்ற வாக்குப்படி உயிர்களுக்கு எல்லாம் மரணம் உறுதி. ஆனால் எய்ட்ஸ் வைரஸ்களுக்கு இறப்பு இல்லையாமே எனக் கேள்வி வைக்கிறார் எனது +2 மகன் மணியம்…ஆய்வுக்கு எடுத்துக் கொள்ளப்பட வேண்டும்.

 

இறப்பு பற்றி மதங்கள் என்ன சொல்கின்றன என்று பார்த்தால்,புத்தம் இது பற்றி கருத்தே சொன்னதாக தெரியவில்லை..என்னறிவுக்கு எட்டியவரை..சமணம், சீக்கியம்,யூதம், ஜொராஸ்ட்ரியம், இப்படிப்பட்ட மதஙக்ள் என்ன சொல்லியிருக்கிறது என்பது பற்றி எனக்குத் தெரியவில்லை…தேடல் நடத்த வேண்டும். நேரமும் வாய்ப்பும் கிடைத்தால்

 

உலகின் மிகப்பெரும் மதங்களான கிறித்தவம், முகமதியம்,இந்து இந்த மூன்று மதங்களும் இறப்புக்கும் பின் உடலை இழந்த பின்னும் உயிர்கள் இருக்கின்றன என சொல்கின்றன.இறப்புக்கும் பின் என்ன இருக்கிறது என்ற கவலை எமக்கில்லை என பல அறிஞர்கள் குறிப்பிட்டு எனவே இருக்கும்போதே இந்த பூவுலகிற்கு, உனது பெற்றோர்களுக்கு மனிதர்களுக்கு ஏதாவது செய்வதாயிருந்தால் அது உன்னதம் என்கிறதுவாழ்வின் மேன்மை. சீடர் நேரு இறந்தபின் என்ன  என்பது பற்றி எனக்கு கவலை இல்லை எனச்  சொல்லி ஆட்சி புரிய ,,,குரு மகாத்மா காந்தியோ இறந்த பின் இருக்கும் வாழ்க்கை முறைகளை பின்பற்றியவர்…ஏன் இவருக்கு ஆவி உலகத் தொடர்பில் கட்டளைகள் கிடைக்கின்றன அதை நம்புகிறார் என குற்றச் சாட்டே இவர் பால் உண்டு.

 

பகவத் கீதையில்:ஆன்மாவை நீரால் மூழ்கடிக்கவோ,கத்தியால் வெட்டவோ,தீயால் எரிக்கவோ முடியாது என்று சொல்லப்படுகிறது.

கிறித்தவம்..உலகின் பெரிய மதம் அன்றும் இன்றும்  என்ன சொல்கிறது எனில்:தீய ஆத்மா,தூய ஆத்மா, பரிசுத்த ஆவி என்றெல்லாம் வெகுவான நம்பிக்கை கொண்டு இருக்கிறது.

முகமதியத்திலும் தீய ஆவிகளால் விளைந்திடும் மனித இடர்களை நல் ஆவிகளின் துணை கொண்டு தீர்த்து மனித குலத்துக்கு நல்லது செய்வதாக தர்காக்கள் செயல்பட்டுவருகின்றன. இதிலும் இறப்புக்கு பின் உயிர்கள் உண்டு என ஏற்கப்படுகிறது.

 

இதெல்லாமே பேய், ஆவி, பிசாசு என சினிமா, இலக்கியம் ஊடகங்களிலும் சராசரி வாழ்விலும் பயமுறுத்தப்பட்டு இதையே பிழைப்பாக, ஏன் பில்லி சூனியம், ஏவல், குட்டி சாட்த்தான், உயிர்பலி, முதல் ஆண்குழந்தை பலி, மை, வசியம், இடுகாட்டு வேள்விகள்,நள்ளிரவு வேள்விகள் என ஒரு விளிம்பிற்கு கொடூரமாக கொச்சையாக இழுத்து செல்லப்படுகின்றன. ஏன் இந்த சகாயம் விசாரணையில் கூட உயிர்பலி இடம் பெற்றிருப்பதை நீங்கள் படித்திருக்கலாம். என்டே மலையாள் பகவதி அம்மேவும், முஸ்லீம் சாயபுகளும் இதில் அதிக ஈடுபாடு உள்ளவர்கள்.நல்லதும் இவர்களால் நடக்கிறது. ஏன் இந்த வியாதி என மருத்துவத்தால் கண்டறியமுடியாது..தீராமல் இருக்கும் வியாதிகள் கூட இப்படி தீர்க்கப்பட்டதும் உண்டு.

 

ஆக இயல்பான இறப்பு ..இயற்கையாக பழுத்த இலை உதிர்தல் போல,இறப்பு என்பது உறங்கும்போது மிக எளிமையானதாக இருக்க வேண்டும். என்றும்.நன்கு பழுத்த பழமாகி முதுமையடைந்து 100க்கும் மீறிடும் பேறுடன் இந்தியாவில் பெண்களில் அதிக நாள் வாழ்ந்த குஞ்சன்னம் அந்தோனி போல 112 வயது வரை கூட இருந்து காலமாகலாம்.(சற்று முன் கிடைத்த செய்தி இது).

 

மஹா ம்ருத்யுஞ்சய மந்திரம் என்ற ஒரு மந்திரம் என்ன சொல்கிறது எனில்:அது உயிர் வழங்கும் மந்திரம்…என்றும்…சிவபெருமானிடம்…வெள்ளரிக்கொடியிலிருந்து நன்கு பழுத்த வெள்ளரிப்பழம் எப்படி கொடியைவிட்டு உதிர்ந்து நிற்கிறதோ அப்படி இறப்பு இயல்பாக…தீ,மின்சாரம், போக்குவரத்து,நீர், போன்ற எந்தவிதமான இடர்பாடுகளாகும் இடையில் நேர்ந்து விடாமல் இருக்க வேண்டும் வாழ்வை முழுதும் நிறைத்து முடித்து இறக்கவேண்டும் என வேண்டுதல் செய்கிறது.சிவபெருமான் தான் அவர்மட்டும்தான் கடவுளா? இமயமலைக்கு மேல் பார்வை செல்ல மறந்த காலத்தில் அவர் மட்டுமே எல்லா கடவுளரிலும் உயர்ந்தவர்…சந்திரசேகரன்,,நிலாவை அணிந்தவர்…அறிவியல் கூற்றுக்கு ஒத்துவரவில்லைதான்…

 

மாறாக..தூக்கிடுதல்,ரெயிலில் பாய்தல்,எதிர்பாராத விபத்தில் இறத்தல், விஷமருந்தி இறத்தல், பாம்பு போன்ற விஷப்பூச்சிகள் கடித்து இறத்தல், மிருகங்களால் இறத்தல்,நீர், தீ போன்றவற்றால் நிகழும் வயதுவரா முதுமையடையா துர்மரணம் ஏற்கும், அல்லது ஆசைகள் நிறைவேறாமலே நடக்கும் இறப்புகளில் ஆவி ,,உடலை இழந்த உயிர்கள் ஊசலாடியபடியே இருக்கின்றன..

 

அவை நிறைய வேலைகள் செய்கின்றன தமக்கு பிடித்த மாதிரியும்,பலருக்கும் பிடிக்காத மாதிரியும் இதைப்பற்றிய நிறைய உண்மைக்கதைகள், சம்பவங்கள் அனுபவங்கள் உண்டு. மிஷ்கின் பிசாசு படம் போல இருந்தால் அது தெய்வம். தூய ஆவி.

 

எனக்கும் கூட இவற்றில் எல்லாம் நம்பிக்கை, அனுபவம் உண்டு.எமது தாய் எம்முடன் இறந்த பிறகும் அதற்கும் மேல் 4 ஆண்டுகள் எம் இல்லத்தில் இருந்தார். நம்புவதும் நம்ப மறுப்பதும் அவரவர் விருப்பம்.அதன்பின் வீட்டில் இருந்தவர் அதை பயமாக,தொல்லையாக வாழ்வே தொலைந்து போகுமளவு பிரச்சனையை ஏற்படுத்திய காரணத்தால் எமது வேண்டுகோளுக்கு இணங்க வீட்டில் இருந்து விலகி விட்டார். ஆனால் இதை எல்லாம் ஒரு முகமதிய நண்பர் ஒருவரும், இந்த விஷியத்தில் அனுபவமுள்ள ஒரு முதிய பெண்ணும், சரியாக சொல்லி விட்டனர். ஏன் எமக்கும் கூட தியானத்தில் அது போன்ற செய்திகள் கிட்டின.அந்த இரு நபர்களுமே எமது வீட்டில் இருந்து வெளியே இருந்தவர்ககள். அதிலும் அந்த முகமதிய பெரியவர் சில நூறு மைல்களுக்கு அப்பால் வாழ்பவர்.

 

இங்கு நாம் கவனிக்க வேண்டிய ஒரு விஷியம் என்ன வெனில்..மதங்கள் சொல்வது போல, யாம் அனுபவித்தது போல எமது தாயிடம் மட்டுமல்ல..இன்னும் சில நெருங்கிய உறவு, நட்பு, பக்கத்து வீட்டில் எமது சகோதரி வீட்டில் குடியிருந்த ஒரு மிக நெருங்கிய நட்புக் குடும்பத்தின் நபர் எல்லாம் இறந்த பிறகு என்னோடு பேசி இருக்கின்றனர்.ஆனால் எமது பார்வைக்கு அவர்கள் பட்டதில்லை. அது சிலரது கண்களுக்குத் தெரியும் என்கிறார்கள்.ஆனால் நான் பார்த்ததில்லை.என் கண்களுக்குத் தெரியவில்லை.

 

இந்த ஊசாலாட்டம் உடலை இழந்த பிறகு இந்த உயிர்கள் எவ்வளவு நாட்கள் அல்லது எவ்வளவு காலம் இப்படி பூமியிலிருக்கின்றன? அல்லது அதன் பிறகு எங்கு செல்லும்.?உண்மையில் மறுபிறப்பு உண்டா? கடந்து போனஜென்மம் எல்லாம் உண்டா இது போன்ற கேள்விகளுக்கு அறுதியிட்டு உறுதியாக எந்த மதமும், ஏன் நாமும் பதில் சொல்ல முடியவில்லை தெரியவில்லை…இது பற்றிய ஆய்வுக்கு பல ஆயுள் தேவைப்படலாம்..கண்டவர் விண்டதில்ல. விண்டவர் கண்டதில்லை என்பார்.கண்டவர்கள் அதை சொன்னதில்லை. சொன்னவர்கள் அதை காணாதார்.

 

ஆனால் தியானத்தில் சரியாக பயணம் செய்தால்..முற்பிறப்பு,மறுபிறப்பு பற்றி அறிய முடியும் எனச் சொல்லப்படுகிறாது..அதிமன உணர்வு, உள்ளுணர்வு, அடிமன உணர்வில் எல்லாம் பயணம் செய்து கண்டறிந்தால்….தியனத்தின் மூலம் எல்லா படிமங்களையும் குறுக்கு வெட்டுத் தோற்றம் போல  வெட்டி ஊடுருவி சென்றால்…

 

இரமானுஜர் தமது ஆயுள் 200 என்றும், இந்தப்பிறவியில் 120 மறுபிறவியில் மணவாளராக 80 ஆண்டுகள் என்றும் சொல்லி வாழ்ந்து மறைந்திருக்கிறார். எமக்கும் கூட ஏழாவது அறிவு,மூன்றாம் கண், எக்ஸ்ட்ரா சென்சரி பெர்சப்சன்:இ.எஸ்.பி, ப்ரி மானிஷன் போன்றவற்றில் பரிச்சயம் உண்டு..தியான வாழ்வில் 30 ஆண்டுகள் பயிற்சியில் ஈட்பட்டிருப்பதால்…

 

ஆனால் நாடி சோதிடம் என்ற பேரில் முற்பிறவி, இப்பிறவி என ஏமாற்றி பிழைப்பாரும் உண்டு கவனத்தில் கொள்க.

 

நாம் இப்படி ஆவி பற்றி இறந்த பின் வாழ்க்கை பற்றி சொல்வதால் அதற்கும் கடவுள் இருக்கிறதா இல்லையா என்ற கேள்வியையும் சிலர் முடிச்சிடுகிறார்கள்.ஆனால் அதை அப்படி இணைப்பதை என்னால் ஏற்க முடியவில்லை. கடவுள் என்ற கருத்துருவே மனித மேம்பாட்டிற்கு என எண்ணுவதால்…மனப்பக்குவம் மனிதரும் தெய்வமாகலாம் என்ற சித்தர் பாதையில் ,,செல்ல வேண்டி வருவதால்.. அது வேறு கருப்பொருள்.இது வேறு கருப்பொருள் என்றே எண்ணுகிறேன்.

 

பொதுவாகவே கடவுள் மறுப்பு சிந்தனையாளர்,கம்யூனிஸ்ட்கள், போன்றவர்க்கு இந்த சிந்தனையில் உடன்பாடு கிடையாது…அது அவரவர் சிந்தனைத்திறத்தை பொறுத்தது.அனுபவத்தை பொறுத்தது. ரஷிய இலக்கியங்கள் கூட இறப்புக்கும் பின் வரும் ஆவி பற்றிய கருத்துக்களுடன் இருந்ததுண்டு. யாமும் படித்ததுண்டு.

 

இப்படி ஆவிகள் சேவை உண்டென்றால்,காந்தி, பகத், விவேகாநந்தர், ஏன் இறந்த பிற ஸ்டாலின் ,லெனின், மார்க்ஸ் எல்லாருமே நமக்கு பயன்படுவரே என்றால் அவர் விட்டுசென்ற எழுத்தும் , சேவையும் பணியும் தொடர்வதென்னவோ உண்மைதான். ஆனால் அவர்கள் வாழ்வு நிறைவாழ்வு. அவர்களுக்கு ஆவி நிலை இல்லையோ?என்றகேள்விகள் இருக்கின்றன.

 

மேலும் நேற்று நடந்த விமான விபத்து ,150 பேர்..ஜெர்மன் ஏர்லைன்ஸ்,ஆல்ப்ஸ் மலைத்தொடர், பிரான்ஸ், 16 குழந்தைகள், இன்று நடந்த இந்திய விமான விபத்து, பேரிடர் இயற்கை பேரிடர்கள், கொத்தாக மரணங்கள், இலட்சக்கணக்கான இலங்கைத் தமிழ் உயிர்கள், தீவிரவாதம் என்ற பேரில் மனித அழிவுகள், பிற உயிர் இனங்களின் அழிவுகள்..உலகின் மக்கள் தொகை பெருக்கம்… எல்லாம் இந்த தடத்தில் ஆராயப் படவேண்டியதிருக்கிறது..இறப்புக்கும் இதற்கும் உள்ள தொடர்புகள்…கேள்விக்குறிகள்.Life threats Due to  Earth quakes,Volcano Eruption,Tsunami,Cyclones,Typhoons,Streams, chemical weapons, Atom bombs,War,Military attacks,Terrorism etc. etc.

 

முடிந்தால் இன்னும் இது பற்றி வாய்ப்பு கிடைக்கும்போது எழுதுவோம்.இப்போதைக்கு இவ்வளவே…

 

,மறுபடியும் பூக்கும் வரை

கவிஞர் தணிகை.

 

 

 

 

 

 

 


புத்தம்…பற்றி..கவிஞர் தணிகை.

மார்ச் 23, 2015

அன்பு நண்பர்க்கு: புத்தம்…பற்றி..கவிஞர் தணிகை.

download (7)
இது குறித்து பல இடங்களில் நான் குறிப்பிட்டு எழுதியிருக்கிறேன்.புத்தர் எந்த கடவுளையும் சொல்லவில்லை.தன்னையும் கடவுளாக்க சொன்னதுமில்லை.பொதுவுடமை பற்றி எல்லாம் அவர் சொன்னதில்லை.ஜீவ காருண்யம்.அவரவர்வினைகளே அவரவர் வாழ்வின் பலன்கள் பயன்கள் அனுபவிப்புகள் என்றெல்லாம் சொன்னவர்தான் ஆசையே அழிவுக்கு காரணம் என்றும் சொன்னார். நிலையாமை மனிதமரணம் குறித்து வலியுறுத்தி இருக்கும் வரை அதை நினைவில் கொண்டால் அனைவர்க்கும் நன்மை பயக்கும் என்று கருதினார். அனைவர்க்கும் போதிக்காமலே உணர்த்த நினைத்தார். அவர் போதனைகளில் தலையானது:

ஞானம் பெறுவதற்கு உடலை பெரிதும் வறுத்த வேண்டியதில்லை என்பதாகும். சுயநலமான சுற்றம் சூழம் அவசியமில்லை…பிரம சாரிய விரதம் துறவு போன்றவை இந்தக்கூட்டத்திற்கான நெறியாகும்..ஆண்களும் பெண்களும் இந்தக்கூட்டத்தில் இருந்தனர். சிறுவர்களும் சேர்க்கப் பட்டனர். புத்தரின்மகன் கூட சேர்க்கப்பட்டார்..மனைவி குடும்பமே இந்த துறவுக் கூட்டத்தில் கடைசியில் இணைந்தது.

புத்தருக்கும் பின் அசோகர், பிம்பிசாரார், அஜாதசத்ரு, அசோகரின் மகன் மகள் இப்படி பல இராஜ குடும்பத்தாரால் உலகெங்கும் பரப்ப முயலப்பட்ட மதம். பெரும்பாலும் துறவறம்…பிச்சை வாங்கி உண்ணும் வாழ்க்கைக்கு வித்திட…பிற மதத்தினர் எதிர்க்க ஆரம்பித்தனர்…இப்படியே துறவியாகவே எல்லா மனிதர்களும் ஆனால்..எப்படி நாட்டில் நல்லறம் செழிக்கும், இவர்களுக்கு பிச்சைபோடவாவாது குடும்பங்கள்வேண்டுமே,நல்லாட்சி வேண்டுமே என பிரமசாரியத்துக்கு எதிராக கோவில்களில் கூட உடலுறவு வேட்கை கிளப்பி விடப்பட்டது ஓவியங்களாக, சிற்பங்களாக நுண்கலைகளாக..

பிற மதங்கள் செழிக்க..இந்த மத வளர்ச்சி தடைபட்டது.இந்தமதத்தை சீனா,ஜப்பான், தாய்லாந்து, இலங்கை போன்ற நாடுகளிலும் இந்தியாவில் வட மாநிலங்களிலும், நேபாளம் பூட்டான், சிக்கிம் போன்ற சிறு நாடுகளிலும் மாநிலங்களிலும் இதன் மிச்சம் மீதி இன்னும் சில இடங்களிலும் இருக்கிறது

ஜீவகாருண்யம் பற்றி பேசிய இந்தமதம் சார்ந்த சிங்களவர்கள் தமிழர்களை அழித்த கதை உலகறியும்…

தலாய்லாமா கூட இப்போது இருப்பவரே கடைசி எனச் சொல்லி விட்டார்.

பொதுவாக புத்தமும், சமணமும் குடும்ப வாழ்வுக்கு ஒத்து வராத மதங்கள்

ஏன் எனில் கொசுக்களை கொல்ல வழியில்லை…உழவுத்தொழில் செய்யும் நண்பர்களை உயிர்களைக் கொல்லக் கூடாது,களையெடுக்கக்கூடாது என்பது போல..உழவு இல்லை எனில் ஏது உலகுக்கு சோறு அல்லது உணவு. குடும்பம் இல்லையெனில் பிச்சைக்காரனுக்கும் ஏது பிச்சை…

எனவே விவேகானந்தர் பாணியில் சொல்லப்போனால்: இந்துமதம் புத்த மதத்தை உள்வாங்கிக் கொண்டதாக சொல்லலாம். ஜீவ காருண்யம் தேவைதான். நம்மை பிற சிற்றுயிர்கள் அழிக்காதவரை.

அஸ்வகோஷர் எழுதுவது…புத்தர் வரலாறு, புத்தம் சரணம் கச்சாமி, தம்மம் சரணம் கச்சாமி, சங்கம் சரணம் கச்சாமி…என்பது… எல்லாம் அவர்கள் வாழ்ந்த காலத்தில் இருந்த நிலை…ஆனால் மஹாயானம், ஹீனயானம் என புத்தரை கடவுளாக பார்த்து யேசுவைப்போல கடவுளாக்கிய பிரிவும், புத்தரை குருவாக வணங்கும் பிரிவும் அவரது போதனைகளுக்கு எதிரானவையே..

எனினும் ;புத்த மதம் சார்ந்த அடையாளங்களை தீவிரவாதம் என்ற பேரில் முகமதியம் சார்ந்த அமைப்பு ஒன்று அழித்ததாக குண்டுகள் வைத்து தகர்த்தகாக எல்லாம் செய்திகள் உண்டு…ஆனால் புத்தர் போற்றப்பட வேண்டியவர்தான்…எல்லா மூடத்தனங்களும் சொல்லப்பட்டு கடவுளை மதம் சார்த்தி ஏமாற்றப்பட்டு மக்களை வாட்டிக் கொண்டிருக்கும் அமைப்பு முறையில் புத்தரது போதனைகள் ஏற்கப்பட வேண்டியதுதான்…

ஆனால் அவர் பொது நலம் சார்ந்த போதனைகளை தந்தார். ஆனால் பொதுவுடமை சார்ந்த விஷியங்களை தந்ததாக நான் படித்தவரை இல்லை.என் நினைவுக்கு இல்லை.ஆனால் அவர் வீட்டை துறந்து தாமாக செல்ல வேண்டி அதன் பின் போதி மரத்தடி ஞானம் பெற்றதாக சரித்திரம் சொல்லும் நேரத்தில் வேறு வழியில்லாமல் இராஜரீக முறைகளில் போக வேண்டிய நிர்பந்தங்கள் நேர்ந்தன என்பது போன்ற இலக்கியங்களும் உள்ளன.

மதம் மாற மாற்ற நிறைய யுக்திகள்..எனினும் போர்கள் நின்றதாக இல்லை இது புத்தம் சென்ற பாதையின் இலக்கு அடையாமை.மனித மேம்பாடு அடையாமை.இதுவும் அந்தமதத்திற்கான தோல்விதான். ஆனால் புத்தருக்கு அல்ல.

இஃதல்லாமல் சுந்தா புத்தருக்கு கடைசி உணவாக அளித்தது பன்றி இறைச்சியா? வேறா?பிறவாத வீடும் உண்டு. இறவாத வீடு ஏது என்ற பொன்மொழிக்கேற்ப ஒரு கைப்பிடி கடுகு அல்லது , ஒரு கரண்டி எண்ணெய் இறவாத வீட்டில் அந்தப் பெண்ணை வாங்கி வரச் செய்து அவள் துக்கம் போக்க முயன்றது…உணவின்றி, ஏதுமின்றி தவத்தால் தமது தசைகள் பிய்ந்து நகர்ந்து கூட செல்ல முடியாமல் சக்தி இழந்தது அதன் பின் ஒரு பெண்ணிடம் உணவு வாங்கி உண்டு உயிர் திறம் பெற்றது..இப்படி இன்னும் நிறைய…ஆனால் அப்போதெல்லாம் பொதுவுடமை சிந்தனை என்பதே அந்த அரசர் காலத்தில் இடம் பெற்றதேயில்லை. அந்த சிந்தனையே வராத இராஜாக்கள் ஆண்ட காலம் அது.

 

இந்த நேரத்தில் இதுபற்றி இவ்வளவுதான் என்னால் சொல்ல முடிகிறது…

மறுபடியும் பூக்கும் வரை:
கவிஞர் தணிகை.


மறுபடியும் பூக்கும் இதழ்களைப் பற்றி: கவிஞர் தணிகை

மார்ச் 23, 2015

 

 

மறுபடியும் பூக்கும் இதழ்களைப் பற்றி: கவிஞர் தணிகை

 

11076234_891557127568710_3876767505534630443_n
நானே கருவாகி தானே உருவாகி உங்கள் உள்ளத்தில் ஒரு சிறு பகுதியை தொட்டுச் செல்ல நான் எடுத்துக் கொண்ட காலமும் சிரமும் மிக அதிகம்…

நாண் பாரதி தாகூர் போன்ற மகாக் கவியில்லை

என்னால் உலகு உய்யப் போகிறது என்று சொல்லுமளவு நான் முட்டாளுமில்லை

என்னால் இந்த நாடு சுபிட்சம் அடையப்போகிறது என எண்ணிக் கொள்ளுமளவு நான் பெரிய தியாகியுமில்லை

என் பின்னோடு எந்த மதமும் தொடர்ந்து வரப்போவதில்லை என்பதையும் நானறிவேன்.(எந்த மதமுமே அனைத்து மக்களையும் இணைக்க மறுப்பதனால்..அவை யாவும் முரண்பாடுகளுள்ள மொத்த உருவம் அவை வாழ்வுக்கு தேவையில்லை என்பதையும் நானறிவேன்) என்றாலும்

நான்; கால எல்லையை குறுகிய சாதி, மதக் கோடுக்ளை வாழ்வின் நடைமுறை யதார்த்ததிலும் பிடிவாதத்துடன் கடக்க ஆசைப்படும் ஓர் சாதாரண மனிதன்.

சக மனிதரின் துன்பம் கண்டு துயரம் கொள்பவன்.

 

images (9)

நிறைய ஏமாற்றங்கள் என்னிடமும் உண்டு

ஆனாலும் என்னால் எவருமே என்றுமே ஏமாற்றப்பட்டு விடக் கூடாது என்று பிரார்த்திப்பவன்.

எனது இளமை விடைபெறும் முன்பே என்னால் முடிந்த அளவு எனது வீட்டுக்கும் எனது நாட்டுக்கும் நான் செய்ய வேண்டிய கடமையை செய்து முடித்து விட்டதாய் உணர்கிறேன்…அந்த திருப்தியின் அடையாளமாய்த் தான் இப்போது நான் உங்கள் கைகளில் சிந்தையில் எண்ணத்தில் இருக்கிறேன்

நான் இனி எப்போது இறந்தாலும் எனக்கு சந்தோஷமே.

நான் என் குடும்ப உறுப்பினர்களைக் கூட உலகின் அங்கமாகவே எடுத்துக் கொண்டிருக்கிறேன். எனக்கு முகம் தெரிந்த ,தெரியாத இவ்வுலகின் எல்லா மனிதர்களையுமே என் குடும்ப உறுப்பினர்களாகவெ நினைத்துக் கொண்டிருக்கிறேன். அதன் எதிரொலிதான் இந்த எழுத்துகள்.

அன்பு பிரவாகத்தின் சுழலில் அகப்பட்டு மீளத் தெரியாத எனது அவ்வப்போதைய மீறிய துக்கமும் பீறிய சந்தோஷமுமே இந்தக் கவிதைகளும், எழுத்துகளும்,நான் செய்யும் இலக்கியமும்.

பல கோணங்களின் பல உருவங்களாகவே நானும் எனது வாழ்வும் நீங்கள் படிப்பதற்காக…

நம்மகிட்ட இப்ப ஒரு வார்த்தை அப்ப ஒரு வார்த்தை , இப்ப ஒரு பேச்சு அப்ப ஒரு பேச்சு எல்லாம் இல்லங்க…எப்பவும் ஒரே பேச்சு, ஒரே வார்த்தைதான்..

மேற்சொன்ன முன்னுரை எமது முதல் புத்தகமான “மறுபடியும் பூக்கும்” என்ற கவிதை நூலுக்காக 1990களில் எழுதியது..என்ன இந்தக் காலத்துக்காக நூற்றுக்கு ஒரு சதம் மாற்றி கொடுத்துள்ளேன்..

மற்றபடி எமது எழுத்துகள் எப்போதும் பொருந்தும் காலத்தை விஞ்சிய எழுத்து என்பதற்கு இது சான்றாகும்.

 

0 (4)

இது ஒரு மீள் பதிவாகவும் இருக்கலாம்…

மறுபடியும் பூக்கும் வரை
அன்றைய சு.தணிகை
இன்றைய கவிஞர் தணிகை.


எனக்கிது பெரிதுதான்:கவிஞர் தணிகை.

மார்ச் 22, 2015

எனக்கிது பெரிதுதான்:கவிஞர் தணிகை.
சிகரம் தொட்ட அருணிமா சின் ஹாவுக்கு எவரெஸ்ட் உயரத்தை விட இன்னும் உயர்வான சிகரம் இருந்திருந்தால் அதையும் முயன்றிருப்பார்…இன்னும்கூட உண்ணாவிரதம் இருக்க வேண்டுமென்றால் ஐரோம் சர்மிளா தமது இலக்கை எட்ட இருந்திருப்பார்..இன்னும் தெரஸா இருந்திருந்தால் அவர் பணி அப்படியே தொடர்ந்திருக்கும் .இப்படி சிலரின் பயணம் மட்டும் மாறாது..அப்படித்தான் இந்த தனியும் தணியும் தணிகையும்..

 

mother-teresa-photoss

எமது எழுத்துகளை 152 நாடுகளில் படிக்கிறார்கள் எனப் பதிவிட்டேன் ..உடனே ஒரு அன்பர் அவர் ஒரு முகப்புத்தகத்தின் பதிவில் தற்பெருமை பேசுகிறார்கள் என எழுதியிருந்தார். என்னிடமே அவரது கருத்துகளை தெரிவித்து விட்டு அதற்கு நான் என்ன மறுமொழி தருகிறேன் என ஒரு வாய்ப்பு எனக்கு வழங்கி விட்டு அந்த மறுமொழி பிடிக்க வில்லையெனில் பொது பதிவு இட்டிருக்கலாம் யார் கேட்பார்கள்? யார் தடுப்பார்கள்?

கடந்த 2014 ல் வேர்ட்.பிரஸ் தந்த அறிக்கை பற்றியே குறிப்பிட்டிருந்தேன். இன்னும் ஒரு சில மாதங்களில் “மறுபடியும் பூக்கும்” என்ற இந்த தளத்தில் 1000க்கும் மீறிய பதிவுகள் இருக்கும். டான் பேஜஸில் 600க்கு அருகேவும், தணிகை ஹைக்கு.பிளாக் ஸ்பாட்டில் நூற்றுக்கணக்கான பதிவுகளும் இருக்கும்…

எழுதப்படிக்கத் தெரியாத ஒரு பெற்றோருக்கு கடைசி மகனாக 8 வதாக பிறந்த இந்த பிறப்புக்கு தமது எழுத்துகளை உலகெங்கும் உள்ள இலட்சக்கணக்கான மக்கள் படிக்க இணையம் நண்பர்கள் உதவுகிறார்கள் என்பதே பெருமைதான்.

ஒரு முறை டாக்டர் வ.செ.குழந்தை சாமி சிறப்புரையாற்றும் ஒரு தமிழ் மாநாட்டிற்கு சிகாகோவில் பங்கெடுக்க என்னால் முடியாமல் போனது..அவரும் தொலைபேசியிலும், கடித வழியிலும் தொடர்பு கொண்டார். அப்போது பிரபாகரன் என்பவர் அந்த தமிழ் சங்கத்தில் பொறுப்பாளராய் இருந்தார். அப்போது மேதகு அப்துல் கலாம். எனக்கு குடியரசு தலைவராய் இருந்து கடிதம் எழுதி இருந்தார்…அந்தக்கடிதத்தை வைத்து ஒரு சிறுவர்களுக்கான ரூ.2.50 மிட்டாய் வாங்கும்காசில் 100 தலையாய குறள்களை தொகுத்து இவரின் கடிதம் வைத்து “தணிகையின் பார்வையில் தலையாய குறள்கள் 100″ என்றுசில அரிய கவிதைகள் முன்னும் பின்னும் தொகுத்து, முன்னுரையுடன் கொடுத்தேன்.அனேகமாக அந்த ஆண்டு…2004 அல்லது 2005.

 

1

அந்தப் புத்தகத்தை அமெரிக்காவுக்கு அந்த சிகாகோவுக்கு எமது மற்ற நூல்களுடன் கொண்டுசெல்ல முயல..அப்போது என்னிடம் கணினியோ வலைதள வசதியோ ஏதுமில்லை..அந்த அன்பரக்ளுடன் இ.மெயில் தொடர்பு கொள்ள எனக்கு இ.மெயில் கூட இல்லை.. எனது பாஸ்போர்ட் கூட காலாவதியானதே.

அப்போது ஒரு நண்பர் எனக்கு இ.மெயில் ஏறபடுத்தி அந்த தபால் தொடர்பில் என்ன நடக்கிறது என அறிய ரூபாய்.ஐம்பது வாங்கிக் கொண்டார். மேலும் கணினியில் பணிபுரிபவர்களைக் கண்டாலே எனக்கு பிரமிப்பாய் இருக்கும். எட்டாக்கனியாய் இருந்த காலம். எப்படி இவ்வளவு விரைவாக இவ்வளவு எண்ணிக்கை மெயில் வந்திருக்கிறது என ஓப்பன்/மெயில் பாக்ஸை திறந்தவுடன் தெரிந்து கொள்கிறீர் என பிரவுசிங்க் சென்டரில் பணிபுரியும் பெண்ணைப் பார்த்து கேட்டிருக்கிறேன்…கலைஞர் பார்வையாளராக கலந்துகொள்ளுங்கள் என அனுப்பி இருந்த கோவை உலகத் தமிழ் மாநாட்டிலும் ஒரு புத்தகம் வெளியிடலாம் என்ற முயற்சியும் ஈடேறவில்லை

அந்த பிரபாகரன் சிகாகோ, வருவதாயிருந்தால் வாருங்கள் …என செலவைப்பற்றி ஏதும்குறிப்பிடாமல் விட்டதுடன்..புத்தகம் விமான வழியில் அனுப்பி வைப்பது நிறைய செலவு பிடிக்கும், கப்பலில் அனுப்புவது நிறைய காலம் பிடிக்கும் என எதை எடுத்தாலும் விட்டேற்றியான பதிலை சொல்லிக்கொண்டிருந்ததால் அமெரிக்கா சிகாகோ மாநாட்டிற்கும் , ஏனிந்த கோவை உலகத் தமிழ் மாநாட்டிற்கும் கூட சில காரணங்களால் போகமுடியாமல் போயிற்று… இப்படி எது எடுத்தாலும் எமக்கு எட்டாக்கனியாகவே இருக்கும்…

அப்படிப்பட்ட எனக்கு…ஒரு வலைப்பூ அல்ல 3 வலைப்பூ நடத்திக் கொண்டு உடனுக்குடன் உலகின் எதிர்பாராத நினைத்தும் பாராத இடத்தில் இருந்து எல்லாம் எமது எழுத்துகளை படிக்கிறார் எனில் இது எனக்கு பெருமைதான். தற்பெருமை அல்ல..

 

download (6)

யார் வேண்டுமானாலும் என்னை எப்படி வேண்டுமானாலும் விமர்சிக்கலாம். அது உங்கள் உரிமை. ஆனால் அது என் பெருமையை ஒருபோதும் சிறுமைப்படுத்தி விட முடியாது..

எனக்கு குடியரசு தலைவர் எழுதுவார் என்பது, உச்சநீதிமன்றத்தின் தலைமை நீதிபதியின் அவையில் பேசி ,அவருடன் அரைநாள் அளவளாவி, உணவுண்டு மகிழ்வேன் என்பது,11 தமிழ் நூல்கள் கொண்டுவந்தேன் என்பது… பல தொலைக்காட்சி வானொலி நிகழ்வுகளில் பங்கெடுத்து உரையாற்றினேன் என்பது, பல பத்திரிகைகளில் எனது இளமையில் எனது பேட்டிகளும் புத்தக வெளியீடு பற்றியும், எனது பணி பற்றிய பேட்டிகளும் இடம்பெற்றது என்பது..முதல் புத்தகமான “மறுபடியும் பூக்கும்” கவிதைத் தொகுதி…அமெரிக்க நூலகக் கூட்டத்தில் வாழ்வுக்குறிப்புடன் இடம் பெற்றது என்பது…

இரு நாளுக்கொரு சேதி என அனைவரிடமும் எண்ண அதிர்வலைகளை ஏற்படுத்தி இப்பகுதியில் பல ஆண்டுகளாக எழுதி வரும் முச்சந்தி வாசகங்கள், அதன் தாக்கங்கள்,

10 ஆண்டுக்கும் மேல் மலைவாழ் மக்களுக்காக பயன் கருதாது பெய்யும் மழையாக இந்தியா எங்கும் பயணம் செய்து உழைத்தது அதை பலரும் பெருமை பாராட்டி அதில் ஒருவர் :இவரது பணி மகாத்மா காந்தி மற்றும் மதர் தெரஸா பணி போன்றது என வருகையாளர் பதிவேட்டில் குறித்தது இப்படி எல்லா மேற்சொன்ன பணிகளுமே என் வாழ்வின் சம்பவங்களுமே நான் வேண்டிப் பெறாதது.தாமாகவே வந்து வாய்த்தது…இந்த சிறியேனுக்கு பெருமைதான்.

கோவில் பணிகளுள்-உள்ளூரில் 3 ஆண்டுகள் உழைத்தும் பொருளார் பணி செய்தும் பேர் விளங்காமல் தற்போது கபாலீஸ்வரர் கோவில் பணிகளில் பொருளாளராக நின்று பணி முடித்துக் கொடுத்தது,

முதல் புத்தகம் போடும்போது ஏங்கியது, முதல் தொலைக்காட்சி நிகழ்வுக்கு ஏங்கியது, முதல் வானொலிப்பேட்டிக்கு ஏங்கியது.. இப்படி முதல் நிகழ்வுக்கு ஏக்கம் இருந்தது..அதன் பின் பாதை தாமாகவே விரிந்தது…

இதை எல்லாம் ஏற்கெனவே எமைப்பற்றி அறிந்தவர்களுக்கு என்னடா மறுபடியும் சொல்கிறானே என நினவிற்கு வரும்…இருக்கிறது காரணம்.

இன்றுடன் எனது 53 ஆண்டுகள் நிறைவுக்கு வருகிறது…

போற்றுவோர் போற்றட்டும் தூற்றுவோர் தூற்றட்டும் பணி செய்து கிடப்பதே என் கடன்.என்று எம்மால் (நான் எனது என்ற சொற்கள் ஆணவச் சொற்கள் என பெரியோர்கள் கருதுவதால் எமக்கும் அதை பயன்படுத்த தயக்கம் வந்து பல ஆண்டு ஆகிவிட்டது)முடிந்தவரை ஏதாவது நேர்மையாக செய்தே வருகிறேன். துணிச்சலுடன்..

வாக்குக்கு காசு வாங்கியதில்லை. பெரும்பாலும் ஊராட்சி மன்ற தேர்தல் தவிர எல்லா தேர்தல்களிலும் 49 ஓவுக்கு எமது கருத்தை பதிவு செய்துள்ளேன்.

எந்த புகை, மது போன்ற தீய பழக்கங்கள் பக்கம் தலைவைத்தும் படுக்காமல் ..அது போன்ற நபர்களுக்கு எல்லாம் ஒரு வில்லனாக மது எதிர்ப்பாளனாக, புகை எதிர்ப்பாளனாக, தீய சக்திகளுக்கு போராட்டக்காரனாகவே இருக்கிறேன் செல்வ வளத்தில் பெரிய புள்ளியாக இல்லை ஒருபோதும்..

சொல்வாக்குதான் என்னிடம் உள்ள செல்வாக்கே…

இத்தனைக்கும் இடையே குடும்பத்துக்கும் யாரையும் ஏமாற்றாமல் என்னால் முடிந்தளவு தாய்க்கு, சகோதரிக்கு, தற்போது உள்ள எனது சிறு குடும்பத்துக்கு உண்மையாக நேர்மையாக பணிகளை செய்து வருகிறேன்.

வறுமையும், ஏழ்மையும் என்னுடன் பிறந்தவை…எனது வீடு இன்னும் முன்னோர் கொடுத்த வில்லை வீடுதான். என் போன்றவர்க்கு இதெல்லாம் செய்வது. அதுவும் இந்தியா போன்ற ஒரு நாட்டில் எந்த வித சாதி மதப் பித்தும் இல்லாமல் அரசியல் கட்சிகளுடன் சாராமல் செய்வது என்பது பெருமைக்குரியதான விஷியமாகவே எண்ணுகிறேன்

அத்துடன் முடிந்தவரை பிறர்க்குதவுவது, தியானப்பயிற்சி கற்பிப்பது. 1985 ஜனவரி முதல் தியானம் செய்து வருவது,,நாளில் குறைந்தது..ஒரு மணிநேரம் தியானத்திற்கும், இருமணிநேரம் நடைப்பயிற்சிக்கும் என்று வாழ்வது… இதெல்லாம் இன்ன பிற…

இப்போது சொல்லுங்கள்…எனக்கு தற்போதிருக்கும் இணைய வலைப்பூ வசதிகள் யாவும் பொருளாதார சிக்கல்களுடன் கேள்விக்குறிகளாய் நீண்டு எழுந்து நிற்கும்போதும்…எழுத்துப்பணியை தொடர்வது எனக்கு பெரிய விஷியம்தானே? பெருமைக்குரிய விஷியம்தானே?

யாராவது பதிப்பாளர்கள் எனக்கு எனது இணைய வலைப்பூ எழுத்துகளை புத்தகமாக, அல்லது இ.புத்தகமாக இலவசமாக ஆக்கித்தரத் தயாராயிருந்தால் அணுகலாம். அத்துனை பக்கங்களும் காத்திருக்கின்றன…எமது ஒரே மகன் படித்து முடிக்கும் வரை எந்த செலவும் புத்தக ஆக்கம் என ஈடுபடக்கூடாது என துணையின் வேண்டுகோள்..மகன் மணியம் தற்போது 12ஆம் வகுப்பில் நுழைகிறார். அதாங்க +2.

ஒரு காலத்தில் மிகப்பெரும் எழுத்தாளர்க்கு எல்லாம் கிடைக்காத வாய்ப்பு இன்று எம் போன்ற எளிய எழுத்தாளர்க்கு இந்த அறிவியல் தந்துள்ளது… எழுதிய சில நிமிடங்களில் உலகெங்கும் ஆர்வமுள்ளவர் பகிர்ந்து கொள்கின்றனர்.இது எமக்கு கிடைத்த பெருமைதான்.

எல்லோரும் சொல்வார்: விதைப்பது எல்லாம்
முளைப்பதில்லை,முளைப்பது எல்லாம்
பிழைப்பதில்லை,,,பிழைப்பதெல்லாம்
பூப்பதில்லை, பூப்பதெல்லாம்
காய்ப்பதில்லை, காய்ப்பதெல்லாம்
கனிவதில்லை, கனிவதெல்லாம்
கிடைப்பதில்லை, கிடைப்பதெல்லாம்
இனிப்பதில்லை, இனிப்பதெல்லாம்
நல்லதுமில்லை..நல்லது எல்லம்
நடப்பதுமில்லை…நடப்பதெல்லாம்
நல்லதுமில்லை….இத்தனைக்கும் மீறி

( நடப்பது) எல்லாம் நன்மைக்கே… என்பது அனைவருக்கும் வாழ்வின் நம்பிக்கை தத்துவம்…

எடுத்து வைத்திருந்தாலும் கொடுத்து வைத்திருக்க வேண்டும் இல்லையா? என்பார் முதியோர்..யாருக்கு என்ன என்ன வாய்க்குமோ அதுதான் வாய்க்கும். நாம் செய்ய வேண்டியது யாவும் நன்மை…உண்மையாக…நேர்மையாக..முயற்சியுடன்…திறம்பட…

53 வயதுக்குள் எத்தனையோ இடங்களில் உயிர் பிரியாமல் எமை இதுவரை அழைத்து வந்து உங்களை எல்லாம் சந்திக்க வைத்த இயற்கையை வணங்குகிறேன்.நிறைய பேருக்கு உயிர் காக்கும் உதவி செய்தும் வேதனைகளையும் உள் வாங்கி இருக்கிறேன். அது வேறு.

இந்த பதிவை எண்ணற்ற இந்த தேசத் தியாகிகளுக்கு, நாளை நினைவு நாளாக இந்த பாரதத்திற்கு இன்னுயிர் அளித்த பகத் சிங் மற்றும் என்னை இந்த வலைப்பூவுலகுக்குள் அழைத்து வந்த அன்புத் தம்பி, என்.எஸ்.கேவுக்கு, எமது மகன் மணியத்துக்கு அர்ப்பணிக்கிறேன்.

எமக்கு ஒரு உயரிய நோக்கமுண்டு: எம் வாழ்வில் அதற்கான ஆக்கமுண்டு: அது : எல்லோரும் இன்புற்றிருக்க நினைப்பதுவே அல்லாமல் வேறொன்றறியேன் பாராபரமே – என்ற பராபரக் கண்ணியில் தாயுமானவர் சொல்வது போன்றது..

மறுபடியும் பூக்கும் வரை
கவிஞர் தணிகை.


மதம் அபின் தான்…மார்க்ஸ் சொன்னது சரிதான்:கவிஞர் தணிகை

மார்ச் 21, 2015

மதம் அபின் தான்…மார்க்ஸ் சொன்னது சரிதான்:கவிஞர் தணிகை
இந்தியாவில் பிறந்தது,தென்னிந்தியா, தமிழ்நாட்டில் பக்தி மிக்க குடும்பத்தில் வளர்ந்தது,சாங்கிய சடங்கு சம்பிராதாயக் குடும்பத்தில் அதிகமான படிப்பறிவு,கல்வியறிவு இல்லா தலைமுறையில் இருந்து முகில்த்தது யாவும் இதை உணர அதிகம் காலம் எடுத்துக்கொள்ள வைத்தது..ஆனால் இது உண்மைதான்.மதம் அபின் தான்…மார்க்ஸ் சொன்னது சரிதான்..இல்லாவிட்டால் இந்த அரக்கர்களால் இப்படி எல்லாம் மனித உயிர்களை கற்பனைக்கெட்டா வகையில் எல்லாம் கொல்ல முடியுமா?

 

GodReligiousFacebookStatusMindPictures-8489

ஒருவர் சொல்லியதற்காக எதையும் எடுத்துக்கொள்ளும் இராசியில் பிறந்தவரல்ல யாம். எதையுமே தாமே அலசி ஆய்ந்து ஒருதீர்க்கமான முடிவுக்கு வந்த பிறகே அதைப்பற்றி சொல்வது பிறருக்கும் எடுத்துரைப்பது என்ற பாங்கு ஆரம்பம் முதலே எம்மிடம் உண்டு.

எனவே மார்க்ஸ் சொல்லியது, பெரியார் சொல்லியது என்பதற்காக எல்லாம் அப்படியே எதையும் ஏற்றுக்கொள்ளாமல் தற்போது அதை சரிதான் அவர்கள் சொல்லியது என உண்ர்தலுக்கு பிறகு ஒப்புக்கொள்கிறேன்.ஏற்றுக் கொள்கிறேன்

வஹி என்பதை தெரிந்து கொள்ளும் பொருட்டு குரான் வாங்கி படிக்க ஆசைப்பட்டேன். பல முயற்சிகளுக்கும் பிறகு அது எம் வீடு வந்து சேர்ந்தது…குரான் தர்ஜமா…அரபி மொழிபெயர்ப்பு தமிழில்..பல்லாண்டுகளாக நானும் குரான் படிப்பவர் என்ற முறையில் பெருமை கொண்டிருந்தேன்…

ஆனால் இதெல்லாம் நேர விரயம் என்று நான் புரிந்து கொள்ள பல்வேறு சம்பவங்கள் சமீபகாலங்களில் நடந்தேறி வருகின்றன.இப்படி ஒரு மாறுதல் பற்றி குறிப்பிட நேரும்போதெல்லாம் எமது நெருங்கிய நண்பர்களில் சிலர்..சிலர் அப்படி செய்வதற்கு மதம் என்ன செய்ய முடியும்? எல்லாருமே அப்படியா? என சப்பைக் கட்டு கட்டுகின்றனர். ஏன் காந்தி கூட முகமதியத்துக்கு ஆதரவாக இருந்ததால் தான் இந்து கோட்ஸேவால் சுடப்பட்டார். என்பது…

ஏமன் சன்னி முகமதிய மசூதிகளில் ஷியா மனித வெடிகுண்டுகள் வெடித்து 137 பேர் சாகடிக்கப்பட்டதும்,345 பேர் படுகாயமடைந்ததும்…ஆப்கானிஸ்தானில் மனநிலை குன்றிய ஒரு பெண் குரானின் சிலபக்கங்களை எரித்ததற்காக அவரை அடித்து பொது இடத்தில் வைத்து தாக்கி, கல்லை எடுத்து போட்டு, தடியால் அடித்து,காலால் மிதித்து கொன்று தீ வைத்து எரித்து அந்த சடலத்தை நீரில் போட்டதும்,,

பாகிஸ்தானில் இராணுவப் பள்ளியில் சென்று சுட்டுக்கொன்றது.. செல்பேசியில் பெண்கள் பேசினால் அவர்கள் கைகளை வெட்டுவது, அவர்கள் ஆண்கள் ஆடும் விளையாட்டுப் போட்டியை பார்த்தற்காக சிறை பிடிப்பது…அதன் பின் சிறை விட்டு வந்த பின்னும் அந்த பெண் வழக்கு நடத்துவது…

பெண்கள் படிக்கக் கூடாது என்று தடை விதிப்பது…அதற்கு எதிராக செயல்படும் பெண்களை கொல்வது,சுடுவது, சித்ரவதைப்படுத்துவது,,, பெண்களை அடிமைகளாக வைத்திருப்பது… தலாக் தலாக் தலாக் சொல்லி விவாகரத்து செய்து தள்ளி வைப்பது,பலதார மணத்தை ஆதரிப்பது…பிற சமூகத்தாரிடம் கலந்து ஒத்துப் போக முடியாமல் தனித்தே எப்போதும் பிரிந்து நிற்பது…

இப்படி நாட்டுக்கு நாடு முகமதியம் சார்ந்த ஆளுகையின் கீழ் மனித வர்க்கத்தை துன்புறுத்துவது…வேலைக்காரர்களை சுலபமாக விலங்கினும் கீழாக நடத்தி உயிர்வதை செய்வது..இப்படி நிறைய நிறைய அல்கொய்தா, லஸ்கர் தொய்பா, ஐ எஸ் ஐஎஸ் தீவிரவாதத்தின் கீழ் பிணைக்கைதிகளை பிடித்து கொல்வது..அப்படி கொல்வதிலும் கொடூரத்தை எந்த அளவு காட்டமுடியுமோ அப்படி காட்டுவது..கூண்டில் வைத்து எரித்துக்கொல்வது, கழுத்தை அறுத்து பலி ஆடுகளாக கொன்று அதை படம் எடுத்துக் காட்டுவது..

வரிசையாக நிர்வாணப்படுத்தி சுட்டுக்கொல்வது, பெண்ணை கால் கைகளை கட்டி கழுத்தறுத்து அந்த இரத்தத்தை தாம்பாளத்தில் பிடிப்பது, பொதுஇடத்தில் கல்லால் அடித்துக் கொல்வது, சவுக்கால் அடித்துக் கொல்வது, அவர்களில்பணக்காரர்கள் எந்த கொலைக் குற்றமே செய்தாலும் பெரும்பணத்தை கட்டி விட்டு மீண்டு விடுவது…

பெண்கள் பர்தாவை எந்தக் காரணம் கொண்டும் அகற்ற விடாமல் மதப்போர்வை போர்த்திக் கொண்டே இருப்பது..கேட்டால் உங்கள் கோவில்களைப் பாருங்கள் நிர்வாணச் சிலைகளே தெய்வங்களே என்பது…

புத்த மதம் சார்ந்த சிங்களவர்கள் ஒரு இனத்தையே அழித்தொழிக்க தலைப்பட்டதும்..

சாதி,மத வெறியாளர்க்கு ஏது கடவுள்,? எதுக்கு கடவுள்?

யாம் இங்கு சொல்ல முற்படுவது…எல்லா மதங்களின் மதங்களைப் பற்றியுமேதான்..

எம் முன்னிலையில் கட்டிய ஒரு உள்ளூர்கோவிலில் தாழ்த்தப்பட்ட ஒரு பெண் வந்து சேவை புரிவதை அந்த கோவிலில் அதிகமாக இருக்கும் ஒரு இனம் கொண்ட சிலர் தடுக்கமுனைவதாகவும் செய்திகள்… இந்து மதத்தில் எப்போதும் இந்த கோலம் எல்லாஇடங்களிலும்

கிறித்தவ மதத்திலும் நிறைய குளறுபடிகள் உண்டு ..உமாசங்கர் என்ற ஐ.ஏ.எஸ் தாம் கடவுளின் வாரிசு என்பது…பிறர் எல்லாம் பாவிகள் என்பது…

சமண மதத்தில் பார்த்தால்…நிர்வாண மாந்தரை துறவிகளான திகம்பர சாமிகளை சுற்றி வட்ட வடிவமாக பிற நிர்வாண துறவிகள் கூட்டம், அதைச் சுற்றி பெண்கள்..ஆண்துறவியின் பிறப்புறுப்பை தொட்டு கும்பிடும் கூட்டம்..

அது இந்துக்களின் கூட்டத்திலும் இருக்கிறது.

எல்லாம் காட்டுமிராண்டிக்கூட்டம் என்பதற்கு அத்தாட்சியாகவே… அந்தக் காலத்தில் கூன்பாண்டியன் என்னும் பாண்டிய மன்னரின் கூன் சமண மதத்தில் இருந்து சைவ மதத்திற்கு மாறியதால் சரியாகிவிட்டதாக…அப்போதே சமணத் துறவிகளை கழுவில் ஏற்றியதாகவும், திருஞானசம்பந்தர் சைவ சமயத்தை தூக்கி பிடிக்கவந்த ஏந்தல் என்றும் வைணவத்தாருக்கும் இவர்களுக்கும் எப்போதும் திருமாலா? சிவனா? என்று தர்க்கம் எப்போதும் நாவலோ நாவல் என பொது மக்கள் கூடும் இடங்களில் எல்லாம் சந்தை போன்ற வணிக வியாபாரம் நடைபெறும் இடங்களில் எல்லாம் இவர்களின் ஓலம் சண்டை நிறைந்ததாகவும், இதை பார்க்க நகைக்க இரசிக்க ஒரு பொழுது போகாத கூட்டம் இருந்ததாகவும், அதன் பின் பார்க்கும் கூட்டத்திலும் பிளவு ஏற்பட்டு மோதல் கைகலப்பு நிகழ்ந்ததாகவும் பல சரித்திர சான்றுகள் நிறைந்த இலக்கியங்கள் உள்ளன.

மனநிலை குன்றிய ஒரு பெண் குரானை எரித்தால் என்ன? குரானுக்கோ முகமதியத்துக்கோ என்ன கேடுவிளைந்து விடப் போகிறது? அதற்கு எதற்கு இவ்வளவு ஆக்ரோசம், ஒவ்வொருவரும் மிகக் கேவலமான மிருகமாக நடந்து அடித்து, மிதித்து, குச்சி கொண்டு அடித்து, கல்லால் எடுத்து போட்டு,கொன்று அதன் பின் மேலும் அடங்காமல் எரித்து, ஆற்று நீரில் கரைத்து..இவர்களை எல்லாம் பிடித்து என்னசெய்யப் போகின்றன இந்த மதவாத அரசுகள்///???

முகமது நபிக்கே 31 மனைவிகள் என செங்கொடி நண்பர் எழுதியதை பார்த்து அதிர்ந்தேன்.அந்தக் கோணத்தில் குரானை யாம் அணுகியதே இல்லை… எல்லா மதங்களுமே போலித்தனங்களையும் கபடுகளையும் சூதுகளையும் கொண்டு பகுத்தறியமுடியாத பகுத்தறிய முனையாத பகுத்தறிய விரும்பாத பொது ஜனங்களை ஏமாற்றிக் கொண்டே இருக்கின்றனா…

மூடத்தனமின்றி காசு செலவின்றி யாரும் எந்த கடவுளையும் வணங்கலாம் என பெரியார் சொன்னபடி,..கோவிலுக்கு செல்வோர் யாவரும் பூ வாங்கக்க்கூடாது, பழம் வாங்கக்கூடாது, தேங்காய் உடைக்கக் கூடாது, காசு உண்டியல் அல்லது பூசாரி தட்டில்போடக் கூடாது,,,யார் வேண்டுமானாலும் பூஜைசெய்யலாம், கருவறைக்குள்ளேயும் போய் அவரவர் ,வணக்கங்களை செலுத்தலாம்…என எல்லா மதம்சார்ந்த பிரார்த்தனைக் கூடங்களும் மாறட்டும் பாருங்கள்…

இடைத்தரகர் வியாபாரிகள் கூட்டம் எல்லாம் என்ன ஆகும் என்று? இவர்கள்தான் கடவுளை நிலைநிறுத்தி வைப்பவர்களே….

மதம் ஒரு போதையூட்டக்கூடிய விஷியம் தான் ..இல்லாவிட்டால் இப்படி உயிர்களை எல்லாம் கொல்லும், அதுவும் அணு அணுவாக சித்திரவதை செய்து கொல்லும் முறை வெறி பிடித்த கூட்டத்திற்கு எப்படி வரும்?

இனி என்னிடம் இருக்கும் குரான் கூட தொட்டுப் படிக்க இரத்த வாடை வீசும்…எனவே படிப்பதில் இருந்து விலகி விடலாம் என்றே எண்ணுகிறேன். அதை எரிக்க முடியாது, நீரில் வீசவும் இயலாது, யார் கேட்டாலும்கொடுக்கவும் முடியாது… எல்லா புத்தகங்களைப்போலவும் அதுவும் எமது நூலகத்தில் இருக்கும் ஒரு சாதாரண புத்தகம் தான்…. இப்படியும் ஒரு புத்தகம் உண்டு…இதற்காக எத்தனை உயிர்கள் போனதுவோ என வரும் தலைமுறைக்கெல்லாம் சொல்லுவதைத் தவிர வேறு வழியில்லை…

மறுபடியும் பூக்கும் வரை
கவிஞர் தணிகை.

29798_368676399893222_1275677612_n

 

நீங்களும் பார்க்க அந்த கொடுமையின் இணைப்பை கீழே கொடுத்துள்ளேன்.

http://www.hirunews.lk/tamil/105926/%E0%AE%95%E0%AF%81%E0%AE%B0%E0%AF%8D-%E0%AE%86%E0%AE%A9%E0%AF%88-%E0%AE%8E%E0%AE%B0%E0%AE%BF%E0%AE%A4%E0%AF%8D%E0%AE%A4-%E0%AE%AA%E0%AF%8

: http://goo.gl/5dfha5


இந்தியா கிரிக்கெட் உலக கோப்பையை தக்க வைத்துக் கொள்ளுமா? கவிஞர் தணிகை

மார்ச் 20, 2015

இந்தியா கிரிக்கெட் உலக கோப்பையை தக்க வைத்துக் கொள்ளுமா? கவிஞர் தணிகை
இன்னும் இரண்டு படிகள் மார்ச்.26 மற்றும் மார்ச்.29 இரண்டு வெற்றிப்படிகளையும் உலக கோப்பை ஏணிப்படிகளில் ஏறிவிட்டால் மறுபடியும் தொடர்ந்து இரண்டாம் முறையும், மொத்தம் 3 முறையும் உலகக் கோப்பை வென்ற வரலாறு இந்தியாவுக்கு கிடைக்கும்.

IndiaTv732060_kapil-main

 

ஆரம்பத்தில் இவர்கள் ஆஸ்திரேலியத் தொடர்,இங்கிலாந்து தொடர் ஏன் ஆடிய எங்குமே வெற்றி முகமே காட்டாமல் இருந்தார்கள்..ஆனால் உலகக் கோப்பை விளையாட்டுகள் ஆட ஆரம்பித்தது முதல் இதுவரை தோற்காமல் எல்லா எதிரணியினரின் விக்கெட்டுகளையும் சாய்ந்து 7 முறை வெற்றி பெற்று அரை இறுதிக் கட்டத்துக்குள்ளும் சென்று இருக்கிறார்கள்

இன்று மூன்றாம் காலிறுதிப் போட்டியில் வென்ற ஆஸ்திரேலியாவுடன் அரை இறுதியில் மோதவேண்டிய நிலை இந்தியாவுக்கு. கிரிக்கெட் விளையாட்டில் எது வேண்டுமானாலும் நடக்கலாம் கடைசி ஓவரின் இறுதிப் பந்து கூட வெற்றி தோல்வியை முடிவு செய்யலாம் என்பதான விளையாட்டு.இருந்தாலும் இன்றைய ஆட்டத்தில் ஆஸ்திரேலியாவே வெல்லும் என நோக்கர்கள் யாவருமே சொல்லிவந்ததை நினைவு கொள்ளவேண்டும்.

அடுத்து ஆடும் ஆட்டத்தில் மேற்கு இந்திய தீவு அணியுடன் நியூசிலாந்து அணி,இந்தியாவைப்போல் ஆடிய எந்த போட்டியிலும் தோற்காமல் ஏ.பிரிவில் தலையாய இடத்தில் இருக்கும் அணி இது வெல்லும் என கருதினாலும், மேற்கு இந்தியா சில நேரம் புயல் போல்விளையாடி எதிரணியினரை சாய்க்கும் வல்லமை படைத்தவர்கள்தான்.எனினும் நியூசிலாந்துக்கே வெற்றி என்று வைத்துக் கொண்டாலும்கூட

அந்த நியுசிலாந்துடன் தென்னாப்பிரிக்கா மோதும்படியான அரை இறுதிப்போட்டியும், இந்தியாவுடன் ஆஸ்திரேலியா மோதும் போட்டியும் அரை இறுதியாக இரண்டு ஆட்டங்கள் நடந்து முடிந்து..அதன் பின் மார்ச்.29ல் ஞாயிறு அன்று இறுதிக்கட்டம்..உலகக் கோப்பையின் கிரிக்கெட் இறுதி ஆட்டம்..

ஆக..ஆஸ்திரேலியா, நியூசிலாந்து, தென்.ஆப்பிரிக்கா ஆகிய அணிகளில் இந்தியா மோத வேண்டி நேர்கிறது. இதில் தென் ஆப்பிரிக்காவை பி.பிரிவில் ஏற்கெனவே இந்திய அணி 130 ரன்கள் வித்தியாசத்தில் வீழ்த்தியுள்ளது குறிப்பிடத் தக்கது…இன்னும் ஆடாதது…ஆஸ்திரேலியா மற்றும் நியூசிலாந்து மட்டுமே…ஆஸ்திரிலேயாவை கடந்த உலகக் கோப்பையில் அடித்து வீழ்த்தியது யாவரும் அறிந்ததுதான். நியூசிலாந்து அணிக்கும் இந்திய அணிக்கும் இறுதிப்போட்டி இருந்தாலும் இந்தியா அணி வெல்ல வாய்ப்பிருக்கிறது. அதற்கு முன் ஆஸ்திரேலிய அணியை வீழ்த்தியே ஆக வேண்டும்.

ஆஸ்திரேலியா அணியுடன் ஆடுவதென்றால் இந்தியாவுக்கு ஒரு மிரட்சி எப்போதும் உண்டு. அந்த மிரட்சி இந்த உலகக்கோப்பையில் உதறித்தள்ளப்பட்டு விடும் என நம்புவோமாக…

பாகிஸ்தான் அணி இதுவரை எங்கே எப்படி வென்றாலும் இந்தியாவை இளப்பமாக நினைத்தாலும் உலகக் கோப்பை விளையாடும்போது மட்டும் அது தோற்பது என்பது விதியாகிவிட்டது. அது இன்று ஆஸ்திரேலியாவிடம் தோற்றதின் மூலம் ஆஸ்திரேலியாவை வென்றாகவேண்டிய நிர்பந்தம் இந்தியாவுக்கு வந்து விட்டது.

அதற்கும் மேல் நியூசிலாந்து தென் ஆப்பிரிக்காவை வெல்லும் பட்சத்தில் (நாளை மேற்கு இந்திய தீவை நியூசிலாந்தை வெல்லும் வாய்ப்பிருப்பதால்)நியூசிலாந்தை இறுதிக்கட்டத்தில் இந்தியா சந்தித்தாகவேண்டும். தென ஆப்பிரிக்கா, மேற்குஇந்தியா தீவுஅணிகள் ஏற்கெனவே இந்தியாவிடம் தோற்றவைதான் என்பதும் யாவருமறிந்ததே..

என்னதான் இருந்தாலும் கிரிக்கெட் விளையாட்டு, விளையாடும் அந்த அந்த நாளின் எழுச்சியினால்கூட தீர்மானிக்கப்படக்கூடும் என்பதும் உண்டு. வலிமை மிகுந்த அணி என்பதை விட அன்று நன்றாக ஆடும் அணியே தகுதி பெற்று போட்டியில் வெற்றி ஈட்டியதும் உண்டு.

அதற்கு இந்திய அணி மிகுந்த பொறுப்புணர்வுடன் அதன் அரை இறுதிக்கட்டத்தை கடந்தாக வேண்டிய நிர்பந்தம் இருக்கிறது.உதவிக் காப்டன் விராட் கோலி கடந்த பங்களாதேஸ் ஆட்டத்தில் ஆடிய பொறுப்புணரா ஆட்டம் போல ஆடினால் அதோகதிதான்…

பார்க்கலாமே இன்னும் சில நாட்கள்தானே…ஆடும் ஆட்டம் எல்லாம்…

world-cup-probables

இந்திய அரசுக்கோ நாட்டுக்கோ இதன் வருவாய் ஏதும் வருவதில்லை. இந்திய கிரிக்கெட் வாரியம் என்ற அமைப்பும் இதன் நிர்வாகம், இதன் வீர்ர்கள் யாவரும் கிடைக்கும் கோடிக்கணக்கான வருவாயை பகிர்ந்து கொள்கின்றனர். மேலும் விளம்பரங்கள், எல்லாம் இவர்களுக்கு நிதியை வாரி வழங்குகின்றன.

மேலும் இந்திய அரசு வேறு அர்ஜுனா விருதுகளும், ஏன் பாரத ரத்னா போன்ற விருதுகளைக்கூட வாரி வழங்கி விடலாம் என இருக்கிறது…இவர்களுக்கு மாநில மத்திய அரசுகள் யாவும் பரிசுகளை கோடிகளில் வாரி இறைக்கிறது.

இவர்கள் வருவாய் தனிப்பட்டது தான் என்றாலும் கூட பாகிஸ்தான் இம்ரான்கான் அப்ரிடி போன்றோர் 400 கோடி 700 கோடி என்ற தமது பணத்தில் இருந்து மருத்துவமனையை கட்டி நாட்டுக்கு அர்ப்பணிக்கின்றனர். இங்கு இராஜ்யசபா உறுப்பினர் என்று தேர்ந்தெடுக்கப்பட்ட டென்டுல்கர் போன்றவர் கூட நூற்றுக்கணக்கான கோடிகள் போட்டு தமக்கு வீட்டைத்தான் கட்டி உள்ளாரே தவிர பொது நலம் மக்கள்நலம் என்ற நாட்டு சேவைக்கு எல்லாம் சிறு துளியைக் கூட விதைக்கவில்லை…

மேலும் மற்ற விளையாட்டுத் துறைகளை சார்ந்தவர்களுக்கு எல்லாம் இவர்களுக்கு செய்து கொடுக்கும் வசதியில் ஒரு சதம் கூட இல்லை…இவர்களின் வருவாயும் இல்லை…இந்த விளையாட்டை தேச உடைமையாக்க வேண்டியது அவசியம். கபாடி போட்டியில் உலக கோப்பையை வென்ற அணியினர் ஆட்டோவுக்காக கோப்பையுடன் காத்திருந்து பேருந்து நிலையத்திலும், ரயில் நிலையத்திலும் இருந்த காட்சிகளை எல்லாம் செய்திகள் ஊடகங்கள் வெளியிட்டிருந்தன..

மிகுந்த சாதனை செய்யும் பிற விளையாட்டு வீரர் எல்லாம் மிகவும் பொருளாதாரத்தில் மிகவும் மிகவும் கீழ் தட்டு வாழ்க்கை வாழ்ந்திருக்க…இந்த கிரிக்கெட் இவர்களை இந்தியாவின் மிக உன்னத வாழ்வில் ஏற்றி வைத்திருக்கிறது..நன்றிக்கடன் தீர்க்கமுடியாமல்…மேலும் இவர்களுக்கு அரசுப்பணிகள் அதே நேரத்தில் ஒரேநேரத்தில் கார்பரேட்,மல்டிநேசன் கம்பெனிகளில் அந்தஸ்துடனான கௌரவப் பணிப் பதவிகள்…எனவே கிரிக்கெட் இந்தியாவின் தேசிய விளையாட்டாக சிகரத்திலிருக்க…

கீழே…பள்ளிப் பிள்ளைகள் படிக்காமல் தடுமாறி வாழ்வில் நிலைதடுமாறி பாதை தடுமாறி போகின்றன..எனவே இந்த விளையாட்டை அரசு நிறைய முறைப்படுத்தவேண்டும்.

அதல்லாமல் இந்த விளையாட்டுகளுக்காக கூடும் இளையோர் நிறைய பேர் பெரும்பாலும் முறைதவறி, கெட்டு, மது புகை போன்ற குழு மனப்பான்மைக்கு விளையாட்டை முடித்த கையுடன் தயாராகிவிடுகின்றனர்.தங்களது தனிப்பட்ட படிப்பாற்றலை, பணிக்கு செல்லவேண்டிய பொறுப்பை, வீட்டுப்பொறுப்பை நாட்டுக்கடமையை எல்லாம் மறந்து, மறத்து, மறுத்து…படைப்பாற்றலை எல்லாம் காயடித்துக் கொள்கின்றனர்….

போதையாகிவிட்ட இந்த விளையாட்டின் பிடியிலிருந்து இந்தியாவை மீட்டாக வேண்டும்.அல்லது இந்திய அரசு மற்றும் மாநில அரசுகள் இந்த விளையாட்டை நெறிப்படுத்தி தமது படிக்கும் இளைய மாணவச் செல்வங்களை மீட்டேயாகவேண்டும்..எப்படி வேண்டுமானாலும் வெல்வதை பார்க்கும்போது நமக்கு நன்றாகவே இருக்கிறது..ஆனால் அனைத்து குறைபாடுகளையும் சொல்வதைப் பார்க்கும்போது எவர்க்குமே சிரமமாகத்தான் இருக்கும்.ஆனால் மருந்து கசப்பானதுதானே பெரும்பாலும்..

மறுபடியும் பூக்கும் வரை
கவிஞர் தணிகை.


வெங்கட்ராமன் ராமகிருஷ்ணன் பிரிட்டன் ராயல் அறிவியல் கழகத்தின் தலைவர்:கவிஞர் தணிகை.

மார்ச் 20, 2015

வெங்கட்ராமன் ராமகிருஷ்ணன் பிரிட்டன் ராயல் அறிவியல் கழகத்தின் தலைவர்:கவிஞர் தணிகை.

ramakrishnan_signing_chair_photo

உலகின் மிகப் பழமை வாய்ந்த் அறிவியலுக்கு பெருமை வாய்ந்த இத்ந் தலையாய கழகத்தின் தலைமையை இவர் ஏற்பது நமக்கெல்லாம் கூட பெருமை.
மிகப்பெரும் பேறு. தமிழர்க்கு தமிழ் இனத்தின் பிரதிநிதிக்கு கிடைத்த இந்த தலமை பதவி தமிழன் என்று சொல்லடா தலை நிமிர்ந்து நில்லடா என்ற பெருமொழிக்கு உறுதி அளித்து தமிழர்களின் அறிவு உலகை நடத்துவது என பறைசாற்ற உதவிடும்.

பிரிட்டிஷ் அறிவியல் ஆராய்ச்சி துறையில் மிக உயரிய அமைப்பான ராயல் சொசைட்டியின் தலைவராக நோபல் பரிசு வென்ற வெங்கட ராமன் (வெங்கி) ராமகிருஷ்ணன் தேர்வு செய்யப்பட்டுள்ளார்.

கடந்த 1660-ம் ஆண்டு நவம்பரில் ராயல் சொசைட்டி தொடங்கப்பட்டது. உலகின் மிகப் பழைமையான இவ் அமைப்பு, பிரிட்டிஷ் அரசின் அறிவியல் ஆலோசனைப் பிரிவாக செயல்பட்டு வருகிறது. ஒவ்வொரு ஆண்டு பொது பட்ஜெட்டிலும் ராயல் சொசைட்டிக்காக கணிச மான தொகை ஒதுக்கீடு செய்யப் படுகிறது.

இந்த அமைப்பில் தற்போது 1,600 விஞ்ஞானிகள் பல்வேறு பிரிவுகளில் ஆய்வுப் பணிகளை மேற்கொண்டு வருகின்றனர். அதன் தலைவராக மரபியல் வல்லுநர் பால் நர்ஸ் செயல்படுகிறார். அவரது ஐந்து ஆண்டு பதவிக் காலம் வரும் நவம்பர் மாதத்துடன் நிறைவடைகிறது. எனவே புதிய தலைவரைத் தேர்வு செய்ய ராயல் சொசைட்டியின் உறுப்பினர்கள் அண்மையில் கூடி ஆலோசனை நடத்தினர். இதில் வெங்கட ராமன் ராமகிருஷ்ணன் புதிய தலைவராகத் தேர்ந்தெடுக்கப் பட்டார். இதற்கான அதிகாரபூர்வ அறிவிப்பு நேற்றுமுன்தினம் வெளியிடப்பட்டது. வரும் டிசம்பர் 1-ம் தேதி அவர் புதிய பதவியை ஏற்கிறார்.

தற்போது கேம்பிரிட்ஜில் உள்ள மூலக்கூறு உயிரியல் துறையின் பிரிட்டிஷ் மருத்துவ ஆய்வு கவுன்சில் ஆய்வகத்தின் துணை இயக்குநராக வெங்கடராமன் ராமகிருஷ்ணன் பணியாற்றி வருகிறார்.

கடந்த 2009-ம் ஆண்டு வேதியியல் துறைக்கான நோபல் பரிசு அவருக்கு வழங்கப்பட்டது. டாம் ஸ்டைட்ஸ் மற்றும் அடா யோநாத் ஆகியோருடன் இணைந்து நோபல் பரிசை அவர் பெற்றார். ரிபோசோம்களின் பணி, அமைப்புக்காக மூவரும் நோபல் பரிசினை வென்றனர். அவர்களின் ஆய்வு முடிவுகள் ‘ஆன்டிபயாடிக்’ மருந்து தயாரிப்புக்கு பேருதவியாக உள்ளது.

தமிழகத்தைச் சேர்ந்தவர்

தமிழகத்தில் உள்ள சிதம்பரம் நகரில் 1952-ல் வெங்கடராமன் ராமகிருஷ்ணன் பிறந்தார். பரோடா பல்கலைக்கழகத்தில் இயற்பி யலில் பிஎஸ்சி பட்டம் பெற்ற அவர் அமெரிக்காவில் உள்ள ஒகிகையோ பல்கலைக்கழகத்தில் பிஎச்டி முடித்தார்.

பின்னர் அமெரிக்காவின் சான்டீயாகோவில் உள்ள கலிபோர்னியா பல்கலைக் கழகத்தில் உயிரியல் துறையில் இரண்டு ஆண்டுகள் பயின்றார். அதைத் தொடர்ந்து யேல் பல்கலைக்கழகத்தில் ஆராய்ச்சியா ளராகப் பணியாற்றி னார்.

1999-ம் ஆண்டில் பிரிட்டனைச் சேர்ந்த எல்எம்பி குழுவின் தலை வராக பணியில் சேர்ந்தார். 2003-ல் ராயல் சொசைட்டி பெல்லோ ஆக தேர்வானார். 2012-ல் சர் பட்டம் பெற்றார். புதிய பொறுப்பு குறித்து வெங்கடராமன் ராமகிருஷ்ணன் கூறியபோது, இந்தப் பதவி எனக்கு கிடைத்த மிகப் பெரிய கவுரவம் என்றார்.

ராயல் சொசைட்டியில் இது வரை 60 தலைவர்கள் பணியாற்றி உள்ளனர். இந்தியாவைச் சேர்ந்த ஒருவர் தலைவர் பதவிக்கு தேர்ந்தெடுக்கப்பட்டிருப்பது இதுவே முதல்முறை ஆகும்.

images (12)Venki_Nobel

மறுபடியும் பூக்கும் வரை..
கவிஞர் தணிகை

நன்றி: தி.இந்து 20மார்ச்.2015.


என்ன மனித ஜென்மம் இது? கவிஞர் தணிகை

மார்ச் 18, 2015

SZLnyz8mQv2Vsi5zifpR_tree_woman_goo

 

என்ன மனித ஜென்மம் இது? கவிஞர் தணிகை
பிறருக்கு செய்வது எதுவனாலும் அது ஓஹோ வென இருக்கும் சிறக்கும்,தமக்காக எதையுமே செய்து கொள்ள முடியாது…சிலரின் வாழ்வு அடுத்தவர் நலத்துக்காகவே…
நாள் எல்லாம் சும்மாவே போகும்..நடைப்பயிற்சிக்கு புறப்படலாம் என்னும்போது ஒருவர் வருகையாளராக சந்திக்க வந்து நிற்பார்,தியானம் செய்யும்போதும், குளியலறை,கழிவறைகளில் இருக்கும்போதும், ஏன் உணவு உண்ணும்போதும் கூட இப்படி இடைமறித்தல்கள் நிகழும்..

கல்லூரி வாழ்வில் காலணியாய் ஷு வை அணியவே மாட்டேன் என கல்லூரி ஆசிரியப் பெருமக்களிடம் அடம் பிடித்த வாழ்வில் அதன் பிறகு எங்கு சென்றாலும் ஷூ தான் அணிகிற வழக்கமாகி செருப்பணிவதே இல்லையென்றாகி விட்டது..

லுங்கிதான் அணிவேன் ,வெள்ளை வேட்டி அணிய விருப்பமில்லை ,அரசியல் கறை அதில் இருக்கிறது என நிறுவனத் தலைவரிடம் அடம் பிடித்து தேவைக்கும் கூட கட்ட மறுத்து,ஆனால் இன்று லுங்கி கட்டுவதேயில்லை முழுக்கால சட்டை அல்லது தூய வெள்ளை வேட்டிதான் என்றாகிவிட்டது…தந்தையின் நினைவு நாளுக்கு அவரை வணங்கி அவருக்கு படைத்து ஆண்டுக்கு ஒன்றாக சேரும் வேட்டி எண்ணிக்கை 30க்கும் அருகே ..எனவே வேறு வழி?….

T..சர்ட் மேல் சட்டையாகவே போடுவதே சுலபமாக இருக்கிறது…என்ற நிலை மாறி முழுக்கை சட்டை என்றே மாறிவிட்டது…கொசுவுக்கும் இதில் பங்கு இருக்கிறது இந்த மாறுதலில்..

காதல் திருமணம் செய்யலாம் எனப் பல்லாண்டுகளாக போராடி கடைசியில் வாழ்க்கையின் எதார்த்தத்துக்கு திரும்பி, வயதான தாய்க்காக முறைப்படியான ஒரு திருமணம் செய்து குடும்ப வாழ்வில் செல்லும்படியாக இருக்கிறது..

கடவுள் இல்லை என மார்க்சீயம் பேசி, இளைஞராய் இரவு முழுதும் கவிதை எழுதி கவிஞர் என்ற பேரில் உலவி…தியானம் விளையாட்டாய் கற்றுக்கொண்டு 30 ஆண்டுகள் மீறி சோதிடக் கலையும் பொய்க்கும் தியானக் கலை பொய்க்காது என்ற நிலைக்கு திரும்பிய வாழ்வு…

இப்படி எல்லாமே விருப்பத்துக்கு மாறாக நியதியாக விதிக்கப்பட்டது போலவே இயற்கையாக ஏற்றுக் கொள்ள நிர்பந்தித்து திணித்திருக்கிறது காலப்போக்கில் திணித்ததாக தெரியாமலே….

பிறருக்கு, உறவுக்கு, நட்புக்கு, நாட்டுக்கு, வீட்டுக்கு எதை எப்படி செய்தாலும் அது நல் வரவேற்பை பெற தமக்கு என்று ஏதுமே செய்து கொள்ளமுடியாமல் சாதாரண விஷியங்களுக்கும் கூட பிரம்மப் பிரயத்தனம்- கடினமான பன்முறைப் பயிற்சி முயற்சி செய்து பலித்தபின் அதற்கும் நமக்கும் தாமரையிலை தண்ணீர் உறவாகி விடுவது..

எந்த பொது சேவை செய்யச் சென்றாலும் முதுகெலும்பாக செய்து முடித்து முகம் காட்டாது முடித்துக் கொள்ளநேருவது…

இப்படியே அரை நூற்றாண்டுக்கும் மேல் சில ஆண்டுகளும் ஓடி ஒளிந்து கொண்டு விளையாட்டு காட்டியபடியே சென்று கொண்டிருக்கிறது…

விவேகானந்தருக்கு காளி கோயிலில் சென்று தமக்காக தமது குடும்ப நன்மைக்காக வேண்டிக் கேட்டல் கூட செய்ய முடியாததாக…

யேசு சொல்லியதாக பைபிள் சொல்கிறதே: இறைவாக்கினர் தம் சொந்த ஊரிலும் தம் வீட்டிலும் தவிர் வேறெங்கும் மதிப்பு பெறுவர் என்று சொல்லும்படி…

பாவம் செய்தோமா முற்பிறவியில்?புண்ணியம் சேர்க்கிறோமோ இப்பிறவியில்?
என்ன மனித ஜென்மமோ இது?!…

Could-This-Be-Proof-of-Reincarnation

தாயைக் காக்கிற பேர்வழி என்று திருமண பந்ததில் புகாதிருந்திருக்க வேண்டும். மதர் தெரஸா,விவேகானந்தர், இராமகிருஸ்ணர் போல…அப்போது எங்கே எப்படி வாழ்ந்து முடிந்திருந்தாலும் அது மேன்மையடந்திருக்கும்..இங்குதான் 3ல் எந்த ஒன்று தாய்க்கும் குடும்பத்துக்கும் ஆகும் என்றே தெரியாமலே இந்த பெற்றோர் வாழ்ந்திருக்கின்றனரே…

பெற்றோரைக் காத்தல் தானே பிள்ளைகளுக்கு முதற்கடமை…அந்தக் கடமையை செய்த திருப்திக்கு ஈடு இணை ஏது? என்ன ஜென்மம் இது? என்ற ஜென்மம் அந்த ஒன்றுக்கே ஜென்ம சாபல்யம் பெற்றாற் போல முடிந்து நிறைந்து நிற்கிறது…

 

Clouds - 1Japy-16x - print (2) - Copy

கவிஞர் தணிகை
மறுபடியும் பூக்கும் வரை…


சாதாரண மக்கள் சட்டத்தை ஏன் கையில் எடுக்கிறார்கள்?- கவிஞர் தணிகை

மார்ச் 17, 2015

rooftopping-5

 

சாதாரண மக்கள் சட்டத்தை ஏன் கையில் எடுக்கிறார்கள்?- கவிஞர் தணிகை
அரசு ,ஆட்சி, நிர்வாகம்,நீதிமன்றம், சட்டத்தை அமல்படுத்தும் முனையங்கள் யாவும் சரியாக இயங்காத போது, நாகாலாந்து,பாகிஸ்தான், அமெரிக்கா,இந்தியா,ஆஸ்திரேலியா ஏன் எல்லா நாடுகளிலுமே இதே கதிதான்…

அம்மா என்றால் எல்லாருக்கும் அம்மாவாக இருந்தால்தான் அம்மா..இல்லை என்றால் அது வெறும் சும்மா பேருக்கு, ஒரு பேச்சுக்கு.வாக்குறுதி தந்தார்கள் மின்விசிறி,மாவு அரைக்கும் எந்திரம், மிக்ஸி(தமிழில் பழச்சாறு கலக்கும் எந்திரம் எனச் சொல்லலாமா?)இவற்றை தேர்தலின் போது யாவருக்கும் வழங்க விருப்பதாக…ஆண்டுகள் 4 ஆகிவிட்டன..மறுபடியும் 2016 ஏப்ரல் மே மாதத்தில் தேர்தல் வர இருக்கிறது…இன்னும் எல்லா தொகுதிகளுக்கும் இந்த திட்டம் நிறைவேற்றப்படவில்லை.அவர்களுக்கு வேண்டியவர்களுக்கு வேண்டிய இடங்களில் வழங்கப்பட்டு விட்டன.

இலவசம் நாட்டுக்கு வீட்டுக்கு கேடு.என்ற நோக்கத்தில் இவை அவசியமில்லைதான். ஆனால் அரசுக் கட்டில் ஏறுபவர்கள் தேர்தலின் போது சொல்லும் எவற்றையுமே நிறைவேற்றுவதில்லை மோடியைப்போல என்று சொல்லவே இதை சொன்னேன்.அதிலும் ஆள்வோரின் மாற்று கட்சி,எதிர்கட்சி சார்ந்தவர்கள் வெற்றி பெற்றோர் தொகுதியாக இருந்தால் கேட்கவே வேண்டாம். எல்லாமே அதோகதிதான்.எங்களுடையது ஆளும்கட்சி ஆதரவுடன் வெற்றி பெற்று பிறகு எதிர்கட்சியாக மாறிய தே.மு.தி.கவின் எஸ்.ஆர்.பார்த்திபன் தொகுதி…

lastminutegifts-attack-paperwork

எனவே ஆளும் கட்சி என்பது பதவிக்கு வந்ததும் தாய் மனப்பான்மையுடன் எல்லோருக்கும் அவர்களை எதிர்த்த எதிர்க்கட்சி நண்பர்களுக்கும் கூட நாட்டின் செயல் திட்டங்களை ஒருங்கே ஒரேமாதிரி ஏற்றத்தாழ்வின்றி மாற்றான் தாய் மனப்பான்மையின்றி நடத்தும்போதுதான் அது அரசு. அப்படித்தான் சட்டம் ஒழுங்கு, நீதி, நிர்வாகம் ஆட்சி ஆகியவற்றிலும் மாறுபாடு இன்றி நடப்பதுவே ஒரு நல்ல ஆட்சிமுறைக்கு அழகு.

ஆனால் இங்கே இதிலிருந்தே ஏகப்பட்ட குளறுபடிகள்…ஆரம்பம். எனவே…

காவல்துறையில் வேலியே பயிர்மேய்கின்றன…
நீதிபதி, நீதிமன்றம் சொல்வதை நடைமுறைக்கு கொண்டுவரும் அரசின் நிர்வாகம் அதை உரிய முறையில் செயல்படுத்துவதில்லை.

இது இந்த நாட்டில் மட்டும் இல்லை..இந்த மாநிலத்தில் மட்டும் இல்லை.உலக அளவில் எல்லா நாடுகளிலும் கதை இப்படித்தான்..

நாகாலாந்து சிறைக்கைதி கற்பழித்தார் என பொய்க்குற்றம் சாட்டப்பட்டு வெளியே இழுத்து வந்து கொல்லப்பட்டதும்

9_463071255

பாகிஸ்தான் கிறித்தவ தேவாலயத்தில் வெடி விபத்து ஏற்படுத்திய மனித குண்டுகளுக்கு உதவியதாக இரு நபர்கள் பொது இடத்தில் அடித்து கொல்லப்பட்டதும்

ஆஸ்திரேலியா, அமெரிக்கா போன்ற நாடுகளில் அடிக்கடி நிகழ்ந்து வரும் அந்நியநாட்டார் மேல் நடத்தப்பட்டு வரும் கொலை கொள்ளை நிகழ்வுகளும் ஏன் வெள்ளை கறுப்பு இன கொலைகளும்…

நாகாலாந்து சம்பவம் போல நாட்டில் உள்ள ஏனைய இந்திய மாநிலங்களில் எல்லாம் மக்கள் வெகுண்டு எழுந்தால் ஆட்சி முறை கேள்விக்குரியதாகிவிடும் என மத்திய மாநில இறையாண்மைக்கு ஆபத்து வந்து விடும் என பயந்து கொண்டதாக ஊடகங்கள்…

நிறைய திருட்டு, கொலை, நகைபறிப்பு சம்பவங்களில் கையும் களவுமாக குற்றவாளி மக்கள் கையில் மாட்டிக்கொண்டால் அவர் உயிர்தப்புவது கடினம்தான் என சம்பவங்கள் அடுக்கடுக்காக நாடெங்கும் நடைபெற்றே வருகின்றன.

காவல்துறையின் அச்சுறுத்தலுக்காக செய்யாத குற்றத்தைக் கூட ஒப்புக் கொண்ட நபர்கள் கடைசியில் கொலை செய்யப்பட்டதாக காணாமல் போனதாக சொல்லப்பட்டவரே திரும்பிவந்த சம்பவங்களும் அதற்குள் தண்டனையை முடித்து விட்ட விசித்திர வழக்குகளும் நம் நாட்டில் இருந்திருக்கின்றன என்பது குறிப்பிடப் படவேண்டியது…

சமீபத்தில் கூட எமது ஊரின் அருகே ஒரு கழுத்துச் செயின்பறிப்பு, மிளகாய் பொடிதூவி பறிக்கும் முயற்சியில் மாட்டிக்கொண்ட கணினிப் பொறியியல் பட்டம் பெற்ற நபர் பேருந்து நிலையத்தில் கட்டி வைத்து அடித்து நொறுக்கப்பட்டே காவல்துறை வசம் ஒப்புவிக்கப்பட்டார்…

காவல்துறையில் பணிநேரத்திலேயே உயர் அலுவலர்களே அடிக்கும் கூத்துகளும்,லூட்டிகளும், மது அடிமைகளாக கையும் களவுமாக ஆதாரப்பூர்வமாக சாட்சியமாய் புகைப்படத்துடன் வெளிவந்த வண்ணமே உள்ளன.

நாட்டில் சட்டம் ஒழுங்கை காப்பாற்றவேண்டிய நீதித்துறையும் குற்றவாளிகளை அதிகம் உள்ளடக்கியதாக, நிர்வாகம் செய்யும் அனைத்து துறைகளும் குற்றவாளிகளை உள்ளடக்கியதாக…மக்கள் பிரதிநிதிகளாக ஊராட்சி உள்ளாட்சி அமைப்பு, சட்டமன்றங்கள், பாராளுமன்றங்கள் ஆகியவற்றிற்கு செல்லும் நபர்களும் எண்ணிக்கையில் அதிகம் குற்றவாளிகளாகவே இருப்பதால்… இப்படி எங்கு நோக்கினும் எதிர்மறையான அணுகுமுறையில் நாட்டில் சமூகத்தில் எங்கும் விரவிக் கிடக்கின்றன…ஆள்வோர் தலைமைப் பீடத்தில் இருந்து அடிமட்டம் வரை…

இந்நிலையில் வாழ்க்கையில் பெரும்பாலான மக்களிடம் வாழ்வில் நேர்மை, தரம், நீதி, தர்மம் ,சட்டத்திற்கு கீழ்படிதல், விதிகளை மதித்தல் என்ற போக்கு அறவே ஒழிந்து விட்டது…வாழ்வே ஒரு போராட்டமாக மாறி வருகிறது. எனவே இவர்கள் கீழ் இருந்து அதாவது கன்னியாகுமரிமுனையில் இருந்து டில்லி வரை ஒரு நீதியை நிறைவேற்ற செல்ல வேண்டுமென்பது அதுவும் முறையாக அலுவலக நியதிகளுடன், நீதி பரிபாலனத்துடன் சென்று சிறுசிறு செயல்களை எல்லாம் நிறைவேற்றிக் கொள்ளல் என்பது இயலாதது என்ற முடிவிற்குத் தள்ளப்பட்டுவிட்டனர்.

ஒரு சாலையில் இருக்கும் இடைஞ்சலான ஒரு கல்லை எடுத்து அப்புறம் ஒரு ஓரமாகபோட வேண்டி இருந்தாலும் அதற்கு நீதியும் சட்டமும் ஒழுங்கும் அரசும் ஆட்சியும் நிர்வாகமும் தேவை என்றால் தனிமனிதக் கடமையும், சமுதாய பொறுப்பும் என்ன இருக்கிறது…

அதற்காக எதை வேண்டுமானாலும் செய்யலாம், அடித்தும் கொல்லலாம் என்றால் சமுதாயத்தில் எல்லாமே தாறுமாறாகிவிடும்..சாலைப் போக்குவரத்தை கூட ஒழுங்காக நிர்வாகம் செய்ய முடியாதுபோய்விடும்…

இங்கு ட்ராபிக் ராமசாமி பேனர்களை கிழிக்கலாமா கூடாதா என்று ஒரு விவாதம் தமிழக ஊடகங்களில் நிலவி வருகிறது. அவர் உரியமுறையில் நிர்வாகம், கட்சிகள், நீதிமன்றங்கள், காவல்நிலையங்கள் எல்லாவற்றிலும் சொல்லி அகற்றப்படாத காரணத்தில்தான் நான் கிழிக்க சென்றேன் அது அவர் நியாயம்தான் என்றாலும் இங்கு எழும் கேள்விகள்:1. ஏன் நிர்வாகம், அரசு, ஆட்சி அதை உரிய முறையில் செயல்படவில்லை…அது பற்றி எப்போது எடுக்கிறோம் என சொல்லவில்லை…சொல்லமுடியவில்லை பயமா? பணமா?

2. ஏன் அந்த பேனர்களை விதிமுறைப்படி அவர்கள் வைத்து கழற்றி செல்லவில்லை

3. இப்படி பேனர்கள் வைப்பது அவசியமா?

இது போன்ற கேள்விகள்…சட்டத்தை கையில் எடுக்கத்தான் வேண்டும்…அது இடம் பொருள் ஏவல் பொறுத்து…நாட்டுக்கு நலம் பயப்பதாயின், அடுத்தவரை பாதிக்காத முறையில் இருந்தால் செய்யலாம் பொது சேவை செய்யலாம். சாலையில் கற்கள் அகற்றுவது போல,,, தடைகளாகும் தேவையற்றவற்றை அகற்றுவது போல..குழாய்களில் வீணாகிக் கொண்டிருக்கும் நீரை நிறுத்த முனைவது போல…

ஆனால் அதற்காக அடித்துக் கொல்வது போல, செயல்களை செய்யக்கூடாது என்பது தான் யாவரும் தரும் முடிவாயிருக்கும் என எனது சிற்றறிவுக்குத் தோன்றுகிறது…

மொத்தத்தில் அரசு,நிர்வாகம்,ஆட்சி,நீதிமன்றம், யாவுமே சரியில்லை என பொதுமக்கள், சாதாரண மக்கள் முடிவுக்கு வரும்போது இது போன்ற தள்ளு முள்ளுகள், தாறுமாறுகள்…சட்டத்தை கையில் எடுக்க வேண்டிய சிக்கல்கள், தனிமனித பொறுப்பு,சமுதாயக் கடமை ஆகியவற்றை மீறி கண்ணுக்குத் தெரிய ஆரம்பிக்கிறது…

ஒருபெண் ஒரு ஆணை தனியாக ஒரு இடத்தைக் கண்டால் தாலி கட்டிவைப்போம் என்பது,கூட்டம் சேர்ந்தால் எதை வேண்டுமானாலும் செய்வோம்..மெஜாரிட்டி எம் பக்கம் இருக்கிறது குற்றவாளியைக்கூட சாமியாக கும்பிடுவோம் யாரும் தடுக்க முடியாது,,,யாரும்கேட்கவும் கூடாது..அதுபற்றி பேசினாலே அடிப்போம்..அடங்கிப்போக வேண்டியதுதான் என்ற அச்சத்தை ஏற்படுத்த முனைவது…முயல்வது…இப்படி தாறுமாறான அரசியல் ஆட்சி,நிகழ்வுகள், அரசுகள் இருக்கும்போது…

சட்டத்தை கையில் எடுப்போர் அது திருப்பித் தாக்கும் விளைவுகளையும் ஏற்கச் சித்தமாயிருப்போர் சட்டத்தை கையில் எடுக்கலாம்…எனவே தோன்றுகிறது நல்லவற்றிற்காக…போல்லங்கு செய்வோர் குலம் வழித்தோன்றலின்றி கெடும்..என்கிற பைபிளின் வாசகத்துடன்…பொல்லாங்கு செய்ய சட்டத்தை கையில் எடுக்கக் கூடாதுதான்…

ஆனால் ஆள்வோர் அரசுக்கு நிர்வாகத்துக்கு வருவோர், அதை அமல்படுத்துவோர் எப்படி இதை துர்பிரயோகம் செய்கிறார்கள் என்ற நெருடல் இந்த கேள்விக்கும் மருந்தாக இல்லை நஞ்சாக விஷமாக இருக்கிறது…எனவே…

pg-1-google-1-getty

இந்த தலைப்பு எந்தவகையிலும் தாலிபான்,லஸ்கர் இ.தொய்பா. ஐஎஸ் ஐஎஸ் போன்ற அமைப்புகள் செயல் பாடுகளுடன் சற்றும் பொருந்தாது..அது பற்றி துளித் தொடர்பும் ஏற்படாமல் ஜனநாயக கோணத்துடனான நேரிய நெறி ஆளுகை மட்டுமே வைத்தே எழுதப்பட்டுள்ளது…

கவிஞர் தணிகை’
மறுபடியும் பூக்கும் வரை…


ட்ராபிக் இராமசாமி சிறை சம்பவங்கள் ஒரு அலசல்: கவிஞர் தணிகை

மார்ச் 16, 2015

Screenshot_29-745781
ட்ராபிக் இராமசாமி சிறை சம்பவங்கள் ஒரு அலசல்: கவிஞர் தணிகை
பெரியார் இராமசாமி போல இவருக்கும் ஆயுள் வளரட்டும்..எழுதக் கூடாது என நாள் கடத்திப் பார்த்தேன்..ஆனால் எழுதியே தீரவேண்டும் என காலம் கை காட்டுகிறது.நடந்தவை யாவும் உண்மையாக இருக்குமேயானால் அது நாட்டுக்கே நல்லதல்ல..

கால் செருப்பு, மேல்சட்டை,மூக்குக் கண்ணாடியின்றி அதிகாலை 4 மணியளவில் 83 வயது முதியவர் ட்ராபிக் இராமசாமி கைது.

இவரை காவல்துறை வாகனத்தில் வைத்து மூக்குக் கண்ணாடி அவரிடம் தராமல் காவல் துறை அலுவலர் ஒருவர் வைத்துக் கொண்டு வெகுநேரம்(சில மணி நேரம்) சென்னையில் தாறுமாறாக அலைக்கழித்தபடி கடைசியில் நீதிமன்ற நடுவர் முன்னிலையில் ஆஜர் படுத்தி அவர் 15 நாள் நீதிமன்றக் காவலில் புழல் ஏரியில் அடைத்து இருக்கிறார்கள்.

அதற்கு முன் அவரை சிறைப்பிடிக்கும்போது அவரது மாடியில் இருக்கும் அறையில் இருந்து அவரை தூக்கி வீசி எறிந்து அவர் தற்கொலைக்கு முயன்றார் என கொலை முயற்சி நடந்ததாகவும் அவர் மருத்துவமனையில் கூறியதாக செய்திகள் தெரிவிக்கின்றன.

இவர் மாடியின் இரும்புக் கிராதிகளைப் பிடித்துக்கொண்டதால் தப்பியதாகவும் அப்போது இவருக்கு அடிபட்டு இரத்தக்குழாயில் இரத்தம் கட்டிக்கொண்டதாகவும், ஏன் சிறுநீரகம் கூட பழுதடைந்துள்ளதாகவும் சொல்லப்பட்டுள்ளது.

அப்படி என்ன செய்தார்…போயஸ் கார்டன் பகுதியில் இருந்த முன்னால் முதல்வர் ஜெயலலிதாவின் பிறந்த நாளுக்கு வைக்கப்பட்ட பேனர் இன்னும் அகற்றப்படாததை கண்டித்து தாமாகவே சென்று அகற்ற முற்படுகிறார்…இவர் புனித ஜார்ஜ்கோட்டையில் இருக்கும் பேனரையும் கிழிக்க சென்றுள்ளார். காவலரால் திருப்பி அனுப்பப் படுகிறார்.

BdswcvzCMAAFg47
அதன் பின் வேப்பேரி அழகப்பா சாலையில் அம்மா ஜெவின் படத்தை அகற்றி விட்டு சாலையில் பொது இடத்தில் நின்று ஊடககங்களுக்கு பேட்டி கொடுக்க, வீரமணி என்றதொழிலதிபருக்கும் இவருக்கும் சச்சரவு மூள அவர் இவர் தம் காரை அடித்து நொறுக்கினார்,தம்மை தாக்க வந்தார் என்பது போல பல குற்றச்சாட்டுகளுடன் காவல்துறைக்கு புகார் அளிக்க அதன் அடிப்படையில் இவர் கைது செய்யப்பட்டுள்ளார் என்கிறது காவல்துறையும் அரசும்.

இவர் ஏற்கெனவே: 2013 அக்டோபர் மாதத்தில் பொதுநல வழக்கு ஒன்றை முதல்வராய் இருந்த ஜெவுக்கு எதிராக எதில் எடுத்தாலும் அம்மா என்ற சொல் எல்லாத் திட்டங்களிலும் இருப்பதை எடுக்கச்சொல்லி வழக்கு தொடுத்திருக்கிறார்.

மேலும் சாலை ஒழுங்கமைவு., பேனர் வைப்பதில் முறை செய்யல், சாலை ஆக்ரமிப்பு,நடைபாதைகடைகள்….மீன் வண்டி,,மேலும் தற்போதைய கிரானைட் ஊழலில் சகாயம் ஐ.ஏ.எஸ் விசாரணைக்கு நியமிக்க கோரியது போன்ற பொது நல வழக்குகளில் பம்பரமாக சுழன்று வருபவராக இருக்கிறார்…சூரியானாக சுட்டெரிக்கிறார். வயது வரம்பை பொருட்படுத்தாமல்…

இது போன்ற ஒரு பெரியவரை நாடு தக்கவைத்துக் கொள்வதற்கு மாறாக அவரை ஒழித்துக் கட்ட வேண்டும் என அரசும் காவல்துறையும் கங்கணம் கட்டிவருவதாக அதன் செயல்பாடுகள் தெரிவிக்கின்றன.

மேலும் காவல்துறையில் உதவி ஆணையராக சென்னையில் இருக்கும் ஒரு நபரின் பெண் காவல் அலுவலர்களுடன் வழிந்தது பதிவு செய்யப்பட்டு ஊடகங்களில் சிரிப்பாக சிரிக்கையில்…மற்றொரு காவல் துறை ஆய்வாளர் விழுப்புரம் காவல் நிலையத்தில் தமக்கு முன் உள்ள மேஜை நாற்காலியில் அலுவல் நேரத்தில் மதுவை கையில் வைத்துக் கொண்டு உறங்கிக் கொண்டிருப்பதையும் பார்த்து அவரை உயர் அலுவலர்கள் இடை நீக்கம் செய்திருப்பதும். தமிழ்நாடு காவல்துறைக்கு கிடைத்த பதக்கங்கள்…

இந்நிலையில் இந்த இராமசாமி தமது 14 வயதில் ஒரு 10 கிலோ அரிசியை கையில் அனுமதியோடு கொண்டு செல்லும்ப்போது வட்டாட்சியரால் தடுக்கப்பட்டதில் இருந்து போராட்டத்தை கையில் எடுத்தவர் இன்னும் ஓயவேயில்லை..இவருக்கும் ஓய்வேயில்லை..அனேகமாக இவரது மரணத்துக்குப் பின்னும் இவரது பணிகள் நினைவு கூரப்படும் என்பதில் சந்தேகமில்லை…

முகமதிய வியாபாரிகள் எல்லாம் சேர்ந்து வாங்கிக் கொடுத்த ஒரு ஜீப்காரும், பாதுகாப்புக்கு ஒரு காவலரும் இவரது சேவைக்கு கிடைத்த வெகுமதிகள்.மேலும் மக்களது ஒத்துழைப்பு மிக அதிகமாக காணபப்டும் ஒரு பெரியமனிதராக காணப்படுகிறார். பொதுமக்கள் கழகம் என்று தமது வண்டியை பிரச்சாரத்துக்கும் பயன்படுத்துவதாகவும் தம்மைப்போல் பலரும் தாமாக முன் நின்று நாட்டுக்காக நல்லவற்றுக்காக, தமக்காக போராடி வழக்குகளை தாமே வாதிட்டு வெற்றி ஈட்ட வேண்ட முன் வரவேண்டுமென்றும் வேண்டுகோள் விடுக்கிறார். அப்படி சிலர் உருவாகி வருவதாகவும் குறிப்பிடுகிறார். தமது பேட்டியில்.அந்த பேட்டியை 40நிமிடம் தந்தி தொலைக்காட்சி ஒளிபரப்பியுள்ளது. நீங்கள் இந்த இணைப்பில் வேண்டுமானால் பார்க்கலாம்.

தமது திருமணத்தின் போது தமது தந்தை கேட்ட வரதட்சணை தம்மையும் தமது தந்தையையும் பிரித்தது…தாம் தான் 11 பேர் அடங்கிய குடும்பத்தில் மூத்தவர், மில் தொழிலாளியாக இருந்ததும், சாலைப்போக்குவரத்தை தன்னார்வ தொண்டராக இருந்து ட்ராபிக் இராமசாமி என்று பேர் பெற்றதும் , பொய் வழக்குகளை நாள்தோறும் சந்தித்து வருவதும்…காவல் நிலையத்தில் தலைகீழாக கட்டி தொங்க விடப்பட்டு போவோர் வருவோர் எல்லாம் தாக்கியதும் இவரது நினைவு கூரத் தக்க சம்பவங்களாக தெரிவித்துள்ளார்.

இவரது கைது பற்றி நீதிபதி கண்டனம் தெரிவித்துள்ளார். இவரை பலமுனை மருத்துவமனையில் அனுமதிக்க சொல்லி பொது வார்டில் வைத்து மருத்துவம் பார்க்க வேண்டும் (அதாவது கைதியாக அல்ல) என்றும் சொல்லியுள்ளார்.

இவருக்கு தேர்தலில் எவரும் வாக்களித்து இவரை வெற்றி பெற வைக்க வில்லை என்றாலும்,இவருக்கு நேற்று ட்விட்டர்,முகப்புத்தகம் யாவற்றிலும் நல்ல ஆதரவு இருந்தது. ட்விட்டர் எங்குமே இதே பேச்சு… அடியேன் கூட என்னால் முடிந்த அளவு..இதை எமது முகப்புத்தகத்திலும்….ட்விட்டர் எனது பக்கம் மற்றும் அதற்கான தனிப்பக்கம், எங்களது வீட்டு அருகே எழுதப்பட்டு வரும் பொன்மொழி முனையம் யாவற்றிலும் இதை பேசியும் எழுதியும் எமது பகிர்தலை தெரிவித்தேன். அதன் ஒரு துளிதான் இன்று எனது வலைப்பூ பகிர்தலும்…

இன்னும் இவரது பணி, சேவை பற்றி நிறைய சொல்லலாம்…சொல்வோம் தேவைப்படும் நேரத்தில் பகிர்வோம்..நன்றி வணக்கம்.

கவிஞர் தணிகை
மறுபடியும் பூக்கும் வரை.

innerthumb

Exclusive Interview with Traffic Ramaswamy on this week’s Rajapattai.. Don’t miss to watch him talk about the other side of his life – (09/11/2014) Catch us …
YOUTUBE.COM

ஒரு தாயும் பிள்ளையும் கொத்தும் கோழியும்:கவிஞர் தணிகை

மார்ச் 13, 2015

lovers on dockside 2.34l-w485

 

 

ஒரு தாயும் பிள்ளையும் கொத்தும் கோழியும்:கவிஞர் தணிகை

அம்மா இங்க வா…

சொல்லு

அம்மா இங்க வாம்மா

சொல்லுடா

எப்படி சொல்றது?

இங்க வாயேன்

‘சொல்லேடா

நீ இங்க வாம்மா

வரமாட்டேன் சொல்லுடா

‘அதை எப்படி சொல்றது

இங்க வாம்மா சொல்றேன்

சொன்னாதான் வருவேன்

வாம்மான்னா வா….

 

*    *    *

 

அம்ம அந்த விளக்கு எங்கே?

அங்க தான் இருக்கு(ம்) பாரு

இல்லம்மா அது எங்க இருக்குன்னு சொல்லு..

அங்க தான் இருக்கும் பாருடான்னா?

அங்கதான் அங்கதான்னா எங்கம்மா இருக்கு?

பாருடா அங்கேயேதான் இருக்கும்….

 

*   *  *

 

இன்னைக்கு என்னம்மா டிபன்?

கடாரா,வழக்கம்போலவா,கொடுமயா?

(இட்லியா?,தோசையா? உப்மாவா?)

சும்மா போடா,

நீ போடீ…

a-mother-quotes-who-read-to-me

*    *   *

கல்லூரி படம் பார்த்திருக்கிறீர்களா?அதில் ஒரு ஒட்டிப்பிறந்த இரட்டையர் போல இரு நண்பர்களைக் காண்பித்து நீ சொல்லு, நீ போய் முதல்ல சொல்லு என எதற்கெடுத்தாலும் போட்டியாக ஆனால் பிரியாதவர்களாக இருப்பது போல எங்க வீட்டில் இதுக இரண்டும்…தாயும் சேயுமாக… அக்கம் பக்கம் உற்றார் உறவு சொன்னால் அப்படியே கேட்கும் சாது பிள்ளை…அம்மாவிடம் அட்டகாசம் தாங்காது…

டேய் போய் அந்த கதவை சாத்து, -அப்பா
அம்மா அந்த கதவை சாத்து…மகன்
ஏண்டா நீ போய் சாத்தேன்….அம்மா
அம்மா போய் நீதான் சாத்தேன்… மகன்

டேய் ஒங்க கிட்ட இதே அக்கப்போர்…விடுங்கடா,நானே சாத்திக்கொள்கிறேன் என வீட்டுத்தலைவரே ஒரு பிரளயத்தை தவிர்க்க தாமே சென்று ஒங்க கிட்ட சொன்னேன் பாரு என்னை அடிக்கணும் என சாத்துவிட்டு பிரச்சனையை முடித்து வைத்ததும் உண்டு.

டேய் ,வாடா, போடி…சர்வ சாதாரணம்…மகன் தாயிடம்…

*     *    *    *    *

20131208-133821

லீவு விட்டா(லே) அக்கப்போர் தாங்க முடியலை…40வயது தாய்க்கும் 17 ல் அடி எடுத்து வைக்கும் மகனுக்கும் நாளும் சொற்போர்,சமயத்தில் மற்போரும் உண்டு.

ட்ராபிக் இராமசாமி,நாகாலாந்து,ஜம்முகாஷ்மீர் அரசின்நிலைபாடு,பாராளுமன்ற நில ஆர்ஜித மசோதா,உலகக்கோப்பை கிரிக்கெட், 87வயது சக்கரநாற்காலி மூதாட்டியை 15 வயதில் சிறுவர்கள் கற்பழித்து 30 ஆண்டுகள் சிறை தண்டனை பெற்ற கலிபோர்னிய சம்பவம், தர்மபுரி பாப்பாரப்பட்டியில் 40 வயது சந்திரன்,- மகள் வயிற்றுப் பேத்தியின் கணவன்,- குடித்துவிட்டு வந்து தனியாக இருந்த 80 வயது மூதாட்டியை வன்புணர்ச்சி செய்து விட்டு ஓடி மறைந்த சம்பவம்…அம்மா ஜெ வழக்கின் தீர்ப்பு நாள் குறிப்பிடப்படாமல் கர்நாடகா நீதி மன்ற ஒத்தி வைப்பு… பாதுகாக்க வேண்டிய குழந்தையை காலடியில் போட்டு தாதிப்பெண் மிதிக்கும் ஒளிக்காட்சி.. இப்படி நிறைய செய்திகள் நாட்டில் சூடாக இருக்கும்போது அதைப்பற்றி எல்லாமல் எழுதாமல் ஏன் சார் இப்படி தமாஷ் செய்து எழுதி இருக்கிறீர்கள்…என்ற நண்பரின் கேள்விக்கு…அதெல்லாம் நம்மால் எழுதி கிழித்து ஒன்றுமே ஆகவில்லை ஆகப்போவதில்லை எம்மால் ஏதுமே செய்ய முடியாமல் நாட்டில் உலகில் நிலை மீறிப் போய்க் கொண்டிருக்கிறது…எனவே லைட்டாகவே எழுதலாமே என்றுதான்…

இதை இப்படி படிப்பவர்களாவது அன்பின் வீச்சு எத்தகையது என்று எண்ணிப் பார்ப்பார்களே நெகிழ்ந்து போவார்களே என்றுதான்…
* * *

கடுமையாக சொற்போர் நடக்கும் மற்போரும் இருக்கும்…எமது குடும்பத்திலும் துணைவி குடும்பத்திலும் யாருமே தாயை வாடீ போடி என்றெல்லாம் அழைத்து விளித்ததே இல்லையே பின் இது எப்படி இப்படி?

இரவு வந்து விடுகிறது…17வயது மீசை அரும்பும் குழந்தை அம்மாவின் அருகே சென்று நெருங்கி படுத்து தூங்குகிறது.

தவிர்க்கமுடியாமல் அம்மா தமது தாய்க்கு முடியவில்லை என ஊருக்கு செல்கிறாள்..மகன் அம்மா வீடு தாண்டிய கொஞ்ச நேரத்திலேயே.,,,

அம்மா எப்ப அப்பா வருவா,?

டேய் அவள் இன்னும் ஊருக்கு சென்று சேர்ந்திருக்கவே மாட்டாளே?

ஒரு போன் பண்ணிக்கட்டுமா அப்பா?…

இவர்களை இந்த ஜென்மத்தில் நாம் ஒன்றுமே செய்ய வழியில்லை…

இந்த இரு வட்டங்களையும் இணைக்கும் மையப்புள்ளியாக நான்…

* * * *

20131208-133535

மேலை நாடுகளில் எல்லாம் பால் குடி மறந்ததும் பிள்ளைகள் தனிக்கூட்டு வாழ்க்கைக்குப் போய் வாழ்ந்து கொண்டு, மகளிர்தினம்,ஆண்கள் தினம், அப்பா தினம், அம்மாதினம் , சகோதர சகோதரி தினம், காதலர்தினம், என நினைவு படுத்திக் கொண்டு நீர்தினம், சுற்றுப்புற தினம் என ஒரு நாளில் பிரிந்திருந்த நாட்கள் ஏக்கத்தில் ஒரு நாள் சென்று பார்த்து அன்பை பகிர்ந்து கொண்டு வாழ்கிறார்கள்.எனவே அவர்களுக்கு இது போல கொண்டாட இது போன்ற தினங்கள் பேருக்கு வேண்டும்தான்.

இங்கு எல்லாமே ஒருங்கிணைப்பில். ஒருங்கிணைவில்…எனவே எது இன்றியும் எதுவும் இருக்க வழியில்லை…முடியாது…

எனவே…

வேண்டுமானால் ஒன்று மட்டும் சொல்ல முடியும்.இப்போது இந்த நாட்டிலும் குடிகார மிருகங்கள் மேலை நாட்டு பாணியை கடைப்பிடிக்க ஆரம்பித்து நாசமாகி நாசமாக்கிக் கொண்டிருப்பதை தவிர்த்து பார்த்தால்…

போன ஜென்மத்தில் அக்கா தம்பி, அண்ணன் தங்கை போன்று பிறந்திருப்பார்களோ? இந்த ஜென்மத்தில் இப்படி இருக்கிற இதுகளை…சில நேரங்களில் கட்டுப்படுத்த முடியாமலும் போய்விடுகிறது…அன்பு ஊஞ்சலில் அழகிய மாலைகள்…அடர்த்தியான மலர்கள் கொண்டு…

 

mother-quotes-4

வாழ்க பாரதம் வாழ்க எம் தாய்த் திரு நாடு…

கவிஞர் தணிகை
மறுபடியும் பூக்கும் வரை…

 

 


நம்மாழ்வார் மூலிகை வைத்தியம்: மாதவிடாய் சிக்கல்களுக்கு ஒரு அரிய மருந்து:

மார்ச் 12, 2015

4604744434

nammalvar_001

நம்மாழ்வார் மூலிகை வைத்தியம்: மாதவிடாய் சிக்கல்களுக்கு ஒரு அரிய மருந்து:

 

கவிஞர் தணிகை.
ஓரிதழ் தாமரை எண்பது சதம்+சீரகம் இருபது சதம் உள்ளடக்கி நன்றாக பொடி செய்து தினமும் இரவுப் படுக்கைக்கு செல்லும் முன் இரவு உணவுக்குப் பின் ஒரு சிட்டிகை சுடுநீர் அல்லது பாலில் சாப்பிட்டு வர 3 மாத காலத்துள் பெண்களுக்கு பெரும்பிரச்சனையாக இருக்கும் மாதவிடாய் வலி, பெரும் தொல்லை, மிகுதியான கட்டு,இரத்தபோக்கு மேலும் அது தொடர்பான நோவு நீங்கி இயல்பாக சுகமாகிறது உடல்…இது பலருக்கும் சிகிச்சைக்காக கொடுக்கப்பட்டு பிணி சரியான பின் தரும் அறிக்கையாகும்.

பொதுவாகவே உடற்சூடு,வேறு பிணிகளுக்கு ஆங்கில மருந்து உட்கொள்ளல்,மற்றும் பல்வேறுபட்ட கல்லூரி,அலுவலகம் ,உடற்பணி செய்யும் எல்லா பெண்களுக்கும் சிறியவர் பெரியவர் வயது வேறுபாட்டுடன், அல்லது வயது வித்தியாசமின்றி அனைவருக்கும் இருக்கும் தொல்லை இந்த மாதவிடாய் வலிகள்.பிணிகள். சில முதிய பெண்களுக்கும் மெனோபாஸ் எனப்படும் மாதவிடாய் நிற்கும் பருவத்திலும் இந்த பிரச்சனை உண்டு.

சாதாரணமாக இல்லாமல் அசாதாரணமான வலி இருத்தல், அளவை விட அதிகமாக உதிரப்போக்கு இருத்தல், வெள்ளைப்படல் போன்ற கடினமான வழிகளில் உடலை படாத பாடு படுத்தி எடுக்கும்…மாதம் ஒருமுறை அல்லது சிலருக்கு காலமுறை சுழற்சி தவறிக் கூட…தற்போது தேர்வுக்காலம் வயது வந்த பள்ளிப் பிள்ளைகளுக்கும் கூட கடினமான தேர்வுத் திட்டங்களால் படிப்புக் கட்டஙகளால் உடல்சூடேறி நிலை தவறிப் போகும்…இவர்களுக்கு எல்லாம் இந்த மருந்து சீரடைய செய்திருக்கிறது என்பது சிறப்பு செய்தி.

மேலும் இதை பயன்படுத்திய அனைத்து பெண்களும் தரும் அறிக்கை இது நன்றாக சுலமாக உடலை சீர்படுத்தி வலி ஏதும் இல்லாமல் எந்த பிரச்சனையும் இல்லாமல் சுகப்படவைக்கிறது என்ற தகவலை உறுதிப்படுத்திக் கொண்ட பிறகே உங்களுக்கு இதை தெரியபடுத்துகிறேன்.

ஓரிதழ் தாமரை என்னும் இந்த இதழ்களுடன், சீரகம் 70க்கு 30 அல்லது 80க்கு 20 பங்கு(அதாவது ஓரிதழ் தாமரை 80% என்றால் சீரகம் 20%) சேர்த்து காயவைத்து அரைத்து பொடியாக்கி ஒரு 25கிராம் கிராம் ரூபாய்: 100க்கு விற்கிறார்கள்…இது நாட்டுமருந்துக் கடைகளில் கிடைக்கும்

இதை வாங்கி காற்றுப்புகாத ஒரு டப்பா அல்லது பாத்திரத்தில் வைத்து இறுக்கமாக மூடி வைத்து பாதுகாத்து, தினமும் இரவு படுத்து உறங்கச் செல்லும்முன் இரவு உணவுக்கும் பின் : ஒரு சிட்டிகை அளவு எடுத்து வாயில் போட்டு கொண்டு சிறிது பாலோ,சுடுநீரோ விட்டு கலந்து விழுங்கிக் கொள்ள வேண்டும். அல்லது கலக்கி குடித்தாலும் சரிதான்.

இதை சாப்பிடும் காலத்தில் இரவு உணவில் புளிப்பு சுவை கலந்த உணவை தவிர்க்கவும்.ஒரு நாளில் அந்த ஒரு வேளை மட்டும்..மற்ற நேரங்களில் விருப்பப்படி உண்ணலாம். அதாவது தக்காளி சட்னி, இரஸம், எலுமிச்சை சோறு,புளி சோறு போன்ற அமில உணவை தவிர்க்கவேண்டும். ஒரு மாதத்தில் இந்த 25கிராமை 25 நாளுக்கு அவசியம் பயன்படுத்தி விட வேண்டும். விட்டு விட்டு பயன்படுத்துவதை தவிர்க்க வேண்டும்.

மேலும் இப்படி 3 மாத கால அளவு இந்த மருந்தை உபயோகிப்பவர்க்கு இந்த மாதவிடாய் தொந்தரவுகளில் இருந்து பூரணவிடுதலை விடுபடல் கிடைத்துவிடுவதாக இதை தயாரித்து கொடுத்து வரும் அன்புத் தம்பி: சேகர் மற்றும் இதை பயன்படுத்திய பெண்கள் யாவரும் அறிக்கை தருகிறார்கள்…

கவனத்திற்கு: சேகர் என்னும் இந்த இளைஞர் வனவாசி மலை அடிவாரத்தில் மூலிகை ஆர்வத்தில் வளர்ந்தவர். நம்மாழ்வாரால் பொன்னாடை அணிவிக்கப்பட்டு கௌரவிக்கப் பட்டவர். எனக்கு நன்கு தெரிந்த நண்பரும் கூட…இவர் பல்வேறு பட்ட பிணிகளுக்கு மருத்துவம் செய்து மக்கள் பிணி அகற்ற முயன்று வருகிறார்.

மதுவை மறக்கக் கூட தற்போது மருத்துவ தயாரிப்பில் இருப்பதாக கூறுகிறார்.இந்த எளிய முறை மூலிகைவைத்தியம், அல்லது நாட்டு இலை தழை மருத்துவம் எந்த வித பக்க விளைவும் இல்லாதது. எனவே இவரிடம் நிறைய பேர் பயனடைந்தவர் இருக்கின்றனர்.

இவர் பற்றியும் இவரின் மருத்துவ முயற்சிகள் பற்றியும் மறுபடியும் உலகுக்கு பயன்படும் எனில் மறுபடியும் மறுபடியும் எழுதுவேன் என நம்புகிறேன்
சேகர் இளம் விஞ்ஞானி போன்று நம்மாழ்வாரால் கௌரவிக்கப்பட்டவர்..விவசாயத்தில் இயற்கை உரம் மட்டுமே பயன்படுத்தி பெயர் பெற்றவர் என்பதும் இவர் பற்றி குறிப்பிடப் பட வேண்டிய செய்தி.nammalvar_001

 

இவரின் தொடர்பு எண்கள்: காலை 8 மணி முதல் இரவு 8 வரை தொடர்பு கொள்ள:
நம்மாழ்வார் மூலிகை வைத்தியர்: சேகர்:9788311451,+918903411451.அவசியம் பயன்படுத்தி நோய்களில் இருந்து நிவாரனம் பெறுக..

பிற் சேர்க்கை:

எமது வலைப்பூவை ஆதரித்து படித்து பயனடைந்து வரும் ஆர்வலர்கள் யாவருக்கும் ஒரு செய்தி:தற்போது அளவற்ற அளவில்(அன் லிமிடெட் பயன்பாடு) வலைதள இணைப்பில் யாம் ஒரு நெருங்கிய நண்பர்களின் குறைந்த பட்ச செலவில் அதாவது மாதம் இந்தியவின் 500 ரூபாய் அளவில் செலவு செய்து எழுத்துப்பணி செய்து வருகிறேன். இந்த அருமையான நண்பர்கள் தங்களது சேவையை எவ்வளவு காலம் தொடரமுடியுமோ என சந்தேகம் எழுப்பி வருகின்றனர்…

காரணம்: 1. எமது சாலை 4 வழிச் சாலையாக மாறும் சூழ்நிலை உள்ளதால் அவர்கள் தற்போது வைத்திருக்கும் மின்கோபுரம் பாதிக்கப்படும் என்பதாலும்..2. மேல் மேட்டூரில் அவ்வளவு நுகர்வோர் தொடர்புகள் அவர்களுக்கு இல்லை என்பதாலும்…மேலும் இந்த இணைப்பு சக்தி 1கி.மீ அளவு ஆரத்திற்கும் மேல்கிடைக்காது என்பதாலும், தற்போதைய நவீன யுக்தி கைபேசி அல்லது கைக்கருவிகளின் மூலம் இணையச் சேவையை பெற்று பயன்படுத்துகிறார் எனவே இவர்களுக்கு போதிய வாடிக்கையாளர் இல்லை என்பதாலும் எமக்கு தரும் சேவை நிறுத்தபடக் கூடும் என்று சொல்லி வருவதால் யாம் மாற்று ஏற்பாட்டு முயற்சி செய்து தொடரும் வரை எப்போது வேண்டுமானாலும் தாறுமாறாக வரலாம் போகலாம் உங்களுடன் எமது அனுபவங்களை பகிர்ந்து கொள்ளலாம் என தெரிவித்துக் கொள்கிறேன்.

இந்த இனியவர்களின் சேவை இருக்கும் வரை இருந்தால்,தொடர்ந்தால் எப்போதும் போல் தவறாமல் உங்களை அனுதினமும் சந்திக்க எமது பா ரதத்துடன் வருவேன். இல்லையேல் எமது சிறந்த இறகுகளுடன் மறுபடியும் சந்திக்க வருவேன் முடிந்தபோது

கவிஞர் தணிகையை நீங்கள் புரிந்து கொள்வீர் எப்போதும் போல மறக்காமல் மறுக்காமல் எமது விழிப்பூ சந்திக்க வருகை புரிவீர் என்ற நம்பிக்கையுடன்.

மறுபடியும் பூக்கும் வரை
கவிஞர் தணிகை.


மறுஜென்மம்,மொழி,ஒலி இல்லா தொடர்பு: கவிஞர் தணிகை

மார்ச் 10, 2015

incarnation_of_autumn_by_duongquocdinh-d7b65sx

 

மறுஜென்மம்,மொழி,ஒலி இல்லா தொடர்பு: கவிஞர் தணிகை
காஜா..பாலஸ்தீனத்தில் 3 வயது சிறுவன் கடந்த ஜென்மத்தில் தாம் மருத்துவராய் இருந்தபோது தம்மை கொலை செய்த குற்றவாளிகளை காட்டிக் கொடுத்து நிரூபித்துள்ளான்…இரமானுஜர் தமது ஆயுள் 200 என்றும்,இராமானுஜராய் 120,மறு ஜெனமத்தில் மணவாள,மாமுனிவராய் 80 என்றும் நிரூபித்துள்ளார்.மொழி இல்லா ஒலி இல்லாத தொடர்புகள் இன்னும் இன்றும் இருக்கின்றன.

நேற்று ஒரு சில நிமிடம் ஒரு வீடியோ..போனஜென்மத்து டாக்டரை கொன்றவர்கள் பற்றி 3 வயது சிறுவன் சொல்லி…நிரூபித்தது..அந்த டாக்டரை கொன்று 4 வருடங்கள் ஆனபோதும் குற்றவாளிகள் தமது தவறை ஒப்புக் கொண்டுள்ளனர்.

சில பணிகள் என்ன முயற்சி செய்தாலும் பலிக்கவே பலிக்காது.நான் செய்யாத காதல் திருமணம்,எவ்வளவு திறம் இருந்தும் எல்லா பணிகளிலும் இரண்டாம் நிலையில் இருந்து கொண்டே தேவைக்கதிகமாக உழைத்து பிறருக்கு பேர் வாங்கி தந்த பல சம்பவங்கள் இப்படி சொல்லிக் கொண்டே போகலாம். இதெற்கெல்லாம் காரணம் என்ன என யோசித்தால் நம் தவறு ஏதும் இருப்பதாகத் தெரியாது…போன ஜென்மத்து வினை என்பார்கள்.

காலையில் காகங்களுக்கு உணவு .தோசை. இரண்டு காகங்கள் வந்து முதலில் எடுத்த தோசத் துண்டை கிளி தேவையில்லாத ஜோதிடம் சொல்லவேண்டிய சீட்டை தூக்கி வீசிவிடுவதை போல வீசி விட்டு அடுத்ததை எடுத்து உண்ணச் சென்றது. காரணம்…சில பேர் சாப்பிடும் முன் ஒருவழக்கம்…சிறிது அப்புறம் எடுத்து வைத்து விட்டு பிறகுதான் சாப்பிடுவார்கள்…துறவிகள் போல..எறும்புக்கோ, நாய்க்கோ அவை உணவாகும்.

முதலில் வந்து பார்த்து விட்டு சென்ற காகங்கள் உடனே உடன் சில காகங்களை அழைத்து வந்து விட்டன. அதன் மொழி நாமறியோம். ஆனால் மொழி இருக்கிறது. ஏன் சில பல வேளைகளில் ஒலியற்ற மொழியே இருக்கிறது.

அவை அசரீரி வாக்கு என்றார்கள்,இறையின் மொழி என்றார்கள், தூய ஆத்மாவின் உரையாடல் என்றார்கள்..ஆன்மாவின் குரல் என்றார்கள்…எப்படியோ ஒலியற்ற மொழியற்ற வார்த்தைகளை நமக்கு உணர்த்தி இருக்கிறார்கள்,,உணர்த்தியிருக்கின்றன,உணர்த்தப்படுகின்றன. நான் அதை உணர்ந்துள்ளேன் பல முறைகள் பல முறைகளில்

உணவு உண்ணும்போது, காலைக்கடன் கழிக்கும்போதும் தியானம் செய்யும்போதும் குளிக்கும்போதும் எவராவது வந்து அழைப்பார்கள், அல்லது செல்பேசி ஒலிக்கும் இதைக்கூட ஒரு தோசமென்பர்கள்.

சில பேருக்கு தாம் எப்போது இறக்கிறோம் என்பது நன்கு தெரியும் அதை வெளியே சொல்லி ஏற்பாடு செய்து கொண்டதும் உண்டு.ஜீவன் முக்தர்கள் உட்பட. ஏன் பலபேருக்கும் இந்த உணர்தல்கள் இருக்கும்போல் தான் இருக்கிறது இறத்தல் பற்றி.

ஒரே ஒரு மருந்துக்கு வைத்த சப்போட்டா மரக் கனிகள்க்குத்தான்..எத்தனை வகையான பறைவைகள்,,,கிளி,குயில்,குருவி இப்படி…இரவில் வௌவால்கள், பகலில் அணில்கள் என சிற்றுயிர்க் கூட்டம் அதன் ஆட்டம் அடக்க முடியாமல்…

மரத்தின் பழம் அதன் மணம் காற்றில் கலக்கும் குணம் எங்கோ இருக்கும் இந்த உயிர்களை எம் வீட்டுக்கு அழைத்து வந்துவிடுகின்றன இரவு பகல் பாராமல்..மொழி ஒலியற்ற தொடர்புகளில்..தொடர்புகளுடன்..
ஸ்ரீதரின் நெஞ்சம் மறப்பதில்லை ஒரு அருமையான படம்..கல்யாணகுமார், தேவிகா, நம்பியார்,தேவிகாவின் அண்ணனாக வரும்…கல்யாணகுமாரின் கல்லூரித் தோழர் என்ற ஒரு அருமையான நடிகர் வட்டம்…மறுஜென்மத்திலும் காதல் ஜோடியை சேரவிடாமல் நம்பியார் செய்யும் அட்டகாசமும், அந்த படத்தின் தூக்கலான காட்சிகள்…இதில் பேசப்பட்ட சொல்லப்பட்ட கதை: மறுஜென்மம் பற்றியதே…

உடலை இழந்த உயிர் இருப்பதை நான் அறிவேன். அதை சந்தித்து பேசிய அனுபவமும் எனக்கு உண்டு. எனவே அதில் தெளிவாகவே இருக்கிறேன். ஆனால் உயிர்ப்புகளாக..அவை உயிர்களாக பிறக்கின்றன என்பதை சில மதங்கள் ஏற்கின்றன…சில மதங்கள் ஏற்பதில்லை…இந்தகருத்துக்களில் நிறைய விவாதிக்கவேண்டிய கருத்துகள் நிலவுகின்றன.

உடலை இழந்த ஆவி அல்லது உயிர் எவ்வளவு நாள் அப்படியே உடலற்ற நிலையில் இருக்கும்? ஏன் சில அப்படிப்பட்ட நிலையில் இருக்கின்றன..ஆசையா ?பற்றா? என்ன காரணம் அப்படி இருக்க?அதன்பின் என்ன ஆகின்றன? மறுபிறவிஎன்றால் பிற வகையான இன உயிர்களின் எண்ணிக்கை குறைந்து எல்லாம் மனிதராக உருமாற்றம் பெறுகின்றனவா…மறு ஜென்மம் எல்லாருக்கும் உண்டா?

அதன்பின் என்ன ஆகும்? பூமி தவிர இன்ன பிற கோள்கள், வாயுக்கோளங்கள் எல்லாம் உண்டே அப்படி இருக்கும்போது அவற்றுக்கு இந்த ஆவிகள் செல்லமுடியுமா?ஆவி உலகம் என்ற தனியுலகம் உண்டா?அதற்கு என்ன விதிமுறைகள் ஏற்பாடுகள்…அப்படி இருந்தால் கடவுள் எப்படி இவ்வளவு பெரிய பிரபஞத்தை முடக்குமளவு சர்வ வல்லமை பெற்றவரா?

இயற்கை பேரிடர்கள்ல் இறந்து படும் இலட்சக்கணக்கான, கோடிக்கணக்கான உயிர்களின் சேதத்திற்கு என்ன இவை பதிலாய் தரமுடியும்…விபத்துகள் துர்மரணங்கள் ஆவி வாழ்வு தருமெனில்…இந்த தீவிரவாதக் கொலையாவும் என்ன செய்யும்,..அந்த உடலை இழந்த உயிர்கள் அவர்களைக் கொன்ற பழி வாங்கவேண்டுமே? அல்லது அவை ஏற்கெனவே இந்த கொல்பவரை கொன்ற பழி தீர்ப்பதால் அவர்கள் கையால் கொல்லப் பட நேர்கிறதா?

இப்படி பல பிறப்பு, இறப்பு, மறுபிறவி பற்றிய கேள்விகள்….

ஆனால் மொழி,ஒலியில்லா தொடர்பு உண்டு என்பதில் எனக்கு ஆணித்தரமான நம்பிக்கை உண்டு..

….

சில பேரிடம் நமக்கு ஏற்படும் உறவு, நட்பு, உரிமை, அன்பு எதிர்பாராத நெருக்கம் எல்லாம் கூட வியப்புக்குரியதாக இருக்கும்போது இப்படி எல்லாம் இருக்குமோ என்ற ஐயப்பாடு எழுவது இயல்பே.ஆனால் இதை வைத்து ஏமாற்றுகிற நாடி ஜோதிடம் எல்லாம் போய் விடவேண்டாம்…போனஜென்மத்தில் சோழ நாட்டில் ஒரு வணிகராக நான் இருந்தேன் எனச் சொன்னார் வைத்தீஸ்வரன் கோயில் நாடி ஜோதிடர் ஒருவர்….ப்ப்பூர்வ ஜென்மம்…
கவிஞர் தணிகை
மறுபடியும் பூக்கும் வரை;


மழையின் குணமும் மணமும்: கவிஞர் தணிகை

மார்ச் 9, 2015

மழையின் குணமும் மணமும்: கவிஞர் தணிகை
மண்ணின் மணம் சிறிது மழை விழுந்தால் அல்கே எனப்படும் மண்ணின் மேல்பரப்பில் உள்ள நுண்ணுயிர்களான பாக்டீரியாக்கள் அழிவதன் மூலம் நமக்கு கிடைக்கிறது..மழை ஒரு நல்ல எடுத்துக் காட்டு: நல்லது கெட்டது யாவற்றுக்கும் பொதுவாக…தாதிகள்,மருத்துவர்கள், உண்மையான ஆன்ம சித்தர்கள் கூட மாந்தரில் நல்லவர் கெட்டவர் உயிரில் நல்லது கெட்டது பேதம் பார்க்காமல் தமது சேவையை வழங்குகிறார்கள்.

 

Good-Morning-days-comments-rainy-da-1

பகுதி : ஒன்று : மழைத்துளி உயிர்த்துளி

இராமகிருஷ்ண பரமஹம்சர் அருளுரையில் சொல்கிறார்:மழையை போல் நாம் இருக்க வேண்டுமென்று.அது மேலிருந்து கீழ் இறங்கிவந்து பூமிக்கு நன்மை செய்கிறது.உயிர்களில் பேதம் பார்க்காமல் நாமும் அதுபோல் நல்லவர் கெட்டவர் பேதம் பார்க்காமல்செய்ய வேண்டும் என்பதற்காக…பைபிளில் கூட இந்த கருத்து சொல்லப்பட்டிருக்கிறது .மேலிருந்து கீழ் இறங்கும் மழை பயிர்களை விளைய வைக்கும் உயிர்களுக்கு பசிஆற்றும் என…வள்ளுவமும் நமக்கு சொல்வது இதுதான்:விழும் மழை ஒரே மேன்மை நோக்குடன் தான்..ஆனால் அது விழும் இடத்தைப் பொறுத்தே அதன் விளைவும் நன்மையும் தன்மையும் இருக்குமென..அதுவே:நிலத்தியல்பான் நீர்திரிந் தற்றாகும் மனத்தியல்பான் மாந்தர்க்கு அறிவு .என…

நாம் அனைவர்க்கும் நல்லதையே நினைக்கிறோம். ஆனாலும் நல்லவர் கெட்டவர் என நாம் பிரித்துப் பார்க்கும் இயல்பை இன்னும் விட்டவர்களாக இல்லை.ஒருவேளை இதுதான் நமது இயல்பாகிவிட்டதோ? இயல்போ? இல்லை இன்னும் நாம் அந்த மேன்மைநிலை பக்குவத்தை அடையவில்லையோ?

எப்படி இந்த மதுக்குடியர்களை இந்த கருத்தின் அடிப்படையில் வைத்து பார்க்கப் போகிறோம்? எப்படி அரசுகள் இந்த மேன்மையான சிந்தனையை வைத்து இயங்கமுடியும்? அதற்கும் குறள் வழி சொல்கிறது..ஒறுத்தல் வேந்தன் தொழில் என்று..தவறு செய்தவர்களை திருந்தும்பொருட்டு திருத்தும் பொருட்டு தண்டிப்பது குற்றம் ஆகாது…தவறு ஆகாது என்று…

ஆனால் நாம் அரசு அல்லவே வேந்தன் அல்லவே…இயற்கையான மழை பெருக்கெடுத்து தீயவற்றை பலமில்லாதவற்றை வீடுகளை, சொத்துகளை, வழியில் காணும் யாவற்றையும் தகுதி இல்லாதவற்றை யாவற்றையும் அடித்துச் செல்லும், இழுத்துச்செல்லும்…உடைத்துச் செல்லும்…இயற்கை யாவற்றுக்கும் வழி காட்டும்.

ஆகாயத்தில் உயர இருந்து பார்க்கும்போது புல், செடி,கொடி,மரம் யாவும் ஒரே பசுமையாய் இருக்கும்,கீழே அருகே நெருங்கி பார்க்கும்போதுதான் அதன் உயர வகை வேறுபாடு யாவும் தெரியும் என்பார் நமது அருட்கடலான ராமகிருஷ்ணர் பரமஹம்சர்.

ஆனால் மழை அனைத்துக்கும் பெய்கிறது. நிலம்தான் அதன் தன்மைக்கேற்ப இந்த தூய மழை நீரை மாற்றிக்கொள்கிறது..எனவே நாம் அனைவர்க்குமே அருள்,கருணை,அன்பு சமமாகவே காட்டவேண்டும்…

குணத்திலும், மணத்திலும் மழை நமக்கு நல்ல பாடம் தரும் போதகர்…ஆசான்.இயற்கையின் உயிர்த்துளிர்க்கும் ஞானி..
புவிக்கும் மட்டுமல்ல தற்போது செவ்வாய் கிரகத்தில் கூட ஆர்டிக் பெருங்கட்லை விட பெரிய கடல் உருவான தடம் தடயமிருப்பதாக செயற்கைக் கோள் படங்கள் நமக்கு சொல்லி வருகின்றன…விந்தை என்னவோ ஹைட்ரஜன் வாயுவின் 2மூலக்கூறும் ஆக்ஸிஜன் வாயுவின் 2மூலக்கூறும் சமமாக சேர்ந்து கலப்பதே இந்த துளி…நாம் ஆணும் பெண்ணும் கலந்து வாழ்வை உண்டாக்கிக் கொள்வது போல…

 

Hereos villans

பகுதி :இரண்டு. ஒரு நாணயத்தின் இரண்டு பக்கம்:

மகாபாரதம் புரட்டு,இராமாயணத்திருட்டு..இரண்டிலுமே பாரதம் மூழ்கிவிட்டது…கிருஷ்ணா உனக்கு எத்தனை ஆயிரம் கல்லை கழுவினாலும் பாவம் போகாதே..கர்ணனை கொன்ற பாவம் தீராதே..வான்மீகித் திருடன் வழிவந்த இராமயாணம் கம்பர் வழி இலக்கிய தகுதி தமிழில்…இவை இரண்டுமே திருட்டு புரட்டு இதன் வழியே பயணம்போகும் கோவில் குருட்டு நம்பிக்கைகள் தோலுரித்துக் காண்பிக்கப்பட வேண்டியதுதான்…இன்னும் பிறை நிலா சிவனின் சடாமுடியிலும், கங்கை தலையிலும் ,சிவபார்வதிக்கு முருகன்,பிள்ளையார் பிள்ளைகளும்…பூணூல் போட்ட பிரிவுகளும்,பிறவிகளும்..கோவிலில் கூட சோறு போடுகிறோம் பேர்வழி என பார்ப்பனர்களுக்கு தனி சமையலும், மிகுதியாக சோற்றுக்காக வரும் பக்தர்களுக்கு வேறு சமையலும் என புரட்டு செய்து வரும் ஜீவன்களுக்கு எப்படி பாவம் கழியும்?

பூணூலை இல்லா சமுதாயமாக அமைக்க வழி பார்ப்பவர்களுக்கும் பூணூல் போட்டுக்கொண்டு கருவறைக்கு சென்று கல்லை கழுவிவிட்டால்போதும் எனக்கு ஜென்மசாபல்யம் என நினைப்பவர்களை உருவாக்க நினைப்பவர்க்கும் எப்படி கிருஷ்ணா பணி ஒற்றுமை ஏற்பட முடியும்..சுரண்டும்வர்க்கமாக கோவில் பயன்படவேண்டும் எனநீயும் உனை சார்ந்த சிலரும், கோவில் பொது சமுதாயத் தளமாக இருக்கவேண்டும் என நினைக்கும் சமூக நல்நோக்கமுள்ள எண்ணிக்கையில் மிகச் சிலராய் இருக்கும் நபரும் எப்படி ஒரு தட்டில் ஒரு தளத்தில் இயங்க முடியும் … ஒரு பக்கம் உலகை இரசாயன சுயநலத்தால் ஒழித்துக் கொண்டு அதை உன்னுள் ஒளித்துக்கொண்டு எப்படி கிருஷ்ணா உன்னால் உலக நன்மைக்காக ஏங்கும் கடவுள் பித்தனைப் போல நடிக்கமுடிகிறது?கிருஷ்ணா உனது லீலையே லீலை..கோபிகாஸ்தீரிகளுடன் கோகுலத்தில் நடத்திய குறும்பு லீலைகளைப் பார்த்த எத்தனை சாமியார்கள்..சாமி யார் ஆனார்கள் நித்தி முதல் அம்மாக்கள் வரை…

கோயில் வழிபாட்டுத்தலம் யாவுமே ஒழுக்கத்துக்கும், உண்மைக்கும், நேர்மைக்கும், உகந்த இடமாக அல்லவா இருக்க வேண்டும், பொய்,புனைசுருட்டு, ஏமாற்றுதல், பொய்வேடம் போடுதல் எல்லாம் விலக்கி மனத்தூயமைக்கு வித்திடும் கூடமாக அல்லவா இருக்க வேண்டும்? நீ பிணமானாலும் பணம் வந்து அங்கு உனது பிசாசப் பிடிப்பை வந்து பேசும் பார் அப்போது உனக்குத் தெரியும் பார் நீ தேடியது ஆன்மீகத் தேடலா?ஆசைப் பேயா என்று?

மறுபடியும் பூக்கும் வரை
கவிஞர் தணிகை.


மகளிருக்கு எதிரான அரசு இந்த கேடி அரசு திருட்டு மோடிஅரசு:கவிஞர் தணிகை

மார்ச் 8, 2015

woman-EMPOWERMENT

 

மகளிருக்கு எதிரான அரசு இந்த கேடி அரசு திருட்டு மோடிஅரசு:கவிஞர் தணிகை
சமையல் எரிவாயுவுக்கு மானியம் வங்கியில் என்ற பேரில் முழுத்தொகையும் கையில் இருந்து பிடுங்கிக் கொண்டு ,கறுப்புப் பணத்தை மீட்க முடியாது ஏமாற்றிக் கொண்டு,நதி நீரை இணைப்பதாக வாக்கு பெற்று தேர்தல் வாக்குறுதி பற்றி எல்லாம் கவலைப்படாத ஏமாற்று அரசு இந்த திருட்டு மோடி அரசு கேடி அரசு…

எதிர்வரும் மே.26ஆம் தேதியுடன் ஒரு ஆண்டை நிறைவு செய்யும் இந்த மோடி அரசு காங்கிரஸ் 3 ஆம் முறை வந்துவிடக்கூடாதே என்பதற்காக நல்ல பெரும்பான்மையுடன் மக்கள் வாக்களிக்க வந்த அரசு.

எந்த மக்களுக்கான பணியும் குறிப்பிட்டு சொல்லுமளவு இல்லை. பொதுமக்களுக்கு அதிலும் முக்கியமாக மகளிருக்கு, தாய்மார்களுக்கு தெரியாமல் தந்திரமாக சமையல் கட்டில் புகுந்து சமையல் எரிவாயு நேரடி மானியத் திட்டம் என்ற பேரில் வீட்டு சமையல் எரிவாயுவுக்கான முழு பணத்தையும் தாய்மார்கள் மகளிர் கையில் இருந்து திருட்டுத்தனமாக சொல்லாமல் கொள்ளாமல் தட்டிப் பிடுங்கும் அரசாக பேர் எடுத்திருக்கிறது.ஏழைகள் வாழ்வை வசதியை அபேஸ் செய்யும் அரசு, அம்பானிகளை உலக பணக்காரர்களை மேலும் உயர்வு செய்ய வந்த அரசு..நான் கூட காங்கிரஸ் வரக் கூடாது என எழுதியதை மறக்கவில்லை..ஆனால் இது போன்ற எந்தகட்சிக்கும் அரசும் வந்து விட வேண்டும் என வாக்களிக்கவில்லை..எனது வாக்கு 49ஓவிற்கே இருந்தது…புதிய ஜனநாயக முன்னணி மருதையன் இந்த மோடி பற்றி அரசு பற்றி தேர்தல்வரும் முன்னே கோவையில் ஒரு கூட்டத்தில் பேசியது அப்படியே மெய்யாயிருகிறது.

நிலத்தை கையகப்படுத்தும் திட்டம் வேறு, சுத்த பாரதம் வேறு இவனுங்க வெளக்கமாத்து அடி வாங்காமல் முடியாது போலும்….

மானியம் சலுகை வங்கிக் கணக்கில் வரவு வைக்கப்படும் என்று சொன்ன அதே காங்கிரஸ் அரசின் திட்டத்தை இவர்களும் மாரடிக்கிறார்கள்.ஆனால் வீட்டு சமையல் எரிவாயுவுக்கான பணம் 14.2கி.கி…வுக்கு 695 ரூபாய்(டெலிவரி பாய்க்கும் சேர்த்துத்தான்) பில்படி:ரூ.638 ரூபாய் வாங்கிச் சென்றிருக்கிறார்கள்…ஆனால் இதுவரை வங்கிக் கணக்கில் வரவு வைக்கப்படவேயில்லை எந்த மயி…. மானியமும்…சலுகையும்…நேரடிதிட்டத்தின் கீழ்…

சரியான அரசாயிருந்தால் ஒன்று யார் யாரெல்லாம் மானியத்துக்கு தகுதி ஆனவர்கள் என கண்டறிந்து முன்பு போலவே கையில் கொடுத்திருக்கவேண்டும் கழித்து வாங்கிக் கொள்ள வேண்டும். அல்லது மானியமே இல்லை என சொல்லி விடவேண்டும். இந்த வங்கியில் சிகையலங்கார வேலையெல்லாம் செய்கிறோம் என சொல்லி தகுதியான ஏழை பாளைகளை எல்லாம் நோகடிக்கக்கூடாது.அதிலும் முக்கியமாக மகளிரை….தாய்மார்களே இந்த செயல் நடவடிக்கையை கருத்தில் கொள்வீர் ..எதிர்காலத்துக்கு பயன்படும்

இந்த வங்கிக்கார பாவிகள் வேறு 4 முறைஇது வரை வங்கிக்கு சென்று நுகர்வோர் சமையல் எரிவாயு அடையாள எண்ணை ஆதார் எண்ணுடன் கொண்டு சென்று இணைத்திடுங்கள் என 2 முறை விண்ணப்பித்தும் சத்தம் இல்லாதிருக்கிறார்கள்.மேலும் மேலும் சமையல் எரிவாயு நிறுவனத்திடமிருந்து ஏற்கெனவே அளிக்கபப்ட்ட விவரங்களை மேலும் மேலும் அளிக்கச்சொல்லி குறுஞ்செய்தியாக வந்தவண்ணமே இருக்கின்றன…இதில் முன் செல்லும்போது வங்கிக் கணக்கை ஆரம்பிக்க நிறைய பேர் இருப்பதால் பின்னால் மற்றொருநாள் வாருங்கள் பார்க்கலாம்..இதற்கு இப்போது ஒன்றும் அவசரமில்லை என்பதும்…கொண்டு சென்ற படிவத்தை திருப்புவதுமாய்… அதன் பின் சரியான நுகர்வோர் அடையாள எண்ணுடன் கொடுக்கப் பட்ட படிவம் நேரடி மானிய திட்டத்தில் இணைக்கப் பட்டு விட்டதா என இன்னும் தெளிவாக தெரிந்தபாடுமில்லை.

சமையல் எரிவாயு வாடிக்கையாளரின் பணத்தை 300 ரூபாய் மானியம் தருகிறோம் என்ற பேரில் முன்னதாக பெற்று சென்று விட்டார்கள்…இது இனி என்றும் தொடர்கதையாகும்…அவள் ஒரு தொடர்கதைபோல…வங்கிக் கணக்கில் ஏற்றி விடுவார்களாம் அது என்றோ? நாம் இறக்கிக்கொள்ள வேண்டுமாம்.. அது என்றோ?

வீணாப்போன வெங்காயத்துனாங்க இவனுங்களுக்கு வேறவேலையே இல்லை..மக்கள் காசை பெற்று மறுபடியும் வங்கியில் போட்டு எடுக்க இரட்டை வேலை அதில். ஏகப்பட்ட குளறுபடி..மறைமுகமாக மானியம் இனி இல்லை என சொல்ல இந்த திட்டம். அதற்கு மேலும் வங்கிக் கணக்கு ஆரம்பிக்க வேறு 500 ம் ஆயிரமாயும் இருப்புத்தொகை வேறு…கேட்டால் இலவச வங்கிக்கணக்கு ஆரம்பிக்கும் திட்டம் முடிந்து விட்டது என்கிற கதை வேறு..

மக்களுக்கு அதுவும் மகளிருக்கு கஷ்ட நஷ்டம் ஏற்படுத்தும் அரசின் நாள்கள் எண்ணிக்கையில்தான் இருக்கிறது எப்போதுமே…சாமியாருங்க மானியைத் தொட்டு கும்பிட்டுக் கொண்டுஇருக்கிறான்கள்… மானியம் என்று கதை அளந்து கொண்டு மகளிரை ஏமாற்றியபடி..இந்த அகில உலக மகளிர்தினத்தில் இதை மகளிருக்கு நினைவூட்டவேண்டிய கடமை எனது…இன்னும் 4 வருடம் இருக்கிறது என மமதை வேறு..

நாகாலாந்தில் எழுச்சி பெற்று கற்பழித்தவரை சிறையில் இருந்து வெளி இழுத்து வந்து அடித்தே கொன்ற நிகழ்வு… நாடெங்கும் அதிர்வாய் …அதே போன்ற அலை பரவி மக்கள் வெள்ளம் எழுச்சி பெற்றால் எந்த அரசுகள் தாங்கும்? என அரசுகள் பயப்படுகின்றன என செய்தியை நேற்றுதான் ஒரு தினசரியில் பார்த்தேன்…

ஒழுங்கா இரு மோடி அரசே, கேடி அரசே, திருட்டு அரசே..விளம்பரத்துக்காக ஏமாற்றுவதற்காக மகளிரை ஏய்க்க திட்டம் போடாதே…ஆடாத ஆட்டம் எல்லாம் ஆடுவாங்க மண்ணுக்குள்ளே…போனவங்க கதை தெரியுமே….

கவிஞர் தணிகை
உலக மகளிர் தினத்தில்

மறுபடியும் பூக்கும் வரை…


மகளிர் இல்லா(த) தினம் உண்டா? (international women’s day):கவிஞர் தணிகை..

மார்ச் 7, 2015

images (9)

 

தாயின் யோனி வழியே
இரத்தத்துடன் வெளி வீழ்ந்தேன்

வெளிச்த்(தத்)துடன் கண்கள் கூசிட
நானிடும் ஓலம்
இன்னும் ஒயவேயில்லை

ஐந்து சகோகதரிகளுடன்
சேர்ந்தே வாழ்ந்தேன்
சண்டை இன்னும் தொடர்கிறது…

காதலுடன் வாழ்கிறேன்…

மகளிர் இல்லா(த) தினம் உண்டா?
மகளிர்க்கும் மட்டும் என அது உண்டா?

மகளிர்க்கு மட்டும் என வாகனம்
கண்டதுண்டு
மகளிர்க்கு மட்டும் என வாழ்வு உண்டா?

ஆணும் பெண்ணும் ஐக்யமானால் வாழ்வு
பிரித்து பிரிந்து போனால் தாழ்வு

கேட்கப்பட்ட முப்பத்து மூன்று சதம்
இன்னும் கிடைக்காத இந்திய தூரம்

சிவதத்துவம் அர்த்தநாரீஸ்வரம்
சொன்னதையும்
சாமிக்கு என நினைத்து விட்டது
இந்த பூமி
மூடா மனிதர்க்கு யாவும்

சாமிக்கு இல்லை ஏதும்

பெண் இல்லா பூமி
கண் இல்லா சாமி

மகளிரை கும்பிடவும் வேண்டாம்
மகளிர் தினம் என கூப்பிடவும் வேண்டாம்
மலராய் நினைக்கவும் கசக்கவும் வேண்டாம்
மலரை அணியச் சொல்வதும்
மலரை மறுத்தவரை வேறு பெயரில்
அழைக்கவும் வேண்டாம்..

தாயின்றி ஜீவன் இல்லை
ஜீவன் இல்லா வாழ்வு
தாயில்லா வாழ்வு…
பெண்ணில்லா வாழ்வு
நிலவில்லா இரவு வானம்
கதிரில்லா பகல் உலகம்

சொற்கள் நீண்டுகொண்டே
போகிறது….அவர்தம் குழல்போல…
என்றும் யாம் அவர் குழந்தை போல

மறுபடியும் தாய் மடி தேடுகிறேன்
இன்னொரு தாய் எமக்கெவர் வருவார்?

கவிஞர் தணிகை..

MARUBADIYUM POOKKUM VARAI…


இந்தியாவின் மகள் ஜோதி சிங் மட்டுமா லெஸ்லி உட்வின்?: கவிஞர் தணிகை

மார்ச் 6, 2015

இந்தியாவின் மகள் ஜோதி சிங் மட்டுமா லெஸ்லி உட்வின்?: கவிஞர் தணிகை

Jyoti-Singh

இந்தியாவின் மகள் ஜோதி சிங் மட்டுமா லெஸ்லி உட்வின்?: கவிஞர் தணிகை

2012 டிசம்பர் 16ல் நடைபெற்ற கொடூரம் பற்றி சுமார் 1 மணி நேரம் செய்திப்படம்…பிபிசி வழியாக உலகெங்கும் உலவல்…இந்தியாவில் நடந்த கொடுமை பற்றி உலகறியட்டும். தவறில்லை லெஸ்லி உட்வின் ஐஎஸ் ஐஸ் பற்றிகூட ஒரு செய்திப்படம் எடுக்கலாம் என்பதுவே எனது வேண்டுகோள்…

 

நேற்று ஒரு செய்தி..கிருஷ்ணகிரி மாவட்டத்தில் ஒரு ஊனமுற்ற பெண் கற்பழிக்கப்பட்டு அவரது தந்தை அவளை எந்த வாகனமும் கிடைக்காமல் தோளில் தூக்கி சென்று ஒரு மருத்துவமனையை அணுக அவர்கள் அனுமதிக்க மறுத்து கடைசியில் மாவட்ட மருத்துவ மனையில் சேர்த்தப்பட்டதாகவும் இதை பிருந்தா காரே…கம்யூனிஸ்ட் தலைவிதான் அக்கறை எடுத்துக் கொண்டு செயல்பட்டதாகவும் செய்தி.

 

நாடெங்கும் இது போல அன்றாடம் நடக்கும் அவலங்கள் எண்ணிறந்தன.ஊடகங்கள் எடுத்துக் கொள்ளும் தகவமைவை பொறுத்து செய்திகள் ஊதிப் புடைக்கின்றன. வடிவம் எடுக்கின்றன.

1000 (1)

புது டில்லி கற்பழிப்பவர்களின் தலைநகராகிவிட்டது என இந்த “இந்தியாவின் மகள்” என்னும் குறும்செய்திப் படம் (59நிமிடம் 53 நொடி) லெஸ்லி வுட்வின்னால் சொல்லபப்டுவது போல ஊடகம் மற்றும் அறிவு சார் மக்கள் அன்றைய செய்தியை கையிலெடுத்தார்கள் நாடே கொந்தளித்தது. பேரே வெளியிடமாட்டோம் என்ற காங்கிரஸ் அரசு உடனே அந்த பெண்ணை சிங்கப்பூரின் மிகவும் பிரபலமான உலகப் பிரசித்திபெற்ற  உறுப்பு மாற்ற அறுவை சிகிச்சையில் புகழ் பெற்ற மருத்துவமனையில் விமானத்தில் அனுப்பி இறந்தவுடன் உடலை எடுத்து வந்து தகனம் செய்துவிட்டது.

NIrbhayaf

இந்த ஜோதி சிங் ஒரு நல்ல இயன்முறை மருத்துவ மாணவி..(பிஸியோதெரபிஸ்ட்) இரவில் பிரவுசிங்க் சென்டரில் பணிபுரிந்து கொண்டே தமது அன்பு பெற்றோர் தமக்கு திருமணத்துக்கு சேர்த்து வைத்திருந்த பணத்தையும், தமது பெற்றோருக்கு உடமையான நிலத்தையும் விற்று படித்தவர்.பொறுப்பான மாணவிதான்.அந்த 2012 டிசம்பர் 16 இரவில் தமது ஆண் நண்பருடன் சினிமா பார்க்கச் சென்றது மட்டுமே அவர் செய்த செயல்.லைப் ஆப் பை பார்த்தது வரை நன்றாகவே இருந்த அவர் வாழ்க்கை வீடுதிரும்ப அந்த பள்ளிக்கூட பேருந்தில் ஏறியது முதல் சில நொடிகளில் வாழ்வே மாறிப்போனது…

Untitled-2

6 பேர். 4பேர் தூக்கில் இடப்பட்டனர். ஒரு சிறுவன் சீர்திருத்தப் பள்ளியில் அனுமதிக்கப்ப்ட்டுள்ளான். ஒருநபர் சிறையில் தற்கொலை செய்து கொண்டார். இவர்கள் 6 பேரும் பல்வேறு பட்ட தொழில்..ஒருவர் உணவகத்தில் பாத்திரம் கழுவிக் கொடுப்பவர், ஒருவர் பேருந்தின் ஓட்டுனர்,ஒருவர் ,,.. இப்படி இந்த நபர்கள் வேறு தொழில் புரிபவர்களாக இருந்த போதும்…கொள்ளையில் கூட்டு..ரவிதாஸ் கேம்ப் என்னும் ஒரு சேரிப்பகுதியில் இருந்து உருவான விடலைகள்…

 

இந்த குறும் படத்தை எடுத்த லெஸ்லி வுட்வின் செய்தியாளரே ஒருமுறை டில்லியில் இது போல மாட்டி பேருந்தை விட்டு எகிறி கீழே குதித்து தப்பியதாக சொல்கிறார்…இவர் இந்த  படத்தை எடுக்க 2 ஆண்டுகள் செலவு செய்துள்ளார். எல்லாம் பெரும்பாலும் கருத்துக்கோவைகள். தொடர்புடைய அனைவரிடமும் சென்று அவரவர்களின் கருத்துகளை கேட்டறிந்து சம்பவத்தின் காரணத்தை ஆய்ந்து நமக்கு சமர்ப்பித்துள்ளார். என்றாலும் இவர் எதையும் சிறப்பாக முடிவாக தீர்வாக சொல்லவில்லை.

Indias-Daughter-leslee-ud-008 (2)

இவர் வழியாக சம்பவம் எப்படி நடந்தது என்பது பற்றிய தெளிவு இதைப் பார்க்கும் நமக்கு கிடைக்கிறது. நேற்று மதியம் இந்த படத்தை பார்த்தேன். இதைப்பார்த்தாலும் இந்திய அரசு தண்டிக்குமா? எப்படி இதை எதற்காக தடைப்படுத்த வேண்டும் என்றுதான் எமக்கும் தெரியவில்லை…இதை விட கேவலமான சம்பவங்கள் எல்லாம் உலக அளவில் நடந்தேறி வருகின்றன..பெண்ணின் கழுத்தை அறுத்து நிர்வாணப்படுத்தி கழுத்தை ஒருவர் பிடித்தபடி இரத்தத்தை தாம்பாளத்தில் சேகரிப்பதும் உடலை கை கால்களை வேறு சிலர் பிடித்திருப்பதும் கண்டோம். செல்பேசி உபயோகபபடுத்தியமைக்காக கரங்கள் வெட்டபடுவதை அறிந்தோம், விளையாட்டுப் போட்டி கண்டதற்காக சிறையில் அடைக்கபப்ட்டதை அறிந்தோம்..மேலும் கசையடி,கல்லடி, பொதுஇடங்களில் மிக கொடூரமான மிருகத்தனமான கொலைகள்…ஏன் அமெரிக்காவில் கூட சந்தேகத்தின் அடிப்படையில் போலீஸ்காரர்களே நிரபராதிகளை கொன்று தீர்ப்பதையும் காணலாம்.

 

இந்த ஜோதி சிங் நல்ல மாணவி..தமது திருடப்பட்ட கைப்பையை திருடிய ஒரு திருட்டு சிறுவனின் ஆசை என்ன என அறிந்து அதை தீர்த்து வைத்ததாக அவர் நண்பர் சொல்கிறார். சப்தர்ஜங் மருத்துவமனை மருத்துவர் அறுவை சிகிச்சை செய்யும் ஒருவர் 20 வருடத்தில் நான் இப்படி ஒரு கேஸை கண்டதில்லை. எங்கே தைப்பது எப்படி தைப்பது எல்லா இடங்களிலும் இருந்து எல்லாம் கிழிந்து கிடக்கிறது..என்கிறார்..முதலில் சலையோரம் முனகல் சத்தம் கேட்ட காவல்காரர் சொல்கிறார் இவரும் இவரின் ஆண் நண்பரும் நிர்வாணமாக வீசப்பட்டிருந்தனர்.. ஒரு மாட்டின் பிரசவத்தின் போது எப்படி இருக்குமோ அப்படி அந்த ஜோதிசிங் உடல் கிடந்தது என்கிறார்.

 

மேலும் கையை உள்ளே விட்டு குடலை வெளியே எடுத்து  இருக்கிறார்கள்…இந்நேரத்தில் எதுக்குடா எங்கடா எனக்கேட்டிருக்கிறார்கள் இந்த பள்ளிப் பேருந்தை நிறுத்தி கொள்ளையடிப்பாதை தொழிலாக கொண்டு கற்பழிப்பு செய்துவரும் கொலையாள கொள்ளைக்கார சண்டாளர்கள்..அதற்கு ஜோதிகாவின் நண்பர்…தட் ஈஸ் நன் ஆப் யுவர் பிஸினஸ் என அடித்தார் அதிலிருந்துதான் ஆரம்பித்து இருக்கிறது..இந்த பெண்ணை  அவர்கள் தாக்க ,இவர்களும் போராட… பேருந்தை ஓட்டிய தாம் ஏதும் தப்பே செய்யவில்லை என்னும் ஓட்டுனர் குற்றவாளி சொல்கிறார்…இவர் போராடாமல் இருந்திருந்தால் வெறும் கற்பழிப்போடு முடிந்திருக்கும் திருட்டோடு முடிந்திருக்கும்…உயிர்ப்பலி நேர்ந்திருக்காது என…இவர்கள் தூக்கில் இடப்பட்டதை அவர்களின் குடும்பம் ஆதரிக்கவில்லை.

 

சீர்திருத்த பள்ளியில் ஒரு குற்றவாளி அனுமதிக்கப்பட்டதை ஜோதி சிங்கின் பெற்றோர்கள் விரும்பவில்லை.. அவர்கள் வாட்ச்,பணம், பை ஆகியவற்றை தேவையானவற்றை எடுத்துக் கொண்டு தேவையில்லாததை தூக்கி வீசி விடுகிறார்கள்.அந்த  சாலையில் இரு முறை அந்த பேருந்து சென்றுவந்ததை ஒரு கண்காணிப்பு காமிரா உதவியுடன் அறிந்த காவல்துறை 17 நாட்களில் குற்றபத்திரிகை தாக்கல் செய்தது சாதனை என்கிறது சாதாரணமாக 90 நாள் அதற்கு கால அவகாசம் உண்டாமே..24 மணி நேரத்தில் பேருந்தை கண்டு பிடித்து தப்பி ஓடிய குற்றவாளியை பிடிக்க ஆரம்பித்து விட்டார்களாம் அந்த ரவிதாஸ் கேம்ப் சேரியில்…

 

அந்த சேரியில் வாழும் நிலை ஸ்லம்டாக்மில்லியனர் அமிதாப் பச்சன் என்னும் சிறுவன் மலத்தில் விழுந்து எழுந்து ஓடிவருவதை நினைவுபடுத்தியது போல வாழ்க்கை சொல்ல தரமின்றி இருக்கிறது. பணத்துக்காக எதையும்செய்யும் நிலை இருக்கிறது. அவர்களிடம் அறம் நெறி,சட்டம், நீதி, நிர்வாகம், தர்மம் ஒழுக்கம் எல்லாம் வர வெகுகாலம் பிடிக்கும்போல் இருக்கிறது.

 

படிப்பு முடிந்து ஹவுஸ் சர்ஜன் பயிற்சி காலத்தில் இருந்து இருக்கிறார் ஜோதி சிங்.குடும்பமே அவரால் மகிழ்வடையும் தருணம்…வெண்ணெய் திரண்டும் வரும் நேரம் தாலி உடைந்த கதை. இவரது பெரிய தந்தையார் ஒருவர் நீதிபதியாம். ஆனால் இவர் மருத்துவம் படிப்பதே சிறந்தது என விரும்பி தேர்ந்தெடுத்து படித்தாராம்..

 

இவரை இரும்பு தடி, ராடு கைக்கு கிடைத்த ஆய்தங்களில் எல்லாம் தாக்கி சேதபப்டுத்தி இருக்கிறார்கள்…இந்த சம்பவம் குறித்து அரசுத் தரப்பு வழக்கறிஞர் ஒருவரும் ஒரு ஆணும் இந்தியாவில் பெண்கள் இப்படி எல்லாம் இரவில்வரவே கூடாது அவர்கள் மலர்கள் என்றெல்லாம் தொடர்பில்லாமல் பேச குற்றவாளி அவர் போராடியே இருக்கக் கூடாது என்கிறார். லீலா சேத் என்னும் முன்னால் உச்ச நீதிமன்ற நீதிபதியும் சமூக ஆர்வலர்களும் சமூக நீதியும் பெண்களுக்கான சம உரிமையும் பற்றி சொல்லி இருக்கிறார்கள்..

 

ஆனால் இந்த குறுஞ்செய்திப் படம் என்ன சாதித்து விடும் என்பதுதான் தெரியவில்லை..இதை முடக்குவதால் இந்திய அரசின் பேர் கெட்டுப்போகாமல் காக்கப்படும் என்று நினைக்கிறார்களா என்பது விளங்க வில்லை..

 

இன்றைய செய்தியாக நாகாலாந்து மக்கள் சிறையில் இருந்து கற்பழித்த நபர் ஒருவரை வெளி இழுத்து அடித்தே கொன்றிருக்கிறார்கள்..இந்த லெஸ்லி உட்வின் சிறைக்குள் நுழைந்து சட்டத்துக்கு புறம்பாக இந்த படத்தயாரிப்பு செய்திருக்கிறார். கைதிகள் சிறை சீருடைக்கு பதிலாக சாதாரன ஆடை அணிந்திருக்கிறார்கள் இந்திய அரசு இந்த செய்தியாளர் மேல் வழக்கு தொடர முனைந்துவருகிறது இந்த குறும்படத்தை உலகெங்கும் வெளியிட்டதற்காக…

gangrape-2-AP-L (1)

கடைசியில் இந்தியாவில் இருக்கும் பொருளாதார ஏற்றத்தாழ்வுகளே இத்தனைக்கும் காரணம் என அடிப்படையில் சொல்லப்பட்டாலும் டெல்லி மகளிரும் சமூக ஆர்வலர்களும் காவல்துறையின் தடைகளை உடைத்து போராடி இருக்கிறார்கள்..குற்றவாளிகளுக்கு மரணம் தண்டனையாக கிடைத்திருக்கிறது..எனினும் நாட்டில் இந்த குற்றங்கள் நடந்தபடியே இருக்கின்றன என்பதை மறுப்பதற்கில்லை…

 

குற்றம் நடந்த 2 ஆண்டுகளுக்கும் பிறகும் இந்த பிரச்சனை ஒரு அலை எழுப்புகிறது. அன்றும் ஒரு அலை எழுந்து ஓய்ந்தது போல..ஆனால் இந்தியாவுக்கு வந்து இப்படி எல்லாம் எடுத்து உலக அரங்கில் உலவவிடுவது போல ஐஎஸ் ஐஎஸ் அமைப்பிடம் சென்று இது போல செய்து பெண்களுக்கான நீதி கேட்க முடியுமா ஐரோப்பிய செய்தியாளர்கள் என்பதுவே எமது கேள்வி…

 

அதற்காக இந்தியாவில் நடப்பதெல்லாம் நல்லவை என்றோ,இந்திய அரசு இந்த குறும்படத்துக்கு தடை ஏற்படுத்தி இதற்கு நல்ல விளம்பரம் செய்து அதை அனைவரும் பார்க்கும்படியான ஒரு ஆவலை ஏற்படுத்தச்  செய்ததையோ நாம் நியாயப் படுத்தவில்லை..

 

இதை அனைவருக்கும் சேர்..பங்கீடு செய்தால் அது இந்திய தண்டனை சட்டப்படி குற்றமாகிடுமோ என்ற சந்தேகமும் எழுகிறது….ஆனால் யூ டியூபில் பார்த்து விட்டோமே அப்படியானல் இணையத்தில் பார்த்தவர்கள் எல்லாம் இந்திய இறையாண்மை சட்டபப்டி தடைசெய்த படத்தை பார்த்ததன் மூலம் குற்றவாளிகள் ஆகிறார்களா என்பதெல்லாம் என்னுள் எழும் கேள்விகள்.

 

தடைபப்டுத்த வெண்டிய பாலியல் தளங்களை எல்லாம் விட்டு விட்டு தேவையில்லாத வேலை செய்வதே இந்திய அரசின் வேலையாகி விட்டது. மேலும் அரசின் சட்டத்துக்கும்  புறம்பான வழிகளில் பிற நாட்டின் ஏன் நம்நாட்டின் தனி நபர்களோ, நிறுவனங்களோ,செய்தி ஊட்கங்களோ சிறைக்குள் சென்று செய்தி சேகரித்து வெளியிட்டிருந்தால் அது தண்டனைக்குரிய குற்றமே..அதற்கு உதவி செய்தவர்கள்,ஈடுபட்டவர்கள், சிறை அதிகாரிகள், செய்தி சேகரித்தவர்கள் அனைவரையும் என்ன செய்ய வேண்டுமோ அதை செய்ய வேண்டியாது அரசின் கடமை…அதை செய்வதில் அரசு தமது ஆளுமையை மேலாண்மையை, நிரூபிக்க வேண்டும்..

slum

பொருளாதார ஏற்றத்தாழ்வு களையப்பட வேண்டியதும் பாலியல் விழிப்புணர்வு கல்வி தருவதும்,நல்ல நேர்மையான ஆட்சி தருவதும்,,ஒருநல்ல ஆட்சியின் கடமை,..இது திருட்டுத்தனமாக சமையல் எரிவாயுத் தேவையுள்ள வீடுகளின் சமையல் கட்டிலிருந்து திருடும் அரசாக இருக்கும்போது போக வேண்டிய தூரம் கண்காணாத் தொலைவுவரை…பெண்கள் தற்காப்பு மட்டுமே தற்போதைய தேவை…

 

கவிஞர் தணிகை

மறுபடியும் பூக்கும் வரை….

 


நீரில் சில கோடுகள்: கவிஞர் தணிகை

மார்ச் 5, 2015

 

unnamed (3)

நீரில் சில கோடுகள்: கவிஞர் தணிகை
தேவையில்லாமலே சிலரை தவறு செய்ததாக இவர்களே கற்பனை செய்து கொண்டு அவர்களை திட்டுவதும்,அவர்களுடைய உறவுகளை முறித்துக் கொள்வதும் ,அவர்களுக்கு மாறாக எழுதுவதுமான போக்கு இன்றைய அளவில் அதிகம் காணப்படுகிறது..விராட் கோலி இந்துஸ்தான் டைம்ஸ் பத்திரிகையில் அவரையும் அவரது காதலியைப் பற்றியும் எழுதிய நிருபரை விட்டு விட்டு வேறு ஒருவரை ஆஸ்திரேலியாவில் தேவையில்லாமல் திட்டி தீர்த்து பழி ஈட்டிக்கொண்டது போல…

ரவி சாஸ்திரி அழகாக சொல்லியிருக்கிறார்…அடுத்து காப்டனாக இந்திய கிரிக்கெட் அணிக்கு வரவேண்டிய நிலையில் இருப்பவர் இப்படி நடந்து கொள்ளக் கூடாது என…இந்த போக்கு இவர் ஒருவருடனே இவருக்காக மட்டுமே சொல்வது அல்ல..

மலரினும் மெல்லியது காதல்..மலரினும் மெல்லியது உறவுகள்..மலரினும் மெல்லியது தொடர்பின் மொழிகள்..குறளோன் அழகாக சொல்வார்: மோப்பக் குழைய அனிச்சம் முகந்திரிந்து நோக்கக் குழையும் விருந்து என விருந்தோம்பலில்…

அது போல எழுத்துக் களத்தில் எழுதும் தடத்தில் உள்ளவர்கள் தேவையில்லாமலே தம்மைத்தான் எழுதிவிட்டார்கள் என தவறாக அர்த்தம் செய்து கொண்டு தாக்கி எழுத முனைவதும்.. தம்மை அவர்கள் எப்போதும்போல நடத்துவதில்லை என இடம் பொருள் ஏவல் தெரியாமல் சந்தர்ப்பம் தெரியாமல் கை விட்டு விடுவதும்…

தியாகத் தாமரை தமிழை நேசித்த விளைவு இதுதானா? தமிழர்களே இதற்கு ஒரு தீர்வு தாருங்கள் என தமிழ் இனத்தையே தமது சொந்தகுடும்ப விஷியத்துக்கு இழுப்பது போல அல்லது தமிழே தாம்தான் தமது குடும்பம்தான் என சுயத்தை மையத்தில் எண்ணிக் கொண்டு உலகை தமது போக்கிற்கு சாதகமாக திருப்ப நினைப்பது, சார்பாக வரவேண்டும் என முயல்வது…

சில நேரங்களில் தன்னிலை விளக்கம் கொடுக்க அவர்களுக்கும் எவர்களுக்கும் வாய்ப்பளிக்கப் பட வேண்டும்..உடனே அது தற்பெருமை என்றெல்லாம் பேசி விடுவது..வாய்த்துடுக்கு என்பதையே குறிக்கும்..யாருமே யாரையுமே முழுதுமாக எந்த பிரச்சனையையுமே முழுதாக கணக்கில் எடுத்துக் கொள்ளாமல் மேலோட்டமாக அவசரமாக அள்ளித் தெளிக்கும் கோணத்தில் கணித்து தமது எண்ணத்தை வெளிப்படுத்துவதன் விளைவு இது…

மேலும் எவருமே கவனத்தில் கொண்டு தற்காலத்தில் படிப்பது என்பது அரிதாகிக் கொண்டிருக்கிற நிலை…இவர்கள் எல்லாம் காந்தியை,மார்க்ஸை, பிடல் காஸ்ட்ரோவை,சேகுவேராவை,பகத்சிங்கை,ஆன்மீக புண்ணியாத்மாக்களை,ஹோசிமின்களை, மாவோ,லெனின்,போன்ற மாபெரும் மனிதர்களை மாபெரும் இலக்கிய கர்த்தாக்களின் இலக்கியங்களை எல்லாம் படிப்பார்களா என கவலை எழுகிறது… டாக்டர் மு.வ போன்ற வறட்சியான எழுத்துகள் உள்ள முற்றிலும் சமுதாய மேன்மை சிந்தனைகளை எல்லாம் பொறுமையுடன் படிப்பார்களா என கேட்கத் தோன்றுகிறது…

தேவையெல்லாம் பொறுமையும் அடக்கமும் …இந்த பொறுமையின்மையும் அடக்கமின்மையும் தீர ஆய்ந்து எதைப்பற்றியும் முடிவுகள் எடுக்க முடியா தன்மையுமே இவை யாவற்றுக்கும் காரணம். நீரில் கிழித்த கோடுகளாக சிறு சிறு தவறுகள் காலப்பெருவெளியில், காலப்பிரளயத்தில்,இயற்கை ஆழிப்பேரலை சுனாமி முன் அன்புப் பெருவெள்ளத்தின் மூலம் அடித்துச் செல்லப் பட வேண்டும்.. தொடர்புடைய நபர்களிடம் அதைப் பற்றிய விளக்கங்களை கேட்டுத் தெரிந்து கொள்ள முயலாமல்,அதைப்பற்றி பொது இடங்களில் தாமே தமது கருத்து முடிவுகளை தெரிவிக்கிறார் பாருங்கள் அது அழகாக இல்லாதது. அதை அவை போன்றவற்றை எல்லாம் கூட அனுபவம் மிக்க ஆற்றல் உடையோர் நீரில் கிழித்த கோடுகளாய் மறையச் செய்து தமது இயல்புக்கு சென்று கொண்டே இருப்பதும் இருக்க வேண்டுவதும் மேன்மை.

அடக்கம் அமரருள் வைக்கும் அடங்காமை ஆரிருள் உய்த்து விடும் என்ற குறளோனின் குரல் என்றுமே எல்லாருக்குமே பொருந்தும் உரைகல்.

மறுபடியும் பூக்கும் வரை
கவிஞர் தணிகை.


இந்திய நீதி: கவிஞர் தணிகை

மார்ச் 4, 2015

060705-mouse-frog_big

 

இந்திய நீதி: கவிஞர் தணிகை
மீத்தேன் வாயுத் திட்டத்தை விலக்க நீதிமன்றங்களை அணுகுவது விரயமே…முன்னால் நீதிபதி சந்துரு..,.உச்ச நீதிமன்ற தீர்ப்புக்கு செவி சாய்க்காமல் இன்னும் தமிழக அரசின் நெடுஞ்சாலையில் உள்ள அரசு மதுபானக் கடைகள்…,பல்லாண்டு வழக்கறிஞர் தொழில் புரிந்த வழக்கறிஞர்களே தேர்வு எழுதி பெரும் தொகை கை மாற நடுவர்களாக நீதி அரசர்களாக வருகிறார்கள் என்பதெல்லாம் மறுக்க முடியாத உண்மை.என்றுமே பெரும் நிதிக்கும் பெறும் நீதிக்கும் இந்தியாவில் பெரும் தொடர்புண்டு.

ஒரு காலத்தில் நீதி என்ற தலைப்பில் கவிஞர் இன்குலாப் தலைமையில் எண்பதுகளில் சேலம் மக்கள் கலை பண்பாட்டுக் கழகத்திற்காக திருவள்ளுவர் சிலை அருகே சேலத்தில் இன்றும் உள்ள என்.ஜி.ஜி.ஓ(பதிவு பெறாத அரசு ஊழியர் சங்க கட்டடத்தில்)பில்டிங்கில் கவிதை செய்தது, பல வழக்கறிஞர் நண்பர்கள் நமது வட்டத்தில் உள்ளது,சில நீதிமன்ற நடுவர்கள்,எமது நண்பர்களில் சிலர் நீதியரசர்கள்,இந்திய உச்ச நீதி மன்ற தலைமை நீதிபதியின் அவையில் பேசியது போன்ற அனுபவங்களின் நீதி மற்றும் நியதி இந்த பதிவுக்கு அவசியமாகிறது.

இன்று அபாயகரமாக தஞ்சை, மன்னார்குடி,திருவாரூர் ஏன் தமிழகத்தையே பயபீதி ஊட்டிக் கொண்டிருக்கும் பிரச்சனை மீத்தேன் எரிவாயு பிரச்சனை..இது தமிழகத்தின் நெற்களஞ்சியத்தை வளத்தை காவிரியின் நீர்வளத்தை கேள்விக்குறியாக்கும் பிரச்சனை..மறைந்த நம்மாழ்வார் முதல் தற்போதைய சமூக ஆர்வலர்கள் யாவரும் ஒருமித்து எதிர்க்கும் திட்டம். இந்த கட்டத்தில்நேற்று முன்னால் நீதியரசர் சந்துரு …இந்த பிரச்சனைக்கு நீதிமன்றத்தை அணுகினால் நீதி கிடைக்காது. அவர்கள் ஒரு விசாரணை கமிஷன் அமைப்பார்கள்..அந்த விசாரணை கமிஷன் தரும் அறிக்கையின் அடிப்படையில்தான் தீர்ப்பை நீதிமன்றம் வழங்கமுடியும் என தெளிவுபடுத்தி இருக்கிறார்கள்..

முன்னால் நீதியரசர் சந்துருவின் மேதாவிலாசமும், அனுபவமும் , நடைமுறைகளும் அனைவரும் அறிந்ததே..அவரைப்பற்றி நாம்கூட ஏற்கெனவே எழுதியுள்ளோம் .அப்பேர்பட்ட ஒரு அரிய மனிதரே அதுவும் முன்னால் நீதியரசரே சொல்லியபிறகு நமது நீதி பற்றி எல்லாம் யாவரும் உணர்ந்து கொள்ளமுடியும்..இவர் தான் ஏற்கெனவே நமது தமிழகத்தின் பூரண் மதுவிலக்கு வேண்டி சட்டமுறைகளில் போராடி தீர்வு காணமுடியும் என தாம் ஓய்வு பெற்ற பிறகு நல்லமுயற்சியாக மாநிலத்தில் உள்ள ஆர்வமுள்ள வழக்கறிஞர்கள்,ஆர்வலர்களை எல்லாம் சென்னையில் கூட்டி முயற்சிகள் எடுத்தார்..அது எதுவரை என நாம் அறியமுடியவில்லை.

இந்நிலையில்(ஜி.இ.இ.சி.எல்) கிரேட் ஈஸ்டர்ன் எனர்ஜி கார்ப்ரேஷன் லிமிடெட் என்ற ஹரியானா குர்கான் சார்ந்த தனியார் நிறுவனத்துக்கு கடந்த கலைஞர் கருணாந்தி அரசின் போது மீத்தேன் வாயுஎடுக்க லைசென்ஸ் (அனுமதி) வழங்கப்பட்டது…தற்போது அம்மா ஜெவின் அரசில் இடைக்காலத் தடை விதிக்கப்பட்டுள்ளது. இந்த திட்டத்தால் என்ன என்ன பாதிப்புகள் நமது தமிழகத்திற்கு என அதிலும் அந்த திட்டம் இலாபகரமானதா என சோதனை ஓட்ட திட்டமே எவ்வளவு பயங்கரமான பாதிப்புகள் உள்ளடக்கியது என அறிக்கைகளும், செய்திப்படங்களும் ஆர்வலர்களால் வெளியிடப்பட்டுள்ளன…

 

image

கேவலம் இந்திய உச்சநீதிமன்ற தீர்ப்பை நெடுஞ்சாலையில் உள்ள மதுக்கடைகளையாவது எடுக்க தமிழக அரசு பயன்படுத்தவேண்டும் என்றால் அது என்ன சொன்னாலும் எடுப்பதாக காணோம். இந்த பூனைக்கு யார் மணி கட்டுவது…இதை மறுபடியும் யார் உச்ச நீதிமன்றத்தின் கவனத்துக்கு கொண்டுசென்று தமிழக அரசை செயல்பட வைப்பது?

உச்ச நீதிமன்றம் ,,நீதிமன்றம் யாவுமே திரு.சந்துரு அவர்கள் சொன்னபடி சட்டம்,சாட்சியம்,சந்தர்ப்பம் அடிப்படைகளை வைத்தே தீர்வை தருகின்றன..அதில் வழக்கறிஞர்களின் சாமார்த்தியம் திறமை பெரும்பங்கு இருப்பதை இல்லாததாகவும் இல்லாததை இருப்பதாகவும் ஆக்கி விடுகின்றன ..இவர்கள் பணத்துக்கும்..பேறுக்கும் புகழுக்கும் தம் சுயத்துக்காகவும் இயங்குகிறார்கள் ஏன் நீதிபதிகள் உச்சத்தில் உள்ளவர்கள்மேல் கூட பலவாறான கறைகள் கழுவ முடியாமல் இருக்கின்றன.எனவே இந்தியநீதி ..இந்தியாவின் மிக முக்கியமான ஒருதூண் உளுத்துப்போனது. வெளித் தோற்றத்திற்கு இன்னும் பாமரமக்களுக்கு நீதி தர இருக்கும் ஒரே அடைக்கலமாக நமது இந்திய ஜனநாயகத்தில் காட்சி அளித்து வருகிறது.

பெரும்பாலான ஆண்டுகள் இங்கு பொய் புனை சுருட்டல்களில் சுயநலத்துக்காக ஆடிவரும் வழக்கறிஞர்கள் என்னும் வேட்டை நாயகர்கள்தான் தேர்வு எழுதி நடுவர்களாக , அல்லது நீதியரசர்களாக அரசால் நியமிக்கப்படுகிறார்கள்…இதிலும் பேரம் பலவாறாக நடத்துப்படுகின்றன என்பது உண்மையே. இப்படி அடித்தளம் இருக்கும்போது உச்சம், மிச்சம், சிகரம் எல்லாம் நமது இந்திய நீதிக் கோபுரத்தில் எப்படி இருக்கும் என்பதை நீங்களே முடிவு எடுத்துக் கொள்ளுங்கள்.

இதை எல்லாம் மீறித்தான் சந்துரு போன்ற மனிதர்கள் ,சகாயம் போன்ற மனிதர்கள் ஆட்சி செலுத்துகிறார்கள் மக்கள் மனங்களில். மக்கள் தாம் தமது போராட்ட முறைகள்மூலம் சாதிக்கவேண்டும் என அவர் சொல்லியுள்ளபடி… புதிய ஜனநாயக் முன்னணியினர் ஆண்கள்,பெண்கள்,இளைஞர்,சிறுவர் எல்லாம் சேர்ந்து ஒரு அரசு மதுபானக் கடையை காவலர் முன்னிலையிலேயே அடித்து நொறுக்கிய செய்தி ஒன்றை அறிந்தேன்…அதுபோல

சில இடங்களில் பெண்களே வெளக்கமாற்றுடன், செருப்புடன் சென்று கடைகளை சூறையாடிய சம்பவங்கள் ஆந்திராவில் நடந்ததுண்டு..மகளிர் சக்தியாக…

இந்தியாவில் நீதி என்பது பெரும்பாலும் நிதிக்கடிமையாகவே இருக்கிறது.நீதித்துறையில் போதுமான வசதிகளோ,பணியாளர்களோ கூட இல்லை என்பது மறுபுறம் ஊஞ்சல் ஆடும் செய்தி.

நிறைய உச்ச நீதிமன்ற தீர்ப்புகளே கூட மக்கள் நலம் சார்ந்ததாய், சாதரணகீழ்தட்டு, பெரும்பான்மையான இந்திய மக்களின் வாழ்வாதாரத்தை மேம்படுத்தும், ஒழுக்க முறைகள்பேணி அவர்களை நல்வழிப்படுத்தும் முடிவுகளைத் தருவதேயில்லை..அரசுக்கும் அப்படிப்பட்ட நெறிகளை எப்போதும் வழங்குவதில்லை..வழங்கினாலும் அரசுகள் அடிபணிவதில்லை.. பேருக்கு எங்கோ ஒரு ட்ராபிக் இராமசாமி தாமே வாதாடினார் தம் வழக்குக்கு, வக்கீல் இன்றி என்றும், சட்ட உதவி மையங்கள் ஏழைகளுக்கு உள்ளது கட்டணமின்றி நடத்தக் கொடுக்க என்பதும்…தாய்மொழியில்கூட அங்கு வழக்கும் தீர்ப்பும் இருக்கும் என்றும்…பேச்சு..

கட்ட பஞ்சாயத்து கூடவே கூடாது …என்பார்கள்..காவல் துறையும் அரசியல் பிரமுகர்களும் நடத்தும் கட்ட பஞ்சாயத்து பற்றி கொலை கூட செய்வடு பற்றி எல்லாம் எவருமே கேட்கக் கூடாது..மூச்…! ஊடகம் எல்லாம் கூட இப்போது நிதியின் நீதிக்குள் தான் முடங்கி விட்டது…

மக்களுக்கிருந்த ஒரே ஜனநாயக நம்பிக்கையும் போச்சு…இனி இவர்கள் அணி திரண்டு போரட்ட முறைகளை கையில் எடுப்பது ஒன்றுதான் பாக்கி.

மறுபடியும் பூக்கும் வரை
கவிஞர் தணிகை.


போராடி இறப்பதும் போராடாமல் இருப்பதும்: கவிஞர் தணிகை

மார்ச் 3, 2015

 

lead

போராடி இறப்பதும் போராடாமல் இருப்பதும்: கவிஞர் தணிகை
போராடி இறப்பது என்றும் இருப்பதின் முயற்சி.போராடாமல் வெறுமனே சும்மா தான் தம் சுகம் குடும்பம் என்ற வலைவட்டத்துள் குறுகி வாழ்வில் இருப்பது இறந்ததற்கு சமம்.தோன்றின் புகழொடு தோன்றுக அஃதிலார் தோன்றலின் தோன்றாமை நன்று என்றும் எமக்கு பிடித்த குறளோனின் வரிகள்….

வாழ்வது ஒருமுறை வாழ்த்தட்டும் தலைமுறை என்ற வீரியமிக்க மொழி பார்த்திருப்பீர்கள், கேட்டிருப்பீர்கள்…சிலரின் வாழ்வு குடும்பத்துக்காகவே அர்ப்பணிக்கப்பட்டுவிடுகிறது.நானறிந்த ஒரு பெண் மணமில்லாமலே குடும்பத்துக்காகவே தம்மை தமது இளமையை தாரை வார்த்துவிட்டார் மனோரஞ்சிதமாய்…அவளொரு தொடர்கதையில் வரும் நாயகி போல..இன்று முதுமையில் அவர் உடல் உருக்குலைய..

வாழ்க்கையின் துவக்கம் எப்படி இருந்தாலும் அதன் இருப்பும், போராட்டமும்,முடிவான இறப்பும் அந்த வாழ்க்கைக்கு பொருள் தேடித் தந்து விடுகிறது. பெரியாரின் இறப்பை விட காந்தியின் இறப்பு பேசப்படுவது உலக அளவில் அதிகம்தான்.

வாழ்க்கையில் எப்படியும் இறப்பு தவிர்க்கமுடியாதது அதை நாட்டுக்காக நாட்டு விடுதலைக்காக பொருளாதார முன்னேற்றத்துக்காக தந்து விடலாமே எனத் துணிகிறவர்களின் நடப்பை தியாகம் என்றும் தியாகிகள் வரிசையிலும் வைத்து போற்றுதலுக்குரியவராக்குகிறோம்.

அப்படிப் பார்த்தால் மனித வெடிகுண்டுகளாகவும்,தீவிரவாதிகளாகவும் சாகத் துணிகிறவர்களை எந்த கணக்கில் வைப்பது? சேர்ப்பது…

உயிர்களை கொல்வது பாவம் என்றால் கொசுக்களைக் கொல்வதும் பாவம்தானே?
உயிர்களைக் கொல்வது பாவம் என்றால் கொசுக்களைக் கொல்வதும் பாவம்தானோ?
கொசுக்களைக் கொல்லாது விட்டுவிட்டால் கொசுக்கள் நம்மைக் கொன்றுவிடுமே?
பயிர்களைக் காக்க உயிர்களைக் கொல்லாமல் உழவனுக்கு உழவுத் தொழில் இல்லை.உழவுத் தொழில் இல்லையேல் நம்மில் யாருக்கும் உணவே இல்லை.திருடி அறுக்கிறான் கழுத்தை கொலை, எல்லையில் சுட்டால் அது பாதுகாப்பு..தர்மம் இடத்துக்கு இடம் நேரத்துக்கு நேரம் மாறுபடுகிறது..

வாழ்வே ஒரு ஜீவ மரணப்போராட்டமாகவே இருக்கிறது மிருகங்களுக்கு அவை நன்கு தெரிகிறது. உணவுக்காக கொல்வதும்,உயிருக்காக தப்பிப்பதும்…ஆனால் மனிதர்க்கு இறப்பு மறைபொருளாகவே இருக்கிறது..இறப்பு என்று எப்போது எனத் தெரிந்துவிட்டால் மனிதர்க்கு வாழ்வின் சுவை குறைந்து விடும்..மேலும் ஜீவ முக்திஅடையும் ஜீவ சித்தர்கள் தமது மறைவை எப்போது என தெளிவாக தெரிந்து கொள்கின்றனர்.கடித்தது பாம்புதான் எனத் தெரியாதவரை கடித்தவனுக்கு மரணம் வரவில்லை என்று சொல்லப்படுவது இயல்பு.

எல்லா கட்சிகளும் புதிய ஜனநாயக முன்னணி முதல்,காங்கிரஸ், வாசன் காங்கிரஸ்,பாரதியஜனதா இப்படி எல்லா கட்சிகளுமே உறுப்பினர் சேர்க்கையை அதிகப்படுத்தி நாட்டுக்கு நன்மையை செய்ய போவதாக சொல்கின்றன…மார்க்ஸிசம் கொடுத்த மார்க்ஸ் ஜென்னி ஏங்கல்ஸ் குரூப்ஸ்கயா போன்றோர் வாழவே உணவுக்கே சிரமப்பட்டனர்…வியட்நாமின் ஹோசிமின் காடுகளில் மறைந்து உணவுக்கு அலைந்து பாறைகளில் படுத்துறங்கி உணவகங்களில் சாப்பிட்ட எச்சில் தட்டுகளை கழுவி நாட்டுக்கே ஒளியூட்டி இருக்கிறார் என்கின்றன சரித்திரங்கள்…

சாதிக்க துடித்தோர் நிறைய பொருள் பலம் இல்லாமல் இருந்திருக்கிறார்கள் தம் சொந்த வாழ்வில் உணவு கூடகிடைக்காமல்..பட்டியல் இட்டால் பக்கம் போதா..எல்லாத் துறைகளிலுமே…

அஜித் சாலினிக்கு,ஆண்குழந்தை குட்டிதல, மோடி 29ரூபாய்க்கு பாராளுமன்ற உணவகத்தில் சாப்பிட்டது,ஆம் ஆத்மி கட்சி உட்பூசல், ஜக்மோகன்டால்மியா இந்திய கிரிக்கெட் வாரிய பொறுப்பேற்றல் எல்லாம் சாதாரண மனிதர்களுக்கு தொடர்பில்லா செய்திகளாக விளங்கியபோதும் இவைதான் நடப்புசெய்திகள், பிழைப்புசெய்திகளாகின்றன ஊடகங்களுக்கு..

கோயில்கள் இன்னும் நிறைய கட்டப்படுகின்றன..இதோ எல்லா இடங்களிலும் மாரி அம்மன்,காளி அம்மன் என உயிர்ப்பலிகள் காவுகள் இலட்சக்கணக்கில் கோடிக்கணக்கில் கொடுக்கப் பட இருக்கின்றன…இவை ஆண்டுக்கொருமுறை தவறாமல் நடக்கின்றன..இதுமட்டுமல்லாமல் ஆண்டுமுழுதும் எண்ணற்ற திருவிழாக்கள்…நாம் தாமரை இலைத் தண்ணீர் போல ஒட்டியும் ஒட்டாமலும் இருக்கிறோம்.நமது சொற்களும் வாசகங்களும் நமக்கு வடிகாலாக விளங்க அவர்களுக்கு மனநிலை பிறழ்ந்த சமூகத்தில் தப்பிப் பிறந்த ஜீவனாக காட்சி அளிக்கிறோம்.

மனித வாழ்வில் மாற்றமே வரவில்லை…ஏற்றமும் இல்லை…ஒரு சாதாரண ஏழை வாழ்வை மேம்படுத்த எடுக்கப்படும் போராட்டமே புரட்சி எனப்படுகிறது.அப்படி ஒரு வாழ்வை மேம்பாடு அடையச் செய்யாமல் இருப்பதற்கு இருக்கும் தடைகளே: மதம்,கோவில், மது.புகை,அரசு,ஆட்சி,கலாச்சாரம், நாகரீகம் சாதி போன்ற எண்ணற்ற முடைகளுடன் மூழ்கிக் கிடக்கிறது…

மறுபடியும் பூக்கும் வரை
கவிஞர் தணிகை.


நிலம் கையகப்படுத்தல் அல்ல – சுருட்டல்!

மார்ச் 1, 2015

நிலம் கையகப்படுத்தல் அல்ல – சுருட்டல்!

நிலம் கையகப்படுத்தல் அல்ல – சுருட்டல்!

கவிஞர் கலி. பூங்குன்றன்

நிலம் கையகப்படுத்துதல் என்றால் என்ன? நிலத்தை எப்படி கையகப்படுத்து கிறார்கள்? வழிமுறைகள் என்ன?

இந்தியாவின் நிலம் கையகப்படுத்துதல், புனர்வாழ்வு மற்றும் மீள்குடியேற்றச் சட்டம் (Land Acquisition and Rehabilitation and Resettlement Bill) என்று அறிமுகப்படுத்தப் பட்டது. இச்சட்டம் ஒரு நிலத்தை எப்படி கையப்படுத்த வேண்டும் என்பது, அதன் வரையறை, கையகப்படுத் துவதற்கான இழப்பீட்டுத் தொகை நிர்ணயம் ஆகியவற்றை விளக்குகிறது.

சட்டம் பற்றிய முன்னுரை:

பொது உபயோகம் மற்றும் தனியார் நிறுவன பயன்பாட்டிற்காக தனியார் நிலங்களை, பயன்பாடு மற்றும் அதன் மூலம் கிடைக்கும் வருவாய் இழப்பிற்கு தகுந்த இழப்பீடு வழங்கியபின், அரசு கையகப் படுத்தலாம். இவ்வாறு அரசால் நிலம் கையகபடுத்துதல் தொடர்பான சட்டங்கள், நிலம் கையகபடுத்துதல் சட்டம்,1984 என அழைக்கப்படுகிறது.

சட்டம் பற்றிய விரிவான தகவல்கள்:

1. முதல் அறிக்கை: நிலம் மற்றும் சொத்துகளை பொது மக்களிடமிருந்து கையகப்படுத்தும் முன், அவ்வாறு கையகப்படுத்துவதற்கு தனக் குள்ள ஆர்வம பற்றி அரசாங்கம் கீழ்க் கண்டவற்றில் அறிவிக்க வேண்டும்.

அ. அரசிதழ் ஆணை

ஆ. இரண்டு உள்ளூர் நாளிதழ்கள், அவற்றுள் ஓன்று வட்டார மொழியில் இருக்க வேண்டும்.

இ. நிலம் அமைந்துள்ள பகுதியில், பொதுமக்களுக்கு வசதியான இடங்களில் அறிவிக்கை.

இத்தகைய அறிவிப்புகளில் கடைசியாக வெளியிடப்பட்ட அறிவிக்கை வெளியான நாள், அறிவிக்கை நாளாக கருதப்படும். அறிக்கை வெளியான நாளன்று நிலம் மற்றும் சொத்தின் சந்தை விலையின் அடிப்படையில் நில உரிமையாளருக்கு இழப்பீடு வழங்கப்பட வேண்டும்.

2. ஆட்சேபணைகளை விசாரணை செய்தல்:

அறிவிக்கப்பட்ட நிலம் மற்றும் சொத்தில் ஆர்வமுடைய அல்லது சம்பந்தப்பட்ட அனைவரும் அறிவிப்பு வெளியான நாளிலிருந்து 30 நாட்களுக்குள் தங்கள் ஆட்சேபணைகளை மாவட்ட ஆட்சியரிடம் தெரிவிக்க வேண்டும்.

நிலம் கையகபடுத்துவதில் பொது நல நோக்கம் இல்லாதது, தேவைக்கு மேல் அதிக நிலம் கையகப்படுத்துவது, கையகப் படுத்தும் இடம் வரலாற்று முக்கியத்துவம் வாய்ந்தது அல்லது அந்த இடத்தில பொது மக்கள் பயன்பாடு, வழிபாட்டுத்தலம், சமாதிகள் அல்லது மயானங்கள் இருப்பது போன்ற காரணங்களுக்காக நிலம் கையகப்படுத்துவதற்கு ஆட்சேபணை தெரிவிக்கலாம்.

இந்தக் கட்டத்தில், அறிவிக்கப்பட்ட இடத்திற்கு பதில் வேறு மாற்று இடத்தை கையகப்படுத்துமாறு மாவட்ட ஆட்சிய ருக்கு ஆலோசனைகள் கூறலாம். அத் தகைய ஆலோசனைகளுக்கு மதிப்பளிக் காவிட்டால் மாவட்ட ஆட்சியர் தன்னிச் சையாக முடிவெடுத்ததாக உயர்நீதிமன்றத் தில் வாதாடலாம்.

அறிவிக்கைக்கெதிராக ஆட்சேபணை தெரிவித்தோரின் கருத்துகளை மாவட்ட ஆட்சியர் கண்டிப்பாக கேட்க வேண்டும். எனினும் அவசர நேரங்களில் அவ்வாறு அவர் கேட்பதைத் தவிர்க்கலாம்.

3. கையகப்படுத்தும் முடிவை அறிவித்தல்:

கையகப்படுத்தும் முடிவை அரசாங்கம் கீழ்க்கண்டவற்றில் மீண்டும் ஒரு முறை அறிவிக்க வேண்டும்

அ. அரசிதழ் ஆணை

ஆ. இரண்டு உள்ளூர் நாளிதழ்கள், அவற்றுள் ஓன்று வட்டார மொழியில் இருக்க வேண்டும்.

இ. நிலம் அமைந்துள்ள பகுதியில், இந்த அறிக்கை அறிவிப்பு வெளியான நாளில் இருந்து 1 வருடத்திற்குள்செய்யப்பட வேண்டும். இதில் கையகப்படுத்தப்படும் நிலம் இருக்குமிடம் மற்றும் நிலத்தினை கையகப்படுத்தபடும் நோக்கம் ஆகிய வற்றை தெளிவாக குறிப்பிட வேண்டும்.

4. சம்பந்தபட்ட அனைவருக்கும் அறிவிப்பு கொடுத்தல்:

கையகப்படுத்தபடும் நிலத்தில் அல்லது அதன் அருகே மாவட்ட ஆட்சியரால் பொது அறிவிப்பு செய்யப்பட வேண்டும். இழப்பீடு கோருதல் மற்றும் அளவைகளில் உள்ள ஆட்சேபணைகளை தன்னிடம் குறிப்பிட்ட தேதியில் தெரிவிக்குமாறு, அந்த நிலத்தைப் பயன்படுத்தும் மற்றும் சம்பந்தபட்ட அனைவருக்கும் தனித் தனியே அறிவிப்பு அனுப்ப வேண்டும். அறிவிப்பு அளித்தபின், கோரிக்கைகளை தெரிவிக்க 15 நாட்கள் கால அவகாசம் தர வேண்டும்

5. மாவட்ட ஆட்சியரின் உறுதி:

சம்பந்தபட்டவர்களின் கோரிக்கைகளை கேட்ட பின் கையகப்படுத்தபடும் நிலத்தின் அளவு மற்றும் அதற்கான இழப்பீடு ஆகியவற்றைத் தெரிவித்து, மாவட்ட ஆட்சியரால் உறுதி அளிக்கப்படும். உறுதி அறிக்கை, முதல் அறிவிப்பு வெளியான நாளிலிருந்து 2 வருடத்திற்குள் செய்யப்பட வேண்டும்.

சந்தை மதிப்பு, சந்தை மதிப்பிற்கான 12% விகிதத்தில் கணக்கிடப் பட்ட வட்டி மற்றும் சந்தை மதிப்பின் 30% மதிப்பில் ( கட்டாய கையகப்படுத்துதலுக்கான ஆறுதல் ) ஆறுதல் தொகை ஆகியவை இழப்பீடாக வழங்கப்படும்.

தீர்வுக்கான வழிமுறைகள்:

எந்த சட்டபிரிவுகளின் கீழ் புகார் செய்யலாம்?

சட்டபிரிவு 4: முதல் அறிக்கை சட்டபிரிவு 6: கையகப்படுத்தும் முடிவை அறிவித்தல்:

சட்டபிரிவு 11: விசாரணைகள் மற்றும் மாவட்ட ஆட்சியரின் உறுதி

சட்டபிரிவு 18: நீதிமன்றத்திற்குப் பரிந்துரை

சட்டபிரிவு 28 இழப்பீட்டை மறு மதிப்பீடு செய்தல்

யாரிடம்/எப்போது புகார் செய்யலாம்?

மாவட்ட ஆட்சியரின் முடிவில் சம்பந்தப்பட்டவர்கள் திருப்தியடையா விட்டால், நீதிமன்றத்திற்கு வழக்கை பரிந்துரை செய்யுமாறு அவர்கள் மாவட்ட ஆட்சியரைக் கோரலாம்.

வழக்கை எவ்வாறு பதிவு செய்வது?

சம்பந்தப்பட்டவர்களின் கோரிக்கை அடிப்படையில், ஆட்சியர் வழக்கை மாவட்ட நீதிமன்றத்திற்குப் பரிந்துரைப்பார். இதற்கு நீதிமன்ற கட்டணங்கள் செலுத்தத் தேவையில்லை. இழப்பீட்டை அதிக ரித்தோ, அளவீடு மற்றும் பாகப்படுத்துதல் தொடர்பான ஆட்சியரின் உறுதியை மாற்றியோ நீதிமன்றம் தீர்ப்பளிக்கலாம். எனினும் இழப்பீட்டு அளவை நீதிமன்றம் குறைக்க முடியாது.

அடுத்த கட்ட நடவடிக்கைகள்:

இழப்பீட்டுத் தொகையை அதிகரித்து நீதிமன்றம் ஆணையிட்டால் மறுமதிப்பீடு செய்யக் கோரி சம்பந்தப்பட்டவர் ஆட்சியரிடம் மனு அளிக்கலாம். மாவட்ட நீதிமன்ற தீர்ப்பை எதிர்த்து, தீர்ப்பளித்த நாளிலிருந்து 90 நாட்களுக்குள் உயர் நீதிமன்றத்தில் மேல் முறையீடு செய்யலாம். உயர் நீதிமன்ற தீர்ப்பை எதிர்த்து 60 நாட்களுக்குள் உச்ச நீதிமன்றத்தில் மேல் முறையீடு செய்யலாம்.

அவசரச்சட்டத்தில் உள்ள பாதகமான திருத்தங்களில் சில

  • பாஜக கொண்டுவரும் புதிய சட்டத்தில் இழப்பீடு தொடர்பான எந்த ஒரு தெளிவான விளக்கமும் இல்லை.
  • கிராமசபை, பஞ்சாயத்து உறுப்பினர் களின் சம்மதம் வேண்டும் என்ற விதி எடுக்கப்பட்டுள்ளது.
  • விளைநிலங்களை எப்போது வேண்டுமானாலும் கையகப்படுத்தலாம். அதிகாரிகளிடம் மாத்திரம் இதற்கான அனுமதி பெற்றால் போதும்.
  • நிலம் கையகப்படுத்தும் போது பொதுப்பாதையாக இருந்தாலும் அதைத் தடைசெய்து மாற்றுப்பாதை ஏற்படுத்தவேண்டும்.  றீ    மாநில அரசிடம் நேரடி அனுமதி பெறத் தேவையில்லை.
  • விவசாயி ஒருவரின் அனுமதியின்றி அவரது நிலத்தை கையப்படுத் தலாம் அதற்கான இழப் பிட்டைக் கொடுத்தால் போதும்.  நிலத்தைக் கையகப்படுத்த வேண்டுமானால் 70 சதவித விவசாயிகளின் ஒப்புதல் இருக்க வேண்டும் என்ற அய்க் கிய முற்போக்குக் கூட்டணி ஆட்சியில் கொண்டு வரப்பட்ட சட்டத்தில் இடம் பெற்ற சரத்து இப்போது நீக்கப் பட்டுள்ளது.

அரசு விரும்பினால் யாருடைய நிலத்தையும் கார்ப்பரேட் நிறுவனங்களுக்கு அப்படியே தூக்கிக் கொடுக்கலாம்.
நீதிமன்றம் செல்லுவதற்கும் அரசின் ஒப்புதல் அவசியம்.

விவசாய நிலங்களாக இருந்தாலும் கவலையில்லை. ஏற்கெனவே விவசாய நிலங்கள் வீட்டுமனைகளாக்கப்பட்டுப் பணம் சம்பாதிக்கப்பட்டது. இனி மேல் வயல்வெளிகளில் எல்லாம் கான்கிரீட் கட்டடங்கள் சும்மா தூள் பறக்கும்.

இத்தொழிற்சாலைகள் கக்கும் விஷ வாயுவைக் குடித்து வயிற்றை நிரப்பிக் கொள்ளலாம். இந்தியா விவசாய நாடு என்பது எல்லாம் பழங்கதை, இந்துத்து வாவில்தான் விவசாயம் பாவத் தொழில் ஆயிற்றே!

மோடி குஜராதத்தில் முதல் அமைச்சராக இருந்தபோது என்ன நடந்தது? குஜராத் மகுவாபகுதி நிலக்காரர்களின் போராட்டம் மிகவும் முக்கியமானது.

அணை ஒன்றைக் கட்டுவதற்காக ஒதுக்கப்பட்ட நிலத்தை பூமிக்கு அடியில் உள்ள சுண்ணாம்புக் கற்களைத் தோண்டி எடுத்து சோப்புத் தொழிற்சாலை ஒன்றை உருவாக்குவதற்காக உத்தர விட்டவர்தான் முதல் அமைச்சர் மோடி.

பூர்வீகமாக வாழ்ந்த 30 ஆயிரம் மக்கள் வலுக்கட்டாயமாக வெளியேற்றப்பட்டனர். உள்ளூர் பிஜேபிக்காரர்கள்கூட உள்ளூர் மக்களோடு சேர்ந்து பெரும் போராட்டத்தில் ஈடுபட்டனர். ரூ.1400 கோடியில் 214 ஹெக்டர் நிலப்பரப்பில் தனி முதலாளி உருவாக்க இருந்த தொழிற்சாலைக்காக அப்பாவி மக்கள் வெளியேற்றப்பட்ட கொடுமையை என் சொல்ல!

சவுராட்டிரா வாங்கனர் மாவட்டத்தில் 40 ஹெக்டர்  நிலம் சதுர மீட்டர் 40 ரூபாய் என்று அடிமாட்டு விலைக்குத் தனியார் தொழிற்சாலைக்கு விற்ற விற்பன்னரும் இதே மோடிதான். உள்ளூர் மக்கள் நீதிமன்றம் வரை சென்று தடையாணை பெற்றனர் என்பது வேறு சேதி!

கட்ஜ் பகுதியில் ஆயிரக்கணக்கான ஏக்கர் நிலங்களை பிஜேபியின் தலைவராக அப்பொழுது இருந்த வெங்கையாநாயுடு பங்குதாரராக இருந்த நிறுவனத்துக்குக் குறைந்த விலையில் விற்றார் என்று பிஜேபி சட்டமன்ற உறுப்பினரே ஆன்லுக்கர் இதழுக்கு விரிவான பேட்டி அளித்ததுண்டு (ஃப்ரண்ட் லைன் 20.5.2011).

மேற்கு வங்கத்தில் சிங்கூரில் டாடா நிறுவனம் தொடங்க இருந்த நானோ கார்களை (ஒரு லட்சம் ரூபாயில்) உற்பத்தி செய்யும் தொழிற்சாலையைத் தொடங்கிட நிலம் கையகப்படுத்தப்பட்ட நிலையில் வெகு மக்கள் வீங்கு தோள் பூரித்து வெகுண்டெழுந்தனர் (இதற்குக் கம்யூ னிஸ்ட் ஆட்சி பலத்த விலையைக் கொடுக்க நேர்ந்தது)

அங்கிருந்து வெளியேறிய டாட்டாவை சிகப்புக் கம்பளம் விரித்து, பூர்ண கும்பம் கொடுத்து  கூழைக் கும்பிடு போட்டு குஜராத்தில் ஏழை மக்களின் வயிற்றில் அடித்து ஆயிரம் ஏக்கர் நிலத்தை அள்ளிக் கொடுத்த வள்ளல் (?) மோடி தானே!

1100 ஏக்கர் விவசாய நிலம் தாரை வார்க்கப்பட்டது. மேற்கு வங்கத்திலிருந்து எந்திரங்களைக் கொண்டு வந்த போக்கு வரத்து செலவான 700 கோடிகளையும் மோடி அரசே ஏற்றது.

கடனாக அளிக்கப்பட்ட தொகையோ ரூ.9750 கோடி 20 ஆண்டுகளில் கடனை செலுத்தலாம். வட்டி எவ்வளவு தெரியுமா? 0.1% உள்ளூர்வாசிகளுக்கு வேலை வாய்ப்பில் 85 விழுக்காடு என்ற நிபந் தனையும் நீக்கப்பட்டது.

அதானி குழுமத்திற்கு முந்திரா துறைமுகம் கட்டுவதற்காக (2005-2007) மோடி அரசு 5.47 கோடி சதுர மீட்டர் நிலத்தை தாரை வார்த்துக் கொடுத்ததே! ஆனால் அந்த நிலம் அந்தக் காரணத் துக்காகப் பயன்படுத்தப்பட்டதா? 98.60 லட்சம் சதுர மீட்டர் மட்டுமே பயன் படுத்தப்பட்டது.

சதுர மீட்டர் 32 ரூபாய் விலையில் வாங்கிய அதானி குழுமம் மீதி 4 கோடி சதுர மீட்டர் நிலத்தை என்ன விலைக்கு விற்றுச் சுருட்டியது தெரியுமா? சதுர மீட்டர் ரூ.400 முதல் ரூ.737 வரை மற்ற நிறுவனங்களுக்கு விற்று பெரிய ஏப்ப மிட்டது. எத்தனை ஆயிரம் கோடி ரூபாய் கொள்ளை லாபம்!

இதனை எதிர்த்து டில்லி அறிவியல் மய்யத்தின் தலைவர் சுனில் நாராயண் மத்திய அரசின் சுற்றுச்சூழல் அமைச்சகத்திடம் அறிக்கை ஒன்றை அளித்தார் (18.4.2013) முந்திரா துறைமுகத் திற்கு அளிக்கப்பட்டுள்ள சுற்றுச் சூழல் சான்றினை உடனே ரத்து செய்யுமாறு வலியுறுத்தினாரே!

மத்திய சுற்றுச் சூழல் அமைச்சர் பிரகாஷ் ஜவ்டேகர் கூறுகிறார். தற்போது நமக்குப் பொரு ளாதார வளர்ச்சி என்பது மிகவும் முக்கியமான ஒன்றாக உள்ளது. கடந்த காலங்களில் வனப் பாதுகாப்பு மற்றும் சுற்றுப்புறச் சூழல் போன்ற விதிகளின் காரணமாக தொழில் தொடங்க பல்வேறு தடைகள் இருந்து வந்தன. அந்தத் தடைகளை இப்பொழுது நீக்கியுள்ளோம் என்று கூறினாரே!

இவற்றை எல்லாம் அறிந்தால் மோடி கார்ப்பரேட் நிறுவனங்களின் செல்லப் புதல்வர் என்பதை எளிதில் அறியலாமே!

எக்னாமிக் டைம்ஸ் நடத்திய கணிப்பு (சர்வே) ஒன்றில் இந்தியாவில் உள்ள 100 நிறுவனங்களிடம், இந்தியாவின் அடுத்த பிரதமராக யார் வர வேண்டும் என்ற கேள்வியை வைத்தபோது கலந்து கொண்ட கார்ப்ரேட் நிறுவனங்களில் 74 சதவீதம் கார்ப்பரேட்டர்கள் மோடிதான் அடுத்த பிரதமராக வர வேண்டுமெனக் கருத்துத் தெரிவித்தனர்.

இதில் பிர்லா, டாட்டா, அம்பானி, மிட்டல், அடானி, தாப்பர் போன்றோர் அடங்குவர். ராகுல் உட்பட மற்றவர்களுக்கு 26 சதம் பேர் ஆதரவு தந்தனர். (தீக்கதிர் 29.10.2013 பக்.4)

ஆதரவு தர மாட்டார்களா பிரபுக்கள்? மோடி அளவுக்கு முதலாளித்துவத்திற்கு முத்தம் கொடுத்து ஆராதிக்கும் ஒருவரை எங்குப் போய்த் தேட முடியும்?

குடியரசு நாள் விளம்பரத்தில் இந்திய அரசமைப்புச் சட்டத்தின் பீடிகையில் இடம் பெற்றிருந்த செக்குலர், சோஷலிஸ்ட் என்ற சொற்களை விலக்கி ஏன் விளம்பரம் கொடுத்தார்கள் என்பது இப்பொழுது புரிகிறதா?

செக்குலர் என்பதை நீக்கியதன் மூலம் இது மதச் சார்பற்ற அரசு அல்ல – இந்துத்துவா ஆட்சி என்பதைக் காட்டிக் கொண்டனர். சோசலிஸ்ட் என்பதை நீக்கியதன் மூலம் இது முதலாளிமார்கள் கார்ப்பரேட்டர்களின் ஆட்சி என்று விளக்கவே; இப்பொழுது புரிகிறதா அந்த விலக்கலின் மர்மம்?

தேர்தல் பிரச்சாரக் கூட்டங்களில் மோடி யாருடைய விமானத்தில் இந்தியா முழுமையும் சுற்றித் திரிந்தார்? அடானி குழுமத்தின் விமானத்தில்தானே சுற்றித் திரிந்தார்? எல்லா வகைகளிலும் கார்ப்பரேட்டர்களுக்கு இந்தியப் பிரதமர் நரேந்திர தாமோதரதாஸ் மோடி நன்றிக் கடன்பட்டுள்ளார்.

ஏழைகளாவது, பாழைகளாவது, விவ சாயிகளாவது…இது என்ன இன்னும் நான்கு வருடங்கள் இருக்கிறது – தெரியும் சேதி!
DEDICATED BY : KAVINGNAR THANIGAI.
thanks: viduthalai


புலியூர் முருகேசன் பழியூர் முருகேசன்: கவிஞர் தணிகை

மார்ச் 1, 2015

1297667874019_ORIGINAL

 

புலியூர் முருகேசன் பழியூர் முருகேசன்: கவிஞர் தணிகை
பாலச்சந்திரன் என்ற பேர் வைத்தாலே மீறல் நடத்த வேண்டும் என்ற விதியோ? இலக்கியம் என்ற பேரில் இலக்கணம் இல்லாமல் முதல் புத்தக வெளியீட்டிலேயே பரிசாக அடியும் உதையும் பிரபலமும்…இதை எல்லாம் தியாகப் பட்டியலில் சேர்த்த முடியாது முருகேசன்.

உலகின் ஏதோ சில மூலைகளில் தவறான வல்லுறவுகள் நடந்து கொண்டுதான் இருக்கின்றன… பால், இனம், வயது, உறவு முறைகள் எல்லாம் கணக்கில் எடுத்துக் கொள்ளாமல்…தாய் சேய் என்பதும் கூட மறந்து மறத்து மிருக புணர்ச்சிகளில்….மீறல்களுடனும்…

பெரும்பான்மையானவர் படிக்க மட்டுமே, வாழ்வை பிரதிபலிக்க மட்டுமே இலக்கியம் என்பதும் கூட இல்லைதான்.. ஆனாலும் மீறல்களை பொது ஜன வெகு சமுதாய நீரோட்டத்தில் கொண்டு விட காமத்தை இலை மறை காய் மறையான பொருளுடன்செய்ய வேண்டிய கடமை பொறுப்பு காட்ட வேண்டிய வழிகாட்டுதல் ஒவ்வொரு தனி மனிதருக்கும் முக்கியமாக படைப்பாளிகளுக்கும் இலக்கியவாதிகளுக்கும் இருக்கிறது…

உள்ளே ஜன்னல் வழியே எட்டிப்பார்த்தான்: உள்ளே இருந்தது ஒரு ஆணும் பெண்ணும் அல்ல என்று கூட நமக்கு முன் எழுதிய ஜாம்பவான்கள் எழுதாமல் எழுதி நிறைய சொல்லாமல் சேதியை சொல்லிச் செல்வார்கள்.. நூல்வேலி,அரங்கேற்றம்,இன்னும் பல படங்கள் யாவுமே பாலச்சந்தரின் மீறல்கள்தான். ஆனால் அவை வக்கிரமாக காட்சிப் படைப்பாக இல்லை எனவே மக்களிடம் அங்கீகாரம் பெற்றன..சினிமாவில் கூட அப்படி சொல்கிறார்கள் என்னும்போது இன்னும் எழுத்தில் மேன்மையாக சொல்ல முடியும்.ஆனால் அதற்கு எழுதும் தரத்தை மேம்படுத்தி கொண்டு களத்திற்குவரவேண்டும் முருகேசன்..

ஆனால் முருகேசன் உங்களது பாதிப்பேற்படுத்திய பக்கங்களை முகப்புத்தக நண்பர்கள் உதவியால் படிக்க நேர்ந்தது…நடந்த அது உங்களுக்கு தெரிந்த யதார்த்தமாக, நீங்கள் அறிந்த குடும்பத்தில் நடந்ததாகக் கூட இருக்கலாம்…ஆனால் அதற்காக அப்படியே கிழிப்பேன்,வாயில்…கீழ்..சிறுவனாயிருக்கும்போதிலிருந்து அந்த தந்தை கொடூரன் காமுகன் மிருகத்தால். மருமகள், மகன் துன்ப உணர்ச்சி, வன்புணர்ச்சி, மருத்துவமனையில் கூட வார்த்தைக் கொடுமை

எப்படியோ எதையோ சொல்ல வந்து எதையோ சொல்லி சிக்கிக் கொண்டீர்கள்..சொல்லப் புகின் ஒரு நீலப்புத்தகத்தின் வாசகங்களை விட நீங்கள் அதிகமாக வார்த்தையாடிவிட்டீர்கள்…எனது நண்பர்கள் ஆதங்கப்படும்படி…என்னால் இதற்கும் மேல் கொச்சையாக அச்சேற்ற முடியவில்லை எனது எழுத்துகள் மூலம்..மிக கீழ்தரமான அந்த எழுத்துகளை எப்படி கொண்டு வரத் துணிந்தீர் எனத் தெரியவில்லை…

உங்கள் புத்தகத்திற்கு ஏ சான்றிதழ் தந்து சென்சார் செய்யப்படவேண்டும்…இதெனன ஒரு பேஷனாகிவிட்டது போலும்..இப்படி எழுதினால்தான் புத்தகமும், எழுத்தாளரும் பிரபலமாக வாய்ப்புகள் என்று…நாம் கூட சொன்னது உண்டு…பிரான்ஸ் தேசம் என்பது புத்தகத்தின் வாயில்..அது போல இந்தியாவிலும் ஒவ்வொரு மனிதருமே ஒவ்வொரு புத்தகம் தரவேண்டிய கடமை உண்டு..நூல்கள் மக்கள் தொகைக்கேற்ற அளவுகளில் இல்லை என…ஆனால் இது போன்ற எழுத்துகளை பொதுவாக விடுவதற்கு மாறாக நாம் எழுதாமல் இருப்பது நன்மையாகவே முடியும். அல்லது இந்த நூலில் இது போன்ற பொருளடக்கம் உண்டு என முத்திரை குத்தி அதை விரும்பி வாங்கி படிப்பவர்க்கு என்று மட்டும் ஒதுக்கி வைக்கலாம்.

அதற்காக உங்களை கடத்திக் கொண்டு போய் அடிப்பது உதைப்பது என்பதை ஒரு மனிதராக ஏற்க முடியாது என்னும்போது ஒரு எழுதும் களத்தில் உள்ளவர்கள் அதை அங்கீகரிக்கவே முடியாது…எல்லாமே வரவர ஐ.எஸ்.ஐ.எஸ் தீவிரவாதமாகி தண்டனையை தாங்களாகவே தரத் தலைப்பட்டிருப்பது மிகவும் கேலிக்கூத்தானது.ஜனநாயக நாட்டின் அபாயகரமான நிகழ்வு.

பெண்களை கற்பழித்த வழக்கில் கூட உச்ச நீதிமன்றம் சூழ்நிலைகளை கருத்தில்கொண்டு பாதிக்கபட்டவர், பாதித்தவர் வாழ்வு மேன்மையைக் கணக்கில் எடுத்துக் கொண்டு தண்டனையை சுலபமாக்க பரிசீலிக்கலாம் என இன்று கூறி…இருவருக்கும் மணமாகிவிட்டிருந்தால் கற்பழித்த ஆணின் ஏற்கெனவே அனுபவித்த தண்டனையை கருத்தில் கொண்டு அவரை விடுதலையும் செய்து விடலாம் என சொல்லி இருக்கிற நாட்டில்…நீங்கள் தற்போதைய சர்ச்சைக்கு தீனி ஆகிவிட்டீர்கள் உங்களின் பாலியல் கொடுமையான எழுத்துகளுடன்…

எனினும் அதை கவிதாயினி தாமரையும், சமூக ஆர்வலர் தியாகுவும் உங்கள் செய்தியை பின்னுக்குத் தள்ளி பிரபலமடைந்து விட்டார்கள் எனவே நீங்களும் உங்கள் பிரச்சனையும் சற்று ஆறுதல் அடையலாம்..ஆனாலும் எவராவது ஒருவர் உங்களுக்கு வேண்டதவராக இருந்தால் அதை மறுபடியும் எடுத்து நீறு பூத்த நெருப்பை ஊதி சுடராக்கி விடலாம்…

இனி இது போல் சமூகத்தில் நடக்கக் கூடாது என்ற நல்ல நோக்கில் இது போன்ற எழுத்துகள் வருகிறதா? அல்லது இது போல் நமது சமூகத்தில் நடப்பதை தெரிவிக்கும் கண்ணாடியாக வருகிறதா?இந்த இரண்டு நல்ல நோக்கமும் இல்லாமல் பொது ஜன நீரோட்டத்தில் அதிகம் பேசப்படவேண்டும், பிரபல மடைய வேண்டும், விற்க வேண்டும் என்ற நோக்கத்தில் வெளியிடப்படுகிறதா? 3 வது நோக்கத்தில் படைப்புகள் வருவதாக இருந்தால் அதற்கு பதிலாக வேறு புனித அறப்பணிகள் நிறைய செய்ய இடம் வாய்ப்புகள் உண்டு இந்தியாவில்… சமுதாய வழிகாட்டியான எழுத்துத் துறைக்கு வரவேண்டியதில்லை..அறுத்தேன், கிழித்தேன் கிழிப்பேன் என…வசவு வார்த்தைகளுக்கு சக்தி அதிகம் தான்…நல்ல வார்த்தைகளுக்கு பக்தி அதிகம்..

உங்களைப் பாராட்டியும் சில பேர் எழுதுவார். அரசியல் பண்ணுவார். ஆனால் அதெல்லாம் உங்களைப் பாராட்டி என தப்புக் கணக்கு போடவேண்டாம்.அவர்களுக்கு தினமும் ஏதாவது எழுதி குப்பை கொட்ட வேண்டும் அதனால்தான்…ஏன் நானே கூட உங்களுக்கு இதை எழுத வேண்டிய தேவையே இல்லை…இருந்தாலும் எல்லாமே எழுதி ஓய்ந்து விட்டார்கள். நானும் எனது கருத்தை பதிய வைக்க வேண்டிய கடமையில்..எனக்கும் தினமும் எழுத ஏதாவது கரு வேண்டுமல்லவா..இன்றைக்கு நீங்களும் உங்கள் எழுத்தும் புத்தகமும்… இதுபோல் எழுதுவதற்கு மாறாக காமக்களியாட்ட நூல்களில் கவனம் செலுத்தலாம். அது கூட உங்களால் எழுத முடியுமா என்பது கூட கேள்விக்குறிதான்..

இப்போது படிக்கும் உணர்வு மங்கி விட்டது. காலம் கற்கால எழுத்தறிவு இல்லாத காலத்துக்கு திரும்பி செல்வது போல படங்களாக பார்ப்பதும், பிறர் சொல்லி விட்டால் அதைக் கேட்பதும் எளிதாக இருக்கிறது…என்ற நிலைக்கு சென்று கொண்டிருக்கிறது..இருந்தாலும் அதற்காக எதை வேண்டுமானலும் எழுதி விடலாமா? எழுதி விட முடியுமா? எல்லாமே இலக்கியம் ஆகமுடியுமா? திருட்டு பரவலாகி விட்டது என்பதற்காக அதை ஏற்று அங்கீகரிக்க முடியுமா? மது மலிந்து விட்டது என்பதற்காக அதை எல்லா குடும்பங்களும் எல்லாம் மனிதர்களும் ஏற்க முடியுமா?

பெண்கள் மேலான வன்புணர்ச்சி பொது இடங்களின் அச்சுறுத்தலும், நகை பறித்தலும் மிகுதியாக பெருகி விட்டது அதை சமூகம் ஏற்றுக் கொள்ள முடியுமா?

எனவே நம்மை நாமே கட்டுப்படுத்திக் கொள்ளத் தெரியாத நாடு,வீடு, சமூகம், மனிதர் நாசம் ஆவது உறுதிதானே… அதுதானே நாகரீகமிலா காட்டுமிராண்டி சமுதாயத்திற்கு நமை எல்லாம் மறுபடியும் கொண்டு செல்வது…மீட்சி பெறுவோம்…இழி நிலையில் இருந்து அது எந்த உருவத்தில் வரும் படைப்பாக இருந்தாலும் கலையாக இருந்தாலும்…

கவிஞர் தணிகை
மறுபடியும் பூக்கும் வரை


அன்னை கஸ்தூரிபாய்(1869- – 1944) நினைவு தினம்: கவிஞர் தணிகை

பிப்ரவரி 28, 2015

1280px-Kasturba_Gandhi_passes_away
பிறர் பயன்படுத்திய மலத்தொட்டியைக் கூட சுத்தம் செய்ய நிர்பந்திக்கப் பட்ட மனைவி,மகாத்மா என பின்பு அழைக்கப்பட்ட இளமையில் காமுகனாக இருந்தேன் என தாமே ஏற்றுக் கொண்ட காந்தியின் பால்ய வயதிலேயே மணமுடிக்கப் பட்டு கொடுமையை சகித்துக் கொண்ட அன்னை….

மகாத்மா காந்தி மனித குலத்துக்கே மாணிக்கமாகவும், உலகம் போற்றும் உத்தமராகவும் விளங்கியது போலவே, அன்னை கஸ்தூரிபாயும் பெண்குலத்தின் திலகமாகத் திகழ்ந்தார். நாட்டிற்காகவும் நாட்டு மகளுக்காகவும் காந்திஜி பட்ட கஷ்ட நஷ்டங்களிலும் , புரிந்த தியாகங்களிலும் அன்னைக்கும் பூரண பங்கு உண்டு. காந்திஜியைப் போலவே அன்னையின் சிறை வாழ்க்கை தென் ஆப்பிரிக்காவிலேயே ஆரம்பமாகிவிட்டது. பணிவு,வியக்கத் தக்க பொறுமை போன்ற குணங்களைக் கஸ்தூரிபாயிடமிருந்தே தாம் கற்றுக்கொண்டதாக காந்திஜி கூறியிருப்பதிலிருந்து அன்னையின் இணையற்ற பெருமையை உணர்ந்து கொள்ளலாம். என் மனைவியிடம் எனக்குள்ள உணர்ச்சியை நான் விவரிக்கமுடியாது..இந்த உலகில் கஸ்தூரிபாயைப் போல் என் மனதை உருக்கும் சக்தி வாய்ந்த ஒரு பெண் வேறு எவருமே இல்லை..என்று காந்திஜி குறிப்பிட்டிருக்கிறார்.

மோகன் தாஸ் காந்தி அன்னை கஸ்தூரி பாய்க்கு எழுதிய ஒரு கடிதம்:

வால்க்ஸ்ரஸ்ட் சிறை
நவம்பர் 9,1908

பேரன்புள்ள கஸ்தூரி,

உன்னுடைய நோயைப் பற்றி ஸ்ரீ வெஸ்ட் அனுப்பிய தந்தி எனக்கு கிடைத்தது.அச் செய்தி என் இதயத்தைப் பிளக்கின்றது. இதைக் கேட்டு நான் மிகவும் வருந்துகிறேன். என்றாலும் அங்கு வந்து உனக்கு பணிவிடை செய்யக் கூடிய நிலையில் நான் இல்லை. சத்தியாக்கிரகப் போராட்டத்டிற்காக நான் எனக்குச் சொந்தமான எல்லாவற்றையும் அர்ப்பணம் செய்துள்ளேன்.நான் அங்கு வருவதென்ற பேச்சிற்கே இடமில்லை. நான் அபராதத்தை செலுத்தினால்தான் சிறையிலிருந்து விடுதலை பெற்று அங்கு வர முடியும். ஆனால் நான் அபராதம் செலுத்தக்கூடாது. நீ தைரியத்துடன் இருந்து அவசியமான ஊட்டச்சத்துள்ள உணவையும் அருந்தினால் நோய் தீர்ந்து குணமடைவாய்.

அவ்விதமின்றி என்னுடைய துரதிர்ஷ்டம் காரணமாக நீ காலமானால்,நான் உயிருடன் இருக்கும் போது என்னை விட்டுப் பிரிந்திருக்கையில் நீ மரணம் அடைவதில் தவறு எதுவும் இல்லை என்றே நான் கூறுவேன். நான் உன்னை உள்ளன்புடன் நேசிப்பதால்,நீ இறந்துவிட்டால் கூட என்னைப் பொறுத்தவரையில் நீ உயிருடன் இருப்பதாகவே கருதுவேன்.

உன்னுடைய ஆன்மா இறப்பற்றது..நான் உன்னிடம் அடிக்கடி கூறியதையே திரும்பவும் கூறுகிறேன்..அதாவது இப்போது ஏற்பட்டுள்ள நோய்க்கு நீ பலியாகிவிட்டால்,நான் மீண்டும் விவாகம் செய்து கொள்ள மாட்டேன் என்று உனக்கு உறுதி கூறுகிறேன்.கடவுளிடம் நம்பிக்கை வைத்து நீ அமைதியாகக் கடைசி மூச்சை விடலாம் என்று உனக்கு நான் அடிக்கடி கூறிவந்திருக்கிறேன்.

நீ இறந்தால் ,உன்னுடைய அந்த மரணம் கூட சத்தியாக்கிரக லட்சியத்திற்கு ஒரு தியாகமாகவே இருக்கும். எனது போராட்டம் வெறும் அரசியல் போராட்டம் மாத்திரம் அல்ல.அது மதசம்பந்தமான ஒரு போராட்டமே.எனவே அது முற்றிலும் தூய்மையான ஒரு போராட்டமாகும்.அதனால் ஒருவர் இறந்தாலும் சரி, வாழ்ந்தாலும் சரி,அது ஒரு பெரிய காரியமல்ல. என்னைப் போலவே நீயும் நினைப்பாய் என்றும் துக்கமடைய மாட்டாய் என்றும் நான் நம்புகிறேன். எதிர்பார்க்கிறேன். உன்னிடமிருந்து நான் கோருவது அதுதான்.

– மோகன் தாஸ்.

Gandhi_and_Kasturba_seated

மறுபடியும் பூக்கும் வரை
கவிஞர் தணிகை


நெஞ்சகமே கோயில்: கவிஞர் தணிகை

பிப்ரவரி 27, 2015

நெஞ்சகமே கோயில்: கவிஞர் தணிகை

Gratitude

1.கோயில் – ஒழுக்கம் கடவுள் -தன்னை அறிவது

home_left_18

2.கடவுள் பேரில் உயிர்ப்பலி கூடாது – இராமலிங்க வள்ளல்

bb6hhxxs-1413950045

3.கடவுள் கொடுக்க மறுப்பதும் கொடுப்பதும் நன்மைக்கே!

 

sometimes_we_need_to-94344

4. சில நேரங்களில் சில மனிதர்கள் பரம சிவன் கழுத்து பாம்பு(கள்) போல

 

0 (7)

5. மாரியம்மன் திருவிழா நாயகர்கள்: சில நாள் கூத்துக்கு ஆசை
மறுபடியும் அடுத்த ஆண்டுதான் பூசை.

 

images (8)

6.தன் வினை தனக்கும் தலைமுறைக்கும்

 

quote-2

7. எல்லாமே கடைசி நிமிட மாறுதலுக்கு உட்பட்டவை

MDG : Women empowerment in Nicaragua : Migdalia Matamoros, a member cooperative El Recuerdo

8.பெண்களின் முன்னேற்றம் நாட்டின் முன்னேற்றம்

9. உண்மை ஆதாரங்களுடன் புறப்படும் முன்
பொய் உலகை சுற்றி வந்து விடுகிறது.

20144395-221946-659x440
10. கனவுகளை கவனியுங்கள் அவை வாழ்வின் குறியீடு.

download (5)

பக்க எண் 32. நூல்:முன்னோரின் முன்மொழிகளும் தணிகையின் மணி மொழிகளும்

-கவிஞர் தணிகை.

http://www.marubadiyumpookkum.wordpress.com

http://www.dawnpages.wordpress.com

http://www.thanigaihaiku.blogspot.com

marubadiyumpookkum varai

Kavingnar Thanigai.


உரு மாற்றம் ஊர் மாற்றம் உள் மாற்றம்:ஒரு புலனாய்வு அறிக்கை: கவிஞர் தணிகை

பிப்ரவரி 26, 2015

 

change

உரு மாற்றம் ஊர் மாற்றம் உள் மாற்றம்:ஒரு புலனாய்வு அறிக்கை: கவிஞர் தணிகை
மிளகாய்ப் பொடியை மளிகைக் கடை முதலாளிப் பெண்ணின் கண்ணில் தூவி, 7 பவுன் கழுத்துச் செயினை அறுக்க முயன்று,அந்த பெண் கூச்சலிட தப்பி ஓட முயற்சித்து 8 கி.மீ துரத்தப் பட்டு ஒரு கணினி பொறியியல் பட்டதாரி வாலிபரை மடக்கி பிடித்து 15 நாள் காவலில் வைத்தது பற்றிய ஒரு பதிவு.

50 – 60 டூ வீலர்கள் நங்கவள்ளி சாலையில் இருந்து மேட்டூர் சாலை நோக்கி பறந்துள்ளன இந்த ஹை டெக் படித்த பட்டப் பகல் திருடனை பிடிக்க…தகவல் உடனே தெரிந்த குஞ்சாண்டியூர் நண்பர்களுக்கு போகிறது…அவர்கள் இவனைகுஞ்சாண்டியூர் சாலை சந்திப்பில் மடக்கிப் பிடிக்கின்றனர்.பிடித்த அவர்களை முன் பின் அமரவைத்து அதே டூ வீலரில் திருடன் நங்கவள்ளி காவல் நிலையம் கொண்டுவந்து அதன் பிறகு நீதித்துறைக்கு கொண்டு சென்று 15 நாள் காவல்துறை விசாரணைக்கு உட்படுத்தப் படுகிறான்..மேட்டூரில் காவலில் வைத்திருக்கிறார்கள்.

பத்திரிகைகள் இந்த செய்தியை உடனே போட்டு விட்டன. கேள்விப்பட்ட உள்ளூர் பிரமுகர்கள் திகைக்கின்றனர்.நம்ப மறுக்கின்றனர். தாய் மார்கள் இல்லை..இருக்காது. தவறாக வேண்டுமென்றே உண்மை திரிக்கப்பட்டு அந்த நல்ல தம்பி வாழ்க்கையில் விளையாடுகிறார்கள் வேறு யாரையோ பிடிக்க வேண்டியவர்கள் தவறாக இவரை பிடித்திருக்கின்றனர் என கூறுகின்றனர்.

***********
அந்த வனவாசி மலை அடிவாரத்தில் ஒரு தோட்டம். அழகிய சிறு நாகரீகமான நவீன வீடு. தந்தை கெம்ப்ளாஸ்ட் சன்மார் கம்பெனியில் பணி(அதாங்க மேட்டூர் நீர்வளம்,நிலவளத்தை கெடுத்து குட்டி சுவராக்கிய கம்பெனியில்தான்)…அந்த இளைஞர் பேர் பாபு…அவரை கோவில் பணிகளுக்காக சந்தித்தோம்…200ரூபாயோ, 500ரூபாயோ கொடுத்த நினைவு. என்ன செய்கிறீர்? என்ற எமது கேள்விக்கு இங்கிருந்தே ஆன்லைனில் ஷேர் மார்கட்டின் பிஸினஸ் செய்கிறேன். நிறைய சம்பாதிக்கிறேன் என்றார்.மணமாகி ஒரு ஆண் குழந்தையும்(infant child) இருக்கிறது.நில வளமும் இருக்கிறது. நீர் வளமும் இருக்கிறது

எந்த கெட்ட வழக்கமும் பழக்கமும் இல்லை. புகைப்பது, குடிப்பது இப்படி.அனைவருக்கும் நல்லது சொல்லும் அறிவு..சேவை மனது…மலையடிவார செந்தில் முருகன் கோவிலின் கணக்கு வழக்குகள் கூட இவர்தான் பார்த்துக் கொண்டிருந்திருக்கிறார்.இதெல்லாம் எமக்கு கிடைத்த செவி வழிச் செய்திகள் .அந்த ஊர் மக்கள் சொல்வது.

இவர் பற்றி வியந்து நாம் கூட ஒரு முறை அந்த கோவில் பணி முகாம் பற்றி எழுதிய போது குறிப்பிட்டோம். இந்த சின்னக் கிராமத்தில் இருந்துகொண்டு நிறைய வீரியமான செயல்களை நகர்புற வாழ்வில் இருப்போரை விட விவரம் அதிகம் அறிந்து கொண்டு செயல்படுகிறார்கள்…அதில் இந்த நபர் இங்கிருந்து கொண்டு பங்கு சந்தையில் பரிவர்த்தனை இணையத்தில் செய்தபடி வருவாய் ஈட்டுகிறார் என ஒரே வியப்பை தெரிவித்திருந்தோம்..

நாம் எல்லாம் எம்மாத்திரம் பொருளியல், வணிகவியல் வணிகச்சட்டம் போன்ற படிப்புகள் சில ஆண்டுகள் படித்திருந்தும் அது எதுக்கு பயன் என உள்ளூர அங்கலாய்த்தோம்.வீட்டில் வேறு பாட்டு வேறு எப்ப பார்த்தாலும் எப்படிப் பார்த்தாலும் மாதம் 500, வருடம் 6000 ரூபாய்,விரயம். உடன் ஹார்ட் டிஸ்க் போய் சில மாதங்களுக்கும் முன் ரூ.5000 இழப்பு.என்னதான் ஊதியம் அதில் வருகிறது? வம்பைத்தவிர இந்த ஆன்லைன் கம்புவில் என புகார்… அந்த ஹார்ட் டிஸ்க் மாற்றிக் கொடுத்த மாணிக்கமே எட்டரை இலட்சம் சேர்த்து விட்டு தாய்க்கும் அவருக்கும் உதவாமல் போன கதை ஏற்கெனவே பதிவில்…
****************

முதலில் சிகரெட் சென்று வாங்கி இருக்கிறார்…சிகரெட் குடிக்கும் பழக்கமே இல்லாதவர்.
அந்த மளிகைக் கடை முதலாளியும் அந்த முதலாளியம்மாவும் இருந்திருக்கிறார். சற்று நேரம் கழித்து அந்த முதலாளியம்மா மட்டுமே இருக்க… மிளகாய்ப் பொடியை அவர் கண்ணில் தூவி விட்டு கழுத்து செயின் 8 பவுன் தங்கம் தான் அறுக்க…அவர் கத்தி கூச்சல் கூப்பாடு போட இந்த நபர் உடனே டூ வீலரில் தப்பினால் போதும் என பறக்க அதன் பின் நடந்தவை காவல் துறை அறிக்கையில்…இவர் செய்த குற்றம் பெரிய குற்றம். அனேகமாக இது இவருக்கு முதல் திருட்டோ? அல்லது இது போல் வெளியே நல்லவராகவும் உள்ளே இது போல் நிறைய செய்திருப்பாரோ? காவல்துறை பிடி இவர் செய்ததற்கு, செய்யாததற்கு, எல்லாம் கூட இறுகும் என காவல்துறை ஒரு நண்பரே தெரிவிக்கிறார்…

பங்கு சந்தையில் 40 இலட்சம் வரை இவருக்கு இழப்பு ஏற்பட்டு விட்டது…எனவும் ஒரு தகவல்…மணிரத்தினத்தின் மூத்த சகோதரர் ஜி.வி எனப்படும் படத் தயாரிப்பாளர் பங்கு சந்தையின் தாக்கத்தில் உயிரை இழந்ததை நாடறியும். அதென்னவோ பங்கு சந்தை வர்த்தகம் வியாபாரம் சாமானியர்க்கு பிடி படுவதேயில்லை. யாமறிந்த வங்கியில் பணி புரிந்த எமது சில நண்பர்கள் வங்கி பணி முடித்துவிட்டு மாலையில் பேருந்து ஏறி 50 கி.மீ தொலைவில் சேலம் சென்று தினமும் இந்த முதலீடு, பரிமாற்றம் பற்றி செய்து விட்டு திரும்புவர். எப்போதும் கையில் தி- ஹிண்டு அப்போது தமிழ் பதிப்பு இல்லை.. அதைப் பிரித்து பங்கு வர்த்தகம் பக்கம்தான் பார்ப்பார்கள்…அது வாரத்தில் ஒரு நாள் பிஸினஸ் பக்கத்துடன் வரும்…அப்போதெல்லாம் இப்படி ஆன்லைன் வீட்டுக்கு வீடு வசதியோ செல்பேசியோ ஐ பேட்,ஐ போன் எல்லாம் இல்லவே இல்லை.

அவர்கள் எல்லாமே கடன் வாங்கி கூட முதலீடு செய்ய தயங்கியதில்லை. வருவாய் ஈட்டியதாகவும் தகவல் இல்லை.கடன்காரர் என்ற பேரும், கடன் வாங்கிய தொகையை கட்டியதும் ஏன் கட்ட முடியாமல் நீதிமன்றம் கூட ஒருவர் சென்றதும் தான் மிச்சம்…
****************

பாபு செத்திருக்கலாம் சார்,இப்படி ஒரு வேலை செய்ததற்கு என அவர் வயது ஒத்த இளையவர்கள் அவர் குறித்து கவலைப்படுகிறார்கள்..இனி வாழ்ந்தாலும் செத்திருந்தாலும் அவருக்கு அது ஒன்றுதான்… தனது குழந்தையை திருடன் மகன் எனக் கேட்ட பிறகு ஒரு தந்தை வாழ்ந்துதான் என்ன வீழ்ந்துதான் என்ன?

 

GBU_User2

ஆட்டோவில் சென்ற 60வயது மூதாட்டியை ஆட்டோ ஓட்டி சென்ற ஓட்டுனரே பின்னால் சென்று கழுத்து செயினை பிய்த்துக் கொண்டு கத்தினால் கொன்று விடுவேன் என பாதையில் வழியில் தள்ளி விட்டு சென்ற கொடூரம்,

சேலம் சூப்பர் ஸ்பெசாலிட்டி மருத்துவமனையில் நிறுத்தி சென்றிருந்த மருத்துவர் ஒருவரின் டூ வீலர் திருட்டு, அவர் பணிக்கு வந்தவர் திரும்பி வீடு செல்ல நிறுத்தி வைத்திருந்த வண்டியைக் காணோம்… இப்படியாக செய்திகள் போய்க் கொண்டே….

கோவில் இல்லா ஊரில் குடி இருக்க வேண்டாம் என்பது அந்தக் காலம். ஒரு உண்மைச் செய்தி சித்தூர் மாவட்டத்தில் அதிகம் மது விற்பனையாகும் இடம் திருப்பதி. எல்லா கோவில் தலங்களிலும் மது விற்பனைஅதிகமாகவே இருக்கிறது என்பது செய்தி..அது காளஹஸ்தியாக இருந்தாலும் சரி…கட்சி மாநாடுகள் போல இனி கோவில் திருவிழாக்களிலும் மது விற்பனை உச்சம்…ஆஹா என்ன ஒரு பக்தி… என்ன ஒரு ஆட்சி முறைமைகள்…

 

bad-and-good-by-doing

ஆசை அளவுக்கு அதிகமான ஆசை..குடி தேவையில்லாத மதுக் குடி…புகை பக்கத்தில் இருப்பவரையும் கருத்தில் கொள்ளாத புகைப்பிடி…புகைப்பவர் 10ஆண்டு முன்னால் இறக்கின்றனர் புகை பிடிக்காதவரை விட என்கிறது இன்றைய ஒரு செய்தி.

source support: Dhinakaran,Kaalaik kathir – 25.02.15.Reports.

கவிஞர் தணிகை
மறுபடியும் பூக்கும் வரை…


சத்தம் இல்லாத தனிமை கேட்டேன் யுத்தம் இல்லாத உலகம் கேட்டேன்: கவிஞர் தணிகை

பிப்ரவரி 25, 2015

 

jessica-judes1

சத்தம் இல்லாத தனிமை கேட்டேன்
யுத்தம் இல்லாத உலகம் கேட்டேன்: கவிஞர் தணிகை
ஜெஸ்ஸிகாவும் கிறிஸ் கெய்லும் வரலாற்றுப் பதிவாக…மிஸ் சென்னை த்ரிஷா அப்போது எந்த படத்திலும் நடிக்கவில்லை.என்னை சிறந்தது காதல்திருமணமா? பெற்றோர் நிச்சயிக்கும் திருமணமா என விஜய் டி.விக்காக பேட்டி கண்டார்…பிறகு அமர்க்களத்தில் இருந்து சத்தம் இல்லாத தனிமை கேட்டேன் பாடல் ஒளிபரப்பப் பட்டது…அப்போதிருந்த விஜய் டி.வி ஸ்டார் விஜய் டிவி அல்ல என நினைக்கிறேன் அப்போதிருந்தே விஜய் டிவி, சன் டிவி, ராஜ் டிவி பொதிகை ஆகியவற்றில் எனக்கு வாய்ப்புகள் இருந்தன…அப்போதிருந்தே எமக்கு இந்த டி.விக்காரர்களின் தகிடுதத்தம் யாவும் பரிச்சயமே . பழக்கமே.

ஜெஸ்ஸிகா ஜுட், கிறிஸ் கெய்ல் கடந்த நாட்களாக எமது சாதனையாளர்களாக பதிவு இடுக இடுக என உந்திக் கொண்டிருந்த போதிலும் ஒரு நல்ல முன்னால் இராணுவ வீரரின் இரண்டாம் நினைவு நாளில் கலந்து கொள்ள வேண்டியிருந்ததால் இந்த பதிவு ஒத்திப் போடப் பட்டது…நல்ல இராணுவ வீரர் என்பதற்கு: குடிக்காத, புகைக்காத,குடும்ப முன்னேற்றத்திற்காக தன்னை விதைத்து சென்றவர் என்றும் பொருள் கொள்ளலாம்.

அப்போது விஜய் டிவி யூகி சேது போன்ற திறமையான கலைஞர்கள் இரவு வந்து கலாய்த்துக் கொண்டிருந்த நேரம்…எல்லா தொலைக் காட்சிகளுமே போட்டி போட்டிக்கொண்டு அதிலும் முக்கியமாக சன் டி.வி மற்றும் விஜய் டிவிக்கு ஆரோக்யமான போட்டி இருந்தது.

இப்போது ஜெஸ்ஸிகா ஜுட் பற்றிய செய்தி அவர் ஜெயித்த சூப்பர் சிங்கர் போட்டியின் பரிசை அதாவது ஒரு கிலோ தங்கத்தை கனடாவில் இருந்து வந்து இங்கு போட்டியில் கலந்துகொண்டு பாடி பரிசான சுமார் 25 இலட்ச ரூபாய் பெறுமான பரிசை தமிழகத்தின் அனாதை குழந்தைகளுக்கும் ஈழத் தமிழ் அநாதரவான குழந்தைகளுக்கும் முற்றிலும் வாரி வழங்கிவிடுவதாக அந்த குடும்பமே பெருமிதப்பட்டது.. இது ஒரு அற்புதமான காரியம். இசையை, கலையை ஒரு நாட்டின் அல்லது மிக பெரும் அளவிலான எண்ணிக்கையுடனான ஒரு மக்கள் தொகைக்கு அர்ப்பணிப்பது என்பது அவரை சிகரத்தில் ஏற்றி வைத்துவிட்டது…

அதற்கு தமிழ் இனமே நன்றி ஏன் மனித இனமே நன்றி சொல்லக் கடமைப்பட்டுள்ளது. செலவை நாங்கள் எப்படி வேண்டுமானாலும் செய்து எந்த இடத்தில் வேண்டுமானாலும் எமது மகளை ஏற்றி வைக்கும் வல்லமை உண்டு…எனவே இந்த போட்டியில் இருந்து கிடைக்கும் பரிசை இப்படி அநாதை குழந்தைகளுக்கு அளிக்கிறோம் என அவர்கள் அறிவித்த செய்தி கோடான கோடி விதைகளை எதிர்கால உலகின் நன்மைக்கு விதைப்பதாகும்..

இவர் தவிர வேறு யாரும் இப்படி ஒன்றும் சொல்லக் காணோம். இந்த போட்டியில் கலந்து கொண்டு வெல்வாருக்கு முதல் பரிசாக 70 இலட்சம் வில்லா வீடும்…இரண்டாம் பரிசாக 1கிலோ தங்கம் (சுமார் 125 பவுனின் மதிப்பு: 25 இலட்சம் இருக்கும்) 3 ஆம் பரிசு 10 இலட்சம் மதிக்கும் கார்,பிறகு வந்த இருவருக்கும் சுமார் 5 இலட்சம் என பரிசளிக்கும் நிறுவனங்கள் ஸ்பான்சர்சிப்…இதிலேயே குளறுபடி..முதல் பரிசுக்கும் 2 ஆம் பரிசுக்கும் பெருத்த வேறுபாடு…

இதில் பரிசு அறிவிக்கும் முன்பே முதல் பரிசு பெற்ற ஸ்பூர்த்தி என்ற சிறு பெண்ணுக்கு முகப் புத்தகத்தில் வாழ்த்து சொல்ல எப்படி முடிந்தது என கேட்டிருக்கிறார்கள்..அடுத்து வாக்கெடுப்பு அடிப்படையில் ஈழத்து சிறுமி, கனடா நாட்டில் இருந்து வந்த ஜெஸ்ஸிகாவுக்கே முதல் இடமும்…அடுத்து ஹரிபிரியாவுக்கும் இருக்க முதல் இடம்பெற்ற ஸ்பூர்த்திகாவை நடுவர்கள் அதாவது விஜய் டிவி. போட்டி நடத்துனர்கள் தீர்மானித்து இறுதி கட்டத்துக்கு முதலாவதாக நுழைத்து விட்டனர் என்கிறார்கள்…

மேலும் இந்த சிறு பெண் நன்றாகவே பாடினார், 2ஆம் இடம்பெற்ற ஜெஸ்ஸிகா கூட அழகு மயில் ஆட…என்ற பாடலில் ஆரம்பத்தில் சிறு இடத்தில் பிசிறு தட்டினாலும் மிகவும் பிரமாதமாக சொற்பிரவாகத்துடன் பாடலை வெற்றி கரமாக யாருக்கும் சளைத்தவர் இல்லை என முடித்தார். ஆனால் இவரின் தோல்வி நிலையென நினைத்தாலும் விடைகொடு எங்கள் தாய் நாடேவும் ரசியக் கலைஞர்கள் தமது கலையை நாட்டுக்கு அர்ப்பணிப்பதாக ஒரு உச்சிக்கு இசையை எடுத்துச் சென்றது..ஆனால் இந்த ஸ்பூர்த்திகா என்ற சிறுமியும் தாய் மண்ணே வணக்கம் வந்தேமாதரம் பாடலை பாடினார்…எனவே எமது கருத்துப்படி 2 முதல் பரிசுகள் அல்லது முதல் பரிசை இரண்டாக பிரித்துக் கொடுத்திருக்க வேண்டும்.

முதல் பரிசை முடிவு செய்ததில் ஊழல், தில்லுமுல்லு ,ஏற்கெனவே முடிவு செய்யப்பட்டிருந்ததாக செய்திகள் தெரிவிக்கின்றன…ஸ்பூர்த்திகாவின் தாய் காமிராவில் தமது முகத்தில் இறுமாப்பு, கர்வம் ஆகியவற்றை வெளிப்படுத்தி இருந்தது நன்கு தெரிந்தது

யாம் சொல்ல வந்தது யாதெனில்:இந்த தொலைக்காட்சி நிறுவனம், இதன் நடத்துனர்கள் யாவருமே வியாபாரம், மார்கெட்டிங் ஆகியவற்றின் பின்னணியைக் கொண்டே முடிவுகளை தீர்மானிக்கின்றனர். மாறாக போட்டி நடக்கும் நேரத்தின் திறன் வெளிப்பாட்டை மட்டுமே வைத்து முடிவுகளை எடுப்பதில்லை…இதை நான் கலந்துகொண்ட விசுவின் அரட்டை அரங்கங்கள் முதல் விஜய் டிவியின் இன்றைய சூப்பர்சிங்கர் வரை சொல்லலாம்…

23-1424655796-chris-gayle-600

நம்ம சூப்பர் ஸ்டார் கிறிஸ் கெய்ல் பற்றி வரலாறு உலகக் கோப்பையில் பதித்துக் கொண்டு விட்டது அது பற்றி ஒன்றும் சொல்லவே மொழியில்லை…புயல் எப்போதும் புயல்தான்…

இந்த குழந்தைகளின் பாடல் புயலைப் பார்த்து எமக்குள் எழுந்த எண்ண அலைகளுக்கு ஓய்வே இல்லை… எப்படி பாடுகிறார்கள்…எப்பேர்பட்ட அவையில் துளியும் அவையின் அஞ்சல் இன்றி இசை இவர்களை மேதமைபடுத்தி விட்டது… நிகரில்லாத தன்மையை ஊட்டிவிட்டது அனைவருமே ஒருவருக்கொருவர் சளைக்காமல் சொற்களை மறக்காமல் பொங்கிய பிரவாகமாக…அனைவருமே அருமையாகவே பாடினார்கள். முக்கியமாக இவர்களின் நினைவாற்றலைக் கண்டு வியந்தேன்…

இதில் விஜய் ஸ்டார் டி.வி தென்னிந்திய மார்கெட்டிங் பற்றிய கவனத்தை வைத்து கர்நாடகா, ஆந்திரா,தமிழ்நாடு, வெளி நாடு,கேரளாவின் கலப்பு இருக்கிறதா எனத் தெரியவில்லை…ஆக நமது தென்னிந்திய நாலைந்து மாநிலங்களைக் கலந்து அதன்படியே போட்டியை நடத்தி பரிசையும் வழங்கியுள்ளது… எல்லாம் ஒரு வியாபார யுக்தியுடன் தான்….இதன் பிரதான ஸ்பானர்ஷிப் ஏர்டெல் ஒரு இலங்கை சார்ந்த அமைப்பு என்பதையும் ஏற்கெனவே அறிந்தவர்கள் இருக்கிறார்கள்… முதல் பரிசு ஏற்கெனவே நிச்சயிக்கப்பட்டு முடிவுகளை பாதித்த ஒன்றாகிவிட்டது என்பது இந்நிகழ்வை பார்த்த அனைவருமே சாதாரன ஆம் ஆத்மி முதல் பேசும்வரை மிகக்கேவலமான விளம்பரமாக விஜய்டிவிக்கு ஆகிவிட்டது…

 

miss-chennai-trisha-photo-99download (3)

கடைசியாக நமக்கு கொஞ்சம் இடம்: ஆமாங்க உண்மையில் இந்த த்ரிஷா அவர்கள் மறந்திருக்கலாம் என்னை விஜய் டிவிக்காக பேட்டி கண்டார்..அப்போது அமர்க்களம் படம் வந்த புதிது…அப்போது மிஸ் சென்னை. எந்தபடத்திலுமே அவர் நடிக்க ஆரம்பிக்க இல்லை..காதல் திருமணம் உயர்ந்ததா? பெற்றோர் பார்த்து முடிக்கும் திருமணம் சிறந்ததா?என பேட்டி கண்டார். தற்போது இவர் பார்த்து தயாரிப்பாளர் தொழில் அதிபர் வருண் மணியத்தை காதலித்து வீட்டில் ஏற்பாடு செய்யும் மணமுகில்வில் இருக்கிறார்..அப்போதிருந்தே இந்த விஜய் டிவ் எனக்குத் தெரிந்தது என சொல்ல வந்தேன். அதே நேரம் அதில் நடித்த அமர்க்களமான ஜோடி அஜித்குமாரும், சாலினியும் நல்ல வாழ்க்கை ஒப்பந்தம் செய்து அருமையான வாழ்வு தாம்பத்திய வாழ்வு சிக்கல் இல்லாமல் வாழ்ந்து வருகிறார்கள்…நல்ல பேறு, நல்ல குழந்தை, நல்ல விளையாட்டு, நல்ல உழைப்பு எல்லாவற்றிலுமே இருக்கிறது என்பதை சாதனைகளின் பின்னணியாக காண்கிறேன்.

எனவே சாதனைக் களத்தில் ஊழல் இல்லாமல்,சார்பு இல்லாமல் நடுவர்களும், நடத்தும் நிறுவனங்களும் நடந்து கொண்டால் எல்லாமே மேலும் மேலும் சிறக்கும் அல்லவா> போட்டியில் திறனை பார்ப்பதை விட்டு விட்டு போட்டியாளர்களை பார்த்து பரிசினை முடிவு செய்வது சிறுமைத்தனம் அல்லவா?

கண்ணதாசன் ஒரு கல்லூரியில் சென்று கவிதை படித்துவிட்டு, தாம் எழுதிய கவிதையை படித்தது சற்று முன்னால் கவிதையை படித்த அந்த மாணவர் அவரை பாராட்டவில்லை… அவர் எழுதிய கவிதையை நான் வாங்கி படித்திருக்கிறேன். பாராட்டுகிறீர்..எனவே நீங்கள் பாராட்டுவது திறமைக்கல்ல…மனிதர்க்கு அவரின் தகுதிக்கல்ல அவர் இருக்கும் இடத்திற்கு என்றாராம்..அது போல..

 

ஏதோ காரணம் பற்றி போட்டிக்கான முடிவுகளை பரிசுகளை தரும் ஈனத்தனம் ஒழிந்து போட்டியின் வெளிப்பாட்டுத் திறனை கருத்தில் கொண்டு பரிசு அளிக்கும் மதிப்பீடுகள் அவசியமானவை…

3ஆம் பரிசு பெற்ற ஹரிப்ரியா அருமையான பாடகர்.அவர்கூட தமது தந்தை யான குஷி முரளி என்னும் தெலுங்கு பிரபலபாடகரின் மகள் ,தந்தை தன்னுள் இருக்கிறார் என அவரே குறிப்பிட்டு பாடியது கூட தேவையற்றதுதான்…பரிசு வாங்கும்போது அவர் பற்றிய ஒரு வாழ்வுக் குறிப்பை தரும்போது அவரின் தந்தை பற்றி தெரியப்படுத்தி இருந்தால் அது பொருத்தமானதாக இருந்திருக்கும்…இப்படி எத்தனையோ சொல்லலாம அந்த விஜய் டிவியின் குளறுபடிகளில்..மேலும் அந்த நிகழ்வின் வர்ணனையாளர்களின் சொதப்பல்கள் அதற்கும் மேலானா…அதாவது கீழ்தரமான முறையில் தான் இருந்தது…

கவிஞர் தணிகை
மறுபடியும் பூக்கும் வரை.


செவ்வாய் இதழும் ஞாயிறு மலரும்: கவிஞர் தணிகை;

பிப்ரவரி 23, 2015

stock-footage-flying-rose-petals-in-the-sky-with-sun-hd-looped-animation

 

செவ்வாய் இதழும் ஞாயிறு மலரும்: கவிஞர் தணிகை;
ஷிகார் தவானும் அஜிங்கா ரஹனேவும் ஜோடி சேர்ந்து இந்திய கிரிக்கெட் இரசிகர்களை மகிழ வைத்தது போல நல்ல ஜோடி என்பதை எப்படி சேர்ப்பது என்பது திருமண பருவத்தில் இருக்கும் பிள்ளைகள் உள்ள பெற்றோரைக் கேட்டால் அதன் சிரமம் தெரியும்..செவ்வாய் இதழ் என்பது உடற்சூடு அதற்கேற்ற பொருத்தமான உடற்சூடு உடைய வரன் இல்லை எனில் அந்த திருமணம் முறிந்து போக அல்லது இருவரில் ஒருவர் மரணம் கூட அடைய நேரிடலாம் என்கிறதாம் இந்த செவ்வாய் தோசம் பிரச்சினை.

தென் ஆப்பிரிக்கா அணியை இந்திய அணி வீழ்த்திய மிதப்பில் முழ்கிக் கிடக்கலாம் என்றால் ஒரு மளிகைக் கடை முதலாளி திடீரென வந்து நின்றான்(ர்- தேவையில்லை)முகம் எல்லாம் கோரமாக..கடையும் இல்லை,வீட்டையும் பூட்டிவிட்டு சென்று விட்டார்(ள்) மாதவி…காசு வேண்டும்..சோறு வேண்டும்..நூறுகொடு,இருபது கொடு என வாயில் மென்று கொண்டிருந்த எலந்தைப் பழங்களை வேறு வாசலில் துப்பி வாசல் கூட்ட வேண்டிய வேலை வேறு வைத்தான். குடிப்பதால் அவர்கள் கடை 2 நாளாக விடுமுறை வீட்டையும் பூட்டிவிட்டு மனைவி வேறு எங்கோ சென்று விட்டதாக அறிய முடிந்தது..இந்த மனிதருக்கு நெருப்பு போல பளீர் என ஒரு வயது வந்த மகள் விடுதியில் தங்கி பள்ளி மேனிலை இறுதி ஆண்டுத் தேர்வு நிலையில்…

மகன் மணியமும் துணைவியாரும் கடுமையான தாக்கும் மனநிலையில். வாசலில் அமர்ந்தேவிட்டான் ..கடைசியில் கொடுத்த 10 ரூபாயை கீழே போட்டுவிட்டு சென்று விட்டான்..சாதாரணமாக குடிக்காமல் இருக்கும்போது நல்ல மனிதன் தான்…குடித்துவிட்டால் சாலை எங்கும்படுத்து கூட்டுவதும், வாந்தி எடுப்பதும்,வேலை…

சோறு கேட்டவனுக்கு போட நினைத்து உள் சென்று வெளி வருவதற்குள் ,,..ரோஷம் …சென்றுவிட்டான்…அவள் மனைவி வாங்கி கொடுத்த ஹோட்டல் பொட்டலங்களையே சாப்பிடாமல் கீழே போட்டுவிட்டான்..அவனுக்கு சாப்பாடு எல்லாம் அவசியமில்லை…அவனுக்கு தேவை தற்போது 100 ரூபாய். ஒரு கால்/குவார்ட்டர் பாட்டிலுக்கு… போட்டிருக்கும் அரை பவுன் மோதிரத்தையும் கழட்டி கொடுக்கத் தயார்தான்..ஆனால் அதை நல்லவேளை கழட்டமுடியாமல் 2 நாளாக ஓடிக்கொண்டிருக்கிறது…

எல்லாமே கடந்த 15 ஆண்டுகளாக நமது திராவிட பாரம்பரியத்தின் இரு பெரும் கட்சிகள் ஜாதகத்தை ஜோசியத்தை தமிழகத்தின் குடிமக்களின் தலைவிதியை மாற்றும் புரட்சியில்தான் இந்த அரசுமது பானக்கடைகளை நடத்தி வருவதே…இந்துக்கள்,முக்கியமாக இந்த தமிழர்கள் ஜாதகம்,ஜோஸியம் எனப் பார்த்தே திருமணம் நடத்துகிறார்கள்…ஆனாலும் காலையில் ஒரு ஜோடி பற்றி அறிய முடிந்தது: சகோதர முறையில் மணம் செய்து கொண்டு பிள்ளையும் பெற்று ஆனால் பிள்ளை பிறந்த மருத்துவ மனையில் தாயும் சேயும் மறைந்ததாக… காரணங்கள் பல..சொல்கிற வதந்திகளும் நம்ப முடியாமல் அதிர்ச்சி ஊட்டுவதாக…

அடுத்து ஒரு கதை உதவ முடியாத உண்மைக்கதை..இருவருக்குமே வயது சம வயது..பெண்ணைவிட ஆண் 2மாதம் சிறியவர்..பெண் பொறியியல் பட்டம்…ஆண் பள்ளி இறுதி வகுப்பே தாண்டா நிலையில் 10 ஆண்டுகளாககாதல்…இப்போது ஆணுக்கு போதிய வருவாய் மாதம் கிடைப்பதாக அதை வைத்து வாழ்க்கை ஆரம்பிக்கப் போவதாக..இந்நிலையில் பெண்ணைப் பெற்ற பெற்றவருக்கு உடல் நிலையே சரி இல்லாமல் போய்விட்டதாம்…ஏன் எனில் பெண்ணுக்கு செவ்வாய் தோசம்.ஆணுக்கு அது இல்லை.

கடந்த வாரத்தில் அமெரிக்காவில் ஆந்திராவின் முதியவர் தமது பேரப்பிள்ளையைப் பார்த்துக்கொள்ளச் சென்றவர் காவலரால் சந்தேகிக்கப்பட்டு கீழே தள்ளபப்ட்டு மார்பெலும்பெல்லாம் ஒடிந்தது, மகாராஷ்ட்ராவில் கம்யூனிஸ்ட் தலைவர் தமது துணைவியாருடன் பொது சாலையில் செல்லும்போது சுடப்பட்டு மருத்துவமனையில் இறந்து போனது,,தீவிரவாதிகளின் கழுத்தறுப்புகளும்,பொது மக்கள்,பள்ளிப்பிள்ளைகள் சுட்டுத்தள்ளபடுவதும், மனித வெடிகுண்டுகளும்,மதம் சார்ந்தவர்கள் கொல்லப்படுவதும் யாவுமே தலைவிதியை மாற்றி ஜோசியத்தை ஜாதகத்தை மாற்றி அமைக்கத்தானோ?அல்லது அவர்கள் ஜாதகத்தில் எல்லாம் அப்படிப்பட்ட மரணங்கள்தான் என்றிருக்கிறதோ?

ஞாயிறு என்ற ஒரு செம்பருதி மலரை நடுவே மையத்தில் கொண்டு சுழன்று வரும் பூமியில் வரும் மாந்தர்க்கு நிறைய தெரிந்திருக்கிறது…ஆனால் பிராணிகள் பறவைகள் பிற உயிர்களுக்கு எல்லாம் உண்பது, உறங்குவது, கூடுவது, பெறுவது, யாவும் பொதுவே..அதற்கும் பாசம், பகை, பசி,காமம் ,நட்பு எல்லாம் இருந்தபோதும் மனிதர்க்கு தெரிவன உச்சம்…

எனவே ஒரு சார்பான இனத்தின் ஆளுமையில் இருந்து வெளிவரமுடியாமல் அடிமையாய் இன்னும் வாழ்ந்து கொண்டிருக்கிறான். அவர்கள் வகுத்திருக்கிறார்கள். யாவற்றையும். அதிலும் கர்ப்ப நிச்சயம், சகுன நிச்சயம், குருதெய்வ நியமனம்,காந்தர்வம் என்ற முறைகளுக்கு இந்த ஜாதகம் ஜொஸ்யம் பார்க்கவேண்டியதில்லையாம்…

இருந்தாலும் இந்த முறைகளின் படி வேண்டவே வேண்டாம் என்று சொல்லிய ஒரு பள்ளி ஆசிரியையின் வாழ்வோட்டத்தில் திருமணம் நிச்சயம் உண்டு நடந்தே தீரும்,தாமதமாக என்று இருந்ததும், இந்த பெண்ணை விட கல்வித் தகுதி குறைவான மணமகன் வருவார் என்று சொல்லி இருந்தது சரியாகவே நடந்துள்ளத்..

சிவகுமார் கூட சொல்லி இருக்கிறார் திறந்த மனதுடன் திறந்த பெருங்கூட்டத்தில் அவரது தந்தைக்கு இந்த ஜோசியக்கலை தெரியுமென்றும்….அதன்படிதாம் சிறிய வயதிலெயே இறந்து விடுவோம் என்று அறிந்திருந்தார் என்றும் சொல்லியுள்ளார்.

எனவே ஒரு தெரிகின்ற கலையை வைத்து ஒரு கூட்டம் சிலம்பமாடி தாம் பிழைக்க நிறைய இடைச்செருகல்கள் செருகி இந்த கலைக்கு கெட்டபெயர் உண்டாக்கிவிட்டதோ என்றே சொல்லத் தோன்றுகிறது.

 

1363846

நிறைய விபத்துகளும், நிறைய தற்கொலைகளும் நடைபெறுகின்றன..அதற்கும் கூட காலம் நேரம் பார்க்கவேண்டும் என்கிறார் தேர்ச்சி பெற்ற வல்லுனரான ஜோஸியர் ஒருவர்.
அந்த இறந்த காலம் நன்றாக இல்லையென்றாலும் கூட பின் விளைவுகள் ஏற்படும் என்கிறார். மேலும் கூட்டம் கூட்டமாக கொல்லப்படும்ப்போது, இயற்கை பெரும்சீற்றங்கள் இந்த எண்ணிலடங்கா ஜீவன்களை மாய்க்கும்போது இது போன்ற சோதிடக் கலையை எப்படிப் பொருத்திப் பார்ப்பது என்ற கேள்விகளும் எழாமல் இல்லை.

MARUBADIYUMPOOKKUM VARAI

marubadiyumpookku.wordpress.com

KAVINGNAR THANIGAI.


அழகின் அந்தாதி (எ) அந்திக் காய்ச்சல்: – கவிஞர் தணிகை

பிப்ரவரி 21, 2015

அழகின் அந்தாதி (எ) அந்திக் காய்ச்சல்: – கவிஞர் தணிகை

Best-top-desktop-beautiful-love-wallpapers-hd-love-wallpaper-picture-image-3

எனது மின் காந்தக் கல்
ஒன்று தொலைந்து விட்டது

அதை நீ பார்த்தாயா?……….
பார்த்திருந்தால் சேர்த்துவிடு

மின்னல் கேந்திரங்கள்
அதன் விழிகள்

மெய்ஞானப் புறப்பாடு
அதன் (மெல்லிதழ்களில்
இருந்து புறப்படும்)
மௌனப் புன்னகை

அழகின் தூரிகை
அதன் கூந்தல்

ஆடையும் அணிகலனும்
அதற்கு அழகு சேர்க்க அல்ல
அதனுடன் சேர்ந்து
தான் அழகேற்றிக் கொள்ள

Beautiful-love-12374429-1920-1080

நீ அதைக் கண்டிருந்தால்
நீ அதைக் கொண்டிருந்தால்
உடனே
என்னிடம் சேர்த்து விடு..

அது இல்லாமல்
துளித் துளியாய்…
கரைந்துருகிப் போய்க் கொண்டிருக்கிறது
ஒரு உயிர்…

துகள் துகளாய்
உடைத்தெறியப்பட்டுக் கொண்டிருக்கிறது
காலம்
நேரம் காட்டி…

ஊமையாகி விட்டது
ஒரு இதயம்
உணர்விழந்து விட்டது
ஒவ்வொரு பொழுதும்…
-கவிஞர் தணிகை..

images (7)

மறுபடியும் பூக்கும் வரை


ஒளிவும் மறைவுமில்லா தனிப் பெரும் ஜோதி:கவிஞர் தணிகை

பிப்ரவரி 20, 2015

IMG_7120-3-2

 

ஒளிவும் மறைவுமில்லா தனிப் பெரும் ஜோதி:கவிஞர் தணிகை

 

IMG_7748
இதனால் சகலமான அனைவருக்கும் சொல்வது யாது என்றால் “மறுபடியும் பூக்கும் வலைப்பூ”சாதி மத சார்போ , கட்சி சார்போ அற்றது…மதுவுக்கும் போதைக்கும் மட்டும் எதிரானது…இது மட்டுமல்ல கவிஞர் தணிகை என இணையத்தில் வழங்கப்படும் பெயரில் நடத்தப் பட்டு வரும் “தணிகை ஹைக்கு” டான் பேஜஸ்.வேர்ட்பிரஸ் .காம் எல்லா தளங்களுமே இந்த நோக்கத்தில் இயங்குவதுதான்…

இதை இப்போது சொல்ல அவசியம் இருக்கிறது. ஏன் எனில் சிலர் இதில் எழுத ஆசைப்படுகின்றனர்…சிலர் அவர்களது தளத்தில் எமை எழுதச் சொல்லிக் கேட்கின்றனர்,அல்லது எமது எழுத்துகளை இடம் பெறச் செய்து கொள்ளலாமா என கேட்கின்றனர்.

எமக்கு இந்த தளங்களின் வழியே உலகை காண்பதும், உலகில் பல்வேறு நாடுகளிலும் இடங்களிலும் உள்ள அன்பர்களை, நண்பர்களை தொடர்பு கொள்வதும், எமது எழுத்துகளை படிக்க வருவிப்பதும் மகிழ்வுடன் நடைபெறும் ஒரு அன்றாடச் செயலாக இருக்கிறது. இது கடந்த 2014.ஆம் ஆண்டின் வேர்ட்பிரஸ் அறிக்கையின் படி 142 நாடுகளுக்கு விரிந்திருக்கிறது என்பது பெருமைப்படத் தக்கதே. எனினும் இதற்கு எமது உழைப்பும் நேரமும், ஏன் எம்மால் ஏற்றுக்கொள்ள முடிந்த அளவு செலவளிக்கப்படும் பொருளாதாரமும் இன்றியமையாத் தேவைகள்

hqdefault (5)

இந்நிலையில் யாம் யாரையும் காயப்படுத்தும் நோக்கத்தில் எப்போதுமே எழுதுவதே இல்லை. அப்படி எல்லாம் எழுதும் பழக்கம் எமக்கு என்றுமே இல்லை.எனக்கு யாருமே எதிரியோ, எதிர்ப்போ இல்லை… நட்பின் அடிப்படையில் சிலர் எழுதும் கருத்துகளுக்கு ,நெருடல் தரும் எழுத்துகளுக்கு நேருக்கு நேராகவே பதில் எழுதுவேன் அதில் எந்த குறைபாடோ ஒளிவு மறைவும் இருக்காது…அதன் பின் எந்த வஞ்சகமும் இருக்காது. தவறு இருப்பின் திருத்துவேன், தவறு இருப்பின் திருத்திக் கொள்வேன்..

எனவே யாருமே இந்த தணிகை தம்மை தாக்கி எழுதுகிறார் என எடுத்துக் கொள்ளவே வேண்டாம். ஒரு உலகம், ஒரு வாழ்க்கை, வேண்டுமட்டும் விரித்து வைப்போம், சிரித்து வைப்போம், தெரிந்துகொள்வோம், தெரியப்படுத்துவோம்…போலித் தனமின்றி.

எனவே முகப்புத்தகத்தின் அன்பர்கள் எவருமே அவரை எமது பதிவு தாக்குவதாக எண்ணி மருட்சி அடைய அவசியமில்லை.முகப்புத்தகம் எமது தளத்தின் பதிவை படிக்க வருவோரின் எண்ணிக்கையை அதிகரிக்கச் செய்கிறது…ஒரு அன்பர் கூடக் குறிப்பிட்டிருந்தார் ஏன் எல்லாருடைய பதிவு மற்றும் அதன் மறுமொழிகளில் எல்லாம் மறுபடியும் சென்று உமது இணைப்பை நுழைக்கிறீர் என ..அது அவர்களுக்கு சோர்வை தராதா என்று..சோர்வைத் தரும் என நினப்பவர்கள் படிக்க மாட்டார்கள்..படிக்க வேண்டாம்.

ஆனல் இப்படி அனைவரும் படிக்க, அனைவர் பார்வையில் படும் வண்ணம் எமது இணைப்பை இணைப்பதால்..பெரும் எண்ணிக்கையிலான வருகை நிகழ்கிறது என்பது உண்மை. இதை நடிகை கிரண், அரசியல் கிரண் நகைச் சுவை பதிவின் போதிலிருந்தும் அதன் இணைப்பை முகப் புத்தக அன்பர்களின் கருத்துப் பதிவுகளுக்கு ஊடாக அளித்தது முதலே யாம் தெரிந்து கொள்ள முடிந்தது. அன்று சிறிய கால அளவுக்குள் 1500 பேருக்கு மேலான வருகையாளர்கள் இருந்தனர்.

அதற்காக தொடர்பில்லாமல் தொல்லையாக இருக்கும்படியாக எல்லாம் இணைக்க மாட்டேன் என இதன் மூலம் உறுதி ஏற்கப்படுகிறது.

friends2_thumb[1]

நன்றி
வணக்கம்

இவண்
கவிஞர் தணிகை
மறுபடியும் பூக்கும் வரை.


புலனடக்கம் வாய் ஒடுக்கும்: கவிஞர் தணிகை

பிப்ரவரி 19, 2015

 

LianheWanboo.embed

புலனடக்கம் வாய் ஒடுக்கும்: கவிஞர் தணிகை
நரேந்திர மோடி பெயர் பதித்த ஆடை 1.25கோடிக்கு ஏலம் விட்ட பணம் பாரத சுத்தம் clean ganga திட்டத்திற்காம்,உள்ளாடை அணியாத பெண்கள் பொது இடங்களில் ஆபாசம்,லிப்ட் தந்தவருக்கு கழுத்தறுப்பு உயிர் பிழைத்தால் போதும் என ஓடிப் பிழைக்க இரு சக்கர வாகனத் திருட்டு,சம்பவங்களைப் பின் தொடர்தல்…(பாலோ அப்)அரவிந்த் கெஜ்ரிவால் மக்கள் பிரச்சனையில்- நாம் தலையிட்ட “ஆணவம் இருக்கிற இடத்தில் அங்குசம் தேவை”பதிவில் சொன்ன மோட்டார் சைக்கிள் இப்போது காவல் நிலையத்தில்..எந்த வித ஆதாரங்களும் இல்லாத அந்த வண்டி கர்நாடகாவில் பதிவு பெற்ற வண்டி…

“நாம் ஆணவம் இருக்கிற இடத்தில் எல்லாம் அங்குசம் தேவை” என்ற பதிவை கடந்த வாரத்தில் பதிவிட்டிருந்தோம். அதைப் படித்தவர்க்கு இந்த பதிவின் தொடர்ச்சியாக சில பகிர்தல்கள்.

பாத்திரம் அறிந்து பிச்சையிடு, ஆய்ந்தாய்ந்து கொள்ளாதான் கேண்மை தாம்சாந் துயரம் தரும் என்பார் அவ்வையும் வள்ளுவரும். அப்படி நாம் அந்த சாலையோரக்கோயிலில் அமர்ந்து கொண்டு வந்திருந்த உணவை மட்டும்தான் அருந்தினேன், வண்டி சாவியை பிடுங்கி கொண்டு சென்று விட்டார்கள், எனவே நான் வண்டியையே கொண்டு சென்று அவர்கள் வீட்டில் விட்டுவிட்டேன், நான் யார் தெரியுமா? எனது காலில்விழுந்து எல்லாரும் வணங்குகிறார்கள் என்னை இவர்கள் மரியாதை இல்லாமல் பேசி நடத்தி விட்டார்கள் என்ற காவி வேட்டி கட்டி தாடிமீசை என நிறைந்து காணப்பட்ட முருகன்(பெயர் மாற்றப்பட்டுள்ளது) வயது 35… கூற ..

பிரச்சனையில் பொதுவாகவே தலையிட்டு தீர்த்து வைக்கும் குணம் நமக்கு சொந்தம் என்பதாலும் அதிலும் கோயில்காரர் தெரிந்தவர் குடும்பம் என்பதாலும்,, ஒரு சாதாரண விஷியம் பெரிதாகி விடக்கூடாது என்பதாலும் தலையிட்டு வண்டியை வாங்கிக் கொடுத்தோம் நினைவிருக்கும்…அந்த வண்டி இப்போது காவல்நிலையத்தில் எந்த வித அது தொடர்பான அத்தாட்சி பத்திரங்களும் இல்லாமல் அந்த உரிமை பற்றி சந்தேகம் இருந்ததாலும் அது கர்நாடகாவில் பதிவு பெற்ற வண்டி என்பதாலும்…பிடித்து வைக்குமளவு இந்த முருகன் நடந்து கொண்டிருக்கிறார்…இரு தரப்புமே பொது மனிதராக எமைக் குறிப்பிட்டுள்ளனர்…கோவில் உரிமையாளர் (ஆம் கோவிலுக்கு எல்லாம் உரிமையாளர்கள் இருக்கிறார்கள் தனியுடைமயாக தனியார் இடத்தில் இருந்தால் அப்படித்தான்…ஆனால் பொது இடத்தில் பொது பணத்துடன் கட்டப்பட்ட கோவிலுக்கே உரிமையாளர் என உரிமை கொண்டாடுவோர் இருக்க) இவர் உரிமையாளர் என சொல்வதில் தவறு இல்லை.

காளமேகம் (பெயர் மாற்றப்பட்டுள்ளதாக ஏற்கெனவே குறிப்பிட்டோம்) கோவில் உரிமையாளரிடம் ஒரு புகார் பெற்றுக் கொண்டு வண்டியை காவல்நிலையம் பிடித்து வைத்துக் கொண்டுள்ளது…காவல் நிலையத்தில் சென்று நிறுத்தப்பட்டிருக்கும் வண்டியின் நிலை என்னவாகும்? என நேற்று ஒருவர் பதிவிட்டிருந்தாரே சென்னை சட்டசபை வளாகத்துள் பிடித்து வைக்கபப்ட்ட கார்கள் என்ன நிலையில் முள்ளிலும் கல்லிலும் நிறுத்தப்பட்டு உருக்குலைந்து போகுமே அப்படி…இத்தனைக்கும் இந்த வண்டியை அதை ஓட்டி வந்தவரே சென்று விளக்கமளித்து இந்த கோவில்காரர் நடந்து கொண்ட முறை பற்றியும் ஊரில் அவருக்கு என்ன மோசமான பேர் இருக்கிறது என்பது பற்றியும் எடுத்துரைக்க சென்றதால் வந்த வினை. காவல்துறை தனது கடமையை செய்திருக்கிறது.. பிரச்சனை என்று வந்த பின்னே தீர விசாரிக்கவேண்டிய கடமை அதற்குண்டே…எனவே வண்டி பேப்பர் எல்லாம் காமி எனக்கேட்க..ஏதும் இல்லாததால் பிடித்துக் கொண்டு அதிலும் வேறு மாநில வண்டி என்பதால் பேப்பர்களை கொண்டு வந்து வண்டி எடுத்துக் கொள்க என…சென்றவரைக் காணோம்..

அவரகளின் ஊர் வேறு மாநில எல்லையில் உள்ளது..மேலும் அவர் காவி கட்டிய சாமி,,,சிவராத்திரி கூத்து எல்லாம் முடிந்த பின்னே வந்து எடுத்துக் கொள்ளலாம் என இருந்திருப்பார் என கூறினேன். நமக்குத்தான் எதையுமே நல்லதாகத்தானே பார்க்கத் தெரியும்…ஆனால் அந்த காவி கட்டிய சாமி பேச்சின் நடைமுறையே ஏற்றுக் கொள்ள முடியாமல் தலைக்கனத்துடன் இருந்தது என்பதை அடியேனும் கவனித்து விட்டேன்…

ஐய்யோ பாவம் என்றால் கையோடு வரும் என்பார்கள்…கோவை புற நகர் பகுதியில் மோட்டார் சைக்கிளில் சென்ற ஒருவரிடம் லிப்ட் கேட்டு ஏறிக் கொண்டு அவர் ஓட்டிக் கொண்டிருக்கும்போதே அவர் கழுத்தை பின்னால் ஏறி லிப்ட் கேட்டு அமர்ந்தவர் அறுக்க ஆரம்பிக்க வண்டியை ஓட்டியவர் அந்த வண்டியை அப்படியே போட்டு விட்டு உயிர் பிழைத்தால் போதும் என இரத்தம் வழிய வழிய ஓட…அதைப் பார்த்தவர்கள் அவருக்கு உதவி செய்து அவரை மருத்துவமனையில் கொண்டு சேர்த்து வந்தால் வண்டியைக் காணோம்…இது செய்தி படித்தது… மது மக்கள் மான்மியம்…இலவச அரசு நிர்வாக அடிப்படையில் உருவாகும் மிருகத்தை விட கேவலமான ஈன ஜந்துகள்…இதைப் பார்த்த கேள்விப்பட்டவர் ஐய்யோ உயிரே போகுதே என்றாலும் லிப்ட் கொடுப்பார்கள் என்கிறீர்கள்?

இதை எல்லாம் எழுதி ஏண்டா எங்க கழுத்தை அறுக்கிறாய் படிக்கச் சொல்லி என்கிறீர்களா? எல்லாம் ஒரு இதுக்குத்தான்…ஐ மீன் நல்லதுக்குத்தான்…உங்கள் நல்லதுக்குத்தான்…எதிலுமே ஒரு பாலோ அப் வேண்டுமல்லவா?

நாம் கூட நரேந்திர மோடி இலட்சிய இலட்சக்கணக்கான உடை பற்றி எழுதியிருந்தோமே அந்த உடையை டில்லி தேர்தல் கொடுத்த பாடத்தால் திருத்திக் கொண்டு ஏலம் விட்டு அது ஒன்னேகால் கோடிக்கு ஏலம் எடுக்கபப்ட்டு சச் உச் பாரதத்திற்கு ஐ மீன் சுத்த பாரத திட்டத்திற்கு வழங்கப்படுகிறதாம் உதவி நிதியாக… நல்ல மாற்றம் நல்ல விஷியம்…எரிவாயு மானிய திட்டம் பேரைக் கொடுக்காமல் பார்த்துக் கொள்ளட்டும்…

அரவிந்த் கெஜ்ரிவால் மக்கள் பிரச்சனையில் ஈடுபட்டு தீர்த்து வைக்க அரசை முன் எடுத்து செல்வதாக செய்தி…எந்த வித இலாகா பொறுப்பையுமே ஏற்காமல்…எல்லா மந்திரிகளையும் கவனிக்க..மக்கள் பிரச்சனையில் ஈடுபட…குடிநீருக்கும் மின்சாரத்திற்கும் சொன்னபடி பாதி மானியம் வழங்க முயற்சி செய்வதாக கேள்வி…

நுணலுந் தன் வாயாற் கெடும் என்பது பழமொழி… தவளை தாம் இருக்கும் இடத்தை சும்மாவே கத்திக் காண்பித்து வெளிப்படுத்தி பாம்பு வந்து தம் இரைக்கு பிடிக்க அந்த தவளையே வழிகாட்டி விடுமாம்…அப்படி காவி கட்டிக் கொண்டு அடங்கா ஆணவத்தோடு பேசி தாமக காவல் நிலையம் சென்று மாட்டிக் கொண்ட முருகன், அவருக்கு செல்வாக்கு இன்ஸ்பெக்டர் அளவு இருக்கிறது என்ற அலட்டல் வேறு…

இப்படித்தான் மேலைநாட்டில் பெண்களில் சிலர் ஒரு மேனியா,,,வாயரிஸம் என்பார் ஆங்கிலத்தில் அப்படி தமது நிர்வாணத்தை வெளியில் பொது இடத்தில் காண்பித்தல்..இதில் என்ன சுகம். என்கிறீர்களா? எனக்கும் தெரியவில்லை…ஒரே நேரத்தில் நிறைய பேர் பார்க்கிறார்களே அது ஒரு வேளை பெருமையோ?இதை எல்லாம் எப்படி வீடியோ எடுத்து உடனே உலகெலாம் பரப்புகிறார்…எல்லாம் திட்டமிடப்பட்டு நடக்க்கிறதோ?

ஓடும் ரயிலில் ஒரு உள்ளாடை அணியாத பெண் தமது கீழ் ஆடையான ஜீன்ஸ் பேண்டை கழட்டி விட்டே நின்று கொண்டே பயணம் செய்கிறார்..அருகே நெருங்க யாவரும் தயங்க…கடைசியில் இதை யாரோ மிரட்ட சரி சரி என தலையாட்டிக் கொண்டே மேலிழுத்து விட்டுக் கொள்கிறார்…வைரலாக வைரஸாக இது போன்ற காட்சிப்பதிவுகள் உடனே உலகெங்கும் பரவி விடுகிறது…

இலட்சக்கணக்கானவர் கூடும் கோடிக்கணக்கானவர் பார்க்கும் போட்டி அரங்குகளில் காமிரா இவர்களை காண்பிக்க உடனே மேலாடையை கழட்டி உள்ளாடைஅணியாத மார்பகத்தை காட்டுகிறார்..ஏன் நிர்வாணமாகவே கூட போட்டியில் கலந்து கொண்டவரே கூட ஒலிம்பிக்போன்ற உலகின் உன்னதமான போட்டிகளில் கூட ஓடுகிறார்கள்…

இவர்கள் எல்லாம் யார்? புலனடக்கம் இல்லாதவர்கள்…புலனடக்கம் உள்ளவர்கள் வாய் கூட அதிகம் தேவையின்றி வரம்பின்றி பேச மாட்டார்கள் இவர்கள் என்ன வண்ணத்தில் துணி போட்டால்தான் என்ன? காவி கட்டியவர் ஆணவத்தில் அலைவதும்..பேசுவதும் புலனடக்கமின்மையை காட்டுகிறது.இது நமக்கு 3 குரங்கு பொம்மையை நினைவூட்ட..

இப்படி எல்லாம் நடந்து கொண்டு விட்டு பெண்கள் அப்படித்தான் நடப்போம் ஆனாலும் ஆணுக்கு எமைத் தொட தீண்ட உரிமை இல்லை என பெண்ணியம் பேசுவதும், மதுவை குடிப்பதில் சமத்துவம் பேசுவதும்., எங்கு கொண்டு போய் இந்த உலகை சேர்த்தும் என அளவிட முடியவில்லை…என்ன ஒரு துரதிர்ஷ்டம் என்றால் இவை எல்லாம் இந்த அறிவியல் விந்தைகளில் வித்தைகளில் உடனுக்குடனாக எமது நாட்டுக்கும் பரவி எமது இளம் பிஞ்சுகளையும் கலைத்து விடுவதுதான்…ஒரு பக்கம் அவன் முடி முகமூடி போட்டுக் கொண்டே கொல்கிறான், மதம் என்ற பேரில் பெண்களுக்கே துளியும் மதிப்பும் மரியாதையும் தராமல்…முகத்தை மூடிக்கொண்டு திரிய வேண்டும் , படிக்கக் கூடாது போட்டிகளை பார்க்கக் கூடாது, செல்போன் பேசக்கூடாது, என்றபடி…கொல்கிறான்…இதுகள் ஒருப்பக்கம் இப்படி திறந்து காட்டிக் கொண்டே திரிய ஆரம்பிக்க… நல்லவர் குரல் இடைப்பட்ட குரலாக… இடையினக் குரல் கூட நன்றாக ஒலித்த படி சேர்கிறது.. ஆனால் நல்லவர் குரல் மட்டும் ஈனஸ்வரமாகவே இருக்கிறது…

கவிஞர் தணிகை
மறுபடியும் பூக்கும் வரை…

 


இணைய சினேகமும் வலைப்பின்னல் சிறைகளும்: கவிஞர் தணிகை

பிப்ரவரி 18, 2015

 

Sunset Dreaming Carlotta Ceawlin

இணைய சினேகமும் வலைப்பின்னல் சிறைகளும்: கவிஞர் தணிகை
சமயம், மதம் வேறு வேறா? இளையராஜாவை அவர் கம்யூனிஸ்ட் மேடையில் ஏறியது முதலே அவரது இசையை அறிவேன்…நெருடலும் முரண்களும் நட்புக்கு நடப்புக்கு உறவுக்கு முற்றுப்புள்ளியாகாது..ரயில் சினேகம் போல் ஆன்லைன் சினேகமுமா?

சிந்திக்க சிரிக்க நல்ல தளமாக விளங்கும் ஆன்லைன் சமூக தளங்களை ஒரு சந்திப்பு முனையமாக அறிவை ஆற்றலை பெருக்கிக்கொள்ளும் இணையமாக ஏன் பெரியவர் சிலர் அதை முதலாக்கி நட்பை உறவை விரித்துக் கொள்ளும் பாலமாக மாற்றி கொள்கின்றனர் மனித விரிப்புகளில் எவ்வளவு முடியுமோ அவ்வளவு வரை…

பொன்னியின் செல்வன் படிக்கவும், பல வகையான எழுத்துகளை பலருடைய படைப்பாற்றலை உணர்ந்து கொள்ளவும் அரிய விழிப்புணர்வூட்டும் செய்திகளை பரிமாறவும் வரையறையின்றி சொல்லொணா அளவில் ஒரு தனி மனித மூளைக்கு எட்டா அளவு விரிந்து விண்ணாக வியாபித்துக் கிடக்கிறது நொடிக்கு நொடி வளர்ந்து கொண்டே…செய்திகளை அதன் ஊற்றுகளை பெரு வெள்ளமாக வழங்கியபடியே….

நிறைய அச்சடித்த பத்திரிகைகள் தங்களை நிலைநிறுத்திக் கொள்வதற்கு திணறிக் கொண்டே இருக்கின்றன…இந்தியா டுடே என்ற ஒரு அருமையான பத்திரிகை நிறுத்தப்பட்டது எனபதையும் அறிந்தேன்…

இந்நிலையில் எழுதுவோர் இருவகைப்படுவர்…வடிகாலுக்காக தமது உணர்வுகளை விரும்பிய வடிவில் எழுத்துத் தாம்பாளத்தில் எடுத்து தந்து ஆறுதல் அடைவதும், விடுபடும் உணர்விலும்… திருப்தி அடைதல்….மற்ற சாரர் தம்மிடம் இருக்கும் தமக்கு தெரிந்த புரிந்த உணர்ந்த அறிவு சார்ந்த விஷியங்களை பிறரும் நுகர்ந்து அனுபவிக்க தருபவர்… இந்த பிரிவுகள் எப்போதும் உண்டுதான்.

கலை கலைக்காகவே, கலை மக்களுக்காகவே..இதில் எனைப்போன்றோர் இரண்டாம் பிரிவில் இருக்கிறோம் என்பதை சொல்ல அவசியமில்லை.. சிலர் மதுவுக்கு இரையாகி எழுதுவது தெரிகிறது..சிலர் சினிமா போன்ற கவர்ச்சி ஊடகங்களையே பெரும்பாலும் தமது வருகையாளர் எண்ணிக்கை அதிகரிக்க பதிவிடுதல் தெரிகிறது. சிலர் புரிந்தும் புரியாமலும் எழுதுகிறார்கள்…அதில் உள்ள ஒரு சிறு நெருடலை எடுத்துரைக்க ஆரம்பித்தாலும் முரண் கொண்டு உறவை முறித்துக் கொள்ளத் தலைப்படுகின்றனர். வழக்கம்போல கட்சிகளின் மோதல்கள் சந்தைக்கடை இரைச்சல்கள்…எல்லாமே…

எனவே சில பெரியோர் யார் எழுதினாலும், எப்படி எழுதினாலும் பாராட்டியே தமது நட்பு வட்டத்தை விரித்துக் கொண்டே சென்று நல்ல பெயர் எடுத்து அனைவர்க்கும் வேண்டியவராகவே இருக்கின்றனர். நல்ல முயற்சி.ஆனால் எம் போன்றவர்களால் உள்ளதை உள்ளபடி எழுதியே ,உணர்வை வெளிபடுத்தியே ஆகும் முறைமைகளில் வளர்ந்ததால் இணைய சினேகம் ரயில் சினேகமாகவே இருக்கிறது…இந்த வலைப்பின்னல் சிறைகள் மனச்சிறைகளாகி விடுகின்றன.

கொஞ்சம் பொய் மருந்தை கலந்து கொடுத்தாலும் நன்றாக இருக்கும் எனத் தோன்றுமளவு உண்மையின் வீச்சும் ஒளி விளக்கமும் எல்லாவற்றையும் விலக்கி, விளக்கம் செய்து கொடுத்து விடுகிறது…எனவே சில நேரங்களில் முரண்களைக் கூட எழுதாமல் விட்டு விட்டு செல்ல நேரிடுகிறது.

அதிலும் முக்கியமாக சிலர் அவர்கள் என்ன நினைக்கிறார்களோ அதில் இருந்து இம்மியளவு எதிர்படும் பதில்கள் வேறுபட்டிருந்தாலும் உடனே கருத்துப் பரிமாற்றத்தை நிறுத்தி இருப்பக்க உறவுக்குமே முற்றுப்புள்ளி வைத்துக் கொள்கின்றனர்…அறிவு என்பது ஆழ்கடலாக ஆகாயமாக விரிந்து சென்று கொண்டே இருக்க…சிலர் தமது சிந்தனைக்கு மீறி வார்த்தைகளே வேறுபட்டு வந்து இருக்கக்கூடாது என்று அடம் பிடிக்க அரம்பிக்கின்றனர்…சமயம் மதம் வேறு என்று எண்ணிக் கொண்டு…அப்படித்தான் இருப்பேன் கருத்து விவாதம் மேற்கொண்டு வேண்டாம் என

சிலர் நான் எழுதுவதுதான் கவிதை என்கின்றனர்,சிலர் இளையராஜாவை எனக்கு எங்கள் ஊரில் சிறுவயதில் ஒரு கம்யூனிஸ்ட் மேடையில் இசைக்கச்சேரி செய்தது முதல் அவரது இசையை நானறிவேன் அது பரிச்சயம் என்று சொன்னது முதல் வழக்கம்போல் இல்லை…சிலர் எனைப்பற்றி100க்கு 100 அப்படியே சொன்னது முதல் காணப்படவேயில்லை எமது பக்கம்…

சில பக்கங்கள் போலிகளையும், சில பக்கங்கள் வக்கிரங்களையும், சில பக்கங்கள் காமத்தையும் சில பக்கங்கள் ஏன் தனித்தனியாக சொல்லிக் கொண்டு எல்லாவற்றையுமே சொல்லிச் செல்கின்றன…சில பக்கங்கள் காலை வணக்கம், நல்லிரவாகட்டும் என்று முகமன் சொல்லியே மறைந்து விடுகின்றன…

நிறைய பேருக்கு இந்த சமூகதளங்கள் பொழுது போக்கு. எம் போன்றோர்க்கு சரித்திரப் பதிவுகள். உண்மை தவிர வேறு ஏதும் செய்தியாகக் கூட எவருக்குமே பரிமாறக்கூடாது என்ற கொள்கை பிடிப்பு எமை எழுத வைக்கிறது. சில சிகரம் ஏறிய எம் போன்றோரை 142 நாடுகளுக்கு அறிமுகப்படுத்திய இந்த அமுதசுரபியை உடல் நலம் கெடுக்காமல் பயன்படுத்த வேண்டிய அவசியங்கள் உண்டு…பொன்முட்டையிடுகிறதே என்று கோழியை யாரும் அறுத்துக் கொன்று விடக் கூடாது..

யாரும் யாருடைய வாழ்விலும் என்ன நடந்து கொண்டிருக்கிறது என கண்கூடாக அறிய முடிவதில்லை ,அறிய முடியாது என்ற ஒரே காரணத்தை முன் வைத்து எவரும் எவரையுமே ஏமாற்றி செல்லக் கூடாது, கருத்து வேறுபாடுகளை பிரிவுரையாக கருதி விடக்கூடாது.

மானிடம் என்பதே மகிமை அதில் மண்டிய யாவுமே பெருமை ,
மங்கை மலர்களே அருமை அவர் அற நெறி ஆபரணமே பொறுமை..
வாழ்க்கை என்பதே வசந்தம் அதை வாடாமல் வளர்ப்பதே வயதின் இதம்..
சேர்க்கை என்பதே ஆனந்தம் அதில் சேர்ந்தே இருப்பதே புனிதம்..
வாலிபம் என்பதே பூவின் முகம் அதை வாடாமல் வைப்பதே அன்பு அகம்

முடிந்தவரை நாட்டுக்கும் வீட்டுக்கும் மக்களுக்கும் பயன்பட இந்த அறிவியலை பயன்படுத்தும் முறைகள் இருந்தால் அது பலம்..இல்லையேல் அவரவர்களுக்காகவாவது அது பயன்பட்டால் அது சுகம்..நிறைய உறவுகள் இதன் மூலம் பிறந்திருக்கின்றன. ஆனால் இருக்கின்றனவா என்றால் அது கேள்விக்குறிதான்.. நல்ல நட்பு வளையம் விரிந்தபடியே சில பெரியோர் வளர்த்தி செல்கின்றனர். அதைப் பார்க்கும்போது வியப்பாகிறது…இதை வைத்து இந்த நாட்டில் ஒரு புரட்சிக்கு வித்திடும் முன் அவரவர் எண்ணங்களை தூய்மை செய்து கொள்வோம்.

அறிஞர் அண்ணா, காமராசர், இராஜாஜி போன்றோரும் பெரியார், திரு.வி.க போன்றோரும் தமது கருத்துகளில் வேறுபாடு கொண்டிருந்த போதிலும் அவரவர் கருத்துகளில் சாகும் வரை மாறாத உறுதிப்பிடிப்போடு இருந்த போதிலும் நல்ல நட்பு, நல்ல உறவு,ஏன் குடும்ப அளவிலான உறவுகளைக் கூட பேணிக்காத்து தமது மானிட மேன்மையை, பண்பின் பொலிவை, அருமையை, நாகரீகத்தை கைவிடாது அனைவரும் ஒருவருக்கொருவர் இன்றியமையாது இனிது வாழ்ந்தை நாம் நினைவில் கொள்ள வேண்டியது அவசியம்.

முடிந்தவரை சிந்தையின் சிறகுகளை விரித்துச் செல்வோம்…
நன்றி
வணக்கம்

மறுபடியும் பூக்கும் வரை
கவிஞர் தணிகை..


தமிழகத்தின் அரசியல் அபாய மேகங்கள்:கவிஞர் தணிகை

பிப்ரவரி 17, 2015

 

sky1

தமிழகத்தின் அரசியல் அபாய மேகங்கள்:கவிஞர் தணிகை
பாட்டாளி மக்கள் கட்சி சேலம் மாநாட்டில் முதல்வர் வேட்பாளர் அறிவித்திருப்பதும்- குடும்ப அரசியல் எல்லா கட்சிகளிலும் ஊடுருவி வருவதும்- திருவரங்கம் சட்டமன்றத் தொகுதியின் சற்றேறக்குறைய ஒரு இலட்சம் வாக்கு வித்தியாசத்தில் ஆளும் கட்சி வென்றிருப்பதும்.. தமிழ்நாட்டின் 2016 சட்டமன்ற தேர்தல் இப்போதிருந்தே களம் கட்டத் தயாராவதை சுட்டிக் காட்டுகிறது.

கடந்த பிப்ரவரி 15 ஞாயிறு சேலம் மாங்கனி நகரில் நடந்த மாநாட்டில் இவர்களிடம் குறையோ, கறையோ இல்லை என்பது போல திராவிடக் கட்சிகளும், காங்கிரஸ் கட்சியும் தமிழகத்தை வேட்டையாடிவிட்டன என்றும், இவர்கள்தான் மீட்டெடுக்கப் போகிறார்கள் தமிழகத்தின் சுடரொளியை சுதந்திர தீபத்தை, பொருளாதார மேம்பாட்டை என்பது போலும் ஒருகாலத்தில் இவர்கள் குடும்பத்தில் இருந்து வாரிசு அரசியல் நடத்த வந்தால் பொது இடத்தில் கட்டி வைத்து சவுக்கால் அடிக்கலாம் என்ற நிறுவனரின் குடும்ப வாரிசு, கட்சி வாரிசு, இன்று தமிழகத்தின் முதல்வர் வேட்பாளராக அறிவிக்கப்பட்டு எதிர்வரும் 2016ல் முதல்வராக ஆதரியுங்கள்…தமிழகத்தின் கோடிக்கணக்கான பேரையும் சந்தியுங்கள், தி.மு.க, அ.இ.அ.தி.மு.க தவிர வேறு எந்த கட்சியினரும் எமது அணி சேரலாம் எமது தலைமையில் என அறிவித்திருக்கிறார்கள்.

0 (6)

தற்போது தர்மபுரி பாராளுமன்ற தொகுதி உறுப்பினராய் இருக்கும் முன்னால் மத்திய சுகாதார மந்திரியாக இருந்த இவர்தான் நாட்டுக்கே 108 ஆம்புலன்ஸ் சேவை தந்ததாகவும், இவர் பதவிக்கு வந்தால் நாட்டில் இலவசம் மற்றும் இலஞ்சமே இருக்காது என்றும் சொல்லி இருக்கிறார்கள். இவர் மேல் மருத்துவக் கல்லூரிக்கு அனுமதி கொடுத்த வகையில் இலஞ்ச ஊழல் குற்றச்சாட்டு புகார் இருந்தது என்னவாயிற்று என்றே தெரியவில்லை..

எல்லா கட்சிகளிலுமே குடும்ப அரசியல்தானே நடக்கிறது? நாங்கள் வந்தால் என்ன என்றும்? எங்கள் கட்சியில் ஆர்வ மிகுதியால் தொண்டர்கள் மரம் வெட்டிப் போட்டு அன்று மக்களுக்கு இடையூறு செய்தார்கள்…ஏன் அம்மா ஆட்சியில் அவர்களின் கட்சிக்காரர்கள் விவசாயக் கல்லூரி மாணவிகளை பேருந்தில் உயிரோடு கொளுத்தவில்லையா? அவர்கள் இன்று ஒரு இலட்சம் வாக்கு வித்தியாசத்தில் திருவரங்கம் தேர்தலில் வெற்றி பெறவில்லையா என கேட்கிறார்கள்…

இதில் ஒரு ஆபத்து என்ன வென்றால் இவர்கள் இப்படி வாக்கு வங்கியை பிரிப்பதால் மேலும் அம்மாவுக்கு அவர்கள் கட்சிக்கே நன்மை செய்கிறார்கள் மிக சுலபமாக அவர்களே வென்று மறுபடியும் ஆட்சிக் கட்டில் ஏறுமளவு….

9ff6c05a-4585-466e-a1e5-f57b438b5e29

மேலும் ஒரு ஆபத்து என்ன வெனில்..இப்படி தமிழக அரசியல் கூறு போட்டு கூவி கூவி விற்கப்பட்டு வாக்கு வங்கிகள் பிரிந்து காஷ்மீர் மாதிரி அல்லது கலப்பு மந்திரிசபை அமைக்கும்படி வாக்கெடுப்பு முடிவு வந்து விட்டால்,,டில்லி மாதிரி, பாண்டிச்சேரி மாதிரி,ஏன் மகாராஷ்ட்ரம் மாதிரி பதவியை பங்கு போட்டுக் கொண்டு ஆள ஆரம்பிக்க நேரும்படியான அரசியல் மாற்றம் ஒருக்கால் தமிழகத்துக்கு வந்து ஆள் ஆளாக்கு கட்சி கட்சிக்கு 50 , 60 எம்.எல்.ஏ என முடிவுகள் வந்து விட்டால் ஒரு 2 தொகுதி அதிகம் அனைத்து கட்சிகள் வரிசையில் வந்து விட்டால் அவர்களுக்கே கூட முதல்வர் பதவி என்ற காலம் வந்து விட்டால், ஒருக்கால், ஒருவேளை இந்த பாட்டாளி மக்கள் கட்சி கூட ஆளும் கட்சியாக இவர்கள் சொல்லும்படி மதிப்பிற்குரிய அன்புமணி இராமதாஸ் – சாதியக் கட்சி என ஆரம்பிக்கப்பட்டு இன்று நாடாள முதல்வர் வேட்பாளர் என அறிவிக்கபட்டவர் முதல்வர் ஆகலாம்…

கிறிஸ்தவராக பார்த்து , பணி புரிய அந்த நாட்டுகு வந்த எகிப்திய கிறிஸ்தவர்கள் 21 பேரை நள்ளிரவில் கதவு தட்டி ஐஎஸ் கூட்டி சென்று கடற்கரையில் கழுத்தறுத்து கடலில் இரத்தம் கலக்க விட்டு தமது வீரத்தை நிரூபித்திருப்பது போல.. அது மதவாத தீவிர வாதம் இது சாதிய வாத தீவிர வாதம்.

7facb93e-e092-447c-a2f4-f493a04e586bOtherImage

தமிழகத்தில் அரசியல் களம் முன் எப்போதிருந்ததையும் விட மிக மோசமாக சென்று கொண்டிருப்பதன் அடையாளத்தை ஜனநாயக முகமாக கண்டு வருகிறோம்.

தமிழக மக்களும் மிக நேர்மையானவர்கள்…வாங்குகிற காசுக்கு, தின்கிற பிரியாணிக்கு, குடிக்கிற மதுவுக்கு தவறாமல் சென்று வாக்கு அளித்துவிடுகிறார்கள்…அப்படியானால் எல்லா வாக்குகளுமே ஆளும் கட்சிக்கு திருவரங்கத்தில் அப்படி விலைக்கு வாங்க, விற்கப்பட்டவைதானா? என்றொரு கேள்வியும் இருக்கலாம்… வாங்கினாலும் வாங்காவிட்டாலும் கவரில் வைத்துவிட்டு சென்று இருப்பதாகவும் வீட்டில் மட்டுமல்ல வீதியிலும் நேரடியாக கொடுத்ததை புகைப்படத்தில் பதிவு செய்து ஊடகங்கள் போட்டும் இருக்கின்றன. அம்மா ஜெவுக்கு இருந்த வாக்கு வித்தியாசத்தை விட இருமடங்கு வித்தியாசம் சேர்த்து தமக்கு பின் வந்த தி.மு.கவை அ.இ.அ.தி.மு.க தோற்கடித்திருக்கிறது.ஏறத்தாழ 2 இலட்சத்துக்கும் மேலான வாக்குகள் உள்ள தொகுதியில் ஒரு இலட்சம் வாக்கு வித்தியாசத்தில்.அதிலும் தி.மு.க தவிர வேறு நின்ற மார்க்ஸிஸ்ட் கட்சியும் பி.ஜே.பிக்கும் வைப்புத்தொகையே கிடைக்கவில்லை என்பதும் கவனிக்கத் தக்கது.

50 ஆண்டுகளுக்கும் மேலாகவே வாக்குக்கு பணம் கொடுக்கும் பழக்கம் தமிழகத்தில் இருந்து ஜனநாயகத்தை ஊடுருவி வருகிறது பூநாகமாக. 15 ஆண்டுகளுக்கும் மேலாகவே மதுப்பழக்கம் ஊடுருவி வருகிறது தமிழகத்தின் மாபெரும் விலக்கமுடியாத விளங்காத பிணியாகவே… தற்போது டில்லியில் மட்டுமே மக்களே ஜனநாயக வலிமையை உணர்ந்து வாக்களித்திருக்கிறார்கள். இது மட்டுமே ஒரு ஆறுதலான செய்தி.

இந்நிலையில் பா.ம.க..சேலம் மாநாட்டுக்கு சென்ற ஒரு 18 வயது கூட நிறையாத ஒரு பள்ளிச் சிறுவன் சொல்கிறான் ..ஒரு பிரியாணி பொட்டலம், ஒரு முழு நீள மது பாட்டல், மதுவிலக்கு வேண்டி கையொபமிட ஒரு பேனா கொடுக்கபப்ட்டதாக எந்த அளவு உண்மை என அறுதியிட்டு சொல்ல முடியவில்லை…ஆனால் அன்றைய தினம் அரசு மதுபானக்கடைக்கு வருவாய் அள்ளி இருக்கிறது என்பதை உறுதியாக சொல்ல முடிகிறது..எப்படி திருவரங்கத்தில் 35 கோடி ரூபாய்க்கு மது விற்பனை நடந்தது தேர்தல் முன்னிட்ட ஒரு நாளில் 4 கோடிக்கு அதிகமாக விற்பனை நடந்தது என ஊடகங்கள் புள்ளி விவரம் தந்திருக்குமளவு சொல்ல முடியவில்லை என்றாலும்..

Statue_of_Kamarajar

 

எனக்கு நண்பரக்ள் என்ற முறையில் இந்த கட்சியில் உள்ள மிக மிக முக்கியமான முன்னணி தலைவர்கள் சிலரை தெரியும். இவர்கள் எல்லாமே வாழ்நிலையில் மிகவும் சாதாரணமாக பொருளாதாரத்தில் இருந்து வந்தவர்களே..ஆனால் இன்று கார், சொகுசு வாழ்க்கை, பங்களா ஆடம்பர வசதிகள்…நூற்றுக்கணக்கான கோடியில் சொத்துகள், ஏன் சிலருக்கு அயல்நாட்டில் எல்லாம் ஆயிரக்கணக்கான கோடிகளில் எல்லாம் கூட சொத்து இருப்பதாக செய்திகள் உலவுகின்றன.. எல்லாமே எப்படி வந்தன? பஞ்சாயத்து, ஒப்பந்தப் பணிகள்,, அடுத்தவரை அழுத்தி மேல் ஏறுதல் ஆகியவற்றை இந்த அரசியல் பின்னணிகள் இவர்களுக்கு வாய்ப்பாக வழங்கியதே…

அடுத்து வரும் பிப்ரவரியில் 22 ஆம் தேதியில் திருமாவளவன் விடுதலைச் சிறுத்தைகள் கட்சியினர் மாநாடு நடத்த இருப்பதாகவும்,,,பா.ம.கவுக்கு வந்த கூட்டத்தை விட அதிகம் கூட்டம் திரட்டப்பட வேண்டும் என்ற வேண்டுகளோடுன் சில செய்திப் பதிவுகள் கண்டேன்.

இவை எல்லாமே எதைக் காட்டுகின்றன என்றால் அரசு எந்திரங்கள் பாழானதையே…இவர்கள் பதவிக்கு வந்து என்ன செய்தாலும் அவை வழக்காக மாறினாலும் சட்டத்துக்கும் நீதிக்கும் ஒரு பங்கு அளித்து விட்டால் வழக்கில் இருந்து விடுபட்டு விட்டால் கறையில்லாமல் தூய்மையுடையவராய் மாறி மக்களுக்கு வழிகாட்டும் தூய ஆத்மாவாக மாறிவிடுவதுதான்….நீதிபதி பதவிக்கே இலஞ்சம் கொடுத்து சேர்கிறார்கள் என்னும்போது நீதியின் விலை எப்படி, எவ்வளவு இருக்கும் என்பதை யாவரும் யூகிக்கலாம்..

தேர்தல் ஆணையம் ஆணி புடுங்கி அற்புதப்பணி செய்வதாகவே சொல்லப்பட்ட போதிலும் தேர்தலில் கொடுக்கப்பட வேண்டியதும், வாங்கப்பட வேண்டியதும், விற்கப்பட வேண்டியதும் மிகவும் சரளமாக தாரளமாக நடந்தேறி விடுகின்றன…இனி உன்னையே நீ அறிவாய் என பேசியதற்காக விஷக்கோப்பை வழங்கி ஜனநாயகம் சாக்ரடீஸை கிரேக்கம் கொன்றது போல வாக்கெடுப்பு இங்கே உண்மை பேசுவோருக்கு எதிராகவும் ஒன்று திரண்டு வாக்கு வழங்கி கொன்று தீர்க்கலாம்..

மறுபடியும் பூக்கும் வரை
கவிஞர் தணிகை.


இந்தியா உலகக் கோப்பையை தக்கவைத்துக் கொள்ளுமா? கவிஞர் தணிகை

பிப்ரவரி 16, 2015

maxresdefault (3)
இதுவரை பாகிஸ்தானிடம் உலகக் கோப்பையில் மட்டும் இந்தியா தோற்றதேயில்லை என்ற பெருமையை நேற்றும் தக்கவைத்துக் கொண்டு 2015ன் உலகக் கோப்பையின் முதல் போட்டியிலேயே 2011ன் உலகக் கோப்பையை வென்றவர்கள் தோற்றார்கள் என்ற அவப்பெயரில் இருந்து தம்மை மீட்டுக் கொண்டு பழமையை பெருமையை தக்கவைத்துக் கொண்டது.அப்படியே உலகக் கோப்பையை வெல்லுமா என்றால் அது வெறும் கனவே.கனவு கைகூடுமா? கோப்பை கை வருமா?

இதுவரை 127 ஒரு நாள் போட்டிகளில் மோதி 72 ஆட்டங்களை பாகிஸ்தான் வெற்றி கொள்ள இந்தியா 51 போட்டிகளில் மட்டுமே வெற்றி கண்டுள்ளது.4 போட்டிகள் இரு அணிகளுக்கும் வெற்றி தோல்வி இல்லாமல் சமநிலையில் முடிந்துள்ளது.

14 நாடுகளின் அணிகள் மட்டுமே கலந்து கொள்ளும் இந்த கிரிக்கெட் உலகக் கோப்பைக்கு வியாபாரம். பணப்புழக்கம் அதிகம். இதை உலகக் கோப்பை என்பதே கூட சற்று மிகையானது..

பாகிஸ்தான் இதை விளையாட்டுக்கும் மீறி நேசிக்க ஆரம்பித்து எல்லையோரத்தில் அத்து மீறி இவர்கள் படு தோல்வி அடைந்ததற்காக துப்பாக்கி சூடு நடத்தி இரு நாடுகளுக்கான சண்டை செய்ய ஆயத்தமாகி இருப்பதும், தோற்றவுடன் தொலைக்காட்சிப் பெட்டிகளை உடைத்தும் தமது விளையாட்டு சிந்தனைக்கும் மீறிய வெறியை காட்டியுள்ளனர்.

இத்தனைக்கும்..பாகிஸ்தான் காப்டன் மிஸ்பாவே இந்தியர்களை வெல்லமுடியவில்லை..உலகக் கோப்பைகளில் அதற்கு என்ன காரணம் என்றே தெரியவில்லை என்றும், அவர்கள்(இந்தியர் நன்றாக ஆடுகின்றனர், உலகின் தலைசிறந்த பேட்ஸ்மேன் எல்லாம் அவர்கள் அணியில் உள்ளதை உலகே அறியும்) என்று சொல்லி இருக்கிறார். காழ்ப்புணர்வின்றி. இதுதான் ஸ்போர்ட்ஸ்மேன்ஷிப் என்பதற்கேற்ப…பாகிஸ்தானின் 12த் மேன் விராட் கோலிக்கு தாகத்திற்கு நீர் அருந்த தந்திருக்கிறார். விளையாட்டு வீரர்களிடம் நல்ல பரிமாற்றம் தேர்ச்சி இருக்கிறது…காணும் மக்களிடமும் அந்த எண்ணங்கள் சிறந்தோங்குவது அவசியம்.

இந்தியாவின் பலமாக இன்றைய ஆட்டத்தில் சிகார் தவான், விராட் கோலி, ரெய்னா விளங்கினார்கள் பேட்டிங் சைடில்…பந்துவீச்சு கூட குறை சொல்ல முடியாமல் அனைவருமே தமது பொறுப்புணர்ந்து வீசினர்..மொகித் சர்மா முதல்….சிகாரின் அவுட் ஏற்க முடியாமல் இருந்தது… மனிதர் சற்று உஷாருடன் கோட்டுக்குள் மட்டையை உள் செலுத்தியிருந்தால் இந்தியாவின் ஆட்டம் மேலும் தூக்கலாக இருந்திருக்கும்..மற்றபடி சில கேட்ச்கள் தவற விட்டது…ஏற்றுக் கொள்ளக் கூடியதாகவே இருந்தது…ரெய்னாவாக இருந்திருந்தால் கோட்டுக்குள் தாவி விழுந்து விக்கெட்டை காப்பாற்றிக் கொண்டு விளையாடி இருப்பார். ஷிகார் மலை கொஞ்சம் அசந்து போய் விட்டது..

ஆனால் தோனி, அஜிங்காரஹனே,ஜடேஜா ஆகியோர் அவுட் ஆனதும், பாகிஸ்தான் ஹேட்ரிக் பாலில் 3 அவுட்கள்கொடுத்ததும் சாம்பியன் அணிக்கு அழகு சேர்க்காமல் அசிங்கமாக இருந்தது…ரோஹித் சர்மாவும் பரிமளிக்கவில்லை..

இந்திய அணி பழைய காலக்கட்டத்தில் முதலில் ஆடும் சிலபேர்விழுந்த வுடன் சீட்டுக்கட்டு கலைவது போல அவுட் ஆகும் வரலாற்றை திரும்பவும் செய்கிறது..இது இவர்களுக்ககான பெரிய பலகீனம்…இது இவர்களை இந்த உலகக் கோப்பையின் இறுதி வரை கொண்டு செல்லுமா என்பதே கேள்விக்குரியாக்குகிறது.

அயர்லாந்து அணி மேற்கு இந்திய தீவு அணியை வென்று அசத்தி உள்ளது…ஜிம்பாப்வேயிடம் திணறிப்போய் தென் ஆப்பிரிக்கா அணி 5 ஆவது விக்கெட் ஆட்டத்தில் வென்றுள்ளது..இப்படி எதிர்பார்க்காத சிறு அணிகள் என்று கணிக்கப்பட்ட அணிகளிடம் பெரிய அணிகள் அடி வாங்கி அந்த சிறிய நாடுகளின் அணிகள் கூட கால் இறுதி அரை இறுதிக்குள் நுழைய வாய்ப்புள்ளது…பங்களாதேஷ் கூட நல்ல ஆட்டம் ஆடலாம்.. எனவே இந்தியா இங்கிலாந்து, ஆஸ்திரேலியா, நியூஸ்லாந்து தென் ஆப்பிரிக்கா போன்ற அணிகள் மட்டுமல்ல இந்த 14 அணிகளில் இம்முறை ஆச்சரியமான விளையாட்டுகளை வருகிற 40 நாட்களில் நாம் வேலை வெட்டி இல்லாமல் இருந்தாலும் எல்லாவற்றையும் மறந்தால் நாம் பார்க்கலாம்.

ஏ,பி வரிசைகளில் வரிசைக்கு 7 அணிகள் இடம்பெற இந்த இந்தியா பாகிஸ்தான் அணி ஆட்டமே உலகக் கோப்பை வெல்லும் ஆட்டத்தை விட அதிக எதிர்பார்ப்புடன் காணப்பட்டது. நாட்டில் வெளியே எவரையுமே காணவில்லை…தொலைகாட்சிப் பெட்டிக்குள் தலையைஅ விட்டிருந்தவர் யாவரும் போட்டி முடிந்தவுடன் தான் வெளியே வந்து சுவாசிக்கவே ஆரம்பித்தனர்.

எதற்கிந்த அதிகபடியான ஆர்வம் என்பதே விளங்கவில்லை…காலையில் டாஸ் வென்ற அணி முதலில் இந்தியா பேட்டிங் தேர்வுடன் கங்கூலி சொன்னபடி 300 ரன்னை எட்டியது ஆனால் 290க்கும் மேல் சென்று 300ஐ எட்டுவதற்குள் படாத பாடு பட்டது. இரசிகர்களையும் படுத்தி விட்டது…மதியம், மாலை வேளையில் பந்து வீச்சாளர்கள் இந்தியர் நெஞ்சி பாலை வார்த்தனர்.

அந்த அடிலேடில் ஆஸ்திரேலிய மைதானத்தில் இரண்டாவதாக பேட்டிங் செய்பவர் இதுவரை வென்றதாக இல்லையாம்..நேற்றும் அப்படியே…

இதுவரை உலகக் கோப்பையில் பாகிஸ்தான் இந்தியாவை வென்றதாக இல்லையாமே
..நேற்றும் அப்படித்தான்… ஆனால் டென்டுல்கர்,கபில் சாதனைகளை விராட் கோலிசதம் போட்டு மிஞ்சிவிட்டார்…ஆரபத்திலேயே 2 ஹேட்ரிக் சாதனைகள் நிகழ்த்தப்பட்டுள்ளன…அனால் ஹேட்ரிக் போட்ட இரு அணிகளுமே தோற்ற கணக்கில் ஆட்டம் துவங்கி உள்ளன…

இந்த உலகக் கோப்பை ஆட்டங்களில் மேலும் பல சாதனைகள் ஈட்டப்படும், மேலும் பல சாதனைகள் முறியடிக்கபப்டும்…கிரிக்கெட் ஒரு பைத்தியக்கார விளையாட்டு. நாளை பொழுதை விழுங்கி ஏதும் செய்ய வழி விடா விளையாட்டு. எனவேதான் ஆக்கபூர்வமாக ஏதாவது செய்ய விரும்புவோர் இந்த சினிமா, கிரிக்கெட் பக்கம் எல்லாம் திரும்பவே கூடாது என்கிறது உள் மனது. ஆனால் ஆசை யாரை விட்டது…நானும் மகனும் இவருக்கு இன்று கணக்கு திருப்புத் தேர்வு +1. நேற்று கிரிக்கெட் பார்த்தோம்…

கவிஞர் தணிகை
மறுபடியும் பூக்கும் வரை.


மீ நாட் சார், நோ இங்கிலீஷ்,வாக்கிங்…மார்பெலும்பு முறிந்தது: கவிஞர் தணிகை

பிப்ரவரி 14, 2015

 

suresh

மீ நாட் சார், நோ இங்கிலீஷ்,வாக்கிங்…மார்பெலும்பு முறிந்தது: கவிஞர் தணிகை
மீ நாட் சார்? என்ன மீனாட்சியா? நோ இங்கிலீஷ்…ஓகே யூ நோ இங்கிலீஷ் தென் டெல்…நகைச் சுவையும் விளையாட்டு வினையும்… எங்கிருக்கிறோமோ, எங்கு செல்கிறோமோ அந்த மொழியறிவு அவசியம்..தொடர்பு இடைவெளி சில வேளைகளில் மரணத்தைக் கூட தந்து விடுகிறது..அலபாமா- அமெரிக்காவில் சுரேஷ்பாய் படேலுக்கு நேர்ந்த அவலம்..

நீங்களும் அறிந்திருப்பீர்கள்…இந்தியரான சுரேஷ் பாய் படேல் முதியவர் தமது மகனைப் பார்க்கவும், அப்படியே சுற்றுலாப் பயணியாகவும் அமெரிக்கா சென்றவர் அலபாமா மாவட்ட காவல்துறையினரால் அடித்து வீழ்த்தப்பட்டிருக்கிறார்.அலபமாவில்.அங்கு தான் இவரது மகன் பணி புரிகிறார்.நிலைமை கவலைக்கிடம்.

அப்படியே வீட்டில் அடைந்து கிடக்க முடியாமல் வெளியில் ஒரு வாக்கிங் சென்று வரலாம் எனச் சென்றவருக்கு அமெரிக்காவின் நவீன கட்டடஙகள் வியப்பளிக்க ஒரு கார் பார்க்கிங் பார்த்து அண்ணாந்து அல்லது வாய் பிளந்து உற்று கவனித்துப் பார்த்திருக்கிறார். பட்டிக்காட்டான் மிட்டாய் கடையை கண்டது மாதிரி என ஒரு பழமொழி உண்டு. அதன் படி இவர் வியந்து பார்த்ததை…தவறாக பொருள் கொண்ட அங்கிருந்தவர்கள் காவல்துறைக்கு தகவல் தர…அட இது என்னடா அமெரிக்கா இவ் எழவு இவ்வளவு மோசமான சந்தேகத்தில் ,தீவிர வாத பயத்தில் மூழ்கிப் போய் விட்டது..குற்றம் தோன்றக் காரணமான நாடு…குற்றமுள்ள நெஞ்சு குறுகுறுக்கும்…

உடனே காவலர்கள் வந்த் விசாரிக்க.இவர் அறிந்த ஆங்கிலத்தில் 2 வார்த்தைகள்…நோ இங்கிலீஷ்…( நோ இங்கிலீஷ் என்ற வார்த்தை இவரைப் பொறுத்த வரை ஆங்கிலம் தெரியாது என்றுசொல்ல, ஆனால் பேசும்போது நோ இங்கிலீஷ் என்பது ஆங்கிலம் தெரியும் என்ற பொருளும் வரும்) அடுத்து வாக்கிங்…என்று சொல்லி பாக்கெட் உள் கை விட்டாராம் உடனே ஆய்தம் எடுக்கிறார் என தப்புக்கண்க்கு போட்ட – அட இந்த போலீஸ்காரர்களுக்கு தமிழ் நாடு போலீஸ் பரவாயில்லை…அவர் வயது உருவம் எதையும் கணக்கில் எடுத்துக் கொள்ளாமல் கீழே குப்புறத் தள்ளி இருக்கிறார்கள் கையை பிடித்துக் கொண்டு…கீழே விழுந்தவருக்கு மார்பு எலும்புகள் முறிந்தன..முதுகுஎலும்பு பாதிப்பு முகத்தில் இரத்தம்…மயக்கம்…மருத்துவ மனை அனுமதி இந்திய வெற்று வேட்டு வெளியுறவுத் தூதரகம் உரிய அலுவலரை அழைத்து தமது ஆட்சேபணையை தெரிவித்துள்ளதாம்,,,

 

291105police1

அமெரிக்கா சுற்றுலா மற்றும் மகனைப் பார்க்கப் போன படேலுக்கு கொஞ்சம் ஆங்கில அறிவை புகட்டி இருக்கலாம்… முன் தயாரிப்பு செய்திருக்கலாம்…கையை விட்டு அவர் பாக்கெட்டிலிருந்து அடையாள அட்டை ,முகவரி அட்டை ஏதாவது எடுக்கிறாரா எனக்கூட கவனிக்காமல் என்ன போலீஸ் இவர்கள் எல்லாம்?வெளி நாடு போகிறவர்களுக்கு எல்லாமே இது பாடம்…இந்த விஷியத்தில் சீக்கிய, அல்லது வங்காள், வடக்கு இந்தியாவில் இருந்து நமது மாநிலத்துக்கு பயிற்சி பதவிக்கு வரும் இந்திய நிர்வாக ஆணைப் பணியாளர்களைப் பாருங்கள்…சீக்கிரம் அந்த இருக்குமிடத்தின் மொழியை கற்றுக் கொள்கின்றனர்…மொழியறிவு அவசியம்..அந்த இடங்களின் மொழியறிவை நாம் கற்றுக் கொள்ளத் தயாராய் இருந்தால் போதும் அந்த மக்கள் நமது ஆர்வத்தைப் பார்த்து மனமகிழ்ந்து அவர்களாகவே கேட்காமல் கூட உதவி செய்து விடுவார்கள்…சில நேரம் தவறான புரிதல்களும், அதன் விளைவுகளும் நேர்வதுண்டுதான்.

தற்போது டில்லியில் ஒரு பெண் இடம் தெரியாமல் பேருந்தில் போய் கடைசி வரை சென்று நடத்துனராலும், ஓட்டுனராலும் கற்பழிக்கப்பட்டது போல மிகப்பெரும் அசம்பாவிதம் கூட இந்த தொடர்பு இடைவெளிக் குறைபாட்டினால் ஏற்படுவதுமுண்டு..

நான்,ஆந்திரா, ஒரிஸ்ஸா, டில்லி, கர்நாடகா,கேரளா,ம.பி…சட்டீஸ்கர், இப்படி திரிந்தபோது ஏற்பட்ட அனுபவம் இது போல மொழியறிவு குறைந்தபோது நிறைய சுவையானவை.

ஒரு முறை ஆந்திராவின் தலைநகர் ஹைதராபாத்தில் …எமது அலுவலகம் லேக் ஹில் ரோட்…அங்கிருந்து காலையில் பிர்லா மந்திர் சென்று திரும்புகையில்..ஒரு வீட்டில் நிறைய ஆயுதம் ஏந்திய காவலர்கள் பாதுகாப்புக்காக…நான் பாபு பாய் படேல்போல உற்று பார்த்தவாறு வந்தேன்…உடனே என்னை என் தோற்றத்தை பார்த்த காவலர்கள்…பிரெஞ்கட் தாடி மீசையுடன் இணைந்து..ஒரு கூலிங்கிளாஸ்… தலையில்தொப்பி, ஒன்று திரைப்பட இயக்குனர் போல இருக்கும் அல்லது தீவிரவாதி போலத்தான் இருக்கும்…ஒரு முறை நான் கொண்டு சென்ற மிகப்பெரிய பெட்டியில் இருந்த அலுவலக பைல்களை எல்லாம் பெட்டி திறந்து பெங்களூரில் இருந்து ஹைத்ராபாத் செல்ல பேருந்து ஏறும்போது…கர்நாடகா மெஜஸ்டிக் பேருந்து நிறுத்தத்தில் சோதித்து அனுப்பினர்… பார்ப்பவர் பார்வையில் நான் எப்படி தெரிந்தேனோ? 144 தடை உத்தரவு போட்டு கர்வ்யூ இருக்கும்போதும் கூட ஹைதராபாத் ரயில் நிலையம் முதல் எமது அலுவலகத்துக்கு நடந்தே கூட சென்றிருக்கிறேன். ஆய்தம் தாங்கிய காவலர்கள் ஏதுமே என்னைக் கூப்பிட்டு அப்போதெல்லாம் விசாரித்ததில்லை..அந்த நிலைமை அப்படி..

ஒரு முறை டில்லியில் எனது பெட்டியை பாலம் ஏர்போர்ட்டில் சாவகாசமாக வைத்து விட்டு சற்று வேறிடம் சென்றபோது பெங்களூர் செல்லும் இந்தியன் ஏர்லைன்ஸ் விமான சர்வீஸ்க்காக காத்திருக்கும்போது உடனே காவலர்கள் வந்து அதை எடுத்துக் கொள்ள வற்புறுத்தினர்…அப்போது எனது தலையில் வெள்ளைக் குல்லா…

 

14MA_TUT-ADGP_1082477f

அப்படித்தான் இந்த ஹைத்ராபாத் போலீஸ் கண்ணுக்கு நான் எப்படி தெரிந்தேனோ? யார் என்ன என விசாரித்தனர்…அருகே இருக்கும் அலுவலகத்தில் பணி புரிகிறேன்..நான் தமிழ்நாடு என்றேன் அந்த வீடு ஆந்திராவின் (பிரியாமல் தெலுங்கானாவும் சேர்த்த) உள்ளாட்சித்துறை(ஹோம் மின்ஸ்டர் ஹோமாம்..நான் அப்படி பார்த்திருக்கக் கூடாதாம்..அப்போது எல்.டி.டி.இ…நேரம்…என்னைப் பார்த்தாலும் ஒருவேளை அப்படி இருந்திருக்கிறேனோ?ஒரு சிலர் மலையாளி என்பார், ஒரு சிலர், கிறிஸ்தவர் என்பார் ஒருசிலர் முஸ்லீம் என்பார் தாடி மீசை பார்த்து,,ஒரு சிலர் ஐ.கே. குஜ்ரால், அறிவுஜீவி டைப்- பத்திரிகையாளர், அறிவியல் விஞ்ஞானி என்பார்… எப்படியோ அவரவர் கண்களுக்கு பார்வைக்கு நான் நானாகத் தெரியவே இல்லை..)விசாரித்து விட்டு விட்டு விட்டார்கள்…

இப்போது நான் சொல்லப்போவது இன்னும் கொடுமை: நல்ல பள்ளிதான். முதல்வருக்கு தமிழ் தெரியாது. அது ஆங்கில மெட்ரிக் பள்ளி…முதல்வர் மிலிட்டரி பள்ளியில் பணி புரிந்தவர்..தெலுங்கு, இந்தி, ஆங்கிலம் தான் தெரியும்..இன்னும் சில ஆண்டுகள் ஆகியும் உள்ளூர் மொழியறிவு இல்லாமல் இருக்கிறார். என்னை விட நமது வடநாட்டு கலெக்டர்களை விட இவர் மோசம் மொழியை கற்றுக்கொள்வதில்…ஆர்வம் இல்லையோ?

ஒரு தீயணைக்கும் உருளையை அதன் இறுதி தேதி வேறுபக்கம் ஒட்டி புதுப்பித்திருக்க…+1 மாணவர்களில் சிலர் அது தெரியாமல் மூடியை கழட்டவும் முடியாமல் அந்த தீயணைப்பு உருளை காலாவதி ஆனது எனக் கருதி…அதில் உள்ளே என்ன இருக்கிறது என ஆராய்ச்சி மூளையுடன் உடைத்துப் பார்க்க அதன் மூடி திறந்து முதலில் கார்பன் டை ஆக்ஸைடும்,அதன்பின் பவுடரும் கொட்டி சத்தம் வர ..எல்லா மாணவர்களும் விட்டு விட்டு பி.2 வகுப்பில் புகுந்து கொள்ள… ஓடி வந்த பள்ளி முதல்வர்…பி.1 மாணவர்களிடம் விசாரணை என்ற பேரில் ( அந்த புகையில் ஓடிய எந்த மாணவர் உருவமும் தெளிவாக தெரியாததாலும், அவர்கள் ஓடி எந்த வகுப்பில் புகுந்து கொண்டார்கள் எனத் தெரியாத காரணத்தாலும் கோபம் வேறு)

கேட்டிருக்கிறார்கள்…அவர் ஆங்கிலத்தில் கேட்க…ஒரு மாணவர் மீ நாட்,சார், மீ நாட் சார்(அவருக்கு அவ்வளவுதான் ஆங்கில மொழியறிவு…தமிழ் வழிக்கல்வி படித்து இந்த ஆண்டுதான் இந்த பள்ளியில் சேர்ந்தவர்…)என்றிருக்கிறார்… உடனே இவர் மீனாட்சியா ஹூ இஸ் தட்…கால் ஹிம் என்று தமது பூட்ஸ் காலால் எல்லாம் உதைத்து ஓய்ந்து விட்டு…அது அவர்கள் பெற்றோர் வரை சென்று அது ஒரு பிரச்சனையாகவும்..மேலும்…இந்த முதல்வர்…யாரையும் அடிக்க மாட்டேன் சொல்லிவிடுங்கள் என கேட்க..

அதை செய்த மாணவர்கள் எழுந்து உண்மையை ஒப்புக் கொள்ளவும்…அட இதை கேட்டிருந்தால் நானே காலை பிரேயர் அசம்பிளியில் செய்து காண்பிக்கச் சொல்லி இருப்பேனே…என அங்கலாய்க்க… அடிவிழுந்த மாணவனை எல்லாம் மறந்து விட்டனர்…

இதையே முன்னால் பணியில் இருந்த முதல்வர் அல்லது வேறு யாராக இருந்தாலும் யார் என்பதை தெரிந்து கொண்டு அபராதம் விதித்து அதற்கான செலவை பெற்றோரிடம் திணித்து வசூல் செய்திருப்பார்…எல்லாம் வெவ்வேறு வகை..

அனுமதிச் சீட்டு இல்லாமல் பயணம் செய்த மாணவர்களை ரெயில்வே டிக்கட்பரிசோதகரும் ரெயில்வே போலீஸும் முட்டி போட வைத்தார்கள் ரயில்நிலையத்தில் என்ற ஒரு செய்தி…அதற்கு அவர்களுக்கு உரிமை இல்லை…நீதிமன்றம்தான் அவர்கள் தண்டனையை தீர்மானித்திருக்க வேண்டும் என எழுதுகிறார் ஒரு நண்பர்…எது சரி அவரகளை நீதி மன்றம் கொண்டு சென்றிருக்க வேண்டுமா அல்லது மண்டி இடவைத்து ஓடுங்கடா வீட்டுக்கு அப்பா அம்மாவிடம் சொல்லி விடுவோம் என.. இனி இது போல்செய்யாதீர்கள் என்பது சரியா என்பவை போன்றவை எல்லாம்…மாறுபட்ட கோணங்கள்…மாற்றம் தரும் விளைவுகள்..

மொத்தத்தில்…தமது பக்க நியாயத்தை எடுத்துச் சொல்ல பாதிக்கப் பட்டவர்களுக்கு அல்லது விசாரணைக்கு உட்படுத்தப்படுவார்க்கு சந்தர்ப்பங்களும்,வாய்ப்புகளும் விசாரிப்பவர் பக்கம் இருந்து ஏற்படுத்தி தர வேண்டியது தலையாய கடமை…அதை மறந்தால் இது போன்ற எல்லா அவலங்களும் இருக்கு.ம் உலகில் எங்கேயும் நடக்கும்

கவிஞர் தணிகை
மறுபடியும் பூக்கும் வரை.

பி.கு: காவல்துறையைப் பார்த்து எந்த காரணம் கொண்டும் நல்லவர்கள் பயந்து கொள்ளக் கூடாது என்பதும் அவசியமான ஒன்று.சரியாக தொடர்பு இடைவெளி இல்லாமல் சம்பவத்தின் போது தொடர்பு கொண்டு தெளிவாக பேசினால் அவர்களே உதவுவார்கள் என்பதும் மறுக்க முடியா உண்மை


ஆணவம் இருக்கிற இடம் எதுவாய் இருந்தாலும் அங்குசம் தேவை :…கவிஞர் தணிகை

பிப்ரவரி 13, 2015

220px-Racinet2

 

ஆணவம் இருக்கிற இடம் எதுவாய் இருந்தாலும் அங்குசம் தேவை :…கவிஞர் தணிகை
நல்ல உயரம்..திட காத்திரமான தேகம் உருவம்,கரு கருவென நரைக்காத தாடி மீசை சேர்ந்திருக்க உடன் காவி வேட்டி கட்டி உரக்கப் பேசிக் கொண்டிருந்தார் ஒருவர் அந்த கோழிப்பண்ணை வீட்டில்…நடைப்பயிற்சியில் அந்த வீட்டில் நடந்தது வித்தியாசமாக இருக்கவே…
**********************************

cb81db79f8c66cfe553e816cdf3f35db

 

முருகனுக்கு (பெயர் மாற்றப்பட்டுள்ளது) வயது 35..திருமணமாகி குழந்தையும் உள்ளது..மேற்கு தொடர்ச்சி மலைச் சாரல் அடிவாரத்து ஊர் ஒன்றில் ஒரு மடத்துடன் தொடர்பு வைத்து மாதேஸ்வரமலை சாமிக்கு சிவராத்திரி பூஜை செய்ய அழைப்பிதழ் அச்சடித்து காவிவேட்டியுடன் உடன் ஒரு இளைஞரை அழைத்துக்கொண்டு தற்காலத்திய புதிய மாடல் மோட்டார் பைக்கில் சேலம்சென்று விட்டு குறுக்குவழியில் ஊர் திரும்பிக்கொண்டிருக்க

வயிறு கிள்ளியது..கொண்டு வந்திருந்த கட்டுச்சோற்றை எங்கு சாப்பிடலாம் எனத் தேடி சாலையோரம் இருக்கும் வடக்கு பார்த்த காளியம்மன் கோயிலில் மரத்தடியில் சற்று அமர்ந்து விட்டு ஊர்ந்துகொண்டிருந்த எறும்புகளுக்கு சற்று இரைத்துவிட்டு உண்ண ஆரம்பிக்கிறார்கள் இருவரும்…
******************************
காளமேகம் வீட்டில் இருந்து பார்க்கிறார். யாரோ இருவர் வந்து கோயிலில் அமர்கிறார்கள்,படுக்கிறார்கள், தண்ணி அடிக்க(மது குடிக்க) கோவில் வளாகத்தை பயன்படுத்துகிறார்களோ? ஏற்கெனவே நாலைந்து முறை விநாயகர் சிலை, கலசம்,பீரோவில் இருந்த காசு பணம், கட்டியிருந்த ஒலிபெருக்கி எல்லாம் திருட்டுபோன நினைவில் கோபம்..

ஏய்! யார்ரா இது இங்கு வந்து என்ன பண்றீங்க?

பார்த்தா தெரியலை சாப்பிடறோம்

என்னடா ராங்கா பதில்சொல்றே? இங்கெல்லாம் சாப்பிடக்கூடாது,எழுந்து போ

போய்யா நீ அப்படித்தான் சாப்பிடுவோம் நீ யார் கேட்க

சாப்பிட்டுக் கொண்டே இருக்கிறார்கள்…சொல்லிக்கிட்டே இருக்கேன் என்னடா சொன்ன பேச்சு கேட்க மாட்டேங்கறீங்க…

யார்ரா வந்து கூட்டுவா? இப்படி இறைத்து இருக்கீங்க சாப்பாட்டை..உங்களை என்ன பண்றேன் பாரு என இருசக்கர வாகனத்து சாவியை எடுத்துக் கொண்டு சென்று விடுகிறார் கோவில் உரிமையாளர் காளமேகம்.

உடனே முருகன் சென்று சாவி என்ன சாவி இந்தாங்க வண்டியையே வைத்துக்கொள்ளுங்கள் என வண்டியை கொண்டு சென்று அவர்கள்வீட்டுக்குள் நிறுத்தி விட்டு…
வண்டி எப்படி வாங்கறதுன்னு தெரியும்.. நீங்களே எப்படி கொண்டு எங்க கொண்டு வந்து விடப்போறீங்கன்னு பாருங்க என சவால் விட்டு – எனது முகவரி அட்டை கூட இதில் இருக்கு என இவர் பேச அவர்கள் வீட்டில் இருந்துவந்த காளமேகம், அவரது மனைவி, அவரது தாய், தந்தை எல்லாரும் பிலு பிலு வென பிடித்துக்கொள்கிறார்கள்..என்னடா எங்க வந்து என்னடா பேசறே?
எங்கவீட்டுக்கு வந்து எங்களையே மிரட்டறீயாடா என கோபம்கொள்ள
முருகன் சத்தமாக ..மரியாதைஇல்லாமல் பேசறீங்களே அது சரியா என கேட்க…

காரசாரமாக சொற்போர் மரியாதை இல்லாமல் சென்று கொண்டிருக்கிறது ..சண்டையில் என்ன சிங்காரம் என்ற பழமொழிக்கேற்ப….

************************************

எழிலன் வழக்கம் போல் சென்று கொண்டிருந்தார் தம் நடைப்பயிற்சியில்…என்னடா இது காளமேகம் வீட்டில் ஏதோ வாக்குவாதம் ..சண்டையாக நடக்கிறது… ஒரு இளைஞர் வேறு அவர்கள் வீட்டுக்கு செல்லும் வழியில் கல் மேல் அமர்ந்திருக்கிறார். உள்ளே மிகுந்த காரசாரமான சத்தம்…என்ன என்று பார்க்கலாமா? கேட்கலாமா என யோசித்தபடியே கடந்து செல்கிறார்…சலையில் அவர்கள் எல்லையை..

ஏதாவது ஹீமு கோழி ஏமாந்த விசியமா? ஏமாந்த இலட்சம் அவர்களுக்கு சாதாரணம். வீட்டின் தம்பி குடும்பம் சிங்கப்பூர் வாழ்க்கை..ஓய்வில்லா முழுநேரப்பணி, காடு கழனி, குத்தகை விவசாயம், கோழிப்பண்ணை, ஆடு, அதல்லாமல் கெமிகல் கம்பெனி வேலை…இப்படி நிறைய அவர்களைப் பற்றி சொல்லலாம்..
ஏதாவது பணம் கொடுக்கல் வாங்கல் விஷியமா?
அவர்கள்வீட்டில் வந்து அப்படி கோபமாக இத்தனை ஆண்டுகளில் எவருமே பேசியது இல்லையே… சரி சரி என எண்ண வேகத்தை கட்டுப் படுத்திக் கொண்டு சென்று திரும்புகிறார்.

ஊரின் பேருந்து நிறுத்தம்: அதே நபர் உடன் கடைக்காரர் கஜபதி, வேலன், கண்ணன், வேலாயுதம் எல்லாம். என்னங்க என்றால்…இவர் வெள்ளியூராம்..கோவிலில் சாப்பிட்டுக்கொண்டிருந்தவர்கள் வண்டியை காளமேகம் அப்பா சித்தன் பிடுங்கி வைத்துக்கொண்டு தர மாட்டேன் என்கிறாராம்…

அட இது தானே …வாங்க பார்க்கலாம்.. என அழைக்க…எவருமே அவர்கிட்ட பேசமுடியாது சார், என மறுக்கின்றனர்.

முருகனை மட்டும் கூட்டிக் கொண்டு அவர் வேறு ரொம்ப பிகு. காவி வேட்டிகட்டிக் கொண்டு மரியாதை எதிர்பார்க்கும் நபராக,,,இல்லை சார் இன்ஸ்பெக்டர் எங்க மடத்துக்கு
ஸ்டூடன்ட்…நான் அவர்கிட்டே பேசிட்டேன்…அவர் உள்ளூர் எஸ்.ஐ இடம் பேசுவார் என்றெல்லாம் டாம்பீகம் பண்ணிக்கொண்டே வந்தார்..

நான் உள்ளே வரவில்லை…நீங்களே பேசுங்கள்..மதியாதார் வாசலை மிதியக்கூடாது…மரியாதைஇல்லாமல் பேசுறாஙக சார். என…

எழிலன் சென்று என்ன பிரச்சனை, அந்த ஆள் ஏதோ இன்ஸ்பெக்டரிடம் எல்லாம் பேசிக்கிட்டிருக்கார்,
அடநாங்களும் தான் உள்ளூர் எஸ். ஐ இடம் பேசி இருக்கிறோம்…அந்த ஆள்வரட்டும் பார்க்கிறோம் ஒரு கை என்றார்கள்…

அட அவன் வண்டியில் பாருஙக ஆக்ஸாபிரேம் எல்லாம் வைத்து இருக்கான்,திருட வந்திருக்கான் சார், நாங்க தெரிந்து கொள்வோம் என்றவுடன் வண்டியில் இருந்த ஆக்ஸாபிரேமிலிருந்த பிளேடை மட்டும் கழட்டிக் கொண்டு எதுக்கு சார் போக வேண்டும் எனப் பேச

எழிலன்: இல்லை அம்மா அவர் ஏதோ கோவில் மகாசிவராத்திரி என்கிறார் அழைப்பிதழ் நோட்டீஸ் கொடுத்தபடி சேலத்தில் இருந்து வரும் வழியில் சாப்பிட வழியில் உங்க கோவில் என தெரியாமல் உட்கார்ந்தார்களாம் உணவு அருந்த …பாருங்க நோட்டீஸ் என காண்பிக்க அதெல்லாம் இருக்கட்டும் சார்…உள்ளூர் காவல்துறை வந்த பின்னே அவர்கள் வந்து வண்டியைத் தரட்டும் என..

பிரச்ச்னையை பெரிசாக்க வேண்டாம், என எழிலனின் வேண்டுகோளுக்கு இருசாரரும் சற்று இணங்கி வர,,,வண்டி எண்ணை குறித்துக் கொண்டு வண்டியை தர முருகனோ ஊஹூம் நான் உள்ளே வர மாட்டேன்..சார் நீங்கள் எனக்கு உதவுவதாக இருந்தால் ஒன்று செய்யுங்கள் அந்த வண்டியை நீங்களே எடுத்துவந்து கொடுங்கள் என அவரும் எடுத்து வந்து கொடுக்கும்போது எதற்கு ஆக்ஸா எல்லாம்…அடநீங்க என்ன சார் ,,அவர்களை மாதிரியே கேட்கிறீர்

எறும்புகளுக்கே சோறு இட்டு விட்டு உண்பவர் நாங்கள்…என்ன கொலை செய்யவா கொண்டுவருவோம்..எங்களுக்கு எங்க ஊரில் வாட்ச்கடை இருக்கிறது… கண்ணாடி அறுக்கத்தான்…சேலத்தில் இருந்து வாங்கி வந்தோம்…

ஒருவழியாக பிரச்ச்னை ஓய்ந்தது முடிந்தது… பேருந்து நிறுத்தத்தில் நீங்க போனீங்களாதான் சரியாஇருக்கும்… நாங்க எல்லாம் வந்தா சரியா இருக்காது…என்ன உங்களுக்குத்தான் இருட்டுகட்டி இரவாகி வெகுநேரம் எப்படி வெகுதொலைவு போவீங்களோ?என அனுதாபத்துடன் விசாரித்தனர்…எல்லாமே வாய் பேச்சும் வீச்சும் அதிகம்….அரசுக்கு வேலையே இல்லை…இவர்கள் வழக்கு ஒன்றுதான் எஸ்.ஐக்கும் இன்ஸ்பெக்டருக்கும்….இவர்கள் இருதரப்புமே பேசிக் கொண்டது ஓவராக இருந்த விளைவே இந்த பிரச்ச்னை…

காவி வேட்டி கட்டியும் அவர்களுக்கு ஆணவம் போகவில்லை…காவி வேட்டி ஒரு வசதிக்குத்தானாம்…தம்பி உங்களுக்கு வயது 35…நாங்க கலரில் தான் இருக்கிறோம்…கசாயத்தின் நடிப்புஇல்லை…ஆனால் 30 ஆண்டுகளுக்கும் மேல் தியானம் செய்கிறோம் என எழிலன் சொல்லியபடியே அவர்களை மேலும் தாமதிக்காமல் வண்டியை எடுத்துக் கொண்டு அவருக்காக காத்திருந்த அவருடைய பயணத் தோழரையும் கூட்டிக் கொண்டு வண்டியை ஓட்டிச் சென்றார். ஒன்றுமில்லாத பிரச்சனதான்…விட்டால் இது எவ்வளவு தூரம் வேண்டுமானாலும் போகும்…

மனிதர்களிடம் ஆணவம் அதிகமாகிவிட்டது கசாய காவி கட்டியபோதும், கோவில் கட்டியபோதும் குடும்பம் நடத்திய போதும் கை நிறைய சம்பாதித்த போதும்…இவர்களுக்கு எல்லாம் எதுவோ உள்ளூற ஒரு குறை…அது இது போன்ற சம்பவங்களில் பிறர்மேல் கோபமாக வெளிப்படுத்தப் பட்டு விடுகிறது..

கோபத்தை பட்டுப் போக செய்யலாம் தியானம் செய்யுங்கள்.

மறுபடியும் பூக்கும் வரை
கவிஞர் தணிகை.


டில்லியின் வெளக்கமாறு இந்தியா முழுதும் கூட்டுமா? கவிஞர் தணிகை

பிப்ரவரி 12, 2015

kejriwal-1_350_102412090040

 

டில்லியின் வெளக்கமாறு இந்தியா முழுதும் கூட்டுமா? கவிஞர் தணிகை
கோமாளிகள், பைத்தியக்காரர்கள்,குல்லா குரங்குகள் என்ற ஆம் ஆத்மிக்களுக்கு 67க்கு 3.., 95%க்கும் கூடுதலான எம்.எல்.ஏக்கள் நிரப்பல்..சோனியாவுக்கு, மோடிக்கு,கிரண் பேடிக்கு, அன்னா ஹசாரேவுக்கு வேண்டாத ஒதுக்கப் பட்ட அரவிந்த் கெஜ்ரிவால் டில்லியின் பெரும்பான்மையான மக்களுக்கு வேண்டியிருக்கிறார் தேவைப்பட்டிருக்கிறார். காதலர் தினத்தில் ராம்லீலா மைதானத்தில் முடி சூடல்…

அன்னை தெரஸாவிடம் பயிற்சி பெற்ற அரவிந்த் கெஜ்ரிவாலுக்கு நண்பர்கள்தான் மாதம் 25,000 கொடுத்து செலவை ஏற்றிருக்கிறார்கள் போதவில்லை என்றால் மனைவி சுனிதா தருவாராம்…இன்று டில்லியின் முதல்வர்…

 

obq9v

மோடிக்கு குஜராத்தில் கோயில் கட்டி விட்டார்கள்..நாதுராம் கோட்ஸேவுக்கு கட்டுவேன் என கூக்குரல் எழுப்பினார்கள்…வாங்கிய வெளக்காமாத்து அடி கொஞ்சம் அவர்களை அமைதியடையச் செய்யட்டும்…

இவர்கள் நிதானமாக அரவிந்த் கெஜ்ரிவாலின் வழிகாட்டுதலில் வேறு எந்த தேர்தலிலும் இந்த இடைக்கால ஒரு ஆண்டில் போட்டியிடாமல் களப்பணி ஆற்றியது இவர்களுக்கு இந்த மாபெரும் இமாலய வெற்றி கிடைக்கச் செய்திருக்கிறது. இதே களப்பணி தொடர்ந்து மக்கள் பிரச்சனைகளிலும் நல்ல மாறுதல் நிகழ இந்த ஆட்சி உதவும் என்று நம்புவோமாக.

கடந்த பாராளுமன்ற தேர்தல் போது தமிழகத்தில் உதய குமார் கூடங்குளம்…சென்னையில் பிரபல நடிகர் நடிகையரை எல்லாம் தொடர்பு கொண்டனர் அவசர கோலத்தில் அள்ளி தெளித்தவாறு…சென்னை எழுத்தாளர் ஞாஞி போன்றோர் இடைத்தேர்தலில் இதன் சார்பாக நின்று படுதோல்வி அடைந்தார் என்பதை நாம் நினைவில் கொள்ள வேண்டும்.

டில்லி வரை சரக்கு வாகனம் செலுத்தி வரும் பொதுநல ஆர்வலர்..கடந்த முறை கெஜ்ரிவால் பதவி ஏற்பு நிகழ்கையில் அவர் கட்சி சார்ந்த கூட்டம் பயணியர் ரயிலில் கட்டணம் செலுத்தி அனுமதிச் சீட்டு பெறாததையும், இவரின் ஒரு பெண் மந்திரி ஒரு அங்காடியில் அடி வாங்கியதையும், குறிப்பிட்டார்..

ஏன் கெஜ்ரிவாலுக்கும் கூட கூட்டத்தில் முகத்தில் குத்து விழுந்தது உண்மைதான்…அவரை 4 காவலர், கால் இரண்டையும் கை இரண்டையும் பிடித்து போராட்டக் களத்தில் இருந்து அப்புறப்படுத்தி கைது செய்ததும் கூட நடைபெற்றதுதான்.

Kejriwal_protes6421

நைஜீரியா சார்ந்த பெண் போதை மருந்து விவகாரத்தில் இவரது ஒரு மந்திரி ஈடுபட்டு கெட்ட பேர் வாங்கியதும் உண்மைதான்

இவர் தமக்கு காங்கிரஸ் ஆதரவுடன் கிடைத்த முதல்வர் பதவியை ராஜினாமா செய்ததும் சரியில்லை என பகிரங்கமாக மக்களிடம் மன்னிப்பு கேட்டதும் உண்மைதான்…

ஆனால் எல்லாவற்றையும் மீறி இன்று டில்லி மக்களின் ஏகோபித்த ஆதரவுடன் அரியணை ஏறுகிறார். மக்கள் துயர் துடைப்பார் என நம்பலாம்.இதே வெளக்கமாத்து அடி இந்தியா முழுதும் இந்த வெறும் பயல்களுக்கு காசு பண வாக்கு வியாபாரம் இன்றி கிடைக்குமா? அதற்கு இனி அரவிந்த் கெஜ்ரிவாலும் அவரது ஆட்சியும் விதையாகுமா? அந்த இலட்சிய வேட்கை இந்தியாவெங்கும் அணையா தீபமாக ,காட்டுத் தீயாக பரவி இந்தியாவுக்கு ஒரு வெளிச்சம் கிடைக்குமா? என்ற ஆர்வம் இந்தியா எங்கும் இந்த தேர்தல் முடிவுகள் ஏறபடுத்தி உள்ளன.

எனது வலைப்பூவில் கூட இது குறித்து தேர்தலுக்கு முன் 8ஆம் தேதி வாக்கில் பதிவு செய்யப்பட்ட நடிகை கிரணும் அரசியல் கிரணும் என்ற நகைச்சுவை பதிவை உலகெங்கும் ஆயிரக்கணக்கான வருகையாளர்கள் வந்து ரசித்துள்ளனர். நல்ல எழுச்சி உள்ளது.

இந்தியாவின் தலைநகர் டில்லி இனி இந்தியாவின் அரசியல் வெளிச்சத்துக்கும் தலைநகராக விளங்கினால் பெருமகிழ்வடைவோம்… வெறும் வேடிக்கைக்காக துடைப்பத்தை கையில் ஏந்தி போலித்தனமாக நடித்து வந்த மோடி அரசின் வேசத்தை வெகு சீக்கிரமாகவே கலைத்து விட்டனர் மக்கள்… அதற்கு இந்த கெஜ்ரிவாலின் துடைப்ப சின்னம் நல்ல பதிலாக அமைந்து மக்களுக்கு ஏன் இந்திய மக்களுக்கே ஒரு நல்லாட்சி மலர ஒரு விடிவு ஏற்படுத்தட்டும்..காலம் 4 ஆண்டுகளுக்கும் மேல் காலம் இருக்கிறது நாடு அடுத்த பாராளுமன்ற தேர்தலை சந்திக்க… அதற்குள் வலுப்பெற திட்டம் செயல்பாடு எல்லாம் வேண்டும்… முடிந்தால் தமது தூய்மையான காந்திய அரசை அதன் ஆதரவை பிற மாநிலங்களில் நடக்கும் சட்டசபைத் தேர்தல்களிலும் இடைத்தேர்தல்களிலும் கூட பாங்காக கலந்து கொண்டு மெதுவாக காலூன்ற முயற்சிகள் மேற்கொள்ளலாம்…

நாம் இந்த இடத்தில் ஒன்றை நினைவில் கொள்ள வேண்டும்..சோனியா காந்தியை சந்திக்க அப்பாய்ன்ட்மென்ட் கேட்டு அவரை சந்திக்க அவரால் வாய்ப்பு மறுக்கப்பட்ட கெஜ்ரிவால் இன்று டில்லியின் முதல்வர்… பிரதமர் நரேந்திர மோடியை சந்தித்து தமது பதவி ஏற்பு விழாவில் கலந்து கொள்ள அழைத்திருக்கிறார்…காங்கிரஸ் அங்கே தலைமையகத்தில் பூஜ்யமாக கிடக்கிறது…

காலம் தம்முள் எவ்வளவு வி(ந்)தைகளைக் கொண்டிருக்கிறது? இன்னும் எவ்வளவு வி(ந்)தைகளை நமக்கு காண்பிக்கப் போகிறதோ…இந்தியாவின் நல்லாட்சி மலர்தலுக்கு இந்த தலைநகரின் சிறு மாறுதல் நாட்டுக்கே பெருமாறுதலாக முன்னோடியாக விளங்கட்டும் என இந்த பதிவு மூலம் யாம் நமது மகிழ்வின் விழைதல்களை உரித்தாக்கிக் கொள்கிறோம். இது ஒரு 46 வயதின் சாதனை தான் சந்தேகமில்லை அதிலும் இவர் என்போன்ற நேரு யுவக் கேந்திராவின் சேவையாளர்களுக்கு இளையவர்…

1945482
ரிலையன்ஸ் குழுமத்தோடு பகைத்துக் கொண்டார்…இவரை காந்தியைப் போல போட்டுதள்ள மாட்டார்கள் என்பது என்ன நிச்சயம்…என ஆம் ஆத்மியாக ஒருவர் அச்சபடுகிறார்…ஆனால் இவருக்கு இஜட் பிரிவுடன் ஆயுதம் தாங்கிய 30 காவலர்கள் இனி இவரைக் காப்பார்கள் இவரது பயணத்தின் போது என்கிற செய்தி இவர் போன்ற நண்பர்களுக்கு பதிலாகிறது.

மறுபடியும் பூக்கும் வரை
கவிஞர் தணிகை.


நள்ளிரவில் ஒரு உயிரின் பூபாளம்- கவிஞர் தணிகை

பிப்ரவரி 9, 2015

நள்ளிரவில் பூபாளம்- கவிஞர் தணிகை
நள்ளிரவில் ஒரு இனிய உதயம் இது ஜப்பானில் அல்ல பாரதத்தில் பா ரதத்தில்தான்.

6131293-Palani_Murugan_temple_Palani

உன்
இரட்டைப் பின்னலை
என்னைப் போல்
இன்னொருவர்
நேசிக்க முடியாது
ஏன்?
நீயே நேசித்திருக்க முடியாது!

என் மனத்தேரை
உன்னோடு
கட்டி விட்டதற்கான காரணங்களுள்
இந்த இரட்டைப் பின்னலிட்ட வடமும்
ஒன்று என்று
கற்பித்துக் கொண்டிருக்கிறேன் – நான்

உன்
ஒவ்வொரு மயிர்க்காலுக்கும்
ஒராயிரம் மணி மகுடங்கள்
சூட்ட முடியும்
என் கவிதையினால்!

ஏனென்றால்
கவிஞனுக்கு ஒப்புமை சொல்ல
கடலும் இணை இல்லை!

மலர் வேண்டாம்
உன் கூந்தல் குளிர் போதும்

கவிஞர் தணிகை
மறுபடியும் பூக்கும் வரை.

கவிதை என்றால் பைபிளில் சொல்லப்பட்ட ஆட்டிடைச் சிறுவன் தாவீது – கோலியாது என்ற மாமிச மலையை ஒரே கவண் கல் வீச்சில் நெற்றிப் பொட்டில் அடித்து வீழ்த்துவது போல ஒரே அடி அடித்து ஆளை வீழ்த்த வேண்டும். வார்த்தைகளின் மிச்சம் எச்சம் இருக்கக் கூடாது.நிறைய வார்த்தைகளின் சிந்துதல் இருக்கக் கூடாது.

இக்காலத்துக்கும்,எக்காலத்துக்கும், முக்காலத்துக்கும் பொருந்த வேண்டும்.


நடிகை கிரணும் அரசியல்வாதி கிரணும்: ஒரு நகைச் சுவை ஒப்பீடு:கவிஞர் தணிகை

பிப்ரவரி 8, 2015

bedi

 

நடிகை கிரணும் அரசியல்வாதி கிரணும்: ஒரு நகைச் சுவை ஒப்பீடு:கவிஞர் தணிகை
ஐ.ஏ.எஸ். ஐ.ஏ.எஸ்தான் , ஐ.பி.எஸ் ஐ.பி.எஸ்தான்..அன்பே சிவம் படத்தில் கிரண் அழகாகவே இருந்தார்…வின்னர் இது ஒரு இந்தி படத்தின் தமிழாக்கம் தாராளமாக அனைவருக்கும் தமது உடலை விருந்தாக்கி இருந்தார்…எல்லாம் வாய்ப்புக்காக அது போல அம்மா கிரண்பேடி( பேடி என்றால் பயம்?)…அவர்களும் முதல்வர் வாய்ப்புக்காக…

திஹார் சிறையில் சீர் திருத்தம் என்றவரை பாதியிலேயே அந்த பொறுப்பில் இருந்து நீக்கினார்கள்,உலகே இருண்டு விட்டது என்றார்கள்…ஒன்றுமே நடக்கவில்லை…இவரின் வேஷத்தை கலைத்தது இந்த டில்லி சட்டசபைத் தேர்தல்தான். இவர் வெளி நாட்டில் இருந்த அரசியல் ஆளும் கட்சித் தலைவரின் சட்டத்துக்கு புறம்பாக சாலையில் நிறுத்தப்பட்டிருந்த வாகனத்தை கொக்கி போட்டு கிரண் வைத்து சாரி கிரேன் வைத்து தூக்கி சாலையில் இருந்து அப்புறப்படுத்தியதற்காக கிரண் பேடி சாரி கிரேன் பேடி என்றழைக்கப்பட்டதாக சொன்னார்கள்…ஆனால் இதற்கும் இவருக்கும் துளியும் தொடர்பில்லை ஒரு எஸ்.ஐ. ரேஞ்சில் இருந்த போலீஸ் செய்தது அது…ஆனால் காவல் தலைவராக அப்போது இவர் டில்லிக்கு இருந்ததால் இந்த பேர் இவருக்கு தவறாக வந்து விட்டது என்கிற அரசியல் தோலுரிப்பு இப்போது கிடைத்தது…

vadivelu

மிக நேர்மையான காவல்துறை ஐ.பி.எஸ் என்று இவரை வைத்து வைஜெயந்தி ஐ.பி.எஸ்போன்ற சினிமாக்கள் இந்தி,தெலுங்கு, தமிழ் போன்றவற்றில் கொடிகட்டிப் பறந்தது…இவரும் டில்லி முதல்வராக காரில் கொடி கட்டி பறக்க ஆசைப்பட்டார்.ஆனால் அது முடியாது என்கின்றன தேர்தல் களத்தின் வாக்குச் சாவடி முனை தோராய முடிவுகள்

இவர் நமோவை சந்தித்தது முதல் மாறி இந்த முதல்வர் பதவிக்கு ஆசைப்பட்டார். காந்தி மார்க்கம் என்று சொல்லி வந்த இவரை மாற்றி ஒரே பதவி மோக மார்க்கத்தில் தள்ளி…பி.ஜே.பி முதல்வர் வேட்பாளராக ஆனார். எல்லாம் ஒரே மார்க்கம்தான்…ஆம்..

அந்த கிரண் ரத்தோட் எனப்படும் நடிகையும் வாய்ப்புக்காக தமது திறந்த மேனி காண்பித்து வாய்ப்பு மேலும் மேலும் கிடைக்கும் என்று ஆசைப்பட்டார். இவரும் முதல்வர் பதவிக்கு ஆசைப்பட்டார்…நிர்வாக ஆசை கைவிடுமா ?காந்தி கொள்கை காற்றோடு போக காவிக் கொள்கை பிடித்துக்கொண்டது.. இவருக்கென்ன டில்லி முதல்வர் இல்லை என்றால் நமோவின் கண் பார்வை பட்டால் போதுமே வேறு ஏதாவது பதவி கைக்கு வரும் கவலை இல்லை…எப்படி அந்த கிரணுக்கு அந்த மேனி காட்டிய பிறகு வாய்ப்பு வரும் என்ற கனவு நிறைவேற வில்லையோ அது போல டில்லி முதல்வர் கனவு நிறைவேறாது போலிருக்க…இந்த வாக்குச் சாவடி ஊடக முடிவுகள் எல்லாம் பெரிதாக எடுத்துக் கொள்ள வேண்டாம் என்கிறார்….கீழே விழுந்தாலும் மீசையில்லா முகத்தில் மண் ஒட்டவே ஒட்டவில்லை என்று..

பாத்திமா பீவி போன்றவர்க்கு பணத்தாசை, இவருக்கு பதவி, நிர்வாக ஆசை…கிரண் நடிகைக்கோ வாய்ப்புக்கான ஆசை…ஆசை யாரை விட்டது?

 

kiranrathodmoviestills_099

அண்ணா ஹசாரே, அரவிந்த் கெஜ்ரிவால் போன்ற காந்திய ஆர்வலர்களுடன் இயக்கம் செய்து விட்டு டில்லி முதல்வர் பதவி ஜெயித்தால் என்ற மோடியின் மண்புழு இரைக்கு இந்த மீன் இரையாகிவிட்டது…கொக்காக வாய்ப்பை பயன்படுத்த நினைத்தார் மக்காகி விட்டார் அட கொள்கையில்லாத கிரண்…எப்படியாவது தலைமைப்பதவி வேண்டும் இந்த அரவிந்த் கெஜ்ரிவாலுக்கு எதிராக நின்று முதல்வராக வேண்டும்…மீனை எடுக்கப் போன கொக்கு நண்டிடம் கழுத்து மாட்டிக்கொண்ட கதை …

என்னதான் இருந்தாலும் ஐ.பி.எஸ் ஐ.பி.எஸ்தான் ஐ.ஏ.எஸ் ஐ.ஏ.எஸ்தான்…
போலீஸ்காரர்களுக்கு என்று தனி புத்தி அது சந்தர்ப்பம் பார்க்கும், வேவுபார்க்கும்,வாய்ப்பு பார்க்கும்…ஆனால் நிர்வாகம் சொன்னால் செய்து கொண்டு சல்யூட் அடித்து விட்டுப் போக வேண்டியது தான்.

சில நல்ல போலீஸ் அதிகாரிகளின் குடும்பங்கள் வெளிப்பார்வைக்கு நன்றாகவே இருக்கும்…ஆனால் அவர்களின் மனைவி மார்களைக்கூட இரக்கமின்றி அப்புறப்படுத்திய செய்திகள் எல்லாம் உண்டு.எல்லா துறைகளிலும் நல்லவர் கெட்டவர் உண்டு என்று சொல்வதற்கேற்ப இந்த துறையிலும் ஸ்ரீபால் போன்ற காவல் துறைத் தலைவர்கள் எல்லாம் இருந்ததுண்டு…காவல் துறை நண்பர்களை எல்லாம் வேண்டும் என்று ஏறபடுத்திய நல் உள்ளங்கள்,சைலேந்திரபாபு,பொன் மாணிக்க வேல் போன்ற நான் பார்த்த நல்லவர்களும்,,, நாஞ்சில்குமரன் போன்ற சின்சியரானவர்களும்,,மேல்மட்டத்தில் இருந்து கீழ் மட்டம் வரை இருந்ததுண்டு..

 

seriousa-pesuren-sirippu-police-ngra

சினிமாவில் எல்லா நடிகை நடிகர்களுக்குமே இந்த காவல்துறை ஆடைகள் பொருத்தமே.டி.எஸ்.பி சவுத்ரி முதல்…அடங்கொப்புரான சத்தியமா நான் ஒரு காவல்காரன் எம்.ஜி.ஆர் முதல்…அது சிரிப்பு போலீஸ் வடிவேலாக இருந்தாலும் சீரியஸான போலீஸாக இருந்தாலும் போலி போலீஸாக இருந்தாலும் நடிகைகளுக்கும் இது பொருந்தும் ரோல்தான்…கமல், சூரியா, அஜித்,விஜய்,சத்யராஜ் ஏன் எல்லாருக்குமே இந்த போலீஸ் போலி ட்ரெஸ் பொருந்தும்

ஆனால் இந்த மாஜி போலீஸ் அம்மாவுக்கு அரசியல் ட்ரெஸ் பொருந்தவில்லை என்பதுதான் நிதர்சனம்…

கவிஞர் தணிகை
மறுபடியும் பூக்கும் வரை


விடியும் வரை பேசினோம்: எழுதுகிறேன் ஒரு கவிதை: கவிஞர் தணிகை

பிப்ரவரி 7, 2015

விடியும் வரை பேசினோம்
விதைத்து, பின்
விளைச்சலை
உடனுக்குடன்
களத்தில் கொண்டு சேர்த்தினோம்!

விளக்கணைக்க கூசினோம்
மலரின் வாசம் போகவில்லை
மயக்கம் இன்னும் தீரவில்லை

வாடிய பூக்களாய்
வார்த்தை கொட்டிக் கிடக்குது
கூட்டிப் பெருக்கி
குப்பையில் போட மனமில்லை
வலையில் போட்டுக் கட்டி வைத்தேன்

காலம் உதிர்ந்து போனாலும்
கட்டியதை பிரித்துப் பார்க்கலாமே
என்று

*****   *****    ******

துளி மாசில்லா ஆழ்கடலில்
துள்ளிடும் மீன் இரண்டு

பள பள வென
விளக்கி வைத்த
குத்து விளக்கில்
சுடர் விடும் இரு நாக்கில்
எரியும் உயிர் தீபம் ஒன்று

இதென்ன வரைந்து வைத்த ஓவியமா?
எனதருமைக் காவியமா?

எளிய ஆடைக்குள் உறங்குவது
உன் உருவமல்ல என் இதயம்
காம நெருப்பை கட்டிக் கொண்டிருக்கும்
உந்தன் பருவம்…

உயிரே ஓவியமாக
உயிரோவியமாக..

 

கருநெளிகுழல்
குறு நெளி இதழ்
முகமதி சுடர்
வதன நுதல்
முதல் ஆரம்பம்
எனது முத்திரைகள்
மயில் கழுத்து அழகா
எனது மங்கை கழுத்து அழகா
விடை தெரியாத குழப்பத்தில்
புதிரான அழகே
உனது புகழே

கருநெளிகுழல்
குறு நெளி இதழ்
முகமதி சுடர்
வதன நுதல்
முதல் ஆரம்பம்

எனது முத்திரைகள்
மயில் கழுத்து அழகா
எனது மங்கை கழுத்து அழகா
விடை தெரியாத குழப்பத்தில்
புதிரான அழகே
உனது புகழே

கருப்பு துக்கத்தின் நிறம்
என்பார்கள்- ஆனால்
எந்த நிறமாயிருந்தாலும்
அது உந்தனிடம் உறவே
பிரிய மறுக்கும் குணமே
பிரிய அடம் பிடிக்கும் தினமே..

 

இந்த முகத்துக்கு ஒப்பனை தேவையில்லை

Most-Expressive-Beautiful-Eyes-of-Asian-Girl

இந்த விழிகளும்

 

இதழ்களும்

என்னை எதுவும்

அறவே இல்லாமல்

கொள்ளை அடித்து சென்று விட்டன

 

எனது இதய அறையில்

எந்த பொருளுமே இல்லை

துடைத்து எடுத்துக் கொண்டாய்

 

பளிச்சென இருக்கிறது

அதில் ஒரே சிறு ஒளியின் கீற்று

 

நீ பேசாது புன்னகை

புரிகிறாய்

எனது மொழிக்கு

மூச்சடைக்கிறது

 

என்ன சிரிப்பு இது

கள்ளச் சிரிப்பு

உனது பெயர் என்ன

 

என்னை எடுத்து விழுங்கிவிட்டு

மேகம் இல்லாத வானம் போல

விரிந்து கிடக்கிறாய்…

venusjupiter

இதழ்களுக்கு

மெல்ல வலி இல்லாமல்

இதழோடு இதழ் தடவி

ஆய்வு செய்யலாமா?

nature-landscapes_other_pink-rose-on-rose-petals_4634

ரோஜா இதழ் மெல்லியதா?

உன்னுடைய உவமை சொல்ல முடியாத

மென்னிதழ்கள் மெல்லியதா என்று?

 

பஞ்சா? பட்டா?

திசுக்களால் ஆனதா

சிக்கல் தீர விடைகொடு…

 

வழிவிடு வரம் கொடு…

ஏய் இதென்ன

மேக இருளிடை

கறையில்லா முழு மதி

 

இதென்ன வேஷமா

வெறும் காட்சிக்கா?

மதத்தின் ஆட்சிக்கா

ஆடையில் அடக்கமா?

அழகை ஒடுக்குமா

இந்த மேல் மூடல்கள்?

 

M4034S-4211

நீலவண்ணம்

ஆழம் அளவிட முடியா

கடலாக இருக்கிறது

என்றாலும்

இதிலும்

அதிலும்

உன் மகிழ் மலர்கள்

எனக்கு சூடிக்கொள்ள்

கிடைக்கிறது.

 

உனது கள்ளமில்லாத சிரிப்புக்கு

உள்ளமெலாம் அடிமையாகிவிட்டது

உண்மையில் இப்படி நீ இருந்தால்

காமம் இல்லாது போய்விடும்..

 

காதல் மட்டுமே மிஞ்சும்

 

தொடக்கூடத் தோன்றுமா?

மனித அழுக்குப் பட்டு விடுமா?

என யோசிக்க வைக்கிற சிரிப்பு

என்றுமே உன் முக எழிலுக்கு

ஒரு  முத்தாய்ப்பு.

 

 

Beautiful-flower-garden-image

 

அழகின் மலர் விரிந்த தோட்டம்

உனக்கு

 

நீ

கவிதை

 

 

கவிதை

கவிதையை இரசிக்க

கவிஞர்

உன் அழகை இரசிக்க

 

இது சரியா தகுமா?

சரி வருமா?

அழகு நங்கையே

அமிர்த கங்கையே

 

அருகிருந்தால்

தரும் இதழ்களை

விடவா  செய்வேன்

விழிகளை

வருடாமல்

உன்னையும்

உனது கண்ணையும்

குளிர் கண்ணாடியையும்

வண்ணத்தையும்

விழிகளில் விரியும்

எண்ணத்தையும்

அள்ளிப் பருக வேண்டும்

 

என

அரிய வாய்ப்பு தந்தாய்

என்றாலும் சிறு பறவை

ஆகாயம் அளக்க முடியாமல்

தவிக்கிறது..

 

சிரிக்கும் இதழும்

சிவந்த நுதலும்

கூரிய நாசியும்

குளிர் தரும் நேரத்திலும்

இளந்தேகம் சூடாக்க

 

வாழைத் தண்டு

கைகள்

வா வா என் கை பிடிக்க

என மெய் கூட்ட

என்ன தேகமடி மானே

உனது

 

 

பொய் புகல முடியாத வடிவில்

விடியாமலே போகட்டுமே

இந்த இரவு….

 

காமத்திற்கும் காதலுக்கும்

ஒரு மெல்லிய கோடே இடைவெளி

 

காமம் தாயாகும்

காதலுக்கு

 

காதல் தாயாகும்

காமத்திற்கும்

 

அளவான காமமும்

அழகான காதலும்

மனிதர்க்கு

என்றுமே அனுமதி

 

இது ஆணுக்கும்

பெண்ணுக்கும் பொதுவிதி

 

இதில் விளைவதே புதுவிதி

உனக்கு

எனது கவிதை

காமம் தரும்

 

எனக்கோ

உனது அழகே

போதை தரும்

 

உடலே கீதை தரும்

 

மெல்லிய மயிலறகால்

நாம் இருவருமே

தடவிக் கொள்கிறோம்

 

இயல்பாகவே

எந்த வித முடுக்கமும் இன்றி

நமது வீணையின் நரம்புகள்

நாதம் இசைக்க தயாராகின்றன

 

இரு உடலும் இணைந்தால்

அது இன்பம் என்னும் இவ்வுலகில்

இரு உயிரும் இணைவதையே

பேரின்பம் என்கிறது

 

எனது ஆன்மா

உனது மடியில் இடம் தேடி

துயில் கொள்ள

வருகிறது

erie_sunset01c

துயர் களைந்து செல்கிறது..

எனது கவிதைகள்

எத்தனையோ முறை எழுச்சி பெற்றது

எத்தனையோ பேருக்கு எழுச்சியூட்டிட

 

ஆனால்

உன்னிடம் தான் மலர்ச்சி யுற்றது

எனது கவிதைகளுக்கு

உன்னிடம் தான்

ஒரு உன்னத வரம் கிடைத்துள்ளது

 

ஒருவேளை இந்த தருணங்களுக்காகத்தான்

இத்தனை நாளாய் எனது வார்த்தைப்பூக்கள்

தவம் கிடந்தனவோ என்னவோ?

அழகே

உனது ஆடையாய் எனது வார்த்தைகள்

வரும்

 

…இனியும் இடைவெளி வேண்டுமோ?

இனி உம் இடை வெளி வேண்டுமா?

 

தாயிடம் பிறந்து வளர்ந்த சிறு பெண்

இயற்கை பூமியின் மேல்

புதுப் பெண்ணாவது போல்

பூப்படைவது போல்

 

இத்தனை நாள் என்னிடம்

விளையாடித் திரிந்த வார்த்தைகள்

உன்னிடம்தான் வந்து

வெற்றிக் கொடி நாட்டி

மகுடம் சூடிக் கொண்டுள்ளன…

 

மலரே நீ என்னை சூடிக் கொள்

மகரந்த மதுவே நீ எனக்குள் உனை புகட்டு.

 

திகட்டாத இரவொன்று நீடிக்க

பகட்டில்லா பாடமாய் நீ இருக்க

எனைப் படிக்க

 

உனை

எனக்கு படிப்பிக்க….

கவிஞர் தணிகை
மறுபடியும் பூக்கும் வரை…


சினிமா பிம்பங்கள் வாழ்வின் சிதைவுகள்:- கவிஞர் தணிகை.

பிப்ரவரி 6, 2015

images (5)

 

சினிமா பிம்பங்கள் வாழ்வின் சிதைவுகள்:- கவிஞர் தணிகை.
திருப்பூரில் சீருடையில் சென்று “என்னை அறிந்தால்” பார்க்க முயன்ற பள்ளி மாணவர்களை முதன்மைக் கல்வி அலுவலர் கண்டு பள்ளியில் இருந்தே இடை நீக்கம் செய்ததாக செய்தி. இந்த பதிவின் காரணம்.

நான் ஆணையிட்டால், அது நடந்து விட்டால்,இங்கு ஏழைகள் வேதனைப்பட மாட்டார்,உயிர் உள்ளவரை ஒரு துன்பமில்லை அவர் கண்ணீர்க் கடலிலே விழமாட்டார்.

இந்த எம்.ஜி.ஆரை விட தமிழ்ப்பட உலகை கலக்கியவர் எவருமே இருக்க முடியாது. அப்போது பிடித்த பிணி இன்னும் நாட்டை விட்ட பாடில்லை…ராமச்சந்திரன் முகத்தை ஒரு முறை காமி,ஒரு இலட்சம் ஓட்டு என்றார் அறிஞர் அண்ணா.

1977 முதல் அவர் முதல்வரானார்.அது முதல் கணக்கிட்டால் சினிமாவின் ஆதிக்கமே தமிழக அரசை ஆட்டிக் கொண்டிருக்கிறது..2014- 15 வரை.அதற்கு முன் கலைஞர் அண்ணாவுக்கு பின் வந்தது கட்சி, தந்திரம் என்ற பேரில்தான் அதிகம்..சினிமா தாக்கம் வசனம் என்றிருந்தபோதும்…சற்றேறக் குறைய 37 ஆண்டுகள்…ஓடி விட்டன…

 

Cinema-4D-Making-of-the-Voxel-Effect-in-Cinema-4D-R15-Special-Intro

சினிமா பார்க்க இன்றும் பள்ளிச் சிறுவர்கள் எட்டாம் வகுப்பு முதல் +2 வரை 19 பேர் சினிமா அரங்கில் இருந்த தகவல் முதன்மைக் கல்வி அலுவலர் திருப்பூருக்கு சென்று அவர்களின் பள்ளிக்கு தகவல் தெரிவிக்கப்பட்டு அந்த மாணவர்கள் பள்ளியில் இருந்து இடை நீக்கம் செய்யப்பட்டதாக செய்தி….

இதற்கு முன்பே இன்று சினிமா பற்றித்தான் எழுதுவது என்று தீர்மானித்திருந்த எம் எண்ணத்தை உறுதி செய்தது. சினிமா என்பது ஒரு கனவுத் தொழிற்சாலை என்றார் சுஜாதா சினிமா என்பது ஒரு தொழில், தொழிற்சாலை, வியாபாரம் , முதலீடு, வருடக்கணக்காக ஏ,பி,சி,சென்டர் என ஓடிக்கொண்டிருந்த பிலிம் டெக்னிக் தொழில் நுட்பம் டிஜிட்டல் மயமாகி உலகெலாம் ஒரேயடியாக வெளியிடப்பட்டு 10 நாள் ஒரு தியேட்டரில் ஓடினால் அதற்கு பெரிய விழா, போஸ்டர்கள் என மாறுபட்டபோதும்.. சினிமா ஒரு கவர்ச்சி இழக்காத ஒரு அழகிய பிசாசு. ஆனால் மிஸ்கின் பிசாசு அல்ல ஒரு தீமை செய்யும் பேய்.

அது தருவது ஒரு போலி சுகம். அதைப்பற்றி எழுதினால்தான் நிறைய பேர்கள் வலைதளத்துக்கு வந்து படிக்கிறார்கள்…பார்க்கிறார்கள்..அடுத்து வருகிறது 45 நாள் உலகக் கிண்ண கிரிக்கெட் விழா…நல்லா படிக்கிற பையன்களும் இதற்கு அடிமையாகிவிட்டால் தற்கொலை அளவுக்கு போவது இயல்பாகிவிடுகிறது.

எனவே நாங்கள் எமது குடும்பத்தில் உள்ள 3 பேரும் அதாவது நான் உட்பட எமது +1ல் படிக்கும் மகன் மணியத்துக்காக இன்னும் ஓராண்டு அதாவது அவரது +2 முடியும்வரை எந்த சினிமாவுமே பார்ப்பதில்லை என முடிவு எடுத்து விட்டோம். அது கமலின் உத்தமவில்லன், பாபநாசம்,விஸ்வரூபம் எதுவானாலும் சரி…

நான் ஆணையிட்டால் என்று பாடியவராலும் ஒன்றுமே செய்ய முடியவில்லை…கண்ணீர்க்கடலிலே ஏழைகள் விழமாட்டார் என்றவர்கள் மதுக்கடலில் அனைவரையும் விழவைத்து மாணவர்களையும் தியேட்டர்களுக்கு வரவழைக்கும் வாழ்வை தந்து விட்டார்கள்…

சினிமா தீர்வு தருவதில்லை…வாழ்க்கைக்கு ஏற்றம் தருவதில்லை. சினிமா பார்க்காத எனது நண்பர் ஒருவர் இளம் விஞ்ஞானியாக அன்றே ஜெயில்சிங் குடியரசு தலைவராக இருந்தபோதே குடியரசு தலைவரின் விருது வாங்கி விட்டார்.சினிமா பார்த்த நான் சிதைந்து தான்போய்விட்டேன்.சினிமா பார்க்காமல் இருப்பதால் ஒன்றுமே குறைந்து விடப்போவதில்லை…மாறாக நேரம் நமக்கு இன்னும் அதிகம் கிடைக்கும் ஏதாவது பயன்படும்படியாக செய்ய என்றே கருதுகிறேன்.

 

1017214-maxon-unveils-robust-cinema-4d-release-16-r16

மறுபடியும் பூக்கும் வரை
கவிஞர் தணிகை.